റിച്ചു  പോയതിന് ശേഷം ആൻ,  അവൻ പറഞ്ഞതിനെക്കുറിച്ച്  ആലോചിച്ച് വീടിന്  പുറത്തു നിൽക്കുന്നു.

!നാട്ടുകാർ എന്ത് പറയാനാ,!

പുറത്തു ചിന്തിച്ചു നിൽക്കുന്ന ആനിനെ  കണ്ടുകൊണ്ട് അവിടേക്ക് വരുന്ന
റിച്ചുവിന്റെ അച്ഛൻ 

\"എന്താ മോളെ...,
നീ ഈ ആലോചിച്ചു കൂട്ടുന്നത്,\"

\"ഏയ്  ഒന്നുമില്ല അങ്കിൾ,
ഞാൻ വെറുതെ......\"

\"നീ ഇന്ന് ബാങ്കിൽ പോകുന്നില്ലേ
മോളെ....\"

\"ആ പോകുന്നുണ്ട്......
എന്നാ പിന്നെ ഞാൻ പോയി അമ്മയെ സഹായിക്കട്ടെ \"

അന്നേ ദിവസം ജോലിക്ക് ചെന്ന ആൻ ആകെ മൂഡോഫായി ഇരിക്കുന്നത് കണ്ട്
ചേച്ചി അവളോട് കാര്യം തിരക്കുന്നു.
ആൻ റിച്ചു  രാവിലെ പറഞ്ഞ കാര്യം  ചേച്ചിയോട് പറയുന്നു.

\"അവൻ പറഞ്ഞതിൽ  തെറ്റോന്നുമില്ല 
പെൺകുട്ടികൾ വിവാഹം കഴിക്കാതെ നിൽക്കുമ്പോൾ നാട്ടുകാർ പലതും പറഞ്ഞു നടക്കും.
നമ്മുടെ സമൂഹത്തിൽ ജീവിക്കുമ്പോൾ അങ്ങനെ പലതും കേൾക്കേണ്ടിവരും.
അവർ തന്നെ മെനയുന്ന കഥകൾ അവർ പാടി നടക്കും,  ചിലപ്പോൾ എല്ലാവരും അറിഞ്ഞതിന് ശേഷമാകും അതൊക്കെ നമ്മുടെ   ചെവിലെത്തുന്നത്.

അങ്ങനെ എന്തെങ്കിലും അവൻ കേട്ടിട്ടുണ്ടാവും.
അതവന് സഹിക്കാൻ കഴിഞ്ഞിട്ടുണ്ടാകില്ല.

ഞാൻ എപ്പോഴും നിന്നോട് പറയുന്നതെ എനിക്ക് ഇപ്പോഴും പറയാനുള്ളു .
നീ  വിവാഹ കാര്യത്തിൽ ഇങ്ങനെ ഒഴപ്പ് കാണിക്കരുത് \"


\"അതെങ്ങനെയാ ചേച്ചി , അവനൊരു നല്ല ജോലി ആകാതെ  വിവാഹ കാര്യം  വീട്ടിൽ പറയാൻ പറ്റത്തില്ല.\"

\"അതിന് വേണ്ടി അവൻ എന്തെങ്കിലും ചെയ്യുന്നുണ്ടോ . അവൻ  ഇപ്പോഴും ജീവിതം സീരിയസായി കണ്ടിട്ടില്ല.

അങ്ങനെ കാണമെങ്കിൽ ആദ്യം നീ അവനോട് നിന്റെ ഇഷ്ടം തുറന്നു പറയണം. അവന് നിന്നെ തിരിച്ചും ഇഷ്ടമാണെങ്കിൽ നിന്നെ ആർക്കും വിട്ടുകൊടുക്കാൻ അവൻ തയ്യാറാവില്ല, അതിനുവേണ്ടി അവൻ എന്തും ചെയ്യും.

മറിച്ച് നീ കരുതുന്ന പോലൊരു ഇഷ്ടം അവന് നിന്നിൽ ഇല്ലെങ്കിലോ......\"

\"ചേച്ചി........\"

\"നിന്നെ വിഷമിപ്പിക്കാൻ വേണ്ടി പറഞ്ഞതല്ല. 

ഈ ലോകത്ത് മനുഷ്യന് മനസിലാകാത്തത് ഒന്നേയുള്ളു, അത് മറ്റൊരാളുടെ മനസ്സാണ്.\"

\"ചേച്ചി പറഞ്ഞത് പോലെ ,
ഒരു പക്ഷേ അവന്റെ ഭാഗത്തു നിന്നും അങ്ങനൊരു മറുപടിയാണ് വരുന്നതെങ്കിൽ..........

പിന്നെ എന്റെ അവസ്ഥ എങ്ങനെയായിരിക്കുമെന്ന് എനിക്ക് പോലുമറിയില്ല,
ചിലപ്പോൾ ഈ ജീവിതം തന്നെ ഞാൻ
അവസാനിപ്പിച്ചെന്നു........\"

ആൻ അത് പറഞ്ഞു പുറത്തിയാക്കുന്നതിന് മുൻപ്  ചേച്ചി ഉച്ചത്തിൽ അവളെ വിളിക്കുന്നു. 

\"ആൻ......\"

\"എനിക്കവനെ അത്രക്ക് ഇഷ്ടമാണ് ചേച്ചി, ഈ ലോകത്ത് മറ്റൊന്നിനും വേണ്ടിയും എനിക്കണേ നഷ്ടപ്പെടുത്താനാകില്ല.\"

\"എന്തായാലും നീ നിന്റെ ഇഷ്ടം
ഇനിയും മനസ്സിൽ സൂക്ഷിക്കാതെ അവനോട് തുറന്നു പറയണം,
എന്നായാലും പറയാനുള്ളളതല്ലേ

ഒന്നുകിൽ അത് നിന്റെ ജീവിതത്തിലെ ഏറ്റവും സന്തോഷ നിമിഷമാകും, അല്ലെങ്കിൽ........\"

\"ശെരിയാ, എല്ലാത്തിനും ഒരു ഉത്തരം കിട്ടണം. \"


രണ്ടു ദിവസങ്ങക്ക് ശേഷം.......

ഫുഡ്‌ ഡലിവെറി ഓർഡർ കിട്ടിയതനുസരിച്ചു ഫുഡുമായി റിച്ചു ചെല്ലുന്നു.

അവിടെ എത്തിയപ്പോഴാണ്  ആ പാർസൽ ബുക്ക്‌ ചെയ്തത് ദിയയും, അഞ്ജുമാണെന്ന്   അവനറിയുന്നത്.
അവിടെ മെഡിക്കൽ സ്റ്റുഡന്റസിന്റെ സ്ട്രൈക്ക് നടക്കുവായിരുന്നു.

\"നിങ്ങളായിരുന്നോ  ഫുഡ്‌ ഓർഡർ 
ചെയ്തത്. \"

\"അതേ..
നിങ്ങള് അഞ്ചുമിനിറ്റ് ലേറ്റാണ്
കേട്ടോ.\"

\"ബ്ലോക്കിൽ  അകപ്പെട്ടുപോയത് കൊണ്ടാണ് ലേറ്റായത് മാഡം
സോറി .....
അല്ല ഓണത്തിന് ഇടയിൽ പുട്ട് കച്ചവടമെന്നു കേട്ടിട്ടുണ്ട്,  ഈ സമരത്തിനിടയിലും  തീറ്റിടെ വിചാരമേ ഉള്ളു അല്ലേ \"

\"കോളേജിൽ നിന്നും തുടങ്ങിയ നടത്തമാ, ഇവിടെ വന്നപ്പോൾ തന്നെ രാവിലെ കഴിച്ചതൊക്കെ ആവിയായി പോയി.\"

\"അല്ല ദിയ എവിടെ,..\"

\"അറിഞ്ഞിട്ടെന്തിനാ\"

\"വെറുതെ... \"

\"ക്യാഷ് പേ ചെയ്തിട്ടുണ്ട്. \"

\"ഓക്കേ,
അല്ല....
ഇത് എന്തിന്റെ സ്ട്രിക്കാ,\"

\"രണ്ട് ഉണ്ട കണ്ണുണ്ടല്ലോ ആ പ്ളേകാർഡിൽ എഴുതിയിരിക്കുന്നത് അങ്ങോട്ട് വായിച്ചു നോക്ക്.\"

\"അതേ.....,
ഇങ്ങനെ നടത്തിയാലൊന്നും സർക്കാർ ഒന്നും കേൾക്കില്ല . അതിനു വേറെ ചില പണികളുണ്ട്.\"

\"വേറെ എന്ത് പണി. \"

\"  അവർ  കേൾക്കണമെങ്കിൽ.....
നീ ഈ സിനിമയിലൊക്കെ കണ്ടിട്ടില്ലേ, അതുപോലെ ഒരു കല്ലെടുത് പോലീസിന് നേരെ എറിയണം... \"

\"എന്നിട്ട് വേണം അവർ ഞങ്ങളെ അറ്റാക് ചെയ്യാൻ\"

\"അതേ,  അതാണല്ലോ വേണ്ടത്.  
പിന്നെ നിങ്ങൾ എയർലാ,
മീഡിയക്കാർ വരും,  ന്യൂസ്‌  ആക്കും , പിന്നെ ചർച്ച.....,
സോഷ്യൽ മീഡിയ മൊത്തം നിങ്ങളുടെ ഈ പ്രശ്നത്തെ ഏറ്റു പിടിക്കും \"

\"ഐഡിയ കൊള്ളാം, പക്ഷേ......
ശരീരം നോവുന്ന പരിപാടിക്ക് ഞങ്ങളില്ലാ\"

\"എന്നാ പിന്നെ മുദ്രാവാക്യം വിളിച്ചു നാവിലെ വെള്ളം കളഞ്ഞോ.

പുറത്തു നിന്നുമുള്ള ഒരാളെകൊണ്ട് ഒരു കല്ലെറിഞ്ഞാൽ തീരാവുന്ന പ്രശ്നമെ ഇപ്പോൾ നിങ്ങൾക്കുള്ളു.\"

ആ സമയം അഞ്ജുവിനെയും, ഫർസാനെയും കാണാത്തത് കൊണ്ട് ദിയ അവരെ അന്നെഷിച്ചു അവിടേക്ക് വരുന്നു.

അവർക്കൊപ്പം റിച്ചുവിനെ കാണുന്നതും അവൾ തീരികെ പോകാൻ തുടങ്ങുന്നു.
അത് കണ്ട് റിച്ചു വിളിച്ചു പറയുന്നു. 

\"എന്നെ കണ്ടിട്ടാണെങ്കിൽ പോകണ്ട, ഞാൻ ദേ പോകുവാ.\"

അത് കേട്ട് ദിയ തിരികെ വരുന്നു.

\"നീയൊക്കെ ഇവിടെ
എന്തെടുക്കുവാ\"

അഞ്ചു റിച്ചു പറഞ്ഞ ഐഡിയ ദിയക്ക് പറഞ്ഞ് കൊടുക്കുന്നു. അത് കേട്ട് ദിയ റിച്ചുവിനുകൂടി കേൾക്കാൻ വിധം പറയുന്നു.

\" വല്ല പൊട്ടന്മാരും,  പൊട്ടത്തരം പറയുന്നത് കേട്ട്, അതിന്റ പിന്നാലെ പോയാലെ, നല്ല മുട്ടം പണികിട്ടും. 
നിങ്ങള് വന്നേ \"

\"ഇത് കഴിച്ചിട്ട് വരാം,അല്ല നിനക്ക് വേണ്ടേ \"

\"എനിക്കൊന്നും വേണ്ട..\"

\"കഴിച്ചിട്ട് അങ്ങോട്ടേക്ക് വരാൻ
നോക്ക് \"

ദിയ തിരികെ പോകാൻ തുടങ്ങുന്നതും റിച്ചു ദിയയെ വിളിക്കുന്നു. 

\"ദിയ..., ദിയ..\"
അവളുടെ പിന്നാലെ അവൻ പോകുന്നു.

\"എന്താ....\"

\"താനെന്താടോ ഇങ്ങനെ , ഒന്ന് ചിരിച്ചെങ്കിലും കൂടെ\"

\"താൻ തന്റെ പണി നോക്ക്\"

\"ദിയ നിൽക്ക്, എനിക്കൊരു കാര്യം പറയാനുണ്ട്\"

\"എനിക്കൊന്നും കേൾക്കണ്ട....\"

\"പ്ലീസ്....\"

റിച്ചു അവളുടെ വഴി തടയുന്നു. 

\"എന്താ, എന്താണെന്ന് വെച്ചാൽ
പറയ് \"

\"ഇവിടെ വെച്ച് പറയാനോ \"

\"ഇവിടെ വെച്ച് പറയാൻ പറ്റുന്നതാണെകിൽ പറഞ്ഞാൽ
മതി.\"

\"എന്നാലും ഒരു അഞ്ചടി മാറി
നിന്നുകൂടെ \"

\"എന്തൊരു ശല്യമാ കർത്താവെ ഇത്\"

\"ഒരു ഡോക്ടർ ആദ്യം വേണ്ടത്  മനുഷ്യനെ മനസിലാക്കാനുള്ള
കഴിവാണ്, അത് ഇയ്യാൾക്കില്ല \"

\"തല്ക്കാലം ഉള്ള കരുണയൊക്കെ മതി 
ഇത് പറയാനാണോ എന്നെ തടഞ്ഞു നിർത്തിയത് \"

\"എടൊ, ഞാൻ.......

അവർ സംസാരിക്കുന്നതിനിടയിലേക്ക് \"മോളെ...,\"
എന്ന് വിളിച്ചു കൊണ്ട് ഒരാൾ വരുന്നു. 

അയ്യാളെ കണ്ട്  സന്തോഷത്തോടെ  ഓടിച്ചന്ന് ദിയ കെട്ടിപിടിക്കുന്നു  .

അത് കണ്ട് റിച്ചു മനസ്സിൽ കരുതുന്നു.

!എന്നെ എന്നാണാവോ എന്തോ ഇങ്ങനെയൊന്നും കെട്ടി പിടിക്കുന്നത് !

\" അങ്കിൾ......
അങ്കിൾ എന്താ ഇവിടെ.....\"

!അങ്കിലാണല്ലേ, അപ്പോൾ ഇവിടുന്ന് എസ്‌കേപ്പ് ആകാം!

\"ഞാൻ ഒരു ആവശ്യത്തിനായി
വന്നതാ മോളെ....
അല്ല ഇതാരാ....

\"അത്  ഫ്രൻസ് ഫുഡ്‌ ഓർഡർ ചെയ്തായിരുന്നു.അത് കൊണ്ടുവന്ന ആളാ \"


\"അങ്കിൾ വാ,....\" 
ദിയ സംസാരിച്ചുകൊണ്ട് അങ്കിലിനോടൊപ്പം  നടന്നു നീങ്ങി \"

!ഓരോരോ  വാണരങ്ങൾ വന്നോളും മനുഷ്യനെ മെനക്കെടുത്താൻ \"

അവർ അടുത്തുള്ള ഒരു കോഫീ ഷോപ്പിലേക്ക് പോകുന്നു. 

\"നിന്നനെ കണ്ടിട്ട് എത്ര നാളായി മോളെ , സുഖമാണോ നിനക്ക്\"

\"മം...\"

\"അങ്കിൾ വീട്ടിലേക്ക് പോയില്ലേ\"

\"ഇല്ല,...
അവിടെ പോയാൽ നിന്റെ പപ്പയുടെ അങ്ങും ഇങ്ങും തൊടതേയും  ആസ്ഥാനത് കുത്തികൊണ്ടുമുള്ള വർത്തമാനം കേൾക്കാൻ
  എനിക് വയ്യ.\"

\"പിന്നെ വീട്ടിലെ വിശേഷം പറ\"

\"അവിടെ എന്ത് വിശേഷം എല്ലാവരും സുഖയിട്ടിരിക്കുന്നു. 

നിന്റെ പപ്പാ  നിനക്ക് മാര്യേജ് നോക്കുന്നുണ്ടെന്നു, നിന്റെ മമ്മി വിളിച്ചപ്പോൾ പറയുന്നത് കേട്ടു.\"

\"ആ.....,
കോഴ്സ് കഴിഞ്ഞു മതിയെന്ന് ഒരു വിധം പപ്പയെ പറഞ്ഞു സമ്മതിച്ചു.\"

\"നിന്റെ ജീവിതമാ,
നിന്റെ ഇഷ്ടം കൂടി ഇതിൽ വേണം.

നിന്റെ പപ്പാ പണത്തിന്റെ  കണക്ക് മാത്രമെ നോക്കു.

അളവിലും തുക്കത്തിലും,  കൂടിയ ആളെയാകും നിനക്ക് പറ്റിയ പയ്യനായി കണ്ടെത്തുന്നത്. 

അവന് പണമാണ് എല്ലാം.
എന്തിനാ മോളെ ഇങ്ങനെ നാട്ടുകാരുടെ  ശാപവും ഏറ്റുവാങ്ങി സമ്പാദിക്കുന്നെ,
ആർക്ക് വേണ്ടിട്ടാ 

  ജീവിതത്തിൽ ഏറ്റവും ഒരു വലിയ നഷ്ടം  സംഭവിച്ചപ്പോഴെങ്കിലും അവന് മാറ്റമുണ്ടാകുമെന്ന് കരുതി,
എവിടെന്ന്...\"

\"അതിന് പപ്പക്ക്ക്കൂടി അതൊരു നഷ്ടമായി തോന്നണ്ടേ അങ്കിൾ \"

\"അതും ശെരിയാ....,
എന്റെ പെങ്ങളുടെ വിധി, അവൾക്ക് സാമ്പത്ത് വേണ്ടുവോളം കിട്ടി, സന്തോഷമാത്രം കിട്ടിയില്ല. 
മം...,
എന്നാ പിന്നെ മോള് പോയ്ക്കോ,  ഇനി നിന്നെ കണ്ടില്ലെങ്കിൽ ഫ്രൻസ് എന്ത് വിചാരിക്കും.\"

\"ശെരിയാ അങ്കിൾ....
എന്നാ പിന്നെ ഞാൻ പോട്ടെ...\"

അങ്കിളിനോട് യാത്ര പറഞ്ഞു കോഫീ ഷോപ്പിൽ നിന്നും പുറത്തു വന്ന ദിയ കാണുന്നത് സ്റ്റുഡൻസിനെ പോലീസ് അറ്റാക്ക് ചെയ്യുകയും, പോലീസ് അവരെ അറസ്റ്റ് ചെയ്ത് മാറ്റുന്നതുമാണ്.

                                            തുടരും.........