അത് കണ്ട് റിച്ചു മനസ്സിൽ കരുതുന്നു. 

!ഇവളിത് എങ്ങോട്ടേക്ക്‌ പോകുവാ....!

അതേ സമയം കാറിൽ പോകുമ്പോൾ ദിയയുടെ പപ്പ അവളോടായി ചോദിക്കുന്നു.

\"മോളെ.....,
അവിടെ  പുറത്തു നിന്ന ആ പയ്യൻ.....
അത് നമ്മുടെ വീട്ടിൽ
പത്രമിടുന്നവനല്ലേ\"

അത് കേട്ട ദിയ ഒന്നുമറിയാത്തത് പോലെ സംസാരിക്കുന്നു. 

\"ഏത് പയ്യനാ പപ്പാ,  ഞാൻ
കണ്ടില്ലല്ലോ\"

\"എന്നാൽ ഞാൻ കണ്ടു, അത്
അവൻ തന്നെയാ, \"

ദിയ പതിയെ ആ വിഷയം മാറ്റുന്നു.

\"അല്ല മമ്മി, ഞാൻ ഈ ഡ്രെസ്സിൽ ഏങ്ങനെ അവിടേക്ക് വരുന്നത്, നമുക്ക് വീട്ടിലേക്ക് പോയി ഒന്ന്  ഡ്രസ്സ് ചേഞ്ച്‌ ചെയിതിട്ടു പോയാൽ പോരെ \"

\"അതൊന്നും വേണ്ട,
ഇതിനെന്താ കുഴപ്പം\"

\"പിന്നെ.....,
നന്നായിട്ടുണ്ട്  നിങ്ങൾക്കെന്താ
മനുഷ്യാ,  മരണവീട്ടിൽ ഇടാൻ പറ്റിയ ഡ്രെസ്സാണോ ഇത്. 

അല്ലെങ്കിൽ തന്നെ ഇത് കണ്ട് നാട്ടുകാര് 
എന്ത് പറയും \"

\"ചത്തത് എന്റെ തള്ളയല്ലേ, അപ്പോൾ 
നാട്ടുകാരെ ബോധിപ്പിക്കേണ്ട കാര്യമൊന്നുമില്ല \"

\"അപ്പന്  പിന്നെ നല്ല പേരാണല്ലോ,\"

\"എന്റെ പേരിനു എന്താടി ഒരു കുഴപ്പം...
എനിക്ക് ഒരുത്തനെയും സർട്ടിഫിക്കറ്റ് വേണ്ട \"

\"ഓഹ്,
ഒന്ന് നിർത്ത് മമ്മി...\"

\"ഞാൻ ഇത് തന്നെ ഇട്ടുകൊണ്ട് വന്നോളാം\"

\"ഇങ്ങേരു അങ്ങനെ പലതും പറയും, നമുക്ക് വഴിയിൽ നിന്നും ഒരെണ്ണം വാങ്ങാം  മോളെ.

അവിടെ ചെന്നിട്ട് ജോസിന്റെ വീട്ടിൽ കയറി മാറ്റം എന്നിട്ട് അങ്ങോട്ടേക്ക് പോയാൽ മതി...\"


അതേ സമയം മണ്ഡപത്തിൽ  മറ്റു കൂട്ടുകാരികൾക്കൊപ്പം നിന്നിരുന്ന അഞ്ജുവിനെ അവിടെനിന്നും വിളിച്ചു മാറ്റിനിർത്തി   ദിയ പോയതിന് കാരണം റിച്ചു തിരക്കുന്നു.

\"അല്ലടോ, ദിയ എന്താ പോയത് \"

\"അതോ,
അത് താൻ കാരണമാ \"

\"ഞാൻ കാരണമോ, അതിന് ഞാൻ 
എന്ത് ചെയ്‌തു\"

\"താൻ ഇങ്ങനെ അവളുടെ പിറകെ നടന്നു ശല്യപെടുത്തി കൊണ്ടിരിക്കുവല്ലേ...
പിന്നെ അവളെന്തു ചെയ്യാനാ...\"

\"അയ്യോ...,
അതിനിങ്ങനെ പിണങ്ങി പോകാണോ,
വേണ്ടത്,
ഞാൻ പോയി സോറി പറഞ്ഞു വിളിച്ചുകൊണ്ട് വന്നല്ലോ\"

\"അത് വേണ്ട\"

\"ഇല്ല ഞാൻ കാരണം പറ്റിയത് ഞാൻ തിരുത്തണം \"

\"അയ്യോ , ഞാൻ ചുമ്മാ പറഞ്ഞതാ, താൻ കരണമൊന്നുമല്ല 
അവളുടെ ഗ്രാൻമ മരിച്ചുപോയി,   അങ്ങനെ അവർ അവിടേക്ക്
പോയതാ\"

അത് കേട്ട് റിച്ചു മനസ്സിൽ കരുതുന്നു

!ഛെ, കിളവിക്ക് ചാകാൻ കണ്ട
സമയം!

ദിയ പോയതിൽ  റിച്ചുവിന് നല്ല നിരാശയാകുന്നു.


അവിടെ കല്യാണത്തിന് വന്ന   കുറച്ചു ആന്റി മാർ ( പരദൂഷണ  കമ്മിറ്റി ) ആനിനെ കുറിച്ച് സംസാരിക്കുന്നു. 

\"നല്ലൊരു പെങ്കൊച്ചാ , 
കാണാൻ സൗന്ദ്ര്യമുണ്ട്, വിദ്യാഭ്യാസമുണ്ട് , ആവശ്യത്തിന് സമ്പത്തുമൊണ്ട് പറഞ്ഞിട്ട് എന്താ കാര്യം.......

ആ കാല് കുഴപ്പമില്ലായിരുന്നെങ്കിൽ എന്റെ ചേച്ചിടെ മോന് വേണ്ടി ഞാൻ ആലോചിച്ചേനെ, അവനെ ഗൾഫിലെ എഞ്ചിനീറാ....\"

\"ജോസഫേട്ടൻ നല്ല ബന്ധങ്ങൾ തന്നെയാ നോക്കുന്നത്‌.
പക്ഷേ  എന്തു ചെയ്യാനാ ആരോ അത് മുടക്കുന്നു.\"

\"ആര് മുടക്കാൻ,\"

\" അഥവാ അങ്ങനെ ആരെങ്കിലും ചെയ്യുന്നുണ്ടെങ്കിലെ അത് സൂസനായിരിക്കും.
അതാകുമ്പോൾ അവന്റ മോനെകൊണ്ട് അവളെ കെട്ടിക്കാമല്ലോ,\"

\"അത്  ചേച്ചി പറഞ്ഞത് നേരാ...\"

\"പോരാത്തതിന് ആ കൊച്ചാണെങ്കിൽ അവളെ അമ്മേ, അമ്മേ  എന്നല്ലേ വിളിക്കുന്നത്.\"

\"അവളുടെ മോന് എന്തെങ്കിലും
ജോലിയുണ്ടോ\"

\"എവിടെന്ന്....., 
എഞ്ചിനീറിങ്ങിന് വിട്ടു, അത് തോറ്റു വീട്ടിൽ നിൽപ്പാ ,  ഇപ്പൊ വീടുകളിൽ ആഹാരം കൊടുകൊടുക്കുന്ന
പണിയാ.....,

\"ഫുഡ്‌ ഡിലീവെറി \"

\"ആ അത് തന്നെ...
ജോസഫിന്റെ മോളെ കേട്ടിയാൽ, ലാഭമല്ലേ , ആ സർവീസ് സെന്ററും , മറ്റു സ്വത്തും ഒക്കെ ആ ചെക്കന് കിട്ടില്ലേ
സൂസനല്ലാതെ വേറെ ആർകെങ്കിലും ഇതിൽ നേട്ടമുണ്ടോ....

ഓരോരുത്തരുടെ മനസ്സിലിരുപ്പ് ദൈയ്വവത്തിനല്ലേ അറിയൂ. \"

ഇവർ തമ്മിൽ സംസാരിക്കുന്നതൊക്കെ റിയ കെട്ടിരുന്നു .
അത് കേട്ട് ദേഷ്യത്തിൽ റിയ അവളുടെ അമ്മേടെ അടുത്തു പറയുന്നതിനായി പോകുന്നതും, റിച്ചു അവളെ കാണുന്നു .

\"നീ എന്തിനാടായി മുഖം കടന്നാൽ കുത്തിയത് പോലെ വെച്ചേക്കുന്നത്.\"

\"ഓരോരുത്തർക്കും നാവിനു ലൈസൻസ് ഇല്ലെന്ന് കരുതി എന്തും പറയാമല്ലോ \"

\"എന്താ ടി, എന്താ പ്രശ്നം,\"

\"അമ്മേടെ ഒരു കൂട്ടുകാരി  ഉണ്ടല്ലോ പരദുഷണ ശ്യാമള, അവരെ വീട്ടിൽ കയറ്റരുതെന്ന് എത്ര പറഞ്ഞാലും അമ്മ കേൾക്കില്ല.

ചേട്ടനെയും,  ആൻ ചേച്ചിയെയും കുറിച്ച് എന്തൊക്കെയാ അവർ പറയുന്നത്, കുട്ടത്തിൽ അമ്മയെ കുറിച്ചും \"

\"അമ്മയെകുറിച്ച്  എന്താ പറഞ്ഞേ...\"

\"ചേച്ചിയെ  ചേട്ടനെ കൊണ്ട് കെട്ടിക്കാൻ വേണ്ടി ചേച്ചിക് വരുന്ന പ്രൊപോസലൊക്കെ  മുടക്കുന്നത് അമ്മയാണെന്ന്,
എനിക്ക് ചൊറിഞ്ഞു വന്നതാ....\"

\"പോട്ടെ....,
അവർ അങ്ങനെ പലതും പറയും, അവരുടെ സ്വാഭാവം അതല്ലേ.
നമ്മള് മൈൻഡ് ചെയ്യാൻ പോകണ്ട.

പിന്നെ  അവർക്കുള്ള പണി അവരുടെ മോള് തന്നെ കൊടുത്തോളും,\"

\"അതെങ്ങനെ....., \"

\"അതൊക്കെ കിട്ടുമ്പോൾ നീ അറിഞ്ഞാൽ മതി ,
തല്ക്കാലം  നീ പോയി ഇതൊന്നും ഇപ്പോൾ അമ്മയോട് പറയാൻ നിൽക്കണ്ട,
ആനിന് അത് കേട്ടാൽ വിഷമമാകും.\"

\" മം... \"

\"അതേ, മുഖത്തു കുറച്ചു പുഞ്ചിരി പ്രസാധിപ്പിക്ക്, ഈ കോസ്റ്റമിന്
ഈ മുഖം ചേരുന്നില്ല.\"

അത് കേട്ട് റിയ ചിരിക്കുന്നു. 

\"മതിയോ \"

\"ആ...,  മതി,
അല്ല നീ ഈ പാവാടയും പോക്കി പിടിച്ചു ഇങ്ങനെ നടക്കുന്നന്തെന്റിനാ എവിടെയെങ്കിലും ഒരു മൂലക്ക് ഇരുന്നാൽ പോരെ.. \"

\"അയ്യടാ , മൂലക്കിരുന്നാൽ എന്നെ ആരെങ്കിലും കാണോ, പണം മുടക്കി ഇതുപോലുള്ള ഡ്രസ്സ്‌ എടുത്തതെ നാലാളെ  കാണിക്കാനാ,\"

\"എന്ന നീ പോയി കാണിക്ക്\"

!ഈ പെൺപിള്ളേരൊക്കെ ഇങ്ങനെയാണോ!

റിയയോട് അങ്ങനെ പറഞ്ഞെങ്കിലും റിച്ചുവിനും അമ്മയെ കുറിച്ച് പറഞ്ഞത് കേട്ട് നല്ല ദേഷ്യവും, സങ്കടവുമായി.റിച്ചു നേരെ  ശ്യാമള ചേച്ചിയുടെ അടുത്ത്  ചെന്നിട്ട്  അവരെ മാറ്റി നിർത്തി  സംസാരിക്കുന്നു.


\"ആന്റി.....,
ഒന്ന് വരോ, ഒരു കാര്യം പറയാനാ... \"

\"എന്താ മോനെ...\"

\"അതേ.....,
നാളെ മുതൽ  നിങ്ങളുടെ ഈ ദുഷിച്ച നാവും വെച്ചുകൊണ്ട് വീട്ടിലിരുന്നേക്കണം.
ഓരോന്ന് പറഞ്ഞ് എന്റെ വീടിന്റെ പരിസരത്തേക്ക് വരുന്നത് ഞാൻ കണ്ടാൽ  പട്ടിയെ വിട്ട്  നിങ്ങളെ കുടിപ്പിക്കും, പറഞ്ഞേക്കാം.

ആനിനു വരുന്ന ആലോചന എന്റെ അമ്മ മുടക്കുന്നത് നിങ്ങള് കണ്ടോ തള്ളേ...\"

\"അത് മോനെ...\"

\"മിണ്ടരുത്,
എനിക്കൊന്നും കേൾക്കണ്ട.
ദേ, ഞാൻ പറഞ്ഞത് ഓർമ്മവേണം,
പോയ്ക്കോ \"


\"എന്താടി,..\"

\"ഏയ് ഒന്നുമില്ല ഞാനൊരു കാര്യം അവനോട് തിരക്കാൻ എല്പിച്ചിരുന്നു അതിനെ കുറിച്ച് പറയാൻ വിളിച്ചതാ \"

!ഇവിടെ സംസാരിച്ചത് ഇവനെങ്ങനെ അറിഞ്ഞു, ചെക്കൻ തല്ലാതെ വിട്ടത് ഭാഗ്യം!

ഡാൻസും, പാട്ടുമൊക്കെയായി
വിവാഹം നാല്ല രീതിയിൽ നടന്നു. 
അന്നേദിവസം രാത്രി ദിയ അഞ്ജുവിന്റെ ഫോണിലേക്ക് വിളിക്കുന്നു.

\"എടി....,
ഞാൻ നിന്നെ  അങ്ങോട്ട്‌ വിളിക്കാനിരുന്നതാ, 
നിങ്ങൾ അവിടെ എത്തിയോ\"

\"മം...,
എത്തി \"

\"എന്താ അവസ്ഥ, 
ശോകമാണോ\"

\"എന്ത് ശോകം,
എല്ലാവരും അവരവരുടെ കാര്യം നോക്കി നടക്കുന്നു, വല്ലപ്പോഴും മറ്റുള്ളവരെ കാണിക്കാൻ കുറച്ചു സങ്കടം.
എനിക്കാണെങ്കിൽ ആകെ ബോർ അടിച്ചു അതാ നിന്നെ വിളിച്ചത്.\"

\"നീ എപ്പോഴാ ഇങ്ങോട്ടേക്കു
തിരിക്കുന്നത് \"

\"ബോഡി നാളെയെ എടുക്കതുള്ളു, പപ്പായല്ലേ ആള്, ബോഡി എടുത്ത
ഉടനെ തന്നെ ഇറങ്ങാനും മടിക്കില്ല.

അത് പോട്ടെ നീ അവിടെത്തെ വിശേഷം പറ മാര്യേജ് എങ്ങനെ ഉണ്ടയിരുന്നു.\"

\"പൊളി ആയിരുന്നു മോളെ,
പിന്നെ..., നിന്റെ ആളുടെ സൂപ്പർ ഡാൻസൊക്കെ ഉണ്ടായിരുന്നു.\"

\"എന്റെ ആളോ, നീയൊന്ന് പോയെ \"

\"ഞാൻ ചുമ്മാ പറഞ്ഞതാടി.... \"

\"അത് പറഞ്ഞപ്പോഴാ ഓർത്തത്, അവനാണെങ്കിൽ എന്റെ പിറകെ ഉണ്ടായിരുന്നു, അപ്പൻ അവനെ കാണുകയും ചെയ്തു .
ഒരുവിധം ഞാൻ വിഷയം മാറ്റി
രക്ഷപെട്ടു \"

\"ആള് എന്നോട് വന്ന് കാര്യം തിരക്കിയിരുന്നു. 
നീ പോയെന്ന് പറഞ്ഞപ്പോ മുഖത്തു നല്ല നല്ല സങ്കടം ഉണ്ടയിരുന്നു.\"

\"അതിന്... \"

\"അതിനിന്നുമില്ല, ഞാൻ വെറുതെ പറഞ്ഞെന്നെയുള്ളൂ. \"

\"ദിയ...,....

\"ആ,...
എടി മമ്മി എന്നെ വിളിക്കുന്നു, ഞാൻ അങ്ങോട്ടേക്ക് ഒന്ന് പോകട്ടെ, എന്നാ പിന്നെ ഞാൻ ഫോൺ വെക്കുവാ\" 

\"ശെരിയടി.....\"


                                       തുടരും......