\"അവനോ.....,\"

\"അതെ.....,
ഈ പള്ളിയുടെ വളവ് കഴിയുമ്പോൾ ഒരു വലിയ ടെസ്റ്റെയിൽ ഷോപ്പുണ്ട് ,
ഒരു അഞ്ച് വർഷം മുൻപ് അതിന്റെ പേര് MS ടെക്സ്റ്റൽസ്  എന്നായിരുന്നു. അതിന്റ ഓണർ ചന്ദ്രശേഖറിന്റെ ഒറ്റമകനായിരുന്ന പ്രവീൺ ചന്ദ്രശേഖർ

അവർക്ക് നാലോളം ടെക്സ്റ്റൽ ഷോപ്പുണ്ട്. അവരുടെ നാട്ടിലെ അറിയപ്പെടുന്ന ഒരു കോടിശ്വരൻ
കൂടിയായിരുന്നു അദ്ദേഹം. 

എന്റെ പപ്പാ ഒരു പരുക്കാനായിട്ടുള്ള ആളായിരുന്നു.
MBA ക്ക്‌ പഠിക്കുമ്പോഴാണ് എന്റെ ചേച്ചി മിയയും, പ്രവീണേട്ടനും തമ്മിൽ പ്രണയത്തിലാക്കുന്നത്.

ചേച്ചിക്ക്‌ പ്രവീണേട്ടനുമായിട്ടുള്ള പ്രണയം പപ്പയോട് പറയാൻ പേടിയായിരുന്നു. നമ്മുടെയും അവരുടെയും കാസ്റ്റ് വേറെ ആയിരുന്നല്ലോ. അതുകൊണ്ട് തന്നെ പപ്പ ഈ വിവാഹം നടത്തി തരില്ലെന്ന് ചേച്ചിക്ക് ഉറപ്പുണ്ടായിരുന്നു.

കോഴ്സ് കഴിഞ്ഞു ചേച്ചി ഒരു കമ്പനിയിൽ ജോയിങ് ചെയ്തു .
പെട്ടെന്ന് ഒരു ദിവസം  ചേച്ചിയോട് പോലും പറയാതെ ഞങ്ങളുടെ വീട്ടിലേക്ക്  പ്രവീണേട്ടൻ  വന്നു.

പപ്പയോട് ചേച്ചിയുമായിട്ടുള്ള ഇഷ്ടത്തെ കുറിച്ച് സംസാരിച്ചു. ചേച്ചീനെ കെട്ടിച്ചു തരുമോയ്യെന്ന് പാപ്പയോട് ചോദിച്ചു.

അത് കേട്ടിരുന്നു പപ്പ എങ്ങനെ പെരുമാറുമെന്ന്, ഓർത്ത് ഞങ്ങൾ പേടിച്ചിരിക്കുമ്പോഴാണ്,
പപ്പയുടെ ഭാഗത്തു നിന്നും ഞങ്ങൾ ഒരിക്കലും പ്രേതീക്ഷിക്കാതെയുള്ള മറുപടി വരുന്നത്  .

\"എനിക്ക് എന്റെ മോളുടെ സന്തോഷമാണ് വലുത്.  അതുകൊണ്ട് മോനൊരു കാര്യം ചെയ്യ്, നിന്റെ വീട്ടിൽ സംസാരിച്ച്  നിന്റെ മാതാപിതാക്കളെയും  കൂട്ടി ഇങ്ങോട്ടേക്കു വാ, ബാക്കി കാര്യങ്ങൾ അപ്പോൾ തീരുമാനിക്കാം.\"

പപ്പയുടെ ആ വാക്കുകൾ കേട്ട്, ഞങ്ങൾ ഞെട്ടിപ്പോയി, ഞങ്ങളുടെ പപ്പയാണോ ഇത് എന്ന് വരെ തോന്നിപ്പോയ നിമിഷമായിരുന്നു അത്. 

ചേട്ടന്റ വീട്ടുകാർക്ക്‌ എതിർപ്പൊന്നുമില്ലായിരുന്നു. അവർക്ക്‌ ചേട്ടന്റെ ഇഷ്ടമായിരുന്നു വലുത്.

പിന്നെ ഞങ്ങൾ രണ്ടു കുട്ടരുടെയും ബന്ധുക്കൾക്ക്‌ ചില എതിർപ്പുകൾ ഉണ്ടായിരുന്നെങ്കിലും, അതൊന്നും കാര്യമാക്കാതെ,    അവരുടെ രണ്ടു പേരുടെയും എൻഗേജ്മെന്റ് ഒരു പ്രശ്നങ്ങളുമില്ലാതെ നടന്നു.

പക്ഷേ....,
എൻഗേജ്മെന്റ് കഴിഞ്ഞ് രണ്ടു മാസം കഴിഞ്ഞപ്പോഴാണ്, അവരുടെ ജീവിതത്തിൽ പല പ്രശ്നങ്ങളും ഉണ്ടാകാൻ തുടങ്ങിയത്.

ബിസ്സിനെസ്സിൽ ഒരു ലോസ്സ് ഉണ്ടായി, പ്രവിണേട്ടന്റ അച്ചന്റെ ബിസിനസ്‌ ചീറ്റുകൊട്ടാരം പോലെ തകരാൻ തുടങ്ങി.

തലക്ക് മീതെ കടം വന്നു കൂടിയപ്പോൾ, ഉള്ളതൊക്കെ വിറ്റു പെറുക്കി  അങ്കിൾ കടങ്ങളൊക്കെ   ഒരു വിധം തീർത്തു.

സമൂഹത്തിൽ നല്ല നിലയിലും, വിലയിലും കഴിഞ്ഞിരുന്നവർ പെട്ടെന്ന് താഴേക്ക് വീണപ്പോൾ, അവർക്ക് ആ വീഴ്ച ഉൾകൊള്ളാൻ കഴിഞ്ഞിരുന്നില്ല.

ഒരു ദിവസം  വീട്ടിലേക്ക്  വന്ന ചേട്ടൻ കാണുന്നത് അച്ഛനും, അമ്മയും സൂയിസൈഡ് ചെയ്തു കിടക്കുന്നതാണ്.
അവരുടെ  രണ്ടുപേരുടെയും മരണത്തോടെ  ചേട്ടൻ വല്ലാതെ തളർന്നു പോയി.

ആ സമയത്ത് അവരുടെ ബന്തുക്കളിൽ ചിലരൊക്കെ പറഞ്ഞിരുന്നത്,  വന്ന് കേറാനിരുന്ന പെണ്ണിന്റെ ദോഷം കാരണമാണെന്ന്.  ആ സമയത്ത് എന്റെ ചേച്ചി മാത്രമായിരുന്നു ചേട്ടന്റെ ഏക ആശ്വാസം.

പിന്നെ.., പിന്നെ ചേട്ടൻ പതിയെ ചേച്ചിയെ അവോയ്ഡ് ചെയ്യാൻ തുടങ്ങി.

അത് കണ്ടപ്പോൾ ചേച്ചി കരുതിയത്, ചേട്ടനും അവരുടെ ബന്തുക്കൾ കരുതുന്നത് പോലെ ചേച്ചി കാരണമാണ് അവരുടെ കുടുംബത്തിൽ ഇങ്ങനെ സംഭവിച്ചതെന്ന് ചിന്തിച്ചു തുടങ്ങി എന്നാണ്. 

ആ സമയത്താണ് പപ്പ ചേച്ചിക്ക് വേറെ ചില പ്രൊപോസലുമായി വരുന്നത് .

\"പപ്പാ എന്താ പറയുന്നത്, എന്റെയും പ്രവീണിന്റേയും  എൻഗേജ്മെന്റ് കഴിഞ്ഞതല്ലേ.\"

\"എൻഗേജ്മെന്റ് അല്ലേ കഴിഞ്ഞുള്ളു. കല്യാണമൊന്നുമല്ലല്ലോ.അല്ലെങ്കിലും 
കാൽകാശിന് വിലയില്ലാത്ത ആ തെണ്ടിയെ കെട്ടേണ്ട ഗതികേടൊന്നും ഇനി നിനക്കില്ല.\"

\" അവന്റ സമ്പത്തു കണ്ടല്ല ഞാൻ അവനെ സ്നേഹിച്ചത്. \"

\"എന്നാൽ ഞാൻ നോക്കിയത്
അതാണ്. അത് ഉള്ളത് കൊണ്ട് തന്നെയാ, വേറെ ജാതി ആയിട്ടും നിനക്ക് അവനെ കെട്ടിച്ചു കൊടുക്കാമെന്നു കരുതിയത്. ഇനി അതിന്റ
ആവശ്യമില്ല. \"

അന്നേരമാണ് ഞങ്ങൾക്ക് മനസിലായത് പപ്പ   ഞങ്ങളെക്കാളൊക്കെ സ്നേഹിക്കുന്നത് പണത്തിനെയായിരുന്നു വെന്ന്.

ചേച്ചിക്ക് ചേട്ടനെ മറക്കാൻ കഴിയില്ലായിരുന്നു. അതേ ചൊല്ലി എന്നും പപ്പയും, അവളും തമ്മിൽ വഴക്കായിരുന്നു .

പപ്പ കാരണമാണ്  ചേട്ടൻ ചേച്ചിയെ അവോയ്ഡ് ചെയ്യുതിരുന്നതെന്ന് അപ്പോഴാണ് ചേച്ചിക്ക് മനസ്സിലായത് .

പപ്പയുടെ വഴിക്ക് വഴങ്ങി തന്റെ ജീവിതം ബലികൊടുക്കുന്നതിനേക്കാൾ നല്ലത് പപ്പയെ ധിക്കരിച്ചു ഒന്നിച്ചു ജീവിക്കുന്നതാണെന്ന്  അവർ തീരുമാനിച്ചു.

രണ്ടുപേർക്കും ജോലിയുള്ളത് കൊണ്ട് ജീവിക്കാൻ അവർക്ക് ആരോടും കൈനീട്ടേണ്ട ആവശ്യമില്ലായിരുന്നു.

ആ സമയത്ത് ചേട്ടനെ കൊല്ലുമെന്നൊരു  ഭീഷണി  പപ്പയുടെ ഭാഗത്തു നിന്നും ഉണ്ടായിരുന്നു.
ദേഷ്യത്തിന്റെ  പുറത്തു പറയുന്നതാണെന്ന് കരുതി ചേച്ചി അത് സീരിയസ് ആയിട്ടെടുത്തിരുന്നില്ല .

പക്ഷേ....,
പപ്പാ പറഞ്ഞത് പോലെ തന്നെ ചെയ്തു.  ഒരു ദിവസം ജോബിന് പോയിട്ട് വന്ന ചേട്ടന്റെ ബൈക്ക്  ആക്‌സിഡന്റ് ആയി.

ചേട്ടന്റെ നില അതീവ ഗുരുതരമായിരുന്നു. രക്ഷപെടാനുള്ള ചാൻസ് കുറവാണെന്നു തന്നെ ഡോക്ടർ പറഞ്ഞു.  ആകുട്ടത്തിൽ പപ്പയാണ് ഇതിന് പിന്നിലെന്നുകൂടി അറിഞ്ഞപ്പോൾ  തളർന്നു  പോയി  എന്റെ  ചേച്ചി  . 

പപ്പയുടെ വാശി ഒരിക്കലും ജയ്ക്കാൻ അനുവദിക്കാതെ  ചേച്ചി ഈ ലോകത്തോട്  തന്നെ വിട പറഞ്ഞു.

മരിക്കുന്നതിന് മുൻപ് അവൾ എഴുതി വെച്ചിരുന്ന ലേറ്ററിലെ  വരികൾ ഇങ്ങനെ ആയിരുന്നു.

: ഈ ജന്മം ഞാൻ അവനായി മാത്രമാണ് ജീവിക്കുന്നത്, അവനില്ലാതെയാകുന്ന ആ നിമിഷം എനിക്ക് ഓർക്കാൻ പോലും കഴിയുന്നില്ല.  അവൻ ഈ ലോകത്തോട് യാത്ര പറയുന്നതിന് മുൻപേ ഞാൻ പോകുവാ.....:

ചേച്ചി മരിച്ചപ്പോൾ പപ്പയുടെ കണ്ണിൽ നിന്നും ഒരു തുള്ളി കണ്ണുനീർ പോലും പൊടിയുന്നത് ഞാൻ കണ്ടില്ല.

ആ സംഭവത്തോടെ നാട്ടുകാർക്കിടയിൽ പപ്പയുടെ മതിപ്പൊക്കെ പോയി.
എനിക്ക് പപ്പയോട് ദേഷ്യവും, വെറുമായിരുന്നു.

പപ്പയുടെ വാശി ഇല്ലായിരുന്നെങ്കിൽ എന്റെ ചേച്ചി ഇപ്പോഴും......

ദിയയുടെ വാക്കുകൾ ഇടറുന്നുണ്ടായിരുന്നു. 

കുറച്ചു ദിവസങ്ങൾ കഴിഞ്ഞപ്പോൾ ചേട്ടന്റെ  ആരോഗ്യസ്ഥിതിയിൽ  മാറ്റം  വന്നു തുടങ്ങി.

ചേച്ചിയും മരണം കൂടി അറിഞ്ഞപ്പോൾ ചേട്ടൻ ആകെ തളർന്നു പോയി.  ഒരുപാട് ഇഷ്ടപ്പെട്ടിരുന്നവരെ എല്ലാം പെട്ടെന്ന് നഷ്ടമായില്ലേ ..........

  എനിക്ക് മെഡിസിന് അഡ്മിഷൻ കിട്ടിയപ്പോഴാണ് ഞങ്ങൾ അങ്ങോട്ടേക്ക്  പോന്നത്  .അതിനു ശേഷം ഞാൻ ചേട്ടനെ കാണുന്നത്  അന്ന് അവിടെ വെച്ചായിരുന്നു.
ആ അവസ്ഥയിൽ കണ്ടപ്പോൾ....
  സങ്കടം സഹിക്കാൻ കഴിഞ്ഞില്ല.
എല്ലാം എന്റെ പപ്പ കാരണമാ...........


  ദിയയുടെ കണ്ണുകൾ നിറഞ്ഞൊരുകുന്നുണ്ടായിരുന്നു.അത് കണ്ട് റിച്ചു ദിയയോട് പറയുന്നു.

\" കരയാതെടോ,
ഇനി ആരെങ്കിലും കണ്ടുകൊണ്ട് വന്നാൽ അതിനും എനിക്കിട്ട് കിട്ടും. \"

റിച്ചു പറഞ്ഞത് കേട്ട് ദിയ കണ്ണുകൾ തുടക്കുന്നു. 

\"  പഴയതൊക്കെ ഓർമിപ്പിച്ചു ഞാൻ തന്നെ കരയിപ്പിച്ചു അല്ലേ...\"

\"ഏയ്...,
ഇതൊന്നും അങ്ങനെ മറക്കാൻ കഴിയുന്ന കാര്യങ്ങളല്ലല്ലോ.
എത്ര മറക്കാൻ ശ്രമിച്ചാലും ഇങ്ങനെ ഓർമയിലോട്ട്
വന്നുകൊണ്ടേയിരിക്കും \"


\"തന്റെ മനസ്സിൽ ഇത്രയും സങ്കടം ഉണ്ടായിരുന്നുവെന്ന്  ഞാൻ അറിഞ്ഞിരുന്നില്ല..

ഞാൻ കരുതിയത് പണത്തിന്റെ അഹങ്കാരം മൂത്ത അഹങ്കാരി ആയിട്ടുള്ള പെണ്ണാണെന്നാണ് .

ഒരു കാര്യം കൂടി ചോദിച്ചോട്ടെ... \"

 \"എന്താ... \"        

\"തന്റെ പപ്പയെ പേടിച്ചിട്ടാണോ  താൻ എന്നെ ഒഴിവാക്കിയത് അതോ.…...
ശെരിക്കും  ശല്യം മായിട്ടാണോ.\"

\"ശെരിക്കും ശല്യമായിട്ടു തന്നെയാ,....
എന്തേ.....\"

                                      തുടരും......