വീട്ടിലേക്ക് എത്തിയ ആൻ നേരെ തന്റെ റൂമിലേക്ക് ചെല്ലുന്നു. അത്രയും നേരം ഉള്ളിൽ ഒതിക്കിവെച്ചിരുന്നത്  കണ്ണീരായി പുറത്തേക്ക് വരാൻ തുടങ്ങി.....

റൂമിലിരുന്ന് കരയുകയിരുന്ന ആൻ കോണിങ് ബെൽ കേട്ടിട്ടും പുറത്തിറങ്ങാതെ  അവിടെ തന്നെ ഇരിക്കുന്നു .

വീണ്ടും, വീണ്ടും ബെൽ അടിക്കുന്നത് കേട്ട് അവൾ മുഖം കഴുകി താഴേക്കു വന്ന് ഡോർ തുറക്കുന്നു.
അത് അവളുടെ അപ്പനായിരുന്നു .

ഇച്ചിരി നടക്കാനായി അദ്ദേഹം പുറത്തേക്ക് ഇറങ്ങിയതായിരുന്നു. 
ഡോർ തുറക്കുന്ന സമയം ജോസഫ് ആനിന്റെ മുഖം വല്ലാതിരിക്കുന്നത് കണ്ട് 
മോളോടുള്ള, പിണക്കം മാറ്റി വെച്ച് അദ്ദേഹം ചോദിക്കുന്നു.

\"നിന്റെ മുഖമെന്താ വല്ലാതിരിക്കുന്നെ,
നീ കരഞ്ഞോ...\"

അത് കേൾക്കുമ്പോൾ ആനിനു കൂടുതൽ സങ്കടമാകുന്നു. എന്നാൽ അത് ഉള്ളിലൊതുക്കി അവൾ പറയുന്നു

\"ഇല്ല അപ്പ,
ഒരു തലവേദന പോലെ, പനിയും ഉണ്ടെന്നാ തോന്നുന്നത്. \"

\"എന്നാ പിന്നെ ഹോസ്പിറ്റലിൽ പോകാൻ നോക്ക്. ഞാൻ റിച്ചുവിനോട് പറയാം.\"

\"വേണ്ട, ഞാൻ ടാബ്ലറ്റ് കഴിച്ചു.  കുറച്ചു നേരം കിടക്കുമ്പോൾ
മാറിക്കോളും.\"

അപ്പനെ കള്ളം പറഞ്ഞു സമാധാനപെടുത്തുന്നു. അതിനു ശേഷം ആൻ വീണ്ടും റൂമിലേക്ക് വന്നു സങ്കടപെട്ടിരിക്കുന്നു. 


അന്നേ ദിവസം രാത്രി റിച്ചുവും കൂട്ടുകാരും സംസാരിച്ചിരിക്കുമ്പോൾ ജോജോ ആൻ വന്നു കണ്ട കാര്യം റിച്ചുവിനോട് പറയുന്നു. 

\"എടാ റിച്ചു....,
ആൻ  ഇന്ന് വന്ന്   എന്നോട്  നിന്റെ അഫെയർനെ കുറിച്ച് ചോദിച്ചു\"

\"എന്നിട്ട് നീ എന്ത് പറഞ്ഞു,\"

\"ഞാൻ കാര്യം പറഞ്ഞു. 
നീ അവളോട് നേരത്തെ പറയാത്തതിൽ അവൾക്ക് നല്ല സങ്കടം ഉണ്ടെന്നാണ് തോന്നുന്നത് \"

\"എന്ന് അവള് നിന്നോട് പറഞ്ഞോ \"

\"ഇല്ല, പക്ഷേ അവളുടെ സംസാരത്തിൽ നിന്നും എനിക്ക് അങ്ങനെയാണ് തോന്നിയത്. \"


\"അതാവും ഞാൻ വിളിച്ചിട്ട് അവള് ഫോൺ എടുക്കാത്തത്. 
സാരമില്ല, ഞാൻ അവളോട് സംസാരിച്ചോളാം  \"

റിച്ചു ആനിനെ  വിളിക്കുന്നു.
പക്ഷേ അവൾ കാൾ എടുക്കുന്നില്ലായിരുന്നു. 

ആ സമയം റിച്ചു മനസ്സിൽ കരുതുന്നു. 

! നേരിൽ കണ്ട് സംസാരിക്കാതെ അവളുടെ പിണക്കം മാറില്ല.. !

 ആനിന് സുഖമില്ലാത്തത് കൊണ്ട്    രാത്രിയിലെ ഫുഡ് ‌റിച്ചുവിന്റ അമ്മ അവർക്ക്‌ കൊണ്ട് കൊടുക്കുന്നു.


ആൻ അപ്പനെ ബോധ്യപെടുത്താൻ വേണ്ടി മാത്രം കഴിക്കാനായി ഇരിക്കുന്നു.

രാത്രി റിച്ചു  ആനിന്റെ വീടിന് പുറത്തുനിന്നുകൊണ് അവളെ ഫോണിൽ വിളിക്കുന്നുണ്ടെങ്കിലും അവൾ ഫോൺ അറ്റന്റ് ചെയ്യുന്നില്ലായിരുന്നു  .


വിളിച്ചിട്ടും ഫോൺ എടുക്കാത്തത് കൊണ്ട് റിച്ച് അവളുടെ വീട്ടിലേക്ക് വരുന്നു. ഡോർ തുറന്നത് ജോസഫ് ആയിരുന്നു. 

\"നീ ആയിരുന്നോ,
ഞാൻ നിന്നെ വിളിക്കാനിരുന്നതായിരുന്നു ...\"

\"അല്ല അങ്കിൾ ആനിനെ വിളിച്ചിട്ട് കിട്ടുന്നില്ല...\"

\"അവൾക്ക് നല്ല സുഖമില്ല \"

\"അയ്യോ എന്ത് പറ്റി...\"

\"തലവേദനയാണെന്നാണ് പറഞ്ഞത് , പനിയുമുണ്ടെന്ന് തോന്നുന്നു.\"

\"എന്നാൽ പിന്നെ ഹോസ്പിറ്റലിൽ പോകാത്തതെന്താ,\"

\"ഞാൻ പറഞ്ഞതാ, അവൾ അത് കേൾക്കുന്നില്ല. നീ തന്നെ ഒന്ന് ചെന്ന് പറഞ്ഞു സമ്മതിപ്പിക്ക്.\"

\"ശെരി... \"

റിച്ചു നേരെ ആനിന്റെ മുറിയിലേക്ക് ചെല്ലുന്നു .

\"ആൻ, ആൻ...\"

അവൾ വാതിൽ തുറക്കുന്നു.

\"എന്താടി,
എന്ത് പറ്റി നിനക്ക്.
അങ്കിൾ പറഞ്ഞു പനിയാണെന്ന്
കുറവില്ലെങ്കിൽ നമുക്ക് ഹോസ്പിറ്റലിൽ കാണിക്കാം\"

\"ഹേയ് വേണ്ട...\"

റിച്ചു പനിയുണ്ടോയെന്ന് നോക്കുന്നതിനായി നെറ്റിയിൽ കൈ വെക്കുന്നതും ആൻ തട്ടി മാറ്റുന്നു.

\"നിനക്കെന്താ, എന്നോട്
ദേഷ്യമാണോ..\"

\"എന്തിന്..\"

\"അല്ല, ഞാൻ ഒരാളെ പ്രണയിക്കുന്ന കാര്യം നിന്നിൽ നിന്നും മറച്ചു
വെച്ചതിന്.\"

\"ഹേയ്...,
അതൊക്കെ ഓരോരുത്തരുടെ ഇഷ്ടങ്ങളല്ലേ, അതിൽ നമ്മൾ ഇടപെടാൻ പാടില്ലല്ലോ. 

പണ്ടൊക്കെ  നിന്റ  എല്ലാ കാര്യങ്ങളും ആദ്യം അറിയുന്നത് ഞാൻ ആയിരുന്നു. ഇപ്പോൾ  അത് അവസമാണെന്ന്
മാത്രം.\"

\"അൻ...., 
ശെരിക്കും ഞാൻ നിന്നോട് പറയാനിരുന്നതാ....,
എല്ലാം ഒന്ന് റെഡി ആയിട്ട് പറയാമെന്നു കരുതിയിട്ടാണ് ...\"

\"ഞാൻ പറഞ്ഞല്ലോ റിച്ചു അതൊക്കെ നിന്റെ ഇഷ്ടങ്ങളാണ്,
എനിക്കൊന്നും കേൾക്കണ്ട .
നീ ഒന്ന് പോയി തരോ, എനിക്കൊന്ന് കിടക്കണം\"

\"ഇല്ല ഞാൻ പറയുന്നത് നീ
കേൾക്കണം\"

അത് കേൾക്കുമ്പോൾ ആൻ മനസ്സിൽ കരുതുന്നു.

! നിന്റെ വാക്കുകൾക്ക് കാതോർത്തിരുന്നിട്ടുണ്ട് ഞാൻ അത് നീ എന്റേതാണെന്ന വിശ്വാസത്തിലായിരുന്നു,!

\"ശെരിക്കും ഞാൻ അവളെ  ആദ്യം കാണുന്നത്  എപ്പോഴാണേന്നറിയോ മൊയിതീനിക്കാന്റെ ലാസ്റ്റ് പെണ്ണുകാണലിന് .

അന്നവളെ കണ്ട ആദ്യ കാഴ്ച്ചയിൽ തന്നെ അവളെന്റെ മനസ്സിൽ
കയറിക്കൂടി.  എത്ര  മറക്കാൻ ശ്രമിച്ചിട്ടും ആ മുഖം ഇങ്ങനെ മനസ്സിൽ അലയടിച്ചു കൊണ്ടേയിരുന്നു. 

അവളുടെ പേരോ, നാടോ അങ്ങനെ ഒന്നും എനിക്ക് അറിയില്ലായിരുന്നു. 

എന്നിട്ടും അവളെ ഒന്ന് കാണാനായി . എവിടെയൊക്കെ തേടി നടന്നെന്നോ,
എന്തൊക്കെ ചെയ്തെന്നോ എനിക്ക് പോലും അറിയില്ല.

എത്രയൊക്കെ അലഞ്ഞിട്ടും അവളെ കാണാൻ കഴിയാതെ വന്നപ്പോൾ അവന്മാർ പറഞ്ഞത്  അത് എന്റെ തോന്നല്ലെന്നാണ്.

അവസാനം സത്യം അതല്ലെന്ന് അറിഞ്ഞിട്ടും ഞാനും അങ്ങനെ വിശ്വസിക്കാൻ തുടങ്ങുമ്പോഴാണ്,  ഇക്കാന്റെ എൻഗേജ്മെന്റിന് ഞാൻ വീണ്ടും അവളെ കാണുന്നത്.

ആ നിമിഷം ഞാൻ ഇപ്പോഴും ഓർക്കുന്നു.
പിന്നെ അവളെ വളക്കാനായി പിന്നാലെ നടന്നു, എന്റെ ശല്യം സഹിക്കാതെ വന്നപ്പോൾ അവൾ എന്തൊക്കെയോ പറഞ്ഞു.

അതോടെ  മനസ്സില്ലാ മനസ്സോടെയാണെങ്കിലും എല്ലാം വിട്ടിയതായിരുന്നു. പക്ഷേ ഇപ്പോൾ എവിടെ ഒരു നേരിയ വെട്ടം എനിക്കാനുകൂലമായി പ്രകാശിച്ചു തുടങ്ങിയിട്ടുണ്ട്. 

എല്ലാം ഒന്ന് സെറ്റ് ആയിട്ട് നിന്നോട് പറയാമെന്നാണ്  ഞാൻ കരുതിയത്. അല്ലാതെ നിന്നെ ഞാൻ മറക്കോ. \"

റിച്ചുവിന്റെ വാക്കുകൾ കേട്ട് ചങ്ക്
പൊട്ടി അവസ്ഥയിലായിരുന്നു ആൻ.


\"അതൊക്കെ പോട്ടെ നീ പോയ കാര്യം എന്തായി നിന്റെ   ആളോട് കാര്യം പറഞ്ഞോ\"

\"മം...
പറഞ്ഞു....\"

\"എന്നിട്ട് അവനെന്തു പറഞ്ഞു. ഓക്കേ ആണെന്ന് പറഞ്ഞോ \"

\"അത് നടക്കില്ലടാ...,
അവന് മറ്റൊരു കുട്ടിയെ ഇഷ്ടമാണ്.

ഞാൻ കരുതിയത് പോലെയല്ല അവനെന്നോട് ഉണ്ടായിരുന്നത് ഒരു സുഹൃത്തിനോടുള്ള അടുപ്പം മാത്രമായിരുന്നു. \"

\"എടി....,
ഞാൻ ആളെ കണ്ട് ഒന്ന് സംസാരിക്കാണോ. \"

\" നീന്നെയാണ് ഞാൻ സ്നേഹിക്കുന്നതെന്ന് പറഞ്ഞാൽ നീ ദിയയെ മറന്ന് എന്നെ സ്നേഹിക്കോ\"

അത് കേട്ട് റിച്ചു ഒന്നും മിണ്ടാതെ മറുപടി ഇല്ലതെ ഇരിക്കുന്നു.

\"ഇല്ലല്ലോ. 
അതുപോലെ തന്നെയാ...
ഒരാളുടെ മനസ്സിൽ ആഴത്തിൽ ഒരാൾ പതിഞ്ഞാൽ അത് മാറ്റാൻ
ബുദ്ധിമുട്ടാണ് \"

\"നീ വിഷമിക്കാതെ അവൻ പോയാലെന്താ നിനക്ക്
നല്ലൊരുത്തനെ കിട്ടും.\"

\"പകരമിനി ആയിരം പേർ വന്നാലും ആയിരത്തിൽ ഒരാൾക്ക് പോലും ആ ഒരാൾക്ക് പകരമാകാൻ കഴിയില്ല.\"

\"ഇതൊക്ക നിനക്ക് ഇപ്പോഴത്തെ സാഹചര്യത്തിൽ തോന്നുന്നതാണ്.
ജീവിതത്തിൽ അതിനേക്കാൾ മനോഹരമായ ഒരാൾ കടന്ന് വരുമ്പോൾ ഇതൊക്കെ അങ്ങ് മാറും. 

പ്രണയിക്കുന്ന സമയത്ത് നമ്മൾ അവരോടുള്ള ഇഷ്ടം കൊണ്ട് പലതും പറയും, , അവരുടെ ഒരു അകൾച്ച പോകും മനമ്മൾക്ക് സഹിക്കാൻ കഴിയില്ലായിരിക്കും.

പക്ഷേ...
അങ്ങനെ സഹിക്കാൻ പറ്റില്ലെന്ന് കരുതുന്ന പലതും സഹിക്കാൻ പഠിപ്പിക്കുന്നത് ഒന്നേയുള്ളു അത് സാഹചര്യമാണ്.

വിഷമിക്കരുത് നിനക്ക് കർത്താവ് ഇതിനേക്കാൾ നല്ലത് തരും\"

അത് കേട്ട് ആൻ മനസ്സിൽ കരുതുന്നു   

!നിന്നെക്കാൾ മികച്ചതൊന്നും എനിക്ക് വേണ്ട, നിന്നെ മാത്രം മതി,!

\"നീ പോക്കോ എനിക്ക് കുറച്ചു നേരം ഒന്ന് ഒറ്റക്കിരിക്കണം . അവന്റ ഓർമകളെ പതിയെ ഉള്ളിലെ നിന്നും എടുത്തു കളയണം. നടക്കുമോ എന്നറിയില്ല, എന്നാലും  ഒന്ന് ശ്രേമിച്ചു നോക്കണം. 

                                             തുടരും......