അവൻ പുറകിലേക്ക് തിരിഞ്ഞ് ആ പെൺകുട്ടികളെ നോക്കുന്നു. അതേ അവൻ കാണാൻ കാത്തിരുന്ന ആ മുഖം. ബൈക്കിൽ നിന്നും ഇറങ്ങി അവൻ അവർക്ക്‌ പിന്നാലെ ഹാളിലേക്ക് ചെല്ലുന്നു. 

അതേ സമയം ശശി റിച്ചുവിനെ കാണാത്തത് കൊണ്ട് ആനിനോട് ചോദിക്കുന്നു.

\"ആൻ...,
റിച്ചു എങ്ങോട്ടേക്കാ പോയത്\"

\"വീട്ടിലേക്കാണെന്നാണ് പറഞ്ഞത്.
അവന് പെട്ടെന്ന് എന്താടാ പറ്റിയത്.\"

\"ഹേയ്, അവനൊന്നുമില്ല,
അവൻ നിന്നെ വെറുതെ പറ്റിച്ചതാവും. 
നീ  അത് ആലോചിച്ചു സങ്കടപ്പെടേണ്ട,\"

അവളോട്‌ സംസാരിച്ചു കഴിഞ്ഞു നോക്കുമ്പോൾ തിരികെ അകത്തേക്ക് കയറി വരുന്ന റിച്ചുവിനെ ശശി കാണുന്നു.

\"ദേ നിൽക്കുന്നു അവൻ, ഞാൻ പറഞ്ഞില്ലേ നിന്നെ കളിപ്പിക്കാനായിട്ട് ,
അവന്റെ ഓരോ പണികളാ.
നിന്നെ  നേരത്തെ അമ്മ തിരക്കുന്നുണ്ടായിരുന്നല്ലോ.\"

\"അവന് ഞാൻ വെച്ചിട്ടുണ്ട്, എന്നാ ഞാൻ അങ്ങോട്ടേക്ക് പോട്ടെ\"

\"ശെരി...\"

സങ്കടപ്പെട്ട് ഇറങ്ങിപ്പോയ ആള് സന്തോഷത്തോടെ കയറി വരുന്നത് കണ്ട്  കാര്യം അറിയുന്നതിനുവേണ്ടി ശശി വേഗം അവന്റ അടുത്തേക്ക് ചെല്ലുന്നു.

\"ടാ, റിച്ചു..., റിച്ചു\"

വിളി കേട്ട് അവൻ തിരിഞ്ഞു നോക്കുന്നു.

\"ടാ ശശി, അവളെ ഞാൻ കണ്ടു\"

അപ്പോഴേക്കും മുന്നയും, ജോജോയും അവർക്ക് അടുത്തേക്ക് എത്തുന്നു.

\"എന്താടാ...\"

\"എടാ ഇവൻ അവളെ കണ്ടെന്ന് \"

\"ആണോ, എന്നിട്ട് എവിടെ \"

\"ദേ, അത് \"

അവൻ പറഞ്ഞത് കേട്ട് അവരും  ആ എക്സ്സൈക്ട്മെൻറ്റിൽ അവളെ നോക്കുന്നു

\"ഏതാടാ ,\"

\"ആ റെഡ് ചുരിദാർ\"

\"അതാണോ,\"

അവർ മൂന്നുപേരും ഒരേ സ്വരത്തിൽ ചോദിക്കുന്നു.

\"ആ, ടാ...\"

\"ഇവൾക്കാണോ നീ ഇത്രയും ബിൽഡപ്പ് ഇട്ടത് .  കേട്ടപ്പോൾ ഞങ്ങൾ കരുതിയത്  ലോക സുന്ദരി ആണെന്നാ, ഇതിനേക്കാൾ ഭംഗിയുണ്ട് നമ്മുടെ ദേവിയെച്ചിടെ മോള് \"

\" നിങ്ങൾക്ക്  അങ്ങനെ ആയിരിക്കാം, പക്ഷേ എനിക്ക് അങ്ങനെ അല്ല.
അവൾ എനിക്ക് സുന്ദരിയാണ്.\"


\"എടാ നമ്മളെ ആളുകൾ ശ്രെദ്ധിക്കുന്നുണ്ട്. നമുക്ക് അങ്ങോട്ട്‌ മാറി നിൽക്കാം.\"

റിച്ചു അവളുടെ പിന്നാലെ തന്നെ ആയിരുന്നു. കണ്ണുനിറയെ അവൻ അവളെ കണ്ടു.

പെൺകുട്ടികളെ വായിനോക്കി നിൽക്കുന്ന റിച്ചു വിനെ കണ്ടുകൊണ്ട് അവന്റെ അരികിലേക്ക് ആൻ വരുന്നു. 

\"ടാ, റിച്ചു നീ ആരെയാ ഈ
നോക്കുന്നെ, \"

\"ഞാൻ ആരെ നോക്കാനാ...\"

\"മം മനസ്സിലായി, ആ പെൺപിള്ളേരെ വെറുതെ വിടെടാ...,
നിനക്കിപ്പോൾ വായിനോട്ടം
കൂടുന്നുണ്ട്. \"

\"അയ്യേ, നീ ഉദ്ദേശിക്കുന്നത് പോലെ
അല്ല \"

\"മതി,  മതി കിടന്നുരുളണ്ട \"

\"ടീ..,\"

അവൾ പോയിക്കഴിഞ്ഞു വീണ്ടും റിച്ചു ആ കുട്ടിയുടെ പിറകെ തന്നെയായിരുന്നു. അവൻ അവളുടെ പിറകെ ചുറ്റുന്നത്, പുതുപെണ്ണിന്റെ സിസ്റ്റർ ശ്രദ്ധിക്കുന്നുണ്ടായിരുന്നു.


\"ടാ റിച്ചു, നിനക്ക് അവളോട്  ഒന്ന് പോയ്‌ സംസാരിക്കാൻ പാടില്ലായിരുന്നോ \"

\"അതിനൊരു അവസരം കിട്ടണ്ടേ ടാ..., \"

മുന്ന  ആ കുട്ടിയുടെ ഡീറ്റെയിൽസ്  തിരക്കി കണ്ടുപിടിക്കുന്നു.
റിച്ചുവും, ശശിയും സംസാരിച്ചു നിൽക്കുന്നിടത്തേക്ക് മുന്നയും, ജോജോയും വരുന്നു.

\"അളിയാ, അവളുടെ പേര് കിട്ടി \"

\"ആണോ, എന്താടാ പേര് \"

\"ദിയ,\"

\"ദിയ കൊള്ളാം നല്ല പേര് \"

\" മെഡിസിന് പഠിക്കുവാ....
ഇക്ക കല്യാണം കഴിക്കാൻ പോകുന്ന പെണ്ണിന്റെ അനിയത്തിയുടെ ഫ്രണ്ട് ആണ്.\"

\"ദിയ റീചാർഡ് ഓഹ് എന്നാ മേച്ചാ
മച്ചാനെ.\"

ഫങ്ഷനോക്കെ കഴിഞ്ഞു തിരികെ എല്ലാവരും വീട്ടിലേക്ക് വരുന്നു. 

\"ആളെ കിട്ടിയില്ലേ മച്ചാ....
ഇനി പതിയെ കാര്യങ്ങൾ നോക്കാം. \"

അവളെറിയാതെ ജോജോ അവളുടെ ഒരു ഫോട്ടോ അവന്റ ഫോണിൽ എടുതിരുന്നു.അത് റിച്ചുവിന് കൊടുക്കുന്നു. 



അന്നേ ദിവസം രാത്രി ആനിന്റെ അപ്പൻ വീട്ടിൽ ഇല്ലാതിരുന്നത് കൊണ്ട് ആൻ റിച്ചുവിന്റെ വീട്ടിലായിരുന്നു കിടന്നിരുന്നത്. 

ഉറക്കമില്ലാതെ പുറത്തു കൂടി അങ്ങോട്ടും മിങ്ങോട്ടും നടക്കുന്ന റിച്ചുവിനെ ആൻ കാണുന്നു.

\"ഇവൻ ഈ നേരത്ത് പുറത്ത് എന്തെടുക്കുവാ \"

അവൾ പതിയെ പുറത്തേക്ക് ഇറങ്ങി വരുന്നു.  അതേ സമയം പുറത്തു നിൽക്കുകയായിരുന്ന റിച്ചു പോക്കറ്റിൽ നിന്നും ഫോൺ എടുത്തു  ജോജോയെ  വിളിക്കുന്നു.

\"ഹലോ, അളിയാ,\"

\"എന്താടാ.., നിനക്ക് ഉറക്കമൊന്നുമില്ലേ \"

\"എടാ, നാളെ രാവിലെ തന്നെ നമുക്ക് അവളുടെ കോളേജിലേക്ക്
പോയല്ലോ, \"

\"ഇത് പറയാനാണോ, ഇപ്പൊ നീ ഇങ്ങോട്ട് വിളിച്ചേ, അതൊക്കെ നാളെത്തെ കാര്യമല്ലേ, സിറ്റുവേഷൻ അനുസരിച്ചു നമുക്ക് പ്ലാൻ ചെയ്യാം .  നീ ഇപ്പൊ ഫോൺ വെച്ചിട്ട് പോയികിടന്നു ഉറങ്ങിയേ. \"

ഫോൺ കട്ട്‌ ചെയ്തതിന് ശേഷം വീണ്ടും അവൻ ഓരോന്നു ചിന്തിച്ചു നടക്കുന്നു. 

\"എങ്ങനെ അവളുമായി അടുക്കും,

അതിനു മുൻപ് അവൾക്ക് ആരോടെങ്കിലും ഇഷ്ടം മുണ്ടോയെന്ന് കണ്ടെത്തണം....\"


ഇതൊക്കെ കണ്ടുകൊണ്ട് ആൻ അവന്റ അടുത്തേക്ക് വരുന്നു. അവളെ കാണുന്നതും അവൻ പെട്ടെന്ന് ഞെട്ടിപോകുന്നു. 

\"നീയായിരുന്നോ, മനുഷ്യൻ പേടിച്ചു പോയി \"

\"പിന്നെ നീ ആരാണാ വിചാരിച്ചേ, \"

\"അത്....,
നീ എന്താ ഈ നേരത്ത്  നിനക്ക്
ഉറക്കമൊന്നുമില്ലേ.\"

\"അത് തന്നെയാ എനിക്കും  നിന്നോട് ചോദിക്കാനുള്ളത്, നിനക്ക് ഉറക്കമൊന്നുമില്ലേ, കുറെ നേരമായല്ലോ നിലവത്തു അഴിച്ചു വിട്ട കോഴിയെപ്പോലെ അങ്ങോട്ടുമിങ്ങോട്ടും നടക്കാൻ തുടങ്ങിയിട്ട്.\"

\"അത് പിന്നെ, ...
ഞാൻ പഠിക്കുവായിരുന്നു.\"

\"എന്നിട്ട് ബുക്ക്‌ എവിടെ..\"

\"അത്...\"

\'എന്തിനാടാ കള്ളം പറയുന്നേ, 
കാര്യം  പറ\"

\"ഇവളോട്  കാര്യം പറഞ്ഞാലോ ,
അല്ലേ, വേണ്ട ഇവളോട് പറഞ്ഞാൽ പിന്നെ റിയ അറിയും, റിയ അറിഞ്ഞാൽ പിന്നെ വീട് മൊത്തം പാട്ടാകും അത് എനിക്ക് നാണക്കേടാണ്\"

\"നീ എന്ത് ഈ ആലോചിക്കുന്നേ\"

\"ഏയ് ഒന്നുമില്ല\" 

\"എന്തോ കള്ളത്തരം ഒപ്പിക്കാനുള്ള പരുപാടി ആണെന്ന് തോന്നുന്നു.\"

\"എന്ത് കള്ളത്തരം, നീ ഒന്ന് പോയെ\"

\"സാരമില്ല ഞാൻ കണ്ടു പിടിച്ചോളാം.\"

\"ഇവളെ സൂക്ഷിക്കണം...
ഞാൻ കിടക്കാൻ പോകുവാ, നീ അകത്തേക്ക് കയറുന്നില്ല,\"

\"ഞാൻ വന്നോളാം, നീ ചെല്ല്...\"


റിച്ചു റൂമിലേക്ക് പോകുന്നു.ആനും അകത്തേക്ക് കയറുന്നു.
പിറ്റേദിവസം രാവിലെ തന്നെ
റിച്ചുവും കൂട്ടുകാരും ചേർന്ന് ദിയ പഠിക്കുന്ന കോളേജിലേക്ക് വരുന്നു.

കോളേജിലേക്ക് കയറുന്ന ഓരോരുത്തരിലും അവളുണ്ടോയെന്ന്  അവൻ തിരഞ്ഞുകൊണ്ടിരുന്നു. അവസാനം അവളെ അവൻ കാണുന്നു .

\"എടാ ദേ, അവൾ\"

അവൾ കൂട്ടുകാരികൾക്കൊപ്പം കോളേജിനുള്ളിലേക്ക് കയറുന്നു. 

\"എടാ നമ്മൾ ഇങ്ങനെ പുറത്തു നിന്ന് വാച്ച് ചെയ്തായിട്ട് കാര്യമില്ല, കാര്യങ്ങൾക്ക് കൂടുതൽ ക്ലാരിഫിക്കേഷൻ കിട്ടണമെങ്കിൽ കോളേജിന് അകത്തു കയറണം.\"

\"അത് ശെരിയാ\"

\"പക്ഷേ നമ്മൾ എങ്ങനെ ഇതിനുള്ളിൽ കയറും,\"

\"ആ സെക്യൂരിറ്റിയെ കുപ്പിയിലാക്കിയാലോ,\"

\"ആ വയറും വെച്ച് അയ്യാള് കുപ്പിയിൽ കയറുമെന്ന് എനിക് തോന്നുന്നില്ല \"

\"തമാശ കളഞ്ഞു, കാര്യത്തിലേക്ക് വാ,\"

\"എടാ, അതിന്  അവര് ഒരാളല്ലോ, രണ്ടുപേരില്ലേ..\"

\"ഇനിയിപ്പോൾ എന്താ ചെയ്യുക\"

\"ഒരു വഴിയുണ്ട്...\"


                                         തുടരും........