ഇനി കുറച്ചു ദിവസം കൂടിയല്ലേ ഉള്ളു നീയൊന്ന്  ഷെമിക്ക്‌. എന്തായാലും അടുത്താഴ്ച എങ്ങെനെലും എൻഗേജ്മെന്റ് നടത്താനുള്ള എന്തെങ്കിലും വഴി നമുക്ക് കണ്ടെത്താം. 
നീ ഇപ്പോൾ സമാധാനത്തോടെ ജോലിക്ക് പോകാൻ നോക്ക്

\"ശെരിയാടാ.....\"

റിച്ചു മടിച്ചു മടിച്ചു ജോലിക്ക് പോകുന്നു. 

മുന്ന അങ്ങനെയൊക്കെ പറഞ്ഞെങ്കിലും  അവനൊരു സമദാനം ഉണ്ടായിരുന്നില്ല.

അന്നേദിവസം രാത്രി ഉറങ്ങാൻ കിടന്ന അവൻ ഉറക്കം വരാതെ അങ്ങോട്ടുമിങ്ങോട്ടും തിരിഞ്ഞും മറിഞ്ഞും അവളെ ആലോചിച്ചു കിടന്നു. 
കണ്ണടക്കുമ്പോൾ അവളുടെ മുഖം അവനെ ശല്യപ്പെടുത്തി കൊണ്ടിരിന്നു. 

ഉറക്കം വരാതെ അവൻ എഴുന്നേറ്റ് ജനൽ വഴി പുറത്തേക്ക് നോക്കി നിന്നു. 

\'പ്രണയം മനുഷ്യനെ പ്രാന്തനാക്കുമെന്ന് ഞാൻ കേട്ടിട്ടുണ്ട്, ഇപ്പോൾ എന്റെ കാര്യത്തിലും അത്   തന്നെ സംഭവിച്ചു കൊണ്ടിരിക്കുവാ.

ഇതിനുമുൻപ് ഞാൻ നിന്നെ ഒരിക്കൽ പോലും കണ്ടിട്ടില്ല. എന്റെ സ്വപ്നത്തിൽ പോലും  നിന്റെ രൂപം  കടന്നു വന്നിട്ടില്ല . എന്നിട്ടും ആദ്യ കാഴ്ച്ചയിൽ തന്നെ എന്റെ മനസ്സിന്റെ ആഴത്തിലേക്ക് നീ ഇറങ്ങി ചെന്നു.  ഇപ്പോൾ  ദേ എന്റെ ഉറക്കം പോലും നീ നഷ്ടപ്പെടുത്തുവാ. 

നീ ആരാണെന്നോ, നിന്റെ പേര് എന്താണെന്നോ, നിന്നെ കുറിച്ചുള്ള യാതൊന്നും എനിക്കറിയില്ല.

നീ എനിക്ക് സ്വന്തമാകുമെന്നും അറിയില്ല., എന്തിന് ഏറെ ഇനി നിന്നെ കാണാൻ കഴിയുമോ, എന്നുപോലും അറിയില്ല.  പക്ഷേ ഒന്നറിയാം  എന്റെ മനസ്സ് നിറയെ നീ മാത്രമാണ്.

നിണെ ഞാൻ ആർക്കും വിട്ടു കൊടുക്കില്ല.  അവളെ കുറിച്ച് ഓരോന്ന് ഓർത്തു കിടന്നു അവൻ മെല്ലെ ഉറങ്ങുന്നു.


പിറ്റേദിവസം രാവിലെ തന്നെ  ആനും അപ്പനും കൂടി  റിച്ചു വിന്റെ വീട്ടിലേക്ക് വരുന്നു.

ആനിന്റെ അപ്പനും, റിച്ചുവിന്റ അച്ഛനുമായി പുറത്ത് ഉമ്മറത്തിരുന്ന് സംസാരിക്കുന്നു. അവിടേക്ക് റിച്ചു വിന്റെ അമ്മയും, സഹോദരിയും വരുന്നു.

\"ഇന്ന് വൈകുന്നേരമല്ലേ ബസ് പുറപ്പെടുന്നത് \"

\"അതേ..\"

ഞാനും കൂടി ഇവർക്കൊപ്പം പോകമെന്നാണ് ആദ്യം കരുതിയിരുന്നത്.

പിന്നെ ഞാൻ കൂടി പോയാൽ പിന്നെ ഇവിടത്തെ കാര്യങ്ങൾ എല്ലാം ആകെ താറുമാറാകും. ആരെങ്കിലും വിശ്വസിച്ചു ഏൽപ്പിക്കാമെന്ന് വെച്ചാൽ ആരുമില്ല,

പിന്നെ റിച്ചുവിനെ എല്പിച്ചാൽ പറയണ്ടല്ലോ. \"

ആ സമയം ആൻ അമ്മയോട് പറയുന്നു.

\"റിച്ചുവിനെക്കൂടി നമുക്ക് കൊണ്ടു പോയാലോ \"

\"പിന്നെ.....,
ഈ അടുത്ത് കിടക്കുന്ന പള്ളിയിലേക്ക് ഞായറാഴ്ച പോകാൻ പറഞ്ഞാൽ പോലും കേൾക്കാൻ കുട്ടാക്കാത്ത അവനാണ് ഇനി വേളാങ്കണ്ണിക്ക്‌.\"

\"അവൻ എഴുന്നേറ്റില്ലേ അമ്മേ \"

\"ഇല്ല മോളെ...\"

\"അവന് പിന്നെ  സുഖമല്ലേ ഒന്നും അറിയണ്ടല്ലോ, രാവിലെ കുളിച്ചൊരുങ്ങി
നാട് നിരങ്ങിയിട്ട് രാത്രി ആകുമ്പോൾ ഇങ്ങ് കയറി ചെന്നാൽ മതിയല്ലോ \"

\"ഞാനൊന്ന് പറഞ്ഞു നോക്കാം,
അമ്മേ \"

നീ നിന്റെ പണി നോക്ക് മോളെ, ഇനി അവനെക്കൂടി  എഴുന്നള്ളിച്ചു കൊണ്ടുപോകാഞ്ഞിട്ടാ \"

റിച്ചുവിനെ കുറിച്ച് അവന്റ അച്ഛൻ പറഞ്ഞത് കേട്ടുകൊണ്ട്, ആൻ അവന്റെ റൂമിലേക്ക് പോകുന്നു. 

🎼ഞാൻ  കനവിൽ കണ്ടൊരു കണ്മണിയാൽ.....,  ഇവളാണല്ലോ
എന്നുള്ളു തുടിച്ചതുമിവളെ കാണാണല്ലോ 
പേരെന്താണെന്നറിയില്ല  ഉരെതാണെന്നറിയില്ല 🎼🎼🎼

സ്വപ്നത്തിൽ മുഴുകി കിടക്കുവായിരുന്നു റിച്ചുവിന്റ അടുത്തേക്ക് ആൻ വരുന്നു.
അവൻ മൂടി പുതഞ്ഞു നല്ല സുഖ നിദ്ര യിലാണ് .

ആൻ അവനെ കുറച്ചു നേരം നോക്കി നിന്നതിനു ശേഷം അവിടെ മേശപ്പുറത്ത് വെച്ചിട്ടുണ്ടായിരുന്ന ജഗിൽ നിന്നും അല്പം 
വെള്ളം കയ്യിലേക്ക് എടുത്ത്, ഒന്ന് രണ്ട് തുള്ളി അവന്റ മുഖത്തേക്ക് വീഴ്ത്തുന്നു.

അവൻ പതിയെ കണ്ണുകൾ തുറന്നു നോക്കുന്നു . ആ സമയം മുന്നിൽ നിൽക്കുന്ന ആനിനെ കാണുന്നതും അവന്  ആ പെൺകുട്ടിയെപ്പോലെ തോന്നുന്നു  

🎼 ഇതുവരെ എന്തേ കണ്ടില്ല ഞാൻ.....
കവിളത്തെ സിന്ദൂരത്തിൻ രാഗ പരാഗങ്ങൾ... 🎼🎼🎼

\"ടാ...., റിച്ചു..\"

ആൻ റിച്ചുവിനെ തട്ടി ഉണർത്തുന്നു.

\"ഞെട്ടി ഉണർന്ന റിച്ചു ചുറ്റും
നോക്കുന്നു. \"

\"അപ്പോൾ സ്വപ്നം ആയിരുന്നോ,\"

\"എടാ....,
നീ എന്ത് പിച്ചും പേയുമാണ് ഈ പറയുന്നത് 

\"ഏയ്‌, ഒന്നുമില്ല, അല്ല നീ എന്താ  രാവിലെ തന്നെ....\"

\"ഇന്നല്ലേടാ...,
ഞങ്ങൾ വേളാങ്കണ്ണിക്ക് പോകുന്നത്,\"

\"ആണോ,  അത് നന്നായി,
അല്ല അത് പറയാൻ വേണ്ടിട്ടാണോ രാവിലെ തന്നെ ഇങ്ങോട്ടേക്കു വന്നത് \"

\"അല്ല\"

\"പിന്നെ എന്തിനാണാവോ \"

\"വേളാകണ്ണിക്ക് നിന്നെയും കൂടി
കൂടെ കുട്ടാമെന്ന് വിചാരിക്കുവാ\"

\"നടന്നത് തന്നെ \"

\"പ്ലീസ്, ടാ നീയും വാ... \"

\"നീയൊന്ന് പോയെ \" 

\"എടാ....,  അവിടെപ്പോയി പ്രാർത്ഥിച്ചാൽ നമ്മൾ മനസ്സിൽ ആഗ്രഹിക്കുന്ന കാര്യം നടക്കുമെന്നാണ് ട്രീസ ചേച്ചി പറഞ്ഞത് \"

\"ശെരിക്കും....\"

\"ആന്നെ...
സംശയം ഉണ്ടെങ്കിൽ നീ ഒന്ന് ട്രൈ ചെയ്ത് നോക്ക് \"

റിച്ചു കുറച്ചു നേരം  മനസ്സിൽ ആലോചിക്കുന്നു.
അങ്ങനെയാണെങ്കിൽ ഒന്ന് ട്രൈ ചെയ്തു നോക്കിയാലോ

\"നീ എന്താ ആലോചിക്കുന്നേ \"

അല്ല അങ്ങനെയാണെങ്കിൽ ഒന്ന് ട്രൈ ചെയ്തു നോക്കാം. നിങ്ങൾ  എപ്പോഴാ പോകുന്നത് \"

\" ഇന്ന് വൈകിട്ട് \"

\"എന്നാ പിന്നെ ഞാനും വരാം\"

\"ഉറപ്പാണല്ലോ, അതോ സമയമാകുമ്പോൾ പറ്റിക്കുമോ\"

\"ഇല്ലെന്നേ \"

\"അപ്പോൾ ഈ കാര്യം ഞാൻ അമ്മയോട്
പറയട്ടെ, നീ പോയി കുളിക്ക് .\"

അങ്ങനെ വൈകുന്നേരം അവർ യാത്ര തിരിക്കുന്നു. അവിടെ യെത്തിക്കഴിഞ്ഞ് അവർ പ്രാർത്ഥിക്കുന്നു . 

റിച്ചുവുമായുള്ള വിവാഹം തടസ്സങ്ങൾ ഒന്നുമില്ലാതെ എത്രയും വേഗം നടക്കാൻ
വേണ്ടി ആൻ പ്രാർത്ഥിച്ചു. 


എന്നാൽ റിച്ചുവിന്റെ പ്രാത്ഥന കർത്താവെ,....,
സോറി  അല്ല ആരായാലും എന്താ പ്രാർതിക്കുന്നവന്റെ മനസ്സ് കാണണം അത്രയേള്ളു ,

നിങ്ങളൊക്കെ കൂടിയല്ലേ എനിക്കവളെ കാണിച്ചു തന്നത്, പിന്നെ എന്തിനാ എന്റെ മുന്നിൽ നിന്നും അവളെ ഒളിപ്പിക്കുന്നെ.

ഒന്നുകൂടി എത്രയും വേഗം എനിക്ക് അവളെ കാണാൻ കഴിയണം , പിന്നെ ഞങ്ങൾ തമ്മിൽ  ഒന്നിക്കാനും കഴിയണം .

ഇവരുടെ യൊക്കെ പ്രാത്ഥന കേൾക്കുന്നതിനു മുൻപ്  എന്റെത് ആദ്യം പരിഗണിക്കണം.

ഇവരൊക്കെ വീണ്ടും നിന്നെ വിശ്വസിച്ച് ഇങ്ങോട്ടേക്കു വരും, പക്ഷേ ഞാൻ അങ്ങനെയല്ല കേട്ടോ പറ്റിച്ചാൽ പിന്നെ എന്നെ ഈ പരിസരത്തു നോക്കണ്ട.  പ്ലീസ് പ്ലീസ് കനിയണേ..... \"


ഇത് കണ്ടുകൊണ്ട് അവിടേക്ക് വരുന്ന ആൻ റിച്ചുവിനോട് ചോദിക്കുന്നു.

\"  ഇത് കുറെ നേരാമായല്ലോ
കഴിഞ്ഞില്ലേ \"

\"ആഴത്തിൽ പ്രാത്ഥിച്ചാലല്ലേ കാര്യങ്ങൾക്ക് ഒരു നീക്കുപോക്ക് ഉണ്ടാവുകയുള്ളൂ. \"

\"ഓഹ്, അങ്ങനെ...,
അല്ല എന്താ പ്രാത്ഥിച്ചത് ,\"

\"അതൊക്ക സീക്രെട് ആണ്, അങ്ങനെ പുറത്തു പറയാൻ പാടില്ല.\"

\"മം \"

\"നീ പ്രാത്ഥിച്ചത് എന്താണെന്ന്എനിക്കറിയാം,  ഞാൻ പറയട്ടെ  \"

\"എന്നാൽ പറയ്...\"

\"നീ സ്നേഹിക്കുന്ന പയ്യനുമായി എത്രയും വേഗം ഒന്നിക്കാൻ പറ്റണെ....., എന്നല്ലേ\"

അത് സമ്മതിക്കും വിധം ആൻ നാണത്തോടെ മുഖം കുനിച്ചു. 

\"ഞങ്ങൾക്ക് ഒന്നിക്കാൻ കഴിയുമോ, യെടാ...\"

\"നീ അവനെ ആത്മാർഥമായി സ്നേഹിക്കുന്നുണ്ടെങ്കിൽ അവനെ നിനക്ക്  തന്നെ കിട്ടും. \"

                           തുടരും.........