ശ്യാം അകത്തേക്ക് കയറുമ്പോൾ കുഞ്ഞവിടെ റൂമിൽ കട്ടിലിൽ ഇരിന്നു കളിക്കുന്നുണ്ടായിരുന്നു ... കുറെ നേരം അയാൾ അവനെ തന്നെ നോക്കിയിരുന്നു......ശരിക്കും കുഞ്ഞ് ആ വീട്ടിൽ തീർത്തും ഒറ്റ പെട്ടത് പോലെ...


പണ്ട് അമ്മ മരിച്ചപ്പോൾ താനും ഇങ്ങനെ ഒറ്റപെട്ടു പോയിരിക്കും എന്നയാൾ ചിന്തിച്ചു....അവൻ ജോലിക്ക് പോയി കഴിഞ്ഞാൽ പിന്നെ വരുന്നത് വരെ ആയയുടെ കൈകളിലല്ലേ...അവർ കുഞ്ഞിനെ നന്നായി നോക്കുന്നുണ്ടോ എന്ന് നോക്കാൻ പോലും ഇവിടെ ആർക്കും സമയം ഇല്ല.....

പ്രിയ ഉണ്ടായിരുന്നെങ്കിൽ ഇപ്പോൾ അവനെ തലേലും താഴത്തും വെക്കാതെ കൊണ്ട് നടന്നേനെ....

പ്രിയ താനെന്തിനാ ഞങ്ങളെ വിട്ടു ഇത്ര പെട്ടെന്ന്... അവന്റെ ഉള്ളം വിങ്ങി..

അമ്മ പറഞ്ഞത് വെച്ചു ആ പെൺകുട്ടി പ്രിയ നോക്കുന്നത് പോലെ സ്വന്തം കുഞ്ഞായി നോക്കും...പക്ഷെ എനിക്ക് എനിക്കവളെ അംഗീകരിക്കാൻ പറ്റുമോ????

അവന്റെ മനസ് നൂല് പൊട്ടിയ പട്ടത്തിനെ പോലെ ദിശയില്ലാതെ സഞ്ചരിച്ചു.... അവസാനം തന്റെ കുഞ്ഞിന് വേണ്ടി കല്യാണം കഴിക്കാം എന്ന തീരുമാനത്തിൽ എത്തിച്ചേർന്നു...

അവൻ പതുക്കെ എഴുന്നേറ്റ് അമ്മയുടെ റൂമിന്റെ വാതിലിൽ എത്തി., വാതിൽ അടഞ്ഞു കിടക്കുകയായിരുന്നു....

അവൻ ഒന്ന് കൊട്ടി അകത്തേക്ക് കയറി,... അപ്പോൾ പത്മിനി ആരോടോ ഫോണിൽ സംസാരിക്കുകയായിരുന്നു....

ശ്യാമിനെ കണ്ടതും അവർ കാൾ കട്ട്‌ ആക്കി....

എന്താ മോനെ????

അമ്മ ആ കല്യാണം സെറ്റ് ആക്കിക്കോ....

ശരിക്കും... അമ്മക്ക് സന്തോഷമായി...മോൻ എന്ന പെണ്ണ് കാണാൻ പോകാൻ നീ ഫ്രീ ആകുന്നത്???


അമ്മ ഞാൻ വരുന്നില്ല...അമ്മ പോയി കണ്ട് ഒരു തീരുമാനം എടുത്താൽ മതി....

അതെന്താ??? അപ്പോൾ നിനക്ക് പിന്നീട് ഇഷ്ടമായില്ലെങ്കിലോ???

അത് കുഴപ്പമില്ല... അമ്മക്കിഷ്ടായാൽ അത് മതി
,..

അവൻ അത്രയും പറഞ്ഞു റൂമിനു പുറത്തേക്ക് പോയി...

ഈ ചെറുക്കന്റെ ഒരുകാര്യം,.(പത്മിനി ആത്മ )..

അവർ ഈ സന്തോഷ വാർത്ത ആ വീട്ടിൽ എല്ലാവരെയും അറിയിച്ചു...എല്ലാവർക്കും വലിയ സന്തോഷമായി... പ്രത്യേകിച്ച് വിശ്വനാഥന്നു.... കാരണം തന്റെ മകനും തന്റെ വിധി വന്നതിൽ അയാൾ വലിയ ദുഃഖത്തിൽ ആയിരുന്നു....

ശ്യാം ഇല്ലാത്തതിനാൽ മറ്റാരും അവിടെ നിന്നും പെണ്ണിനെ കാണാൻ കൂടെ പോകുന്നില്ലെന്ന് പറഞ്ഞു...
അതിനാൽ പത്മിനി രണ്ട് സുഹൃത്തുക്കളെ കൂട്ടിയാണ് പോയത്...

അവിടെ ചെന്നതെ അവർക്ക് അവിടത്തെ അന്തരീക്ഷം ഒന്നും ഇഷ്ടമായില്ല..... ഋതു വിനെ അവർക്ക് തീരെ പിടിച്ചില്ല.. എന്നിരുന്നാലും അവർ കല്യാണത്തിന് മൂളി....

എത്രയും പെട്ടെന്ന് തന്നെ കല്യാണം നടത്തണം എന്നായിരുന്നു എല്ലാവർക്കും ഉണ്ടായിരുന്ന ഒരേ ഒരു കണ്ടിഷൻ......രണ്ടാഴ്ച കഴിഞ്ഞുള്ള ഒരു മുഹൂർത്തം എടുത്തു.. പിന്നെ എല്ലാം പെട്ടെന്നായിരുന്നു ... സ്വർണമൊക്കെ അയാൾ തന്നെ കൊണ്ട് കഴിയാവുന്നത് ചെയ്തു....

പിന്നെ ഡ്രസ്സ്‌ എടുപ്പ് ബാക്കി കാര്യങ്ങളും.... ഒരുപാട് പേരെയൊന്നും വിവാഹത്തിന് ക്ഷെണിച്ചിരുന്നില്ല......വളരെ അടുത്ത റിലേറ്റീവ്സ് മാത്രമേ ഇരു വീടുകളിൽ നിന്നും ഉണ്ടായിരുന്നുള്ളു...

തലേന്ന് പ്രത്യേകിച്ച് ചടങ്ങുകൾ ഒന്നും ഇല്ലാതിരുന്നതിനാൽ ഇരു വീട്ടിലും ആരും തന്നെ ഇല്ലായിരുന്നു....

ഇടക്ക് അയൽപ്പക്കത്തുന്നു കുറച്ചു പേര് കയറി വന്നു... അതിൽ ഒരു കുട്ടി അവളെ നിർബന്ധിച്ചു മെഹന്തി ഓക്കേ ഇടീച്ചു....

ഒരുപാട് സ്വപ്‌നങ്ങൾ കണ്ടാണ് അന്നവൾ ഉറങ്ങാൻ കിടന്നത്....

💕💕💕💕💕💕💕💕💕

ഈശ്വര നാളെയാണ് കല്യാണം പ്രിയയെ അല്ലാതെ മറ്റൊരു പെണ്ണിനെ മനസ്സിൽ പോലും സങ്കൽപ്പിക്കാനാകുന്നില്ല....

പക്ഷെ എന്റെ മോന്റെ ഭാവിക്ക് വേണ്ടി ഞാൻ ഈ ത്യാഗം ചെയ്തേ പറ്റു.... ശരിക്കും ഞാൻ സ്വാർത്ഥനാകുകയാണോ????

ഇങ്ങനെയുള്ള പല ചോദ്യങ്ങളും അവന്റെ മനസിനെ വരഞ്ഞു മുറുക്കി....

പക്ഷെ തന്റെ കുഞ്ഞിന് വേണ്ടി അവൻ സ്വാർത്ഥനാകാൻ തീരുമാനിച്ചു...

എന്നിട്ട് തന്റെ കുഞ്ഞിനെ ഒന്നുടെ മുറുകെ കെട്ടിപിടിച്ചു അവന്റെ നെറ്റിയിൽ തന്റെ ചുണ്ടുകൾ ചേർത്തു... അവനും  ഉറക്കത്തിലേക്ക് വീണു... നാളെ തന്നെ കാട്ടിരിക്കുന്നതെന്തെന്നറിയാതെ...

💕💕💕💕💕💕💕💕💕

പിറ്റേന്ന് ഋതു രാവിലെ തന്നെ എഴുന്നേറ്റു...അമ്പലത്തിൽ പോയി....

അവിടെ ചെന്നപ്പോൾ തൊട്ട് തിരികെ വരുന്നത് വരെ നല്ലൊരു ജീവിതം കിട്ടാൻ മനസുരുകി പ്രാർത്ഥിച്ചു.....


തിരികെ വരുമ്പോൾ എല്ലാടവും നന്നായി അവൾ കണ്ടു... കാരണം ഇനി തൊട്ട് ഈ നാട്ടിലും വീട്ടിലും ഞാനിനി വെറുമൊരു വിരുന്നുകാരി മാത്രമാണ്....അവൾക്ക് തന്റെ നെഞ്ച് പൊട്ടുന്നത് പോലെ തോന്നി.... അല്ലെങ്കിലും കല്യാണം കഴിഞ്ഞ എല്ലാ പെൺകുട്ടികളുടെയും അവസ്ഥ ഇതാണല്ലോ എന്നോർത്തു അവൾ സമാധാനിച്ചു....

വീട്ടിലെത്തി വേഗം ബ്രേക്ഫാസ്റ്റ് കഴിച്ചു.... കസിൻസ് എല്ലാവരും കൂടി അവളെ നന്നായിതന്നെ ഒരുക്കി.....

ഡാർക്ക്‌ ബ്ലൂ കളർ സാരിയിൽ പിങ്ക് മുന്താണിയും അതെ കളർ ബ്ലൗസും ആയിരുന്നു അവളുടെ വേഷം... കഴുത്തിൽ ഒരു നെക്ലസും അതിന്റെ കൂടെ കുറച്ചു വീതി കൂടിയ ഒരു മാലയും.., ഒരു കൈയിൽ നാലു കാപ്പ് വള ഇട്ടിട്ടുണ്ട്.... മറുകയ്യിൽ ബ്ലൂ വും പിങ്കും കമ്പിനേഷനിൽ ഉള്ള കുപ്പി വളകളും....പിങ്ക് കളർ പൊട്ടും കുത്തി.... മുടി നിറയെ മുല്ലപ്പൂവും അതിന്റെ ഇടയിൽ കനകാംമ്പരപൂവും വെച്ചു....

ആ വേഷത്തിൽ അവൾ സുന്ദരി ആയിരുന്നു....

പിന്നീട് ദക്ഷിണ കൊടുക്കുന്ന ചടങ്ങ് ആയിരുന്നു....

മാമനും മാമിക്കും കൊടുത്തപ്പോൾ അവൾ കരഞ്ഞു പോയി....



റെജിസ്റ്റർ ഓഫീസിൽ വെച്ച് ചെറിയ ഒരു ചടങ്ങ് മാത്രമാണ് പ്ലാൻ ചെയ്തിരിക്കുന്നത്.... അത് കഴിഞ്ഞു ഋതുവിന്റെ വീട്ടിൽ ചെറിയ രീതിയിൽ ഒരു സദ്യയും ഒരുക്കിയിരുന്നു.....

അതിനാൽ റെജിസ്റ്റർ ഓഫീസിലേക്ക് ശശിയും രമയും 
മക്കളും മാത്രമാണ് പോയത്...
പെണ്ണിന്റെ കൂട്ടരാണ് ആദ്യം എത്തിയത്...
അത് കഴിഞ്ഞു ഒരു പത്തു മിനിറ്റ് കഴിഞ്ഞാണ് ശ്യാംമും കൂട്ടരും എത്തിയത്....

അവിടെ നിന്നും ഒരുപാട് പേരൊന്നും ഇല്ലായിരുന്നു... ശ്യാമിന്റെ അച്ഛനും അമ്മയും പിന്നെ രണ്ട് മൂന്നു പേരും മാത്രമേ ഉണ്ടായിരുന്നുള്ളു....

അവർ എത്തിയതും പെട്ടെന്ന് തന്നെ ചടങ്ങുകളിലേക്ക് കടന്നു......

ശ്യാം ഋതുവിൻറെ കഴുത്തിൽ താലി കെട്ടി... അപ്പോഴാണ് ഇരുവരും ആദ്യമായി പരസ്പരം കാണുന്നത്..

അതിനു ശേഷം പൂമാല ചാർത്തി ഇരുവരും വിവാഹിതരായി.....

പിന്നെ പത്തു മിനിറ്റ് ചെറിയ ഒരു ഫോട്ടോ സെഷൻ ഉണ്ടായിരുന്നു....

അത് കഴിഞ്ഞതും എല്ലാവരും കൂടെ നേരെ ഋതുവിൻറെ വീട്ടിലേക്കാണ് പോയത്...


ഉച്ചക്ക് സദ്യയും കഴിച്ചു അവർ ഗൃഹ പ്രവേശനത്തിനായി പോയി....

കാറിലേക്ക് കയറുമ്പോൾ അവൾക്ക് നല്ല സങ്കടം ഉണ്ടായിരുന്നു... അവസാനമായി വീണ്ടും അവൾ വന്നു ആ അമ്മയുടെ കാലിൽ വീണു.....

എല്ലാവരുടെയും മുൻപിൽ വെച്ചു ഒന്നും പറയാൻ പറ്റാത്തത് കൊണ്ട് അവർ അവളെ താങ്ങി എഴുനേൽപ്പിച്ചു
....


കുറച്ചു നേരത്തെ യാത്രക്ക് ശേഷം വധു വരന്മാർ സഞ്ചരിച്ചിരുന്ന കാർ വിശ്വമംഗലത്തിന്റെ ഗേറ്റ്
കടന്നു പോർച്ചിൽ കൊണ്ട് നിർത്തി...


അവിടെ ശ്യാമിനെയും അവന്റെ പെണ്ണിനേയും സ്വീകരിക്കാൻ പത്മിനി ഉണ്ടായിരുന്നു...

പത്മിനി കൊടുത്ത വിളക്കുമെടുത്തു അവൾ വിശ്വമംഗലത്തിലേക്ക് തന്റെ വലതു കാൽ വെച്ചു അകത്തേക്ക് കടന്നു.... നിലവിളക്ക് പൂജാ മുറിയിലേക്ക് കൊണ്ട് വെച്ചു......



അമ്മു ചേച്ചിയെ ഈ ഡ്രസ്സ്‌ മാറാൻ ഒന്ന് സഹായിക്..

പത്മിനി അവിടെ നിന്ന ഒരു പെൺകുട്ടിയോട് പറഞ്ഞു....

അമ്മു അവിടത്തെ അമ്മാവന്റെ മോൾടെ മോള് ആണ്...

എല്ലാവരുടെയും പെറ്റ് ആണ് അവൾ...

സാരി എലാം മാറ്റിയിടാൻ അമ്മു അവളെ ഹെല്പ് ചെയ്തു....

അപ്പോഴാണ് ആ മുറിയിൽ കട്ടിലിന്റെ മൂലക്ക് കിടന്നുറങ്ങുന്ന കുഞ്ഞിനെ കണ്ടത്... കുഞ്ഞിനെ കണ്ടതും അവൾ കുഞ്ഞിന്റെ അടുത്തേക്ക് പോയി..... പക്ഷെ അപ്പോഴും അവൻ നല്ല ഉറക്കത്തിലാണ്..

അപ്പോഴേക്കും താഴെ നിന്ന് അമ്മുന് പത്മിനി യുടെ വിളി വന്നു...

അവൾ താഴേക്ക് പോയപ്പോഴേക്കും അവൾ ആ വലിയ റൂമിൽ അവളും ആ കുഞ്ഞും മാത്രമായി...

അവിടെ ചെന്നിട്ട് ശ്യാമിനെ ഒന്ന് കണ്ടതെ ഇല്ല..

കുറെ നേരം അവൾ ആ റൂമിൽ വെറുതെ ഇരുന്നു...

രാവിലെ മുതൽ നിൽക്കുകയായത് കൊണ്ട് അവൾ ഒന്ന് മയങ്ങി പോയി.....

പെട്ടെന്നാണ് പുറത്തു നിന്നും ഒരലർച്ച കേട്ടത്... അവൾ മുകളിൽ നിന്നും നോക്കിയിട്ട് എന്താണെന്ന് കാണാൻ ആയില്ല.... അതിനാൽ തന്നെ അവൾ പെട്ടെന്ന് റൂം തുറന്നു താഴെക്ക് പോയി....


അവിടെയൊന്നും ആരെയും കാണാൻ ഇല്ല... താഴെ ചെന്നപ്പോൾ ആണ് അത് അമ്മയുടെ കരച്ചിൽ ആണെന്ന് മനസിലായത് . അമ്മയുടെ കരച്ചിൽ കേട്ട ഭാഗത്തേക്ക്‌ ഓടി.....

താഴെ സ്റ്റോറിൽ ആയിരുന്നു എല്ലാവരും...അവിടെ കണ്ട കാഴ്ച്ചയിൽ അവളുടെ തലപെരുക്കുന്നതു പോലെ തോന്നി.... ഒരാശ്രയത്തിനായി അമ്മുനെ മുറുകെ പിടിച്ചു.... പക്ഷെ വീണു പോയി....

ആരൊക്കെയോ അവളെ താങ്ങിയെടുത്തു റൂമിൽ കൊണ്ട് കിടത്തി...
ബോധം തെളിയുമ്പോൾ അവൾ കട്ടിലിൽ കിടക്കുകയായിരുന്നു....

അടുത്ത് തന്നെ അമ്മു ഇരുന്നു കരയുന്നുണ്ട്... പെട്ടെന്നാണ് നേരത്തെ അവിടെ കണ്ട കാഴ്ച ഓർമ വന്നത്... രക്തത്തിൽ കുളിച്ചു കിടക്കുന്ന ശ്യാമിനെ ആംബുലൻസിലേക്ക് കയറ്റുന്നു....

അവൾ പെട്ടെന്നു ചാടി എഴുനേറ്റു....
അമ്മു...അവിടെ...

എന്താ ചേച്ചി???

അമ്മു... ശ്യാമേട്ടൻ....????

അത്.......

എന്താടി എന്തെങ്കിലും ഒന്ന് പറയു.....അവൾക്ക് ഭ്രാന്തു പിടിക്കുന്നുണ്ടായിരുന്നു....

പോയി.....

പോയെന്നോ?? എവിടെ???

പോയി ചേച്ചി.. എല്ലാവരെയും വിട്ടു ശ്യാമേട്ടൻ പോയി.....അവൾ പൊട്ടി കരഞ്ഞു പോയി.....

സ്റ്റോറിലെ കാബോർഡിൽ നിന്നും എന്തോ എടുക്കാൻ ഏണിയിൽ കയറിയതാ സ്ലിപ് ആയി പോയി.... തല ഇടിച്ച വീണത്.... ഇവിടുന്നു പോകുമ്പോഴേ കഴിഞ്ഞിരുന്നു....

ഋതു കേൾക്കാൻ പാടില്ലാത്ത എന്തോ കേട്ടത് പോലെ ചെവി തന്റെ ഇരു കൈകൾ കൊണ്ടും പൊത്തി പിടിച്ചു....


ഒന്നുറക്കെ കരയണം എന്നുണ്ട് പക്ഷെ ശബ്ദം തൊണ്ട കുഴിയിൽ തങ്ങി നിൽക്കുന്നത് പോലെ.......

അവൾ താഴെ ഇരുന്നു ദിശ അറിയാതെ പറക്കുന്ന ഒരു പക്ഷിയെ പോലെ അവളുടെ മനസ് എങ്ങോട്ടോ പറന്നു പൊക്കൊണ്ടേ ഇരുന്നു.....

ആരൊക്കെയോ അവളെ കാണാൻ ആ മുറിയിൽ കയറി വരുന്നുണ്ടായിരുന്നു അവർ എന്തൊക്കെയോ പറഞ്ഞു ... കുറെ പേർ ചൂടാറും മുൻപ് മാഞ്ഞു പോയ അവളുടെ സിന്ദൂരത്തെ ഓർത്തു വിലപിച്ചു....

കുറെ പേർ അവളുടെ ജാതകത്തെ കുറ്റപ്പെടുത്തി.... കുറെ പേര് അവൾക്ക് വേണ്ടി സഹതപിച്ചു....

അവൾ പക്ഷെ ഇതൊന്നും അവൾ കേൾക്കുന്നുണ്ടായിരുന്നില്ല... ആ പിഞ്ചു കുഞ്ഞിനേയും മാറോടടുക്കി പിടിച്ചു. മറ്റേതോ ലോകത്തായിരുന്നു അവൾ...

വിവരം അറിഞ്ഞു ആദ്യം ചെന്നത് അവളുടെ മാമനും മാമിയും ആയിരുന്നു.....

മാമി അവളെ കാണാണെന്ന പോലെ ആ റൂമിലേക്ക് കയറി ചെന്നു.....

ഡി നിനക്ക് സമാധാനമായി കാണുമല്ലോ..... ഒരുത്തന്റെ ജീവൻ കൂടെ എടുത്തപ്പോൾ...എടി ഒരുമ്പറ്റവളെ ഇവിടുന്ന് ഇറക്കി വിട്ടാൽ എന്റെ വീട്ടിലേക്ക് കെട്ടിയെടുത്തേക്കല്ലേ.....

എന്നിട്ട് അവിടുള്ളവരുടെ കൂടെ തലയെടുക്കാൻ ജാതകദോഷക്കാരി.....

നീറുന്ന തീയിലേക്ക് കുറെ എണ്ണയും കൂടെ അവർ പകർന്നു കൊടുത്തു....

അല്ലെൽ തന്നെ പെണ്ണിന്റെ ജാതക ദോഷത്തിന്റെ ലിസ്റ്റിൽ ഇതും പലരും ഉല്പ്പെടുത്തിയിരുന്നു.....


പലതും കേട്ടിട്ടും ചെവി കൊട്ടി അടച്ചിരിക്കുമ്പോഴാണ് സ്വന്തം ആളുകൾ പോലും.... അവൾക്ക് താങ്ങാവുന്നതിലും അപ്പുറമായിരുന്നു...
പക്ഷെ ഒന്നിലും അവൾ ചെവി കൊടുത്തില്ല.....

(തുടരും )