റിച്ചു ഓടുന്നത് കണ്ട് മുന്നയും, ജോജോയും, അവന് പിന്നാലെ ഓടുന്നു. ഓട്ടത്തിനിടയിൽ റിച്ചുവിനോട് അവർ കാര്യം ചോദിക്കുന്നു.

\"എന്താടാ, എന്താ കാര്യം\"

അവർ അവിടെ അടുത്തുള്ള പാലത്തിനടുത്തു ചെന്നു നിൽക്കുന്നു.

അവിടെ പാലത്തിൽ നിന്നും ഒരു പയ്യൻ

താഴേക്ക് ചാടുന്നതിനായി  നിൽക്കുന്നു.

ആ കാഴ്ച്ച കണ്ടിട്ടാണ് റിച്ചു അങ്ങോട്ടേക്ക് ഓടിയത്. റിച്ചുവും കൂട്ടുകാരും ചേർന്ന് വേഗം ചെന്ന് ആ പയ്യനെ അതിൽ നിന്നും തടയുന്നു.

\"നീ എന്തിനാടാ രാത്രി ഇവിടെ ഒറ്റക്ക് വന്നു നിൽക്കുന്നത്. \"

\"ചോദിച്ചത് കേട്ടില്ലേ...,

നീ എന്തിനാ ഇവിടെ വന്നു ഒറ്റക്ക് നിൽക്കുന്നതെന്ന് \"

\"ഞാൻ സൂയിസൈഡ് ചെയ്യാനായി വന്നതാ \"

\"ചാകാനോ ,  അതിന് മാത്രം എന്ത് പ്രശ്നമാടാ, ഈ പ്രായത്തിൽ

നിനക്ക്.\"

ആ പയ്യൻ   ഒന്നും  മിണ്ടാത്തെ നിൽക്കുന്നു.

\"ഏതെങ്കിലും പെണ്ണ് തേച്ചു കാണും, \"

\"ആണോടാ, അങ്ങനെയെങ്കിൽ അടുത്തവളെ വളക്കണം അല്ലാതെ നീ ചത്താൽ ആർക്കാ നഷ്ടം.\"

\"അതൊന്നുമല്ല ചേട്ടാ \"

\"പിന്നെ...\"

\"നാളെ.....\"

\"നാളെ...\"

\"നാളെ എന്റെ  റിസൾട്ട്‌ വരും\"

\"അതിന്..\"

\"ഞാൻ തോൽക്കും,  തോറ്റാൽ അച്ഛനെന്നെ കൊല്ലും\"

അത് കേട്ട് അവർ മൂന്ന് പേരും ചിരിക്കുന്നു.

\"എന്നാൽ പിന്നെ നിനക്ക് അപ്പോൾ ചത്താൽ പോരെ ഇപ്പോഴേ ചകണോ,\"

\"എടാ പൊട്ടാ,

നീ ചത്തു കഴിഞ്ഞു റിസൾട്ട്‌ വരുമ്പോൾ   നീ ജയിച്ചാലോ.\"

\"എഴുതാത്ത പരിക്ഷ എങ്ങനെയാ ചേട്ടാ ജയിക്കുന്നെ \"

\"അപ്പോൾ നീ പരീക്ഷ എഴുതിയില്ലേ\"

\"ഇല്ല..\"

\"അടിപൊളി, എന്താ നിന്റെ പേര്\"

\"അനന്ദു..\"

\"അനന്ദു.......

പരീക്ഷക്ക് പൊട്ടി ചാകാനാണെങ്കിൽ ദേ ഞങ്ങങ്ങളൊക്ക എന്നെ ചത്തു മണ്ണടിഞ്ഞേനെ,

അച്ഛനും, അമ്മയും ദേഷ്യം  കൊണ്ട് അന്നേരം അങ്ങനെ  പലതും പറയും ചിലപ്പോൾ തല്ലുകയും ചെയ്യും അത് കുറച്ചു കഴിയുമ്പോൾ അവർ മറക്കും , പിന്നെ അവർ തന്നെ

നമ്മളെ സമാധാനിപ്പിക്കുകയും ചെയ്യും.

നീ  ഇന്ന് ആറ്റിൽ ചാടി മരിക്കും.നാളത്തെ പത്രത്തിൽ അതേ കുറിച്ചുള്ള ന്യൂസ്‌ വരും.

!തോൽക്കുമെന്ന് ഭയം വിദ്യാർത്ഥി ആത്മഹത്യ ചെയ്തു.!

അതേ സമയം ശശി ഇവരെ മൂന്നു പേരെയും കാണാത്തത് കൊണ്ട് അവിടെയൊക്കെ തിരക്കുന്നു.

\"ബൈക്ക് ഇവിടെ വെച്ചിട്ട് ഇവന്മാര് ഇത് എവിടെപ്പോയി \"

എല്ലാം കേട്ട് കഴിഞ്ഞ് ആ പയ്യൻ അവരോടായി പറഞ്ഞു.

\"ഇത് പോലെ കുറച്ചു ഉപദേശം അച്ഛനും കൊടുക്കോ ചേട്ടാ, ഇല്ലെങ്കിൽ അച്ഛൻ എന്നെ തല്ലും അത് ഉറപ്പാ \"

\"നീ വാ ഞങ്ങൾ നിന്നെ വീട്ടിൽ കൊണ്ടാക്കാം \"

\"നിങ്ങൾ എവിടെ പോയിരിക്കുകയായിരുന്നു,

\"നീ വാ പറയാം. \"

അവർ ആ കുട്ടിയെയും കൂട്ടി അവന്റ വീട്ടിലേക്ക് പോകുന്നു. അവിടെ എത്തുമ്പോൾ അവന്റ വീട്ടുകാർ, അവനെ കാണാഞ്ഞതിനെ തുടർന്നു വീട്ടിനു  പുറത്ത് തിരക്കി ഇറങ്ങിയിരുന്നു.

ഇവരോടൊപ്പം അനന്ദുവിനെ കാണുന്ന അവന്റെ അമ്മ വേഗം ഓടി ചെന്ന് അവനെ കെട്ടിപ്പിടിക്കുന്നു.

\"മോനെ നീ എവിടെ പോയിരിക്കുകയായിരുന്നു\"

അത് കണ്ട്  വന്ന അച്ഛൻ ദേഷ്യത്തിൽ ചോദിക്കുന്നു

\"രാത്രി എവിടെക്കാ നീ ഒറ്റക്ക് പോയത്.\"

\"ഞാൻ പുറത്ത്....\"

\"ഒന്നുമില്ല ചേട്ടാ, നീ അകത്തു

\"നിങ്ങളൊക്കെ ആരാ \"

\"ചേട്ടൻ ഒന്ന് വന്നേ\"

\"എന്തിനാ,..\"

\"ആ  വാ ചേട്ടാ പറയട്ടെ....

\" ചാകനോ, എന്തിനു\"

\"ഞങ്ങൾ കാര്യം പറഞ്ഞു മനസ്സിലാക്കിയിട്ടുണ്ട് .

\"ശെരി\"

അവിടെ നിന്നും ഇറങ്ങാൻ തുടങ്ങുമ്പോൾ അവർക്കൊപ്പം ശശി ഇല്ലായിരുന്നു.

\"എടാ ശശി എവിടെ\"

\" ഇവിടെ ഉണ്ടായിരുന്നല്ലോ..

വരുന്നു.\"

\"നീ എവിടെ പോയിരിക്കുകയായിരുന്നു .\"

\"ബാത്‌റൂമിൽ\"

\"കൊള്ളാം....

വാ കയറ് \"

\"അളിയാ ഏതെങ്കിലും ഹോസ്പിറ്റലിൽ വിട് എന്നെകൊണ്ട് പറ്റുന്നില്ല.\"

അവർ ശശിയുമായി  നേരെ ഹോസ്പിറ്റലിലേക്ക് പോകുന്നു.

പിറ്റേ ദിവസം രാവിലെ......

റിച്ചു പത്രം ഇടുന്നതിനായി പോകുന്നു. എന്നത്തേയും പോലെ ചെടിക്ക് വെള്ളം ഒഴിക്കാനായി വരുന്ന ദിയയെ തന്നെ അവൻ നോക്കി നിൽക്കുന്നു. അത് കണ്ട് ദിയ സ്വയം പറയുന്നു.

\"ഇവനോടല്ലേ പറഞ്ഞത് എന്റെ പിറകെ നടക്കരുതെന്ന്, രാവിലെ തന്നെ വായിനോക്കാനായി വന്നോളും. \"

പത്രമിട്ടതിന്   ശേഷം റിച്ചു തിരികെ വീട്ടിലേക്ക് വരുന്നു. ആ സമയം ആനും അവിടേക്ക്  വരുന്നു.

\"ഇന്നലെ സിനിമക്ക്‌ പോയിട്ട് നീ എപ്പോഴാ വന്നത്.\"

\"ഒന്നും പറയണ്ട മോളെ , ഇന്നലെ കുറച്ചു ശോകമായിരുന്നു.\"

\"എന്ത് പറ്റിയെടാ \"

റിച്ചു രാത്രി നടന്ന കാര്യങ്ങൾ ആനിനോട് പറയുന്നു.

\"എന്നിട്ട് ശശിക്ക് ഏങ്ങനെയുണ്ട്\"

\"അവനിപ്പോൾ കുഴപ്പമൊന്നുമില്ല.\"

\"എനിക്ക് ആ പയ്യന്റെ കാര്യം ഓർക്കുമ്പോഴാ, നിങ്ങൾ കണ്ടില്ലായിരുന്നെങ്കിലോ, ഓർക്കാൻ കൂടിവയ്യ. എന്നിട്ട് നിന്റെ മോട്ടിവേഷൻ കൊണ്ട് അവൻ  നന്നായോ \"

\"ആ..., ആർക്കറിയാം.\"

\"ഉപദേശമൊക്കെ കൊള്ളാം വർമ സാറെ, അത്  സ്വന്തം ജീവിതത്തിൽ കൂടി പ്രാവർത്തികമാക്കികൂടെ\"

\"അത് കുറച്ചു പാടാ....
അത് പോട്ടെ നീ ഇന്ന് ബാങ്കിലേക്ക് പോകുന്നില്ലേ\"

\"ഇല്ല ടാ, ഇന്ന് ലീവ് എടുത്തു.\"

\"മം.., എന്തുപറ്റി,\"

\"ഓഹ്...\"

ഇവർ രണ്ടുപേരും സംസാരിച്ചു നിൽക്കുന്നതിനിടയിൽ റിയ  അവിടേക്ക് വരുന്നു

\"ഹായ് ചേച്ചി \"

\"ഹായ്, നീ ഇന്ന് നേരത്തെ ആണല്ലോ\"

\"ആ, ഒന്ന് ബുക്ക്‌ സ്റ്റാളിൽ കയറണം

\"ശെരി... \"

വൈകുന്നേരം ദിയയുടെ കോളേജിന് മുന്നിൽ എന്നത്തേയും പോലെ റിച്ചു നിൽക്കുന്നത് കണ്ട് ദിയ കൂട്ടുകാരികളോട് പറയുന്നു

\"ഇവൻ ഒഴിഞ്ഞു പോകുന്ന,  ലക്ഷണമില്ലല്ലോ , വീട്ടിലും, കോളേജിലും  എവിടെ നോക്കിയാലും കാണും വേറെ ഒരു പണിയുമില്ലെന്നാണ് തോന്നുന്നത്.\"

\"നടന്നു നടന്നു മടുക്കുമ്പോൾ അവൻ തന്നെ നിർത്തിക്കോളും.\"

അതേ സമയം വരുടെ അടുത്തു കൂടി  മനസിക രോഗി ആയിട്ടുള്ള ഒരാൾ  പോകുന്നു. എല്ലാവരും അയ്യാൾ അടുത്തേക്ക് വരുന്നത് കണ്ട് മാറിനിൽക്കുന്നു.

എന്നാൽ അയ്യാളെ കണ്ട ദിയ ഞെട്ടുന്നു. അവളുടെ കണ്ണുകൾ  പെട്ടെന്ന് നിറയുകയും ചെയ്യുന്നു .  അവൾ ആ  കണ്ണു നീര് തുള്ളികൾ ആരും കാണാതെ തുടക്കുന്നു.

                                         തുടരും.....