\"അതെടി.....,
ഇനി എന്തു ചെയ്യും\"

\"അയ്യോടാ, ഇള്ളാ കുഞ്ഞല്ലേ,
എന്ത് ചെയ്യണമെന്ന്
അവൾക്കറിയില്ല പോലും....\"


\"എടി ദിയ......
അപ്പൊ......,
നിനക്ക് നിന്റെ പപ്പയെ  പേടിയില്ലേ..,
നിന്റെ പപ്പയെ കുറിച്ച് നീ പറഞ്ഞ അറിവേ ഞങ്ങൾക്കുള്ളു, അതുകൊണ്ട് ചോദിക്കുവാ, ഈ ബന്ധതിന് നിന്റെ പപ്പ
സമ്മതിക്കോ.\"

അഞ്ജുവിന്റെ  വാക്കുകൾ കേട്ട്  ദിയയുടെ മുഖം വാടുന്നു.

\"അത്..... \"

അവളുടെ മനസ്സിലേക്ക് പഴയ കാര്യങ്ങളൊക്കെ  ഓർമ്മ വരുന്നു.

പ്രവീൺ കല്യാണമാലോചിച്ചു വീട്ടിൽ വന്നതും, അവരുടെ എൻഗേജ്മെന്റും , അതിനു ശേഷം മുണ്ടായ സംഭവങ്ങളും. ചേച്ചിയെ വെള്ളപുതപ്പിച്ചു കിടത്തിയിരിക്കുന്നതുമൊക്കെ അവളുടെ ഓർമയിലൂടെ
മിന്നിമായുന്നു.

\"ദിയ....,
നീ എന്താ ആലോചിക്കുന്നേ....\"

ഫർസാന തട്ടി വിളിക്കുമ്പോൾ അവൾ ആ ചിന്തയിൽ നിന്നും ഞെട്ടി ഉണരുന്നു. 

\"ഹേയ്....,
ഒന്നുമില്ല.... \"

ദിയ അവരുടെ അടുത്ത്  നിന്നും പോകുന്നു. 

\"അവൾക്കെന്ത് പറ്റി.... \"

\"ദിയ.... \"

അവർ രണ്ടുപേരും അവളുടെ പിന്നാലെ പോകുന്നു. 

\"പപ്പ സമ്മതിക്കില്ല.
അവനെ പപ്പ കൊല്ലും.
എനിക്ക് അവനോട് തോന്നിയ ആ ഇഷ്ടം അങ്ങ് മാറ്റിയേക്കാം.
ഞാൻ പറഞ്ഞതൊക്കെ നിങ്ങളും മറന്നേക്ക്.\"

\"നീ എന്തിനാ, അവളോട് പപ്പയുടെ കാര്യം പറഞ്ഞത്.  എത്ര ഹാപ്പി ആയിരുന്നു ഇപ്പോൾ നോക്ക്.\"

\"എടി...,
ഞാൻ ചോദിച്ചത്.....\"

\"മതി...,
ഇനി മിൻടരുത് നീ ....\"

!അതിന് ഞാൻ എന്ത് ചെയ്‌തു !


അന്നേ ദിവസം രാത്രി കൂട്ടുകാർക്കൊപ്പം സംസാരിച്ചു നിൽക്കുവായിരുന്ന
റിച്ചുവിന്റെ ഫോണിലേക്ക് അവന്റെ അമ്മ വിളിക്കുന്നു.

\"അമ്മയാണല്ലോ, 
ഹലോ.....
എന്താ, അമ്മാ..\"

അമ്മ പറഞ്ഞത് കേട്ട് അവൻ ഞെട്ടി നിൽക്കുന്നു. അത് കണ്ട് അവന്റ കൂട്ടുകാർ കാര്യം എന്താണെന്ന് തിരക്കുന്നു. 

\"എപ്പോൾ...., 
  ഏത് ഹോസ്പിറ്റലിലാ, ഞാൻ
ദേ എത്തി. \"

\"എന്താടാ...,
എന്താ പ്രശ്നം \"

\"എടാ, ആനിന്റെ അപ്പൻ ഹോസ്പിറ്റലിലാണെന്ന്. \"

\"അങ്ങേർക്ക് എന്ത് പറ്റി ...\"

\"അറിയില്ല
നിങ്ങൾ വാ...\"

അവർ നാലുപേരും കൂടി ഹോസ്പിറ്റലിലേക്ക് വരുന്നു.അവിടെ icu മുന്നിൽ റിച്ചുവിന്റെ അമ്മയും, അച്ഛനും നിൽപ്പുണ്ടായിരുന്നു . 

\"എന്താ അമ്മാ.....,
എന്താ പറ്റിയത് \"

\"അറിയില്ല മോനെ,
നമ്മുടെ വീട്ടിലേക്ക്  വന്നതായിരുന്നു. നല്ല ദേഷ്യത്തോടെ ആയായിരുന്നു വന്നത് .

  അച്ഛനോട് സംസാരിക്കാൻ തുടങ്ങുന്നതിനു മുൻപേ കുഴഞ്ഞു വീണു. വിളിച്ചിട്ട് എഴുന്നേൽക്കാതെ ആയപ്പോൾ ഞങ്ങൾ ആകെ പേടിച്ചു ഇങ്ങോട്ടേക്കു കൊണ്ടു വന്നു. \"

\"ആൻ എവിടെ.....\" 

\"അപ്പുറത്ത്   റിയക്കൊപ്പം ഇരിപ്പുണ്ട്, മോള് നല്ല സങ്കടത്തിലാ....,
നീ അവളെ ഒന്ന് സമാധാനപ്പെടുത്ത്.\"

\"ശെരി അമ്മാ.... \"

ആൻ ഒരു മൂലക്ക്  ചെയറിൽ കരഞ്ഞു തളർന്നു ഇരിക്കുകയായിരുന്നു.റിച്ചുവിനെ കണ്ടതും റിയ അവന്റ അടുത്തേക്ക് ചെല്ലുന്നു. 

\"ചേട്ടാ.... \"

\"നീ അങ്ങോട്ട്‌ പോയ്ക്കോ \"

\"മം... \"
റിച്ചു ചെന്ന് ആനിനെ സമാധാനിപ്പിക്കുന്നു.

\"ആൻ...\"

\"ഡാ...,
എന്റെ അപ്പൻ....\"

\"ഹേയ്....,
നീ കരയാതെ, അപ്പന് ഒന്നും  സംഭവിക്കില്ല.\"

\"അപ്പനെന്തെങ്കിലും സംഭവിച്ചാൽ എനിക്ക് പിന്നെ ആരുമില്ല.....\"

\"എന്തൊക്കെയാ നീ പറയുന്നേ,
അപ്പൊ പിന്നെ ഞങ്ങളൊക്കെ നിന്റെ ആരാ, അപ്പനൊന്നും സംഭവിക്കില്ല, \"

ആൻ റിച്ചുവിന്റെ തോളിലേക്ക് ചാഞ്ഞു കിടക്കുന്നു. കുറച്ചു സമയം കഴിഞ്ഞ് ഡോക്ടർ പുറത്തേക്ക് വരുന്നു  .

\"ഡോക്ടർ   ജോസഫ് എന്ന പേഷ്യന്റിന് ഇപ്പോൾ എങ്ങനെയുണ്ട്. \'

\"ഇപ്പൊ കുഴപ്പമില്ല ബോധം വീണിട്ടുണ്ട്.
പേടിക്കേണ്ട കാര്യമില്ല .
ഇയ്യാള് ആരാ,\"

\" ഞാൻ മകനാണ്.\"

\"ഇയ്യാള് എന്റെ റൂമിലേക്ക് ഒന്ന് വരു.\"

ഡോക്ടർ റിച്ചുവിനെ റൂമിലേക്ക് വിളിച്ചു കാര്യങ്ങൾ പറയുന്നു.
ഡോക്ടറിന്റ റൂമിൽ നിന്നും പുറത്തേക്ക് ഇറങ്ങിയ റിച്ചുവിനോട് അവന്റ കുട്ടുകാർ കാര്യം ചോദിക്കുന്നു. 

\"എന്താടാ ഡോക്ടർ എന്താ
പറഞ്ഞത്\"

\"അറ്റാക്ക് ആയിരുന്നു.  ഇപ്പോൾ കുഴപ്പമൊന്നുമില്ല.  മനസ്സിനെ വിഷമിപ്പിക്കുന്ന കാര്യങ്ങളൊന്നും  ചെയ്യരുതെന്ന് പറഞ്ഞു.\"

\"അത് പറയാനാണോ  അങ്ങേര് വിളിച്ചത്, അതൊക്കെ നമുക്ക് അറിയാവുന്ന കാര്യങ്ങളല്ലേ.\"

\"എന്താടാ, റിച്ചു 
ഡോക്ടർ എന്താ പറഞ്ഞത്. \"

\"അറ്റാക്കായിരുന്നു അച്ഛാ \"

അത് കേട്ട് ആൻ  വീണ്ടും കരയുന്നു 

\"നീ പേടിക്കേണ്ട ആൻ ഇനിയും
ചാൻസ് ഉണ്ട്. \"

ശശിയുടെ മണ്ടത്തരം കേട്ട്
എല്ലാവർക്കും ദേഷ്യം വരുന്നു. 

\"ഇവന്റെ കാര്യം....,
നീ ഒന്ന് പോയെ, എവിടെ എന്ത് പറയണമെന്ന് അറിയില്ല.\"

അവനെയും കൂട്ടി ജോജോയും, മുന്നയും അവിടെ നിന്നും അങ്ങോട്ടേക്ക് മാറി പോകുന്നു.

\"പെട്ടെന്ന് ഇങ്ങനെ സംഭവിക്കാൻ  മാത്രം എന്തെങ്കിലും പ്രശ്നം 
ഉണ്ടായോ,\"

\"എനിക്കറിയില്ലടാ... \"

\"മനസ്സിനെ വിഷമിപ്പിക്കുന്നതോന്നും ചെയ്യരുതെന്നാണ് ഡോക്ടർ
പറഞ്ഞത്.
നീ വിഷമിക്കാതെ, ഇപ്പൊ കുഴപ്പമൊന്നുമില്ലല്ലോ,. \"

ഒരു വിധം ആനിനെ റിച്ചു സമാധാപ്പെടുത്തി എടുക്കുന്നു. 
അടുത്ത ദിവസം മേരിയെ കോളേജിലേക്ക് കൊണ്ടാക്കുന്ന ഡ്യൂട്ടി റിച്ചു ജോജോയെ എൽപ്പിക്കുന്നു.

അന്നേ ദിവസം റിച്ചുവിന്റെ സ്ഥാനത് ജോജോയെ കാണുമ്പോൾ ദിയ മനസ്സിൽ കരുതുന്നു.

!ഇന്നെന്താ ഇവൻ ,
   റിച്ചുവിന് എന്തു പറ്റി!

മേരിയെ കോളേജിലേക്ക് ആക്കിയത്തിന് ശേഷം ജോജോ
തിരികെ ഹോസ്പിറ്റലിലേക്ക് ചെല്ലുന്നു.

\"അളിയാ.....,
ഇതാ ചാവി, നീ വൈകുന്നേരം വരത്തില്ലേയെന്ന്, അവര് ചോദിച്ചു\".

\"എന്നിട്ട് നീ എന്ത് പറഞ്ഞു,\"

\"ഞാൻ വരുമെന്ന് പറഞ്ഞു,
അപ്പോഴത്തെ കാര്യം അപ്പോൾ നോക്കാം. ഇവിടെ എന്തായി,
അങ്കിളിനെ റൂമിലോട്ട് മാറ്റിയോ.\"

\"ഉച്ചക്ക് ശേഷം മറ്റുമെന്നാണ്  ഡോക്ടർ  വന്ന് പറഞ്ഞത്.\"

\"ആനോ.....,\"

\" അവൾ അവിടെ ഉണ്ട്. \"

\"എന്നാ പിന്നെ ഞാൻ പോട്ടെടാ...,
എന്തെങ്കിലും ആവശ്യമുണ്ടെങ്കിൽ 
നീ വിളിക്ക്.\" 

\"ശെരിയാടാ....\"

ഉച്ചക്ക് ശേഷം ജോസഫിനെ റൂമിലേക്ക് മാറ്റുന്നു.  ജോസഫിന്റെ മുഖത്തു  റിച്ചുവിനെ കാണുമ്പോൾ നല്ല ദേഷ്യം ഉണ്ടായിരുന്നു .

അവനോട് ഒന്നും മിണ്ടാതെ കിടക്കുന്നത് കണ്ട് റിച്ചു ആനിനോട് കാര്യം പറയുന്നു.

\"ആൻ,
നിന്റെ അപ്പന് എന്നെ കാണുമ്പോൾ മാത്രം എന്താടി ദേഷ്യം \"

\"അതാണ് ഞാനും നോക്കുന്നത്, \"

\"നീ ഇപ്പോൾ ഒന്നും ചോദിക്കാൻ
നിൽക്കണ്ട \"

\"മം....\"

അന്നേദിവസവും വൈകുന്നേരവും, അടുത്ത ദിവസവും മേരിയെ കൊണ്ടാക്കുന്നതിനും, തിരികെ കൊണ്ടു പോകുന്നതിനും ജോജോ വരുന്നത് കണ്ട് ദിയ മനസ്സിൽ കരുതുന്നു.

!ഇതെന്താ ഇവൻ തന്നെ വരുന്നത്,
ഇനി അവന്തെങ്കിലും അപകടം സംഭവിച്ചോ.

ഇവനോട് ഒന്ന് ചോദിച്ചാലോ.
ഹേയ്.., വേണ്ട...
കൂട്ടുകാരോട് അതേ പറ്റി പറഞ്ഞാലോ എന്ന് അവൾ ആലോചിക്കുന്നു. പിന്നെ വേണ്ടെന്ന് വെയ്ക്കുന്നു. \"

രണ്ട് ദിവസം കഴിഞ്ഞ് ജോസഫിനെ ഡിസ്ചാർജ് ചെയ്യുന്നു.
ബില്ല് പേയ്, ചെയ്യുന്നതിനായി ശശിയും റിച്ചുവും  റിസപ്ഷനിലേക്ക് പോകുന്നു.

\"അറുപതിനായിരം രൂപയോ,
എന്ത് കൊള്ളായടാ....,
ഇത്.\"

\"അതിന് നിനക്കെന്താ,  നിന്റെ കാശൊന്നുമല്ലല്ലോ \"

\"ആരുടേതാണെങ്കിലും
പൈസ അല്ലേ...\"

ബില്ല് അടച്ചതിന് ശേഷം തിരികെ വരുമ്പോൾ സ്ക്ചറിൽ കിടന്നു പോകുന്ന ഒരാളെ  കണ്ട് ശശി റിച്ചുവിനോട് പറയുന്നു.

\"സുഖിച്ചു കിടന്ന് പോകുവാ, ബില്ല് വരുമ്പോൾ കാണാം.\"

\"നീ ഒന്ന് മിണ്ടാതൊരിക്കുന്നുണ്ടോ\"


ഡിസ്ചാർജ് ആയി കഴിഞ്ഞ് വീട്ടിലേക്ക് വരുമ്പോൾ രാത്രി ആയിരുന്നു.
ജോസഫിനെ വീട്ടിലാക്കിയതിന് ശേഷം 
പോകാൻ തുടങ്ങുന്ന സ്റ്റീഫനോട് നിൽക്കാൻ ജോസഫ് പറയുന്നു.

\"സ്റ്റീഫാ , നീ ഒന്ന് നിന്നെ,
എനിക്ക് നിന്നോട് ഒരു കാര്യം പറയാനുണ്ട്. \"

\"എന്താടാ,..\"

\" ബാക്കി ഉള്ളവരൊക്കെ പോക്കോ \"

എല്ലാവരും പുറത്തേക്ക് പോകുന്നു. 



\" സ്റ്റീഫാ.....,
നീ ആ ഡോർ ഒന്ന് അടച്ചേക്ക് \"

\"എന്താടാ.... \"

\"എടാ...
നിന്റെ മോനോട് ഞാൻ എന്ത് തെറ്റാടാ ചെയ്തെ, ഒരു മോനെപ്പോലെയല്ലേ  ഞാൻ അവനെ കണ്ടത്, എന്നിട്ടും അവന് എങ്ങനെയാ എന്നോട് ഇങ്ങനെ ചെയ്യാൻ തോന്നിയത്. \"

\"എന്താടാ, അവൻ എന്താ നിന്നോട് ചെയ്തത്, നീ കാര്യം പറയ്....\"

                                 തുടരും......