ചിലർ നമ്മുടെ ജീവിതത്തിലേക്ക് കടന്നു വരുമ്പോൾ നമ്മൾ പോലുമറിയാതെ, നമ്മളിൽ പല പല മാറ്റങ്ങളും സംഭവിക്കും.   അതുപോലെ എന്റെ ജീവിതത്തിൽ മാറ്റങ്ങൾ കൊണ്ടുവന്നത് അവനും, അവന്റെ ഫാമിലിയുമാണ്.

ഏഴാം ക്ലാസ്സിൽ പഠിക്കുന്ന സമയത്താണ് ,  അമ്മച്ചിയുടെ വീട്ടിലേക്ക് പോയി തിരികെ വരുകയായിരുന്ന ഞങ്ങളുടെ കാർ ഒരു ആക്‌സിഡന്റ്ൽ  പെടുന്നത്.  ആ അപകടത്തിൽ എനിക്ക് എന്റെ അമ്മയെയും, ഏട്ടനെയും

 നഷ്ടപ്പെട്ടു.  ഞാനും അപ്പനും എങ്ങനെയോ രക്ഷപെട്ടു.

ആ അപകടത്തിനു ശേഷം ഞാനും അപ്പനും ആകെ  തളർന്നു ഒറ്റപ്പെട്ട അവസ്ഥയിലായിരുന്നു ജീവിച്ചു വന്നിരുന്നത്.

അവരുടെ രണ്ടുപേരുടെയും വിയോഗം എന്നയാണ് ആകെ തളർത്തിയിരുന്നത്. തികച്ചും ഒറ്റപ്പെട്ട ഒരു അവസ്ഥയിലൂടെ  ഞാൻ കടന്നു പോകുമ്പോഴായിരുന്നു,

ഞങ്ങൾക്ക്‌ ആശ്വാസമേകും വിധം, അവന്റ ഫാമിലി ഞങ്ങളുടെ വീടിനടുത്തേക്ക് താമസം മാറി വരുന്നത്.

അമ്മ  എന്നെ സ്വന്തം മകളെ പ്പോലെ തന്നെ  സ്നേഹിച്ചു. 

അങ്ങനെ ഞാൻ അവരെ അമ്മയെന്ന് വിളിക്കാൻ തുടങ്ങി. അതിനു ശേഷം

എനിക്ക് നഷ്ടപ്പെട്ടതൊക്കെ തിരിച്ചു കിട്ടുന്നത് പോലൊരു ഫീലിംഗ് ആയിരുന്നു.

അന്നത്തെ അപകടത്തിന് ശേഷം എന്റെ കാലിന് ചെറിയൊരു പ്രശ്നമുണ്ടായിരുന്നു. അതുകൊണ്ട് തന്നെ  സ്കൂളിൽ പോകുമ്പോൾ കൂടെ പഠിക്കുന്ന  കുട്ടികളിൽ ചിലർ എന്നെ കളിയാക്കുമായിരുന്നു .

ആ സമയത്ത് വിഷമിച്ചിരിക്കുന്ന എന്നെ സമാധാനപ്പെടുത്തുന്നത് അവനായിരുന്നു.  പിന്നെ പിന്നെ കളിയാക്കുന്നവർക്ക്  അവൻ നല്ല ഇടി കൊടുക്കാൻ തുടങ്ങി. അതിന്റ പേരിൽ പാവത്തിന് എപ്പോഴും  സാറിന്റെ കയ്യിൽ നിന്നും അടിയും കിട്ടുമായിരുന്നു.

കൂടെ പഠിക്കുന്നവരൊക്കെ സ്കൂളിൽ,  സൈക്കിൾ പോകുന്നത് കണ്ട് എനിക്ക് അതിന് കഴിയില്ലല്ലോ എന്നോർത് പലപ്പോഴും ഞാൻ സങ്കടപെട്ടിട്ടുണ്ട്.

എന്റെ സങ്കടം കണ്ടിട്ട്  അവൻ അവന്റെ സൈക്കിളിൽ എന്നയും കയറ്റി സ്കൂളിൽ  പോകാൻ തുടങ്ങി.

അവനെന്റെ ബെസ്റ്റ് ഫ്രണ്ട് ആയിരുന്നു.

എന്റെ ചെറിയ ചെറിയ ആഗ്രഹങ്ങൾ പോലും അവനെക്കൊണ്ട് കഴിയുന്നത് ആണെങ്കിൽ  അവൻ നടത്തി തരുമായിരുന്നു .

വർഷങ്ങൾ കഴിയുംതോറും ഞങ്ങളുടെ സൗഹൃദവും അതുപോലെ ആഴമുള്ളാതായികൊണ്ടിരുന്നു.

അവന്റ പ്രെസൻസ് മാത്രം മതി, അത് എനിക്കൊരു ധൈര്യമാണ് . അത് ജീവിതകാലം മുഴുവനും വേണമെന്ന് ഞാനും ആഗ്രഹിച്ചു തുടങ്ങി.

അവൻ പോലും അറിയാതെ ഞാൻ അവനെ സ്നേഹിച്ചു തുടങ്ങി.പതിയെ പതിയെ എന്റെ മനസ്സിലെ അവനോടുള്ള ഇഷ്ടം പ്രണയമായി വളരാൻ തുടങ്ങി.

എത്രത്തോളം ഇഷ്ട മുണ്ടെന്നു പറഞ്ഞരിക്കാൻ കഴിയാത്ത,  അത്രയും ഇഷ്ടം എനിക്ക് അവനോട് ഉണ്ടായിരുന്നു.  പക്ഷേ അത് കാണാനോ മനസ്സിലാക്കാനോ അവനു കഴിഞ്ഞില്ല.

നമ്മൾ ഒരാളെ  സ്നേഹിച്ചെന്ന് കരുതി അയ്യാൾ നമ്മളെ തിരിച്ചു സ്നേഹിക്കണമെന്ന് വാശിപ്പിടിച്ചിട്ട് കാര്യമില്ലല്ലോ.
അയ്യാൾക്കും അയ്യാളുയുടേതായ ഇഷ്ടങ്ങളുണ്ടാവില്ലേ .

അവൻ പോലുമറിയാതെ ഞാൻ അവനെ എന്റെ മനസ്സിൽ കൊണ്ടു നടക്കുമ്പോൾ,   അവന്റെ മനസ്സു നിറയേ അവളായിരുന്നു.  ഒരു പക്ഷേ അവർ തമ്മിലുള്ള ഇഷ്ടം അത്രക്കും ദൃഢമുള്ളതു കൊണ്ടാവാം ഒരാൾക്കു വേണ്ടി മറ്റൊരാൾ ജീവൻ പോലും നഷ്ടപ്പെടുത്താൻ തയ്യാറായത്.

അവരുടെ സ്നേഹത്തിന് മുന്നിൽ  ഞാൻ ഉൾപ്പടെ എല്ലാവരും തോറ്റു പോയി.

രണ്ടു ദിവസത്തിനു ശേഷം......

Icu  വിന് പുറത്തേക്ക് വന്ന ഡോക്ടർ പറഞ്ഞു.

പേഷന്റിന് ബോധം വീണിട്ടുണ്ട്, ഇനി പേടിക്കേണ്ട കാര്യയമൊന്നുമില്ല.\"

അവന്റെ വീട്ടുകാർക്ക് സമാധാനമാകുന്നു.

ഡോക്ടർ ഞങ്ങൾക്ക് അവനെ ഒന്ന് കാണാൻ പറ്റുമോ.\"

അത്, ആരെങ്കിലും ഒരാള് കയറി കണ്ടോളു.\"

ശെരി ഡോക്ടർ \"

ഡോക്ടർ പോയിക്കഴിഞ്ഞു, അവന്റെ അച്ഛൻ അകത്തേക്ക് കയറാൻ തയ്യാറാകുന്നു. ആ സമയം

അങ്കിൾ.....
ഞാൻ കയറി കണ്ടോട്ടെ \"

എന്താ മോളെ ഇത്, അവന്റെ അച്ഛനോ, അമ്മയോ, കയറി കാണട്ടെ നിനക്ക് പിന്നീടാണെങ്കിലും കാണാമല്ലോ. \"

സാരമില്ല,   മോള് കയറി കണ്ടോ.
അവന് കുഴപ്പമൊന്നുമില്ലല്ലോ എന്ന് അറിഞ്ഞല്ലോ, അത് തന്നെ ആശ്വാസം \"

അങ്ങനെ

അവൾ icu വിനുള്ളിൽ കയറി അവനെ കാണുന്നു. ആ സമയം അവിടെ ഉണ്ടായിരുന്ന സിസ്റ്റർ അവളോട്‌ പറഞ്ഞു

\" പേഷന്റിന് അധികം സ്‌ട്രെയിൻ കൊടുക്കരുത്.\"

അവൾ ശെരി യെന്ന് പറഞ്ഞു അവന്റെ അടുത്തേക്ക് ചെന്നു.  അവന്റെ ആ കിടപ്പ് കണ്ട് അവളുടെ കണ്ണുകൾ നിറഞ്ഞു.  കണ്ണുകൾ തുടച്ചു പതിയെ അവൾ അവന്റെ പേരു വിളിച്ചു.

റിച്ചു......, റിച്ചു.....\"

അവൻ ആ വിളിക്ക് മൂളുന്നുണ്ടായിരുന്നു. അവൾ വീണ്ടും അവനെ വിളിച്ചു.

\"റിച്ചു...., റിച്ചു......\"

അവൻ പതിയെ കണ്ണുകൾ തുറന്ന് അവളെ നോക്കുന്നു.

അവളെ കണ്ടതും അവന്റെ  കണ്ണുകളും നിറയുന്നുണ്ടായിരുന്നു.  നിറഞ്ഞു തുളുമ്പിയ കണ്ണുകളിൽ നിന്നും  കണ്ണുനീർ പുറത്തേക്ക് തൂകാൻ തുടങ്ങി.

റിച്ചു.....,

നിനക്ക് എന്നെ മനസ്സിലായോ, ഞാൻ ആൻ ആണ് \"

അവൻ മനസ്സിലായെന്ന് ഭാവത്തിൽ കണ്ണുകൾ അടച്ചു .

\"നീ വിഷമിക്കണ്ട നിനക്കിപ്പോൾ കുഴപ്പമൊന്നുമില്ല, എത്രയും വേഗം സുഖമാവും. \"

അവൾ അവനെ സമാധാനപ്പെടുത്തിയതിനു ശേഷം icu വിന് പുറത്തേക്ക്  ഇറങ്ങുന്നു.

എന്തായി മോളെ, അവന്  കുഴപ്പമൊന്നുമില്ലല്ലോ, നിന്നെ  അവന് മനസ്സിലായോ, \"

ഉവ്വ് അങ്കിൾ,\"

അവർ അവളോട് കാര്യങ്ങങ്ങളൊക്കെ ചോദിക്കുന്നു. കുറച്ചു സമയം കഴിഞ്ഞപ്പോൾ  അവന്റ ഫ്രണ്ട്സ് അവിടേക്ക് വരുന്നു.

അവനിപ്പോൾ എങ്ങനുണ്ട്, \"

\"കുഴപ്പമൊന്നുമില്ലെന്നാണ് ഡോക്ടർ പറഞ്ഞത്, പിന്നെ ഞാൻ കയറി കണ്ടു അവന് എന്നെ മനസ്സിലായി \"

സംഭവിക്കാനുള്ളത് സംഭവിച്ചു. ഇനി അനുഭവിക്കേ വഴിയുള്ളു. \"

നിങ്ങൾ എന്തെങ്കിലും
കഴിച്ചായിരുന്നോ \"

ഇല്ല...,

എന്നാപിന്നെ ഞങ്ങൾ പോയി എന്തെങ്കിലും വാങ്ങിക്കൊണ്ടു വരാം \"

\"മം.. \"

അവന്റെ ഫ്രണ്ട്‌സ് പോയി ക്കഴിഞ്ഞു

ആൻ കുറച്ചു നേരം  എന്തോ ചിന്തിച്ചു നിനൽക്കുന്നു.

എന്ത് സന്തോഷത്തോടെയാണ്  അന്നവൻ എന്നോട് യാത്ര പറഞ്  പോയത്.  അവൻ ഏറെ ആഗ്രഹിച്ച്, സ്വന്തമാക്കാൻ കൊതിച്ചത് അവന്   നേടാൻ കഴിഞ്ഞില്ല, ഇനിയതിന് കഴിയുമോ എന്നും അറിയില്ല.

ഇത് അവന്റെ  കഥയാണ്, റിച്ചാർഡിന്റെയും, ദിയ യുടെയും
പ്രണയ കഥ
                       
                                   തുടരും.......