\"തറവാട്ടിൽ നിന്ന് അമ്മ എന്നെ വിളിച്ചിരുന്നു. അടുത്ത ആഴ്ച്ച നല്ല ഒരു മുഹൂർത്തം ഉണ്ടെന്ന പറഞ്ഞത് അന്ന് നടന്നില്ലെങ്കിൽ പിന്നെ 2 മാസം കഴിഞ്ഞേ മുഹൂർത്തം ഒള്ളു എന്ന്.\"


\"അടുത്ത ആഴ്ചയോ?\"സീത പറഞ്ഞ് നിർത്തിയതും എല്ലാവരും കൊറസ് പോലെ ചോദിച്ചു.


\"മ്മ്.. അതെ പിന്നെ അത്‌ മാത്രല്ല നമ്മളോട് എല്ലാവരോടും തറവാട്ടിലേക്ക് ചെല്ലാൻ പറഞ്ഞിട്ടുണ്ട് കല്യാണം അവിടെവെച്ച് നടത്താനാണ് അമ്മയുടെ തീരുമാനം.\"


\"ആഹ് അത് നല്ല ഒരു ഐഡിയ തന്നെയാ കൊറേ നാളായില്ലേ തറവാട്ടിലേക്ക് ഒക്കെ പോയിട്ട്. \"സംഗീത് പറഞ്ഞതും എല്ലാവരും അത്‌ ശെരീവെച്ചു.


എന്നാൽ ശരത്തിന്റെ മനസ്സിൽ മാത്രം മറ്റെന്തൊക്കെയോ ചിന്തകളായിരുന്നു. അവന്റെ മനസ്സിലൂടെ ഒരു സിനിമ കണക്കെ പഴയ കാര്യങ്ങൾ ഓടി മറഞ്ഞു.


\"എന്നാൽ ഒരു കാര്യം ചെയാം നമ്മുക്ക് നാളെ തന്നെ ഡ്രെസ്സും ഓർണമന്റ്സും എടുക്കാനുള്ള കാര്യങ്ങൾ ചെയാം.
എന്നിട്ട് നാളെ കഴിഞ്ഞ് തറവാട്ടിലേക്ക് തിരിക്കാം.എന്ത് പറയുന്നു എല്ലാവരും?\"ദേവൻ ചോദിച്ചു.


\"മ്മ് അത്‌ മതി അച്ഛാ.\"സംഗീത് എല്ലാവരെയും നോക്കി പറഞ്ഞു.


\"അർപ്പിത ഞങ്ങൾക്ക് ഒപ്പം നാളെ കഴിഞ്ഞ് വരുന്നുണ്ടോ അതോ വീട്ടിലെക്ക്‌ പോവണോ?\"ദേവന്റെ ചോദ്യം കേട്ടതും അർപ്പിത കഴിച്ചുകൊണ്ടിരുന്നത് വിക്കിൽ കയറി ചുമക്കാൻ തടുങ്ങി.


\"അത്‌ അങ്കിൾ ഞാൻ വീട്ടിൽ പോയാലും ഒറ്റയ്ക്കവും ഞാനും നിങ്ങളോട് ഒപ്പം വരാം അതാവുമ്പോ എനിക്കും ഇവരുടെ കല്യാണം കൂടാമല്ലോ\"അവൾ പറയുന്നത് കേട്ട് ശരത്തിനും പിള്ളേർക്കും ദേഷ്യം ഇറച്ചു കയറിയെങ്കിക്കും അവർ ഒന്നും പറയാൻ പോയില്ല.എല്ലാവരും കഴിച്ച് കഴിഞ്ഞ് അവരവരുടെ മുറികളിലേക്ക് പോയി.


ശരത്തും ഗായത്രിയും എന്നത്തേയും പോലെ ബാൽക്കണിയിൽ ഇരിക്കുന്നു.പതിവിന് വിപരീതമായി ഇന്നവൾ തനിയെ അവന്റെ മടിയിൽ കേറി ഇരുന്നിരുന്നു ഒപ്പം അവന്റെ നെഞ്ചിൽ തലചായ്ച്ചു കിടന്നു.


\"കണ്ണേട്ടാ ഞാൻ ഒരു കാര്യം ചോദിക്കട്ടെ?\"


\"എന്താടാ ചോദിച്ചോ\"അവൻ പുഞ്ചിരിയോടെ മറുപടി നൽകി.


\"അത്‌ പിന്നെ ഏട്ടൻ ഇപ്പൊ ആരെയെങ്കിലും മിസ്സ്‌ ചെയ്യുന്നുണ്ടോ?\"


അവളുടെ ചോദ്യം കേട്ടതും അവൻ മുഖം താഴ്ത്തി അവളെ ഒന്ന് നോക്കി. ഒരു പൂച്ച കുഞ്ഞിനെ പോലെ പതുങ്ങിയാണ് പെണ്ണിന്റെ ഇരുപ്പ് അത്‌ കണ്ട് അവന് ചിരി വന്നു.


\"എന്തിനാ ചിരിക്കൂന്നേ ഞാൻ ചോദിച്ചത് പറ\"


\"മിസ്സ്‌ ചെയുന്നുണ്ടോന് ചോദിച്ച ഇല്ല.നേരത്തെ ആയിരുന്നെങ്കിൽ ഞാൻ പറഞ്ഞേനെ ഉണ്ടെന്ന് പക്ഷെ ഇപ്പോൾ ഇല്ല.\"


\"അതെന്താ ഇപ്പൊ ഇല്ലാതെ?\"അവളുടെ അടുത്ത ചോദ്യം ആ സെക്കൻഡിൽ തന്നെ എത്തിയിരുന്നു.


\"അതൊക്കെ എന്റെ മോൾക്ക് വഴിയേ മനസ്സിലാവുട്ടോ. ഇപ്പൊ എന്റെ മോള് ഒരു ഉമ്മ താ.\"


\"അയ്യടാ..\"അവൾ അതും പറഞ്ഞ് അവന്റെ മടിയിൽ നിന്ന് എഴുനേറ്റ് ഓടിയിരുന്നു.അവൻ ഒരു പുഞ്ചിരിയോടെ അത്‌ നോക്കി ഇരുന്നു ശേഷം റൂമിലേക്ക് കയറി ബാൽക്കണി ഡോർ അടച്ച് വന്ന് ബെഡിൽ കിടന്നു.താൻ വന്ന് കിടന്നത് അറിഞ്ഞിട്ടും അറിയാത്തപോലെ കിടക്കുന്നവളെ എടുത്ത് തന്റെ നെഞ്ചിലേക്ക് കയറ്റി കിടത്തി അവളുടെ മുറിവിന് മുകളിലായ് മൃദുചുംബനം നൽകി അവൻ.


ദിവസങ്ങൾ മാറ്റം ഒന്നും ഇല്ലാതെ കടന്ന് പോയി.അന്നൊരു വെള്ളിയാഴ്ച ആയിരുന്നു ഇന്നാണ് അവർ എല്ലാവരും തറവാട്ടിലേക്ക് പോകുന്നത്.വൈകുന്നേരം ഇറങ്ങാം എന്നാണ് പ്ലാൻ ചെയ്തത് അതുകൊണ്ട് ശരത് രാവിലെ തന്നെ ഓഫീസിലേക്ക് പോയി. ഗായത്രി പിന്നെ അവളുടെയും ശരത്തിന്റെയും ഡ്രസ്സ്‌ എല്ലാം എടുത്ത് വെക്കുന്ന തിരക്കിൽ ആയിരുന്നു.


എല്ലാവരും പാക്കിങ് ഒക്കെ കഴിഞ്ഞ് വൈകുന്നേരം റെഡിയായി ശരതിനെ വെയിറ്റ് ചെയ്യുകയാണ്.നാല് മണി ആയതും ശരത് വന്നു. എല്ലാവരും തനിക്ക് വേണ്ടിയാണ് വെയിറ്റ് ചെയ്യുന്നതെന്ന് അറിഞ്ഞതും അവൻ വേഗം പോയി ഫ്രഷ് ആയിട്ട് റെഡിയായി വന്നു.ശരത്തിന്റെ കാറിൽ ഗായത്രിയും ആദിയും സംഗീതും ചിന്നുവും കയറി.അപ്പോഴാണ് അവരുടെ കാറിലേക്ക് കയറാനായി അർപ്പിത വന്നത്. അത് കണ്ടതും സംഗീതും പിള്ളേരും നല്ല വിസ്‌തരിച്ച് ഇരുന്നു.


\"അതെ താൻ അച്ഛന്റെ കാറിൽ കയറിക്കോ കാരണം ഇതിൽ ഇനി സഥലം ഇല്ല.\"അർപ്പിത ഡോർ തുറന്ന് കയറാൻ വന്നതും സംഗീത് പറഞ്ഞു.


\"അതിന് ഇതിൽ ഒരാൾക്ക് കൂടി ഇരിക്കൻ ഉള്ള സ്ഥലം ഉണ്ടല്ലോ?\"അവൾ തിരികെ ചോദിച്ചു.


\"എന്തിനാ ഇങ്ങനെ തിങ്ങി കൂടി ഇരുന്ന് പോകുന്നെ അതിലും നല്ലത് അർപ്പിത അവരുടെ കാറിൽ കയറുന്നതല്ലേ?\"അവൻ വീണ്ടും ചോദിച്ചതും അവൾ ദേഷ്യത്തോടെ അവനെ നോക്കി.


\"കുഞ്ഞിനെ ഇങ്ങ് തന്നേക്ക്\"അതും പറഞ്ഞുകൊണ്ട് ആദി കുഞ്ഞിനെ അവളുടെ കൈയിൽ നിന്നും വാങ്ങി.


\"അർപ്പിത ഇങ്ങ് വരൂ ഇതിൽ സ്ഥലം ഉണ്ടല്ലോ മാത്രവുമല്ല എനിക്കും എന്തെങ്കിലും ഒക്കെ മിണ്ടിയും പറഞ്ഞും ഇരിക്കാമല്ലോ\"സീത കൂടെ പറഞ്ഞതും അവൾ ശരത്തിനെയും ഗായത്രിയെയും ഒന്ന് ദേഷ്യപ്പെട്ടു നോക്കികൊണ്ട് ഡോർ വലിച്ചടച്ചുകൊണ്ട് സീതയുടെ കാറിലേക്ക് കയറി.ആദ്യം അവരുടെ കാർ ആയിരുന്നു മുന്നിൽ പോയത് പുറകെ ശരത്തിന്റെയും.


രാത്രി ഒരു 7 മണിയോടെ അവർ തൃശൂർ എത്തി ഇനിയും ഒരുപാട് ദൂരം പോകാൻ ഉള്ളതുകൊണ്ട് അവർ ഫുഡ് കഴിച്ചിട്ട് പോകാം എന്ന് തീരുമാനിച്ചു.


എല്ലാവരും അടുത്ത് കണ്ട നല്ലൊരു ഹോട്ടലിൽ തന്നെ കയറി ഫുഡ് കഴിച്ചിറങ്ങി അവർ വീണ്ടും യാത്ര തുടർന്നു.


ആദിയും ചിന്നുവും സംഗീതും ഒരുപാട് നേരം വാതോരാതെ ഗായത്രിയോട് സംസാരിക്കുന്നുണ്ട് അവൾ എല്ലാം കേട്ട് പൊട്ടിച്ചിരിക്കുന്നുണ്ട് അവളുടെ മുഖത്തെ ആ സന്തോഷം എല്ലാം ശരത് നോക്കി കണ്ടു. കുറച്ച് കഴിഞ്ഞതും ഫുഡ് നല്ലപോലെ കഴിച്ചതിന്റെ ഷീണത്തിൽ ആദിയും ചിന്നുവും സംഗീതും ഉറങ്ങി പോയിരുന്നു.ഗായത്രി പുറത്തെ ഇരുട്ടിലേക്ക് കണ്ണ് പായിച്ചു.വണ്ടി ഓടുമ്പോൾ മിന്നിമായുന്ന വെളിചങ്ങൾ അവൾ കൗതുകത്തോടെ നോക്കിയിരുന്നു.



തുടരും...