പിറ്റേ ദിവസം സൺ‌ഡേ ആയതിനാൽ ആനും അവളുടെ അപ്പനും,  റിച്ചുവിന്റ ഫാമിലിയും,  എല്ലാവരും  കൂടി പള്ളിയിലേക്ക് പോയിരിക്കുകയാരിരുന്നു.

പിന്നെ റിച്ചുവിന് അതൊന്നും പറഞ്ഞിട്ടില്ല. അവൻ ഉറക്കമുണർന്ന് അടുക്കളയിൽ ചെന്ന് അമ്മ ഉണ്ടാക്കി വെച്ചിരുന്ന ചായയും കുടിച്ചതിനുശേഷം  ബൈക്കെടുത്തു പുറത്തേക്ക് പോകുന്നു.

പള്ളിയിൽ നിന്നും ഇറങ്ങിയ റിച്ചു വിന്റെ അമ്മയും അനിയത്തിയും, ആനും കൂടി വീട്ടിലേക്ക് തിരികെ വീട്ടിലേക്ക് വരുകയായിരുന്നു.

ആൻ റിച്ചു ഇന്നലെ വിളിക്കാത്തത് ഓർത്തു നല്ല വിഷമത്തിലായിരുന്നു.

അവർ തമ്മിൽ ഇടക്കിടക്ക് പിണങ്ങാറുണ്ടെങ്കിലും അല്പ സമയത്തിനകം ആ പിണക്കം മാറ്റുന്നതാണ് പതിവ്.  

ആൻ അവർക്കൊപ്പം റിച്ചു വിന്റെ വീട്ടിലേക്ക് വരുന്നു.  അവനുമായി സംസാരിച്ച് ആ പിണക്കം മാറ്റാൻ വേണ്ടിയായിരുന്നു.  എന്നാൽ  അവൻ വീട്ടിൽ ഉണ്ടായിരുന്നില്ല.

\"റിച്ചു ഇല്ലേ അമ്മേ\"

\"ഓഹ്.., ഇല്ലെന്ന് തോന്നുന്നു 
രാവിലെ ഊരു തെണ്ടാൻ
ഇറങ്ങിക്കാണും.\"

അവൾ അവന്റെ റൂമിൽ പോയ്‌ നോക്കിയതിനു ശേഷം റൂമിൽ ഇരിക്കുന്ന  അവന്റെ ഫോട്ടോയിലേക്ക് കുറച്ചു നേരം നോക്കി നിൽക്കുന്നു.   

\"എന്നാ പിന്നെ ഞാൻ പോട്ടെ
അമ്മേ, \"

\"മോള് എന്തെങ്കിലും കഴിക്കുന്നോ\"

\"വേണ്ട അമ്മേ, ,അപ്പൻ വന്നിട്ട് ഞാൻ  വീട്ടിൽ നിന്നും കഴിച്ചോളം. \"

അതേ സമയം റിച്ചുവും, ഫ്രണ്ട്സും കൂടി മുന്ന തുടങ്ങാൻ പോകുന്ന   മൊബൈൽ ഷോപ്പിലേക്ക് പോകുന്നു .അവിടെ എത്തിയതിന് ശേഷം കുട്ടുകർക്കു കട കാണിച്ചു കൊടുക്കുന്നു. 

\"ഇതാണ് ഷോപ്പ് , നല്ലതുപോലെ നടത്തിയില്ലെങ്കിലും സാരമില്ല, ഇങ്ങനെ തന്നെ നിലനിർത്തിയാൽ മതി.\"

മുത്തപ്പാ  മുന്നയുടെ കയ്യിൽ താക്കോൽ കൊടുത്തതിനു ശേഷം അവിടെ നിന്നും പോകുന്നു. 

\"ഇത് ഷോപ്പ് അല്ല കോപ്പാണ്, ഇതിനെക്കാളും കൊള്ളാമല്ലോടാ ശശിടെ അച്ഛന്റെ ചായക്കട , ചുമ്മാതല്ല പൂട്ടിയത്. \"

\"എടാ, ഈ സെറ്റപ്പിൽ കുറച്ചു മാറ്റം വരുത്തിയാൽ കിടു ആക്കി എടുക്കാം.\"

\"ഗ്ലാസ്‌ ഇടാൻ വരാമെന്ന് പറഞ്ഞവനെ കണ്ടില്ലല്ലോ, സൺ‌ഡേ ആയത് കൊണ്ട് ഓൻ പറ്റിക്കോ.\"

\"ഏയ്, വരാമെന്ന് പറഞ്ഞത് അവൻതന്നെയല്ലേ,\"

ആ സമയം  ജോലിക്കാരൻ അവിടെക്ക്‌ വരുന്നു.

\"ദേ, വരുന്നു.\"


കുറച്ചു സമയം കഴിഞ്ഞപ്പോൾ റിച്ചു വിന്റെ ഫോണിലേക്ക് ആൻ വിളിക്കുന്നു.
ഫോൺ റിങ് ചെയ്യുന്നത് കേട്ട് റിച്ചു ജോജോയോട് ആരാണ് വില്ക്കുന്നതെന്ന് ചോദിക്കുന്നു.

\"ആരാടാ, \"

\"എടാ ആൻ ആണ് വിളിക്കുന്നെ 
എടുക്കണ്ട \"

\"വേണ്ട \"

\"അതെന്താടാ ഇന്നലെത്തെ പിണക്കം ഇത് വരെ മാറിയില്ലേ \"

\"അതല്ലടാ, നാളെ അവളുടെ ബർത്ത് ഡേയ് അല്ലെ ഒരു സർപ്രൈസ് കൊടുക്കാം ഞാൻ പ്ലാൻ ചെയ്തിട്ടുണ്ട്.\"

\"അത് പൊളി....\"

\" ഇനി നിന്നെ അവൾ വിളിക്കുമ്പോൾ അതിന് വേണ്ടിട്ടാണ് ഞാൻ ഫോൺ എടുക്കാതിരിക്കുന്നതെന്ന്  പറഞ്ഞേക്കണം കേട്ടോ. \"


ആൻ പലപ്പോഴും റിച്ചു വിനെ വിളിച്ചെങ്കിലും അവൻ ഫോൺ എടുത്തിരുന്നില്ല.ഷോപ്പിലെ പണിയൊക്കെ കഴിഞ്ഞപ്പോൾ രാത്രി ആയിരുന്നു.


അത്താഴം കഴിക്കാൻ സമയം കഴിഞ്ഞിട്ടും ആനിനെ കാണാത്തത് കൊണ്ട് ആവളുടെ അപ്പൻ അവളെ വിളിക്കാനായി റൂമിലേക്ക് ചെല്ലുന്നു.

\"മോളെ നീ കഴിക്കുന്നില്ലേ..\"

\"എനിക്ക് വേണ്ട,അപ്പൻ കഴിച്ചോ \"

\" രാവിലെ മുതൽ  ഞാൻ ശ്രദ്ധിക്കുവാ  ആകപ്പാടെ വല്ലാണ്ട്, എന്താ മോളെ നിനക്ക് എന്തെങ്കിലും
അസുഖമുണ്ടോ\"

\"ഹേയ്....,  ഒന്നുമില്ല അപ്പ,
പിന്നെ ചെറിയൊരു തലവേദന,\"

\"കുറവില്ലെങ്കിൽ നമുക്ക് ഹോസ്പിറ്റലിലേക്ക് പോകാം മോളെ..\'

\"അത്രക്കൊന്നുമില്ല അപ്പ, ഇത് കുറച്ചു നേരം കിടക്കുമ്പോൾ മാറും.\"

\"ഭക്ഷണം കഴിക്കാഞ്ഞിട്ടാവും, വാ വന്ന് എന്തെങ്കിലും കഴിക്ക് \"

\"വേണ്ടഞ്ഞിട്ടാ അപ്പ  \"

\"ദേ  അപ്പൻ പറയുന്നത് കേൾക്ക്‌ \"

അപ്പൻ ഒരുപാട് പ്രാവശ്യം നിർബന്ധിക്കുമ്പോൾ, അപ്പന് വിഷമം ആകണ്ടായെന്ന് കരുതി അവൾ കഴിക്കാൻ ചെല്ലുന്നു.

\"സുഖമില്ലെങ്കിൽ നാളെ ജോലിക്ക് പോകണ്ട മോളെ,\"

\"എനിക്ക് കുഴപ്പമൊന്നുമില്ല അപ്പ,\"

അവൾ അപ്പനെ ബോധിപ്പിക്കാനായി കുറച്ചു കഴിച്ചതിനുശേഷം റൂമിലേക്ക് ചെയ്യുന്നു. കിടക്കുന്നതിനു മുൻപ് ഒന്നുകൂടി റിച്ചു വിനെ വിളിക്കുന്നു.
അപ്പോഴും അവൻ ഫോൺ എടുക്കുണ്ടായിരുന്നില്ല. 

എന്നാലും എന്നോട് ഇങ്ങനെ പിണങ്ങാൻ മാത്രം ഞാൻ എന്താടാ നിന്നോട് ചെയ്തെ.

മനസ്സിൽ ഒരാളോട് വെറുപ്പോണ്ടാകുമ്പോഴാണ് ഇങ്ങനെ ചെറിയ കാര്യങ്ങൾക്ക് പോലും , അയ്യാളെ മാറ്റി നിർത്തുന്നതെന്ന് കേട്ടിട്ടുണ്ട്.

ഇനി അങ്ങനെ എന്തെങ്ങിലും....
അതാണോ അവൻ എന്നെ അവോയ്ഡ് ചെയ്യുന്നത്. 

അങ്ങനെ അവൾ മനസ്സിൽ ഓരോന്നും ആലോചിച്ചു കൂട്ടുന്നു.

നാളെ എന്റെ ബർത്ഡേയാണ് ,  വർഷങ്ങളായി അവനാണ് എന്നെ ആദ്യം വിഷ് ചെയ്യുന്നത്. അത് കൊണ്ട്  അവന് എന്നോട്  അധികം മിണ്ടാതിരിക്കാൻ കഴിയില്ല.

അങ്ങനെ മനസ്സിനെ പറഞ്ഞു സമാധാനപ്പെടുത്തി അവൾ ഉറങ്ങാൻ കിടന്നു.  കിടന്നെങ്കിലും അവൾക്ക് ഉറക്കം വരുന്നില്ലായിരുന്നു.

കട്ടിലിൽ ഉറക്കം വരാതെ കുറെ നേരം തിരിഞ്ഞും മറിഞ്ഞും അവൾക്കിടന്നു. പിന്നെ എപ്പോഴോ ഉറങ്ങുന്നു.

രാത്രി കേക്കിമായി റിച്ചുവും കൂട്ടുകാരും അനുവിന്റെ വീട്ടിലേക്ക് വരുന്നു.

\"സമയം പണ്ട്രണ്ട് ആകാറായി,
നമ്മൾ കറക്റ്റ് ടൈമിംഗ് ആണല്ലോ
ടാ \"

\"ടാ, ശശി നീ അവളെ വിളിക്ക്\"

\"ഓക്കേ..\"

ശശി അവന്റ ഫോണിൽ നിന്നും ആനിനെ വിളിക്കുന്നു.എന്നാൽ അവൾ ഫോൺ എടുക്കുന്നില്ലായിരുന്നു. 

\"അവൾ എടുക്കുന്നില്ലല്ലോ,\"

\"ഉറങ്ങിക്കാണും\"

\"നീ ഒന്നുകൂടി വിളിക്ക് \"

ശശി വീണ്ടും വിളിക്കുന്നു.
ഫോൺ റിങ് ചെയ്യുന്നത് കേട്ട് അവൾ ഉണരുന്നു. ഫോൺ എടുത്തു നോക്കുമ്പോൾ
 
ശശി ആണല്ലോ, അവനെന്താ ഈ നേരത്ത്. അവൾ കാൾ  എടുക്കുന്നു

\'ഹലോ.., എന്താടാ \"

\"ആൻ.....
ഞാൻ ശശിയാണ്\"

\"മനസ്സിലായി, നീ എന്താ വിളിച്ചേ\"


\"എടി നമ്മുടെ റിച്ചു,\"
(കരഞ്ഞു കൊണ്ട് അവൻ പറയുന്നു. )

\"എടാ റിച്ചുനു, റിച്ചുന് എന്താ\"

\"ഇവനിതു ഓവറാക്കി കുളമാക്കുന്ന ലക്ഷണമാണ് \"

\"പറയാം,
നീയൊന്ന്  വീടിന്റ പുറത്തേക്ക് വരുമോ\"

\"ശെരി \"

അവൾ എടി പിടീന്ന് വേഗം  എഴുന്നേറ്റ്   വരുന്നു.

\"ടാ, ജോജോ അവൾ വാതിൽ തുറന്ന് വരുന്നതും ഇത് പൊട്ടിച്ചോളണം. \"

\"അതൊക്കെ ഞാൻ ഏറ്റു.\"

മുൻ വശത്തെ വാതൽ തുറന്ന് ആൻ പുറത്തേക്ക് വരുന്നു. ശശി പുറത്തു നിൽക്കുന്നത് കണ്ട് അവൾ അവന്റ അടുത്ത് ചെന്ന് ചോദിക്കുന്നു.

\" റിച്ചുവിന് എന്താ പറ്റിയത് \"

(റിച്ചുന് ..,..)

പെട്ടെന്ന് ഒരു ഒച്ചകേട്ട് അവൾ ഞെട്ടുന്നു. 

\"ഹാപ്പി ബര്ത്ഡേ ആൻ\"

അവർ പറ്റിച്ചതാണെന്ന് മനസ്സിലാക്കിയ ആൻ  ശശിയുടെ കരണകുട്ടിക്ക് ഒറ്റ അടി വെച്ചുകൊടുക്കുന്നു. .
അത് കണ്ട് എല്ലാവരും അന്തം വിട്ട് നിൽക്കുന്നു.

\"ആൻ, ഞങ്ങൾ സർപ്രൈസ്
തന്നതല്ലേ\"

\"ഇങ്ങനെയാണോടാ സർപ്രൈസ് തരുന്നത്. മനുഷ്യൻ പേടിച്ചു പോയില്ലേ \"

ദേഷ്യത്തിൽ നിന്ന ആനിനെ, പെട്ടെന്ന് കെട്ടി പിടിച്ചു കൊണ്ട് റിച്ചു സമാധാനപെടുത്തുന്നു.

\"സോറി.... സോറി....സോറി...
നിനക്കൊരു സർപ്രൈസ് ആക്കാൻ നോക്കിയതല്ലേ...
ദേ,  സുന്ദരി കുട്ടി വേഗം വന്ന് ഈ കേക്ക് കട്ട്‌ ചെയ്യ്. \"

എന്ന് പറഞ്ഞുകൊണ്ട് റിച്ചു കത്തി അവൾക്കുനേരെ നീട്ടുന്നു. അവളത് ചെറു പുഞ്ചിരിയോടെ വാങ്ങുന്നു. അതിന് ശേഷം ശശിയെ നോക്കി 

\"സോറി എടാ....\"

\"ഇത് എന്റെ ഐഡിയ ആയിപ്പോയ് അതുകൊണ്ട് ഞാൻ ഷെമിക്കുന്നു.\"

കേക്ക് കട്ട്‌ ചെയ്ത് കഴിച്ചതിനുശേഷം 
റിച്ചു ആനിനു ഒരു ഗിഫ്റ്റ് കൊടുക്കുന്നു.

\"എല്ലാത്തവണയും  ചോക്ലേറ്റ് അല്ലെ ഇത്തവണ ഒരു വെറൈറ്റി ആയിക്കോട്ടെന്ന് കരുതി.\"

അവൾ ആ ഗിഫ്റ്റ് തുറന്ന് നോക്കുന്നു,
അത് ഡ്രസ്സ് ആയിരുന്നു.

\"കൊള്ളാല്ലോ.\"
\"ഇഷ്ടായോ..\"
\"മം,\"

\"ടാ, എന്നാൽ പിന്നെ ഞങ്ങൾ പോട്ടെ, ഇവളുടെ അപ്പൻ ഉണർന്നാൽ
തീർന്നു.\"


\"ഇങ്ങനെ ആണെങ്കിൽ നീ ആരുടെയെങ്കിലും കൂടെ പോയാലും നിന്റെ അപ്പൻ അറിയില്ലല്ലോ ആൻ \"

\"മച്ചാമാര് പോകാൻ നോക്ക്. \"

\"അപ്പോൾ ശെരി, രാത്രി യാത്രയില്ല \" 

\"റിച്ചു.... \"

അവർക്കൊപ്പം പോകാൻ തുടങ്ങിയ റിച്ചു വിനെ ആൻ വിളിലിക്കുന്നു. 
ആ വിളികേട്ടു അവൻ തിരികെ അവളുടെ അടുത്തേക്ക് വരുന്നു. 

\"എന്താടി..., \"

\"എനിക്ക്‌ നിന്നോടൊരു കാര്യം പറയാനുണ്ട്. \"

\"പറഞ്ഞോ\"

\"അത്.....\"

\"എന്നതാടി, എന്താന്ന് വെച്ചാൽ പറയ്..\"

\"അത്...\"

                                    തുടരും........