കുറച്ചു ദിവസങ്ങൾക്ക് ശേഷം....

ദിയക്ക് ഒരു വിവാഹലോചന അവളുടെ പപ്പ കൊണ്ടുവരുന്നു. ആ പ്രൊപോസൽ ഇഷ്ടപ്പെടാത്ത ദിയ എന്ത് ചെയ്യണമെന്ന് അറിയാതെ വിഷമിച്ചിരിക്കുന്നു.

വിഷമിച്ചിരിക്കുന്ന ദിയയെ കണ്ട് അഞ്ജുവും, ഫർസാനയും കാര്യം തിരക്കുന്നു.

\"വന്നപ്പോൾ മുതൽ ഞങ്ങൾ ശ്രദ്ധിക്കുവാ, എന്താടി എന്താ നിനക്കൊരു വിഷമം പോലെ....\"

\"പപ്പ ഒരു പ്രൊപോസലുമായി വന്നിരിക്കുവാ,....\"

\"അതിന് കോഴ്സ് കംപ്ലീറ്റ്
ആയിട്ടില്ലല്ലോ. ആട്ടെ, എന്താ ജോലി
Kr ഹോസ്പിറ്റലിൽ സർജനാണെന്ന പറഞ്ഞേ..., എൻഗേജ്മെന്റ് നടത്തി വെക്കാമെന്നാ പറയുന്നേ. \"

\"ആഹാ, കൊള്ളാല്ലോ,
നല്ല പ്രൊപോസൽ ആണല്ലോ.  പിന്നെ , മാര്യേജ് പഠിത്തം കഴിഞ്ഞിട്ടല്ലേ കാണതുള്ളു. പിന്നെന്താടി പ്രശ്നം

\"എനിക്ക് അവനെ ഇഷ്ടപെട്ടില്ല
അത് തന്നെ പ്രശ്നം. രണ്ട് പ്രാവശ്യം കയ്യ്ക്കൂലി കേസിൽ പിടിച്ച വില്ലേജ് ഓഫീസറാണ് അവന്റ അപ്പൻ, മോൻ അതിലും മുറ്റിയതാണെന്നാണ്
കേട്ടത്. \"

\"അപ്പൊ പിന്നെ നിനക്ക് ഓനെ ഇഷ്ടമായില്ലെന്ന് പപ്പയോട് പറയ്\".

\"എനിക്ക് പേടിയാ....\"

\"പിന്നെന്താ ചെയ്യുക....\"
കുറച്ചു നേരം ആലോചിച്ചതിന് ശേഷം ഫർസാന പറയുന്നു.

\"ഒരു വഴിയുണ്ട്...\"

\"എന്ത് വഴി.....\"

\"പറയാം വാ...\"

ഫർസാന അവരെ രണ്ടു പേരെയും കൂട്ടി റിച്ചുവിന്റ അടുത്തേക്ക് ചെല്ലുന്നു. അവിടെ എത്തി കഴിഞ്ഞ് റിച്ചുവിനെ ചൂണ്ടി കാട്ടി പറയുന്നു.

\"അതാണ് ഞാൻ പറഞ്ഞ വഴി..\"

\'അതിനു അവനെന്തു ചെയ്യാനാ.\"

\"എടി....,
ഈ കാര്യം ഓനോട്‌ പറയാം. ഓൻ ഈ പ്രൊപോസൽ മുടക്കിത്തരും.\"

\"തരോ, ചോദിച്ചു നോക്കാം.\"

അവർ റിച്ചുവിന്റെ അടുത്തേക്ക് ചെല്ലുന്നു.

\"ഹായ്...\"

\"ഹായ്...\"

\"എന്താ മൂന്നുപേരും കൂടി..\"

\"എടൊ ഇവൾക്ക് ഒരു ഹെല്പ്
വേണം,\"

അല്ലെങ്കിലും അതിനൊക്കെയല്ലേ നിങ്ങൾ എന്നെ തിരക്കി വരത്തുള്ളു. എന്ത് ഹെൽപ്പാ അടി കിട്ടുന്ന
വല്ലതും ആണോ\"

\"ആ ചിലപ്പോൾ കിട്ടിയെന്ന് വരും.
ഇവൾക്ക് ഒരു പ്രൊപോസൽ
വന്നിട്ടുണ്ട്.\"

\"എപ്പോ.....\"

\"ഇന്നലെ....\"

\"എന്നിട്ട് ഇയ്യാള് സമ്മതിച്ചോ\"

\"ഇല്ല...\"

\'അത് നന്നായി.... \"

\"ഇവളുടെ സമ്മതമൊന്നും അവിടെ ആവശ്യമില്ല. ഇവളുടെ പപ്പക്ക്‌ ഇഷ്ടപ്പെട്ടു.
ഇയ്യാള് അതൊന്ന് മുടക്കി തരണം\"

\"പപ്പക്ക് ഇഷ്ടപെട്ടെങ്കിൽ പപ്പേടെ കെട്ടാൻ പറയണം\"

\"അതൊന്നും നടക്കുന്ന കാര്യമല്ല. ഇയ്യാളെ കൊണ്ട് പറ്റുമോ\"

\"പറ്റുമോന്നോ,
എത്രയെണ്ണം ഞാൻ മുടക്കുയിരുന്നു.\"

\"അതേന്താ, ഇയ്യാൾക്ക്
ഇതായിരുന്നോ പണി \"

\"അതൊന്നും നിങ്ങളറിയണ്ട,
ഇതു ഞാൻ മുടക്കിത്തന്നിരിക്കും. ഇതിപ്പോൾ എന്റെ കൂടി ആവശ്യമായിപ്പോയില്ലേ...\"

\"എന്താന്ന്.....\"

\"അല്ല ആളുടെ ഡീറ്റെയിൽസ് സെന്റ് ചെയ്തേക്കാൻ പറയുവായിരുന്നു\"

\"മം....\"

\"നീ പേടിക്കേണ്ട ഇനി, ഓൻ നോക്കിക്കോളും.\"

അന്നേദിവസം രാത്രി റിച്ചു കാര്യങ്ങൾ ഫ്രണ്ട്സുമായി ഡിസ്‌കസ് ചെയ്യുന്നു.

\"നീ ഇത് എന്താ പറയുന്നേ,
ആനിന്റെ ആലോചന മുടക്കുന്നത് പോലെ നിസ്സാരമായി മുടക്കാൻ പറ്റുന്ന കാര്യമല്ല ഇത്,

നല്ല വമ്പൻ ടീമുകളാ...
പണിപാളിയാ നല്ല ഇടിയും കിട്ടും,  നാട് മൊത്തവും നാറുകയും ചെയ്യും.\"

\" ഞാൻ  എന്റെ ഇനി അവളോട് എന്ത് പറയുമെടാ....\"

\"നോക്കി, നടക്കില്ലെന്നു പറയ്...,
അല്ലാതെ ഒരു വഴിയുമില്ല \"

റിച്ചു നിരാശപ്പെടുന്നു.
പിറ്റേദിവസം ആത്മവിശ്വാസത്തോടെ ദിയയും ഫ്രൻസും റിച്ചുവിനെ വന്നു കാണുന്നു.

\"എന്തായി കാര്യം നടക്കോ, \"

\"ഇല്ല..\"

\"ഇല്ലേ...,\"

\"എല്ലാം ഓക്കെ ആക്കി താരമെന്നല്ലേ ഇയ്യാളല്ലേ ഇന്നലെ പറഞ്ഞത്.\"

\"അതൊക്കെ നേരാ,
പക്ഷേ...,
എടൊ, ഞങ്ങളൊക്ക ചെറിയ ടീമ്സ്നെ
കയ്കാര്യം ചെയ്തിട്ടുള്ളു.
അവരോടാകുമ്പോൾ പെണ്ണിനെ കുറിച്ച് എന്തെങ്കിലും പറഞ്ഞാൽ അവർ അത് വിശ്വസിക്കും.

ഇത് പോലുള്ള വമ്പൻ ടീംസ് നമ്മൾ പറയുന്നതൊന്ന് കേൾക്കാൻ പോലും നിൽക്കില്ല. പറ്റുമെങ്കിൽ ഞാൻ ചെയ്തു തരുമായിരുന്നല്ലോ.\"

\"സാരമില്ല....,
എനിക് മനസിലാകും.\"

\"തനിക് പപ്പയോട് പറഞ്ഞു കൂടെ\"

\"ഇവൾക്ക് പറയാനുള്ളതൊക്കെ ഉള്ളിൽ വെച്ചുകൊണ്ട് നടക്കും,  അതൊന്നും പുറത്തേക്ക് ഇറക്കില്ല.\"

\"എനിക് അതിനുള്ള ധൈര്യമില്ല.\"

\"അതാണോ, പ്രശ്നം, അതിന് പരിഹാരം ഉണ്ടാക്കാം.  അതിനുള്ള മരുന്ന് എന്റെലുണ്ട് ,
വെയിറ്റ്...\"

റിച്ചു കാറിൽ ചെന്ന് ഒരു ബോട്ടിലിലെ വെള്ളം എടുത്തു കൊണ്ട് വരുന്നു. അത് ദിയക്ക് നേരെ നീട്ടുന്നു.

\"ഇതാ ഇത് കുടിച്ചാൽ മതി നല്ല
ധൈര്യം കിട്ടും,\"

\" ഇതാണോ, ഇതിന്റ പല ബ്രാണ്ടും എന്റെ വീട്ടിലുണ്ട്.\"

\"എടൊ, ഇത് താൻ ഉദ്ദേശിക്കുന്നത് പോലെ മദ്യമല്ല. ഇതൊരു അത്ഭുത വെള്ളമാ...,\"

\"അത്ഭുതവെള്ളമോ, അതെന്തു
വെള്ളം, ചുമ്മ ഉടായിപ്പുമായി ഇറങ്ങിരിക്കുവാ .\"

\"ഉഡായിപ്പൊന്നുമല്ല,
ഇത് ഞാൻ ഒരു തീർത്ഥാടനതിനു പോയപ്പോൾ കൊണ്ടുവന്നതാ..., താനൊന്ന് ട്രൈ ചെയ്തിട്ട്  റിസൾട്ട്‌
പറയ്.... \"

ദിയ മനസ്സില്ല മനസ്സോടെ അത് വാങ്ങുന്നു.

\"നീ ഈ അന്ധവിശ്വാസത്തിൽ
വീഴരുത് ദിയ, അതേ എനിക്ക് പറയാനുള്ളു.\"

\"ദേ, ഞങ്ങളുടെ വിശ്വാസത്തിൽ തൊട്ട് കളിക്കരുത്. ട്രൈ ചെയ്ത് നോക്കാൻ പറഞ്ഞല്ലോ. ഇയ്യാള് ആദ്യം വർക്ഔട്ട് ആകൂമോയെന്ന് നോക്ക്.\"

\"എന്നാപിന്നെ ഒന്ന് ട്രൈ
ചെയ്തു നോക്കാം \"

ദിയ ആ വെള്ളവുമായി പോകുന്നു.
അന്നേ ദിവസം രാത്രി ദിയ റിച്ചുവിനെ വിളിക്കുന്നു.

\"എടൊ, കുഴപ്പമൊന്നും
ഉണ്ടാവില്ലല്ലോ അല്ലേ,\"

\"ഇല്ല,  .
താൻ പപ്പയോട് പോയി സംസാരിക്ക്. \"

ദിയ റിച്ചു പറഞ്ഞത് പോലെ ചെയ്യുന്നു.
റിച്ചുവിന്റെ ഫോൺ കട്ട്‌ ചെയ്യാതെ തന്നെ ദിയ പപ്പയുടെ അടുത്തേക്ക് ചെല്ലുന്നു.

\"പപ്പാ...,
എനിക്ക് ഒരു കാര്യം പറയാനുണ്ട്\"

\"മം..,
എന്താ, മോളെ...\"

\"എനിക്ക്  പപ്പ കൊണ്ടുവന്ന ഈ പ്രൊപോസലിനോട് താല്പര്യമില്ല.\"

\"അതെന്താ...,\"

\"എനിക് അയ്യാളുടെ കാർക്ടർ ഇഷ്ടായില്ല.\"

\"അതിന് നീ അവനെ പരിചയപ്പെട്ടിട്ടില്ലല്ലോ,
പിന്നെങ്ങനെയാ\'

\"ഞാൻ അന്വേഷിച്ചപ്പോൾ ആൾക്ക്  ബാഡ് ഇമേജാണെന്നാണ് അറിയാൻ
കഴിഞ്ഞത്.\"

\"ആളുകൾ അങ്ങനെ പലതും പറയും അസൂയക്കാര്, അതൊന്നും മോള് ശ്രദ്ധിക്കേണ്ട...

കോടികളുടെ അസ്തിയാ....
അതുകൊണ്ട് ഞാൻ അതങ്ങ് ഉറപ്പിക്കാൻ തീരുമാനിച്ചു.\"

\"എടൊ, പറയ്...
അത് പപ്പ മാത്രം തീരുമാനിച്ചാൽ പോരല്ലോ, എന്ന് ചോദിക്ക്.\"

പപ്പ പറഞ്ഞത് കേട്ട് ഒന്നും മിണ്ടാതെ ദിയ റൂമിലേക്ക് വരുന്നു.

\"താൻ എന്തു പണിയാ കാണിച്ചേ \"

\"എനിക് പേടിയാടോ ..\"

\"തന്റെ ഉള്ളിലുള്ളത് പറഞ്ഞില്ലെങ്കിൽ തന്റെ ജീവിതമാണ് തുലയുന്നത്.

സ്വന്തം ജീവിതം ഇങ്ങനെ ഇഷ്ടമില്ലാതെ ജീവിക്കുന്നതിനേക്കാൾ നല്ലത്, ചാകുന്നതാ.....,

ദേ...,
ഇപ്പോൾ താൻ ഉള്ളിലുള്ളത് പറയാൻ തയ്യാറായാൽ ചിലപ്പോൾ പലമാറ്റങ്ങൾക്കും കാരണമാകാം. പോയി പറയ്.

എടൊ തന്റെ ചേച്ചി കാണിച്ച ധൈര്യതിന്റെ പകുതിയെങ്കിലും കാണിക്കാൻ നോക്ക്.
പ്ലീസ്....\"

കുറച്ചു നേരം റിച്ചു പറഞ്ഞതൊക്കെ ദിയ മനസ്സിൽ ചിന്തിക്കുന്നു. അത് കഴിഞ്ഞ് റിച്ചു കൊടുത്ത കുപ്പിയിലെ വെള്ളം അത്രയും കുടിക്കുന്നു.

ഒന്ന് ശ്വാസം എടുത്തതിന് ശേഷം വീണ്ടും റൂമിൽ നിന്നും പുറത്തേക്ക് വന്ന് പപ്പയോട് അവൾ സംസാരിക്കുന്നു.

\"പപ്പാ....,
ഇത് എന്റെ ജീവിതമാണ് അതിൽ
എന്റെ ഇഷ്ടം കൂടി നോക്കേണ്ടതുണ്ട്.
അയ്യാളൊടോപ്പം ജീവിക്കാൻ പോകുന്നത് ഞാനാ.

ജോലിയോട് ആത്മാർത്ഥ ഇല്ലാതെ പണത്തിനു വേണ്ടി  എന്തും ചെയ്യുന്ന പപ്പയെ പോലെയുള്ള ഒരാളെ
എനിക് വേണ്ട \"

\"ദിയ.....\"

മമ്മി ഒന്ന് ചുമ്മാതിരുന്നേ
എനിക് കൂടി ഇഷ്ടപ്പെടുന്ന ആളെയെ, ഞാൻ വിവാഹം ചെയ്യൂ.

അതും കോഴ്സ് കംപ്ലീറ്റ് ചെയ്ത് കഴിഞ്ഞ് ഒരു ജോലി കിട്ടിയതിന് ശേഷം മാത്രം. \"

\"തർക്കുത്തരം പറയുന്നോ, കൊന്നുകളയും ഞാൻ....\"

\"കൊന്നോ , ഇതിലും ഭേദം അതാ,
അല്ലെങ്കിൽ ഇയ്യാളെ കെട്ടേണ്ട ഗതി ഉണ്ടായാൽ ഞാനും അത് തന്നെ
ചെയ്യും.  ചേച്ചിപ്പോയത് പോലെ ഇവിടുന്ന് ഞാനും രക്ഷപെടും \"

\"മോളെ.....\"

\"എന്തിനാ മമ്മി ഇങ്ങനെ ജീവിക്കുന്നത് അതിനേക്കാൾ നല്ലത് അത്
തന്നെയാ....\"

ദിയ പറഞ്ഞത് കേട്ടു ദിയയുടെ പപ്പ ഒന്നും പറയാൻ കഴിയാതെ ആലോചിച്ചു നിൽക്കുന്നു.

                                      തുടരും......