\" അമ്മേ \"

\" എന്താടാ \"

\" ഒന്നൂല്ല  ഞാൻ വെറുതെ വിളിച്ചതാ \" എന്തോ പറയാനായി വന്നതും ജതിൻ  പറയാതെ ഒഴിഞ്ഞു മാറി,


\" കേസ്  എന്തായി \"


\" അത് ഒരാഴ്ചത്തേക്ക് മാറ്റിവെപ്പിച്ചു അമ്മേ കുറച്ച് തെളിവുകൾ  കൂടി വേണം അവ മിസ്സിഗ് ആണ്  അത് തിരഞ്ഞുകൊണ്ടിരിക്കുക ആണ് \"

\" മ്മ് \"

    അമ്മ ഒന്ന് മൂളിക്കേട്ടുകൊണ്ട്  മടിയിൽ കിടക്കുന്ന മകന്റെ മുടിയിൽ  മെല്ലെ തഴുകി കൊണ്ടിരുന്നു,,


\" അമ്മേ ഞാൻ  ഒരു കാര്യം പറഞ്ഞ അമ്മ സമ്മതിക്കോ \"


\" എന്താടാ നീ പറഞ്ഞോ \"


\" അച്ഛന്റെ കേസ് ഫയൽ എനിക്ക് ഒന്നെടുത്തു തരുമോ \"


\" അതെന്തിനാ \" സംശയത്തോടെ അമ്മ ചോദിച്ചു,


\" വെറുതെ ഒന്ന് നോക്കാൻ \"


\" എന്തിനാ മോനെ ഇപ്പൊ,  അതൊക്കെ കഴിഞ്ഞിട്ട്  ഇരുപത്തേഴ്‌ വർഷങ്ങൾ കഴിഞ്ഞു, \"


\"ആ കേസ് നമുക്കൊന്നൂടെ നോക്കാൻ സമയം ആയി \"


\" നീ എന്തൊക്കെയാ ജതി ഈ പറയുന്നേ  ഒരു കേസിന്റെ കാലാവധി പതിനഞ്ചു വർഷമേ ഉള്ളൂ അത് നിനക്ക് അറിയാതിരിക്കാൻ വഴി ഇല്ലല്ലോ \"


\" അത് കോടതിയിൽ അല്ലെ  അമ്മേ  \"   ഗൂഢമായ ഒരു ചിരിയോടു കൂടി ജതിൻ അത് പറയുമ്പോ അമ്മയുടെ മനസ്സിൽ ഭയം ആയിരുന്നു,


\" അച്ഛന്റെ കേസ് ഫയലിനെകാൾ. എനിക്കാവശ്യം അമ്മയെ ആണ് കാരണം കുറ്റവാളികൾ ആരാണെന്ന് ആരെക്കാളും നന്നായി അമ്മയ്ക്കറിയാം, പറ അമ്മേ സഹായിക്കില്ലേ \"


\" ജതി  അപകടം ആണ്  \" ഭയത്തോട് കൂടി അമ്മ പറഞ്ഞു


\" അറിയാം , പക്ഷെ അമ്മ പേടിക്കണ്ട  ഈ അമ്മയുടെ  മകന്  ഒന്നും സംഭവിക്കില്ല ആ ഉറപ്പ് ഞാൻ അമ്മയ്ക്ക് തരാം പോരെ \"

     അമ്മയുടെ കയികൾ കൂട്ടിപിടിച്ചുകൊണ്ട് ജതിൻ ചോദിച്ചു, അതിന് മറുപടി ആയി  അമ്മ കണ്ണുകൾ നിറച്ചു മകനെ ഒന്ന് നോക്കുക മാത്രമേ ചെയ്തുള്ളു,,,



പെട്ടെന്ന് ആരോ  ഹോണിങ് ബെൽ  അടിച്ചതും ,


\" അമ്മ  പോയി തുറന്നോ അതമയ്ക്കുള്ളതാ \"


\" എന്താടാ  \"


\" അത് സർപ്രൈസ് \"

       അമ്മയുടെ രണ്ട് തോളിലും പിടിച്ചു തള്ളിക്കൊണ്ട് ജതിൻ വാതിലിലേക്ക്  കൂട്ടികൊണ്ട് പോയി,


\" ആരാ മോനെ ഈ സമയത്ത് \" വാതിൽ തുറക്കുന്നതിന് മുൻപ് അമ്മ ഒന്നുകൂടി ചോദിച്ചു,


\" അമ്മയ്ക്ക് വളരെ വേണ്ടപെട്ടാളാ തുറന്നോ \"
  
     നിറ പുഞ്ചിരിയുമായി ജതിൻ  പറഞ്ഞു,,



അമ്മ ഡോർ തുറന്നതും മുന്നിൽ നിൽക്കുന്ന വ്യക്തിയെ  കണ്ട് ഒരുനിമിഷം നിശബ്ദയായി നിന്നു ഒന്നും പറയാൻ തോന്നിയില്ല കണ്ണുകൾ നിറഞ്ഞുതുളുമ്പി,


\" ഹാപ്പി ബർത്ത് ഡേ കുഞ്ഞി \"

   കയ്യിൽ കരുതിയ ഒരു പൊതി ലനയ്ക്ക്  കൊടുത്തുകൊണ്ട് ഡേവിഡ് പറഞ്ഞു,


\"  ഡേവിച്ചായാ  \"    പൊട്ടികരച്ചിലോടെ ലന ഡേവിഡിന്റെ നെഞ്ചിലേക്ക് വീണു,




\" എന്തിനാ മോളെ കരയുന്നെ, നല്ല ഒരു ദിവസമായി വെറുതെ  ശ്ശേ കണ്ണ് തുടയ്ക്ക് \"

     തന്റെ നെഞ്ചിൽ നിന്നും അടർത്തിമാറ്റികൊണ്ട് ഡേവിഡ് പറഞ്ഞു,


\" അപ്പൊ അഡ്വക്കേറ്റ് ലനാജേക്കപ്പ് ഇത്രേ ഉള്ളൂ അല്ലെ \"

   പുറകിൽ നിന്നും ജതിൻ  അമ്മെയെ കളിയാക്കി,


\" പോടാ, ഇതേ ആരാന്നറിയോ എന്റെ ഇച്ചായനാ എന്റെ കൂടെപിറപ്പ്  \"  

      അഭിമാനത്തോടെ അത് പറയുമ്പോ അമ്മയുടെ  രണ്ട് കവിളുകളെയും തഴുകി കണ്ണുനീർ ഒഴുക്കൊണ്ടിരുന്നു,


\" എന്താ മോളെ ഇത് , ഈ കരച്ചില് ഒന്ന് നിർത്താറായില്ലേ നീ , അല്ലെ തന്നെ നീ എന്തിനാ  വിഷമിക്കുന്നെ ആണൊരുത്തൻ  മകനില്ലേ നിനക്ക്  അവനെ ഓർത്ത് ഒരിക്കൽ പോലും നീ വിഷമിക്കേണ്ടി വരില്ല അത് പോരെ എന്റെ  പെങ്ങൾക് \" 

    കണ്ണുനീർ തുടച്ചുകൊണ്ട്  ഡേവിഡ്  ചോദിച്ചു,


\" എന്നെ ഓർത്തല്ലല്ലോ  അമ്മയുടെ വിഷമം അങ്കിളിനെ ഓർത്തല്ലേ, യൂണിഫോം ഇടുമ്പോ മാത്രേ അമ്മ ബോൾഡ് ആവാറുള്ളു  ബാക്കി ഉള്ളപ്പോ എല്ലാം പൂച്ച കുഞ്ഞാ \"

    ജതിൻ ചിരിച്ചുകൊണ്ട് പറയുമ്പോഴും ഡേവിഡ് ആ വാക്കുകളിൽ തന്നെ കുടുങ്ങി നിൽക്കുക ആയിരുന്നു,


\" നിനക്ക് തെറ്റി ജതി  നിന്റെ മമ്മി ആയതിനു ശേഷം ഉള്ള ലനയെ മാത്രമേ നിനക്കറിയൂ, നിന്റെ അച്ഛൻ എങ്ങനെ ആണെന്നാണോ അമ്മ പറയാറുള്ളത് അത് പോലെ തന്നെ ആണ്  നിന്റെ മമ്മിയും , എന്തിനതൊക്കെ പറയുന്നു അല്ലെ \"

    മമ്മിയുടെ മുഖത്തേക്ക് നോക്കികൊണ്ട്‌ ഡേവിഡ് പറഞ്ഞു, ജതിനും ശ്രദ്ധിക്കുക ആയിരുന്നു ഡേവിഡ് പറഞ്ഞ വാക്കുകൾ,


\" റോണി വരില്ലേ  ഡേവിച്ചായാ അവൻ പറഞ്ഞിരുന്നതാണെല്ലോ ഇന്ന് വരുമെന്ന് \"


\" ഇപ്പൊ എത്തും മോളെ, \"


   പറഞ്ഞ്  നാക്കകത്തിടും മുൻപ് തന്നെ  പുറത്ത് ആരുടെയോ കാറിന്റെ ശബ്‌ദം കേട്ടു എല്ലാവരും അങ്ങോട്ടേക്ക് തിരിഞ്ഞു, ആ സമയം തന്നെ മുകളിലെ ബാൽക്കണി വഴി ആരോ ജതിന്റെ റൂം ലക്ഷ്യമാക്കി നടന്നു, പാന്റിന്റെ  പോക്കറ്റിൽ കരുതിയ കത്തി പുറത്തെടുത്ത് കയ്യിൽ കരുതി .....




തുടരും......

ഈ ഭാഗത്ത് ചില സംശയങ്ങൾ ഉണ്ടാവും അടുത്ത പാർട്ടിൽ  ക്ലിയർ ആക്കാം ട്ടൊ 🥰

✨️ :  വായനക്കാരില്ല എഴുത്ത് നിർത്തണം എന്നാണോ 🫤