\"എന്ത് വഴി\"

\"അതൊക്കെ പറയാം, നിങ്ങൾ ഇവിടെ നിൽക്ക് ഞാൻ ഇപ്പൊ വരാം. \"

\"ഇവനിതു എങ്ങോട്ടേക്കാ...
ടാ,....., പറഞ്ഞിട്ട് പോടാ ജോജോ.\"

അല്പസമയത്തിന് ശേഷം ജോജോ അവരുടെ അടുത്തേക്ക് വരുന്നു.
തിരികെ വരുമ്പോൾ അവന്റ കയ്യിൽ ഒരു പൊതിയുണ്ടായിരിന്നു. അത് കണ്ട് ശശി അവനോട് ചോദിക്കുന്നു.

\"എന്താടാ ഇത്\"

\"അകത്തേക്ക് കയറാൻ ദേ ഇത് മതി \"

അവൻ ആ പൊതി  വാങ്ങി തുറക്കുന്നു നോക്കുന്നു. അതൊരു  ഡോക്ടർ കോട്ട് ആയിരുന്നു.

\"എങ്ങനെ ഉണ്ട്, \"

\"ഇത് ഇട്ടുകൊണ്ട് നീ കയറി ചെന്നാൽ ആരും ഒന്നും ചോദിക്കില്ല.\"

\"കൊള്ളാല്ലോ,
എടാ ജോജോ നിനക്ക് ബുദ്ധിയില്ലെന്നു പറയുന്നത് വെറുതെ ആണ് കേട്ടോ.\"

\"നിന്ന് വാചകം അടിക്കാതെ നീ ഇത് ഇടാൻ നോക്ക്.\"

റിച്ചു ആ കോട്ട് വാങ്ങി ഇടുന്നു.

\"എങ്ങനെ ഉണ്ട്\"

\"പൊളി മച്ചാ\"

\"ഇത് പോലെ മൂന്നെണ്ണം ഉണ്ടായിരുന്നെങ്കിൽ നമുക്ക് എല്ലാവർക്കും കയറാമായിരുന്നു.\"

\"പിന്നെ..,
ഒന്നിന് തന്നെ മൂന്നൂറ്റി അൻപതു ആയി.\"

\"ടാ റിച്ചു നിനക്ക് ഒറ്റക്ക് പോകാൻ പേടിയൊന്നുമില്ലല്ലോ\"

\"പേടിയാണെങ്കിൽ നീ കൂടെ
പോകുമോ \"

\"എടാ ശശി  നിനക്ക് അകത്തു കയറിയിട്ട് എന്തിനാ \"

\"വെറുതെ, പെൺപിള്ളേരെ കാണാമല്ലോ\"

\"താൽക്കാലം നീ പുറത്തു നിന്ന്
കണ്ടാൽ മതി \"

\"ടാ റിച്ചു നീ പോയിട്ട് വാ 
പിന്നെ...,   പ്രശ്നം ഒന്നും ഉണ്ടാക്കരുത്.\"

\"മച്ചാ, ഓൾ താ ബെസ്റ്റ്\"

റിച്ചു ബൈക്കിൽ അകത്തേക്ക്  കയറി ചെല്ലുന്നു.  ബൈക്ക് പാർക്ക്‌ ചെയ്തതിനു ശേഷം എല്ലായിടത്തും അവളെ തിരയാൻ തുടങ്ങുന്നു.

\"എവിടെ ആണെന്ന് വെച്ചാ
തിരയുന്നത്. \"

അവൻ നോക്കി നോക്കി 
അവസാനം അവളെ കണ്ടെത്തുന്നു.
ക്ലാസ്സിന് പുറത്ത്  ഒരു പയ്യനുമായി അവൾ സംസാരിച്ചു നിൽക്കുവായിരുന്നു.കുറച്ചു ദൂരെ നിന്നു  റിച്ചു അവളെ തന്നെ നോക്കി നിന്നു.

അവളുടെ ചിരിയും, സംസാരവുമൊക്കെ അവൻ ആസ്വദിച്ചു നിൽക്കുമ്പോഴാണ്
പുറകിൽ നിന്നും  ആരോ അവനെ തട്ടി വിളിക്കുന്നത്. 

\"ഹലോ, \"

അവൻ തിരിഞ്ഞു നോക്കുന്നു.
അതൊരു പെൺകുട്ടി ആയിരുന്നു.

\"എന്താ..\"

\"എന്താ...\"
(അവൻ തിരികെ ചോദിക്കുന്നു )

\"ചോദിച്ചത് കേട്ടില്ലേ എന്താ ഇവിടെയെന്നു.\"

\"അത്......\"

\"ഇയ്യാള്, 
മൊയ്തീനിക്കാടെ കൂടെ അന്ന് പെണ്ണുകാണൻ വീട്ടിലേക്ക് വന്ന
ആളല്ലേ.\"

\"അതേ,\"

\"ഇയ്യാള് ഇവിടെയാണോ പഠിക്കുന്നേ\"

\"ആ, 
ഏയ് , അല്ല ഞാൻ......., 
ഞാൻ.....
ഇവിടെ ഒരു ഫ്രണ്ടിനെ കാണാൻ  വന്നതാ\"

\"ഈ വേഷത്തിലോ \"
അത് പിന്നെ ഈ കോട്ട് അവന്റേതാ,
അതൊന്ന് കൊടുക്കണം പോണം 

\"എന്നിട്ട് ഫ്രണ്ടിനെ കണ്ടോ\"

\"ഇല്ല ഞാൻ നോക്കുവായിരുന്നു. \"

\"എന്താ ഇയ്യാളുടെ ഫ്രണ്ടിന്റെ പേര്\"

\"അത്....
മറ്റേ,....\"

\"എന്താ പേരില്ലേ\"

\"അത്....,
പ്രവീൺ \"

\"പ്രവീൺ...,
വേഷം കെട്ടാലോന്നും വേണ്ട,
ഇയ്യാള് തിരക്കി വന്ന പ്രവീൺ  ദേ അതല്ലേ 
(ആ കുട്ടി ദിയയെ ചൂണ്ടി കാട്ടി പറയുന്നു.)

റിച്ചു ചമ്മി നിൽക്കുന്നു .

\"എനിക്കെങ്ങനെ മനസ്സിലായി എന്നാകും ആലോചിക്കുന്നേ, \"

അവൻ അതേ എന്ന രീതിയിൽ തലയാട്ടുന്നു 

\"ഇന്നലെ മണ്ഡപത്തിൽ വെച്ചേ ഞാൻ ഇയ്യാളെ ശ്രെദ്ധിക്കുന്നതാണ്.
എന്താ ഇയ്യാളുടെ ഉദ്ദേശം, പ്രണയമാണോ.\"

\"അത്....., 
പിന്നെ \".
(റിച്ചു നാണത്തോടെ പറയുന്നു )

\"അവളെ വളക്കാൻ വേണ്ടിട്ടാണ് ഈ വേഷവും കെട്ടി ഇങ്ങോട്ടേക്കു വന്നതെങ്കിൽ വെറുതെ സമയം കളയണ്ട അത് ഒരിക്കലും നടക്കാൻ
പോകുന്നില്ല.\"

\"അതെന്താ, അവൾക്ക്‌  വേറെ ലൈനുണ്ടോ.\"

\"ഉണ്ടെങ്കിൽ.....,\"

അത് കേട്ട് റിച്ചു മനസ്സിൽ പറയുന്നു. ഉണ്ടെങ്കിൽ ഞാനത് പൊളിച്ചോളാം. 

\" എന്താ ആലോചിക്കുന്നേ,
അവൾക്കു ലൈനൊന്നുമില്ല, പക്ഷേ
തന്റെ ഈ തല വെട്ടികളയാൻ പോലും മടിയില്ലാത്ത ഒരു തന്തയുണ്ട്.
മനസ്സിലായോ,\"

ആ കുട്ടി പറഞ്ഞത് കേട്ട് റിച്ചു ഞെട്ടി നിൽക്കുന്നുണ്ട്.

വെറുതെ അവളുടെ പിറകെ നടന്നു പണി വാങ്ങി കൂട്ടണ്ട. അതുകൊണ്ട് ഇയ്യാള്  പോകാൻനോക്ക്.

വേഷം മാറി ഇതിനുള്ളിൽ കയറിയത് ആരെങ്കിലും അറിഞ്ഞാൽ പ്രശ്നമാകും അതുകൊണ്ട് വേഗം സ്ഥലം വിട് \"

റിച്ചുവിനെ അവിടെ നിന്നും പറഞ്ഞയ്ച്ചിട്ട് ആ കുട്ടി ക്ലാസ്സിലേക്ക് പോകുന്നു.

ആ കുട്ടി പറഞ്ഞത് കേട്ട്, റിച്ചു അവളുടെ അച്ഛനെക്കുറിച്ച് ആലോചിച്ചു കൊണ്ട് അവിടെ നിന്നും പുറത്തേക്ക് വരുന്നു.

\"ഇനി അവളുടെ അച്ഛൻ വല്ല ഗുണ്ടയുമായിരിക്കോ, എങ്കിൽ പണി പാളും.\"

അവൻ അവിടെ നിന്നും പുറത്തേക്ക് വരുന്ന വഴി അവിടെ ഉള്ള ഒരു സ്റ്റുഡന്റുമായി കൂട്ടിമുട്ടുകയും  ആ പയ്യന്റെ കയ്യിലിരുന്ന ബുക്ക്‌ താഴെ വീഴുകയും ചെയ്യുന്നു.

\"എവിടെ നോക്കിയാടാ നടക്കുന്നെ\"

\"സോറി,ബ്രോ,സോറി...\'

സോറി പറഞ്ഞുകൊണ്ട് അവൻ താഴേക്ക് വീണുപോയ 
ബുക്ക്‌ എടുത്ത് അവന് നേരെ നീട്ടുന്നു.

റിച്ചുവിനെ നോക്കി അവൻ പറയുന്നു.

\" നീ ഏതാ, നീന്നേ ഇത് വരെ ഞാൻ ഇവിടെ കണ്ടിട്ടില്ലല്ലോ \"

\"എല്ലാവരെയും കണ്ണമെന്നില്ലല്ലോ\"

അതിനു ശേഷം റിച്ചു പുറത്തേക്ക് വരുന്നു. അതേ സമയം പുറത്ത് ജോജോയും കൂട്ടരും കോളേജിനകത്തേക്ക് പോയ റിച്ചുവിനെ കുറിച്ച്  സംസാരിക്കുന്നു. 

\"അകത്തു പോയിട്ട് കുറച്ചു നേരമായല്ലോ , ഇവൻ  അവിടെ എന്തെടുക്കുവാ.\"

അപ്പോഴേക്കും റിച്ചു പുറത്തേക്ക്  വരുന്നു. 

\"ആ...,
ദേ വരുന്നു.\"

\"എന്തായാടാ,..\"

\"പ്രശ്നം ആയി.\"

\"എന്ത് പ്രശ്നം.\"

\"എടാ, ഇവന്റെ ചേട്ടത്തിയുടെ സിസ്റ്റർ,  അവള്  എന്നെ കണ്ടു.\"

\"ആര് ഫർസാനയോ\"

\"ആ, അവള് തന്നെ \"

\"എന്നിട്ട്\"

റിച്ചു  അവിടെ നടന്ന കാര്യങ്ങൾ വിശദമായി  അവരോട് പറഞ്ഞു കൊടുക്കുന്നു.

\"അവള് പറഞ്ഞത് വെച്ചു നോക്കുവാന്നേ, ഒന്നുകിൽ പേരുകേട്ട ഗുണ്ട, അല്ലെങ്കിൽ.....\"

\"അല്ലെങ്കിൽ..,\"

\"അല്ലെങ്കിൽ വല്ല രാഷ്ട്രീയക്കാരനും ആയിരിക്കും.\"

\"നമുക്ക്  നൈസായിട്ട് ഫർസാനയോട് തന്നെ സഹായം ചോദിച്ചലോ \"

\" കാര്യങ്ങൾ ഇപ്പോൾ തന്നെ അവൾ ദിയ യോട്  പറഞ്ഞുകാണും .\"

\"അങ്ങനെ ആണെങ്കിൽ കാര്യങ്ങൾ എളുപ്പമാവില്ലേ.\"

\"ഇനി ചിലപ്പോൾ അവള് തള്ളിയതയിരിക്കോ, ഇവനെ പേടിപ്പിക്കാനായിട്ട്.\"

\"അങ്ങനെയൊന്നും, ഈ റിച്ചു പേടിച്ചു പിന്മാറില്ല,.\"

\"ഉവ്വ, അവസാനം വരെ ഇങ്ങനെ തന്നെ പറയണം.\"

\"അതൊക്ക നമുക്ക് പിന്നെ നോക്കാം, നീ കയറ് \"

അവർ അവിടെ നിന്നും പോകുന്നു. ശേഷം വൈകുന്നേരം കോളേജ് വിട്ട് പുറത്തേക്ക് വരുന്ന അവളെയും കാത്തു റിച്ചു  പുറത്ത് ബസ്റ്റോപ്പിൽ തന്നെ നിൽപ്പുണ്ടായിരുന്നു.

ദിയയും ഫ്രണ്ട്സും അവിടേക്ക് വരുന്നത് കണ്ട് റിച്ചു കുറച്ചു അകലെ മാറി നിൽക്കുന്നു.

റിച്ചു കുറച്ചു അകലെ നിന്നും ദിയയെ നോക്കുന്നത്  ഫർസാന കാണുകയും, 
അവൾ ദിയയോട് അതേക്കുറിച്ച് പറയുകയും ചെയ്യുന്നു. 


\"എടി ഞാൻ പറഞ്ഞ ആള് ദേ അവിടെ നിൽപ്പുണ്ട്.\"

\"എവിടെ....\"

ദിയയും, കൂട്ടുകാരിയും അവനെ നോക്കുന്നു. അത് കണ്ട് റിച്ചു അവിടെ നിന്നും മാറുന്നു.

\"ഇവനോ,\"

\"അതെ \"

\" ഇവനെ ഞാൻ ഇന്നലെ 
ഫങ്ങ്ഷന്  വെച്ച് കണ്ടിരുന്നു.
ഞാൻ കരുതി എന്റെ പിറകെയാ നടക്കുന്നതെന്ന്. കാണാനൊക്കെ ലുക്കുണ്ട് ,   ദിയ നീ നോക്കുന്നോ \"

\"ദേ അഞ്ചു നീ ഒന്ന് മിണ്ടാതിരിക്കോ.\"

\"നമ്മളൊന്നും മിണ്ടുന്നില്ലേ.\"

\"ദേ  ബസ് വരുന്നു.\"

ബസ് വരുന്നതും അവർ ബസ് കയറി പോകുന്നു.  അത് കണ്ട് റിച്ചു   ബൈക്കുമെടുത്തു അവർക്ക് പിന്നാലെ പോകുന്നു. ദിയ അവൾക്കിറങ്ങാനുള്ള സ്റ്റോപ്പ് എത്തി  ബസിൽ നിന്നും ഇറങ്ങിയതിന് ശേഷം നോക്കുമ്പോൾ റിച്ചു ബൈക്കിൽ പിന്നല്ലാതെ ഉണ്ടായിരുന്നത് അവൾ കാണുന്നു.


അവൾ വീട്ടിലേക്ക് പോകുന്നത് വരെ റിച്ചു അവളുടെ പിന്നാലെ തന്നെ ഉണ്ടായിരുന്നു. വീടിന് മുന്നിൽ എത്തിയപ്പോൾ അവൾ തിരിഞ്ഞു നിന്നു അവനോട് ചോദിക്കുന്നു.

\"എന്താ.. \"

\"ഒന്നുമില്ല \"

എന്ന് പറഞ്ഞു റിച്ചു ബൈക്കെടുത്തു തിരികെ പോരുന്നു.

                                 തുടരും......