അവിടെ നിന്നും പോയ റിച്ചുവും, കൂട്ടുകാരും അവർക്ക് എങ്ങനെ തിരിച്ചു പണി കൊടുക്കാം എന്ന് പ്ലാൻ ചെയ്യുന്നു. 

\"അളിയാ അവളുമാർക്കിട്ട് നല്ല പണികൊടുക്കണം.
  നമുക്ക് ഈ റെക്കോർഡ് ചെയ്ത വീഡിയോ  വെച്ച്  പോലീസിൽ ഒരു കംപ്ലയിന്റ് കൊടുത്താലോ.

ഇതിൽ എല്ലാകാര്യങ്ങളും ആ പെണ്ണ് പറയുന്നുണ്ടല്ലോ . (അവർ  തമ്മിൽ സംസാരിച്ചതൊക്കെ മുന്ന ഫോണിൽ റെക്കോർഡ് ചെയ്യുന്നുണ്ടായിരുന്നു ).
എടാ റിച്ചു നീ എന്ത് പറയുന്നു. \"


\"എടാ ശശി, നിനക്കെന്താ പ്രാന്തുണ്ടോ, ഇതങ്ങനെ വലിയ പ്രശ്നമാക്കേണ്ട കാര്യമൊന്നുമില്ല.

പിന്നെ അവളോട് മിണ്ടാനും, അടുക്കാനും പറ്റിയ അവസരം പാഴാക്കണ്ട എന്നുകരുതിയാണ് ഞാൻ അവരോട് അങ്ങനെയൊക്കെ
പറഞ്ഞത്. 

ഇന്ന് രാവിലെ അവളുടെ വീട്ടിൽ പോയപ്പോൾ എനിക്കൊരു കാര്യം മനസ്സിലായി, ദിയക്ക് അവളുടെ പപ്പയെ  നല്ല പേടിയാ,  ആ പേടി ഞാൻ  അവളുടെ കണ്ണുകളിൽ കണ്ടു.\"


\"അപ്പോൾ ഞാൻ  വെല്ലുവിളിച്ചത് വെറുതെയായോ \"


\"ഏയ്......,
നമ്മൾ  പണി കൊടുക്കും,
പക്ഷേ അത് അവളെ പേടിപ്പിക്കുന്നതിന് വേണ്ടി മാത്രം.
പണി കിട്ടിയെന്ന് അവർക്ക് തോന്നിയാൽ മാത്രം മതി \"


\"അതിനു നമ്മൾ എന്ത് ചെയ്യാനാ...\".


\"അതൊക്കെ ഉണ്ട്, നീ ഞാൻ പറയുന്നതൊക്കെ എന്ന് വീഡിയോ
എടുത്തേ \"

അവർ  ഫോണിൽ ഒരു വീഡിയോ എടുക്കുന്നു. അന്നേദിവസം വൈകുന്നേരം  തന്നെ റിച്ചുവും കൂട്ടുകാരും കോളേജിന് പുറത്ത് വെയ്റ്റ് ചെയ്യുന്നു.

കോളേജിൽ നിന്നും  കൂട്ടുകാരുമായി വരുന്ന  അഞ്ജുവിനെ മാറ്റി നിർത്തി അവർ ആ വിഡിയോ കാട്ടി കൊടുക്കുന്നു.

\"ഈ വീഡിയോ എങ്ങനെ ഉണ്ട്, 
ഞങ്ങൾ  ഈ വീഡിയോ വേറെ ഏതെങ്കിലും യൂട്യൂബേഴ്സിന് കൊടുത്ത് അവരുടെ ചാനലിൽ അപ്‌ലോഡ് ചെയ്താലേ...,
തനിക് പൊങ്കാല ആയിരിക്കും \"

\"അയ്യോ, വേണ്ട....
പ്ലീസ്.....\"

\"ഇങ്ങനെയൊന്നുമല്ലല്ലോ രാവിലെ പറഞ്ഞത്, ചെയ്യാൻ പറ്റുന്നത് എന്താണെന്ന് വെച്ചാൽ  നിങ്ങൾ ചെയ്യ് എന്നല്ലേ \"

\"അത് അന്നേരം....., 
ബ്രോ...,സോറി,
ഈ വീഡിയോ അപ്‌ലോഡ്
ചെയ്യരുത്,  പ്ലീസ്.

പകരം ഞാൻ എന്ത്‌ വേണമെങ്കിലും ചെയ്യാം.\"

\"എന്ത് വേണമെങ്കിലും ചെയ്യോ\"

\"അങ്ങനെയല്ല, ചെയ്യാൻ പറ്റുന്നതാണെങ്കിൽ....\"

\"എന്നാൽ ദിയയെ വളക്കാൻ ഇവനെയൊന്ന് സഹായിക്കണം.\"

\"അത്....\"

\"പറ്റില്ലെങ്കിൽ വേണ്ട, ഞങ്ങൾ വീഡിയോ അപ്‌ലോഡ് ചെയ്‌തോളാം ......\"

\"വേണ്ട, ഞാൻ സഹായിക്കാം,
പിന്നെ..., കാര്യം കഴിയുമ്പോൾ ചതിക്കരുത്....\"

\"അതിന്, ഇയ്യാളല്ല ഞങ്ങൾ
എന്നാ പിന്നെ പോയ്ക്കോ\"

അവർ സംസാരിക്കുന്നത് കണ്ട് ഫർസാന ദിയയോട് പറയുന്നു.

\"ഇവർക്ക് ഇവളോട് ഇത്രക്ക് മാത്രം സംസാരിക്കാൻ  എന്തിരിക്കുന്നു \"

\"അവളോട്‌ പറഞ്ഞതാ, വേണ്ടാത്ത പണിക് പോണ്ടെന്ന് \"

അഞ്ചു തിരികെ കൂട്ടുകാരുടെ അടുത്തേക്ക് വരുന്നു.

\"എന്താടി,
പോയത് പോലെ അല്ലല്ലോ തിരികെ
വരുന്നത് \"

\"എടി ഫർസു , പണി പാളി\"

\"എന്താടി\"

\"നമ്മളെ രാവിലെ സംസാരിച്ചത് അവന്മാർ റെക്കോർഡ് ചെയ്യുന്നുണ്ടായിരുന്നു.\"

\"എന്നിട്ട്..\"

\"നമ്മൾ അവനെ പറ്റിച്ചാണ് വീഡിയോ എടുത്തതെന്നും, അത് അപ്‌ലോഡ് ചെയ്യില്ലെന്ന് വാക്ക് കൊടുത്തിട്ട്, അവന്റെ സമ്മതമില്ലാതെയാണ് വീഡിയോ അപ്‌ലോഡ് ചെയ്തതെന്നും,
അതിന്റ നാണക്കേട് കൊണ്ട് അയ്യാൾ  സൂയിസൈഡ് ചെയ്യാൻ പോകുന്നു വെന്നും പറഞ്ഞു ഒരു വീഡിയോ എടുത്ത് വെച്ചേക്കുവാ .

അതിന്റെ കൂടെ ഞാൻ അവനോട് രാവിലെ സംസാരിച്ചതും തെളിവായി വെച്ചിട്ടുണ്ട്. \"

\"നിനക്ക് അങ്ങനെ തന്നെ വേണം, ഞാൻ നിന്നോട് പറഞ്ഞതല്ലേ ആവശ്യമില്ലാതെ,  അവരെ പ്രേവൊക്ക് ചെയ്യേണ്ടന്ന്  അന്നേരം  വലിയ ജാടയായിരുന്നല്ലോ.\"

\"ഇനി എന്ത് ചെയ്യാനാ നിന്റെ പ്ലാൻ\"

\"നീ എന്നെ വഴക്ക് പറയില്ലെങ്കിൽ ഞാനൊരു കാര്യം പറയാം\"

\"എന്ത് കാര്യം\"

\"അത്, അന്നേരം ഒരു വഴിയുമില്ലാത്തത് കൊണ്ട്, എനിക് അതിന് സമ്മതിക്കേണ്ടിവന്നു.\"

\"എന്തിന്.....\"

\"അവന് നിന്നെ വളക്കാൻ ഞാൻ ഹെല്പ് ചെയ്യാമെന്ന് വാക്കുകൾ കൊടുത്തു\"

\"എടി ദ്രോഹി..., 
മുപ്പത് വെള്ളി കാശിനു യുദാസ് ഒറ്റികൊടുക്കുമ്പോലെ നീ ഇവളെ ഒറ്റി കൊടുത്തല്ലോടി....\"

\"യൂദാസ്‌  മുപ്പത് വെള്ളി കാശിനാണോ ഒറ്റിയത്.\"

\"ദേ....,
ഞാൻ വായിതോന്നുന്നത് അങ്ങോട്ട്‌ വിളിക്കും,  അവളുടെ ഒരു തമാശ..\"

\"സോറി എടി,  അന്നേരം എനിക്ക്
വേറെ വഴിയില്ലായിരുന്നു.
പിന്നെ....
അവരെ ഹെല്പ് ചെയ്യാൻ വേണ്ടിട്ടാണെകിൽ എനിക്ക്‌ ഈ കാര്യം നിന്നോട് വന്ന് പറയേണ്ട ആവശ്യമുണ്ടോ.

പിന്നെ എത്ര പിറകെ നടന്നാലും നീ കുലുങ്ങില്ല എന്ന കാര്യം നമുക്കല്ലേ അറിയൂ.

നീ പിണങ്ങല്ലേ ടി....\"

\"ഇനിയിപ്പോൾ പറഞ്ഞിട്ട്
കാര്യമില്ലല്ലോ \"

\"എടി അഞ്ചു നീ വേഗം  നിന്റെ യു ട്യൂബ് ചാനലിൽ കയറി ആ വീഡിയോ ഡിലീറ്റ് ആക്കാൻ നോക്ക്\"

\"അത് വേണോ ,\"

\"ദേ...,
ഒരെണ്ണം തന്നാലുണ്ടല്ലോ , മര്യാദക്ക് ഡിലീറ്റ് ആക്കിയേ....\"


\"ആക്കണോ....\"

\"ആ...,  ആക്കണം \"

അഞ്ചു ആ വീഡിയോ ഡിലീറ്റ് ആക്കുന്നു . 

\"ഇത്രേ ഉള്ളു പ്രശ്നം, \"

\"അല്ലടി.....,
ഇനി ഒരു പ്രശ്നം കൂടിയുണ്ട്\"

\"ഇനിയും പ്രശ്നമോ, അതെന്താ \"

\"അത് പിന്നെ, നീ ഇന്നലെ പ്രവീണേട്ടനെ കണ്ടു കരഞ്ഞിട്ടുണ്ടായിരുന്നല്ലോ, അതിന്റ കാരണം അവനറിയണമെന്ന്\"

\"ഇശോയെ......,
ഇത് എന്തൊക്കെയാ...
എന്നാ പിന്നെ ആ കഥയും കൂടി  അങ്ങ് പറഞ്ഞു കൊടുക്കാമായിരുന്നില്ലേ \"

\"എടി, ദിയ....
എനിക്ക് ഒരു ഐഡിയ, നമുക്ക്  അവന്മാർക്ക് ഒരു പണി കൊടുത്താലോ..\"

\"വേണ്ട...., 
നീയൊക്കെ എന്ത്   പണി  കൊടുത്താലും അത് തിരിച്ചു  എന്റെ പെടലിക്ക് തന്നെ 
വരും\"

\"അതല്ല ടി...,
നീ ഈ പഴഞ്ചൊല്ല് കേട്ടിട്ടില്ലേ
പശുവിന്റെ കടിയും മാറും കാക്കയുടെ വയറും വീക്കും മെന്ന് \"


\"നീ എന്താണെന്ന്   മനുഷ്യന് മനസ്സിലാകുന്ന ഭാഷയിൽ  തെളിച്ചു പറയ്‌ ഫർസു...\"

\" ഇവളെ വളക്കാൻ അവൻ എന്തു വേണോ ചെയ്യും ആ അവസരം നമുക്ക് മുതലാക്കാം .

പ്രവീണേട്ടനെ ഇവന്മാരെ വെച്ച് നമുക്ക് ഏതെങ്കിലും മെന്റൽ ഹോസ്പിറ്റലിൽ ആക്കിക്കൂടെ. \"

\"ആ ഐഡിയ നീ പറഞ്ഞത് കൊള്ളാം, \"

\"പക്ഷേ...,  അതെങ്ങനെ
വർക്ക്‌ ഔട്ട്‌ ആക്കും \"

\"അതൊക്കെയുണ്ട്  
നീ കണ്ടോ \"

അഞ്ചു  ഫോൺ എടുത്തു റിച്ചുവിനെ വിളിക്കുന്നു. 

\"അതിനിടക്ക് നീ  അവന്റ നമ്പറും വാങ്ങിയോ,\"

\"അടിച്ചേൽപ്പിച്ചതാ \"


\"ഹലോ, ഞാൻ അഞ്ചുവാണ്\"

\"എന്താ...., \"

\"ദിയ ഒരാളെ കണ്ട് കരഞ്ഞെന്ന് പറഞ്ഞിരുന്നില്ലേ, ആ ആളെ നിങ്ങൾക്കൊന്നും മെന്റൽ ഹോസ്പിറ്റലിൽ ആക്കാൻ പറ്റുമോ.\"

\"അതിന്, അത് ദിയയുടെ ആരാ,\"

\"അത്,.....
അത് അവളുടെ   ബെസ്റ്റ് ഫ്രണ്ടിന്റെ ബ്രദറാണ്. അയ്യാളെ ആ അവസ്ഥയിൽ കണ്ടതിനു ശേഷം പാവം ഇന്നലെ ഉറങ്ങിയിട്ടില്ല, 

പിന്നെ അയ്യാളെ ഹോസ്പിറ്റലിൽ ആക്കിയത് തനാണെന്ന് അറിയുമ്പോൾ അവൾക്ക് ഇയ്യാളോട് ചെറിയ ഇഷ്ടമൊക്കെ തോന്നി തുടങ്ങും,\"

\"ഇത് വർക്ഔട്ട് ആകോ,\"

\"പിന്നെ.... \"

\"എന്നാ പിന്നെ അവൻ  നാളെ ഹോസ്പിറ്റലിൽ ആയിരിക്കും, \"

\"ശെരി...
അഞ്ചു ഫോൺ കട്ട്‌ ചെയ്യുന്നു   

ഏറ്റു മോളെ....\"

\"അവസാനം ഇതും കുരിശാവും
നീയൊക്കെ നോക്കിക്കോ.\"

\"നീ ഇങ്ങനെ നെഗറ്റീവ് അടിക്കല്ലേ ദിയ 
ഇത് വർക്ഔട്ട് ആകും. \"

അന്ന് രാത്രി തന്നെ റിച്ചുവും കൂട്ടുകാരും അയ്യാളെ തപ്പി ഇറങ്ങുന്നു.  അവർ  ആളെ ഹോസ്പിറ്റലിൽ ആക്കുന്നു.

പിറ്റേ ദിവസം അവനെ ഹോസ്പിറ്റലിൽ ആക്കിയ കാര്യം പറയാനായി ദിയയുടെ അടുത്തക്ക്‌ റിച്ചു വരുന്നു.

അവനെ കണ്ട്, അഞ്ചു ദിയയോട് പറയുന്നു 

\"എടി, ദേ അവൻ വരുന്നുണ്ട്,
സംഗതി നടണെന്നാ തോന്നുന്നത് \"

റിച്ചു അഞ്ചുവിനോട് പറയുന്നു   

\"ഇനി  തന്റെ കൂട്ടുകാരിയോട് വിഷമിക്കേണ്ടെന്ന് പറഞ്ഞേക്ക്  ആളെ ഞാൻ ഹോസ്പിറ്റലിൽ ആക്കിയിട്ടുണ്ട്.

\"റിയലി...\"

\"യെസ്....\"

അത് കേട്ട് 
ദിയക്ക്‌ സന്തോഷമാകുന്നു.
അവൾ റിച്ചുവിനോട് താങ്ക്സ് പറയാൻ തുടങ്ങുന്നതും, ദിയ എന്തോ കണ്ടു അങ്ങോട്ടെ നോക്കി നിന്നതിനു ശേഷം
റിച്ചുവിനോട്  അങ്ങോട്ടേക്ക്  നോക്കാനായി പറയുന്നു.

\"ഇയ്യാള് അങ്ങോട്ടേക്ക് ഒന്ന് നോക്കിയേ\"

അങ്ങോട്ടേക്ക് നോക്കിയ റിച്ചു അത് കണ്ടു ഞെട്ടുന്നു.

                                 തുടരും.....