അപ്പനോട് അങ്ങനെ പറഞ്ഞതിന് ശേഷം ആൻ ആ റൂമിൽ നിന്നും പുറത്തേക്ക് പോരുന്നു.
ആൻ പറഞ്ഞത് കേട്ട് വിഷമിച്ചിരിക്കുന്ന ജോസഫിനെ  സ്റ്റീഫൻ സമാധാനപ്പെടുത്തുന്നു.

\"നീ വിഷമിക്കാതെ, എല്ലാത്തിനും നമുക്ക് പരിഹാരം ഉണ്ടാക്കാം.\"

അന്നേ ദിവസം കോളേജിലേക്ക് വരുന്ന റിച്ചു ദിയയെ കാണുകയും, അവളെ നോക്കി ചിരിക്കുകയും ചെയ്യുന്നു .

എന്നാൽ  അവൾ  കണ്ടിട്ടും ചിരിക്കാതെ മനപ്പൂർവ്വം അത് കാണാത്തത് പോലെ അവനെ അവോയ്ഡ് ചെയ്ത് നടന്നു പോകുന്നു.
അത് കണ്ട റിച്ചു മനസ്സിൽ പറയുന്നു.

! ഓഹ്, ജാടയാണല്ലേ......
മം...., കാണിച്ചു തരാം. !

ഉച്ചക്ക് ലഞ്ച് ബ്രെക്കിന്റ സമയത്ത്  ദിയ അവനറിയാതെ അവനെ കാണുന്നതിനായി റിച്ചു   എപ്പോഴും നിൽക്കുന്ന ഇടത്തേക്ക് വരുന്നു.

എന്നാൽ അവൻ അവിടെ ഇല്ലായിരുന്നു .
അവൾ അവിടെയെല്ലാം കണ്ണോടിച്ചു.

! ഇത് എവിടെപ്പോയി....!

  എന്നാൽ റിച്ചു മറഞ്ഞു നിന്ന് ഇതൊക്കെ  കാണുന്നുണ്ടായിരുന്നു. 

അവിടെ ഒരിടത്തും റിച്ചിവിനെ കാണാത്തത് കൊണ്ട് ദിയ  അവിടെ നിന്നും പോകാൻ തുടങ്ങുന്നതും 
റിച്ചു പിന്നാലെ ചെന്ന് അവളെ വിളിക്കുന്നു.

\"ഹലോ......
എന്നെയാണോ ആ മിഴികൾ
തേടുന്നത്....\"

\" പിന്നെ....,
തേടാൻ പറ്റിയ ആള്... \"

\" എന്തിനാടോ ഇങ്ങനെ കള്ളം പറയുന്നേ, ആ സുന്ദരമായ മിഴികൾ  എത്രനേരമായി എന്നെ തിരഞ്ഞു  കഷ്ടപ്പെടുന്നു.

അത് കണ്ടപ്പോൾ സഹിക്കാൻ കഴിയാതെ...,
ഈ പാവപ്പെട്ടവൻ വന്നതാ.....\"

\"എന്റെ മിഴികൾ പലരെയും തേടും,  അത് കണ്ട് ഈ പാവപ്പെട്ടവൻ വെറുതെ കഷ്ടപ്പെടേണ്ട....\"

\"ഓക്കേ...,
അല്ല എന്നെ കാണാൻ അല്ലെങ്കിൽ പിന്നെ എന്തിനാ ഇവിടേക്ക് വന്നത് \"

\"അത് കൊള്ളാം,
ഇവിടെ വരുന്നതിനു  ഇനിയിപ്പോൾ ഇയ്യാളുടെ പെർമിഷൻ വേണോ..\"

\"എന്നാലും... 
എന്നെ കാണാൻ വന്നതാണെന്ന് സമ്മതിച്ചു തരില്ല അല്ലേ. 
ഓക്കേ , ഞാൻ വിശ്വസിച്ചു.\"

റിച്ചുവിനോട് സംസാരിച്ചു കഴിഞ്ഞു ദിയ അവിടെ നിന്നും പോകുന്നു.  കുറച്ചു ദൂരം  നടന്നു കഴിഞ്ഞ് ദിയ തിരിഞ്ഞു  നോക്കുമ്പോൾ  ദിയയെ  തന്നെ നോക്കി നിൽക്കുന്ന റിച്ചുവിനെ കാണുന്നു.

ദിയെ കാണുന്നതും റിച്ചു ചിരിക്കുന്നു. ആകെ ചമ്മി നാറി ദിയ തിരിയുന്നു. അതിനു ശേഷം മനസ്സിൽ കരുതുന്നു. 

! കർത്താവെ  നാണം കെട്ടു. !

\"റിച്ചു വീണ്ടും അവളുടെ പിന്നാലെ വരുന്നു. \"

\"ദിയ......\"

\"വിളികേട്ട് ദിയ തിരിഞ്ഞു
നോക്കുന്നു. \"

\"എന്താ...\"

അവൻ ഷർട്ടിന്റെ പോക്കറ്റിൽ നിന്നും ഒരു ഡയറി മിൽക്കിന്റെ  ചോക്ലേറ്റ്  എടുത്ത് ദിയക്ക്  നേരെ നീട്ടുന്നു. 

എന്നാൽ അവൾ അത് വാങ്ങാൻ കൂട്ടാക്കാതെ മടിച്ചു നിൽക്കുന്നു.

\"പിടിക്കടോ....
ഇന്നെന്റെ ബർത്ത്ഡേ ആണ് അതുകൊണ്ടാണ് മിട്ടായി തന്നത്.\"

\"റിച്ചു അങ്ങനെ പറഞ്ഞത് കൊണ്ട് ദിയ ആ മിട്ടായി വാങ്ങുന്നുണ്ടെങ്കിലും അവനെ വിഷ് ചെയ്യാതെ പോകാൻ തുടങ്ങുന്നു. \"

\"അല്ല പോകുവാണോ, ഒന്ന് വിഷ് എങ്കിലും ചെയ്യടോ....\"

\"വിഷ് ഒക്കെ ബര്ത്ഡേ
ആകുമ്പോൾ തരാം. \"

റിച്ചു കള്ളം പറഞ്ഞു മിടായി കൊടുത്തതാണെന്നു ദിയക്ക് മനസ്സിലാകുന്നു. 

ഇതൊക്കെ കണ്ടുകൊണ്ട് അവിടേക്ക് വരുന്ന   അഞ്ജുവും, ഫർസാനയും റിച്ചുവിനോട് സംസാരിക്കുന്നു. 

\"എന്താ വിശേഷം,മിടായിയൊക്കെ കൊടുക്കുന്നുണ്ടല്ലോ \"

\"ഈ പാവപ്പെട്ടവന്റെ ബർത്ഡേ
ആണേ\"

\"ഓഹ്, ഹാപ്പി ബർത്ഡേ....\"

\"താങ്ക്യൂ.... \"

\"അല്ല ഞങ്ങൾക്ക്  മിടായി ഇല്ലേ\"

\"അതേ,
നിങ്ങൾക്കുള്ളത് ഞാൻ ശെരിക്കുള്ള ബര്ത്ഡേയ്ക്ക് തരാം\"

\"ഓഹ്...,
മനസ്സിലായി..., ഇങ്ങനെ ആണെങ്കിൽ വർഷത്തിൽ ഒരുപാട് ബര്ത്ഡേ ആഘോഷിക്കേണ്ടി വരുമല്ലോ...\"

\"പിന്നെ.....,
ആൾക്കിപ്പോൾ എന്നോട് ചെറിയ ഇഷ്ടമൊക്കെ
തോന്നിത്തുടങ്ങിയിട്ടുണ്ട്. \"

\"എന്ന് അവള് ഇയ്യാളോട് പറഞ്ഞോ \"

\"പറയുന്നതെന്തിനാ, അതൊക്കെ ഒരാളുടെ പെരുമാറ്റത്തിൽ നിന്നും മനസ്സിലാക്കാവുന്നതല്ലേ ഉള്ളു. 
പിന്നെ ഈ കാര്യത്തിൽ നിങ്ങളുടെ സപ്പോർട്ടും ഞാൻ പ്രതീക്ഷിക്കുന്നു. \"


\"അത് പ്രേതീക്ഷിക്കുകയേ വേണ്ട.., 

പിന്നെ അവള് തന്നോട് കാണിക്കുന്ന ഈ അടുപ്പം കണ്ടിട്ടാണെങ്കിൽ അത് ഒരു ഫ്രണ്ട് എന്ന് രീതിയിൽ മാത്രമാണ്.അതുകൊണ്ട് വെറുതെ മോൻ കിനാവ് കാണേണ്ട...\"

\" എന്തായാലും ഇത് വരെ ഞാൻ കൊണ്ടെത്തിച്ചില്ലേ. നിങ്ങൾ നോക്കിക്കോ ഉടനെ തന്നെ അവളെന്നോട് ഇഷ്ടാണെന്ന്
വന്നു പറയും\" 

\"മം..,
നോക്കാം...
ഫർസു വാ നമുക്ക് പോകാം \"


അന്നേദിവസം വൈകുന്നേരം ആനിന്റെ കൂടെ വർക്ക്‌ ചെയ്തിരുന്ന ചേച്ചി ആനിന്റെ  വീട്ടിലേക്ക് വരുന്നു.

\"ആഹാ ആരാ ഇത്,...\"

\"ചേച്ചി ഇങ്ങോട്ടേക്കു തന്നെയാണോ വന്നത്.....\".

\"അതേടോ, തന്റെ 
അപ്പനെ ഒന്ന് കാണാൻ.\"

\"ചേച്ചി വാ.....\"

ആൻ ചേച്ചിയെ അകത്തേക്കു കൂട്ടികൊണ്ട് പോകുന്നു. 

ആനിന്റെ അപ്പനെ കണ്ട് സംസാരിച്ചതിന് ശേഷം , ആൻ കൊണ്ടുവന്നു കൊടുത്ത ചായ കുടിച്ചതിനു ശേഷം വീടിന് പുറത്തേക്ക് ഇറങ്ങിയ ചേച്ചി,
ആനിന്റെ മുഖം വല്ലാതിരിക്കുന്നത് കണ്ട് അവളോട്‌ ചോദിക്കുന്നു. 

\"ഞാൻ വന്നപ്പോൾ മുതൽ ശ്രദ്ധിക്കുവാണ് , നിന്റെ മുഖമെന്താ വല്ലാതിരിക്കുന്നെ,

റിച്ചുവുമായി പിണങ്ങിയോ, അതോ നീയും അപ്പന്മായിട്ട് എന്തെങ്കിലും പ്രശ്നമുണ്ടോ. \"


\"ഒരു പ്രശ്നമുണ്ട് ചേച്ചി...\"

ആൻ  തലേ ദിവസം നടന്ന കാര്യങ്ങളൊക്കെ ചേച്ചിയോട് പറയുന്നു.
അതൊക്കെ കേട്ടുകഴിഞ്ഞ് 

\"നീ എന്ത് മണ്ടത്തരമാ ആൻ കാട്ടിയത്. 
ആന്നേരം നിനക്ക് പറഞ്ഞൂടായിരുന്നോ നീ സ്നേഹിക്കുന്നത് റിച്ചുവിനെ ആണെന്ന്.\"

\"ആ സമയം എന്ത് ചെയ്യണമെന്ന് അറിയാതെ  ഞാൻ ആകെ കൺഫ്യൂസ്ഡ് ആയിപ്പോയി.\'

\"നീ ചെയ്തത് ശുദ്ധ മണ്ടത്തനമാണെന്നേ ഞാൻ പറയു...
ഇനി നിനക്ക് ഇങ്ങനൊരു അവസരം കിട്ടുമോ..\"

\"ചേച്ചി ഇത് എന്ത് അറിഞ്ഞിട്ടാ,....\'

\"അവന്റ അച്ഛൻ പറഞ്ഞതും, അവൻ പറഞ്ഞതുമൊക്കെ എന്റെ മനസ്സിൽ ഇങ്ങനെ കിടക്കുവായിരുന്നു.

ആ സമയം ഞാൻ സ്നേഹിക്കുന്നത് റിച്ചു വാണെന്ന് അറിഞ്ഞാൽ എന്താകുമായിരുന്നു അവസ്ഥ.

ഞാനും, അവനും ചേർന്ന് എല്ലാവരെയും പറ്റിച്ചെന്നു  അവർ കരുതില്ലേ...,

അറിയാത്ത കാര്യത്തിന് അവനും കൂടി എനിക്കൊപ്പം പ്രതിയാകില്ലേ .

പിന്നെ റിച്ചുവിനെ അവന്റെ അച്ഛൻ വീട്ടിൽ നിന്നും പുറത്താക്കും, അ
അങ്ങനെ സംഭവിച്ചാൽ വൻ എന്നന്നേക്കുമായി എന്നോട് പിണങ്ങും. 

പിന്നെ അവനെ ഒരിക്കലും എനിക്ക് കിട്ടില്ല. ഞാൻ പറയുന്നത്  ഒന്ന് കേൾക്കാൻ പോലും അവൻ തയ്യാറാകില്ല . 

എല്ലാം അറിഞ്ഞു വെച്ചുകൊണ്ട് അങ്ങനൊരു മണ്ടത്തരം കാണിക്കാൻ എനിക്ക് തോന്നിയില്ല...\"

\"നീ പറയുന്നതൊക്കെ ശെരിയാണ് പക്ഷേ....\"

\"ഒരു പക്ഷേയും ഇല്ല ഞാൻ ചെയ്തത് തന്നെയാ ശെരി.. 

പിന്നെ അങ്കിൾ അങ്ങനെയൊക്കെ പറഞ്ഞത് ചിലപ്പോൾ ഞങ്ങളുടെ കുടുംബങ്ങൾ തമ്മിൽ പിണങ്ങാതിരിക്കാൻ വേണ്ടിട്ടാവും. \"

\"അതൊക്കെ ശെരിയാ , സമ്മതിച്ചു.
  നീ പറഞ്ഞത് വെച്ചു നോക്കുവാണെങ്കിൽ റിച്ചുവിന്റെ മനസ്സിൽ  നീ കരുതുന്നത് പോലൊരു ഇഷ്ടം നിന്നോട് ഇല്ലെന്നാണ് എനിക്ക് തോന്നുന്നത് .

ഞാൻ വീണ്ടും നിന്നോട് പറയുകയാണ് 
നിന്റെ ഉള്ളിലുള്ളത് അവനോട്  നീ ആദ്യം പറയാൻ നോക്ക് 

അവസാനം അവൻ വേറൊരു അഫയറിൽ വല്ലതും ചെന്ന് പെട്ടിട്ട് കരഞ്ഞിട്ട് കാര്യമില്ല. \" 

\"ചേച്ചികൂടി എന്നെ ഇങ്ങനെ വിഷമിപ്പിക്കല്ലേ...,\"

\" നിന്നെ വിഷമിപ്പിക്കാനായി പറഞ്ഞതല്ല.  മറിച്ചു പിന്നെ ഇതോർത്തു നീ വിഷമിക്കാതിരിക്കാൻ വേണ്ടിട്ടാണ് പറയുന്നത്. ഇനിയും വൈകരുത് എത്രയും വേഗം അവനോട്
നീ പറയണം. \"


                              തുടരും.......