ചേച്ചി പറഞ്ഞതൊക്കെ കൂടി കേട്ടപ്പോൾ 
ആനിനു കൂടുതൽ സങ്കടവും, ഉള്ളിൽ സംശയവും കൂടുന്നു.

എത്രയും വേഗം തന്റെ ഇഷ്ടം റിച്ചുവിനോട് പറയാൻ അവൾ തീരുമാനിക്കുന്നു. അടുത്ത ദിവസം രാവിലെ തന്നെ ആൻ റിച്ചുവിനെ കാണാനായി അവന്റ വീട്ടിലേക്ക് വരുന്നു.

അടുക്കളയിൽ ജോലി തിരക്കിലായിരുന്ന റിച്ചുവിന്റെ അമ്മ ആനിനെ കാണുന്നു. 

\"ആ മോളോ, മോളെന്താ കാലത്തെ തന്നെ...., \'

\"ഹേയ്...., ഒന്നുമില്ല അമ്മ,
ഞാൻ വെറുതെ വന്നതാ....\"

\"അപ്പൻ എന്തെടുക്കുവാ മോളെ...\"

\"അപ്പനും, അങ്കിളും കൂടി  നടക്കാൻ പോയേക്കുവല്ലേ....\"


\"ആ....,
ഞാൻ അത് മറന്നു.
മോള് കാപ്പി കുടിച്ചായിരുന്നോ.\"

\"ആ...,  കുടിച്ചു.,
റിച്ചു ഇല്ലേ....., അമ്മ\"

\"അവൻ കുളിക്കുവാ മോളെ...\" 

ആൻ അവിടെ നിന്നും  പതിയെ റിച്ചുവിന്റെ റൂമിലേക്ക് പോകുന്നു. കുളികഴിഞ്ഞു ഇറങ്ങിയ റിച്ചു 
ആനിനെ കാണുന്നതും,  

\"ആ...,
ഇതാരാ...,
നീയെന്താടി രാവിലെ തന്നെ \"

\"നീ എനിക്കൊരു ഹെല്പ് ചെയ്യാൻ നിനക്ക് പറ്റുമോ ,\"

\"എന്ത് ഹെൽപ്പാ...\"

\"നീ ഇന്ന് എന്റെ കൂടെ ഒന്ന്
ഷോപ്പിംഗിന് വരണം \"

\"അത്രയേ ഉള്ളോ, അതിനെന്താ
വരല്ലോ, അല്ല എന്താ പെട്ടന്നൊരു ഷോപ്പിംഗ് \"

\"ഒരു അത്യാവശ്യമുണ്ട്...,
കാര്യം അന്നേരം പറയാം.\"

\"മം...,
വൈകിട്ട് മതിയോ, അപ്പോഴേ ഞാൻ
ഫ്രീ ആകു. \"

\"മം,
നിന്റെ സൗകര്യതിന് അനുസരിച്ചു
മതി.\"

\"എന്നാ പിന്നെ വൈകിട്ട് പോകാം\"

\"ദേ, പറ്റിച്ചേക്കരുത്\"

\"ഇല്ലടി...\"

\"റിച്ചു...., മോനെ..., 
ദേ കഴിക്കാൻ എടുത്തു
വെച്ചേക്കുന്നു.\"

\"നീ കഴിച്ചായിരുന്നോ \"

\"മം... \"

റിച്ചു കഴിക്കാനായി പോകുന്ന സമയം റിച്ചുവിന്റ  ഫോണിലേക്ക് ഒരു കാൾ വരുന്നു. അത് എടുക്കാനായി റിച്ചു എഴുന്നേൽക്കുന്നതും, 

\"കഴിച്ചോണ്ടിരിക്കുമ്പോൾ എഴുന്നേൽക്കണ്ട, ഞാൻ എടുത്തു കൊണ്ട് വരാം \"

ആൻ, ചെന്ന് അത് ആരാണെന്ന്  നോക്കുന്നു 

\"നിന്റെ മേടമാ....\"

\"എന്നാ പിന്നെ  എടുക്കണ്ട, ഞാൻ ഡ്രൈവിങ്ങിലാണെന്നു
കരുതിക്കോളും. \"


\"ടാ റിച്ചു....,
നിന്നോട് ഞാൻ എത്ര തവണ പറഞ്ഞതാ   മൊയ്‌തീനിക്കാന്റെ വിവാഹത്തിനെടുത്ത ഫോട്ടോസ് എനിക്ക് സെന്റ് ചെയ്യാൻ.\"

\"പിന്നെ ഞാൻ അതും ഓർത്തു കൊണ്ടല്ലേ നടക്കുന്നത്. \"

ആൻ പതിയെ റിച്ചുവിന്റെ  ഫോൺ ഗാലറി  തുറന്നു ആ ഫോട്ടോസ് നോക്കുന്നതിനിടക്ക്, അതിൽ ഉണ്ടായിരുന്ന ദിയയുടെ ഫോട്ടോ അവൾ കാണാൻ ഇടയാകുന്നു. 

എൻഗേജ്മെന്റ് ദിവസം ജോജോ എടുത്ത ഫോട്ടോ ആയിരുന്നു അത്.
അത് കണ്ട് ആൻമനസ്സിൽ കരുതുന്നു

!ഈ കുട്ടിയുടെ ഫോട്ടോ എന്തിനാ ഇവൻ സൂക്ഷിക്കുന്നെ.!

അത് ചോദിക്കാനായി  തുടങ്ങുന്നതും  മേരിയുടെ കാൾ വീണ്ടും,  വീണ്ടും വരുന്നതിനാൽ ഒന്നും സംസാരിക്കാൻ നിൽക്കാതെ റിച്ചു പെട്ടെന്ന് അങ്ങോട്ടേക്ക് പോകുന്നു.

\"അമ്മാ ഞാൻ ഇറങ്ങുവാ \"

അതുകൊണ്ട് തന്നെ അതേ പറ്റി ചോദിക്കാൻ ആനിനു കഴിയുന്നില്ല.


അന്നേദിവസം വൈകുന്നേരം റിച്ചുവിനെയും കൂട്ടി ആൻ ഷോപ്പിംഗ് പോകുന്നു.

\"എന്തിനാടി ഇങ്ങോട്ടേക്കു വന്നത്.\"

\"നല്ലൊരു ഷർട്ടും, പാന്റും
എടുക്കണം\"

\"ആർക്കാ....\"

\"അതൊക്കെ ഉണ്ട്.....\"

\"മം.....,
മനസ്സിലായി, എന്തായി സെറ്റ്
ആയോ\"

\"ഇത് വരെ ആയിട്ടില്ല. എന്തായാലും ഞാൻ ഇന്ന് അവനോട് എന്റെ ഇഷ്ടം തുറന്നു പറയാൻ പോകുവാ...\"

\"അത് പൊളിച്ചു,. അപ്പോൾ ഇന്ന്
നിന്റെ കള്ള കാമുകനെ എനിക്ക് കാണാൻ കഴിയും.

ഡ്രസ്സ് എടുക്കാനാണെങ്കിൽ നിനക്ക് ആ മുന്നയുടെ കടയിൽ നിന്നും എടുത്താൽ പോരായിരുന്നോ, അതാകുമ്പോൾ അവനൊരു
സഹായമാകുമായിരുന്നല്ലോ \".

\"അതിനൊക്കെ ഇനിയും സമയമുണ്ടല്ലോ,..\"

അവർ ഡ്രസ്സ് സെലക്ട്‌ ചെയ്യ്ത് കൊണ്ടിരിക്കുമ്പോൾ  അവിടേക്ക്
ദിയയും, കൂട്ടുകാരും വരുന്നു.

ദിയയെ കാണുന്ന റിച്ചു ഓടിച്ചെന്ന് അവളോട് സംസാരിക്കുന്നു.

\"ഹായ്...,
എന്താ ഇവിടെ...\"

\"ഇയ്യാള് എല്ലായിടത്തും ഇണ്ടല്ലോ.......\"

അവർ തമ്മിൽ സംസാരിക്കുന്നത് ആൻ കാണുന്നു . ദിയയെ കാണുമ്പോൾ ആനിനു റിച്ചുവിന്റെ ഫോണിൽ അവളുടെ ഫോട്ടോ കണ്ടത് ഓർമ വരുന്നു. ആൻ വേഗം അവരുടെ അടുത്തേക്ക് ചെല്ലുന്നു.

\"ആരാടാ റിച്ചു , ഇതൊക്കെ\"

\"  ഇവർ പഠിക്കുന്ന കോളേജിലാണ്
മേരി മാം വർക്ക്‌ ചെയ്യുന്നത്.
ഇത്  ദിയ, ഇത് ഫർസാന.
ഫർസാനയെ നിനക്കറിയില്ലേ മൊയ്തീനിക്കാന്റെ ഭാര്യേടെ അനിയത്തിയാ, ഇത് അഞ്ചു.\"

\"ഹായ്...\"

റിച്ചു  അവരെ ആനിനു 
പരിചയപ്പെടുത്തുന്നു. 

\"എന്നാ ശെരി...,
നിങ്ങൾ വന്ന കാര്യം നടക്കട്ടെ....\"

ദിയയും, കൂട്ടുകാരും ഡ്രസ്സ് സെലക്ട്‌ ചെയ്യാൻ പോകുന്നു .  ആനിനൊപ്പം നിന്ന റിച്ചു പതിയെ അവരുടെ പിന്നാലെ പോകുന്നത് കണ്ട് ആനിനു ഡൌട്ട് തോന്നുന്നു. 

\"റിച്ചു....\"

\"എന്താടി...\"

\"ഞാൻ  ഒരു കാര്യം ചോദിച്ചാൽ നീ സത്യം പറയോ \"

\"എന്താടി, നീ കാര്യമെന്താണെന്ന് വെച്ചാൽ പറയ് ...\"

\"നീയും,  ആ കുട്ടിയും തമ്മിൽ എന്തെങ്കിലും ചുറ്റികളിയുണ്ടോ\"

\"ചുറ്റികളിയോ, നീ ഇത് എന്തൊക്കെയാ പറയുന്നേ\"

\"ഒന്നുമില്ലെങ്കിൽ പിന്നെന്തിനാ അവളുടെ ഫോട്ടോ നിന്റെ ഫോണിൽ 
ഇട്ടേക്കുന്നത്. \"

\"നീ അത് കണ്ടായിരുന്നല്ലേ...
എന്നാ ഞാൻ സത്യം പറയാം,
അത് ഞാൻ സ്നേഹിക്കുന്ന കുട്ടിയാ ..
പക്ഷേ, ആള് എന്നെ ഇഷ്ടമാണെന്ന് ഇത് വരെ പറഞ്ഞിട്ടില്ല.\"

റിച്ചു പറഞ്ഞ വാക്കുകൾ  അവളുടെ മനസ്സിനെ കീറി
മുറിക്കുന്നതായിരുന്നു.

\"പിന്നെ,...., 
നീ ഇത്  ഓടി ചെന്ന് റിയ യോടൊന്നും പറയാൻ  നിൽക്കണ്ട, കേട്ടോ \"

\"മം... \"

\"അല്ല നിന്റെ പർച്ചേഴ്‌സ് കഴിഞ്ഞോ\"

\"ഇല്ല...\"

\"എന്നാൽ പോയി സെലക്ട്‌ ചെയ്യ്, ഞാൻ ഇപ്പോൾ വരാം.\"

റിച്ചു ദിയയുടെ അടുത്തേക്ക് ചെല്ലുന്നു. 
മുറിവേറ്റ മനസ്സുമായി ആൻ അവിടെ നിന്നും ഒന്നും മിണ്ടാതെ ഇറങ്ങി പോരുന്നു.

കുറച്ചു സമയത്തിന് ശേഷം  ആനിനെ കാണാത്തത് കൊണ്ട് റിച്ചു  അവിടെയെല്ലാം അന്വേഷിക്കുന്നു.
ആ സമയം അവിടെയുണ്ടായിരുന്ന സെയിൽസ് മാൻ അവൾ പോയ വിവരം പറയുന്നു.

!ഒരു വാക്കുപോലും പറയാതെ പോയല്ലോ ഇവൾ,!


റിച്ചു ഉടനെ തന്നെ ആനിനെ വിളിക്കുന്നുണ്ടായിരുന്നെങ്കിലും അവൾ ഫോൺ അറ്റന്റ് ചെയ്യുന്നില്ലായിരുന്നു.

!ഛേ, ഇവളെന്താ ഫോൺ
എടുക്കാത്തത്. ഇനി കാമുകനോപ്പം ചുറ്റാൻ പോയിട്ടുണ്ടാകുമോ. 
മം.....,
അതാകും കാരണം, എന്നെ ഇവിടെ ആക്കിയിട്ട് അവൾ ഒറ്റക്ക് മുങ്ങി!


ആൻ നേരെ വരുന്നത് മൂന്നയുടെ കടയിലേക്കാണ് .   റിച്ചു പറഞ്ഞത് പൂർണമായും വിശ്വസിക്കാൻ ആനിനു മനസ്സുണ്ടായിരുന്നില്ല.


\"മുന്ന നീ ഒന്ന് വന്നേ\"

\"എന്താടി....,\"

\"എനിക്കൊരു കാര്യം
ചോദിക്കാനുണ്ട്\"

അവിടെ കസ്റ്റമർ ഉണ്ടായിരുന്നു  .

\"നീ ഒരു പത്തു മിനിറ്റ് വെയിറ്റ് ചെയ്യു ഞാൻ ഇപ്പോൾ വരാം\"

അവൻ പറഞ്ഞത് കേട്ട് അവൾ കടക്കു പുറത്തേക്കിറങ്ങി നിൽക്കുമ്പോൾ അവിടേക്ക് ജോജോ വരുന്നു.

\"നീ എന്താടി, ഇവിടെ നിൽക്കുന്നെ \"

\"അത് മുന്നയെ കാണാൻ,
ജോജോ....,
ഞാൻ ഒരു കാര്യം ചോദിച്ചാൽ നീ
സത്യം പറയോ \"

\"എന്താ...\"

\"റിച്ചുവും, ഒരു പെൺകുട്ടിയുമായി ഇഷ്ടത്തിലാണെന്ന് അവൻ പറഞ്ഞു അത് സത്യാണോ.  \"

\"അതേ സത്യമാണ്.
അവൻ കുറച്ചു നാളായി ഒരു പെണ്ണിന്റ പിറകെ നടക്കുന്നുണ്ട്.
നിന്നോട് അവൻ പറയണ്ടെന്ന് പറഞ്ഞിരുന്നു അതാ പറയാത്തത്. 
എന്താടി എന്തെങ്കിലും പ്രശ്നമുണ്ടോ....\"

\"ഹേയ്,
ഒന്നുമില്ല, സത്യാണോന്ന്
അറിയാനായിട്ട് ചോദിച്ചതാ. എന്നാ പിന്നെ ഞാൻ പോട്ടെ, ഒരു അത്യാവശ്യമുണ്ട് \"

\"ശെരിയടി.... \"

ജോജോ പറഞ്ഞത് കേട്ട് ആൻ മനസ്സിൽ പറയുന്നു . 

! അവനോട് (ജോജോ ) ചോദിക്കുന്നത് വരെ ഉള്ളിലൊരു  പ്രതീക്ഷ ഉണ്ടായിരുന്നു. അവൻ എന്നെ കളിപ്പിക്കാനായി പറഞ്ഞതാകുമെന്ന്.....,

നടക്കാത്ത കൂറേ സ്വപ്നങ്ങളുമായിട്ടാണോ കർത്താവെ ഞാൻ ഇത്രയും നാൾ
ജീവിച്ചത് !


ആ സമയം ആനിന്റെ ഫോണിലേക്ക് റിച്ചുവിന്റെ  കാൾ വരുന്നുണ്ടായിരുന്നു.
എന്നാൽ അവൾ അതൊന്നും ശ്രദ്ധിക്കുന്നുണ്ടായിരുന്നില്ല.  അവൾ  സ്വാബോധനം നഷ്ടപ്പെട്ടവളെപ്പോലെ
വീട്ടിലേക്ക് നടന്നു. 

                                  തുടരും........