\"എടാ ശിവ ഒരു കാര്യത്തിൽ നിന്നെ സമ്മതിക്കണം എത്ര കുടിച്ച് ബോധം ഇല്ലേലും നീ നല്ല പെർഫെക്റ്റ് ആയിട്ട് ബൈക്ക് ഓടിച്ചു വീട്ടിൽ എത്തും.\"സിദ്ധുവും പറഞ്ഞു.

അവരെല്ലാം പറയുന്നത് കേട്ട ശിവക്ക് നല്ല ദേഷ്യം വരുന്നുണ്ടായിരുന്നു അവൻ അവിടെ ഇരുന്നാ ഒരു വോഡ്കയുടെ കുപ്പിയെടുത്ത് വായിലേക്ക് കമഴ്ത്തി.

*****

അന്ന് ശിവ പതിവിലും കൂടുതൽ കുടിച്ചു. കൂട്ടുകാർ പറയുന്നത് ഒക്കെ കേട്ടപ്പോൾ അതിന്റെ ദേഷ്യത്തിൽ കുടിച്ചതാണ്.

\"എടാ അഭി ഞാൻ പോവാ വീട്ടിൽ അവൾ ഒറ്റയ്ക്കാ\"കൂടുതൽ കുടിച്ചതുകൊണ്ട് ശിവയുടെ നാവ് കുഴയുന്നുണ്ടായിരുന്നു.

\"അവളോ ഏതവള്?\" സിദ്ധു തീർന്ന കുപ്പിയിലെ അവസാനത്തെ തുള്ളിക്കൂടെ വായിലേക്ക് ഒഴിക്കാൻ ശ്രെമിച്ചുകൊണ്ട് ചോദിച്ചു.

\"ആ എനിക്ക് പേരൊന്നും അറിയത്തില്ല ഞാൻ പോവാ\"ശിവ അതും പറഞ്ഞ് തന്റെ ബൈക്കിന്റെ കീയും എടുത്ത് ആടി ആടി വണ്ടിയുടെ അടുത്തേക്ക് നടന്നു.എല്ലാവരും കുടിച് ബോധം ഇല്ലാതെ ഇരുന്നതുകൊണ്ട് ആരും അവനോട് അതികം ഒന്നും ചോദിച്ചില്ല.

****

ഇതേ സമയം ആമി ശിവയെയും കാത്ത് പുറത്തിരിക്കുകയായിരുന്നു.സമയം 9:30 ആയിട്ടും ശിവ എത്തിയിരുന്നില്ല.അപ്പോഴാണ് അപ്പുറത്തെന്ന് ഷൂളം അടിക്കുന്ന ശബ്‌ദം ആമി കേട്ടത്.ആദ്യം അവൾ അത്‌ കാര്യമാക്കിയിരുന്നില്ല.

\"എന്താ മോളെ ഒറ്റയ്ക്കാണോ കൂട്ടിന് ഞാൻ വരണോ?\"മതിലിന് അപ്പുറത്തെന്ന് ഒരാൾ വിളിച്ച് പറയുന്നത് കേട്ടതും ആമിക്ക് ദേഷ്യം വരാൻ തുടങ്ങി.

\"എന്താ മോളെ ആ ശിവനന്ദിനെ പേടിച്ചിട്ട് ആണോ മിണ്ടാതെ ഇരിക്കണെ?\"

ആമിക്ക്‌ ശെരിക്കും ദേഷ്യം വന്നിരുന്നു അയാളുടെ സംസാരം കേട്ടിട്ട്.ഇരുട്ട് ആയതുകൊണ്ട് ആമിക്ക് അവിടെ നിൽക്കുന്ന ആളെ കാണാൻ പറ്റുന്നില്ലെങ്കിലും അവൾക്ക് മനസ്സിലായിരുന്നു അത്‌ താൻ ഇവിടെ വന്നപ്പോൾ മതിലിന്റെ അവിടെ നിന്ന് തന്നെ നോക്കിയ ആളാകുമെന്ന്.

ആമി അയാൾക്കുള്ള മറുപടി കൊടുക്കനായി ഇരുന്നിടത്തേന്ന് എഴുന്നേറ്റതും ശിവയുടെ ബൈക്ക് അവിടെക്ക്‌ വന്നതും ഒന്നിച്ചായിരുന്നു.

ശിവയെ കണ്ട ആമി ഒന്ന് ഞെട്ടി. കാരണം അവന്റെ കോലം കണ്ടിട്ട് ആമിക്ക് ഉള്ളിൽ പേടി നിറയാൻ തുടങ്ങിയിരുന്നു.

ശിവ ആമി അവിടെ നില്കുന്നുണ്ടെന്നുള്ളത് പോലും ശ്രെദ്ധിക്കാതെ അകത്തേക്ക് കയറി പോയി.ആമി മതിലിന്റെ അവിടേക്ക് ഒന്നുകൂടെ നോക്കിയിട്ട് അകത്തേക്ക് പോയി ഡോർ അടച്ചു.

ആമി നോക്കുമ്പോൾ ഇട്ടിരിക്കുന്ന ഡ്രസ്സ്‌ പോലും മറ്റാതെ ശിവ ബെഡിൽ കിടക്കുകയാണ്.അവൾ അവനെ ഒന്ന് നോക്കിയിട്ട് ഹാളിലേക്ക് പോയി അവിടെയുള്ള സെറ്റിയിൽ ഇരുന്നു.

\"എന്റെ ദൈവമേ അയാൾ നേരെ പോയി കിടന്നത് നന്നായി.ശെരിക്കും ഇയാൾ ഒരു പാവം ആണെന്ന് തോനുന്നു.അതികം നാൾ ഇയാളെ ഇങ്ങനെ ബുദ്ധിമുട്ടിക്കാൻ പാടില്ല. എത്രയും പെട്ടന്ന് തന്നെ ഒരു ഹോസ്റ്റൽ കണ്ട് പിടിച്ച് അവിടേക്ക് മാറണം\"ആമി അങ്ങനെ ഓരോന്നെ ഒക്കെ ആലോജിച് ഇരുന്ന് ഉറങ്ങിയിരുന്നു.

*****

രാവിലെ കണ്ണുതുറന്നപ്പോൾ ശിവക്ക് തല പൊട്ടിപോവുന്നതുപോലെ തോന്നി.കുറച്ച് നേരം അവൻ ബെഡ് റെസ്റ്റിൽ ചാരി തലക്കും കൈകൊടുത്തിരുന്നു.കുറച്ച് കഴിഞ്ഞപ്പോഴാണ് ശിവക്ക്‌ ആമിയുടെ കാര്യം ഓർമ്മ വന്നത്.അവൻ ബെഡിൽ നിന്നും എഴുനേറ്റ് വേഗം ഹാളിലേക്ക് ചെന്നു.എന്നാൽ ഹാളിലും അടുക്കളയിലും ഒന്നും ആമിയെ കാണാതെ വന്നതും ശിവ വേഗം പുറത്തേക്ക് ഇറങ്ങി.

\"അതെ ആരെയാ ഈ നോക്കുന്നെ?\"പെട്ടെന്ന് ആമിയുടെ ശബ്‌ദം പുറകിൽ നിന്ന് കേട്ടതും ശിവ വേഗം തന്നെ തിരിഞ്ഞ് നോക്കി.

\"അത്‌ ഞാൻ...ഒന്നുല്ല\"ശിവ പെട്ടെന്ന് പറഞ്ഞു.അപ്പോഴാണ് ശിവ അവളുടെ കൈയിൽ ഇരിക്കുന്ന അലക്കിയ തന്റെ തുണികൾ ഒക്കെ കണ്ടത്.അത്‌ കണ്ട് ശിവ ആമിയെ സംശയത്തോടെ നോക്കി.

\"ഇത് എന്റെ ഡ്രസ്സ്‌ അല്ലെ നിന്നോട് ആരാ ഇതൊക്കെ അലക്കാൻ പറഞ്ഞത്.\"ശിവ തന്റെ പതിവ് ദേഷ്യത്തോടെ ചോദിച്ചു.

\"അത്‌ പിന്നെ എന്റെ ഡ്രസ്സ്‌ ഒക്കെ ആലക്കിയപ്പോൾ..അത്‌ മാത്രല്ല ഞാൻ ഇവിടെ താമസിക്കുമ്പോൾ എന്തെങ്കിലും ഒക്കെ ചെയ്ത് തരണ്ടേ\"

\"എങ്കിൽ നീ ഒരു കാര്യം ചെയ്യ് ഇവിടെ നിന്നും എവിടേക്ക് എങ്കിലും പൊയ്ക്കോ അതാവുമ്പോ ഇതൊന്നും ചെയ്യണ്ടല്ലോ\"അതും പറഞ്ഞ് ശിവ വീടിന് അകത്തേക്ക് കയറി പോയി.

\"എന്റെ പൊന്നോ ഒരു സഹായം ചെയ്തതിന് ആണോ അയാൾ എന്നോട് ഇവിടെ നിന്നും പോവാൻ പറഞ്ഞത്.ഇനി ഈ തുണി ഒക്കെ എവിടെ വിരിക്കും ഞാൻ.\"ചുറ്റും കാട് പിടിച്ച് കിടക്കുന്ന മുറ്റത്തേക്ക് നോക്കികൊണ്ട് ആമി പറഞ്ഞു.

\"ഡീ....\"പെട്ടെന്നാണ് ശിവയുടെ ദേഷ്യത്തോടെയുള്ള വിളി ആമി കേട്ടത്. അവൾ ഞെട്ടികൊണ്ട് തിരിഞ്ഞ് നോക്കിയപ്പോൾ ദേഷ്യത്തോടെ തന്റെ അടുത്തേക്ക് നടന്ന് വരുന്ന ശിവയെയാണ് കണ്ടത്.

ശിവ ആമിയുടെ തൊട്ട് മുന്നിൽ വന്ന് കൈകെട്ടി അവളെ തന്നെ നോക്കി നിന്നു.

ശിവയുടെ ആ നോട്ടം തനിക്ക് അത്ര നല്ലതല്ല എന്ന് തോന്നിയതും ആമി അവന്റെ അടുത്തെന്നും കുറച്ച് പുറകിലേക്ക് നീങ്ങി നിന്നു.അതിന് അനുസരിച്ച് ശിവ അവളുടെ അടുത്തേക്കും ചെന്നു.

\"എ....എന്തിനാ എന്നെ വി...വിളിച്ചേ..?\"ആമി കുറച്ച് പേടിയോടെ ചോദിച്ചു.അതിന് ഉത്തരം പറയാതെ ശിവ ആമിയുടെ കൈയിൽ നിന്നും അലക്കിയ തുണികൾ അടങ്ങിയ ബക്കറ്റ് വാങ്ങി നിലത്ത് വെച്ചിട്ട് അവളുടെ കൈയിൽ ബലമായി പിടിച്ചുകൊണ്ട് അകത്തേക്ക് പോയി.

ശിവ കൈയിൽ മുറുക്കെ പിടിച്ചിരിക്കുന്നതുകൊണ്ട് ആമിക്ക് കൈ നന്നായി വേദനിക്കുന്നുണ്ടായിരുന്നു.പക്ഷെ ശിവയെ പേടിച് അവൾ ഒന്നും മിണ്ടാതെ അവന്റെ ഒപ്പം ചെന്നു.

ഹാളിൽ എത്തിയതും ശിവ ആമിയുടെ കൈയിലെ പിടി വിട്ടിട്ട് അവൾക്ക് മുന്നിലായി കൈയുംകെട്ടി അവളെ തന്നെ നോക്കി നിന്നു.

\"എന്താ ഇത്?\"ശിവ ആമിയെ നോക്കി ചോദിച്ചു.

\"എ...എന്ത്?\"

\"ഇന്നലെ ഞാൻ പോവുന്നത് വരെ ഈ വീട് ഇങ്ങനെ ആയിരുന്നോ കിടന്നത്?\"ശിവ ചുറ്റും നോക്കികൊണ്ട് പറഞ്ഞു.

\"അത്‌ പിന്നെ ഇവിടെ മൊത്തോം പൊടിയും മാറാലയും ഒക്കെ ആയിരുന്നു അതാ ഞാൻ...\"ആമി തല കുനിച്ച് നിന്നുകൊണ്ട് പറഞ്ഞു.

\"ഞാൻ എന്താടി നിന്നെ ഇവിടെ ജോലിക്ക് കൊണ്ടുവന്നതാണോ?\"

\"ആരും ഇല്ലാത്തതല്ലേ വഴിയിൽ നിർതിയിട്ട് പോരാൻ തോന്നിയില്ല അതുകൊണ്ട് നിന്നെ കൂടെ കൊണ്ടുവന്നതാ.ഇനി ശെരിയാവില്ല, ഇത് എന്റെ വീടാ അത്‌ എനിക്ക് ഇഷ്ടമുള്ളതുപോലെ കിടക്കും.ഇനി ഇങ്ങനെ എന്തെങ്കിലും ഞാൻ കണ്ടാൽ തൂക്കി എടുത്ത് ഞാൻ വെളിയിൽ കളയും നിന്നെ പറഞ്ഞില്ലെന്ന് വേണ്ട\"

\"തൂക്കി എടുത്ത് പുറത്ത് കളയാൻ ഞാൻ എന്താ പട്ടിയോ പൂച്ചയോ മറ്റോ ആണോ?\"

\"അല്ലടി തവള\"ശിവയുടെ മറുപടി കേട്ടപ്പോഴാണ് ആമിക്ക് തന്റെ ആത്മഗതം ഉച്ചത്തിൽ ആയിപോയി എന്ന് മനസ്സിലായത്.

\"അതേയ്...\"ശിവ അവളെ ഒന്നുകൂടെ നോക്കിയിട്ട് റൂമിലേക്ക് പോവാൻ തുടങ്ങിയതും ആമി അവനെ വിളിച്ചു.

അങ്ങനെ വിളിക്കുന്നത് ശിവക്ക് ഇഷ്ടല്ലാത്തതുകൊണ്ട് ശിവ ദേഷ്യത്തോടെ ആമിയെ തിരിഞ്ഞ് നോക്കി.

\"ഇനി എന്താണാവോ തമ്പുരാട്ടിക്ക് വേണ്ടത്?\"

\"അത്‌ പിന്നെ ആ തുണി ഒക്കെ ഒന്ന് വിരിച്ചിടാൻ ഒരു അയ കെട്ടിത്തരുമോ?\"ആമി വളരെ ദയനീയ ഭാവത്തോടെ ചോദിച്ചു.

ശിവ അവളെ ഒന്ന് നോക്കി പേടിപ്പിച്ചിട്ട് പുറത്തേക്ക് പോവാൻ തുടങ്ങിയതും ആമി പിന്നെയും അവനെ വിളിച്ചു.

\"അതേയ്...\"അതുകൂടെ ആയതും ശിവക്ക് തന്റെ ദേഷ്യം നിയന്ത്രിക്കാനായില്ല അവൻ അവളുടെ കൈപിടിച്ച് അവളെ തന്നിലേക്ക് ചേർത്ത് നിർത്തി.ആമി ശിവയിൽ നിന്നും അങ്ങനെ ഒരു നീക്കം പ്രേതീക്ഷിക്കാത്തതുകൊണ്ട് അവൾ ശെരിക്കും ഞെട്ടിയിരുന്നു.

\"ദേ ഞാൻ ഒരു കാര്യം പറഞ്ഞേക്കാം ഒന്നെങ്കിൽ നീ എന്നെ പേര് വിളിക്ക് അല്ലെങ്കിൽ വേറെ എന്തെങ്കിലും ഇനി ഈ അതേയ് എന്ന് ഒള്ള വിളി നിന്റെ വായിൽ നിന്ന് എങ്ങാനും വീണാൽ ബാക്കി ഞാൻ അപ്പോൾ പറയാം\"അത്രയും പറഞ്ഞുകൊണ്ട് ശിവ ആമിയിൽ നിന്നും വിട്ട് മാറി.പക്ഷെ ആമി എന്നിട്ടും അതെ നിൽപ്പ് തന്നെയായിരുന്നു.

\"നീ എന്താ പറയാൻ വന്നത്?\"ശിവ ചോദിച്ചു.

\"അത്‌...ഞ... ഞാൻ ഒ....ഒന്നും\" ആമിക്ക്‌ ഒന്നും പറയാൻ പറ്റുന്നുണ്ടായിരുന്നില്ല.

\"എന്താണെന്ന് പറയടി\"ശിവ ദേഷ്യത്തോടെ പറഞ്ഞതും ആമി പെട്ടെന്ന് ഒന്നുല്ലന്ന് പറഞ്ഞു.അത്‌ കേട്ടതും ശിവ അവളെ ഒന്ന് രൂക്ഷമായി നോക്കിയിട്ട് പുറത്തേക്ക് ഇറങ്ങി പോയി.


തുടരും...