അങ്ങനെ റിച്ചുവിനെയും കൂട്ടി ജോസഫ് ആ പ്രൊഫസറുടെ വീട്ടിലേക്ക് ചെല്ലുകയും  അവരോട് കാര്യങ്ങൾ സംസാരിക്കുകയും
ചെയ്യുന്നു.

\"ഞാൻ  ഒറ്റക്ക്‌ ഡ്രൈവ് ചെയ്താണ് പോകാറുള്ളത്. പിന്നെ..,
ഇടക്കൊരു ആക്സിഡന്റ് ഉണ്ടായി. അതിന് ശേഷം എന്തോ കൈക്കൊരു വിറയൽ, ഒരു പേടിപോലെ...,

അതാണ് ഡ്രൈവറെ വെക്കാമെന്ന് കരുതിയത്... 
മറ്റന്നാളാണ് ഞാൻ കോളേജിൽ ജോയിങ് ചെയ്യുന്നത്.

ഇയ്യാൾ ഞാൻ ജോബ് കഴിഞ്ഞ് വരുന്നത് വരെ കോളേജിൽ തന്നെ വെയിറ്റ് ചെയ്യേണ്ടിവരും.\"

\"കാര്യങ്ങളൊക്കെ ഞാൻ
പറഞ്ഞിട്ടുണ്ട്. പിന്നെ  ഞാൻ പറഞ്ഞല്ലോ എന്റെ മോനെപ്പോലെ ഞാൻ കാണുന്ന പയ്യനാ,

അതുകൊണ്ട് തന്നെ ഞാൻ മാഡത്തിന് ഉറപ്പുതരുന്നു. ഇവന്റെ ഭാഗത്തു നിന്നും ഒരു പ്രശ്നവും ഉണ്ടാകില്ല . \"

\"ഓക്കേ...,
എന്നാ പിന്നെ ഇയ്യാൾ  മറ്റന്നാൾ    രാവിലെ  മുതൽ ഇങ്ങ് പോന്നോളൂ .\" 

\"ഓക്കേ മാഡം...\"

അങ്ങനെ റിച്ചുവിന് ഒരു ജോലി സെറ്റ് ആകുന്നു.  

അടുത്ത ദിവസത്തെ  ബ്രെക്കിങ് ന്യൂസ്‌ 
ആയിരുന്നു.

: പ്രണയം നിരസിച്ചതിന് പെൺകുട്ടിയെ യുവാവ് കുത്തി കൊലപ്പെടുത്തി. :
എന്ന വാർത്ത.

ആ ന്യൂസ്‌ കണ്ട് ഉറങ്ങാൻ കിടന്ന ദിയ പെട്ടെന്ന് എന്തോ സ്വപ്നം കണ്ട് പേടിച്ച് ഞെട്ടി ഉണർന്നു.
അപ്പോഴാണ് അവൾക്ക് താൻ കണ്ടത് സ്വാപ്നമാണെന്ന് മനസ്സിലാകുന്നത്. 


പിറ്റേദിവസം.....

റിച്ചു രാവിലെ തന്നെ റെഡിയായി  ജോലിക്ക് പോകാൻ ഇറങ്ങുന്നു. അപ്പോഴേക്കും  ആൻ അവിടെ ഹാജരാകുന്നു.

അന്നേ ദിവസം കോളേജിലേക്ക് എത്തിയ ദിയ താൻ ഇന്നലെ കണ്ട സ്വപനത്തെ കുറിച്ച് കൂട്ടുകാരോട് പറയുന്നു.

\"നീ ന്യൂസ്‌ കണ്ടിട്ട് ആ ഓർമയിൽ
കിടന്നത് കൊണ്ടാവും  \",

\"ദേ ദിയ....,
പറയാൻ പറ്റത്തില്ല, ഇതുപോലുള്ളവർ സൈലന്റ് ആയി ഇരുന്നിട്ടാണ് കാര്യങ്ങൾ വർക്ഔട്ട് ആക്കുന്നത്.\"

\"നീ ചുമ്മാ അവളെ പേടിപ്പിക്കല്ലേ അഞ്ചു.  അങ്ങനെയൊന്നും സംഭവില്ല, അവൻ ഡീസന്റാ... \"

\"ഉവ്വ \"

\"എന്തായാലും ആ സബ്ജെക്റ്റ്
നമുക്ക് വിടാം. \"

\"എടാ...,
ഇന്ന് ആ കോശി സാറിന്റെ വാക്കാൻസിയിലേക്ക് പുതിയ ആള് , വരുന്നെന്നു കേട്ടു...\"

\"ആണോ....,
ഈശ്വരാ....
ഇച്ചിരി മനുഷ്യ പറ്റുള്ള ആരെങ്കിലും ആയിരിക്കണേ......  \"


അങ്ങനെ മേരി (പ്രൊഫസർ )ജോയിങ് ചെയ്യാനായി വരുന്നത് ദിയ പഠിക്കുന്ന കോളേജിലേക്കാണ്.അതിനുള്ളിലേക്ക് കയറുമ്പോൾ റിച്ചു മനസ്സിൽ കരുതുന്നു

! കർത്താവെ ഇവിടെയാണോ ഇവര് വർക്ക്‌ ചെയ്യുന്നത്.  
അല്ലെങ്കിലും ആലിപ്പഴം പഴുക്കുമ്പോൾ കാക്കക്ക് വായ്പ്പുണ്ണാനല്ലോ. ഇതിനുള്ളിൽ കയറാൻ എന്തോരം പാടുപെട്ടതാ,, പാവം ജോജോ അവന്റ കയ്യിന്ന് കാശുമുടക്കി ഒരു കോട്ട് വരെ വാങ്ങി....!

മേരിയെ ഇറക്കിയതിന് ശേഷം റിച്ചു  പാർക്കിങ്ങിലേക്ക് പോയി കാർ പാർക്ക്‌ ചെയ്യുന്നു.

അത് കഴിഞ്ഞു റിച്ചു, ശശിയെ വിളിച്ചു ഈ കാര്യം പറയുന്നു.

\"അവളെ എങ്ങനേലും മറക്കാൻ ശ്രമിക്കുമ്പോൾ  കർത്താവ് വീണ്ടും മുന്നിൽ കൊണ്ടു നിർന്നു.......\"

\"ദേ,....,
നീ ഇനിയും അവളെ കാണുമ്പോൾ വീണ്ടും ഒലിപ്പിച്ചോണ്ട് പോകാൻ നിൽക്കരുത്.....\"

\"ഹേയ്....,
ഞാൻ അതൊക്കെ വിട്ടു,
അല്ലേലും എനിക്ക് അവളെ നോക്കാനുള്ള യോഗ്യതയൊന്നും എനിക്കില്ല......
ശരിയെടാ,
ഞാൻ വെക്കുവാ. നിന്റെ വർക്ക്‌ നടക്കട്ടെ...\"

ഫോൺ കട്ട്‌ ചെയ്തതിനു ശേഷം റിച്ചു അവിടെ ഒഴിഞ്ഞ മൂലയിലിരുന്ന് ബുക്ക്‌ എടുത്തു പഠിക്കുന്നു. 

കുറച്ചു സമയം കഴിഞ്ഞ് മേരി റിച്ചുവിന്റ ഫോണിലേക്ക് വിളിക്കുന്നു.

\"ആ....,
പറയു മാഡം\"

\"കാറിൽ ഞാനൊരു ഫയൽ മറന്നു വെച്ചു, ഇയ്യാൾ അതൊന്ന് എടുത്ത്‌ മുകളിലേക്ക് കൊണ്ടു വരുമോ\"

\"ഓക്കേ മാഡം,...\"

\"ശെരി....,
ആ....,
പിന്നെ എന്റെ ഫ്ലാസ്ക് കൂടി എടുത്തേക്ക്\"

\"ശെരി...\"

റിച്ചു ഫോൺ കട്ട്‌ ചെയ്തതിനുശേഷം ഫയലും, ഫ്ലാസ്‌ക്കുമെടുത്തു ക്ലാസ്സ്‌ നടക്കുന്ന ബിൽഡിങ്ങിലേക്ക്  പോകുന്നു.

മുകളിലേക്ക് കയറി ചെല്ലുമ്പോൾ അകത്തുവെച്ചു റിച്ചു, ദിയയെ കാണുന്നു.റിച്ചുവിനെ കണ്ട്  ഒരു നിമിഷം ദിയ അവിടെ നിന്നു പോകുന്നു.

റിച്ചു തന്റെ കയ്യിലിരുന്ന ഫ്ലാസ്ക് തുറന്നു അതിനുള്ളിലെ തിളച്ച വെള്ളം ദിയയുടെ മുഖത്തേക്ക് ഒഴിക്കുന്നു.

വേദന കൊണ്ട് ദിയ അലറി വിളിക്കുന്നു.
ദിയയുടെ ഒച്ച കേട്ട് മറ്റു സ്റ്റുഡന്റസ് അവിടേക്ക് കൂടുന്നു. 

\"എന്താ ദിയ.., എന്താ പറ്റിയെ....\"

\"നീ എന്താടാ ചെയ്തെ...\"
സ്റ്റുഡന്റസ് റിച്ചുവിന്  നേരെ തിരിയുന്നു. 

\"ഞാനൊന്നും ചെയ്തിട്ടില്ല\"

റിച്ചു പറയുന്നത് കേൾക്കാൻ നിൽക്കാതെ ചില സ്റ്റുഡന്റസ് അവനെ തല്ലുന്നു. രണ്ട് കയ്യിലും സാധനം ഉള്ളതിനാൽ റിച്ചുവിന് തിരിച്ചു പ്രതികരിക്കാൻ കഴിയുന്നില്ല.

അതേ സമയം കുട്ടുകാർ ദിയയോട് എന്താ സംഭവിച്ചതെന്ന് ചോദിക്കുന്നു.
പെട്ടെന്ന് മുഖത്തേക്ക്  വെച്ചിരുന്ന കൈ എടുത്തു നോക്കിയതിനു ശേഷം ദിയ പറയുന്നു.

\"അപ്പോൾ ആസിഡ് വീഴുത്തിയില്ലേ\"

\"ആസിഡോ...,
നീ എന്തൊക്കെയാ ഈ പറയുന്നേ...\"

കുട്ടികളുടെ ബഹളം കേട്ട് പ്രിൻസിപ്പളും, മറ്റു സറമ്മാരും  അവിടേക്ക് വരുന്നു.

\"നിർത്ത്, എന്താ ഇവിടെ,
എന്താ, എന്താ പ്രശ്നം\"

സാറിന്റെ ചോദ്യം കേട്ട് അവിടെ നിന്ന കുട്ടികൾ പ്രിൻസിപ്പലിനോട് പറയുന്നു.

\"സാർ ഇവൻ ദിയയുടെ മുഖത്തു ആസിഡ് ഒഴിക്കാൻ നോക്കി...\"

അവർ പറഞ്ഞത് കേട്ട് റിച്ചു
ഉൾപ്പടെ എല്ലാവരും ഞെട്ടുന്നു.

\"ആസിഡോ, ഞാനോ.....,
എന്തൊക്കെയാ പറയുന്നേ...\"

\"താനാരാ,\"

പ്രിൻസിപ്പാലിന്റെ ആ ചോദ്യം കേട്ട്
മേരി പറയുന്നു 

\"എന്റെ ഡ്രൈവർ ആണ് സാർ...\"

\"ഇയ്യാളെന്തിനാ ഇവിടേക്ക്
കയറിയത്,\"

\"റിച്ചാർഡ്.....,
എന്താ സംഭവിച്ചത് \"

\"മാഡം.....,
മാഡം പറഞ്ഞതനുസരിച്ചു കാറിൽ മറന്നു വെച്ച ഫയലുമായി
ഞാൻ ഇങ്ങോട്ട് വരുമ്പോൾ ഈ കുട്ടി എന്നെ കണ്ട് അലറി വിളിക്കുകയായിരുന്നു.

പിന്നെ ഈ പിള്ളേരൊക്കെ കൂടി
എന്നെ കാര്യമെന്താണെന്ന്
അറിയാതെ തല്ലി.\"

കയ്യിലിരിക്കുന്ന ഫ്ലാസ്ക് കണ്ട് പ്രിൻസിപ്പൾ ചോദിക്കുന്നു

\"ഇതെന്താ,\"

\" ഇത് മാഡത്തിന്റെ വെള്ളമാ... \"

അദ്ദേഹം ഫ്ലാസ്ക് വാങ്ങി തുറന്നു നോക്കുന്നു. അടുത്ത ചോദ്യം ദിയ യോടായിരുന്നു 

\"താനെന്തിനാ നിലവിളിച്ചത്\"

\"അത് പെട്ടെന്ന്, ഇയ്യാള് അടുത്തേക്ക് വന്നപ്പോൾ എനിക്കങ്ങനെ
തോന്നി.... \"

\"കാര്യമറിയാതെ എല്ലാവരും കൂടി ഇയ്യാളെ തല്ലുകയും ചെയ്തു.\"

\"സോറി സാർ...\"

\"എന്നോടല്ല അയ്യാളോട് സോറി
പറയ്\"

അങ്ങനെ സ്റ്റുഡന്റസ് എല്ലാവരും റിച്ചുവിനോട് സോറി പറയുന്നു. 

\"ദിയയും റിച്ചുവിനോട് സോറി
പറയുന്നു. 

\"സോറി....\"

\"ഇനി എല്ലാവരും ക്ലാസ്സിലേക്ക് ചെല്ല് \"

മേരി റിച്ചുവിനോട് ചോദിക്കുന്നു

\"ഇയാൾക്ക് ഹോസ്പിറ്റലിലേക്ക് പോകണോ\"

\"വേണ്ട മാഡം... \"

\"എന്നാ പിന്നെ ഇയ്യാള് താഴേക്ക് പോയ്ക്കോ\"

\"ഓക്കെ മാഡം \"

റിച്ചു ഫയലും, ഫ്ലാസ്ക്കും മേരിയുടെ കയ്യിലേക്ക് കൊടുത്തതിന് ശേഷം താഴേക്ക് ഇറങ്ങി ചെല്ലുന്നു.

റിച്ചു പോകുന്നത് കണ്ട് ദിയക്ക് അവനോട് സങ്കടം തോന്നുന്നു. 


ബ്രേക്കിന്റെ സമയത്ത് ദിയ റിച്ചുവിനെ തിരഞ്ഞു പിടിച്ചു അവന്റെ  അടുത്തേക്ക് ചെല്ലുന്നു . 

                                        തുടരും.........