ദിയ വീണ്ടും റിച്ചുവിനോട് സോറി പറയുന്നു.

\"സോറി....,
പെട്ടെന്ന് ഇയ്യാളെ അവിടെ കണ്ടപ്പോൾ, എന്റെ മനസ്സിൽ അങ്ങനെ തോന്നി .....\"

\"കൊല്ലാൻ വരുവാണെന്ന് കരുതി അല്ലേ,
ഇഷ്ടമുള്ളത് കിട്ടിയില്ലെന്നു കരുതി അതിനെ നശിപ്പിക്കുന്ന സ്വഭാവം എനിക്കില്ല.

സമ്പത്തിനെ കുറവുള്ളു,
എന്റെ അച്ഛനും അമ്മയും നല്ലത് പറഞ്ഞു തന്നെയാ എന്നെ വളർത്തിരിക്കുന്നത്.

പിന്നെ ഒരു പെണ്ണിനോട് ഇഷ്ടം തോന്നുന്നതും, പിറകെ നടക്കുന്നതും ഈ ലോകത്തെ ആദ്യത്തെ സംഭവമൊന്നുമല്ല.

ഞാൻ തന്റെ പിറകെ നടന്നതും, പ്രൊപ്പോസ് ചെയ്തതുമായിട്ടുള്ള, കാര്യങ്ങളൊന്നും ദയവുചെയ്‌തു മാഡത്തിനോട് പറയരുത്.

ഒരുപാട് കഷ്ടപ്പെട്ടു കിട്ടിയ നല്ലൊരു ജോലിയാണ് അത് നശിപ്പിക്കരുത്
പ്ലീസ്........\"

റിച്ചുവിനോട് സംസാരിച്ചു കഴിഞ്ഞു ദിയ തിരികെ ക്ലാസ്സിലേക്ക് വരുന്നു.

\"നീ ഇത് എവിടെ
പോയിരിക്കുവായിരുന്നു \"

\"ഞാൻ അയ്യാളെ കണ്ട് സോറി പറയാനായി....\"

റിച്ചുവിന്റെ വാക്കുകൾ കേട്ട്
സങ്കടപ്പെട്ടിരിക്കുന്ന അവളെ കണ്ട് അഞ്ജുവും,  ഫർസാനയും
ചോദിക്കുന്നു.

\"അതാണോ നിനക്കൊരു മൂഡോഫ്...,
എന്താ..., 
എന്താ അവൻ പറഞ്ഞേ \"

ദിയ റിച്ചു പറഞ്ഞ കാര്യങ്ങൾ അവരോട് ഷെയർ ചെയ്യുന്നു.

\"ഞാൻ അന്നേ നിന്നോട് പറഞ്ഞതല്ലേ ഓൻ പാവമാണെന്ന് \"

\"പാവം.....,
അന്നും ഇവള് കാരണം നല്ല
തല്ല് കിട്ടി, ഇന്നും കിട്ടി \"

\"എന്തായാലും കഴിഞ്ഞത് കഴിഞ്ഞു,
ഇനി ഇതേ പറ്റി സംസാരം വേണ്ട.
കൂടുതൽ അടുത്താലേ.......,
വീണ്ടും ഓൻ നിന്റെ പിന്നാലെ വരാൻ തുടങ്ങും.\"

\"അത് ഫർസു പറഞ്ഞത് നേരാ....
നിന്റ ഭാഗത്ത് നിന്നും ഒരു തെറ്റുപറ്റി,
ആ തെറ്റിന് നീ സോറിയും പറഞ്ഞു,
പ്രശ്നവും കഴിഞ്ഞു.
ഓക്കേ.....\"

\"മം....\"

ജോലി കഴിഞ്ഞ് വന്ന റിച്ചു കോളേജിൽ നടന്ന കാര്യങ്ങൾ കൂട്ടുകാരോട് ഷെയർ ചെയ്യുന്നു.

\"നിനക്ക് അപ്പൊ തന്നെ ആ പിള്ളേരെ തിരിച്ചു തല്ലാൻ പാടില്ലായിരുന്നോ
റിച്ചു....\"

\"അതിന് എന്റെ രണ്ട് കയ്യിലും സാധനം ഇരിപ്പുണ്ടായിരുന്നില്ലേ, ഇല്ലെങ്കിൽ ഞാൻ കൊടുത്തേനെ...\"

\"അതങ്ങ് വലിച്ചെറിഞ്ഞിട്ട് രണ്ടെണ്ണം പൊട്ടിക്കണമായിരുന്നു.
പിള്ളേരെന്ന് തല്ലും വാങ്ങി വന്നിരിക്കുവാ അവൻ,
  ദേ...,  പഠിക്കുന്ന ടൈം പോലും നമ്മൾ ഒരുത്തനും വെറുതെ വിട്ടില്ലില്ല. അത് നീ മറന്നോ \"

\"ഓ...,
നീ ഒന്ന് അടങ്ങ് ശശി, നടക്കാനുള്ളത് നടന്നില്ലേ ഇനി നീ കിടന്നു പ്രെസംഗിച്ചിട്ട് എന്താ കാര്യം.\"

\"അളിയാ..,
നിന്റെ ജോലി എങ്ങനുണ്ട്,\"

\"നല്ല ജോലിയാടാ,
അവരെ അവിടെ കൊണ്ട്   ഇറക്കുക, തിരികെ കൊണ്ടുവരുക, ഇറക്കി കഴിഞ്ഞാൽ പിന്നെ ഫുൾ ഫ്രീ, പഠിക്കാനും ടൈം കിട്ടുന്നുണ്ട്.

അല്ല നീ യൊക്കെ പടിക്കുന്നുണ്ടോ \".

\"സത്യം പറയാലോ അളിയാ ....,
പഠിക്കാനായിട്ട് ബുക്കെടുത്താൽ അപ്പോൾ ഉറക്കം വരും.\"

\"അത് കോളേജിൽ പഠിക്കുന്ന ടൈമിലും  അങ്ങനെ തന്നെ ആയിരുന്നല്ലോ.
എടാ...,
മടിയൊക്കെ മാറ്റി വെച്ച് പഠിക്കാൻ നോക്ക്, ഇച്ചിരി പാടുള്ളു
പണിതന്നെയാ, 
പിന്നെ ഇച്ചിരി പാടുപെട്ടാലേ കാര്യങ്ങൾ നടക്കു.\"
 
ഇവർ സംസാരിച്ചു നിൽക്കുബോൾ അവിടേക്ക്  ആൻ വരുന്നു.

\"നാലും കൂടി എന്താ പരുപാടി.....\"

\"നീ എന്താ ഇവിടെ...\"

\"അപ്പന്റെ കൂടെ വന്നതാ, കുറച്ചു സാധനങ്ങൾ വാങ്ങാൻ.
പിന്നെ...,
ഈ വരുന്ന സൺ‌ഡേ ശരണ്യയുടെ മാര്യേജാണ്, ഗുരുവാർയൂർ വെച്ച് എന്നെ ക്ഷണിച്ചിരുന്നു. നിന്നോടൊക്കെ പറയാൻ പ്രതേകം പറഞ്ഞു ലേറ്ററും ഏൽപ്പിച്ചു. \"

\"ഏത് ശരണ്യയാടി....\"

\"ഇവന്റെ ലിവർ....\"
ശശിയെ നോക്കി ആൻ പറഞ്ഞു. 

\"ഇതാ ലെറ്റർ \"
ആൻ മൊബൈലിൽ എടുത്തു വെച്ച ലേറ്ററിന്റെ ഫോട്ടോ റിച്ചുവിന് കാണിച്ചു കൊടുക്കുന്നു.  റിച്ചു അത് വാങ്ങി വായിച്ചു നോക്കുന്നു. എന്നിട്ട് പൊട്ടി ചിരിക്കുന്നു.

റിച്ചു ചിരിക്കുന്നത് കണ്ട് മുന്ന ചോദിക്കുന്നു. 

\"നീ എന്തിനാടാ ചിരിക്കൂന്നേ......\"

ആ ലെറ്റർ റിച്ചു
ജോജോക്കും, മുന്നക്കും, ശശിക്കും കാണിച്ചു കൊടുക്കുന്നു.

അവരും അത് വായിച്ചു ചിരിക്കുന്നത് കണ്ട് ആൻ ആദ്ധംവിട്ട് നിൽക്കുന്നു.

\"എന്താടാ...,
എന്താ പ്രശ്നം...\"

\"അവൾ ഇവനെ (ശശി)  അന്ന് എന്ത് പറഞ്ഞാടാ  ജോജോ തേച്ചേ......\"

\"കല്യാണം കഴിയുമ്പോൾ,  അവളുടെ പേര് ശരണ്യ ശശിധരൻ എന്നാകുമെന്നും,  കേൾക്കുന്നർക്ക് അത് അച്ഛന്റെ പേരായിട്ട് തോന്നുമെന്ന്.\"


\"അന്ന്  ആ കാരണം പറഞ്ഞു തേച്ചവളാ 
ഇപ്പോൾ അവളെ കെട്ടാൻ പോകുന്നവന്റെ പേര് നോക്കിയേ..
ചന്ദ്രസേനൻ. 
ശരണ്യ ചന്ദ്രസേനൻ.......\"

\"കളിയാക്കണ്ട, 
അന്ന് അവൾ അങ്ങനെ ചെയ്തില്ലായിരുന്നെങ്കിൽ  കാണായിരുന്നു  തെണ്ടി തിരിഞ്ഞു നടക്കുന്ന ഇവനെ അവൾ കെട്ടേണ്ടി വന്നേനെ.

ഇപ്പോൾ അവളെ കേട്ടുന്നതേ ഗവണ്മെന്റ് സ്റ്റാഫാ. \"

\"നീ അങ്ങനെ അവനെ കളിയാക്കുകയൊന്നും വേണ്ട.....\"

\"വേണ്ടടാ റിച്ചു അല്ലേലും നമ്മളെയൊന്നും ആർക്കും വിലയില്ലല്ലോ. 

സാരമില്ല ഏത് പട്ടിക്കും ഒരു ദിവസമയുണ്ടല്ലോ, അന്ന് ഇതിനെല്ലാം മറുപടി കൊടുക്കാം.\"

\"എടാ ശശി.....,
ഞാൻ  aപറഞ്ഞത് നിനക്ക് ഫീൽ
ആയോ, ഞാൻ അങ്ങനെ ഉദ്ദേശിച്ചു പറഞ്ഞതല്ല \" 

\"വേണ്ട, ആൻ ഒന്നും പറയണ്ട.
എന്നാ പിന്നെ ഞാൻ പോട്ടെ
അളിയാ...., \"

\"ശേരിയടാ....\"

\"എടാ മുന്ന....,
ഞാൻ \"

\"വേണ്ട ആൻ ഒന്നും പറയണ്ട.... \"

\"ഞാൻ പോകുവാ,
നീ നിന്റെ അപ്പന്റെ കൂടെ വാ...\"

\"ഡാ.., റിച്ചു....\"

അങ്ങനെ അവർ മൂന്നുപേരും അവിടെന്ന് പോകുന്നു.

\"പൊട്ടി, വിശ്വസിച്ചു \"

അങ്ങനെ കുറച്ചു ദിവസങ്ങൾ കഴിഞ്ഞു പോകുന്നു......


\"അമ്മ.....
ഞാൻ ഇറങ്ങുവാ...\"

\"ഡാ...,
നീ ബുക്ക്സ് ഒക്കെ എടുത്തോ. \"

\"ആ എടുത്തു.
പഠിക്കാൻ പറ്റുമോയെന്ന് അറിയില്ല. പോകുന്ന വഴി അവർക്ക് എവിടെയെക്കെയോ കയറണമെന്ന് പറയുന്നുണ്ടായിരുന്നു. \"

\"ഇത്രയും യാത്ര ചെയ്യുന്നതല്ലേ നല്ല ക്ഷീണം കാണും. രാവിലെ ഡ്രൈവ് ഉണ്ടെങ്കിൽ രാത്രി  മൊബൈലിൽ നോക്കിയിരിക്കാതെ കിടന്നു ഉറങ്ങിയേക്കണം. \"

\"ശെരി അച്ഛാ.....\"

അപ്പോൾ അവിടേക്ക് ആൻ വരുന്നു.

\"നീ എങ്ങോട്ടാ,\"

\"ഞാൻ കോട്ടയത്തേക്ക്,\"

\"അപ്പോൾ നീ ശരണ്യയുടെ മാര്യേജിന് വരുന്നില്ലേ \"

\"ഏയ് ഞാനില്ല \"

\"നീ വരാമെന്ന് പറഞ്ഞതല്ലേ.... \"

\"ഞാൻ അറിഞ്ഞോ, ഇങ്ങനൊരു യാത്ര വരുമെന്ന്.
അല്ല,  നീ എങ്ങനെയാ പോകുന്നെ. \"

\"നിങ്ങളുടെ കൂടെ വരുമെന്നാ കരുതിയെ..,..,
നിങ്ങൾ വരുന്നില്ലെങ്കിൽ പിന്നെ, ഞാൻ എന്റെ ഫ്രൻഡിന്റെ കൂടെ
പൊട്ടിക്കോളാം \"

\"ശെരി.... \"

\"നിങ്ങൾ എന്നാ  മോനെ തിരിക്കുന്നത്.....\"

\"മറ്റന്നാൾ രാത്രിയോട് എന്തായാലും എത്തും,
ശെരി അമ്മ,
അച്ഛാ ഞാൻ ഇറങ്ങുവാ...\"

\"സൂക്ഷിച്ചു പോണേ മോനെ.., \"

മേരിയുടെ നാടായ കോട്ടയത്തേക്കുള്ള യാത്രയായിരുന്നു. റിച്ചു മേരിയുടെ വീട്ടിലേക്ക്   എത്തി അവരുടെ സാധങ്ങൾ കാറിലേക്ക് എടുത്തു വെയ്ക്കുന്നു.

\"റിച്ചു.... \"

\"മാഡം...\"

ഞാൻ ഇന്ന് ഫ്രണ്ടിൽ ഇരിക്കാം, ലോങ്ങ്‌ ഡ്രൈവ് അല്ലേ, തനിക് ബോർ അടിക്കില്ല....\"

\"ഓക്കേ മാഡം.....\"

അങ്ങനെ രാത്രിയോടെ അവർ അവിടേക്ക് എത്തി. അവിടെയെത്തി ഫ്രഷ് ആയതിനുശേഷം റിച്ചു വീട്ടിൽ വിളിച്ചു കാര്യം പറയുന്നു.


പിറ്റേദിവസം മേരി തന്റെ ഇടവകയിലേക്ക്  പോകുന്നു, റിച്ചുവും അവർക്കൊപ്പം അവിടെ കുർബ്ബാന  കൂടുന്നു. 

കുർബ്ബാന കഴിഞ്ഞു പുറത്തേക്ക് ഇറങ്ങിയ  റിച്ചു  ജോജോയോട് ഫോണിൽ സംസാരിച്ചു, നടന്നു,  നടന്നു സെമിതേരിയുടെ ഭാഗത്തേക്ക് പോകുന്നു.

അവിടെയെത്തിയ റിച്ചു പെട്ടെന്ന്  ദിയ നിൽക്കുന്നത് കാണുന്നത്.
അത് കണ്ട് റിച്ചു മനസ്സിൽ കരുതുന്നു. 

!ദിയ അല്ലേ അത്‌, 
ഇവളെന്നതാ ഇവിടെ...!

അവൻ ഫോൺ കട്ട്‌ ചെയ്ത് അവളുടെ അടുത്തേക്ക് ചെല്ലുന്നു.
അവളൊരു കല്ലറക്ക് മുൻപിൽ നിന്നു പ്രാത്ഥിക്കുകയായിരുന്നു. 

                                   തുടരും.....