ഹോസ്പിറ്റലിലേക്ക്  എത്തിച്ചതിന് ശേഷം, എല്ലാവരും  പുറത്ത് വിഷമിച്ചു നിൽക്കുന്നു  . വിവരമറിഞ്ഞു
റിച്ചുവിന്റെ  കൂട്ടുകാരും ഹോസ്പിറ്റലിലേക്ക് എത്തുന്നു.  

\"എന്താടാ...,
എന്തിനാ അവൾ ഇങ്ങനെ ചെയ്തത്  .\"

\"അവള് സ്നേഹിച്ചിരുന്ന പയ്യൻ മറ്റൊരു പെൺകുട്ടിയുമായി ഇഷ്ടത്തിലാണെന്ന് അറിഞ്ഞപ്പോൾ അവളുടെ മനസ്സ് ആകെ തകർന്ന
അവസ്ഥയിലായിരുന്നു. \"

\"ജോസഫ് അങ്കിളിന്റെ അവസ്ഥ
എന്താ\"

\"അവിടെ ഇരിപ്പുണ്ട്, ആകെ തളർന്ന അവസ്ഥയിലാണ്.\"

\"ഇവളെന്ത് പണിയാ കാണിച്ചേ, അങ്കിളിന്റെ ആരോഗ്യ സ്ഥിതിയെങ്കിലും അവൾക്കൊന്ന്
നോക്കാമായിരുന്നു.\"

\"പിന്നെ....,
ചാകാൻ പോകുമ്പോ ജീവിച്ചിരിക്കുന്നവരെ കുറിച്ച് ആരെങ്കിലും ഓർക്കോടാ....\"

\"ഡോക്ടർ എന്തെങ്കിലും പറഞ്ഞോ\"

\"ഇല്ല....\"

ഇവർ സംസാരിച്ചു നിൽക്കുമ്പോൾ പെട്ടെന്ന് ഒരു നിലവിളി കേൾക്കുന്നു.

\"അത് അമ്മേടെ സൗണ്ട് ആണല്ലോ\"

എന്ന് പറഞ്ഞു കൊണ്ട് റിച്ചുവും, കൂട്ടുകാരും അങ്ങോട്ടേക്ക് പോകുന്നു.

\"എന്താ, എന്താ...
പ്രശ്നം \"

ജോസഫ് കുഴഞ്ഞു വീണിയിരുന്നു.

\"നിങ്ങൾ കരയാതെ, വേഗം ഡോക്ടറെ വിളിക്ക്.\"

അങ്ങനെ ജോസഫിനെയും അവിടെ അഡ്മിറ്റ്‌ ചെയ്യുന്നു.  ഡോക്ടർ വന്നു നോക്കിയത് ശേഷം പറയുന്നു.

\"കുഴപ്പമൊന്നുമില്ല, ബിപി, ലോ ആയതാണ്, കുറച്ചു നേരം ഒന്ന് മയങ്ങിക്കോട്ടെ...\"

കുറച്ചു സമയത്തിന് ശേഷം icu വിൽ നിന്നും  ഡോക്ടർ ഇറങ്ങി വരുന്നു.


\"ഡോക്ടർ ആനിനു എങ്ങനെയുണ്ട്.\"

\"ഇപ്പോൾ കുഴപ്പമൊന്നുമില്ല കൃത്യ സമയത്ത് എത്തിച്ചത് കൊണ്ട് ജീവൻ രക്ഷിക്കാൻ കഴിഞ്ഞു.\"

\"ഓക്കേ ഡോക്ടർ...\"

\"കുഴപ്പമൊന്നും ഇല്ലല്ലോ..\"

\"ഹേയ്....,
അവൾ ഓക്കേയാണ്.
ഞാൻ ആലോചിക്കുവാ,

ഞാൻ ആ സമയത്ത് അവളുടെ വീട്ടിലേക്ക് പോകാൻ മടി കാണിച്ചിരുന്നെങ്കിൽ, എന്താകുമായിരുന്നെന്ന്  എനിക്ക് ഓർക്കാൻ കൂടി വയ്യ.\"

\"ഏയ്..., അവർക്കൊന്നും സംഭവിച്ചില്ലല്ലോ, അതോർത്തു ആശ്വസിക് \"

\"എവൾ ഇങ്ങനൊരു മനടത്തണം കാണിക്കുമെന്ന് ഞാൻ
കരുതിയില്ല .\"

\"മോനെ,
അങ്കിലിന് ബോധം വന്നു.\"

\"ആ...\"

റിച്ചുവും, കൂട്ടുകാരും ജോസഫിന്റെ റൂമിലേക്ക് ചെല്ലുന്നു.

\"അങ്കിൾ....
ഇപ്പൊ എങ്ങനുണ്ട്..\"

\"എനിക് കുഴപ്പമൊന്നുമില്ല,
എന്റെ മോള്...\"

\"ആനിനു ഇപ്പൊ കുഴപ്പമൊന്നുമില്ലെന്ന് ഡോക്ടർ പറഞ്ഞു.\"

\" നിങ്ങൾ എന്നെ സമാധാനിപ്പിക്കാനായി പറയുന്നതാണോ \"

\"അല്ല അങ്കിൾ,
അങ്കിളിനു വിശ്വാസം വരുന്നില്ലെങ്കിൽ കുറച്ചു കഴിഞ്ഞു അവളെ കയറി കാണാമെന്നു ഡോക്ടർ
പറഞ്ഞിട്ടുണ്ട്. \"

\"അവൾക്ക് കുഴപ്പമൊന്നുമില്ലടാ...\"

റിച്ചുവിനെ  നോക്കി  ജോസഫ്  പറയുന്നു.

\"പൊന്നു മോനെ നീ ആ സമയത്ത് വന്നില്ലായിരുന്നുവെങ്കിൽ.......,
എനിക്ക് ഓർക്കാൻ കൂടി വയ്യ.\"

\"ഹേയ്,
കരയല്ലേ അങ്കിൾ...\"

റിച്ചു, ജോസഫിനെ സമാധാപ്പെടുത്തുന്നു.

കുറച്ചു മണിക്കൂറുകൾക്ക് ശേഷം.....

\"എടാ റിച്ചു നീ പോകുന്നെങ്കിൽ പോയ്ക്കോ ഞങ്ങൾ ഉണ്ടല്ലോ \'

\"അതേ മോനെ...,
എന്തെങ്കിലും ആവശ്യമുണ്ടെകിൽ എല്ലാവരും ഉണ്ടല്ലോ.\"

\"ശരി, അച്ഛാ...
അമ്മ...., ഞാൻ ഇറങ്ങുവാ\"

\"ശെരി മോനെ....\"

റിച്ചു മേരിയെ കോളേജിലേക്ക് കൊണ്ടാക്കുന്നതിനായി വീട്ടിലേക്കു ചെല്ലുന്നു .

അന്നേ ദിവസം കോളേജിലേക്ക് വന്ന റിച്ചുവിന്റെ മുഖം ആകെ  വിഷമത്തിലായിരുന്നു .

ദിയയെ കണ്ടിട്ടും അവൻ ഒന്നുചിരിച്ചു പോലുമില്ല.  അത് കണ്ടപ്പോൾ ദിയക്ക് ചെറിയ വിഷമമായി.
സത്യം പറഞ്ഞാൽ അവന്റ മനസ്സ് അവിടെ അല്ലായിരുന്നു.   .

മേരിയെ ആക്കിയതിന്  ശേഷം മേരിയോട് കാര്യം പറഞ്ഞു,
റിച്ചു അതേ കാറിൽ തന്നെ  തിരികെ ഹോസ്പിറ്റലിലേക്ക് വരുന്നു .

\"അച്ഛാ....
ഡോക്ടർ എന്തെങ്കിലും പറഞ്ഞോ\"

\"കുറച്ചു കഴിഞ്ഞ് ആനിനെ റൂമിലേക്ക് മറ്റുമെന്ന് പറഞ്ഞു.  അല്ല നീ ഇങ്ങ് പോന്നോ.\"

\"മാഡത്തിനോട് കാര്യം പറഞ്ഞു. 
അങ്കിൾ അവളെ കയറി കണ്ടായിരുന്നോ.\"

\"മം.. \"


അന്നേ ദിവസം വൈകുന്നേരം റിച്ചു മേരിയെ കൂട്ടുന്നതിനായി കോളേജിലേക്ക് പോകുന്നു,

അവന്റ പ്രശ്നം എന്താണെന്ന് അറിയാനായി ദിയ റിച്ചുവിനെ കാത്തു നിൽക്കുന്നു.

എന്നാൽ  ദിയക്ക്‌ റിച്ചുവിനെ കാണാൻ കഴിയുന്നില്ല. മേരിയെ തിരികെ  വീട്ടിൽ ആക്കിയതിന് ശേഷം  റിച്ചു ഹോസ്പിറ്റലിലേക്ക് വരുന്നു.

ഡ്രൈവിങ് ചെയ്യുന്ന സമയം റിച്ചുവിന്റെ ഫോണിലേക്ക് ദിയയുടെ കാൾ വരുന്നുണ്ടായിരുന്നെങ്കിലും, അവൻ അത് അറ്റന്റ് ചെയ്തിരുന്നില്ല.

പിന്നെ തിരികെ വിളിക്കാമെന്ന് കരുതിയെങ്കിലും അവൻ ആ കാര്യം മറന്നു പോകുന്നു. 

തിരികെ  ഹോസ്പിറ്റലിലേക്ക് വരുമ്പോൾ റിച്ചു അവിടെ വെച്ച് ഫർസാനയെ  കാണുന്നു.

\"ഇയാളെന്താ ഇവിടെ...\"

\"എന്റെ കസിൻ ഇവിടെ അഡ്മിൻ
ആണ് \"

\"എന്തുപറ്റിയതാ\"

\"അവൻ ബൈക്കിൽ നിന്നും ഒന്ന് വീണു.
  കൈയിൽ ഒരു ചെറിയ 
പൊട്ടലുണ്ട് \"

\"ഇയ്യാളെന്താ \"

\"എന്റെ ഫ്രണ്ട്‌സ് ഇവിടെ അഡ്മിറ്റാണ്
ഇന്നലെ ഞാൻ
പരിചയപ്പെടുത്തിയ.\"

\"ആ...,
എന്താ പേര് പറഞ്ഞത് \"

\"ആൻ...\"

\"ആ...., 
ആൻ, ആൾക്കെന്തു പറ്റി \"

\"അവള് സൂയിസൈഡ് അറ്റംറ്റ് നടത്തി.
ഇപ്പൊ കുഴപ്പമില്ല.\"

\"എന്തിനാ.....,
ലൗ ഫെലിയാർ ആണോ\"

\"മം...,
അവൾ ഒരു പയ്യനെ ആത്മാർത്ഥമായി സ്നേഹിച്ചിരുന്നു. 
അവള് ആ കാര്യം അവനോട്  പറഞ്ഞിരുന്നില്ല,

പ്രൊപ്പോസ് ചെയ്യാൻ പോയപ്പോഴാ അറിഞ്ഞത്  അവൻ മറ്റൊരു പെൺകുട്ടിയുമായി ഇഷ്ടത്തിലാണെന്ന്. അതോടെ ആള് ആകെ തളർന്നു.

അല്ലേലും  ആത്മാർത്ഥമായി സ്നേഹിക്കുന്നവരുടെയൊക്കെ  ഗതി ഇതൊക്കെ തന്നെയാ.

മറ്റൊരാളുടെ മനസ്സ് കാണാനുള്ള കഴിവൊന്നും ആർക്കും  കർത്താവ് തന്നിട്ടില്ലല്ലോ. \"

\"ഓഹ്, സ്വാന്തമായിട്ടുള്ള ഫീലിംഗ് ആയിരിക്കും.\"

\"മം...,
അവസാനം എന്റെ ഗതിയും മിക്കവാറും ഇങ്ങനെ തന്നെ ആയിരിക്കും. \"

\"താൻ സങ്കടപ്പെടാതെടോ...., 
ഞാൻ ഇനി ഒരു സത്യം പറയട്ടെ...
ദിയക്കെ തന്നെ ഇപ്പോൾ 
ഇഷ്ടാഡോ.....\"

\"ശെരിക്കും...,
അതാണ് ഒരു മാറ്റം \"

\" പക്ഷേ അതവൾ പുറത്തു
കാണിക്കില്ല.\"

\"അതെന്താ..., 

\"എടൊ, അവൾക്ക് അവളുടെ പപ്പയെ പേടിയാ അതുകൊണ്ട് തന്നെ.

ഇന്ന് തന്നെ താൻ അവളെ കണ്ടിട്ട് ചിരിച്ചില്ലെന്നും, തന്റെ മുഖത്തു എന്തോ വിഷമുണ്ടെന്നും പറഞ്ഞ് ആകെ മൂഡോഫായിരുന്നു. B

ഉള്ളിൽ  തന്നോട് ഒരുപാട് ഇഷ്ടമുണ്ടെങ്കിലും,  അത് ഉള്ളിൽ  തന്നെ ഒതുക്കാനാണ് അവളുടെ വിധി. 

ഇയ്യാളോടുള്ള ഇഷ്ടം അവൾ  തുറന്നു പറയാൻ സാധ്യതയില്ല . 
കാരണം  ഇനി ഒരു  കുടുംബത്തിന്റെ കണ്ണിരു കൂടി  കാണാൻ അവൾക്ക് കഴിയില്ല. 

അവൾ തന്നെ സ്നേഹിക്കുന്നുണ്ടെന്ന് അവളുടെ പപ്പ അറിഞ്ഞാൽ
ഇയ്യാൾക്ക് ഒന്നും സംഭവിക്കുമെന്ന് അവൾക്ക് നല്ലത് പോലെ അറിയാം.

ആളെ കാണുന്നത് പോലെയൊന്നുമല്ല അവളൊരു  പാവമാണ്...\"

\"അവൾക്ക് എന്നെ ഇഷ്ടമാണെങ്കിൽ ഈ ഞാൻ തന്നെ അവളെ കെട്ടിയിരിക്കും,
അത് ഏത് കൊമ്പത്തെ തന്തയാണ് അവളുടേതെന്ന് പറഞ്ഞാലും
ശെരി... \"


\"പടച്ചോനെ...,
ഇയ്യാളോട് പറഞ്ഞത് പ്രശ്നമായല്ലോ.
ദേ ഇനി ഇതൊന്നും പൊയി അവളോട് ചോദിക്കാൻ നിൽക്കണ്ട. 
അവളെന്നെ കൊല്ലും \"

\"ഏയ്, താൻ പേടിക്കണ്ട,
അവളുടെ വായിൽ നിന്നും തന്നെ ഇഷ്ടമാണെന്ന വാക്ക് എനിക്ക് കേൾക്കണം  , അതിനായി ഞാൻ എത്ര വേണമെങ്കിലും കാത്തിരുന്നോളാം.\"

\"ഫർസാന......\"

\"ആ ദേ, വരുന്നു.
എന്നാ പിന്നെ ഞാൻ പോട്ടെ\"

\"ശെരി...\"


റിച്ചു ഫോൺ എടുത്ത് ദിയയെ വിളിക്കാൻ തുടങ്ങുന്നതും 

\"ടാ, റിച്ചു...
നീ ഇവിടെ നിൽക്കിക്കയിരുന്നോ \"

\"എന്താടാ..\"

\"ആനിനെ റൂമിലോട്ട് മാറ്റി.\"

അങ്ങനെ റിച്ചു ആനിന്റെ റൂമിലേക്ക് പോകുന്നു.  റൂമിൽ എല്ലാവരും ഉണ്ടായിരുന്നു. 

\"എന്തിനാ മോളെ നീ ഇങ്ങനെ
ചെയ്തത്.  ഞങ്ങളെയൊക്കെ എന്തിനാ ഇങ്ങനെ വിഷമിപ്പിച്ചേ...\"

ആ സമയം റിച്ചു അവളുടെ അടുത്തേക്ക് വരുന്നു .

\"എന്താടി....,
നീ കാണിച്ചേ, ഏവാനോ ഒരുത്തൻ   ഇഷ്ടമില്ലെന്നു പറഞ്ഞെന്നു കരുതി ഉടനെ ജീവിത തുലക്കുകയോ
വേണ്ടത്. 

നീ,  നിന്റെ അപ്പനെ കുറിച്ച് ഓർത്തോ,
ആ മനുഷ്യൻ നിനക്ക് വേണ്ടിയല്ലേ ജീവിച്ചത്. \"

റിച്ചുവിനെ ഇത്രയും ദേഷ്യത്തിൽ ഇതാത്യമായിട്ടാണ് എല്ലാവരും കാണുന്നത്. 

\"ദേ....,
അടുത്ത റൂമിൽ കിടപ്പുണ്ട് നിന്റെ അപ്പൻ.\"

\"അപ്പനെന്ത് പറ്റി...\"

\"എന്ത് പറ്റിയാലും നിനക്കെന്താ ചാകാൻ നേരം നീ ഓർത്തില്ലല്ലോ,
അപ്പനെ....\"

\"നീ ഒന്ന് മിണ്ടാതിരിക്കാടാ റിച്ചു..\"

\"അതേ ചേച്ചിയെ വെറുതെ വിഷമിപ്പിക്കാതെ..\"

\"പോട്ടെ മോളെ...
നീ ഒന്ന് പുറത്തിറങ്ങിയെ.....\"

\"അമ്മ...\"

റിച്ചുവിനെ അവിടെ നിന്നും  അമ്മ പുറത്തേക്ക് തള്ളി വിടുന്നു.


\"അമ്മ....
അപ്പനെങ്ങനെയുണ്ട്...\"

അപ്പന് കുഴപ്പമൊന്നുമില്ല.
ചെറിയൊരു തളർച്ച.
ബി പി താഴ്ന്നതാ...
അതുകൊണ്ടു കിടത്തിയതാ, ഇപ്പോൾ കുഴപ്പമൊന്നുമില്ല.

അപ്പോഴേക്കും വിവരമറിഞ്ഞു ചേച്ചി അവിടേക്ക് വരുന്നു.

                                      തുടരും.....