പ്രാർത്ഥനയൊക്കെ കഴിഞ്ഞു എല്ലാവരും അവിടെ നിന്നും  തിരികെ വീട്ടിലേക്ക് തിരിക്കുന്നു. വഴിയിൽ വെച്ച് ജോജോയെ  കാണുന്ന റിച്ചു  വഴിയിൽ ഇറങ്ങുന്നു. 

\"ടാ, ജോജോ...\"
റിച്ചു വിളിച്ചത് കേട്ട് ജോജോ തിരിഞ്ഞു നോക്കുന്നു. 

\"ആഹാ, നിങ്ങൾ ഇങ്ങ് എത്തിയോ,  
ഏങ്ങനെ ഉണ്ടായിരുന്നെടാ യാത്രയൊക്കെ \"

\"ഓഹ്, കുഴപ്പമൊന്നുമില്ല.
നീയും കൂടി വരേണ്ടതായിരുന്നു മച്ചാനെ,
സത്യം പറയാല്ലോ, ഇപ്പോൾ മനസ്സിനൊരു സുഖമൊക്കെയുണ്ട്. \"

\"അപ്പോൾ നീ മനസാന്തരപ്പെട്ടോ.\"

\"ആ...,
അങ്ങനെയും പറയാം.\"

\"അപ്പോൾ, ഇന്നുമുതൽ നീ പുതിയൊരു മനുഷ്യനാണ് അല്ലേ.\"

\"അതേ...\"

\"അത് നാന്നായി, ഇനിയിപ്പോൾ ആ പെണ്ണിന്റ പേരും പറഞ്ഞ് ഞങ്ങളെ ശല്യപ്പെടുത്തില്ലല്ലോ.\"

\"കോപ്പാണ്....,
എങ്ങെനെയെങ്കിലും അവളെ വീണ്ടും കാണാൻ  വേണ്ടിയിട്ടാണ് മനുഷ്യൻ ഓരോന്നു ചെയ്യുന്നത്. ഈ  പ്രാത്ഥന പോലും അതിന് വേണ്ടിട്ടാണ്. \"

\"അങ്ങനെ ഉള്ളിലുള്ളതൊക്കെ പുറത്തേക്ക് വരട്ടെ. എന്നിട്ട് അവന്റയൊരു തള്ളോ.
എന്തായാലും  അടുത്ത സൺ‌ഡേ എൻഗേജ്മെന്റ് കാണുമെന്ന് ഏകദേശം ഉറപ്പായി .\"

\"ശെരിക്കും, അപ്പോൾ എന്റെ പ്രാർത്ഥന ഫലിക്കുന്നുണ്ട്. 

അപ്പൊ അടുത്ത സൺ‌ഡേ എനിക്ക് അവളെ വീണ്ടും കാണാൻ പറ്റും.\"

\"നീ ഇങ്ങനെ കൊച്ചു കുഞ്ഞുങ്ങളെ പോലെ പെരുമാരല്ലെടാ .

ഇനി അവളെങ്ങാനും അന്ന് അവിടെ വരാതിരുന്നാലോ \"

\"ഓഹ്....,
നെഗറ്റീവ് അടിക്കല്ലേടാ,\"

\"വരും, എനിക്ക് ഉറപ്പുണ്ട്.\"

\"ആ....,
അതെന്തെങ്കിലും, ആകട്ടെ,  നാളെ  നിന്റെ ബര്ത്ഡേ ആയിട്ട് എന്താ പരുപാടി.\"

\"എന്ത് പരുപാടി, ഒരു പരിപാടിയും
ഇല്ല \"

\"പിന്നെ....,
അത് നീ മാത്രം തീരുമാനിച്ചാൽ
പോരല്ലോ. ഞങ്ങൾ പറയും നീ  അത് കേൾക്കും \"

\"പിന്നെ...,
നടന്നത് തന്നെ\"

\"കാണാം.\"

\"കാണാനൊന്നുമില്ല.\"

\"എനിക്കിപ്പോൾ, നിന്നോട് തർക്കിച്ചു നിൽക്കാൻ ടൈമില്ല, അതുകൊണ്ട് ഞാൻ പോകുവാ \"

ജോജോ അവിടെനിന്നും പോയ് കഴിഞ്ഞതിനു ശേഷം റിച്ചു സ്വയം തന്നോടായി പറയുന്നു. 

\"കയ്യിൽ അഞ്ചു പൈസ ഇല്ല,  ഇവമ്മാര് ഇനി എന്തൊക്കെ തലേലെടുത്തു വയ്ക്കുമോയെന്തോ, കർത്താവിന് അറിയാം. \"

പിറ്റേദിവസം  റിച്ചു വിന്റെ ബര്ത്ഡേ ആയിരുന്നു.

ജോബിന് പോകുന്നതിനു മുൻപ് രാവിലേ തന്നെ ആൻ റിച്ചു വിന്റെ വീട്ടിലേക്ക് വരുന്നു.ആ സമയം 
കോളേജിലേക്ക് പോകാനായി ഇറങ്ങുവായിരുന്നു റിയ.ആനിനെ കണ്ടതും

\"അമ്മേ ദേ, ചേച്ചി......
അല്ലേലും ചേച്ചിടെ പിറന്നാളിനും, ചേട്ടന്റെ പിറന്നാളിനും മാത്രം ചേച്ചി രാവിലെ തന്നെ ഇങ്ങോട്ടേക്കു എത്തും, ഈ ആത്മാർത്ഥ എന്റെ കാര്യത്തിൽ മാത്രം കാണുന്നില്ലെന്ന് മാത്രം \"

\"ഓഹ് സോറി, ഇനി ഞാൻ ശ്രേദ്ധിച്ചോളാം. അല്ല 
അവനെവിടെ  എഴുന്നേറ്റില്ലേ \"

\"കുളിക്കാനായിട്ട് അമ്മ ഉന്തി തള്ളി വിട്ടിട്ടുണ്ട്. \"

ആ സമയം റിച്ചു പിന്നാപ്പുറത്തുനിന്നും തൊലി കളഞ്ഞ തേങ്ങയുമായി അകത്തേക്ക്  കയറി വരുമ്പോൾ ആനിനെ കാണുന്നു. 

\"ആ നീ വന്നോ \"

\"നീ കുളിക്കാൻ പോയെന്ന്  റിയ പറഞ്ഞു.\"

\"ആ...,
അപ്പോഴാ അമ്മ തേങ്ങ പൊളിക്കാൻ പറഞ്ഞത്.  \"

ആനിന്റെ കയ്യിൽ ഒരു പൊതി ഉണ്ടായിരുന്നു. അത് കണ്ട് റിച്ചു ചോദിക്കുന്നു.

\"എന്താടി, ഇത് \"

\"ഇതോ,  ഇതൊരു ഗിഫ്റ്റ് \"

ആൻ അത് റിച്ചുവിന് നേരെ നീട്ടുന്നു. 
റിച്ചു അത് വാങ്ങി തുറന്നു നോക്കുന്നു . 
അതൊരു  ഷർട്ട്‌ ആയിരുന്നു.
കുളിക്കാഞ്ഞത് കൊണ്ട് ഷർട്ട്‌ ഇട്ട് നോക്കാതെ കണ്ണാടിയുടെ മുന്നിൽ ചെന്ന് തനിക് ചേരുമോയെന്ന് പുറത്തു വെച്ചു  റിച്ചു നോക്കുന്നു. 

\"എങ്ങനുണ്ട്  കൊള്ളാമോ\"

\"സൂപ്പർ., അപ്പോൾ 
നിനക്ക് സെലെക്ഷനൊക്കെ ഉണ്ട്. \"

എന്ന് പറഞ്ഞു അവനത് കട്ടിലിലേക്ക് വെയ്ക്കുന്നു . 

\"  അപ്പൻ എന്നോട്  പറഞ്ഞു നീ ഇനി വേറെ ഏതോ ജോലിക്ക് പോകാൻ പോകുവാണെന്ന്.\"

\"ആ...,
ആ കാര്യം ഞാൻ നിന്നോട് പറയണമെന്ന്  ഇരിക്കുവായിരുന്നു.
നിന്റെ അപ്പന്റെ കൂടെ മടുത്തെടി, 
എപ്പോഴും ഉപദേശം,
കേട്ട് കേട്ട് ചെവി തഴമ്പിച്ചു.\"

\"എന്നിട്ടും നീ നന്നാവുന്നില്ലല്ലോ.
ആട്ടെ എന്താ ജോലി,\"

\"ഫുഡ്‌ ഡിലീവെറി\"

\"കൊള്ളാം നിന്റെ അച്ഛൻ അറിഞ്ഞോ\"

\"ഇല്ല, അറിഞ്ഞാൽ പിന്നെ , വായിലിരിക്കുന്നത്  മുഴുവനും കേൾക്കേണ്ടി വരും .\"

\"എന്നാലും നീ............\"

\"മതി, മതി....,
ഇന്നെങ്കിലും ഒന്ന് സമാധാനം താടി.\"

\"മം....,
ശെരി,  അല്ല  വൈകുന്നേരം എന്താപരുപാടി , പാർട്ടി ഒന്നു‌മില്ലേ \"

\"ആ ഉണ്ട്,  നിന്റെ വക നല്ലൊരു
പാർട്ടി \"

\"അയ്യട ,
എടാ, എന്നെ  നീ ഇന്നൊന്നു കൊണ്ടാക്കിത്തരുമോ \"

\"പിന്നെ..., 
പക്ഷേ പെട്രോൾ നീ അടിച്ചു
തരണമെന്ന് മാത്രം .\"

\"ഹോ..,
ഇങ്ങനൊരു പിശുക്കൻ.
എന്നാ പിന്നെ  സംസാരിച്ച് നിൽക്കാതെ മോൻ പോയ്‌ കുളിക്കാൻ നോക്ക്. \"

കുളികഴിഞ്ഞു ഇറങ്ങി വരുന്ന റിച്ചുവിനെ അവന്റ അച്ഛൻ വിളിക്കുന്നു. 

\"റിച്ചു,  റിച്ചു.... \"

\"അച്ഛനാണല്ലോ വിളിക്കുന്നത് \"

\"എന്താ അച്ഛാ....\"

\"നീ ഒന്നിങ്ങു വന്നെ\"

\"എന്താ...\"

നീ  ഫുഡ്‌ ഡിലീവെറിക്ക്‌ പോകാൻ, പോണെന്നു കേട്ടു ശെരിയാണോ. \"

\"അതിനിടക്ക്  അങ്ങേര് ഈ കാര്യം അച്ഛന്റെ ചെവിയിൽ എത്തിച്ചോ.\"
റിച്ചു മനസ്സിൽ പറയുന്നു.

\"ഇത് വരെ പോയി തുടങ്ങിയില്ല, ഇന്നുമുതൽ പോകാൻ
തുടങ്ങുന്നതേയുള്ളു. \"

\"ഇതിന് വേണ്ടിട്ടാണോ നിന്നെ ഞാൻ ഞ എഞ്ചിനീയറിംഗിന് വിട്ട് പഠിപ്പിച്ചത്.\"

\"ഇതിപ്പോൾ എല്ലാവരും ചെയ്യുന്ന ജോലി തന്നെയാ അച്ഛാ, മറ്റൊന്ന് കിട്ടുന്നത് വരെ തല്ക്കാലം പിടിച്ചു നിൽക്കാൻ വേണ്ടിട്ടാണ്.\"

\"പിന്നെ.....,
നീ ഇനി വേറെ നോക്കാൻ പോകുവല്ലേ, നിനക്ക് ആ സപ്ലി എഴുതി പാസ്സാകണമെന്നുണ്ടോ,  നിന്നെ പഠിപ്പിക്കാൻ ചിലവാക്കിയ പണം ഉണ്ടായിരുന്നെങ്കിൽ,......\"

\"നിങ്ങളൊന്ന് മിണ്ടാതിരിക്ക് മനുഷ്യാ\"

\"ഞാനൊന്നും പറയുന്നില്ല.  ഇങ്ങനൊരു ജന്മം \"

അച്ഛൻ പറഞ്ഞത് കേട്ട് സങ്കടപ്പെട്ട്, ദേഷ്യത്തിൽ റിച്ചു  വീട്ടിൽ നിന്നു ഇറങ്ങി പുറത്തേക്ക് പോകുന്നു.


\"നിങ്ങൾക്ക് ഇന്നെങ്കിലും മിണ്ടാതിരുന്നൂടെ  മനുഷ്യാ.  പിറന്നാൾ ദിവസമായിട്ട് രാവിലേ തന്നെ ചെക്കനെ പിണക്കി ഇറക്കി വിട്ടു.\"

\"ഞാൻ എന്തെങ്കിലും പറയുന്നതാണല്ലോ അമ്മയ്ക്കും, മോനും കുറ്റം. ഞാനൊന്നും മിണ്ടുന്നില്ല.\"

പിണങ്ങി ഇറങ്ങിയ റിച്ചു ബൈക്കുമെടുത്തു ജങ്ഷനിലേക്ക് വരുന്നു. അവിടെ വെച്ച് ജോജോയെയും, ശശിയെയും കാണുന്നു.

\"ടാ റിച്ചു ബര്ത്ഡേ ആയിട്ട് എന്താ പരിപാടി\"

\"എന്ത് പരുപാടി, രാവിലെ തന്നെ ശോകമാണ്.\"

\"അച്ഛനുമായി വഴക്കിട്ടുകാണും,\"

\"ആ.\"

\"അങ്ങേർക്ക് ഇത് തന്നെയാണോ ടാ പണി.  ഇന്നെന്താ പ്രശ്നം \"

\"ഞാൻ ഈ ജോലിക്ക് പോകുന്നതാ.\"

\"അതിനു നീ പോയി തുടങ്ങിയിട്ടില്ലല്ലോ, അതങ്ങ് വേണ്ടെന്ന് വെച്ചാൽ
പോരെ \'

\"അഞ്ച് പൈസ  കയ്യിലില്ലടാ. വീട്ടിലും നാട്ടിലും ഒരു വിലയുമില്ല.   എങ്ങനേലും സപ്പി എഴുതി എടുക്കണം എന്നുണ്ട് പക്ഷേ, ഒരു ആവേശത്തിൽ അങ്ങനെ തോന്നുമെങ്കിലും കുറച്ചു കഴിയുമ്പോൾ അതങ്ങ് കെട്ടിടങ്ങും.

എന്തായാലും ഞാൻ ഈ ജോലിക്ക് പോകാൻ തന്നെ തീരുമാനിച്ചു. 
പിന്നെ.....,
ആ കുട്ടത്തിൽ അവളെയും തിരയാമല്ലോ \"

\"അത് ശെരി, അപ്പോൾ അതാണ് നിന്റെ 
ഉദ്ദേശം.\"

\"ദേ....,
വല്ല പെമ്പിള്ളേരുടെയും പിറകെ പോയി ലേറ്റ് ആയാൽ കസ്റ്റമേഴ്‌സ് അവരുടെ പണി നോക്കി പോകും.അതോടെ നിന്റെ പണിയും പോകും. \"

\"അങ്ങനെയൊന്നും, സംഭവിക്കില്ല. \"

ജോബിന് പോകാനായി റെഡിയായി വന്ന 
ആൻ  അച്ഛനുമായി  പിണങ്ങി റിച്ചു  വീട്ടിൽ നിന്നും  പോയ കാര്യം അറിഞ്ഞ് സങ്കടപെട്ടു നിൽക്കുന്നു. , 

                           തുടരും.........