അവളുടെ അമ്മ മാളുവിനെ അടുത്തുള്ള സ്കൂളിൽ ചേർത്തു..

പകലെല്ലാം അവളുടെ അമ്മ പല വീട്ടിലും വേലയ്ക്ക് പോകും ..

അവർ ഭർത്താവിന്റെ പിരിഞ്ഞു പോവൽ പണ്ടേ അംഗീകരികരിച്ചത് കൊണ്ട് അതൊരു പ്രശ്നമായി ജീവിതത്തിൽ ബാധിച്ചില്ല..

അവൾ ജോലിയ്ക്ക് പോകുന്നുണ്ടെങ്കിലും അവരെ ചുറ്റി പറ്റി എപ്പോഴും ആണുങ്ങളുടെ കണ്ണ് അവരിൽ ഉണ്ടായിരുന്നു...

(അത് അങ്ങനെ ആണല്ലോ ഒരാൾ ഒരു കൊല ചെയ്താൽ അയാൾ ആയുഷ് കാലം കൊലയാളി.. അതു പോലെ തന്നെയാണ് ശരീരം വിൽക്കേണ്ടി വരുന്നരുടെ അവസ്ഥ. ഒരിക്കലും അവർക്ക് അതിൽ നിന്നും മോചനമില്ല..)

ആ നാട്ടുകാർക്ക് മാളുവിനെയും അമ്മയെയും വലിയ കാര്യമായിരുന്നു.. സ്ത്രീകൾ അവരെ നന്നായി സഹായിച്ചിരുന്നു.. ഒറ്റയ്ക്ക് ഒരു ഒരു പെണ്ണും കുഞ്ഞും ജീവിക്കുന്നത് ആ സ്ത്രീകളിൽ അവരോടുള്ള അനുകമ്പ കൂട്ടി..

എന്നാൽ അതിന് അധികം ആയുസ്സുണ്ടായിരുന്നില്ല.. ആ സ്ത്രീകളുടെ ഭർത്താക്കന്മാർ അവളോട്‌ കൂടെ ആ വീട്ടിൽ പോക്ക് വരവ് തുടങ്ങിയപ്പോൾ.. സ്ത്രീകൾ ഇടഞ്ഞു.. അതൊന്നും ആ സ്ത്രീ കാര്യമാക്കിയില്ല.. തന്ന സഹായവും കിട്ടിയ കരുതലും പെട്ടന്ന് മറന്നു..

പുരുഷന്മാർക്കെല്ലാം അവളെ വലിയ ഇഷ്ടവും സ്ത്രീകൾക്കെല്ലാം അനിഷവുമായിരുന്നു.. അവളെ കാണുമ്പോൾ അവർ മുഖം തിരിച്ചു..

അവൾ വീണ്ടും തെറ്റിലേയ്ക്ക് തിരിഞ്ഞു..
മാളുവിനെ ശ്രദ്ധിക്കാൻ ആ അമ്മയ്ക്ക് സമയമില്ലാതായി.. അവരുടെ മനസ്സ്  പുരുഷൻ നൽക്കുന്ന സുഖം മാത്രം തിരഞ്ഞു നടന്നു..

വരുന്നവർ പിന്നെ പത്തു വയസുള്ള മാളുവിലെയ്ക്കും നോട്ടം വെച്ചു തുടങ്ങി..പലരും അവളെ ഉപദ്രവിക്കാൻ ശ്രമിച്ചു കൊണ്ടിരുന്നു..

ആ കുഞ്ഞ് ഹൃദയം പേടി കൊണ്ട് വിറയ്ക്കാൻ തുടങ്ങി.. പലപ്പോഴും മാളു രാത്രി പുറത്ത് ഇരുട്ടിൽ ഒളിച്ചിരുന്ന് നേരം വെളുപ്പിക്കും..അവളുടെ അമ്മയോടുള്ള ദേഷ്യം ആ കുഞ്ഞിനോട് ആ നാട്ടിലെ സ്ത്രീകൾ കാണിച്ചു..അവരുടെ വീട്ടിലേയ്ക്ക് ആദ്യമൊക്കെ ഓടി കയറുമായിരുന്നു.. ആ കുഞ്ഞിനെ ആ വീട്ടുകാർ ആട്ടി ഓടിയ്ക്കും...

അവളുടെ കണ്ണിൽ പോക്കേ പോക്കേ പേടി മാറി ഒരു വൈരാഗ്യം ഉടലെടുത്തു..എല്ലാവരോടും ആ കുഞ്ഞ് മനസ്സ് വെറുപ്പ് സൂക്ഷിച്ചു..

മാളുവിന്റെ 14 വയസിൽ അമ്മയുടെ ചൂട് പറ്റാൻ വന്ന ഒരാൾ അമ്മയ്ക്ക് ഭർത്താവായി..

അയാളുടെ വീട്ടിൽ എത്തിയത് മുതൽ അമ്മ ഒരു വീട്ടമ്മയായി മാറി.. അയാളുടെ രണ്ടു മകൾക്കും നല്ല അമ്മയായി..

മാളു സമാധാനിച്ചു.. എല്ലാം ശരിയായി എന്നു കരുതുമ്പോളാണ്..
അച്ഛന്റെ സ്ഥാനത്തേയ്ക്ക് വന്ന അയാൾ  മാളുവിനെ ഉപദ്രവിക്കാൻ തുടങ്ങിയത്..

അവൾ അപ്പോഴേയ്ക്കും പൂർണമായും ഒരു പുരുഷ വിരോധിയായി മാറിയിരുന്നു..

അമ്മയോട് പരാതി പറഞ്ഞപ്പോൾ തന്റെ സൗഭാഗ്യങ്ങൾ നീ തകർക്കരുത് എന്ന് പറഞ്ഞ് ആ മകളെ തള്ളി കളഞ്ഞു..

അയാൾ എത്ര ശ്രമിച്ചിട്ടും മാളു വഴങ്ങുന്നില്ല എന്ന് കണ്ടപ്പോൾ വീട്ടിൽ നിന്നും പുറത്താക്കാനുള്ള പദ്ധതികൾ ആലോചിച്ചു..

മാളു ചിരിക്കാൻ മറന്ന നാളുകൾ.. അയാളോടുള്ള ദേഷ്യം തീർത്തത് അയാളുടെ എട്ടു വയസുള്ള കുഞ്ഞിനെ കിണറ്റിൽ തള്ളി ഇട്ടാണ്..ആ കുട്ടിയുടെ ഭാഗ്യത്തിന് വഴിയേ പോവുന്നവർ കണ്ട് കുഞ്ഞിനെ രക്ഷിച്ചു..


അങ്ങനെ കേസും കൂട്ടാവുമായി മാസങ്ങൾ കടന്നു പോയി..

അപ്പോഴാണ് അവളുടെ ടീച്ചർ കാര്യങ്ങൾ അറിഞ്ഞു വരുന്നത്..

ടീച്ചർ മാളുവിനെ പറ്റി പറഞ്ഞ് കഴിഞ്ഞ് മനോഹറിനെ നോക്കി.. അവന്റെ കണ്ണുകൾ കലങ്ങി ഇരുന്നു..

\"ടീച്ചർ.. എനിക്ക് മാളുവിനെ ഒരുപാട് ഇഷ്‌ടാ.. എന്റെ ഇഷ്‌ടത്തിന് എന്റെ വീട്ടുകാർ എതിര് നിൽക്കില്ല.. ഇനി നിന്നാലും ഞാൻ ഇതിൽ നിന്നും പിന്മാറില്ല..\"

അവന്റെ ഉറച്ച സംസാരം കേട്ടപ്പോൾ ടീച്ചർ കൈകൾ കൂപ്പി നിന്നു..

\"സാർ... സാർ അവളുടെ ഭാഗ്യമാണ്...\"

അവിടെന്ന് ഇറങ്ങുന്നത് മുൻപ് മാളുവിന്റെ സമ്മതം ടീച്ചർ മേടിച്ചിരുന്നു..

പിന്നെ മനോഹർ അമ്മയുടെ സമ്മതത്തോടെ കല്യാണം ഉറപ്പിച്ചു..

ഓഗസ്റ്റ് 30 സൺ‌ഡേ മനോഹറിന്റെയും മാളവികയുടെയും കല്യാണം..

നാടറിഞ്ഞു കല്യാണം നടത്തി..

അങ്ങനെ അവരുടെ ജീവിതം ആരംഭിച്ചു...

മനോഹർ മാളുവിനെ സ്നേഹം കൊണ്ട് മൂടി.. മനോഹറിന്റെ അമ്മ മകളുടെ കൂടെ കാനഡയിലാണ് താമസിക്കുന്നത്...വല്ലപ്പോഴും വന്നു പോവുന്ന ആ അമ്മ മരുമകളുടെയും മകന്റെയും സ്നേഹം കണ്ട് സന്തോഷിച്ചു..

മനോഹർ പോയാൽ മാളു ഒറ്റയ്ക്ക് ഇരുന്ന് ബോറടിച്ചിരിക്കുന്നത് കണ്ടപ്പോൾ മനോഹർ അവളെയും കൂടെ ഓഫീസിലേയ്ക്ക് കൂട്ടി..

അവന്റെ തന്നെ റൂമിൽ അവളെ ഇരുത്തി..

ദിവസങ്ങൾ കഴിയും തോറും മാളു  അസ്വസ്ഥത കാണിച്ചു തുടങ്ങി..

മനോഹർ ഓഫീസിലുള്ള സ്ത്രീകളോട് മിണ്ടുന്നതു പോലും അവൾ വിലക്കാൻ തുടങ്ങി..ഓഫീസ് സ്റ്റാഫിന്റെ മുന്നിൽ വെച്ചു പോലും ചീത്തയും വഴക്കും നിത്യ സംഭവമായി..

മനോഹർ സ്നേഹത്തോടെ അവളെ തിരുത്താൻ ശ്രമിച്ചു കൊണ്ടിരുന്നു..എന്നാൽ അവളുടെ ബോധ മണ്ഡലത്തിൽ അതൊന്നും കയറിയില്ല.. തന്നെ മനോഹർ സ്നേഹം കാണിച്ചു ചതിക്കുന്നുവെന്ന് അവൾ ആഴത്തിൽ കരുതി..

വീട്ടിൽ എത്തിയാൽ അവന് അവൾ സമാധാനം കൊടുക്കാതെ ഓഫീസിലെ സ്ത്രീകളെ കൂട്ടി പറയാൻ തുടങ്ങും..

പിന്നെ പിന്നെ അവളെ അവൻ കൂട്ടത്തായി..എന്നാൽ അതിന്റെ പ്രതികാരം അവൾ കൈയിൽ കിട്ടുന്നത് വെച്ച് അവനെ തല്ലാൻ തുടങ്ങി..

താൻ ശരിക്കും പെട്ടുവെന്ന് മനോഹർ മനസ്സിലാക്കി.. പലവട്ടം അവളുടെ ആക്രമണത്തിൽ നിന്നും കഷ്ടിച്ചു രക്ഷപ്പെട്ടു..

ഒരിക്കലും അവൾ നോർമൽ ആവില്ലെന്ന് അവൻ വിധി എഴുതി..

\"എന്റെ തല തല്ലി പൊളിച്ചു അവൾ സന്തോഷിച്ചു.. അന്ന് ഓടിയത് കൊണ്ടാണ് ഞാൻ രക്ഷപെട്ടത് ലെന അല്ലെങ്കിൽ ഞാൻ മരിച്ചു പോയേനെ...\"

അവൻ പറഞ്ഞ് നിർത്തി...

\"പോട്ടേ എന്തായാലും അവൾ പോയല്ലോ...\"

ലെനയ മനോഹറിനെ സമാധാനിപ്പിച്ചു കൊണ്ട് പറഞ്ഞു..

\"അതെ പക്ഷെ.. എന്റെ ഗതി ഇനി ആർക്കും വരരുത്.. അതാണ് ഞാൻ ഇങ്ങനെയൊക്കെ ചിന്തിച്ചത്..\"

\"മ്മ്മ്.. പോവാം... വീട്ടിൽ ചെന്നിട്ട് ജയ്മോനെ വിളിക്കാം...\"

അവൾ പറഞ്ഞിട്ട് മുന്നോട്ട് നോക്കി ആലോചനയോടെ ഇരുന്നു..


🌿🌿🌿🌿🌿🌿🌿🌿🌿🌿🌿🌿🌿


ജയ്മോനെ നോക്കി ഡോക്ടർ പറഞ്ഞ് തുടങ്ങി..

\"Mr ജയ്മോൻ തന്റെ വൈഫിന് ഒരു പ്രോബ്ലം ഇല്ല കുറച്ച് കഴിയുമ്പോൾ റൂമിലേയ്ക്ക് മാറ്റം .. ശരീരത്തിൽ പിടിവലിയുടെ ലക്ഷണമൊന്നുമില്ല.. കുഞ്ഞിനും കുഴപ്പമില്ല.. Don\'t  worry..\"

ജയ്മോന്റെ ടെൻഷൻ കണ്ടിട്ട് ഡോക്ടർ പറഞ്ഞു..

\"അപ്പൊ അവൾ തന്നെ അങ്ങനെ ചെയ്യുമോ..\"

\"അറിയില്ല വൈഫ്‌ കണ്ണു തുറക്കട്ടെ.. മരുന്നിന്റെ സെടെഷൻ കഴിയുന്നത് വരെ നന്നായി ഉറങ്ങട്ടെ..ഉണർന്നിട്ട് നമുക്ക് ചോദിച്ചറിയാം അറിയാം.. ഞാൻ അങ്ങോട്ട് വരാം.. അപ്പൊ നമുക്ക് മാളവികയോടെ തന്നെ ചോദിക്കാം..\"

\"Ok ഡോക്ടർ...\"

പുറത്തേയ്ക്ക് നടക്കുമ്പോൾ ജയ്മോൻ സ്വയം ചോദിച്ചു കൊണ്ടിരുന്നു..

\"മാളുവിന്‌ എന്താവും സംഭവിച്ചിരിക്ക.. അവൾ എങ്ങനെ അവിടെ വീണു കിടന്നു...ആ വീട്ടിലെ സകല സാധങ്ങളും അവളാണോ തകർത്തത്...

     തുടരും.....


കഥ ഒരുപാട് നീണ്ടു പോകുന്നുണ്ടോ കൂട്ടുകാരെ ❤️❤️

ഏറെ ഇഷ്‌ടത്തോടെ ഏറെ പ്രണയത്തോടെ നിങ്ങളുടെ സ്വന്തം പൊന്നൂസ് 🌹🌹🌹