അപ്പോഴാണ് കുറച്ചു നാൾ മുൻപ് ദിയയുടെ അമ്മച്ചി മരിച്ച കാര്യം റിച്ചുവിന് ഓർമ വരുന്നത്.

പ്രാത്ഥിച്ചതിനു ശേഷം  നിറഞ്ഞ തന്റെ കണ്ണുകൾ തുടച്ചു കൊണ്ട് തിരിഞ്ഞു നോക്കുന്ന ദിയ, എന്തോ ആലോചിച്ചു നിൽക്കുന്ന റിച്ചുവിനെ കാണുന്നു  .
അവൾ മനസ്സിൽ ചിന്തിക്കുന്നു. 

!ഇവനെന്താ ഇവിടെ....,
വീണ്ടും എന്റെ പിന്നാലെ കറക്കം തുടങ്ങിയോ!

റിച്ചു ദിയയോട് ഹായ് പറയുന്നു.

ഹായ്....
ഹായ്.....,
ഇയാളെന്താ ഇവിടെ...

\"തന്റെ മാംമിനെയും കൊണ്ട് വന്നതാ ,
ആള് അകത്തുണ്ട്. \"

\"മേഡത്തിന്റെ നാട് ഇവിടെയായോ, \"

അതേ, അവർ പറഞ്ഞിരുന്നില്ലേ \"

\"ഇല്ല \"

\"താൻ കരഞ്ഞുവല്ലേ, കണ്ണ് കലങ്ങിയിരിക്കുന്നു.\"

\"ഹേയ്.... \"

\"അമ്മച്ചിയെ അത്രക്ക്
ഇഷമായിരുന്നോ \".

\"ഏത് അമ്മച്ചിയെ,  ഇയാളെന്താ പറയുന്നത് എനിക്ക് മനസ്സലായില്ല \"

അല്ല താൻ ആ  കല്ലറക്ക്  മുന്നിൽ നിന്ന് താൻ പ്രാർഥിക്കുന്നതുകണ്ടു , അതാ ചോദിച്ചത്.\"


\"പിന്നെ....,
  നൂറ്റി രണ്ട് വയസ്സായ അമ്മച്ചി പോയതിന് എനിക്കെന്ത് സങ്കടമാ....,
അവര് സെഞ്ച്വറി ഒക്കെ അടിച്ചിട്ടാ പോയത്. 
അത് എന്റെ  ചേച്ചിടെ  കല്ലറയാ....\"

\"ചേച്ചിടെയോ ,
തനിക്  അതിന് ചേച്ചിയുണ്ടായിരുന്നോ, ഞാൻ കരുതി ഒറ്റ മോളാനാണെന്ന്.\"

\"അത് എന്റെ കുറ്റമല്ലല്ലോ \"

\"ചോദിക്കുന്നത് കൊണ്ട് ഒന്നും തോന്നരുത്. 
ചേച്ചി എങ്ങനെയാ മരിച്ചത്,
ആക്‌സിഡന്റ് ആയിരുന്നോ...\"

\"അല്ല....,
ചേച്ചി സൂയിസൈഡ് ചെയ്താ\"

\"സൂയിസൈഡോ ,
അല്ല എന്തിനാ...\"

ദിയ മിണ്ടാതെ  കൈ കെട്ടി
നിൽക്കുന്നു

\"അല്ല, പറയാൻ പറ്റാത്തതാണെങ്കിൽ വേണ്ട...., ഞാൻ ചോദിക്കാൻ പാടില്ലായിരുന്നു  \"

\"ഹേയ് .....,
അതിന്റ കരണമൊക്കെ ഈ നാട്ടുകാർക്ക് മൊത്തം അറിയാം. 

\"ചേച്ചിക്കൊരു അഫയർ ഉണ്ടായിരുന്നു.
ആളെ കല്യണം കഴിക്കാൻ പപ്പ സമ്മതിക്കാത്തത്  കൊണ്ട് സൂയിസൈഡ് ചെയ്തു.\"


ഇവർ സംസാരിച്ചു നിൽക്കുന്നിടത്തേക്ക്  രണ്ട് സ്ത്രീകൾ വരുന്നു. അവരെ കണ്ട് റിച്ചു അവിടെ നിന്നും പോകുന്നു. ദിയയെ കണ്ടതും അവർ ചോദിക്കുന്നു. 

മോളെ സുഖമാണോ,
ആ ആന്റി...
അമ്മയും വന്നിട്ടുണ്ടോ
ഉണ്ട്...,
ഇന്ന് ചേച്ചീടെ ഓർമ ദിവസമല്ലേ ,

ഓഹ്..,
എന്നാ പിന്നെ ഞങ്ങൾ പോട്ടെ
മോളെ.....

ശെരി ആന്റി....

ആ രണ്ട് സ്ത്രീകൾ പരസ്പരം സംസാരിച്ചുകൊണ്ട് പോകുന്നു. അവരുടെ സംസാരം റിച്ചു ശ്രദ്ധിക്കുന്നു.

പാവം, ആ പയ്യന്റെ ഒരു തലയിലെഴുത്തെ...., ആ കൊച്ചു ഏതായാലും നേരത്തെ അങ്ങ് പോയത് നന്നായി, അല്ലെങ്കിൽ ഈ ശപമൊക്ക ആ കുട്ടി അനുഭവിക്കേണ്ടിവന്നേനെ.


മോള് പോയിട്ടും അയ്യാൾക്ക് എന്തെങ്കിലും കുലുക്കമുണ്ടോ.
ആ ത്രേസ്സ്യടെ  ഇരുപത് സെന്റ് വസ്തുവല്ലേ ചുളുവിന്‌ തട്ടിയെടുത്തത്.

ഇനി ഈ കുഞ്ഞിന്റെ ഗതി എന്താവോ എന്തോ  കർത്താവിന് അറിയാം .

അവർ പറഞ്ഞതൊക്കെ കേട്ടതിനു ശേഷം വീണ്ടും റിച്ചു ദിയയുടെ പിറകെ ചെല്ലുന്നു.


ദിയ രൂബകൂട്ടിൽ മെഴുകുതിരി കത്തിച്ചു പ്രാർത്ഥിക്കുകയായിരുന്നു .

അവിടേക്ക് റിച്ചുവും വരുന്നു. അവൾ കണ്ണുകളടച്ചു പ്രാത്ഥിച്ചു നിൽക്കുകയായിരുന്നു.  റിച്ചു അവളെ തന്നെ നോക്കി നിന്നു. 

അവളുടെ കണ്ണുകൾ നിറഞൊരുകുന്നുണ്ടായിരുന്നു .
പ്രാത്ഥന കഴിഞ്ഞ് കണ്ണുകൾ തുറന്നു നോക്കുമ്പോൾ റിച്ചു അടുത്ത് നിൽക്കുന്നത് അവൾ കാണുന്നു.

\"ഇയ്യാള് ഇത് വരെ പോയില്ലേ\"

\"ഇല്ല..\"

\"എന്താ പെട്ടന്നൊരു ദൈവവിശ്വാസം... \"

\"കൊറേ നാളായില്ലേ പള്ളിലൊക്കെ പോയിട്ട്, അതുകൊണ്ട് ഒന്ന് വിശദമായി പ്രാധിക്കാമെന്നു കരുതി.\"

\"അത് ചുമ്മാ....
താൻ അവിടെ വെച്ച് പള്ളിയിലൊക്കെ വരാറുണ്ടായിരുന്നല്ലോ.\"


\"അത് തന്നെ കാണാൻ വേണ്ടിട്ടല്ലേ..., 
ഇപ്പോൾ അതുമില്ല.\"

\"മാഡം വന്നില്ലേ...,\"

\"അവർ ഇനിയും അരമണിക്കൂറിൽ കൂടുതലാകും വരാൻ .
താൻ പോകുവാണോ.\"

\"ഇല്ല,
കുറച്ചു നേരം ചേച്ചിയുടെ കല്ലറക്ക് അരികിൽ ഇരിക്കണം.
അവിടത്തെ തിരക്കൊന്നു കഴിയട്ടെ
വർഷത്തിൽ ഒരിക്കലല്ലേ വരുന്നത്. \"

ദിയ വീണ്ടും കല്ലറക്ക്  അരികിലേക്ക്  പോകുന്നു. റിച്ചും പിന്നാലെ അവൾക്കൊപ്പം ചെല്ലുന്നു.

\"നിങ്ങളെന്താ....,
ഇവിടുന്ന്  മാറി അവിടേക്ക് വന്നു താമസിക്കുന്നത്.\" 

 \" എനിക് മെഡിസിന് അവിടെ അഡ്മിഷൻ കിട്ടിയപ്പോൾ ഹോസ്റ്റലിൽ ആക്കണ്ടെന്ന് കരുതി എനിക്കൊപ്പം 
പപ്പയും,  മമ്മിയും 
അവിടേക്ക് വന്നു.\'

\"അതെന്താ, ആരേലും തന്നെ കൊത്തിക്കൊണ്ട് പോകുമെന്ന് പേടിചിട്ടാണോ.\"
(റിച്ചു  അത് തമാശയായിട്ടാണ് ചോദിച്ചത് .)

\"അതേ....\"

\"ങേ.... \"

\"അതേടോ, താൻ പറഞ്ഞത് പോലെ ആരെങ്കിലും എന്നെ കൊത്തികൊണ്ട് പോകുമെന്ന് പേടിച്ചു  തന്നെയാ അവരും കൂടെ വന്നു താമസിക്കുന്നെ.
അത് പപ്പയുടെ ഒരു ഫ്രണ്ടിന്റെ
വീടാണ്.  \"

ഒന്നും മിണ്ടാതെ അവർ കുറച്ചു ദൂരം കൂടി നടക്കുന്നു. 

\"ഞാനൊരു കാര്യം ചോദിച്ചാൽ താൻ സത്യം പറയോ\"

\"ആദ്യം ഇയ്യാള് ചോദിക്ക്.\"

\"അത് പറ്റില്ല, സത്യം പറയണം\"

\"മം...,
നോക്കാം.\"

\"തനിക് ഇത് വരെ ആരോടും
പ്രണയം തോന്നിയില്ല,\"

\"അറിഞ്ഞിട്ടെന്തിനാ....\"

\"അല്ല,
തന്നെപ്പോലൊരാളുടെ   പിറകെ എന്തായാലും ആൺ പിള്ളേര് വന്നുകാണും.

അവരോട്,  ആരോടും തിരിച്ചു പ്രണയം തോന്നാത്തതാണോ, അതോ അച്ഛനെ പേടിച്ചിട്ട് വേണ്ടെന്ന് വെച്ചതാണോ \"

\"എന്താ ഇയ്യാളുടെ ഉദ്ദേശം, \"

\"വെറുതെ ഒന്നറിയാം വേണ്ടി ചോദിച്ചതാ....\"

\"മം....,
രണ്ടും...\"

\"രണ്ടും.., 
എനിക്ക് ഇഷ്ടം തിരിച്ചു തോന്നതാവരുമുണ്ട്,  പപ്പയെ പേടിച്ചു വേണ്ടെന്ന് വെച്ചതുമുണ്ട്  .

താൻ എന്തായാലും ആദ്യത്തെ 
കാറ്റഗറിയാ...\"

\"അത് ഞാൻ ചോദിച്ചില്ലല്ലോ..\"

\"അല്ല, അടുത്ത ചോദ്യം അതാകുമല്ലോ, അതുകൊണ്ട് നേരത്തെ ഉത്തരം പറഞ്ഞെന്നെയുള്ളൂ.\"

മം...,
ഇയ്യാളുടെ പപ്പക്ക് നാട്ടിൽ നല്ല പേരാണല്ലോ,.

അല്ല നേരത്തെ രണ്ട് ആന്റിമാർ തന്റെടുത് വന്നു സംസാരിച്ചില്ലേ, അവരെന്തൊക്കെയോ, പറഞ്ഞുകൊണ്ട് 
പോകുന്നത് കേട്ടു.\"

\"മം....,
പപ്പയുടെ സ്വഭാവം അങ്ങനെയാ...
പപ്പ കാരണമാ ചേച്ചിയെപോലും ഞങ്ങൾക്ക് നഷ്ടമായത്. \"


\"അത് തന്റെ ചേച്ചിക്ക് ധൈര്യമില്ലാഞ്ഞിട്ടാണെന്നെ ഞാൻ പറയു .

തന്റെ പപ്പ സമ്മതിച്ചില്ലെങ്കിലെന്താ, നേരെ അവനെയും വിളിച്ചു രജിസ്റ്റർ ഓഫീസിൽ ചെന്ന് വിവാഹം രജിസ്റ്റർ ചെയ്യണമായിരുന്നു. എന്നിട്ട് ജീവിച്ചു കാണിച്ചു കൊടുക്കാമായിരുന്നു. 
അല്ലാതെ അച്ഛനെ പേടിച്ചു  സൂയിസൈഡ് ചെയ്തിരിക്കുന്നു.


കൊച്ചു പിള്ളേർ വരെ എന്ത് നയിസായിട്ടാണ്  കാര്യങ്ങൾ പ്ലാൻ ചെയ്യുന്നത്.  ഇത് വേറുതെ .....,
മരിച്ചപ്പോൾ എല്ലാം കഴിഞ്ഞല്ലോ.

അല്ലെങ്കിലും പ്രേമിക്കുമ്പോൾ    തന്റേടമുള്ളവന്മാരെ തന്നെ പ്രേമിക്കണം.

ഈ പറഞ്ഞവൻ സ്‌ട്രോങ് ആയി നിന്നിരുന്നെങ്കിൽ സുഖമായി ഇപ്പോഴും ജീവിക്കാമായിരുന്നില്ലേ . 

അല്ല തന്റെ ചേച്ചിയെ സ്നേഹിച്ചവൻ ഇപ്പോൾ എന്ത് ചെയ്യുന്നു.
വേറെ പെണ്ണും കെട്ടി സുഖിച്ചു ജീവിക്കുവായിരുക്കും.\"


\"പറഞ്ഞു കഴിഞ്ഞോ...\"

\"എന്താ ഞാൻ പറഞ്ഞത് സത്യമല്ലേ\"

\"മം,  സത്യമാ.....,
ഇപ്പോൾ ആള് നല്ല രീതിയിലാണ് ജീവിക്കുന്നത്. 

ഈ ലോകത്തിലെ ഒന്നിനെ കുറിച്ചും അറിയണ്ട, ആരെയും തൃപ്തിപ്പെടുത്തേണ്ട , സുഖമായി സന്തോഷമായി ഒരു പ്രാരാബ്ദവുമില്ലാതെ സ്വാതന്ത്രനായി ജീവിക്കുന്നുണ്ട്. \"

\" ഇപ്പോൾ ഏങ്ങനെയുണ്ട്
ഹാ.....,
കേട്ടിട്ട് തന്നെ കൊതിയാകുന്നു .\"

\"ആളെ പറഞ്ഞാൽ തനിക്കും
അറിയാൻ കഴിയും......
അന്ന് എനിക് വേണ്ടി  ഒരാളെ ഹോസ്പിറ്റലിൽ ആക്കാൻ അഞ്ചു തന്നോട് പറഞ്ഞത് ഓർക്കുന്നുണ്ടോ.\"

\"ആ,
ഒരു വട്ടനെ .... \"

\"ആ....
അതാണ് എന്റെ ചേച്ചി പ്രണയിച്ചിരുന്ന, ഇയ്യാള് പറഞ്ഞത് പോലെ ഇപ്പോൾ സുഖിച്ചു ജീവിക്കുന്ന ആള് .
പ്രവീൺ......,
    പ്രവീൺ ചന്ദ്രശേഗർ..

                             തുടരും......