\"ഇത് സ്വപ്നമൊന്നുമല്ലല്ലോ..\"
സ്വപ്നമല്ലെന്ന്  ഉറപ്പിക്കാനായി റിച്ചു സ്വയം നുള്ളി നോക്കുന്നു.
അല്ലെന്ന് മനസ്സിലാകുമ്പോൾ റിച്ചു 
സന്തോഷം കൊണ്ട് തുള്ളിച്ചാടുന്നു.
അത് കണ്ട് ദിയ ചോദിക്കുന്നു. 



\"ഏയ്...
എന്തായിത്....,
കർത്തേവേ ഇങ്ങനൊരു പൊട്ടനാണല്ലോ ആണല്ലോ എന്റെ പിറകെ നടന്നത്.\"

\"തന്റെ വായിൽ നിന്നും ഇങ്ങനൊരു വാർത്ത കേൾക്കാൻ ഞാൻ എത്ര നാളായി
കൊതിച്ചിരിക്കുകയായിരുന്നു.

അപ്പൊ തനിക് തന്റെ പപ്പയോടുള്ള പേടിയൊക്കെ മാറിയോ...\"

അത് കേൾക്കുമ്പോൾ ദിയയുടെ മുഖത്തെ സന്തോഷം പെട്ടെന്ന് ഇല്ലാതാകുന്നു.

\"എന്താടോ, പെട്ടന്ന്  തന്റെ മുഖം മാറിയത് \"

\"പ്രണയത്തെ ഞാൻ ഇപ്പോഴും ഭയക്കുന്നുണ്ട് .പ്രണയത്തിന്റെ അന്ത്യം പലപ്പോഴും ദുഃഖത്തിലാണ് അവസാനിക്കുന്നതെന്നും അറിയാം. 
എന്നിട്ടും......,\"

\"ഹേയ്,....
താനത് വിട്ടേക്ക്, \"

\"ജീവിതത്തിൽ സംഭവിച്ച നഷ്‌ടം ഇപ്പോഴും മനസ്സിലുണ്ട്, ഉള്ളിലാണെങ്കിൽ നല്ല പേടിയുമുണ്ട്. 
പക്ഷേ......

പക്ഷേ, അതിനൊന്നും  എനിക്ക് തന്നോടുള്ള ഇഷ്ടത്തെ തടയാൻ കഴിയുന്നില്ല.

എനിക്ക് അറിയില്ല , എനിക്ക് തന്നോട് എത്രത്തോളം ഇഷ്ടമുണ്ടെന്ന്, താനെപ്പോഴാ എന്റെ മനസ്സിൽ ഇത്രത്തോളം സ്ഥാനം ഉറപ്പിച്ചതെന്ന്. 

ഞാൻ എവിടെയോ വായിച്ചിട്ടുണ്ട്. പ്രണയം പ്രേതത്തെ പോലെയാണെന്ന്.
പകൽ തന്റെ മുന്നിൽ എത്ര മസിലുപിടിച്ചു നടന്നാലും രാത്രിതയാകുമ്പോൾ ഇയ്യാളെ കുറിചുള്ള ഓർമകൾ വന്നു എന്നെ ഇങ്ങനെ ശല്യപ്പെടുത്തികൊണ്ടിരിക്കും . 

അതുകൊണ്ട് തന്നെ, എന്തൊക്കെ പ്രേതിസന്ധി ഉണ്ടെങ്കിലും എന്റെ ജീവിതം എനിക്ക് ഇഷ്ടമുള്ള അളോടുകൂടിയ ജീവിക്കാനാണ് ഞാൻ ആഗ്രഹിക്കുന്നത്.

ദേ.......
വേഗം സപ്ലി എഴുതി എടുത്തിട്ട് നല്ല ജോലിക്ക് കയറാൻ നോക്ക്.
നല്ലൊരു ജോലി ആയാൽ പിന്നെ നമുക്ക് ആരുടെയും  സഹായമില്ലാതെ ജീവിക്കാല്ലോ. \"
                                            

\" ഞാൻ ആഗ്രഹിച്ചതൊന്നും കിട്ടിയിട്ടില്ല,
സ്വപ്നം കണ്ടതൊന്നും സ്വന്തമാക്കൻ സാധിച്ചിട്ടുമില്ല, ആദ്യമായിട്ടാണ് കർത്താവ് ഞാൻ ആത്മാർഥമായി ആഗ്രഹിച്ചയൊണ് എനിക്ക് സ്വന്തമാക്കൻ  ഭാഗ്യം
തന്നത്.

താൻ എന്നെ മനസ്സിലാക്കിയല്ലോ,
എന്റെ  ഇഷ്ടം തിരിച്ചറിഞ്ഞല്ലോ അത് മതി, അത് മാത്രം മതി എനിക്ക്. 
തനിക് വേണ്ടി ഞാൻ എന്തും
ചെയ്യും \"

ഇവർ സംസാരിച്ചു കൊണ്ടിരിക്കുമ്പോൾ അവിടേക്ക് ദിയയുടെ മമ്മി വരുന്നു.

\"ദിയ....,ദിയ....\"

\"എന്നാ പിന്നെ ഞാൻ പോട്ടെ മമ്മി വിളിക്കുവാ..., \"

\"മം\"

അപ്പോഴേക്കും മമ്മി അവരുടെ അടുത്തേക്ക് വരുന്നു. 

\"നീ ഇവിടെ നിൽക്കുവായിരുന്നോ, ഞാൻ എവിടെയെല്ലാം തിരക്കി.
ആരാ മോളെ ഇത്... \"

\"അത്...\"

ദിയ പറയാൻ മടിച്ചു നിൽക്കുമ്പോൾ റിച്ചു പെട്ടെന്ന്  വായിൽ വന്ന കള്ളം പറയുന്നു. 

\"ഞാൻ, മിയയുടെ  ഫ്രണ്ടാണ്  ആന്റി. കൂടെ പഠിച്ചതാ...\"

\"ആണോ,..\"

\"മോൻ ഇപ്പൊ എന്തു ചെയ്യുന്നു.\"

\"ഇപ്പൊ ഡ്രൈവറാണ്.\"

\"മം.ശെരി...,
വാ മോളെ...,
   പോട്ടെ മോനെ\"

\"ശെരി ആന്റി...\"

ദിയ മമ്മിക്കൊപ്പം പോകുമ്പോൾ റിച്ചുവിനെ തിരിഞ്ഞു നോക്കി ചിരിക്കുന്നു. റിച്ചു അവളുടെ പിന്നാലെ പോകുന്നു. അവർ ഓട്ടോയിൽ കയറി പോകുന്നത് അവൻ നോക്കി നിൽക്കുന്നു.

റിച്ചുവിന് ദിയയെ വീണ്ടും കാണാൻ തോന്നുന്നു. അവൻ അതിനായി  ദിയയുടെ വീട് തിരക്കി വരുന്നു.
വഴിയിൽ കാണുന്ന ഒരു ചേട്ടനോട് കാര്യം ചോദിക്കുന്നു.


\"മോൻ പറഞ്ഞത് വെച്ചു നോക്കുവാന്നേ നമ്മുടെ കാലൻ വറീതാണെന്നാണ് തോന്നുന്നത്. അതാണെങ്കിൽ നേരെപോകുമ്പോൾ ആ വളവിൽ ആദ്യമിരിക്കുന്ന വീടാ...\"

അങ്ങനെ അദ്ദേഹം പറഞ്ഞ വഴിയിലൂടെ റിച്ചു ദിയയുടെ വീട്ടിലേക്ക് എത്തുന്നു.
അവിടേക്ക് വരുമ്പോൾ അവളുടെ പപ്പ അവിടെ ഇല്ലെന്ന് ഉറപ്പുള്ളത് കൊണ്ട് അവൻ നേരെ വീട്ടിലേക്ക് കയറി ചെന്ന് കോണിങ് ബെൽ അടിക്കുന്നു .

കോണിങ് ബെൽ കേട്ട് ദിയ വന്നു വാതിൽ തുറക്കുന്നു. മുന്നിൽ റിച്ചുവിനെ കണ്ട് ദിയ ഞെട്ടി നിൽക്കുന്നു.

\"ഇയാളെന്താ ഇവിടെ...\"

\"വെറുതെ, തന്നെ ഒന്നുകൂടി ഒന്ന്
കാണണമെന്ന് തോന്നി...., 
പിന്നെ തന്റെ പപ്പയും ഇവിടെ ഇല്ലല്ലോ
അതുകൊണ്ടാണ് കയറി പോന്നത്.\"

\"കണ്ടില്ലേ, എന്നാ പിന്നെ പോകാൻ നോക്ക്..\"

\"തന്നെ തന്നെ ഇങ്ങനെ നോക്കി നിൽക്കാൻ എന്ത് രസാ...\"

\"എന്നാ പിന്നെ എന്റെ വലിയ ഒരു ഫ്രയിം ചെയിത ഫോട്ടോ തരാം. അതിൽ നോക്കി നിന്നോ.
തമാശ കാണിക്കാതെ പോകാൻ നോക്ക്, മമ്മി അകത്തുണ്ട്...\"

\"ഞാൻ ഇന്ന് വൈകിട്ട് പോകും,
ഇയ്യാളെന്നാ വരുന്നേ..\'

\"നാളെ വൈകിട്ട് എത്തും...\"

\"ശെരി...,
എന്നാ പിന്നെ നാളെ കാണാം\"

ദിയയോട് സംസാരിച്ചത് ശേഷം റിച്ചു തിരികെ പോകുന്നു. കുറച്ചു ദൂരം നടന്നു എത്തുമ്പോൾ റിച്ചുവിന്റ ഫോണിലേക്ക് ദിയയുടെ കാൾ വരുന്നു.

\"ഹലോ...\"

ദിയ പറഞ്ഞത് കേട്ട് റിച്ചു വേഗം തിരികെ ദിയയുടെ വീട്ടിലേക്ക് ഓടുന്നു.

അവിടെ എത്തുന്ന റിച്ചു കാണുന്നത് ചോരയിൽ കുളിച്ചു കിടക്കുന്ന ദിയയുടെ മമ്മിയെയും, എന്ത് ചെയ്യണമെന്ന് അറിയാതെ അടുത്ത് കരഞ്ഞിരിക്കുന്ന ദിയയുമാണ്.

\"എന്താ,  എന്ത് പറ്റിയതാ..\"

\"മമ്മി കാലു വരുതി സ്റ്റെപ്പിൽ നിന്നും വീണതാ,\"

\"താൻ പോയി ഒരു തുണി എടുത്തികൊണ്ട് വാ \"

റിച്ചു വേഗം  തുണി ഉപയോഗിച്ച്
തല കെട്ടുന്നു.

\"താൻ കരയാതെ, ഞാൻ പോയി ഒരു വണ്ടി വിളിച്ചോണ്ട് വരാം.\"

\"മം...\"

വണ്ടി പിടിക്കാനായി പുറത്തേക്ക് ഓടുന്ന റിച്ചു, അപ്പോഴാണ് കാർ പോച്ചിൽ കാർ കിടക്കുന്നത് ശ്രദ്ധിക്കുന്നു. അവൻ തിരികെ അകത്തേക്ക് കയറി വരുന്നു. 

\"എടൊ, പോർച്ചിൽ കിടക്കുന്ന
കാറിന്റെ കീ തന്റെ  കൈലുണ്ടോ \"

\" പപ്പേടെ റൂമിൽ കാണും \"

\"എന്നാ അത് ഇങ്ങോട്ട് എടുക്ക്. \"

ദിയ  വേഗം ചെന്ന് കീ എടുത്തുകൊണ്ട് കൊടുക്കുന്നു. റിച്ചു വേഗം ദിയയെയും, മമ്മിയെയും കൂട്ടി ഹോസ്പിറ്റലിലേക്ക് പോകുന്നു.  മമ്മിയെ icu ലേക്ക് കയറ്റുന്നു. മമ്മിയുടെ ആ അവസ്ഥ കണ്ട് ദിയ നല്ല കരച്ചിലായിരുന്നു .

\"എടൊ താൻ ഇങ്ങനെ കരയാതെ,\"

റിച്ചു  അവളെ സമാധാനപ്പെടുത്താൻ ശ്രമിച്ചിട്ടും അവൾ കരച്ചിൽ നിർത്തുന്നില്ലായിരുന്നു.

\"എടൊ,
താനൊന്ന് കരയാതിരിക്ക്, മമ്മിക്ക് ഒന്നും സംഭവിക്കില്ല.
ഒന്നുല്ലെങ്കിലും, താനൊരു ഡോക്ടർഅല്ലേ....\"

\"എന്ന് കരുതി എനിക്ക് കരയാൻ
പാടില്ലേ \"

സങ്കടത്തിന്റെ കൂടെ ദേഷ്യം കൂടി കലർന്നാണ് ദിയ അങ്ങനെ പറയുന്നത്. അത് കേട്ട് റിച്ചു പിന്നെ ഒന്നും മിണ്ടാതെ നിൽക്കുന്നു.

കുറച്ച് സമയം കഴിഞ്ഞു icu നിന്നും  നേഴ്സ് പുറത്തേക്ക് വന്നു പറയുന്നു.

\"പെഷ്യന്റിന് ബ്ലഡ്‌ വേണമായിരുന്നോ, എത്രയും വേഗം  A+ ഗ്രൂപ്പ്‌ ബ്ലഡ്‌ അറേഞ്ച്  ചെയ്യണം.\"

അത് കേട്ട് റിച്ചു പറയുന്നു

\" സിസ്റ്റർ എന്റേത് A+ ആണ്.\"

റിച്ചു ബ്ലഡ്‌ കൊടുക്കനായി ചെല്ലുന്നു. 
റിച്ചു ബ്ലഡ്‌ കൊടുത്തതിന്  റിച്ചു ശേഷം പുറത്തേക്ക് വരുമ്പോഴും ദിയ ആകെ കരഞ്ഞു തളർന്ന അവസ്ഥയിലായിരുന്നു,.

! ബന്തുക്കളെ ആരെങ്കിലും അറിയിക്കാൻ അവളോട്‌ എങ്ങനെ പറയും!

എന്ന് ആലോചിച്ചു  റിച്ചു നിൽക്കുമ്പോൾ ഡോക്ടർ പുറത്തേക്ക് വരുന്നു.

\"ഡോക്ടർ എന്റെ മമ്മി...\"

\"മമ്മിക്ക് കുഴപ്പമൊന്നുമില്ല,
വീഴ്ചയിൽ തല പൊട്ടിയിട്ടുണ്ടായിരുന്നു  ഒരുപാട് ബ്ലഡ്‌ പോയിട്ടുണ്ടായിരുന്നു.
പിന്നെ കൈക്ക്‌ ചെറിയ ഫാക്ട്ചറും, വേറെ കുഴപ്പമൊന്നുമില്ല. \"

\"ഡോക്ടർ എനിക്ക് മമ്മിനെ ഒന്ന് കാണാൻ പറ്റോ\"

\"അതിനെന്താ...
കുറച്ചു സമയം കഴിഞ്ഞു കയറി കണ്ടോളു.\"

ഡോക്ടറിന്റെ വാക്കുകൾ കേട്ട് ദിയക്ക് സമാധാനമാകുന്നു.
ആത് കഴിഞ്ഞു ദിയ റിച്ചുവിന്റെ അടുത്തേക്ക് വന്ന് അവനോട് സോറി പറയുന്നു.

\"സോറി....,
അന്നേരം പെട്ടെന്ന് ദേഷ്യം വന്നപ്പോൾ പറഞ്ഞതാ...\"

\"അല്ലെങ്കിലും ദേഷ്യം വരുമ്പോൾ നീയൊക്കെ ഭദ്രകാളികളാണല്ലോ,
വീട്ടില് ഒരെണ്ണമുണ്ട് എന്റെ അനിയത്തി. തന്റെ വേറൊരു വേർഷനാണ്. 

ഇനിയെങ്കിലും ആ 
കണ്ണൊന്നു തുടക്കാമോ , എന്നിട്ട് തന്റെ പപ്പയെ വിളിച്ചു കാര്യം പറയ്,\"

\"ഞാൻ ആ കാര്യം മറന്നു. \"

അവൾ കണ്ണ് തുടച്ചതിന് ശേഷം പപ്പയെ വിളിച്ചു കാര്യം പറയുന്നു .

\"പപ്പ എന്ത് പറഞ്ഞു,\"

\"പപ്പ, തിരികെ വരുവാൻ 
ഒരു രണ്ടു മണിക്കൂർ എങ്കിലും ആകും. അതുവരെ സഹായത്തിന് റിലേറ്റീവ്ഴ്സിനെ ആരെങ്കിലും വിളിക്കാൻ പറഞ്ഞു.\" 

\"എന്നാ പിന്നെ ആരെങ്കിലും
വിളിക്ക്\"

\"എന്തിനാ,
എനിക്ക് കൂട്ടായി നീയില്ലേ...., 
ഇതുപോലെ സുഖത്തിലും, ദുഃഖത്തിലും, താങ്ങും,  തണലുമായി എനിക്കൊപ്പം നിൽക്കുന്ന ഒരാളെയാണ്  എനിക്ക്‌ വേണ്ടത്.
നീ കൂടെ കാണില്ലേ \"

\"തനിക്ക്  എന്നെ വേണ്ടെന്ന് തോന്നി അകറ്റുന്ന ആ നിമിഷം വരെ തനികൊപ്പം , തന്റെ ഏത് അവസ്ഥയിലും ഞാൻ കൂടെ കാണും. ഇത് പുത്തൻ പുരക്കൽ സ്റ്റീഫന്റെ മകൻ റീചാർഡിന്റെ വാക്കാണ്, ഹൃദയത്തിൽ തൊട്ടുള്ള വാക്ക്.....\"


                                    തുടരും........