അവർ നാലുപേരും തിരികെ വീണ്ടും ആ വീട്ടിലേക്ക് എത്തുന്നു. അതിനുശേഷം ശശിയെയും, ജോജോയെയും വീടിന് പുറത്തു നിർത്തി മുന്നയും റിച്ചുവും വീട്ടിലേക്ക് പോകുന്നു.

മുന്ന വീട്ടിലെ കോണിങ്ങ് ബെൽ അടിക്കുന്നു.  അത് കേട്ട് അകത്തുനിന്നും ആ വീട്ടിലെ ഗൃഹനാഥൻ  വന്ന് വാതിൽ തുറക്കുന്നു.
ഇവരെ കാണുന്നതും.

\"ഹാ, നിങ്ങളോ എന്താ....\"

\"അത് അങ്കിൾ ഇവന്റെ ഫോൺ എവിടെയോ വെച്ച് മിസ്സായി.  ഇവിടെ എങ്ങാനും ഉണ്ടോയെന്ന്  അറിയാനായി വന്നതാണ്.

വിരോധമില്ലെങ്കിൽ...  \"


\"അതിനെന്താ,  കയറി വാ....\"

അവർ അകത്തേക്ക് കയറി സോഫയിലൊക്കെ  ഫോൺ നോക്കുന്നതായി ആക്ട് ചെയ്യുന്നു .
പക്ഷേ റിച്ചുവിന്റെ കണ്ണ് വീടിന് ചുറ്റുമായിരുന്നു. ആ സമയമാണ് മുന്ന അവിടെ വെച്ചേക്കുന്ന അവരുടെ ഫാമിലി ഫോട്ടോ കാണുന്നത്.
മുന്ന  റിച്ചുവിന് അത് കാണിച്ചു കൊടുക്കുന്നു.

\"ആ നിൽക്കുന്ന പെണ്ണാണോയെന്ന് നോക്കിയേ\"

അവനത് നോക്കിയതിനു ശേഷം
പറയുന്നു

\"അല്ലടാ...\"

\"അല്ലേ.., നല്ലത് പോലെ നോക്ക് \"

\"അല്ലെന്ന്...\"

\"പിന്നെ ആരാ.....\"

\"എന്താ ഫോൺ കിട്ടിയോ,\"

\"ഇല്ല, ഞാൻ ഒന്ന് വിളിച്ചു നോക്കാമെന്നു ഇവനോട് പറയുകയായിരുന്നു \"

മുന്ന അവന്റ മൈബൈൽ എടുത്ത് റിച്ചു വിന്റെ ഫോണിലേക്ക് വിളിക്കുന്നു. 

\"ടാ, ഞാൻ അവളെ മുകളിൽ നിൽക്കുന്നതാ കണ്ടത്, അങ്ങോട്ടേക്ക് പോയി നോക്കിയാലോ \"

\"നീ ഒന്ന് മിണ്ടാതിരിക്കോ \"

ആ സമയം പുറത്തു നിന്നും ജോജോ മുന്നയുടെ ഫോണിലേക്ക് വിളിക്കുന്നു . മുന്ന  വേഗം ഫോൺ അറ്റന്റ് ചെയുന്നു

\"ഹലോ,\"

\"എന്തായടാ,  അവളെ കണ്ടോ \"

\"ആ, കിട്ടിയോ ശെരിടാ...\"

എന്ന് പറഞ്ഞു അവൻ ഫോൺ കട്ട്‌ ചെയ്യുന്നു.

\"ഫ്രണ്ടാ വിളിച്ചത്, ഫോൺ കിട്ടി ബുദ്ധിമുട്ടിച്ചതിൽ ഷെമിക്കണം
അങ്കിൾ \"

\"ഹേയ്, അത് സാരമില്ല\"

\"എന്നാ  പിന്നെ ഞങ്ങൾ ഇറങ്ങട്ടെ\"

\"ശരി മോനെ...\"

എന്നാൽ റിച്ചു  അവിടെ നിന്നും വരാൻ കൂട്ടാക്കാതെ മടിച്ചു മടിച്ചു നിൽക്കുന്നുണ്ടായിരുന്നു. മുന്ന അവനെ ഉന്തി തള്ളി പുറത്തേക് കൊണ്ടു വരുന്നു .

ആ വീട്ടിൽ നിന്നും തിരികെ പോരുമ്പോഴും  റിച്ചു  വീടിന് മുകളിലത്തെ നിലയിൽ നോക്കി  നോക്കിയാണ്  പുറത്തേക്ക് ഇറങ്ങിയത് .

പുറത്ത് ഇറങ്ങിയ വന്ന അവരോട്
ശശി യും ജോജോയും  കൂടി ചോദിക്കുന്നു.

\"എന്തായി, കണ്ടോ \"

\"ഇല്ലെടാ,
പിന്നെ അവരുടെ  ഒരു ഫാമിലി ഫോട്ടോ അവിടെ വെച്ചിട്ടുണ്ടായിരുന്നു. അതിൽ നിന്നും അവരുടെ രണ്ടാമത്തെ മകളെ കാണാൻ പറ്റി, പക്ഷേ അവളല്ലാന്നാണ് ഇവൻ പറയുന്നത്. \"

\"പിന്നെ ഇനി ആരാ,\"

\"ഇനി ചിലപ്പോൾ ഇവന് തോന്നിയതാവോ...\"

\"ആ.....,
അതിനാ കൂടുതൽ സാധ്യത \"

\"പോടാ.., 
ഞാൻ അവളെ  വളരെ വ്യക്തമായി കണ്ടതാ, അവളുടെ ചിരി കേട്ടാണ് ഞാൻ ഞാൻ അങ്ങോട്ടേക്ക് നോക്കിയത് തന്നെ.

നല്ല ചുരുണ്ട മുടിയിഴകൾ, മുല്ല മൊട്ടുകൾ പോലുള്ള പല്ലുകൾ, എത്ര ഒതുക്കിയിട്ടും  അനുസരണ ഇല്ലാതെ ഇടക്കിടക്ക് മുഖത്തേക്ക് വിഴുന്ന മുടി ഇഴകൾ,..... \"

\"ഹോ.., മതി മതി..
ഇനി നീ അവളെക്കുറിച്ച് കവിതയൊന്നും എഴുതാൻ നിൽക്കണ്ട. പിന്നെ അവള് നിനക്കുള്ളതാണെങ്കിൽ പടച്ചോൻ ഇനിയും അവളെ നിന്റെ മുന്നിൽ കൊണ്ട് എത്തിച്ചു തരും \"

\"ഇനി അധിക നേരം ഇവിടെ നിൽക്കണ്ട വാ നമുക്ക്  പോകാം \"

അങ്ങനെ അവർ നാലുപേരും തിരികെ പോകുന്നു. അന്നേ ദിവസം രാത്രി  കല്യാണം ഉറച്ച സന്തോഷത്തിൽ ഇവർക്ക് മൊയ്‌തീൻ ഒരു പാർട്ടി നടത്തുന്നു. എന്നാൽ അതിൽ അവർക്കൊപ്പം ചേരാതെ റിച്ചു മാറി ഇരിക്കുകയായിരുന്നു. 


\"ടാ റിച്ചു നീ കഴിക്കുന്നില്ലേ, തീർന്നിട്ട് പിന്നെ വന്നേക്കരുത് \"

\"അവനാ പെണ്ണിനേയും സ്വപ്നം കണ്ട് ഇരിക്കുവായിരുക്കും. \"

\"ആണോടാ റിച്ചു...\"

എന്നാൽ അവർ പറയുന്നതൊന്നും കേൾക്കാതെ അവൻ അവന്റെ സ്വാപ്നലോകത്തായിരുന്നു.
മുന്ന അവന്റ അടുത്തു ചെന്ന് തോളിൽ തട്ടുന്നു. ആ സമയം അവൻ ഞെട്ടി ഉണരുന്നു.

\"എന്താടാ
കല്യാണം കഴിഞ്ഞോ, അതോ കുട്ടികളും ആയോ \"

\"പോടാ...\"

\"എന്നാലും ഒന്ന് കാണും മുന്നേ ഇത്രക്ക് മാത്രം സ്വപ്നം കാണാൻ മാത്രം അത്രക്ക്  സ്പെഷ്യൽ ആണോടാ അവള്. \"

\"ഞാൻ പറഞ്ഞില്ലേ അളിയാ ആ ഒറ്റ കാഴ്ച്ചയിൽ തന്നെ എനിക്ക് എന്താ സംഭവിച്ചതെന്ന് എനിക്കുപോലും അറിയില്ല. \"

\"നീ വിഷമിക്കണ്ട, നമുക്ക് അവളെ കണ്ടു പിടിക്കാം. \"


അത് കഴിഞ്ഞു വീട്ടിലേക്ക് വരുന്ന റിച്ചുവിനെ കണ്ട് ആൻ അവന്റെ അടുത്തേക്ക് വരുന്നു.

\"എന്താടാ ലേറ്റ്..\"

\"ലേറ്റോ , ഇന്ന് നേരത്തെ അല്ലേ, പതിനൊന്ന് ആകാൻ പോകുന്നതല്ലേ ഉള്ളു \"

\"ടാ, നീ കുടിച്ചിട്ടുണ്ടോ\"

\"ഇന്ന്, പാർട്ടി അല്ലായിരുന്നോ,
ഇത്തിരി കുടിച്ചു.\"

\"അല്ല...., നിനക്ക് ഉറക്കമൊന്നുമില്ലേ \"

\"അടുത്ത ആഴ്ച psc എക്സാം ഉണ്ട് അതിന്റ പ്രിപ്പറേഷനിലാണ്.\"

\"നന്നായി, എന്നാ നീ പോയി പടിക്ക്\"

\"ഞാൻ പോയി ഉറങ്ങട്ടെ \"

\"ടാ,...\"

\"ഗുഡ് നൈറ്റ്‌.....\"


പിറ്റേ ദിവസം രാവിലെ തന്നെ റിച്ചു അവളെ തിരക്കി  വീണ്ടും ആ പരിസരത്തൊക്കെ പോയി നോക്കുന്നു പക്ഷേ കാണാൻ കഴിഞ്ഞില്ല.

അത് കഴിഞ്ഞ് തിരികെ റിച്ചു മുന്നയുടെ മൊബൈൽ ഷോപ്പിലേക്ക് വരുന്നു.

\"നീ  രാവിലെ തന്നെ എവിടെ പ്പോയിരുന്നു  അനിന്റെ അപ്പൻ നിന്നെ അന്നെഷിച്ചു വന്നിരുന്നു.

നീ ഫോൺ വിളിച്ചിട്ടും എടുക്കുന്നില്ലെന്ന് പറഞ്ഞ്. അവിടെ ജോലി ചെയ്യാൻ താല്പര്യം ഇല്ലെങ്കിൽ നിനക്ക് വേറെ എന്തെങ്കിലും ജോലി നോക്കിക്കൂടെ\"

\"നോക്കുവല്ലേടാ, കിട്ടാഞ്ഞിട്ടല്ലേ...\"

\"രാവിലെ ഉറക്ക പായിൽ നിന്നും എങ്ങോട്ടേക്കാണ് പോയതെന്ന് എനിക്ക് മനസ്സിലായി.

ആ പെണ്ണിനെ അന്നെഷിക്കുന്നതിന്റെ പകുതി ഇന്റർസ്റ്റ് കാണിച്ചാൽ മതി  തല്ക്കാലം ഒരു ജോലി കിട്ടാൻ. \"

അത് കേട്ട് റിച്ചു ഒരു കള്ള ചിരി പാസാക്കുന്നു.

\"ആട്ടെ, പോയിട്ട് എന്തായി ആളെ കിട്ടിയോ \"

\"ഇല്ലടാ...,
ഞാനാ പരിസരത്തൊക്കെ അവളെ അന്നെഷിച്ചു പക്ഷേ......

എന്നാലും അവള് എവിടെപ്പോയി.\"

\"എടാ നീ ഇങ്ങനെ ഏതു നേരവും അവളെ ഓർത്തിരുന്ന്  മിക്കവാറും നിനക്ക് ഭ്രാന്ത് വരും,\"

\"അവളെ കണ്ടില്ലെങ്കിൽ നീ പറഞ്ഞത് എനിക്ക് ഭ്രാന്ത് വരുന്ന ലക്ഷണമാണ്.\"

\"ഇനി ഇപ്പോൾ നീ അവളെ  വീണ്ടും കണ്ടെന്നു തന്നെ ഇരിക്കട്ടെ, അവൾക്ക് വേറെ ആരെങ്കിലുമായി അഫെയർ ഉണ്ടെങ്കിലോ, അപ്പൊ നീ എന്ത് ചെയ്യും\"

\"അങ്ങനെ സംഭവിക്കോ,\"

\"പിന്നെ കൊച്ചു പിള്ളേർക്ക് വരെ ലൈൻ സെറ്റ് ആകുന്ന കാലത്താണ്....\"

\"ഏയ്.....,
അങ്ങനെയൊന്നും വരില്ല. ഇനി അങ്ങനെ എന്തെങ്കിലും ഉണ്ടെകിൽ അതിനു വേണ്ടത് എന്താണെന്ന് വെച്ചാൽ ഞാൻ ചെയ്‌തോളാം.
എനിക്ക് അവളെ ഒന്ന് കണ്ടാൽ മതി. \"

\"എന്നാ പിന്നെ നീ  ഇനി അവളെ അന്നെഷിച്ചു നടക്കേണ്ട. 
നീ ആ വീട്ടിൽ വെച്ചെല്ലേ  അവളെ കണ്ടത് അപ്പൊ  ആ വീടുമായി അടുപ്പമുള്ള ആരെങ്കിലുമായിരിക്കും.

അതുകൊണ്ട് തന്നെ  ഇക്കാടെ എൻഗേജ്മെന്റിന്  അവൾ   എന്തായാലും വരാതിരിക്കില്ല. \"

\"അങ്ങനെ ആണെങ്കിൽ നാളെയോ മറ്റന്നാളോ എങ്ങേജ്മെറ്റ്
വെച്ചാലോ. \"

\"നീ ഒന്ന് പോയെ.... \"

\"അവളെ കാണാനുള്ള കൊതി
കൊണ്ടടാ.... \"

\"നീ പറഞ്ഞു പറഞ്ഞു ഇപ്പോൾ ഞങ്ങൾക്കും  അവളെ കാണാനൊരു എക്സിക്മെന്റ് ഉണ്ട് \"


                                          തുടരും......