\"ഇന്നലെ,  എന്നെയും അവനെയും, കാന്റീനിൽ  വെച്ച് പപ്പ കണ്ടെന്ന് ഞാൻ പറഞ്ഞില്ലായിരുന്നോ.\"

\"എന്താടി നിന്റെ പപ്പക്ക് എന്തെങ്കിലും സംശയമുണ്ടോ. \"

\"ഇപ്പോഴില്ല, പക്ഷേ  ഇനിയുംഞങ്ങളെ ഒന്നിച്ച് കാണുവാണെങ്കിൽ  പപ്പക്ക്‌ ഡൌട്ട് അടിക്കുമെന്ന കാര്യം
ഉറപ്പാണ്. \"

\"അതിനിപ്പോ എന്ത് ചെയ്യാൻ പറ്റും  ഓനോട്‌ എത്ര പ്രാവശ്യം
പറഞ്ഞതാ, \"

\"ദിയ,
നീ അവനോട് സ്ട്രോങ്ങ്‌ ആയിട്ട് പറയണം,  നിന്റെ പിന്നാലെ നടന്നു
ശല്യം ചെയ്യരുതെന്ന്.\"

\"പറയേണ്ട താമസം.....,
അങ്ങനെയൊന്നും പറഞ്ഞാൽ ഓൻ പോകില്ല, ഇനി ഒരു വഴിയേയുള്ളൂ,\"

\"എന്ത് വഴി \"

\"നീ അവനെ വിളിച്ചു സംസാരിക്കണം.
അത് എപ്പോഴും പറയുന്നത് പോലെയല്ല, സീരിയസ് ആയിട്ട്,
നീ  ആ പറയുന്നത് കേട്ട് പിന്നെ അവൻ നിന്റെ പിന്നാലെ നടക്കരുത്.\"

\"അതൊന്നും നടക്കുമെന്ന് എനിക്ക് 
തോന്നുന്നില്ല. \"

\"ആ...,  നമുക്കൊന്ന് നോക്കാം.\"

\"എന്നാ പിന്നെ  നോക്കാം\"

\"അഞ്ചു.....,
നിന്റെ  കയ്യിൽ അവന്റെ നമ്പർ ഉണ്ടല്ലോ, അവനെ വിളിച്ചിട്ട് ദിയക്ക് ഒന്ന് കാണണമെന്ന് പറയ്.\"

അഞ്ചു റിച്ചുവിനെ വിളിച്ചു കാര്യം പറയുന്നു. 

\"ഇന്നാണോ....\"

\"ഏയ്, ഇന്ന് വേണ്ട നാളെ വൈകിട്ട് കോളേജ് കഴിഞ്ഞു  മീറ്റ് ചെയ്യാം\"

\"ഓക്കേ\"

\"എന്ത് പറഞ്ഞു.
ഒക്കെ...  എന്ന് പറഞ്ഞു.\"

റിച്ചു ഈ വിവരം ഓടിച്ചെന്ന് ഫ്രൻസിനോട്‌ പറയുന്നു.

\"അളിയാ ദിയക്ക്‌ എന്നെ നാളെ   കാണണമെന്ന് പറഞ്ഞു.!

\"എന്തിന്\"

\"അതൊന്നുമറിയില്ല, കാണണമെന്ന് മാത്രമേ പറഞ്ഞുള്ളു.\"

\"ഇനി ആളെ വിട്ട് തല്ലിക്കാനാണോ\"

\"ചുമ്മാതിരിയെടാ...,
ഇവന്റെ വായിന്നു ഇങ്ങനത്തെ വർത്തമാനം മാത്രമേ
വരത്തുള്ളോ.\"

\"എന്തിന് വേണ്ടിട്ടാണെങ്കിലും അവൾ കാണണമെന്ന് പറഞ്ഞല്ലോ. എനിക്ക് സന്തോഷമായി....\"


പിറ്റേ ദിവസം......

വൈകുന്നേരം റിച്ചുവും, ശശിയും കൂടി ദിയയുടെ കോളേജിലേക്ക് പോകാൻ ഇറങ്ങുന്നതും , ആൻ റിച്ചുവിന്റ ഫോണിലേക്ക് വിളിക്കുന്നു.
ഫോൺ റിങ് ചെയ്യുന്നത് കേട്ട് ശശി റിച്ചുവിനോട് ചോദിക്കുന്നു.

\"ആരാടാ....\"

\" ആൻ ആണല്ലോ ഇവളെന്തിനാ വിളിക്കുന്നെ 
ഹലോ,.....
എന്താടി.. \"

\"നീ എവിടെയാ,\"

\"നീ കാര്യം പറയ് \"

\"എടാ....
നീ എന്നെ പിക്ക് ചെയ്യാനോന്ന് വരോ, നമുക്കൊരു സ്ഥലം
വരെ പോകാനാ\"

\"എവിടെക്കാ ടി... \"

\"അതൊക്ക പറയാം,\"

\"എടി...,
അത്യാവശ്യ കാര്യമാണെങ്കിൽ നീ വേറെ ആരെങ്കിലും കൂട്ടി പോയ്ക്കോ. എനിക് അത്യാവശ്യമായി ഒരിടം വരെ പോകാനുണ്ട്.\"

\"എടാ, അത്....\"

\"ശരി എന്നാ,
ഞാൻ  പോകാൻ ഇറങ്ങുവാ
ഇപ്പോഴേ വൈകി, \"

\"റിച്ചു....\"
അവൻ ഫോൺ കട്ട് ചെയ്യുന്നു. 

\"എന്താ..,
ആവൻ വരാമെന്ന്
പറഞ്ഞോ \"

\"ഇല്ല,  അവന് എവിടെയോ അത്യാവശ്യമായി പോകണമെന്ന് \"

\"സാരമില്ല നാളെയും ടൈമുണ്ടല്ലോ \"

\"മം...\"

\"അല്ലെങ്കിൽ നീ ഇന്ന്  രാത്രി  വീട്ടിൽ
വെച്ച് അവനോട് സംസാരിക്ക്‌\"

\"വീട്ടിൽ വെച്ചോ,\"

\"അതിനെന്താ,  ചിലപ്പോഴൊക്കെ നിങ്ങൾ രാത്രി
സംസാരിക്കാറുള്ളതല്ലേ,\"

\"എന്നാലും...\"

\"ഒരു എന്നാലുമില്ല  ....
എന്തൊക്കെ വന്നാലും ഇന്ന് അവനോടു കാര്യം പറയണം.\"

\"മം....\"

ശശിയും, റിച്ചുവും കോളേജിന് പുറത്തു വെയിറ്റ് ചെയ്യുന്നു. അവിടേക്ക് ദിയയും ഫ്രൻസും വരുന്നു.

\"നമുക്ക് ഒരു കോഫീ കുടിച്ചാലോ\"

\"അതിനെന്താ...\"

\"അളിയാ....,
ഈ കൊല്ലാൻ പോകുന്നതിന് മുൻപ് ആടിനും, മാടിനുമൊക്കെ വെള്ളംകൊടുക്കുന്നത് പോലെ ആയിരിക്കോ നമുക്ക്  ഈ കോഫീ ഓഫർ ചെയ്തത്. \"

\"നീ  ഒന്ന് ചുമ്മാതിരിക്കുന്നുണ്ടോ \"


അവർ  കോഫീ ഷോപ്പിലേക്ക്  ചെല്ലുന്നു.
എല്ലാവർക്കും ഓരോ
കോഫീ പറയുന്നു.

കോഫീ കുടിച്ചതിന് ശേഷം അഞ്ജുവും, ഫർസാനയും സംസാരിച്ചു
തുടങ്ങുന്നു.

\"ഇയ്യാളോട് എന്തിനാ വരാൻ പറഞ്ഞതെന്ന് അറിയോ, 
ഞങ്ങൾക്ക്  തന്നോട്  സീരിയസായിട്ട് ഒരു കാര്യം പറയാൻ വേണ്ടിട്ടാണ്.\"

\"എന്താ പറഞ്ഞോളൂ...\"

\"താൻ ഇനിയും ഇവളുടെ പിന്നാലെ നടന്നു ശല്യപ്പെടുത്തരുത്  \"

അത് കേട്ട് റിച്ചു ചിരിക്കുന്നു.
റിച്ചു ചിരിക്കുന്നത് കണ്ട് ദിയയും, കൂട്ടുകാരികളും പരസ്പരം നോക്കുന്നു. 

\"ഇത് പറയാനാണോ എന്നെ കാണണമെന്ന് പറഞ്ഞത്. 
ഇത് തന്നെയല്ലേ,  നിങ്ങൾ  എപ്പോൾ കാണുമ്പോഴും എന്നോട് പറയുന്നത്.

ദേ..,
ഇയ്യാള് എന്നെ ഇഷ്ടമാണെന്നു പറയുന്നത് വരെ ഞാൻ ഇയ്യാളുടെ പിറകെ തന്നെ കാണും.

അതിന് അവൾക്കില്ലാത്ത പരാതിയൊന്നും നിങ്ങൾക്ക് വേണ്ട.
അല്ലെടോ...\"


റിച്ചു പറഞ്ഞത് കേട്ട് ദിയക്ക്‌ പെട്ടെന്ന് ദേഷ്യവും വരുന്നു.

\"ഒന്ന് നിർത്തുന്നുണ്ടോ,....
എനിക്ക് പരാതിയില്ലെന്ന് തന്നോടാരാ പറഞ്ഞത്.

നാണമുണ്ടോ തനിക്,
പ്രേമിക്കാൻ നടക്കുന്നു. സ്വന്തം സ്റ്റാറ്റസ് നോക്കി വേണം പ്രേമിക്കാൻ ഇറങ്ങാൻ. 

താൻ  ഇപ്പൊ പറഞ്ഞല്ലോ, ഞാൻ ഇഷ്ടമാണെന്ന് പറയുന്നത് വരെ എന്റെ പിന്നാലെ നടക്കുമെന്ന് . 

തന്റെ എന്ത് കണ്ടാ ഞാൻ പ്രേമിക്കേണ്ടത് , വിദ്യാഭ്യാസം കണ്ടിട്ടോ, അതോ തന്റെ കോടികളുടെ ആസ്തി കണ്ടിട്ടോ , പറയടോ....
കാൽ കാശിനു വഴിയില്ല, 

ജോലിയും, കൂലിയും ഇല്ലാതെ ഇങ്ങനെ തേരാ പാര നടക്കുമ്പോൾ ഇങ്ങനെ പലതും തോന്നും. \"

ദിയ പറഞ്ഞത് കേട്ട് സഹികെട്ടു ശശി പറയുന്നു

\"നിർത്തടി....\"

\"സത്യം പറഞ്ഞപ്പോൾ എന്തേ, ദേഷ്യം വന്നോ... 
നിന്നെ പ്പോലെ കുറെയെണ്ണം ഇറങ്ങിയിട്ടുണ്ട് പണമുള്ള വീട്ടിലെ പെണ്ണിനെ പ്രണയിച്ചു ചുളുവിൽ സമ്പന്നൻ ആകാനുള്ള
ഐഡിയ....\"

\"ദേ വാക്കുകൾ സൂക്ഷിച്ചു ഉപയോഗിക്കണം... 

നീ ഇതൊക്കെ കേട്ട് മിണ്ടാതിരിക്കുവനോടാ...\"

\"സീ....
ഞാൻ മര്യാദയുടെ ഭാഷയിൽ പറയുവാ  ഇനി എന്റെ പിറകെ നടന്ന് ശല്യപ്പെടുത്താൻ വരരുത്.

നിങ്ങൾക്ക് കളയാൻ ഒരു പാട് ടൈം കാണും,  എനിക്കങ്ങനെയല്ല. എന്റെ സ്വപ്നങ്ങൾ നിങ്ങളായിട്ട് നശിപ്പിക്കരുത് .
പ്ലീസ്....\"
ദിയ കൈകൂപ്പി കൊണ്ട് പറയുന്നു. 


ദിയ പറഞ്ഞത് കേട്ട് റിച്ചുവിന്റെ കണ്ണ് നിറയുന്നു.  അവൾ പറഞ്ഞതൊക്കെയും കേട്ട് ഇരുന്നതല്ലാതെ  തിരിച്ചൊന്നും അവൻ അവളോട്‌ പറഞ്ഞിരുന്നില്ല 

\"വാടി...\"
ദിയ കൂട്ടുകാരെയും കൂട്ടി പോകാൻ തുടങ്ങുമ്പോൾ ഫർസാന റിച്ചുവിനോട്‌ പറയുന്നു.

\"എടൊ അവളോട് ദേഷ്യം തോന്നരുത്,  അവളുടെ സിറ്റുവേഷൻ താൻ മനസ്സിലാക്കണം അതുകൊണ്ടാണ് 
അവൾ അങ്ങനെയൊക്കെ
പറഞ്ഞത്.

ഇയ്യാള്ക്ക്‌ അവളോടുള്ള ഇഷ്ടം ആത്മാർഥമായിട്ടാണെങ്കിൽ, ഇനി അവളുടെ പിന്നാലെ നടന്നു  അവളെ ശല്യപ്പെടുത്തരുത്  പ്ലീസ്...\"

ഫർസാന പോയിക്കഴിഞ്ഞു ‌ ശശി റിച്ചു വിനെയും കൂട്ടി അവിടെ നിന്നും പോകുന്നു. 

\"വാടാ, നമുക്ക് പോകാം.\"

\"ദിയ....,
നീ ഇത് എന്തൊക്കെയാ
അവനോട് പറഞ്ഞേ\"

\"എനിക്കറിയില്ല, ആ സമയം വായിൽ വന്നതൊക്ക പറഞ്ഞു. എങ്ങനേലും  അവനെ ഒഴിവാക്കണം അത്രയേ ഞാൻ ചിന്തിച്ചുള്ളൂ.\"

\"അല്പമെങ്കിലും ആത്മാഭിമാനം ഉണ്ടെങ്കിൽ അവൻ ഇനി നിന്റെ
പിറകെ വരില്ല.\"

\"പക്ഷേ എനിക്ക് ചെറിയ
പേടിയുണ്ട്....\"

\"നിനക്കെന്തിനാ പേടി,\"

\"അല്ല.....,
ഇങ്ങനെയുള്ള ആളുകളാണ് തിരിച്ചു റിവൻജ് ചെയ്യുന്നത്.   
മുഖത്തു ആസിഡ്  ഒഴിക്കുന്നതും, കൊല്ലുന്നതുമൊക്കെ \"

\"നീ വെറുതെ മനുഷ്യനെ
പേടിപ്പിക്കാതെ.... \"

\"നീ വിഷമിക്കണ്ട, അങ്ങനെയൊന്നും സംഭവിക്കില്ല \"

അന്നേ ദിവസം രാത്രി,
സങ്കടപെട്ടിരിക്കുന്ന റിച്ചുവിനെ കുട്ടുകാർ സമാധാപ്പെടുത്തുന്നു. 
റിച്ചുവും, ജോജോയും, ശശിയും മദ്യപിക്കുന്നുണ്ടായിരുന്നു 

\"അവള് പോകുന്നെങ്കിൽ പോട്ടെടാ,
നിനക്കെന്താ വേറെ പെണ്ണ്
കിട്ടില്ലേ.\"

\"എന്നാലും അവള് ഇങ്ങനെയോക്കെ പറയുമെന്ന് ഞാൻ കരുതിയില്ല\"

\"ആ തന്തേടെ മോളല്ലേ,അവളുടെ ഭാഗത്തു നിന്നും ഇതൊക്കെ പ്രേതീക്ഷിച്ചാൽ മതി.\"

\"ഇരു കോഫീ വാങ്ങി തന്നു
അപമാനിച്ചു വിട്ടു .\"

\"അല്ലേലും അവള് പറഞ്ഞതിൽ എന്താടാ തെറ്റ്,  ജോലിയും കൂലിയുമില്ലാത്ത ഞാൻ അവളെപ്പോലെ ഒരാളുടെ പിറകെ നടന്നത് തന്നെ
വലിയ തെറ്റ് .\"

\"പഠിക്കാൻ വിട്ടപ്പോൾ പഠിക്കണമായിരുന്നു. \"

\"പറയുന്നയാള് പിന്നെ എല്ലാം പാസ്സായല്ലോ \"

ആ സമയം അവിടേക്ക് മുന്ന വരുന്നു.

\"നീയൊക്കെ ഇവിടെ
വന്നിരിക്കുവാണോ,\"


കുടിച്ചു  പൂസായ റിച്ചുവിനെ  കണ്ട്
മുന്ന  പറയുന്നു.

\"എടാ നീ എന്ത് അടിയാ അടിക്കുന്നെ,നിനക്ക് വീട്ടിൽ പോകേണ്ടതല്ലേ \"

\"അളിയാ നീ ഇവനെയൊന്ന് വീട്ടിലേക്ക് 
കൊണ്ടുവന്നാക്കിക്കൊടുക്ക് .

\"പിന്നെ....,
എന്നിട്ട് വേണം ഇവന്റെ അച്ഛന്റെ വായിരിക്കുന്നത് മൊത്തവും ഞാൻ കേൾക്കാൻ \"

\"എന്നാ പിന്നെ ഇവിടെങ്ങാനും
കിടക്കട്ടെ\"

\"എന്നിട്ട്  വേണം അടുത്ത ചീത്തപ്പേര് നാട് മൊത്തം പാട്ടാകാൻ.
കുറച്ചു സമയം കൂടി കഴിയട്ടെ, അപ്പോഴേക്കും എല്ലാവരും ഉറങ്ങും, അപ്പോൾ വീടിന് പുറത്ത് കൊണ്ട് കിടത്തിയിട്ട് വരാം.

\"ഗുഡ്....\"

റിച്ചുവിന്റെ വരവും കാത്തു ആൻ വീടിന് മുന്നിൽ  തന്നെ
നിൽക്കുന്നുണ്ടായിരുന്നു.


                                         തുടരും........