ശരത് പെട്ടെന്ന് അവളുടെ അടുത്തേക്ക് നീങ്ങി നിന്ന് അവളുടെ ചെവിയുടെ അടുത്തേക്ക് മുഖം അടുപ്പിച്ച് ചെവിയിലായി അവന്റെ അധരങ്ങൾ ചേർത്തു. ഗായത്രി പെട്ടെന്ന് തന്നെ അവനെ പിന്നിലേക്ക് തള്ളി. ശരത് ഒരു കുസൃതി ചിരിയോടെ വീണ്ടും അവളുടെ അടുത്തേക്ക് ചേർന്ന് നിന്നു.

\"അതെ ഇടക്ക് എന്നിൽ നിന്ന് ഇതൊക്കെ പ്രതീക്ഷിക്കാം കേട്ടോ\"അതും പറഞ്ഞ് ചിരിച്ചുകൊണ്ട് ശരത് അകത്തേക്ക് പോയതും ഗായത്രിയുടെ ചുണ്ടിലും ഒരു പുഞ്ചിരി വിരിഞ്ഞു.

അവൾ നേരെ നോക്കിയത് താഴെ കുഞ്ഞിനേയും കൊണ്ട് ഇരിക്കുന്ന അർപ്പിതയെ ആയിരുന്നു. എന്തുകൊണ്ടാവും ശരത് അവളെ ഇറക്കി വിടാത്തത് എന്ന ചിന്ത അവളുടെ മനസ്സിൽ വന്നുകൊണ്ടിരുന്നു.

ഇതേ സമയം ശരത് ഓഫീസിലേക്ക് പോകാൻ റെഡി ആവുകയായിരുന്നു. അപ്പോഴാണ് റൂമിലേക്ക് ശിവാനി കയറി വന്നത്.

\"ശരത്തേട്ടാ...\"ശിവാനിയുടെ ശബ്‌ദം കേട്ടതും ശരത് തിരിഞ്ഞ് നോക്കി.

\"നീ എന്താ ഇവിടെ?\"ശരത് സംശയത്തോടെ ചോദിച്ചു.

\"അത്‌ അമ്മയും അച്ഛനും അത്യാവിശ്യമായി ചെന്നൈ വരെ പോയിരിക്കുവ അപ്പോൾ എന്നോട് ഇവിടെ വന്ന് നില്കാൻ പറഞ്ഞു അവർ വരുന്നത് വരെ\"ശിവാനി മറുപടി പറഞ്ഞു.

\"മ്മ്.. അവർ എന്നാ തിരിച്ച് വരുക\"

\"അത്‌ അറിയില്ല വരുമ്പോൾ ഇവിടേക്ക് വരും എന്നാണ് പറഞ്ഞത്\"ശിവാനി ശരത്തിനെ തന്നെ നോക്കികൊണ്ട് പറഞ്ഞു.

\"മ്മ്..ഓക്കേ നീ താഴേക്ക് ചെല്ല്\" ശരത് അത്‌ പറഞ്ഞിട്ട് തിരിഞ്ഞ് നിന്ന് ഷെൽഫിൽ നിന്നും ഏതോ ഫയൽ നോക്കാൻ തുടങ്ങി. അപ്പോഴാണ് ബാൽകണിയിൽ നിന്നും ഗായത്രി അകത്തേക്ക് വന്നത്. എന്നാൽ ഡോറിന് അടുത്ത് നിന്ന ശിവാനി ശരത്തിനെ കണ്ണെടുക്കാതെ നോക്കി നില്കുന്നത് കണ്ടതും അവൾക്ക് ദേഷ്യം വരാൻ തുടങ്ങിയിരുന്നു.അവൾ അതെ ദേഷ്യത്തോടെ ബാൽക്കണി ഡോർ വലിച്ചടച്ചു.അതെ സമയം ശിവാനിയും ശരത്തും ഒരേ പോലെ ഞെട്ടിയിരുന്നു.

ശരത് സംശയത്തോടെ ഗായത്രിയെ നോക്കിയതും അവൾ ഡോറിന് അരികിലേക്ക് ദേഷ്യത്തോടെ നോക്കുന്നതാണ് കണ്ടത്.അവൻ തിരിഞ്ഞ് നോക്കിയപ്പോൾ കാണുന്നത് ഗായുവിനെ നോക്കി ദഹിപ്പിക്കുന്ന ശിവാനിയെയായിരുന്നു.

\"എന്താ ശിവാനി ഇത് വരെ പോയില്ലേ?\"ശരത്തിന്റെ ശബ്‌ദം കേട്ടപ്പോഴാണ് ഗായത്രിയിൽ നിന്നുള്ള നോട്ടം ശിവാനി മാറ്റിയത്.

\"അത്‌ ഞാൻ...\"ശിവാനി എന്തോ പറയാൻ വന്നതും ശരത് തടഞ്ഞു.

\"കൂടുതൽ ഒന്നും പറയാൻ നിക്കാതെ പോവാൻ നോക്ക്‌\"അവൻ അത്‌ പറഞ്ഞതും ശിവാനി ഗായത്രിയെ ഒന്നുകൂടെ നോക്കിയിട്ട് പുറത്തേക്ക് പോയി.

ശരത് പോയി ഡോർ ലോക്ക് ചെയ്ത് തിരിഞ്ഞപ്പോൾ കാണുന്നത് വിൻഡോ വഴി താഴേക്ക് നോക്കി നിൽക്കുന്ന ഗായത്രിയെ ആയിരുന്നു.അവൻ ഒരു പുഞ്ചിരിയോടെ അവളുടെ അടുത്തേക്ക് നടന്നു.

\"എന്താണ് എന്റെ ഭാര്യ കലിപ്പിൽ ആണോ?\"ശരത് അവളെ പിന്നിൽ നിന്നും കെട്ടിപിടിച്ചുകൊണ്ട് ചോദിച്ചു.
എന്നാൽ ഗായത്രി ഒന്നും മിണ്ടാതെ നിൽക്കുക മാത്രമാണ് ചെയ്തത്.

\"എന്താടോ ഒന്നും മിണ്ടാതെ?\"ശരത് വീണ്ടും ചോദിച്ചതും ഗായു തന്നെ ചുറ്റിപ്പിടിച്ചിരിക്കുന്ന അവന്റെ കൈകൾ എടുത്ത് മാറ്റി ശരത്തിന് നേരെ തിരിഞ്ഞ് നിന്നു.

അവൾ തനിക്ക് നേരെ തിരിഞ്ഞ അതെ നിമിഷം ശരത് അവളെ തന്റെ നെഞ്ചിലേക്ക് ചേർത്ത് നിർത്തിയിരുന്നു.

\"ഇനി പറ എന്താ എന്റെ കുട്ടിക്ക് പറ്റിയെ?\"ശരത് ചോദിച്ചതും അവൾ ഒന്നുമില്ല എന്ന് പറഞ്ഞു.

\"പിന്നെ എന്തിനാ ഇത്ര ഗൗരവം?\"അവൻ അവളുടെ മുക്കിൻ തുമ്പിൽ പിടിച്ചുകൊണ്ട് ഒരു പുഞ്ചിരിയോടെ ചോദിച്ചു.

അതിനും അവൾ ഒന്നുമില്ല എന്നാ തലയനക്കി.എന്നാൽ ശരത് അവളുടെ കണ്ണുകളിലേക്ക് തന്നെയാണ് ശ്രെദ്ധിച്ചത്. അവൻ നോക്കുന്നത് കണ്ടതും അവൾ നാണത്തോടെ മുഖം താഴ്ത്തി.

\"ഞാൻ എടുത്തോട്ടെ?\"ശരത് അവളുടെ കാതോരം ചോദിച്ചു.

അവൾ എന്താണെന്നുള്ള അർത്ഥത്തിൽ മുഖം ഉയർത്തി അവനെ നോക്കി.ശരത് ഒരു പുഞ്ചിരിയോടെ അവളുടെ അധരങ്ങളിൽ മെല്ലെ കൈകൊണ്ട് തഴുകിയതും അവൾ തന്റെ കൈ സാരീ തുമ്പിൽ മുറുക്കെ പിടിച്ചുകൊണ്ട് കണ്ണുകൾ അടച്ചു നിന്നു. അവളുടെ ഹൃദയമിടിപ്പ് നല്ല ഉച്ചത്തിൽ തന്നെ ശരത്തിന് കേൾക്കാൻ കഴിയുന്നുണ്ടായിരുന്നു.

അവളുടെ ആ നിൽപ്പ് കണ്ടതും ശരതിന് ചിരിയാണ് വന്നത്.അവൻ അവളിൽ നിന്ന് കുറച്ച് പുറകിലേക്ക് നീങ്ങി കൈകെട്ടി നിന്നു.

കുറച്ച് നേരമായിട്ടും ശാരത്തിന്റെ അനക്കം ഒന്നും ഇല്ലാതെ വന്നതും അവൾ മെല്ലെ കണ്ണുതുറന്നു നോക്കി.

തന്നെ നോക്കി ചിരിയോടെ നിൽക്കുന്നവനെ കണ്ടതും അവളുടെ മുഖം നാണം കൊണ്ട് നിറഞ്ഞിരുന്നു.ശരത് ഒരു നിമിഷം പോലും ആലോജിക്കാതെ അവളെ ഭിത്തിയിലേക്ക് ചേർത്ത് നിർത്തി അവളുടെ ചുണ്ടുകളുടെ മധുരം നുകരാൻ തുടങ്ങിയിരുന്നു.

ആദ്യം അവൾ അവനെ പിന്നിലേക്ക് തള്ളിമാറ്റാൻ ശ്രെമിച്ചുവെങ്കിലും പിന്നീട് അവളും അവന്റെ ചുംബനത്തിൽ അടിമപ്പെട്ട് പോയിരുന്നു.അതെ സമയം അവന്റെ കൈകൾ അവളുടെ ഇടുപ്പിൽ മുറുകിയതും അവൾ ഒരു ഏങ്ങലോടെ അവന്റെ ഷർട്ടിലായി മുറുക്കെ പിടിച്ചു.

ഗായുവിന് ശ്വാസം എടുക്കാൻ ബുദ്ധിമുട്ട് തോന്നിയതും അവൾ അവനെ പിന്നിലേക്ക് തള്ളി മാറ്റാൻ തുടങ്ങിയിരുന്നു അത്‌ മനസ്സിലാക്കി എന്നോണം ശരത് അവളുടെ ചുണ്ടിന്റെ സ്വാതന്ത്രമാക്കികൊണ്ട് അവളുടെ കഴുത്തിലേക്ക് മുഖം ചേർത്ത് അവളുടെ കഴുത്തിലെ കുഞ്ഞ് മറുകിൽ തന്റെ അധരങ്ങൾ ചേർത്തു.അതുകൂടെ ആയതും അവൾ ശെരിക്കും തളർന്നിരുന്നു.

ശരത് മുഖം ഉയർത്തി നോക്കിയതും കാണുന്നത് താൻ നൽകിയ പ്രണയചുംബനങ്ങളുടെ ഹാങ്ങോവറിൽ കണ്ണും അടച്ച് നെഞ്ചിൽ കൈവെച്ച് ശ്വാസം വിടുന്ന ഗായുവിനെയായിരുന്നു.

അവന്റെ നോട്ടം കണ്ടതും ഗായത്രി എന്താണെന്നുള്ള രീതിയിൽ അവനെ നോക്കി.

\"ഇത്ര പെട്ടെന്ന് ഷീണിച്ചാൽ എങ്ങനെയാ? ഇതൊക്കെ സാമ്പിൾ അല്ലെ മോളെ.ഇനി എല്ലാ അർത്ഥത്തിലും നീ എന്റെയാകുമ്പോൾ ഇത്രയും സ്റ്റാമിന ഒന്നും പോരാട്ടോ\"ശരത് താടി ഉഴിഞ്ഞുകൊണ്ട് ഗായുവിനെ നോക്കി പറഞ്ഞു.

അവൻ പറഞ്ഞത് കേട്ടതും അവൾ നാണത്താൽ മുഖം താഴ്ത്തി.ശരത് അത്‌ കണ്ട് അവളോട് ചേർന്ന് നിന്ന് അവളുടെ നെറ്റിയിൽ അവന്റെ ചുണ്ടുകൾ ചേർത്തു.

\"ചേട്ടൻ പോയിട്ട് വരാം ഇനിയും ഇവിടെ നിന്നാൽ നമ്മുടെ ഫസ്റ്റ് ഡേ മിക്കവാറും കഴിയും അതുകൊണ്ട് ഞാൻ പോവുന്നതാവും നല്ലത്\"ശരത് അതും പറഞ്ഞ് അവളിൽ നിന്നും മാറി തന്റെ ഷർട്ട്‌ ഒന്ന് നോക്കി.

\"ഇനി ഇത് ഇട്ടോണ്ട് പോവാൻ പറ്റുന് തോന്നുന്നില്ല\"ശരത് അത്‌ പറഞ്ഞതും അവൾ അവനെ സംശയത്തോടെ നോക്കി

\"മൊത്തോം ചുളുക്കി വെച്ചിരിക്കുവല്ലേ പെണ്ണെ നീ\"അവൻ കളിയായി പറഞ്ഞുകൊണ്ട് കാബോർഡിൽ നിന്നും മറ്റൊരു ഷർട്ട്‌ എടുത്ത് ഇട്ടു.

\"ഞാൻ പോയിട്ട് വരാം\"അവളുടെ തോളത്തുകൂടെ കൈയിട്ട് ഒന്നുകൂടെ അവളുടെ നെറ്റിയിലായി ഉമ്മ വെച്ചുകൊണ്ട് അവൻ പറഞ്ഞു.

ശരത് ബെഡിൽ നിന്നും ഫയലും എടുത്ത് താഴേക്ക് പോവാൻ തുടങ്ങിയതും ഗായു അവന്റെ കൈയ്യിൽ പിടിച്ചു.അവൻ എന്താണെന്നുള്ള അർത്ഥത്തിൽ അവളെ നോക്കി.

അവൾ മറ്റൊന്നും ആലോജിക്കാതെ അവനെ പെട്ടെന്ന് തന്നെ കെട്ടിപിടിച്ചു.
ശരത് ആദ്യം ഒന്ന് ഞെട്ടിയെങ്കിലും പിന്നീട് അവനും അവളെ ചേർത്ത് പിടിച്ചു.

\"ഞാൻ പോയിട്ട് വരാടാ\"ശരത് അത്‌ പറഞ്ഞതും ഗായു അവനെ നോക്കി.

\"ഞാനും വരാം താഴെ വരെ\"

\"എന്നാ വാ\"അതും പറഞ്ഞ് ശരത് അവളെയും കൂട്ടി താഴേക്ക് നടന്നു.

ഗായുവിന്റെ തോളിലൂടെ കൈയിട്ട് പുഞ്ചിരിയോടെ എന്തൊക്കെയോ പറഞ്ഞുകൊണ്ട് താഴേക്ക് ഇറങ്ങിവരുന്ന ശരത്തിനെ കണ്ടതും ഹാളിൽ ഇരുന്ന ശിവാനിയുടെയും അർപ്പിതയുടെയും മുഖം ദേഷ്യത്തൽ ചുമന്നു.എന്നാൽ ഹാളിൽ ഇരുന്ന ബാക്കി എല്ലാവരുടെയും മുഖത്ത് ഒരു പുഞ്ചിരി വിരിഞ്ഞു.

\"ആഹാ ഇതെപ്പോ സെറ്റ് ആയി?\"ആദി രണ്ട് പേരെയും നോക്കി ചോദിച്ചു.അതിന് അവർ രണ്ടാളും ഒരു പുഞ്ചിരി നൽകി.

\"എന്റെ പൊന്നോ ദേ സംഗീതേട്ടാ നോക്കിയേ നമ്മുടെ ശരത്തേട്ടൻ തന്നെ അല്ലെ ഇത്.ആദ്യായിട്ടാ ഏട്ടൻ ഇതുപോലെ ചിരിച് ഞാൻ കാണുന്നെ\"ആദി സന്തോഷത്തോടെ പറഞ്ഞു.

\"അതെ ഇനി ചിലരൊക്കെ ഏട്ടന്റെ ജീവിതത്തിൽ നിന്നു കൂടി ഒഴിഞ്ഞു പോയിരുന്നേങ്കിൽ ഏട്ടൻ ഡബിൾ ഹാപ്പി ആവും അല്ലെ ഏട്ടാ?\"സംഗീത് ശിവാനിയേം അർപ്പിതയേം നോക്കി പറഞ്ഞതും അർപ്പിത സോഫയിൽ നിന്നും ചാടി എഴുനേറ്റു.

തുടരും