അവൾ പറഞ്ഞതെല്ലാം സത്യമാണെന്നു ആ ഡീറ്റെയിൽസിൽ നിന്ന് അവനു വ്യക്തമായി...

നന്ദു ആ ഡീറ്റെയിൽസ്സുമായി നേരെ ചെന്നത് ഭാനുവിന്റെ അടുത്തേക്കാണ്...

കാരണം ഭാനുന് ഈ രണ്ട് ദിവസം കൊണ്ട് തന്നെ അവളെ ഒരുപാടിഷ്ടമായി..അവളെ പറഞ്ഞു വിടാൻ അവർക്ക് തീരെ താത്പര്യം ഇല്ലായിരുന്നു....

അതിനാൽ തന്നെ എല്ലാം തങ്ങൾക്ക് അനുകൂലമാകണമെന്നു അവൾ പ്രാർത്ഥിക്കാത്ത ദിവങ്ങളില്ല...

അത് കൊണ്ട് തന്നെ നന്ദു ആ സന്തോഷ വാർത്ത ആദ്യം അറിയിച്ചതും അവരെയാണ്...


അത് കേട്ടതും ഭാനുന്നു ഭയങ്കര സന്തോഷമായി...,


എന്നാൽ അവൾ ഇവിടെ നിൽക്കട്ടെ അല്ലെ മോനെ ????

വരട്ടെ.......

ഇനി എന്താ നിനക്ക്???

അതോ നോക്കട്ടെ നമ്മുടെ കൂട്ടത്തിൽ ചേർക്കാൻ പറ്റുമോ എന്ന് എന്നിട്ട് തീരുമാനിക്കാം....

ഇനി നോക്കാൻ ഒന്നും ഇല്ല അവൾ മിടുക്കിയ എല്ലാം നോക്കീം കണ്ടും ചെയ്തോളും.....എനിക്കൊരുപാടിഷ്ടമായി.....

അമ്മക്ക് ഇഷ്ടമായെങ്കിൽ ഓക്കേ..... എനിക്കിനി എന്താ ഒബ്ജെക്ഷൻ.....
എന്നിട്ട് അവൾ എവിടെ??? ഇന്ന് ഈ വഴിക്കൊന്നും കണ്ടില്ലല്ലോ...

അതോ അവൾക്ക് നിന്നെ ഭയങ്കര പേടിയാ... അതാ.. ഒന്നുകിൽ അച്ഛന്റെ കൂടെ അടുക്കളയിൽ കാണും.. അല്ലെങ്കിൽ ആ റൂമിൽ... പാവം നീ അവളെ പേടിപ്പിക്കരുത്....

ഓ..

പക്ഷെ നാട്ടുകാർ വല്ലോം പറയുമോ?

അറിയില്ല.. ആയിരം കുടത്തിന്റെ വായ മൂടി കെട്ടാം പക്ഷെ ഒരു മനുഷ്യന്റെ വായ മൂടി കെട്ടാനാ പാട്...നീ അതൊന്നും മൈൻഡ് ആക്കണ്ട മനസ്സിലായോ???

മ്മ്....

അത് കഴിഞ്ഞു അവൻ നേരെ ചെന്നത് അവളുടെ അടുത്തേക്കാണ്...

ആദ്യം അടുക്കളയിലേക്ക് പോയി നോക്കി... അവിടെയൊന്നും ആരെയും കണ്ടില്ല.... പിന്നീട് റൂമിലേക്ക് പോയി..

അപ്പോൾ അവൾ റൂമിൽ നിന്നു കിട്ടിയ ഒരു പുസ്തകം വായിക്കുകയായിരുന്നു...
മാധവികുട്ടിയുടെ നീർമാതളം പൂത്ത കാലം....


\"നാലപ്പാട്ട് പാമ്പിൻ കാവിൽ അനവധി വർഷങ്ങളായി വളർന്നു നിൽക്കുന്ന നീർമാതളമരം പൂക്കുന്ന കാലത്ത് നാട്ടിൽ വന്നെത്തുവാൻ, കൽക്കത്തയിൽ ഒരു വിദ്യാർത്ഥിയായി ജീവിച്ചിരുന്ന എനിക്ക് എല്ലാവർഷവും സാധിച്ചില്ല. ഇന്നും ആ മരം പൂക്കുമ്പോൾ ഞാനവിടെ എത്താറില്ല. എങ്കിലും ,എൻറെ അടച്ച കൺപോളകൾക്ക് പിന്നിൽ ,വെണ്ണ വർണ്ണമുള്ള പൂക്കളും വഹിച്ച്‌ , തലയെടുപ്പോടെ നിൽക്കുന്ന ആ മരം, വൈകാരിക സുരക്ഷിതത്വത്തിന്റെ ഒരു പ്രതീകം കണക്ക് നിലകൊള്ളുന്നു. അതിൻറെ ഗന്ധം, സ്മരണയുടെ രാജവീഥികളിൽ തളം കെട്ടുന്നു.


    \"നീർമാതളമരം പൂക്കുന്നത് കേവലം ഒരു ആഴ്ചക്കാലത്തിന് വേണ്ടിയാണ്. പുതുമഴയുടെ സുഗന്ധം മണ്ണിൽനിന്നുയർന്നാൽ നീർമാതളം പൂക്കാറായി എന്ന് വിചാരിക്കാം. പൂക്കൾ വന്നു നിറഞ്ഞാൽ ഇലകൾ കൊഴിയുകയും ചെയ്യും. പാടത്തിനപ്പുറത്ത് ആശാരിപറമ്പിൽ നിൽക്കുന്നവരുടെ നാസാരന്ധ്രങ്ങളിലും ഒരു അനുഗ്രഹം എന്നപോലെ ആ പൂക്കളുടെ പരിമളം വന്നെത്തും ...ആ മരത്തിൽ പടർന്ന രംഗൂൺ ക്രീപ്പറുടെ വള്ളികളിൽ എല്ലാമാസവും കുറച്ചു പൂക്കൾ കാണാം; വെളുത്തവയും, ചുവന്നവയും. അവയ്ക്കുമുണ്ടായിരുന്നു ഹൃദ്യമായൊരു സൗരഭ്യം. തെക്ക് പടിഞ്ഞാറൻ കാറ്റ് വീശുമ്പോൾ,സന്ധ്യ ഇരുളിൽ താഴ്ത്തിയ മുറ്റത്ത് അത് പരക്കാറുണ്ടായിരുന്നു . \"എനിക്കിവിടെ ഏറ്റവും ഇഷ്ടപ്പെടുന്നത് ഈ പാമ്പിൻ കാവിലെ പൂക്കളുടെ മണം ആണ്\" ഞാൻ ഒരിക്കൽ അമ്മമ്മയോട് പറഞ്ഞു. അഭിമാനത്തോടെ അവർ തൻറെ ചുറ്റും നോക്കി.  കാഞ്ഞിരവും ഇലഞ്ഞിയും പരിയും, നീർമാതളവും, കുങ്കുമവും പൂവണിഞ്ഞ  സമയമായിരുന്നു അത്\"
(നീർമാതളം പൂത്തകാലം )

ആ നോവലിന്റെ ഹൈലൈറ്റ് ആയ ഈ വാചകങ്ങൾ അവൾ പല ആവർത്തി വായിച്ചു...

അവളും മാധവികുട്ടി യുടെ കൂടെ നാലപ്പാട്ട് തറവാട്ടിൽ എത്തിയത് പോലെ തോന്നി അവൾക്ക്...

അവൾ അതിൽ മുഴുകി ഇരിക്കുമ്പോഴാണ് നന്ദു അവിടേക്ക് വന്നത്....

അവനെ കണ്ടതും ഋതു ചാടി എഴുന്നേറ്റു...

ആഹാ താൻ വായിക്കവായിരുന്നോ??

മ്മ്...
വായിക്കാൻ അത്രക്കിഷ്ട്ടം ആണോ??

അതെ...

ഏതാ കഥ??? അവൻ ആ പുസ്തകം വാങ്ങി നോക്കി....

ആഹാ മാധവികുട്ടിയുടെ നോവൽ ആണല്ലോ....

ആരാ ഇഷ്ട എഴുത്തുകാരി???

മാധവികുട്ടി,...

അമ്മയുടെ ആണ് ഈ ബുക്കുകൾ ഓക്കേ ഇനി വേണെമെങ്കിൽ ആ റൂമിൽ കാണും.... അച്ഛൻ ഓരോ തവണ യാത്ര കഴിഞ്ഞു വരുബോഴും ഓരോ പുസ്തകം ഗിഫ്റ്റ് കൊടുക്കുമായിരുന്നു.....

അത് പിന്നെ ഒറ്റ ഇരിപ്പിന് വായിച്ചു തീർക്കണം അതാണ് അമ്മയുടെ സാറ്റിസ്‌ഫാക്ഷൻ.....അമ്മയുടെ കയ്യിൽ ഒരുപാട് ഉണ്ട്..വെറുതെ ഇരിക്കുമ്പോൾ പോയി ചോദിച്ചാൽ മതി...

. മ്മ്...

പിന്നെ താൻ ഇവിടെ ഞങ്ങളുടെ കൂടെ കൂടിക്കോ...

അമ്മക്കൊരു ഹെല്പിന്.....പക്ഷെ എപ്പോഴും അമ്മയെ നോക്കാനല്ല....ബാക്കി അമ്മ പറയും...

അവൻ അതും പറഞ്ഞു പുറത്തേക്ക് പോയി...

അവൾ പതുക്കെ അടുക്കളയിലേക്ക് ചെന്നു.... അപ്പോൾ അച്യുതൻ അവിടെ ഡിന്നറിനുള്ള പരുപാടിയിൽ ആയിരുന്നു....

ചപ്പാത്തിയും ചിക്കൻ കറിയും...


സർ ഞാൻ ഹെല്പ് ചെയ്യാം
....


വേണ്ട മോളെ.. ഇതൊക്കെ എനിക്ക് ചെയ്യാൻ ഉള്ളതെ ഉള്ളൂ.....ഞാനാണിവിടത്തെ ബംഗാളി... അയാൾ അതും പറഞ്ഞു മൂക്ക് പിഴിയുന്നതായി ആംഗ്യം കാണിച്ചു...

ഋതുനു നല്ല ചിരി വരുന്നുണ്ടായിരുന്നു... പക്ഷെ അവൾ പിടിച്ചു നിന്നു...

അത് കുഴപ്പമില്ല....

അതും പറഞ്ഞു അവൾ വേഗം പണി തീർക്കാൻ തുടങ്ങി....


ആദ്യം വെള്ളത്തിൽ കിടന്ന ചിക്കനെ നല്ല കഴുകി വൃത്തിയാക്കി..

അതിനുള്ള ഉള്ളിയും വെളുത്തുള്ളിയും സവാളയും എല്ലാം അരിഞ്ഞു വെച്ചു..

അപ്പോഴേക്കും അയാൾ എല്ലാം കുക്കറിൽ ഇട്ട് വരട്ടി തുടങ്ങി..

അത് കഴിഞ്ഞു ഋതു ചപ്പാത്തി പരത്തി ചുട്ടു., നിമിഷങ്ങൾക്കുള്ളിൽ കിച്ചനെല്ലാം ക്ലീനും ചെയ്തു....
ഫുഡ്‌ എല്ലാം ഡെയിനിങ് ടേബിളിൽ കൊണ്ട് വെച്ചു....
അതിനു ശേഷം അവൾ കുളിക്കാൻ പോയി.....

തിരികെ വന്നു വിളക്ക് വെച്ചു... 

ഇതെല്ലാം പുറത്തു നിന്ന് നന്ദു കാണുന്നുണ്ടായിരുന്നു....അവനു വലിയ സന്തോഷം തോന്നി....അവനും ഋതുവിനെ നല്ല ബോധിച്ചു...

അത് കഴിഞ്ഞു അവൾ തന്നെയാണ് ഭാനുന് ഭക്ഷണം വാരി കൊടുത്തത്..അവരുടെ മുഖം എല്ലാം ക്ലീൻ ചെയ്തു... ടോയ്‌ലെറ്റിൽ പോകാൻ ഹെല്പ് ചെയ്തു... എല്ലാം കഴിഞ്ഞു ബെഡിലേക്ക് കിടത്തി.. 

ഈ കാഴ്ച കണ്ടാണ് നന്ദു ആ റൂമിലേക്ക് കയറി വരുന്നത്..

ആഹാ കെയർ ടേക്കർ അപ്പോയിന്മെന്റ് ഓർഡർ കൈപറ്റി ജോലിക്ക് ജോയിൻ ചെയ്തല്ലോ...

അവൾ ഒന്ന് പുഞ്ചിരിച്ചതെ ഉള്ളൂ...

തനിക്ക് വിരോധമില്ലെങ്കിൽ ഫ്ലാസ്കിൽ ഒഴിച്ച് റൂമിലേക്ക് രണ്ട് കട്ടൻ കാപ്പി തരുമോ????കുറെ പെന്റിങ് വർക്ക്‌ ഉണ്ട്...

തരാം അവിടെ കാണുമോ??? ഇല്ല.. അവിടെ വെച്ചേരെ...

അച്ഛാ എവിടെ അമ്മേ??


കണ്ടില്ലഡാ വെളിയിൽ അങ്ങാനും കാണും...ഇപ്പോൾ ഫ്രീ അല്ലെ ആൾ...

പൊമ്മ അച്ഛക്ക് അമ്മ ഇല്ലാതെ വല്ലോം ഇണ്ടോ???

അത് ശരിയാ...

പിന്നെ ഋതു ഫുൾ ടൈം എന്നേ
നോക്കി സമയം കളയാനൊന്നും ഞാൻ സമ്മതിക്കില്ല..

പിന്നെ...

എത്രയും പെട്ടെന്ന് നിനക്കിഷ്ടമുള്ള കോഴ്സിനു ജോയിൻ ചെയ്തോണം എവിടന്ന് വെച്ചാൽ...

അവൾ ഒന്നും മനസിലാകാത്തത് പോലെ അവരുടെ മുഖത്തേക്ക് നോക്കി....

അത് പെണ്ണെ നീ ഇപ്പോൾ പ്ലസ് ടു കഴിഞ്ഞു നിൽക്കുകയല്ലേ.. ഡിഗ്രി ക്ക് ജോയിൻ ചെയ്യുന്ന കാര്യമാ പറഞ്ഞത്..

അത് വേണ്ട മാഡം ഞാൻ ഇവിടെ താമസിക്കുന്നത് തന്നെ ഒരു അധിക പറ്റാ... പിന്നെ ഡിഗ്രി ക്കൊക്കെ പഠിക്കാൻ കൊറേ പൈസ വേണം....

അതൊക്കെ പിന്നെ നിങ്ങൾക്കും ഭാരമാകും.....

ആരാ പറഞ്ഞത് ഡിഗ്രിക്ക് പഠിക്കാൻ കുറെ പൈസ വേണം എന്ന്??

മാമി..

ആ ബെസ്റ്റ്...-നന്ദു ഇടക്ക് കയറി പറഞ്ഞു 

എല്ലാ ചിലവും ഞാൻ നോക്കിക്കോളാം...

പക്ഷെ. ഞാൻ.....

ഒരു പക്ഷെയും ഇല്ല.... മര്യാദക്ക് ഞാൻ പറയുന്നതങ്ങു അനുസരിച്ചോ..,


നാളെ തന്നെ അച്ചുവേട്ടനെ കൂടെ വിടാം...

ഏതാ ഇഷ്ടമുള്ള സബ്ജെക്ട്???

അത്...

മടിക്കാതെ പറഞ്ഞോളൂ കുട്ടി.....

അത്.....സുവോളജി....സുവോളജി ആണ് എനിക്ക് ഏറ്റവും ഇഷ്ടം.....

നന്ദു ഇവിടെ ഗേൾസിൽ ബി എസ് സി സുവോളജി ഉണ്ടോ????

ഉണ്ടന്ന് തോന്നുന്നു...

ഉണ്ടങ്കിൽ ഉറപ്പായും നോക്കാം... ഇല്ലെങ്കിൽ
വേറെ സബ്ജെക്ട് നോക്കേണ്ടി വരും... ദൂരെ മോളെ വിടാൻ പേടി ആയിട്ട...ആരേലും തിരക്കി വന്നാലോ....

ഇവിടെ ആകുമ്പോൾ നന്ദുന്റെ സ്റ്റേഷന്റെ അടുത്തല്ലേ... അവന്റെ ഒരു കണ്ണ് എപ്പോഴും അവിടെ കാണും.,പേടിക്കാൻ ഒന്നുമില്ല പിന്നെ.അല്ലേടാ.....

അതെ അമ്മേ...


അവൾക്ക് വലിയ സന്തോഷമായി ഇതൊക്കെ കേട്ടപ്പോൾ...



💕💕💕💕💕💕💕💕💕

അച്യുതനെ തേടി വന്നതായിരുന്നു നന്ദു.   ആൾ വീടിന്റെ പുറകിൽ എവിടേയോ നിൽപ്പുണ്ട്.... സിഗററ്റ് എരിയുന്ന സ്മെല്.....

അവൻ അതിന്റെ പുറകെ പോയപ്പോഴാണ് സിഗററ്റ് ആസ്വദിച്ചു വലിക്കുന്ന അച്യുതനെ കാണുന്നത്..

അവൻ ഓടി ചെന് ആ സിഗറേറ്റ് എടുത്ത് ദൂരേക്ക് എറിഞ്ഞു. ഇതിനായിരുന്നു അല്ലെ ഓടി ഇങ്ങോട്ട് വന്നത്???

ആ അതെ.... ദുഷ്ട നീ അത് വേസ്റ്റ്‌ ആക്കില്ലോ. ചെ..കൊതി തീർന്നില്ല.,..
കൊതിക്കാൻ ഇതെന്താ ഐസ് ക്രീമോ.  അല്ല

കുഴിമന്തി.....കണ്ടില്ലേ പുക.....

ഓ...അവന്റെ ഒരു മന്തി...അവനു വരാൻ കണ്ട സമയം....


ഓ... അച്ഛാ ഒരു കാര്യം ചോദിക്കാൻ ആയിരുന്നു.....ആ കൊച്ചെങ്ങനെ ഉണ്ട്.???

കൊള്ളാം അടിപൊളി..നല്ല വീറും വൃത്തിയും ഒക്കെ ഉള്ള കുട്ടി... പാവമാ.. എനിക്കൊരുപാട് ഇഷ്ടമായി...

അമ്മയും ഇങ്ങനെ തന്നെയാ പറയുന്നത് ഇവളെ ഇഷ്ടയെന്ന്...


ഇങ്ങനെ ഫുൾ അമ്മേയെ നോക്കാൻ ഇവിടെ നിർത്തണോ???

നീ എന്താ ഉദ്ദേശിക്കുന്നത്??

അത് തുടർന്ന് പഠിക്കുന്നെങ്കിൽ പഠിച്ചോട്ടെ അല്ലെ അച്ഛന്റെ അഭിപ്രായം എന്താ. 

എനിക്കും അത് തന്നെയാ അഭിപ്രായം.. ആരോരുമില്ലാത്ത ആ കുട്ടിയൊക്കെ സ്വന്തം കാലിൽ നിൽക്കണം.. അതാണ് വേണ്ടത്......
എങ്കിൽ അവൾക്കിഷ്ടമുള്ള കോഴ്സ് ചോദിക്ക് എന്നിട്ട് അഡ്മിഷൻ എടുക്കണം...

സുവോളജി ഭയങ്കര ഇഷ്ടക്മാണെന്ന് അമ്മയോട് പറയുന്നത് കേട്ടു....

എങ്കിൽ നീ നാളെ ഒന്ന് തിരക്കാണെ...

ശരി അച്ഛാ...


പഠിക്കാൻ വലിയ ഇഷ്ടമാണെന്നാണ് എനിക്ക് തോന്നുന്നത്...വീട്ടിലെ അവസ്ഥായല്ലേ??നല്ല കഴിവുള്ള കുട്ടിയ....

പിന്നെ ഈ സിഗററ്റ് അതങ്ങ് കളഞ്ഞൂടെ.....


ഇല്ല അത് മാറ്റില്ല.. ഡാ വേറൊന്നും ഇല്ലല്ലോ ഇത് മാത്രമല്ലേ ഉള്ളൂ... പിന്നെന്താ...???

അവർ അകത്തേക്ക് പോയി....


അച്യുതനും നന്ദുവും ഫുഡ്‌ കഴിക്കുകയായിരുന്നു...

ആഹാ നല്ല കറി.. ഇതാരാ വെച്ചത്...

അത് ഋതു ആണ്...

കൊള്ളാം കേട്ടോ... ഇനി തൊട്ട് വായിക്ക് രുചിയായി വല്ലതും കഴിക്കാം...
ഡാ ഇത്ര ദിവസം നിങ്ങൾക്ക് ഞാൻ മണ്ണാണോ കുഴച്ചു തന്നത്???എന്റെ കറിക്ക് ടേസ്റ്റില്ല പോലും...

അയാൾ കെറുവിചിരിന്നു...
നന്ദു ന് ആകെ ചിരി പൊട്ടി.....

ചിരിച്ചാൽ അയാൾ പിന്നെ വെച്ചേക്കില്ല എന്നറിയാവുന്നതു കൊണ്ട് അവൻ തികട്ടി വന്ന എക്സ്പ്രസ്സഷൻസിനെ മൂടോടെ വീഴുങ്ങി...

വേഗം പത്രമൊക്കെ കഴുകി ഒതുക്കീട്ട് കിടക്കാൻ പോയി.. പക്ഷെ സന്തോഷം കൊണ്ട് അവൾക്കു ഉറങ്ങാൻ കഴിഞ്ഞില്ല.. ഞാനും കോളേജിൽ പോകാൻ പോകുന്നു...

ആ സത്യം എത്ര മനസ്സിൽ കുഴിച്ചു മൂടിയിട്ടും ആ മൂടി തുറന്ന് പതഞ്ഞു പതഞ്ഞു പുറത്തേക്ക് വന്നു കൊണ്ടേ ഇരുന്നു....

സന്തോഷം കൊണ്ട് അവൾക്കൊന്ന് തുള്ളി ചാടണം എന്നു തോന്നി
..

പുതിയ സ്വപ്‌നങ്ങൾ കണ്ട് അവൾ പതിയെ ഉറക്കത്തിലേക്ക് വഴുതി വീണു...
(തുടരും )