രണ്ടു വർഷം മുൻപ്പാണ് ജയ്മോൻ മാളു എന്നാ മാളവികയെ പരിചയപെടുന്നത്.. ഒരു തമാശയ്ക്ക് തുടങ്ങിയ ബന്ധം അവൾ ബുദ്ധിപൂർവം കെട്ടി ഉറപ്പിച്ചു.... അവന്റെ ഓർമ്മകളിൽ ആ  വൃത്തികെട്ട ദിവസം തെളിഞ്ഞ് വന്നു..

ജയ്മോൻ നാട്ടിൽ അറിയപ്പെടുന്ന ഒരു കുടുംബത്തിലാണ്  ജനിച്ചത്..
അപ്പനും അമ്മച്ചിയും ഒരു സഹോദരിയുമാണ് ജയ്മോന് ഉള്ളത്..

സഹോദരിയുടെ വിവാഹ ശേഷം ജയ്മോൻ ശരിക്കും വീട്ടിൽ ഒറ്റപ്പെട്ടു എന്ന് തന്നെ പറയാം.. സഹോദരിയും അവനും കൂട്ടുകാരെ പോലെയായിരുന്നു..

ജയ്മോന് കൺസ്ട്രക്ഷൻ വർക്കാണ്... ആ നാട്ടിൽ ജയ്‌മോന് ഒരുപാട് വർക്ക്‌ കിട്ടുന്നുണ്ട്.. ഒരുപാട് പണിക്കാർ അവന്റെ കീഴിൽ ജോലി ചെയ്യുന്നുണ്ട്...

അങ്ങനെ എല്ലാം നല്ല രീതിയിൽ പോകുന്ന സമയം.

രാവിലെ സൈറ്റിൽ പോയി ഒന്ന് തല കാണിച്ചിട്ട് ആശാൻ വീട്ടിലേയ്ക്ക് പോരും അതാണ് പതിവ്..പിന്നെ വൈകിട്ട് വരെ ഫോണിൽ കുത്തി കൊണ്ടിരിക്കും.. ജയ്മോന്റെ അപ്പനും അമ്മയും പ്രായം ചെന്നവരാണ്...

അന്നും അങ്ങനെ ചെയ്തിട്ട് പുള്ളി വീട്ടിലേയ്ക്ക് പോന്നു..
തന്റെ റൂമിൽ വന്ന് പാന്റ് മാറ്റി ഒരു മുണ്ട് എടുത്ത് ഉടുത്ത് കട്ടിലിലെയ്ക്ക് ചാഞ്ഞു.. കുറെ നേരം പൊക്കത്ത് കറങ്ങുന്ന ഫാനിനെ നോക്കി കിടന്നു..

ഉറക്കം അവനെ കീഴടക്കി...കണ്ണുകൾ അടഞ്ഞു പോവുന്ന പോക്കിൽ ഫോണിന്റെ ശബ്ദം കേട്ട് അവനൊന്ന് ഞെട്ടി..

\"കോപ്പ് എന്ത് സൗണ്ടാ ഈ പണ്ടാരത്തിന്..\"

സൈറ്റിൽ നിന്നും ഒരു പണിക്കാരൻ വിളിച്ചതാണ്.. അതിന് മറുപടി നൽകി വീണ്ടും കിടന്നു. എന്നാൽ പിന്നെ ഉറക്കം വന്നില്ല..
ഫോൺ കയ്യിലെടുത്തു ആദ്യം വാട്സ്ആപ്പ് ഓപ്പൺ ചെയ്തു അതിൽ ആരുമില്ല എല്ലാവരും ഓഫ്‌ ലൈനിൽ.. പിന്നെ ഫേസ്ബുക്ക് ഓപ്പൺ ചെയ്തു.

സ്ക്രോൾ ചെയ്തു ഓരോന്നും നോക്കുന്നതിന്റെ ഇടയിൽ ഒരു മുഖം അവനെ ആകർഷിച്ചു. ആ ഫോട്ടോയുടെ ഉടമയുടെ പ്രൊഫൈലിൽ കയറി നോക്കി..

മാളവിക മനോഹർ.. മാരീഡ് എന്ന് കണ്ടപ്പോൾ ഒരു ചെറിയ ദുഃഖം തോന്നി..

ആഡ് ഫ്രണ്ട് ബട്ടനിൽ ഞെക്കി.. ഉടൻ അത് അക്‌സെപ്റ്റ് ചെയ്തിരിക്കുന്നു..

ഉടൻ മെസ്സേജും ഇൻബോക്സിൽ വന്നു..
അവന് സന്തോഷം കൊണ്ട് തുള്ളി ചാടാൻ തോന്നി..

ഉടൻ തിരിച്ച് ഒരു ഹായ് കൊടുത്തു. അതിലും വേഗത്തിൽ അവിടെന്ന് റിപ്ലൈ വന്നപ്പോൾ ജയ്മോൻ സന്തോഷിച്ചു..

അവിടെന്ന് അങ്ങോട്ട് ചാറ്റിങ് തുടങ്ങി..

ഉച്ചയ്ക്ക് കഴിയ്ക്കാൻ വിളിച്ചിട്ടും ജയ്മോന് പോവാൻ തോന്നിയില്ല..

ആ പരിചയപ്പെടൽ ദിവസങ്ങളിൽ നിന്നും മാസങ്ങളായി നാലു മാസം കൊണ്ട് അവരിൽ ഒരു രഹസ്യവുമില്ലാതായി..

മാളുവിന്റെ ഭർത്താവ് മനോഹർ തികഞ്ഞ മദ്യപാനിയായിരുന്നു.. ചെറിയ തെറ്റിന് പോലും മാളുവിനെ തല്ലി ചതയ്ക്കുമായിരുന്നു.. അവൾടെ അച്ഛൻ അവളുടെ ചെറുപ്പത്തിൽ തന്നെ അമ്മയെ ഉപേക്ഷിച്ചു പോയി.. അമ്മ അധികം വൈകാതെ തന്നെ വേറൊരു വിവാഹവും കഴിച്ചു.. അയാൾക്ക് ഒരു മകനും മകളും ഉണ്ടായിരുന്നു..

മാളു ആ വീട്ടിൽ അധികപറ്റവാൻ അധികം സമയം വേണ്ടി വന്നില്ല.. അവൾ ആ വീട്ടിൽ നിന്നും ഓടി രക്ഷപെടാൻ ആഗ്രഹിച്ചു...

അവൾ പത്താം ക്ലാസ്സ്‌ കഴിഞ്ഞപ്പോൾ.. അവളുടെ പ്രിയപ്പെട്ട  അഞ്ജലി ടീച്ചർ അവളെ ഒരു കോൺവെന്റിൽ ആക്കി..അത് അവളുടെ വീട്ടുകാർക്ക് സന്തോഷമാണ്... അവളെന്ന ഭാരത്തെ ഒഴുവാക്കിയ സന്തോഷം..

അവിടെന്ന് അവൾ തന്റെ ജീവിതം തുടങ്ങി.. തോറ്റു കൊടുക്കാതിരിക്കാൻ അവൾ പൊരുതി..
എന്നാൽ വിധി വീണ്ടും അവളെ മനോഹറിന്റെ രൂപത്തിൽ പരീക്ഷിച്ചു..

കരയാൻ കൂടി മറന്ന ദിനങ്ങൾ.. മനോഹറിന്റെ ഓരോ അടിയും അവൾ ഒരു എതിർപ്പും കൂടാതെ  കൊണ്ടു നിന്നു..സ്നേഹത്തിന്റെ ഒരു കണിക പോലും അവളോട് അവൻ കാണിച്ചില്ല..

രാത്രി  അവളെ വേദനിപ്പിച്ച് മാത്രം അയാൾ ലൈംഗിക സുഖം കണ്ടെത്തി... ഒരിക്കലും അയാൾക്ക് ഒരു അച്ഛനാവാൻ ആഗ്രഹമില്ലായിരുന്നു..

മാളുവിന്റെ ജീവിത കഥ മാളു ജയ്മോനോട്‌ പറയുമ്പോൾ. അവളുടെ വേദന അവനെ 
ആഴത്തിൽ സ്പർശിച്ചു.. അവളോട് അവന് സഹതാപത്തെക്കാൾ സ്നേഹവും വത്സല്യവും തോന്നി..

ദിവസങ്ങൾ അങ്ങനെ കൊഴിഞ്ഞു പൊയികൊണ്ടിരുന്നു..

ഒരു രാത്രി അവനെ തേടി മാളുവിന്റെ കാൾ വന്നു.. അവൾ അവളുടെ ഭർത്താവിന്റെ തലയിൽ ഫ്ലവർ വേയ്‌സ് എടുത്തടിച്ചുവെന്നും.. അയാളിപ്പോ ഹോസ്പിറ്റലിൽ ആണ്..അവളെ രക്ഷിച്ച് വീട്ടിലേയ്ക്ക് കൊണ്ട് പോകാനും പറഞ്ഞു..

അവന് ഒന്നും ആലോചിക്കാൻ ഉണ്ടായിരുന്നില്ല. രാത്രി അവളുടെ വീട്ടിലേയ്ക്ക് പോവുന്ന ജയ്മോന്റെ മനസ്സിൽ ഒന്നു മാത്രം മാളുവിനെ രക്ഷിക്കണം.. അവളെ അയാളിൽ നിന്നും വിവാഹ ബന്ധം വേർപെടുത്തി എത്രയും പെട്ടന്ന് അവളെ സ്വന്തമാകണം..

പാവം പയ്യൻ പൊത്തിൽ ഇരുന്ന രാജവെമ്പാലയെ എടുത്ത് ഉമ്മിക്കാൻ പോവുന്നതെന്ന് അറിഞ്ഞില്ല..


                 തുടരും.....