\"അങ്കിൾ.....,
എന്താ അങ്ങനെ ചോദിച്ചത്. \"

\"മോളുടെ പപ്പയുടെ സ്വഭാവം നിങ്ങളെക്കാളും നന്നായി അറിയുന്നവനാണ് ഞാൻ,

കൊല്ലം കുറെയായി എല്ലാം തെറ്റുകളും കണ്ട് കൂടെ നിൽക്കുന്നു.ജയിക്കാനായി ആ മനുഷ്യൻ എന്തും ചെയ്യും.

എല്ലാം കണ്ടിട്ടും, കളഞ്ഞിട്ട് പോകാതെ  കൂടെ നിൽക്കുന്നത് വേറൊന്നും കൊണ്ടല്ല, എന്റെ കുടുംബത്തെ ഓർത്ത്, എന്റെ ജീവിത മാർഗം ഇതായത് കൊണ്ട്. 

എനിക്കും ഒരു മോനുണ്ട് മോളെ...
നിങ്ങളുടെ ഈ പ്രായത്തിൽ പരസ്പരം കുട്ടികൾ തമ്മിൽ സ്നേഹിക്കുന്നതും വീട്ടുകാരെ വെറുപ്പിച്ചു മറ്റൊരാളുടെ പോകുന്നതുമൊക്കെ  സ്വാഭാവികമാണ്  .

അതൊക്കെ കണ്ടിട്ടും അവരുടെ മാതാപിതാക്കൾ  ചങ്ക് പൊട്ടിയിട്ടും, വീണ്ടും ജീവിക്കുന്നതും, 
പിന്നീട്  അവരോട് ക്ഷമികുന്നതുമൊക്ക അവർ എവിടെയായാലും, ജീവനോടെ ഉണ്ടല്ലോ എന്നൊരു സമാധാനത്തോടെയാണ് .

അങ്കിൾ എന്തിനാ ഇപ്പോൾ ഇതൊക്കെ എന്നോട് പറയുന്നത് എന്നാവും മോള് കരുതുന്നത്.

മോളും ഒരു പയ്യനുമായി ഇഷ്ടത്തിലാണെന്ന കാര്യം സാറിനു ഇപ്പോൾ അറിയാം,  അത്  ആളെ വിട്ട് ഉറപ്പുക്കുകയും ചെയ്തു. 
ആ പയ്യനെ മോളായിട്ട് കുരുതി കൊടുക്കരുത്. ഒരു കുടുംബത്തിന്റെ പ്രതീക്ഷയാകും അവൻ. 

മോള് ആ പയ്യനോട്  ഒന്ന് സൂക്ഷിക്കാൻ പറയണം .\"


അപ്പോഴേക്കും അവിടേക്ക് ദിയയുടെ മമ്മി വരുന്നു.

\"ദേ മോളുടെ മമ്മി വരുന്നു. തല്ക്കാലം ഇതൊന്നും മമ്മി അറിയണ്ട.\"

അവർ വീട്ടിലേക്ക് വരുമ്പോഴും ദിയയുടെ മനസ്സിൽ ഡ്രൈവർ പറഞ്ഞ കാര്യങ്ങൾ ആയിരുന്നു. 


അതേ സമയം ദിയയുടെ വീട്ടിൽ..

\"സാർ അവന്റ പേര് റിച്ചാർഡ്,
ടൗണിൽ വർക്ക്‌ ഷോപ്പ് നടത്തുന്ന സ്റ്റീഫന്റെ മകനാണ്.   വീട്ടിൽ അച്ഛൻ, അമ്മ,  ഒരു പെങ്ങൾ . സാധാരണ കുടുബം. അവൻ ഒരു പ്രഫസറുടെ  കാർ ഓടിക്കുന്നു. \"

\"മം...\"

\"എന്ത് ചെയ്യാനാ സാറെ തീർക്കട്ടെ \"

\"ഇപ്പൊ വേണ്ട പറയാം...,
നീ പോയ്ക്കോ..\'

\"ശെരി....\"

വീട്ടിലേക്ക് വരുന്ന ദിയ അവിടെ വെച്ച് 
അവളെ വാച്ച് ചെയ്യാൻ  പപ്പ എൽപ്പിച്ച ആളെ   കാണുന്നു . 

ആ സമയം ഈ അടുത്ത ദിവസങ്ങളിൽ അയ്യാളെ പലയിടത്തു വെച്ചും കണ്ടത് ദിയ ഓർക്കുന്നു. 


കാറിൽ നിന്നും ഇറങ്ങി വീട്ടിനുള്ളിലേക്ക് കയറിയ ദിയ  ഇതേ പറ്റി പപ്പയുമായി സംസാരിക്കുന്നു.

\"പപ്പാ...\"

\"എന്താ മോളെ.....\"

\"എന്താ പപ്പയുടെ ഉദ്ദേശം.\"

ദിയയുടെ ആ ചോദ്യം കേട്ട് വറീത് ഒന്നും മനസ്സിലാകാതെ നിൽക്കുന്നു. 

\"ഞാൻ ചോദിച്ചത് പപ്പ കേട്ടില്ലേ, 
റിച്ചുവിനെ പപ്പ എന്ത് ചെയ്യാൻ പോകുവാ....\"

\"റിച്ചുവോ, അതാരാ....\"

\"പപ്പ വെറുതെ അഭിനക്കണ്ട....
പപ്പക്ക് എല്ലാം അറിയാമെന്ന് എനിക്കറിയാം. \"

ഇത് കേട്ടുകൊണ്ട് ദിയയുടെ മമ്മി അവിടേക്ക് വരുന്നു.

\"എന്താ മോളെ എന്താ കാര്യം\"

\"മമ്മി പപ്പ വീണ്ടും തെറ്റ് ചെയ്യാൻ പോകുവാ....,
പപ്പാ...,
അവനെതെങ്കിലും സംഭവിച്ചാൽ പിന്നെ ഞാൻ എങ്ങനെയാണ് പ്രീതികരിക്കുകയെന്നു എനിക്ക് തന്നെ അറിയില്ല. \"

\"നീ കാര്യം എന്താണെന്ന് വെച്ചാൽ  പറയ്...\"

\"മമ്മി....,
എനിക്ക് ഒരു പയ്യനെ ഇഷ്ടമാണ്.
അവന്റ പേര് റിച്ചർഡ്.\"

ദിയ പറഞ്ഞത് കേട്ട് ദിയയുടെ മമ്മി ഞെട്ടുന്നു. 

\"മമ്മിക്ക് അവനെ അറിയാം,
അന്ന് ചേച്ചിടെ ഫ്രണ്ട് ആണെന്ന് പറഞ്ഞു പള്ളിയിൽ വെച്ച് പരിചയപ്പെടുത്തിയില്ലേ അവനാ...\"

ആ സമയം മമ്മി ആ കാര്യങ്ങൾ ഓർക്കുന്നു. 


\"അങ്ങനെ എന്തിനാ എന്റെ മോള് വളച്ചു കെട്ടുന്നത്,  വളെരെ വ്യക്തമായി ഞാൻ പറഞ്ഞു തരാം.

ഇവിടെ പത്രം ഇട്ടുകൊണ്ടിരുന്ന,
ഏതോ തെണ്ടി ചെറുക്കനെയാണ് നിന്റെ മോള് കണ്ടെത്തി കൊണ്ടുവന്നത്.\"

\"നല്ലവനാ മമ്മി, 
അവൻ  എൻജിനിയറാണ്, നല്ലൊരു ജോലിക്ക് ട്രൈ ചെയ്യുന്നുണ്ട്, അത് വരെ വീട്ടുകാരെ ബുദ്ധിമുട്ടിക്കാതെ ചെറിയ ചില ജോലികൾ ചെയ്യുന്നുണ്ടെന്ന്
മാത്രം.

പിന്നെ അന്ന് മമ്മിയെ  ഹോസ്പിറ്റലിൽ ആക്കിയതും, ബ്ലഡ്‌ തന്നതുമൊക്കെ അവനാണ്.
എനിക്ക് അവനെ  ഇഷ്ടാണ് മമ്മി,    .


\"മതി  നിർത്ത്, 
ഇതുപോലെ നിന്റെ ചേച്ചി ഒന്നിനെ കൊണ്ടുവന്നിരുന്നു.
അതിന്  ജാതിയെ പ്രശ്നമായിരുന്നുള്ളു , സാമ്പത്തികം ഉണ്ടായിരുന്നു.\"

\"എന്നിട്ട് ചേച്ചിയെ അയ്യാളൊപ്പം   ജീവിക്കാൻ പപ്പ സമ്മതിച്ചോ,
ഇല്ലല്ലോ.   മോഹം കൊടുത്ത് പറ്റിച്ചില്ലേ, അവസാനം സങ്കടം സഹിക്കാൻ വയ്യാതെ എന്റെ ചേച്ചിയും പോയില്ലേ, പപ്പായാ അവളെ കൊന്നത്...\"

\"അതേ,
ഞാൻ തന്നെയാ കൊന്നത്. വേണ്ടിവന്നാൽ നിന്നെയും കൊല്ലും. \"

\"എന്നാൽ കൊല്ല് 
എന്നെ സ്നേഹിക്കുന്ന, എന്നെ മനസിലാക്കുന്ന ഒരാളെയാണ് എനിക്ക് വേണ്ടത്,  അല്ലാതെ സാമ്പത്തിന്റെ തൂക്കം നോക്കി പപ്പ തിരഞ്ഞെടുക്കുന്ന ആളെ എനിക്ക് വേണ്ട. \"

\"അതേ,  എനിക്ക് സമ്പത്ത് തന്നെയാ വേണ്ടത്.   സ്നേഹവും കെട്ടിപിടിച്ചിരുന്നിട്ട് ഈ ലോകത്ത് ഒന്നും നേടാൻ കഴിയില്ല. എല്ലാത്തിനും സമ്പത്ത് വേണം.\"


\"മോളെ, നീ ഒന്ന് സമാധാനപ്പെട് \"
 
\"ഇല്ല മമ്മി,
മമ്മിയെ പോലെ ഇങ്ങനെ നീറി , നീറി  ജീവിക്കാൻ എനിക് താല്പര്യമില്ല.\"


\"നിന്റെ മമ്മിക്ക് ഇവിടെ എന്താടി ഒരു കുറവ്,\"

\"അത് പപ്പാ മമ്മിയോട് ചോദിക്ക്. മമ്മി പറഞ്ഞ് തരും., സമ്പത്ത് കൊണ്ട് മൂടിയിട്ടുണ്ടല്ലോ, എന്നിട്ടും മമ്മിക്ക് സമാധാനമുണ്ടോയെന്ന് ഒന്ന് ചോദിച്ച് നോക്ക്.\"

അത് ശെരി വെക്കുന്ന വിധം  
മമ്മി ഒന്നും മിണ്ടാതെ തല താഴ്ത്തി നിൽക്കുന്നു. 

\"എന്താടി നിനക്ക് ഇവിടെ ഒരു
കുറവ്....

മമ്മി ഒന്നും മിണ്ടാതെ നിൽക്കുന്നു. 

ഓഹ്...,അങ്ങനെ...
ദേ....,
തള്ളയും,  മോളും കൂടി എന്നെ പഠിപ്പിക്കാൻ വരണ്ട.

ദേ, ഞാൻ ജീവിച്ചിരിക്കുമ്പോൾ നീ അവനെ കെട്ടില്ല. \"

\"അവനെത്തെങ്കിലും സംഭവിച്ചാൽ പിന്നെ ഞാനും, ജീവിച്ചിരിക്കില്ല.\"

\"മോളെ.... \"
ദിയ റൂമിലേക്കു ചെല്ലുന്നു. 

\"കൊല്ല് അവളെക്കൂടി കൊല്ല്, എന്നിട്ട് ഇതൊക്കെ കെട്ടിപിടിച്ചു നിങ്ങൾ ഇരിക്ക്.\"

\"ഛേ...\"

വറീത് ഈ കാര്യങ്ങൾ അടുത്ത കൂട്ടുകാരനുമായി ഡിസ്‌കസ് ചെയ്യുന്നു.

\"എടൊ,
ഇങ്ങനെ വാശി കാണിച്ചല്ല അവരെ അനുസരിപ്പിക്കേണ്ടത്,\"

\"പിന്നെ, ആ തെണ്ടിക്ക് കെട്ടിച്ചു കൊടുക്കണോ \"

\"എടാ....,
നീ അവളെ സ്നേഹിച്ചു
അനുനയിപ്പിക്കണം.
നീ കാരണം ആ പയ്യനെ എന്തെങ്കിലും സംഭവിച്ചാൽ നിന്റെ മൂത്ത മകൾ പോയത് പോലെ രണ്ടാമത്തെതും പോകും. \"

അയ്യാൽ ഉപദേശിച്ചത് കേട്ട്  വറീത്  തന്റെ തീരുമാനം മാറ്റുന്നു.

അതേ സമയം ദിയക്ക് റിച്ചുവിന് എന്തെങ്കിലും പറ്റുമോയെന്ന് ഓർത്തു പേടിയാകുന്നു.

\"എടാ....,
പപ്പ എല്ലാം അറിഞ്ഞു. നിന്നെ കൊല്ലുമോയെന്നാണ് എനിക്ക്
പേടി \"

\"ഇല്ലെടി...,
നീ വിഷമിക്കാതെ \"

\"നിനക്കെന്തെങ്കിലും സംഭവിച്ചാൽ  പിന്നെ  ഞാൻ ജീവനോടെ
ഉണ്ടാകില്ല .\"

\"ദേ...,
നീ ഇങ്ങനെ വേണ്ടാത്തതൊന്നും ചിന്തിക്കരുത്.സമാധാനമായി ഇരിക്ക് ഒന്നും സംഭവിക്കില്ല.
നമുക്ക് കർത്താവ്  കൂടെയുണ്ട്  \"


അടുത്ത ദിവസം രാവിലെ വറിത് ദിയയോട് സംസാരിക്കുന്നു. 

\"മോളെ, നിന്റെ നല്ലതിന് വേണ്ടിട്ടാണ്, ഈ പപ്പ പറയുന്നത്.\"

\"പപ്പ എന്തൊക്കെ പറഞ്ഞാലും ഞാൻ റിച്ചുവിനെ മാത്രമേ കെട്ടു., എന്റെ ജീവിതത്തിൽ ഇനി മറ്റൊരു
പുരുഷനില്ല \"

അത് കേട്ടതിന് ശേഷം തന്റെ ഉള്ളിലെ ദേഷ്യം മുഴുവനും ഉള്ളിലൊതുക്കി
വറീത് സംസാരിക്കുന്നു. 

\"ശെരി  ഞാൻ സമ്മതിക്കാം.പക്ഷേ എനിക്കൊരു ഡിമാന്റുണ്ട്, 

നിന്റെ പഠിത്തം കഴിയുന്നത് വരെ നിങ്ങൾ തമ്മിൽ അധികം അടുപ്പമൊന്നും വേണ്ട. ഇനി കോഴ്സ് കഴിയാൻ ആറ് മാസം കൂടിയല്ലേയുള്ളു.

അതിനു മുൻപ്  അവനോട് നല്ലൊരു ജോലിക്ക് കയറാൻ പറയ്,  എന്നിട്ട് നമുക്ക് കല്യാണത്തിനെ പറ്റി
ചിന്തിക്കാം. \"


അത് കേട്ട് ദിയ മനസ്സിൽ കരുതുന്നു. 

!പപ്പ ചതിക്കാനാണ് ഇങ്ങനെയൊക്കെ പറയുന്നതെന്ന് എനിക്കറിയാം.  എന്നാലും  ഒന്നും മനസിലാകാത്തത്  പോലെ ഞാൻ  പപ്പക്കൊപ്പം   നിൽക്കുവാണ്.
കാര്യങ്ങൾ തീരുമാനിക്കാൻ ഞങ്ങൾക്ക് കുറച്ചു സമയം ആവശ്യമാണ്.!

\"മോളെന്താ ഒന്നും പറയാത്തത്\"

\"പപ്പ പറയുന്നത് പോലെ...\"

\"മിടുക്കി...\"

മോളെ തന്റെ വരുത്തിയിൽ കൊണ്ടുവന്ന ആശ്വാസത്തിൽ വറീത് മനസ്സുകൊണ്ട് സന്തോഷിക്കുന്നു. 

അടുത്ത ദിവസം കോളേജിലേക്ക് വരുന്ന ദിയ കാര്യങ്ങൾ റിച്ചുവിനോടും , അവളുടെ കുട്ടുകാരോടുമായി ഷെയർ ചെയ്യുന്നു.

\"റിച്ചു....,
എന്റെ എക്സാം കഴിഞ്ഞാൽ അടുത്ത ദിവസം തന്നെ നമ്മളുടെ രജിസ്റ്റർ മാര്യേജ് നടത്താനുള്ള കാര്യങ്ങൾ ചെയ്യണം. എക്സാം കഴിഞ്ഞു കഴിയുമ്പോൾ പപ്പയുടെ നിലപാട് എന്താണെന്ന് നോക്കാം.\"

\"ദിയ....,
അത് വരെ  നിന്റെ പപ്പ പറഞ്ഞത് പോലെ, നിങ്ങൾ തമ്മിൽ അധികം കാണലും,  കറക്കവുമൊന്നും
വേണ്ട.\"

അത് കേട്ട് ദിയ വിഷമിച്ചു നിൽക്കുന്നു. 

\"നീ വിഷമിക്കേണ്ട,
  നിന്നെ ഞാൻ ആർക്കും വിട്ടുകൊടുക്കില്ല. ഈ ജന്മം എനിക്കൊരു ജീവിതമുണ്ടെങ്കിൽ അത് നിനക്കൊപ്പമായിരിക്കും. \"

                                        തുടരും......