\"എടാ നിന്നെ എന്റെ കൈയിൽ കിട്ടും അന്ന് ആവും ഈ ജീവിതത്തിലെ നിന്റെ അവസാന ദിവസം ഓർത്ത് വെച്ചോ നീ കുറച്ചു കെട്ടോടാ പുന്നാര മോനെ\"ശരത് ദേഷ്യത്തിൽ കോൾ കട്ട്‌ ചെയ്തു.

മറ്റൊന്നും ചിന്തിക്കാൻ നില്കാതെ അവൻ കാറിന്റെ കീയും എടുത്ത് വേഗത്തിൽ തന്നെ പുറത്തേക്ക് നടന്നു.പോകുന്ന വഴി തനിക്ക് വന്ന കോൾ ആരുടെ നമ്പറിൽ നിന്നാണെന്ന് അറിയാനായി സൈബർ സെല്ലിൽ കംപ്ലയിന്റ് ചെയ്യാനും ശരത് മറന്നില്ല.

ശരത് വീട്ടിലെക്ക്‌ ആയിരുന്നു നേരെ പോയത്.പതിവിലും നേരത്തെ ശരത്തിനെ വീട്ടിൽ കണ്ടതും സീത കാര്യം തീർക്കാൻ ചെന്നെങ്കിലും അവൻ ദേഷ്യത്തോടെ റൂമിലേക്ക് കയറി പോവുകയാണ് ചെയ്തത്.

\"മോളെ ശരത് ആകെ ദേഷ്യത്തിലാ കയറി പോയേകുന്നത് മോള് ചെന്ന് അവനോട് കാര്യം എന്താണെന്ന് ഒന്ന് തിരക്ക്.?\"സീത ഗായത്രിയോട് പറഞ്ഞതും അവൾ റൂമിലേക്ക്‌ പോയി.

ഗായത്രി റൂമിൽ എത്തിയപ്പോൾ കാണുന്നത് ഇട്ടിരുന്ന ഡ്രസ്സ്‌ പോലും മാറാതെ ബെഡിൽ മലർന്ന് കിടക്കുന്ന ശരത്തിനെയായിരുന്നു.
അവൾ അവന് അരികിലായി ബെഡിൽ ചെന്ന് ഇരുന്നു.

\"എന്ത് പറ്റി അമ്മ പറഞ്ഞു ദേഷ്യത്തിലാണ് കയറി വന്നതെന്ന്?\"അവൾ ചോദിച്ചെങ്കിലും ശരത് മറുപടി ഒന്നും പറഞ്ഞില്ല.

\"എന്താ കാര്യം എന്നോട് പറഞ്ഞൂടെ?\"

\"ഗായത്രി പ്ലീസ് ഞാൻ ഇപ്പോൾ നല്ലമൂഡിൽ അല്ല.\"

\"കാര്യം എന്താണെന്ന് എങ്കിലും പറഞ്ഞൂടെ?\"

\"നിന്നോടല്ലേ പറഞ്ഞത് എനിക്ക് ഇപ്പോൾ സംസാരിക്കാൻ താല്പര്യം ഇല്ലാന്ന്. \"ശരത് ബെഡിൽ നിന്നും ദേഷ്യത്തോടെ എഴുനേറ്റുകൊണ്ട് പറഞ്ഞു.

\"അമ്മ എന്നോട് ചോദിക്കാൻ പറഞ്ഞു അതുകൊണ്ടാ ഞാൻ.. \"അവൾ അവന് പിന്നിലായി ചെന്ന് നിന്നുകൊണ്ട് പറഞ്ഞു.

\"Get out\"ശരത് ദേഷ്യത്തോടെ പറഞ്ഞു.

\"സോറി ഞാൻ..\" അവൾ എന്തോ പറയാൻ വന്നതും അവൻ അവളുടെ കൈയിൽ ബലമായി പിടിച്ചുകൊണ്ട് അവളെ റൂമിന് പുറത്തേക്ക് തള്ളി ഡോർ അടച്ചു.

ശക്തിയോടെ തള്ളിയതിനാൽ ഗായത്രി നേരെ ചെന്ന് വീണത് ഭിത്തിയുടെ സൈഡിലേക്ക് ആയിരുന്നു.അവളുടെ തല ഭിത്തിയിൽ ശക്തിയോടെ ഇടിച്ച് നെറ്റിയുടെ സൈഡിലായ് കുറച്ച് ആഴത്തിൽ തന്നെ മുറിഞ്ഞ് ഒരുപാട് രക്തം പോവുന്നുണ്ടായിരുന്നു.ഒരുപാട് പ്രാവശ്യം അവൾ നിലതെന്ന് എഴുനേൽക്കാൻ ശ്രെമിച്ചെങ്കിലും അവളുടെ കാലുകൾ കുഴഞ്ഞുപോകുന്നതുപോലെ തോന്നി അവൾക്ക്. പതിയെ എഴുനേറ്റ് നിന്നെങ്കിലും അപ്പോൾ തന്നെ ബോധം മറഞ്ഞ് അവൾ നിലത്തേക്ക് വീണിരുന്നു.

റൂമിൽ നിന്ന് എന്തോ എടുക്കാൻ മുകളിലേക്ക് കയറിവന്ന സംഗീതാണ് ചോരയിൽ കുളിച്ചുകിടക്കുന്ന ഗായുവിനെ ആദ്യം കണ്ടത്.അവന് ആദ്യം എന്ത് ചെയ്യണം എന്ന് അറിയില്ലായിരുന്നു പെട്ടെന്ന് തന്നെ അവൻ അവളെ രണ്ടുകൈകളിലുമായി കോരിയെടുത്ത സ്റ്റെപ്പുകൾ ഇറങ്ങി.ഹാളിൽ ഇരുന്ന സീത ഇത് കണ്ട് ഞെട്ടി പോയിരുന്നു. കാരണം അതുപോലെ അവളുടെ നെറ്റിയിൽ നിന്നും ചോര ഒഴുകുന്നുണ്ടായിരുന്നു.

\"എന്ത് പറ്റിയതാടാ എന്റെ കുഞ്ഞിന്.\"അവർ ആവലാതിയോടെ ചോദിച്ചു.

\"എനിക്ക് അറിയില്ലമ്മേ ഞാൻ ചെന്നപ്പോ ഏട്ടത്തി റൂമിന് മുന്നിൽ ബോധം ഇല്ലാതെ കിടക്കുവായിരുന്നു.\"അവൻ കാറിന് അരികിലേക്ക് നടക്കുന്നതിനിടയിൽ പറഞ്ഞു.

\"അമ്മ വേഗം ഡോർ തുറക്ക് നമ്മക്ക് വേഗം ഹോസ്പിറ്റലിൽ പോണം ഇപ്പോൾ തന്നെ ബ്ലഡ്‌ ഒരുപാട് പോയിട്ടുണ്ട്.\"

സീത ഡോർ തുറന്ന് കൊടുത്തതും സംഗീത് വേഗം അവളെ പിന്നിലെ സീറ്റിലേക്ക് കിടത്തിയിട്ട് ഡ്രൈവിംഗ് സീറ്റിലായി കയറി ഇരുന്നു.സീത പിന്നിലായി ഇരുന്നുകൊണ്ട് അവളുടെ തല തന്റെ മടിയിലേക്ക് എടുത്ത് വെച്ചു.

\"മോനെ ശരത് റൂമിൽ ഉണ്ടായിരുന്നു അവനോട് ഒന്ന് പറഞ്ഞില്ലാലോ\"

\"ആദ്യം ഏട്ടത്തിയെ വേഗം ഹോസ്പിറ്റലിൽ എത്തിക്കാം അമ്മേ എന്നിട്ട് നമ്മുടേക്ക് ബാക്കി ഒക്കെ നോക്കാം. \"അത്‌ പറഞ്ഞ് അവൻ വേഗം തന്നെ കാർ ഓടിച്ചു.

ഹോസ്പിറ്റലിൽ എത്തിയതും സംഗീത് അവളെ കൈകളിൽ കോരിയെടുത്ത് വേഗം ഹോസ്പിറ്റലിന് ഉള്ളിലേക്ക് കയറി അപ്പോൾ തന്നെ അറ്റെൻഡർ സ്‌ട്രെക്ചർ ആയിട്ട്
വന്നു അവളെ അതിൽ കിടത്തി കാശ്വലിറ്റിയിലേക്ക് കയറ്റി.സീതയും സംഗീതും ടെൻഷനോടെ പുറത്ത് തന്നെ ഇരുന്നു.

കുറച്ച് കഴിഞ്ഞതും നേഴ്സ് വന്ന് അവളുടെ ഡീറ്റെയിൽസ് ഒക്കെ എഴുതികൊണ്ട് പോയി. ഒരു 20 മിനിറ്റ് കഴിഞ്ഞതും ആദ്യം വന്ന നേഴ്സ് പിന്നെയും പുറത്തേക്ക് ഇറങ്ങി വന്നു.

\"ഗായത്രിയുടെ കൂടെ വന്നവരെ ഡോക്ടർ അകത്തേക്ക് വിളിക്കുന്നു.\"അവർ അത്‌ പറഞ്ഞിട്ട് തിരിച്ച് കയറി പോയി.
സംഗീത് സീതയെയും കൂട്ടി അവർക്ക് പിന്നാലെ ചെന്നു.

Dr.Aruna Ram എന്ന് എഴുതിയിരിക്കുന്ന ക്യാബിന് അകത്തേക്ക് അവർ രണ്ടാളും കയറി.

\"ഡോക്ടർ\"

\"നിങ്ങളാണോ ഗായത്രിയുടെ കൂടെ വന്നവര്?\"

\"അതെ ഡോക്ടർ\"

\"രണ്ടാളും ഇരിക്കു.
താൻ ആ കുട്ടിയുടെ ഹസ്ബൻഡ് ആണോ?\"

\"അല്ല ഞാൻ അനിയനാണ്.\"

\"ആഹ് ഓക്കേ.പിന്നെ ആ കുട്ടിയുടെ ബ്ലഡ്‌ ഒരുപാട് പോയിട്ടുണ്ട് കൃത്യസമയത് ഇവിടെ എത്തിച്ചതുകൊണ്ട് കുഴപ്പം ഒന്നും ഉണ്ടായില്ല. പിന്നെ നെറ്റിയിലെ മുറിവ് കുറച്ച് ആഴത്തിൽ ഉള്ളതാണ് 8 സ്റ്റിച്ച് ഉണ്ട്.\"

\"ഡോക്ടർ ഇപ്പോൾ ഏത്തട്ടിക്ക് വേറെ കുഴപ്പം ഒന്നും ഇല്ലാലോ?\"

\"വേറെ കുഴപ്പം ഒന്നുല്ലാ പക്ഷെ ആള് കുറച്ചു വീക്ക്‌ ആണ് നല്ലപോലെ റസ്റ്റ്‌ വേണം.\"

\"ഇന്ന് തന്നെ ഡിസ്ചാർജ് ചെയ്യാൻ പറ്റുമോ?\"

\"ആഹ് ഒരു മണിക്കൂർ ഡ്രിപ് ഇട്ട് കിടക്കട്ടെ എന്നിട്ട് ഡിസ്ചാർജ് ചെയാം.\"

\"Ok thank you doctor \"

****
ശരത് വൈകുന്നേരം ആയപ്പോഴാണ് പിന്നെ റൂമിന് പുറത്തേക് വന്നത്.അപ്പോഴാണ് റൂമിന് പുറത്ത് നിറയെ ചോര കിടക്കുന്നത് അവൻ ശ്രെദ്ധിച്ചത്.അവൻ ടെൻഷനോടെ താഴേക്ക് ചെന്നപ്പോൾ അവിടെയും തുള്ളിതുള്ളിയായി ചോര വീണ് കിടപ്പുണ്ടായിരുന്നു.അവൻ 
ടെൻഷനോടെ അവിടെ ഒക്കെ ഗായത്രിയെ തിരയാൻ തുടങ്ങി എങ്കിലും ആരും അവിടെ ഇല്ല എന്ന് അവന് മനസ്സിലായി.ശരത് വേഗം തന്നെ ഫോൺ എടുത്ത് സംഗീതിന്റെ ഫോണിലേക്ക് ഡയൽ ചെയ്തതും പുറത്ത് കാർ വന്ന് നിന്നതും ഒരുമിച്ചായിരുന്നു