ഇവനെന്താ ഇവിടെ ,
അപ്പോൾ ഹോസ്പിറ്റലിൽ ആക്കിയത് ഇവനെ അല്ലേ, അതോ ഇവൻ അവിടെന്ന് ചാടിയതാണോ.

(  റിച്ചുവും കൂട്ടുകാരും  ചേർന്ന് ഹോസ്പിറ്റലിൽ ആക്കിയത് പ്രവീണിനെ ആയിരുന്നില്ല, വേറൊരു ആളെ
ആയിരിന്നു. )

\"സോറി....
ആള് മാറിപ്പോയി \"

റിച്ചു പറഞ്ഞത് കേട്ട് ദിയയും, അഞ്ജുവും കോളേജിലേക്ക്  കയറാൻ തുടങ്ങുന്നതും റിച്ചു അഞ്ജുവിനെ പിടിച്ചു നിർത്തി   കാര്യം പറയുന്നു.

\"ശെരിക്കും ഞങ്ങൾ  അവനെ കൊണ്ടാക്കിയതാ, പക്ഷേ എങ്ങനെ പുറത്തു വന്നെന്നാ ഒരുപിടിയും കിട്ടാത്തത് ...,
ഇനി ആളുമാറിയതാണോ,...\"

\"എന്തായാലും കൊള്ളാം,
ഈ ഒരു ചെറിയ കാര്യം പോലും അവൾക്ക് വേണ്ടി ചെയ്യാൻ കഴിയില്ലെങ്കിൽ പിന്നെ താൻ എന്തിനാ പ്രേമാണെന്ന്  പറഞ്ഞു അവളുടെ പിന്നാലെ നടക്കുന്നത് .\"

\"എടൊ ശെരിക്കും ഞാൻ ആക്കിയതാടോ, ഇയ്യാളൊന്ന് വിശ്വസിക്ക്.\"

\"ഞാൻ വിശ്വസിച്ചിട്ട് കാര്യമില്ലല്ലോ.
ഈ ഒരൊറ്റ കാര്യം മതിയായിരുന്നു തന്നോടുള്ള അവളുടെ മനോഭാവം മാറാൻ .   ഇനി പറഞ്ഞിട്ട് കാര്യമില്ല.
ഞാൻ പോകുവാ \"

\"ഛെ,... എന്നാലും. \"

അഞ്ചു പോയതിന് ശേഷം റിച്ചു കൂട്ടുകാരുടെ അടുത്തേക്ക് വരുന്നു. 

\"എന്താടാ, അവളോട് കാര്യം
പറഞ്ഞോ \"

\"എടാ....,
  നമ്മൽ ശെരിക്കും ആരെയാ ഹോസ്പിറ്റലിൽ  കൊണ്ടാക്കിയത്.\"

\"അത് ഞങ്ങളോടാണോ
ചോദിക്കുന്നെ,\"

\"എന്താടാ കാര്യം \"

\"എടാ, ദിയ പറഞ്ഞിട്ട് നമ്മൽ ഹോസ്പിറ്റലിൽ കൊണ്ടാക്കിയ അവൻ ഇപ്പോൾ കോളേജിന് മുന്നിൽ കൂടി പോകുന്നത് കണ്ടു   .\" 

\"അതെങ്ങനെ....\"

\"ആ....,
ആർക്കറിയാം, \"

\"ഇനി അവൻ ഡബിൾ ആയിരിക്കോ \"

\"മണ്ടത്തരം പറയാതെടാ \"

\"എന്തായാലും ഞാൻ അവളുടെ മുന്നിൽ നാണകെട്ടു \"

\"എന്നാപിന്നെ
നമുക്ക് ഹോസ്പിറ്റലിൽ  ഒന്ന് പോയി നോക്കിയാലോ അവനവിടെ ഉണ്ടോയെന്ന് \"

\"അത് ശെരിയാ....\"

അവർ ഹോസ്പിറ്റലിൽ പോയി നോക്കുമ്പോൾ അവർ അവിടെ കൊണ്ടു വന്നാക്കിയ ആൾ അവിടെ തന്നെ ഉണ്ടായിരുന്നു.

\"എടാ,
നമുക്ക് ആള് മാറി \"

\"നമുക്കല്ല നിനക്ക് \"

\"ഇനി എന്ത് ചെയ്യും,\"

\"അവനെ കണ്ടു പിടിച്ചു ഹോസ്പിറ്റലിൽ ആക്കിയാൽ പോരെ\"

\"അതേ......,
തന്നതാനെ പോയാൽ മതി
ഇനി ഞാൻ  ഇല്ല. ഇന്നലെ ആ വട്ടന്റ കയ്യിൽ നിന്നും കിട്ടിയ കടി, 
പോന്നോ...., 
ഓർക്കാൻ കൂടി വയ്യ \"

\"എന്നാ പിന്നെ നമുക്ക് വേറെ
വഴി നോകാം \"

അത് കേട്ട് റിച്ചു നിരാശനാകുന്നു.
  റിച്ചുവിന് വേണ്ടി അന്ന് രാത്രി അവർ  വീണ്ടും പ്രവീണിനെ തിരക്കി ഇറങ്ങുന്നു. എന്നാൽ  ഒരിടത്തും അയ്യാളെ കാണാൻ കഴിഞ്ഞില്ല.

\"എന്നാലും എവിടെ പോയി, \"

\"ആ ആർക്കറിയാം,  ഇനി എവിടെയും നോക്കാൻ ബാക്കിയില്ല. \"

\"ദേ, ഇനിയും ഇവിടെകിടന്ന്
കറങ്ങിയാലെ പോലീസ് നമ്മളെ പിടിച്ചോണ്ട് പോകും.\"

\"എടാ നമുക്ക് ഇനി രാവിലെ അവനെ തപ്പാം, എവിടെ വെച്ച് കണ്ടാലും അപ്പൊ തന്നെ പൊക്കി ഹോസ്പിറ്റലിൽ ആക്കാം ഇനി അതെ നടക്കത്തുള്ളൂ. നീ എന്ത് പറയുന്നു.\"

\"എന്നാ പിന്നെ അങ്ങനെ തന്നെ
ചെയ്യാം.\"

ദിവസങ്ങൾ കടന്ന് പോയ്കൊണ്ടിരുന്നു റിച്ചുവിനും കൂട്ടുകാർക്കും പ്രവീണിനെ കണ്ടെത്താൻ കഴിഞ്ഞില്ല. 

അങ്ങനെ  മൊയിതീന്റെ  വിവാഹ ദിവസമാകുന്നു .

റിച്ചുവും വീട്ടുകാരും  വിവാഹത്തിന് പങ്കെടുക്കാനായി ഒരുങ്ങി ഇറങ്ങുന്നു. 
ഒരുങ്ങി റെഡിയായി വരുന്ന ആനിനെ കണ്ട് റിച്ചു കണ്ണെടുക്കാതെ നോക്കി നിൽക്കുന്നു. അത് കണ്ട് ആൻ റിച്ചുവിനോട് ചോദിക്കുന്നു. 

\"എന്താടാ, നീ ഇങ്ങനെ നോക്കുന്നെ\"

\"ഏയ്...,
നിനക്ക് ഇത്രയും ഗ്ലാമർ
ഉണ്ടായിരുന്നോ \"

\"എങ്ങനെയുണ്ട്...\"

\"സൂപ്പർ..
എന്റെ സെലക്ഷൻ കൊള്ളാല്ലോ,\"

\"എന്റെ സെലക്ഷനും മോശമൊന്നുമല്ല നീയും നന്നായിട്ടുണ്ട്.\"

\"എന്നാ നമുക്കൊരു സെൽഫി എടുത്താലോ.\"

\"പിന്നെന്താ.. \"

ഇത് കണ്ടുകൊണ്ട്  റിയ അവിടേക്ക് വരുന്നു.

\"ആഹാ ചേച്ചി പൊളിച്ചല്ലോ.\"

അപ്പോഴേക്കും  ശശിയും ജോജോയും  അവിടേക്ക് വരുന്നു.

\"അളിയാ നീ റെഡിയായോ,
അല്ല നിങ്ങളൊക്കെ ഇറങ്ങിയില്ലേ
വണ്ടി ഇപ്പോൾ പോകും\"

\"ആണോ,
അമ്മാ......
ഒന്ന് വേഗം വരുന്നെങ്കിൽ വാ, ബസ് ഇപ്പോൾ പോകുമെന്ന്.\"

\"ആ....,
ഞാൻ ദേ ഇറങ്ങി... \"

\"ചേട്ടാ എന്നെ അവിടെ വരെ ഒന്ന് കൊണ്ടാക്കി തരോ\"

\"പിന്നെന്താ...
വാ കയറ്...\"

\"എടാ ജോജോ അത് കഴിഞ്ഞു എന്നെയും...\"

\"പിന്നെ, ഞാൻ ഇവിടെ സർവീസ് നടത്തുവല്ലേ, അങ്ങോട്ട്‌ നടന്നു
വന്നാൽ മതി.\"

\"എടാ  റിയ ആ ബസ് ഇതുവഴി അല്ലേ പോകുന്നത്, അപ്പോൾ ഇവിടുന്ന് കയറിയാൽ പോരെ നിനക്ക് \"

\"അന്നേരം അതിൽ സീറ്റ് കാണത്തില്ല.
എനിക്ക് നിന്നു പോകാനൊന്നും പറ്റത്തില്ല.

ചേട്ടൻ ഒരു കാര്യം ചെയ്യ് ബൈക്കെടുത്തു  ചേച്ചിയെയും, അമ്മയെയും അങ്ങോട്ട് കൊണ്ടു വന്നാൽ മതി.\"

\"നടന്നത് തന്നെ....
നിങ്ങൾ പുറത്ത് നിന്നാൽ മതി ബസ് ഇത് വഴിയിൽ വന്നോളും \"



\"എടാ റിച്ചു  നീ ആകെ മാറിയല്ലോടാ,  
എന്നാലും ഇത്രയും ഗ്ലാമറുള്ള നിന്നെ അവൾ ഒന്ന് പരിഗണിക്കുന്നില്ലല്ലോ
ടാ..\"

\"എല്ലാത്തിനും അതിന്റെതായ സമയമുണ്ട് ദാസാ...\"

പയ്യൻ കൂട്ടർ മണ്ഡപത്തിലേക്ക് എത്തുന്നു. മണ്ഡപത്തിലേക്ക് എത്തിയ  റിച്ചു ദിയയെ എല്ലായിടവും തിരയുന്നു.

!എവിടെപ്പോയി കാണുന്നില്ലല്ലോ!

\"എടാ...,
നീ ദിയയെ ആണോ തിരയുന്നത്\"

\"പിന്നെ ഞാൻ വേറെ ആരെ
തിരയനാ ടാ...\" 

\" അവള് പുതുപെണ്ണിന്റെ  റൂമിലോട്ട് കയറി പോകുന്നത്  ഞാൻ കണ്ടു. \"

\"താങ്ക്സ് അളിയാ....\"

റിച്ചു അവിടേക്ക് പോകുന്നു.
ദിയ അവിടെ ഉണ്ടായിരുന്നു. 

റിച്ചുവിനെ കണ്ട് ദിയ മനസ്സിൽ കരുതുന്നു. 

!ഈശോ  ഇവൻ ഇവിടെയും
എത്തിയോ.!

ദിയയെ തന്നെ റിച്ചു നോക്കിനിൽക്കുന്നു

\"എന്നെ പേടിച്ചാണോ അതിനുള്ളിൽ കയറി ഒളിച്ചിരിക്കുന്നെ\" 

\"പിന്നെ....,
ഞാനെന്തിനാ ഇയ്യാളെ പേടിക്കുന്നെ,\"

\"സത്യം പറയാല്ലോ,തന്നെ ഇന്ന് കാണാൻ എന്നത്തേക്കാളും നന്നായിട്ടുണ്ട്.
തന്നെ ഇങ്ങനെ  നോക്കി
നിൽക്കാൻ തോന്നുവാ\"

\"എന്നാപിന്നെ ഞാൻ ഒരു ചെയർ ഇട്ട് ഇവിടെ ഇരുന്നു തരാം  താൻ വേണ്ടുവോളം നോക്കിക്കോ \"

\"ശെരിക്കും,\"

\"കർത്താവെ എന്തൊരു ശല്യമാ ഇത്.,\"

ദിയ അവിടെ നിന്നും പുറത്തേക്ക് ഇറങ്ങുന്നു, റിച്ചും പിന്നാലെ കൂടുന്നു. 


\"താൻ എന്നാത്തിനാ എന്റെ പിറകെ ഇങ്ങനെ നടക്കുന്നെ,\"

\"ഞാൻ തന്റെ പിറകെ അല്ലാതെ പിന്നെ ആരുടെ പിറകെ നടക്കാനാണ്.\"

\"ദയവുചെയ്ത് എന്നെ ശല്യപ്പെടുത്താതെ ഒന്ന് പോകോ \"

\"ഓക്കേ....\"

അല്പ സമയം കഴിഞ്ഞു പയ്യനെത്തി, താലികെട്ട് നടക്കുന്ന സമയം  ദിയയുടെ ഫോണിലേക്ക് ഒരു കാൾ വരുന്നു. അത് അറ്റൻഡ് ചെയ്ത് സംസാരിച്ച ശേഷം  ദിയ കൂട്ടുകാരോട് യാത്ര പറഞ്ഞ് പുറത്തേക്ക് ഇറങ്ങിപോകുന്നു.

ദിയ പുറത്തേക്കു പോകുന്നത് കണ്ട് റിച്ചു അവളുടെ പിന്നാലെ പോകുന്നു.

മണ്ഡപത്തിന് പുറത്ത് ഒരു കാർ വന്നു നിൽക്കുകയും, ദിയ ആ കാറിലേക്ക് കയറുകയും ചെയ്യുന്നു.

ആ കാറിൽ  അവളുടെ പപ്പ ഉണ്ടായിരുന്നു. ദിയയുടെ പപ്പ റിച്ചുവിനെ കാണുന്നു.  അദ്ദേഹത്തെ കണ്ട റിച്ചു പതിയെ അവിടെ മാറുന്നു.

                                       തുടരും......