കദർ മുണ്ടും ഉടുപ്പും മാറ്റി  നല്ല ജീൻസ്‌ പാന്റും,  ഷർട്ടുമാക്കുന്നു. മൊയ്തീന്റെ   ഡ്രസിങ് സ്റ്റൈൽ അവർ അപ്പാടെ  മാറ്റുന്നു.ഒരുങ്ങി ഇറങ്ങുന്ന മൊയ്തീൻ ഉമ്മയുടെ മുന്നിൽ വന്ന് നിൽക്കുന്നു 

\"എങ്ങനുണ്ട് ഉമ്മ ഈ കോലം \"

\"സത്യം പറയാലോ മോനെ ഇപ്പൊ നിന്നെ കാണാൻ ഒരു വൃത്തിയും  മെനയുമൊക്കെയുണ്ട്.
കൊള്ളാം മക്കളെ \"

ഉമ്മ റിച്ചുവിനോടും കൂട്ടുകാരോടും നന്ദി പറയുന്നു.

\"താങ്ക്യൂ ഉമ്മാ.\"

\"ദേ...., ഒരു കാര്യം പറഞ്ഞേക്കാം ഈ കോലത്തിലും പെണ്ണിനു ഇഷ്ടായില്ലെങ്കിൽ പിന്നെ ഇന്നത്തോടെ  ഞാൻ ഈ പരിപാടി നിർത്തും \"

\"അങ്ങനെയൊന്നും വരില്ല, നോക്കിക്കോ ഇത് ഫിക്സാണ്.\"

അങ്ങനെ അവർ എല്ലാവരും കൂടി പെൺകുട്ടിയുടെ വീട്ടിലേക്ക് വരുന്നു. പെൺകുട്ടിയുടെ വാപ്പ അവരെ അകത്തേക്കു കുട്ടികൊണ്ട് പോകുന്നു.

\"ടാ, ജോജോ വീട് കണ്ടിട്ട്  നല്ല സാമ്പത്തികം ഉണ്ടെന്ന് തോന്നുന്നു.\"

\"അതിന് നിനക്കെന്താടാ \"

\"എനിക്കൊന്നുമില്ല, പിന്നെ നല്ല വെറൈറ്റി സ്നാക്സ് കാണുമെന്ന്
പ്രതീക്ഷിക്കുന്നു. \"

ബ്രോക്കർ  അവരെ എല്ലാവരെയും പെൺകുട്ടിയുടെ വീട്ടുകാർക്ക് പരിചയപ്പെടുത്തുന്നു.

\"പയ്യനും പെണ്ണിനും തമ്മിൽ ഇഷ്ടമായതിനു ശേഷം   ബന്തുക്കളോട്  പറഞ്ഞാൽ മതിയെന്നാണ്  പയ്യന്റെ തീരുമാനം .\"

\"അത് നന്നായി \"

\"എന്നാ പിന്നെ പെൺകുട്ടിയെ വിളിച്ചാലോ \"

\"ആയിക്കോട്ടെ \"

പെണ്ണിന്റ വാപ്പ അദ്ദേഹത്തിന്റെ ഭാര്യയോട് മോളെ  വിളിച്ചു
കൊണ്ടുവരാൻ പറയുന്നു.
പെണ്ണ് വരുകയും അവർ പരസ്പരം കാണുകയും ചെയ്യുന്നു. 

\"എന്നാ പിന്നെ പയ്യനും പെണ്ണിനും എന്തെങ്കിലും സംസാരിക്കാനുണ്ടെങ്കിൽ സംസാരിക്കട്ടെ.\"

അത് കേട്ട് മൊയ്തീൻ പറയുന്നു

\"എനിക്കൊന്നും സംസാരിക്കാനില്ല\"

പക്ഷേ പെണ്ണ് പറയുന്നു

\"എനിക്ക് സംസാരിക്കാനുണ്ട്\"

അത് കേട്ട് ശശി മുന്നയോട് പറയുന്നു

\"ഇതിനും ഒരു തീരുമായെന്നാ തോന്നുന്നേ\"

\"മിണ്ടാതിരുക്കടാ....\"


അങ്ങനെ അവർ തമ്മിൽ സംസാരിക്കാനായി പോകുന്നു.

\"കാര്യംങ്ങളൊക്കെ ബ്രോക്കർ പറഞ്ഞിരുന്നത് കൊണ്ടാണ് എനിക്ക് അങ്ങനെയൊന്നും സംസാരിക്കാനില്ലെന്ന് ഞാൻ
പറഞ്ഞത്. \"

\"എനിക്കൊരു കാര്യം
ചോദിക്കാനുണ്ട് \"

\"എന്താണെങ്കിലും ചോദിച്ചോളൂ \"

\"ഞാന് ഈ ഡ്രസിങ് സ്റ്റൈലിലൊക്കെ കുറച്ചു കൂടുതൽ ഇമ്പോർട്ടന്റ്സ് കൊടുക്കുന്ന ആളാണ്.

സോ ഈ പ്രെപ്പോസൽ വരുന്ന ടൈമിൽ    ബ്രോക്കർ നിങ്ങളുടെ ഫോട്ടോ കാണിച്ചപ്പോൾ എനിക്കും വീട്ടുകാർക്കുമൊക്കെ ഇഷ്ടപ്പെട്ടിരുന്നു.

അതിനുശേഷംമാണ് ഞാൻ നിങ്ങളെ കുറിച്ച് അന്നെഷിക്കുന്നത്. 
അപ്പൊ അറിയാൻ കഴിഞ്ഞത്  ഒരു പഴഞ്ചൻ എന്നാണ്.

അത് ഞാൻ  നേരിട്ട് കണ്ടിട്ടുമുണ്ട്. പിന്നെ വാപ്പ നിങ്ങളോട് വന്നോളു എന്ന് പറഞ്ഞത് കൊണ്ടാണ് ഞാൻ ഈ പെണ്ണുകാണാലിനു തന്നെ
സമ്മതിച്ചത്. \"

\"അത് കുഴപ്പമില്ല, തുറന്നു പറഞ്ഞതിൽ സന്തോഷം, എന്നാ പിന്നെ ഞാൻ
പോട്ടെ \"

\"ഞാൻ പറഞ്ഞു തീർന്നില്ല \"

\"ഇനിയുമുണ്ടോ,\"
എന്ന്  മൊയ്‌തീൻ മനസ്സിൽ പറയുന്നു.

\"ഇനി എന്താ\"

\"ഇത് തന്നെയാണോ നോർമൽ ആയിട്ടുള്ള ഡ്രസിങ് സ്റ്റൈലിൽ
അതോ, \"

\"ഇത്..., ഇത് തന്നെയാ,
സത്യം പറയാല്ലോ,  ഞാൻ  എന്റെ ഫ്രണ്ടിനോട്  ഒരു ബെറ്റ് വെച്ചിരുന്നു. എന്റെ കഷ്ടംകാലത്തിനു അതിൽ ഞാൻ തോൾക്കുകയും ചെയ്തു.
അങ്ങനെയാണ് എനിക്ക് ആ വേഷം കെട്ടേണ്ടി നടക്കേണ്ടിവന്നത്
അല്ലാതെ... \"

പെട്ടെന്ന് വായിൽ വന്ന കള്ളം മൊയ്തീൻ ആ പെൺകുട്ടിയോട് പറയുന്നു. അതവൾ വിശ്വസിക്കുകയും ചെയ്യുന്നു. 


\"അങ്ങനെയാണെങ്കിൽ......
എനിക്ക് ഇഷ്ടക്കുറവൊന്നുമില്ല.\"

അത് കേട്ട് മൊയ്തീൻ ഷോക്ക് ആകുന്നു.

\"അപ്പോൾ എന്നെ ഇഷ്ടമായോ.\"

\"മം \"

\"എന്നാ എനിക്കും,\"

\"എന്നാ പിന്നെ അങ്ങോട്ടേക്ക് പോയാലോ\"

\"ഓക്കെ...\"

അപ്പൊ അവന്മാര് പറയുന്നതിൽ കാര്യമുണ്ടായിരുന്നു അല്ലേ...

എന്ന് മനസ്സിൽ പറഞ്ഞുകൊണ്ട് മൊയ്‌തീൻ തിരികെ വന്നിരിക്കുന്നു.

\"എന്തായി സംസാരിച്ചോ\"

ബ്രോക്കർ ചോദിച്ച ചോദ്യത്തിന്റെ മറുപടിയിലൂടെ അവർക്ക് രണ്ടു പേർക്കും  വിവാഹത്തിന് സമ്മതമാണെന്ന്  അവർക്കെല്ലാം മനസ്സിലാകുന്നു. 

\"അങ്ങനെയെങ്കിൽ നമുക്ക് മുന്നോട്ടുള്ള കാര്യങ്ങൾ തീരുമാനിക്കാം.\"

\"അതിനെന്താ \"

അവർ സംസാരിക്കുന്നതിനിടയിൽ റിച്ചുവിന്റ ഫോൺ റിങ് ചെയ്യുന്നു. അത് കേട്ട് അടുത്തിരുന്നു മുന്ന അവനോട് ചോദിക്കുന്നു.

\"ആരാടാ\"

\"റിയ ആണ്,
ഞാൻ ദേ വരുന്നു. \"

എന്ന് പറഞ്ഞു അവൻ വീടിന് പുറത്തേക്ക് ഇറങ്ങി ഫോൺ അറ്റന്റ് ചെയ്യുന്നു.

\"എന്താടി.....\"

\"ടാ, ചേട്ടാ  ....,
അച്ചന് ഇന്നലെ വന്ന ആ പോസ്റ്റ്‌
നീ  എവിടെയാ  കൊണ്ട് വെച്ചേ..\"

\"അത് ഞാൻ  അപ്പോൾ തന്നെ അമ്മേടെ കയ്യിൽ കൊടുത്തല്ലോ \"

\" എന്നിട്ട് ഇല്ലെന്നാണല്ലോ അമ്മ പറയുന്നേ\"

\"കൊടുത്തില്ലേ,
അങ്ങനെ വരാൻ വഴിയില്ലല്ലോ....\"

\"ദേ, കളിക്കാതെ എവിടെയാ വെച്ചതെന്ന് വെച്ചാൽ ആലോചിച്ചു പറയാൻ നോക്ക് അച്ഛൻ ഇവിടെ കലിതുള്ളി നിൽക്കുവാ ...\"

\"നീ അടുക്കളയിലെ ഷെൽഫിൽ നോക്കിയോ, \"

\"ആ നോക്കി...

\"ഫ്രിഡ്ചിന്റെ മുകളിലോ..\"

\"അവിടെയൊക്കെ ഞാൻ നോക്കി,\"

\"എന്നാ പിന്നെ അമ്മേടെ കട്ടിലിന്റെ ബെഡിനടിയിൽ കാണും,\"

\"ദേ, ഇനി അവിടെക്കൂടിയെയുള്ളു
നോക്കാൻ. അവിടെയും ഇല്ലെങ്കിൽ പിന്നെ നിന്റെ കാര്യം ഗോവിന്ദാ, \"

\"എന്നാ പിന്നെ നീയാ  തലയിണയുടെ അടിയിൽക്കൂടി ഒന്ന് നോക്കിയേക്ക്.

എന്തായി...\"

\"ആ...,  കിട്ടി\"

\"കർത്താവ് കാത്തു.
എന്നാ വെച്ചോ \"

\"വെയ്ക്കല്ലേ, എന്തായി അവിടെ...,
ഇത് നടക്കുമോ \"

\"നടക്കാനാണ് സാധ്യത.
ശെരി എന്നാ വെച്ചോ.\"

ഫോൺ കട്ട്‌ ചെയ്ത് പോക്കറ്റിലേക്ക് ഇടാൻ തുടങ്ങുന്നതും ഒരു ചിരികേട്ട് റിച്ചു വീടിന്റ മുകളിലത്തെ നിലയിലേക്ക് നോക്കുന്നു.

അവിടെ ഒരു പെൺകുട്ടി ഫോണിൽ സംസാരിച്ചു കൊണ്ടിരിക്കുകയായിരിന്നു. 
അവൻ അവളെ തന്നെ നോക്കി നിന്നു.

എന്നാൽ റിച്ചു നോക്കിനിൽക്കുന്നത് കാണാതെ ആ പെൺകുട്ടി ഫോൺ സംസാരിച്ചുക്കൊണ്ടിരുന്നു. 

അവൻ പരിസരം തന്നെ മറന്നുകൊണ്ട് അവളെ തന്നെ നോക്കിനിൽക്കുന്നു. അല്പസമയം കഴിയുന്നതും അവൾ ഫോൺ കട്ട്‌ ചെയ്ത് അകത്തേക്ക് കയറി ചെല്ലുന്നു.

അത് കണ്ട് റിച്ചു അവൾ എവിടെക്ക് പോയെന്ന് അറിയനായി 
കാറിന്റെ ഡോർ തുറന്ന് അതുനു പുറത്തായി കയറി  മുകളിലേക്ക് നോക്കുന്ന സമയത്താണ് ഈ കാഴ്ച്ച കണ്ടു കൊണ്ട്  ജോജോ അവിടേക്ക് വരുന്നത്.

\"ടാ, റിച്ചു എന്താടാ നീ ഈ 
കാണിക്കുന്നേ\"

\"എടാ അവളെ  ഞാൻ കണ്ടു\"

\"ഏതവളെ \"

\"എടാ എന്റെ   സങ്കല്പത്തിലെ പെണ്ണിനെ\"

\"നിനക്കും സങ്കല്പ്പോ\" 

\"മച്ചാനെ തമാശ വിട് \"

\"ഓക്കേ,
എന്നിട്ട്  അവൾ എവിടെ..\"

\"ഇതിന് മുകളിൽ\"

ആ സമയം ജോജോ അങ്ങോട്ടേക്ക് നോക്കുന്നു.

\"അതിനു അവിടെ ആരും ഇല്ലല്ലോ \"

\"അതെല്ലേടാ പൊട്ടാ, പറഞ്ഞത് അവൾ അകത്തേക്ക് കയറി ചെന്നെന്ന്.

എടാ, നമുക്ക് അകത്തു കയറി  ഒന്ന് നോക്കിയാലോ, \"

\" എന്നിട്ട് വേണം ഇപ്പൊ തന്നെ ഉറച്ച അങ്ങേരുടെ കല്യാണം ഇപ്പൊ തന്നെ മുടങ്ങാൻ \"

\"എനിക്ക് അവളെ ഒന്നുകൂടി കാണണമെടാ...\"

ആ സമയം അവർ അകത്തു നിന്നും അവരൊക്കെ പുറത്തേക്ക് വരുന്നു.
സന്തോഷം ത്തോടെ ആണ് അവർ ഇറങ്ങി വരുന്നത്.

\"എടാ  നീ ഒന്ന് അടങ്ങ്, നമുക്ക് പോയിട്ട് പിന്നെ വന്നു നോക്കാം.\"

\"എടാ, അവള് \"

\"അവള് എങ്ങോട്ടും ഓടി പോകില്ല, ഇവിടെ തന്നെ കാണും, നീ വന്നെ \"


റിച്ചു മടിച്ചു മടിച്ചു അങ്ങോട്ടേക്ക് നോക്കി കാറിലേക്ക് കയറുന്നു. കറിലിരുന്ന് അവർ അവിടെ നടന്ന കാര്യങ്ങളെ കുറിച്ച്   സംസാരിക്കുന്നു.

\"ഇപ്പോൾ എന്തായി ആ കോലത്തിൽ വന്നിരുന്നെങ്കിൽ കാണാമായിരുന്നു.\"

\"എന്തായാലും ഈ വേഷം കെട്ടി,  ഇനി എന്തായാലും അങ്ങോട്ടും ഇങ്ങനെ തന്നെ മതിയല്ലേ \"

അത് കേട്ട് എല്ലാവരും ചിരിക്കുന്നു.
പക്ഷേ റിച്ചുവിന്റെ മനസ്സ് അവിടയൊന്നു മല്ലായിരുന്നു. അവന്റ മനസ്സ് നിറയെ ആ പെൺകുട്ടിയുടെ മുഖം മാത്രമായിരുന്നു. 
അങ്ങനെ അവർ വീട്ടിലേക്കെത്തി. എല്ലാവരും കാറിൽ നിന്നും ഇറങ്ങുന്നു.

\"ടാ, റിച്ചു നീ ഇറങ്ങുന്നില്ലേ \"

\"ഇല്ല, എനിക്കും ജോജോക്കും ഒരിടം വരെ പോണം\"

\"അത് എവിടെയാ, ഞങ്ങളറിയാതെ
ഒരു യാത്ര \"

\"എടാ, ഇവൻ അവിടെ വെച്ച് ഏതോ ഒരു പെണ്ണിനെ  കണ്ടു ആ നേരം മുതൽ തുടങ്ങിയതാ.\"

\"പെണ്ണോ \"

\"ആ \"

ജോജോ കാര്യങ്ങൾ അവരോടും പറയുന്നു.

\"എടാ നമുക്ക് എത്രയും വേഗം അവിടേക്ക് പോകണം, \"

\"നീ ഒന്ന് അടങ്ങടാ റിച്ചു.  അങ്ങനെയങ് കയറി ചെല്ലാൻ പറ്റുമോ \"

\"ഇനി ചിലപ്പോൾ  അത് അവരുടെ രണ്ടാമത്തെ മകളാണോ., ആ കുട്ടിയെ രംഗത്ത് കണ്ടില്ലല്ലോ \" 

\"അങ്ങനെയാണെങ്കിൽ നമുക്ക് അത് കൺഫോം ആക്കാൻ ഒരു വഴിയുണ്ട്\"

\"എന്ത് വഴി\"

അവർ ഒരു കാര്യം പ്ലാൻ ചെയ്ത് അവിടേക്ക് പോകുന്നു.

                                തുടരും..........