നമ്മുടെ നായകന്റെ പേര്   റിച്ചാർഡ് എന്നാണ്. റിച്ചുന്ന് വിളിക്കും.
സൂസന്റെയും, സ്റ്റീഫന്റെയും മകൻ. ഇവന്റെ ലോകം അവന്റ ഫ്രണ്ട്‌സാണ്. അവർക്കും അങ്ങനെ തന്നെയാണ്. 


അതിൽ ഒരാളാണ്   ശശികുട്ടൻ, ശശി എന്ന് വിളിക്കും.
ഏറക്കാലം മക്കളില്ലായിരുന്ന ശ്യാമളക്കും, വിശ്വമ്പരനും,  നേർചയിലും, വഴിപാടുകൾക്കുമൊടുവിൽ, ഉരുളി കമഴ്ത്തി ഉണ്ടായ മകൻ, വയസ്സ് ഇരുപത്തിയഞ്ചു ആയിട്ടും ഇത് വരെ അവര് കമഴ്ത്തിയ ഉരുളിയുടെ ക്യാഷ് പോലും തിരികെ കൊടുക്കാൻ   ഇവനെ കൊണ്ട് കഴിഞ്ഞിട്ടില്ല. 



അടുത്തത് ജോജോ, ജോർജിന്റെയും, സോഫിയുടെയും മകൻ. പറയത്തക്ക ജോലിയൊന്നുമില്ല, വലിയ സിനിമ പ്രാന്തനാണ്.  സ്വന്തമായി ഒരു സിനിമ നിർമ്മിക്കണമെന്നാണ് സ്വപ്നം. പിന്നെ സ്വപ്നം കാണാൻ വലിയ ചിലവൊന്നുമില്ലല്ലലോ.

                  

അടുത്തത്   മുന്ന. നൗഷാദിന്റെയും, സുഹറയുടെയും മകൻ.  സഹോദരൻ മൊയ്തീന് ജോലിയുള്ളത് കൊണ്ട് കുടുംബം പട്ടിണിയില്ലാതെ പോകുന്നു. 
        

ഇനിയുള്ളത്   ആനാണ് .   ജോണിന്റ യും, സ്റ്റെഫിയുടെയും  മകൾ. ഒരു അപകടത്തിൽ പെട്ട് അമ്മയും, ഏട്ടനുംമരണപ്പെട്ടു. ഇപ്പോൾ അച്ചനും മോളും മാത്രമേ ഉള്ളു.    



ഇനി അവരുടെ കഥയിലേക്ക് കടക്കാം.
രണ്ടു വർഷങ്ങൾക്ക് മുൻപ്.........


വൈകുന്നേരം നാലുമണി കഴിഞ്ഞ് ശശിയും, ജോജുവും,  മുന്നയുടെ വീട്ടിലേക്ക്  എത്തുന്നു . അവരെ കണ്ട് വീടിനകത്തു നിന്നും  മുന്നയുടെ ഉമ്മ പുറത്തേക്ക് വരുന്നു.

\"ആഹാ..., 
നിങ്ങളിങ്ങു നേരത്തെ എത്തിയോ \"

\"പിന്നെ.....
ഞങ്ങൾ പറഞ്ഞാൽ, പറഞ്ഞ ടൈമിൽ എത്തിയിരിക്കും,\"

ആ സമയം  ഇവരുടെ സംസാരം  കേട്ട് അകത്തുനിന്നും മുന്നയുടെ സഹോദരൻ മൊയ്തീൻ പുറത്തേക്ക് വരുന്നു.

\" ആതിന് ഇവർക്ക് വേറെ ജോലിയൊന്നുമില്ലല്ലോ, \"

\"നമുക്കിട്ടു വെച്ചു \"

മുന്നയുടെ ഇക്ക, മൊയ്‌തീൻ, ക്ലാർക്ക് ആണ്, ആൾക്ക് പെണ്ണുകാണാൻ വേണ്ടി  കൂടെ പോകാനായിട്ടാണ്   ഇവരെ  കൂടെ കൂട്ടിയിരിക്കുന്നത്. 

തേച്ചു മിനുക്കിയ കഥർ മുണ്ടും, ഉടുപ്പുമാണ് മൊയ്തീന്റെ വേഷം. അത് കണ്ട് ശശി ചോദിക്കുന്നു

\"നിങ്ങൾ ഇന്നും ഈ വേഷത്തിലാണോ വരുന്നത്.\"

\"അതേ...,
ഇതിനെന്താ കുഴപ്പം.\"

\"ഹേയ്...,
ഒരു കുഴപ്പവുമില്ല....\"

ഇവരുടെ അടുത്തേക്ക്  വീടിന് അകത്തു നിന്നും  മുന്ന  വരുന്നു. 

\"അല്ലഡാ,   മുന്ന നീ റെഡിയാകുന്നില്ലേ\"

\"എന്തിന്..\"

\"അപ്പോൾ പിന്നെ നീ വരുന്നില്ലേ\"

\"ഞാനെങ്ങും വരുന്നില്ല,
പെണ്ണ്  കാണലിന്റ പേരും പറഞ്ഞു ഓരോ വീടും കയറി  പെണ്ണ് കണ്ട് , കണ്ട് ഞാൻ മടുത്തു.   ഇപ്പോൾ തന്നെ ഈ പ്രദേശത്തുള്ള ഏകദേശം എല്ലാ വീട്ടിലും പോയിട്ടുണ്ട് \"

\"എന്നാൽ പിന്നെ നീ വരണ്ട\"

\"ആ അത് തന്നെയാ ഞാനും പറഞ്ഞത്
വരുന്നില്ലെന്ന് \"

അവരുടെ സംസാരം കേട്ട് ശശി മുന്ന യോടായി പറഞ്ഞു.

\"എടാ മുന്ന നീ ഒന്ന് നിർത്ത്\"

\"എടാ ശശി നീ ഇതിൽ  ഇടപെടേണ്ട.
അവൻ വന്നില്ലെന്ന് കരുതി ഞാൻ പോകാതിരിക്കാനൊന്നും പോകുന്നില്ല.

ഞാൻ ദേ ഇവന്മാരെ കൂട്ടി പൊയ്ക്കോളാം, ഇനി ഇവന്മാരെ നീ തടഞ്ഞാൽ ഞാൻ ഒറ്റക്ക് പൊയ്ക്കോളാം. എന്നാലും നിന്നെ ഞാൻ  നിർബന്ധിക്കില്ല. \"


അത് പറഞ്ഞു കഴിഞ്ഞ് മൊയ്തീൻ വീടിന് അകത്തേക്ക് കയറി പോകുന്നു .

\"എന്താഡാ, മുന്ന ഇത് \"

അതിനു മറുപടിയായി മുന്നയുടെ ഉമ്മ അവരോട് പറയുന്നു.

\"ഇവൻ അവനോട് കുറച്ചു പൈസ ചോദിച്ചിരുന്നു, അത്‌ കൊടുക്കാത്തതിന്റ ദേഷ്യമാണ് , നാണമില്ലല്ലോ ഡാ വല്ല ജോലിക്കും പോകാതെ ഇപ്പോഴും അവന്റ മുന്നിൽ കൈ നീട്ടി നടക്കാൻ .\"

\" ഉമ്മ....\"

\"ഉള്ളത് തന്നയല്ലേ പറഞ്ഞത്.  അവൻ പഠിച്ചൊരു ജോലി വാങ്ങിച്ചത് കൊണ്ട് വീട്ടിലെ കാര്യങ്ങളോക്കെ നടക്കുന്നു. നിന്നെയും പഠിക്കാൻ വിട്ടല്ലോ, എന്നിട്ട് എന്തായി, തോറ്റു തുന്നമ്പാടിയതല്ലാതെ നിന്നെക്കൊണ്ട് എന്തെങ്കിലും ഗുണമുണ്ടോ .

ഉമ്മ പറഞ്ഞത് കേട്ട് ദേഷ്യത്തിൽ മുന്ന അകത്തേക്ക് കയറി പോകുന്നു. 

\" എടാ ജോജോ, 
നീ റിച്ചുവിനെ വിളിച്ച് എവിടെ എത്തിയെന്ന് ചോദിക്ക് \"

\"ശെരി ഉമ്മ,\"


ജോജോ പോക്കറ്റിൽ   നിന്നും മൊബൈൽ എടുത്തു റിച്ചുവിനെ വിളിക്കാൻ തുടങ്ങുന്നു. 


വലിയൊരു വീട്ടിലെ ഗേറ്റിന് മുന്നിൽ  നിന്നും ഒരു കാർ ഹോൺ  അടിക്കുന്നത് കേട്ട് അവിടെ ഉണ്ടായിരുന്ന സെക്യൂരിറ്റി  വേഗം വന്ന് ഗേറ്റ് തുറന്ന് കൊടുക്കുന്നു.
ഡോർ തുറക്കാൻ താമസിച്ചതിനു ആ കാറിൽ ഉണ്ടായിരുന്ന ആൾ സെക്യൂരിറ്റിയോട് ചുടാകുന്നു \" 

\"എന്താടോ, തുറക്കാൻ ഇത്ര താമസം,\"

\"സോറി സാർ...\"

കാർ അകത്തേക്ക് കയറി ആ വീട്ടിലെ കാർ പോർച്ചിലേക്ക് കയറ്റിയത് ശേഷം ഡോർ തുറന്ന് ഇറങ്ങി, അയ്യാൾ വീട്ടിലെ കോണിങ് ബെൽ അടിക്കുന്നു.
ബെൽ കേട്ട് അകത്തു നിന്നും വീടിന്റെ ഓണർ ഇറങ്ങിവരുന്നു. 

\"സാർ സർവീസ് സെന്ററിന്നാണ്,   കാർ സർവീസ് ചെയ്തു കൊണ്ടു വന്നതാണ്. \"

കാറിന്റെ കീ കൊടുത്തതിനുശേഷം അയ്യാൾ പുറത്തേക്ക് വരുന്നു.
ഇതൊക്കെ കണ്ടുകൊണ്ടിരുന്ന സെക്യൂരിറ്റി ചെറിയ സ്വരത്തിൽ പറഞ്ഞു.

\"കാർ കൊടുക്കാൻ വന്നതാണതല്ലേ, മട്ടും ഭാവവും കണ്ടപ്പോൾ ഞാൻ കരുതി വീട്ടു കാരനാണെന്ന്,\"

\"അല്ലാ, തന്റെ മോളെ കെട്ടാൻ വന്നതാണ്. പുച്ഛിക്കുന്നത്  കണ്ടാൽ തോന്നും വീട്ടിന്റെ ഓണർ ആണെന്ന്,.

ആ സമയം അവന്റെ ഫോണിലേക്ക് ഒരു കാൾ വരുന്നു. അവൻ കാൾ അറ്റന്റ് ചെയ്യുന്നു. 

\"എന്താടാ ജോജോ..\"

\"റിച്ചു നീ എവിടെയാ,\'

\"നീ കാര്യം പറയ്‌ \"

\"അപ്പോൾ നീ മറന്നോ, ഇന്ന് പെണ്ണ് കാണാൻ പോകാനുള്ളതല്ലേ, നിനക്ക് വേണ്ടിട്ട് വെയ്റ്റിങ്ങാണ്.\"

\"ഓഹ് ഞാൻ അത് മറന്നു, നീ  ഇപ്പോൾ എവിടെയാ \"

\"ഞാൻ മുന്നയുടെ വീട്ടിൽ,\"

\"ഞാൻ ഇവിടെ അടുത്ത്  ഒരു കാർ കൊടുക്കാൻ വന്നതാണ്. നീയൊരു കാര്യം ചെയ്യ്, ഞാൻ ലൊക്കേഷൻ അയക്കാം നീ പെട്ടെന്ന്  ബൈക്കുമായി ഇങ്ങോട്ടേക്കു വാ \"

\"ശരി, നീ ഫോൺ വെച്ചോ\"

ഫോൺ കട്ട്‌ ചെയ്തതിന് ശേഷം റിച്ചു ആ സെക്യൂരിറ്റിയോടായി ചോദിക്കുന്നു.

\"അല്ല ചേട്ടാ എന്റെ കുറെ നാളത്തെ ഒരു സംശയമാണ്, ഒന്ന് ചോദിച്ചോട്ടെ.\"

\"എന്താ\"

\"വേറൊന്നുമല്ല, ഈ വയറുള്ള  ആളുകളെ  മാത്രമേ ഈ പോസ്റ്റിന് എടുക്കത്തുള്ളു.

അല്ല , നിങ്ങളെ പ്പോലെയുവരെയാണ്  കൂടുതലായും സെക്യൂരിറ്റിയായി കണ്ടിട്ടുള്ളു. അതുകൊണ്ട് ചോദിച്ചതാണ്.ആരെങ്കിലും അടിച്ചിട്ട് ഓടിയാൽ പ്പോലും പിന്നാലെ ഓടാനുള്ള ആരോഗ്യമില്ല.  ഓരോ  പഴചിലവുകള്. \"

\"അതേ....
ഞങ്ങൾ എന്തെങ്കിലും ജോലി ചെയ്ത് ജീവിച്ചോട്ടെ വെറുതെ ഞങ്ങളുടെ കഞ്ഞിയിൽ പാറ്റ ഇടാൻ നിൽക്കാതെ മോൻ പോകാൻ നോക്ക്.\"

അല്പസമയം കഴിഞ്ഞു ജോജോ അവിടേക്ക് ബൈക്കുമായി എത്തുന്നു.
അതിനുശേഷം റിച്ചു കാറുമായി മുന്നയുടെ വീട്ടിലേക്ക് വരുന്നു.

\"എന്താ മോനെ വൈകിയത് \"

\"സോറി ഉമ്മ...
ഒരിടം വരെ പോയിരുന്നു.എന്നാ പിന്നെ നമുക്ക് പോയാല്ലോ \"

\"പിന്നെ... \"

\"അയ്യേ....
നിങ്ങൾ ഇന്നും ഈ കോസ്റ്റ്യുമിലാണോ. ഒന്ന്  മാറ്റി പിടിച്ചൂടെ മനുഷ്യാ.\"

\"ദേ..,
എന്റെ കാര്യത്തിൽ ആരും ഇടപ്പെടണ്ട.അതെനിക് ഇഷ്ടമല്ല \"

\"അപ്പോൾ പിന്നെ ഇന്നും പട്ടി ചന്തക്ക് പോയത് പോലെ പോയിട്ട് വരാം. \"

\"ആരോട് പറയാനാടാ , നീ കേട്ടിട്ടില്ലേ പോത്തിനെ ചെവിയിൽ വേദമോതിയിട്ട്
കാര്യമില്ലെന്ന്. \"

അവർ കാറിൽ കയറി ആ പെൺകുട്ടിയുടെ വീട്ടിലേക്ക് ചെല്ലുന്നു. അവിടെ ചെന്ന് ചായകുടിക്കുന്നു. കാര്യങ്ങൾ സംസാരിക്കുന്നു തിരികെ പോരുന്നു.

തിരികെ വീട്ടിലേക്ക് വരുന്ന 
റിച്ചുവിനോടായി  മുന്ന ചോദിക്കുന്നു.

\"എന്തായിഡാ, കാര്യങ്ങൾ \"

\"എന്താവാൻ ഈ കലാപരിപാടി
ഇനിയും തുടരും..... \"


                                           തുടരും......