\" ആ മമ്മി കഴിച്ചു...\"

.................

\" ഇല്ല. കുഴപ്പൊന്നും ഇല്ല....\"

..................

\" ദേ... അവള് ഇവിടുണ്ട്... \"

പറയുന്നതിനോടൊപ്പത്തെ അനു ഫോൺ സ്പീക്കറിലേക്ക് മാറ്റി...

\" ഹലോ... ആന്റി... \"

\" ചിപ്പു.. കുഞ്ഞേ.. നിങ്ങൾക്കവിടെ കുഴപ്പൊന്നും ഇല്ലാലോ... \"\"

\" ഏയ്... എന്നാ കുഴപ്പമാ ആന്റി... ഇവിടെ നല്ല സൂപ്പെർ അല്ലെ... \"

\" ഭക്ഷണമൊക്കെ എങ്ങനെ കൊള്ളാവോ.. \"

\" വല്ല്യ മോശം ഇല്ല.. ആന്റി കഴിച്ചോ.. \"

\" ഇല്ല. ആവുന്നല്ലേ ഒള്ളു.. \"

\" പപ്പയോ... \"

ചിപ്പുവിന്റെ ചോദ്യത്തിൽ അന്നു കണ്ണും മിഴിച്ചവളെ നോക്കി..

\" പപ്പക്ക് എവിടെയോ മീറ്റിംഗ് ഉണ്ട്. അങ്ങോട്ട്‌ പോയേക്കുവാ... ഞാൻ വരുമ്പോ പറയാട്ടോ... \"

\" ഞാൻ ചുമ്മാ ചോദിച്ചതാ.. \"

അനുവിനെ നോക്കി കണ്ണിറുക്കി ചിരിച്ചു കൊണ്ടാണ് ചിപ്പുവിന്റെ സംസാരം. കുറച്ചു നേരം കൂടെ സംസാരിച്ചു അവർ കാൾ കട്ട്‌ ചെയ്തു പിന്നെ ചിപ്പുവിന്റെ അമ്മയെ വിളിച്ചു അനുവിന്റെ മമ്മി ആലീസിനെക്കാൾ കൂടുതൽ രണ്ടുപേർക്കും അടുപ്പം ചിപ്പുവിന്റെ അമ്മ സിസിലിയോടും അപ്പൻ ഡേവിഡിനോടും ആണ്.... ക്ലാസ്സിലെ വിശേഷങ്ങളും ഓഡിറ്റോറിയത്തിലെ പ്രസംഗവും സരസിന്റെ റാഗിംഗ് അങ്ങനെ ഒന്ന് പോലും വിടാതെ എല്ലം പറഞ്ഞു... ഒരു കോളേജ് അറ്റ്മോസ്‌ഫെയർ കിട്ടുന്നില്ല എന്ന ചിപ്പുവിന്റെ പരാതി, ഇതിനു മുന്നേ നീ എത്ര കോളേജിൽ പോയിട്ടുണ്ട് എന്ന സിസിലിയുടെ മറു ചോദ്യത്തിൽ ഇല്ലാതായി.... പിന്നെയും കുറച്ചു നേരം കൂടെ അവരുടെ സംസാരം നീണ്ടു പോയി...

\" എന്നാലും എന്തെല്ലാം പ്രതീക്ഷ ആയിരുന്നല്ലേ അന്നു, എല്ലാം വെള്ളത്തി വരച്ച വര പോലെ ആയില്ലേ... ഇതിലും ഭേദം വീടിനടുത്തു ഏതേലും കോളേജ് ആയിരുന്നു. കുറച്ചു നേരം ടീവി യേലും കാണാം... \"

കോളേജിൽ മൊബൈൽ ഫോൺ കർശനമായി നിരോധിച്ചതിനാൽ കോളേജ്ഹോസ്റ്റലിലും മൊബൈൽ ഉപയോഗം വിലക്കിയിട്ടുണ്ട്. എല്ലാ ദിവസവും വൈകുന്നേരം ഒരു മണിക്കൂർ മാത്രം ആണ് ഫോൺ ഉപയോഗം.. ഇന്റർനെറ്റ്‌ ഉപയോഗത്തിനായി കോളേജിലും ഹോസ്റ്റലിലും കമ്പ്യൂട്ടർ സൗകര്യം ഉണ്ട്..

\"\' ഹോസ്റ്റലിൽ നിക്കാൻ ആഗ്രഹം പറഞ്ഞപ്പോ തന്നെ പപ്പാ ഓക്കേ പറഞ്ഞപ്പോൾ തന്നെ ഓർത്തതാ എന്തോ കുരിശ് ആണെന്ന്.. \"

\" അപ്പോ നിങ്ങൾ ശരിക്കും റിലേറ്റീവ് ആണോ.. അതോ ഫ്രണ്ട്‌സോ...\"

വീട്ടിലേക്കുള്ള ഫോൺ വിളി കഴിഞ്ഞു മൊബൈൽ വാർഡാണ് ഏൽപ്പിച്ചു, അന്നുവിനോട് ഹോസ്റ്റലിലെ കുറ്റോം കുറവും നുള്ളി പെറുക്കി പറയുമ്പോഴാണ് റൂം മേറ്റ്സ് ആയ ജിഷ്ണയുടെ വകചോദ്യം ഉയർന്നത്...

\" റിലേറ്റീവ്സ് ആണോ എന്ന് ചോദിച്ചാൽ ആണ്.. \"

അവൾക്കടുത്തേക്കിരുന്നു ചിപ്പു പറഞ്ഞു..

\" വെട്ടൊന്നു തുണ്ടം രണ്ടു സ്വഭാവക്കാരനായ ദി ഗ്രേറ്റ്‌  ഗ്രേറ്റ്‌ ജോൺ കല്ലിങ്കലിന്റെയും അങ്ങേരുടെ അതെ പാത പിന്തുടരുന്ന പ്രിയ പത്നി ആലിസ് ജോണിന്റെയും ഏക മകൾ ആണ് ഈ ഇരിക്കുന്ന 

❤️ അമൽഡ അന്ന ജോൺ കല്ലിങ്കൽ ❤️ ഞങ്ങളുടെ അന്നു. 

അന്നുവിനെ ചൂണ്ടി കാണിച്ചു ചിപ്പു വീണ്ടും പറഞ്ഞു തുടങ്ങി.

\" ഇവളുടെ പപ്പയുടെ ആത്മാർഥത മിത്രം ഡേവിഡ് പ്ലാപറമ്പിന്റെയും അങ്ങേരുടെ തന്നെ സഹോദരി സിസിലിയുടെയും രണ്ടാമത്തെ മകൾ ആണ് ജീന എന്നാ ഈ ഞാൻ... \"

സ്വന്തം നെഞ്ചിൽ കൈവെച്ചു ചിപ്പു രാജാതി ഭാവത്തോടെയാണ് ചിപ്പു അത് പറഞ്ഞത്....

\" പക്ഷെ, പ്രശ്നം എന്നാ ന്നു വെച്ചാൽ ഇവിടെ ഞങ്ങൾ രണ്ടുപേരുടെയും ഗാർഡിയൻ ഇവളുടെ പപ്പ mr. ജോൺ കല്ലിങ്ങൽ ആണ്.. ഒന്നും ശ്വസിക്കാൻ പോലും അനുവാദം വാങ്ങണം...\"

\" ഓ... അപ്പോൾ അങ്ങനെ ആണ് കാര്യങ്ങൾ.. \"

ചുപ്പുവിന്റെ അതെ ഭാവത്തിൽ ജിഷ്ണ തിരിച്ചു പറഞ്ഞു...

_________________________

വലിയ മാറ്റങ്ങൾ ഒന്നും ഇല്ലാതെ ദിവസങ്ങൾ മുന്നോട്ടേക്കൊടികൊണ്ടിരുന്നു. എപ്പോഴും കോളേജിലെ ചിട്ടവട്ടങ്ങളെ കുറ്റം പറഞ്ഞുകൊണ്ടിരുന്ന ചിപ്പു ഇപ്പൊ ഹോസ്റ്റലും ക്യാമ്പസുമായി ഇണങ്ങി തുടങ്ങി.. സരസും മനോജുമായി അത്യാവശ്യം പാരപ്പണിയും അടിപിടികളുമായിൽ അവരുടെ സൗഹൃതവും മുന്നോട്ടേക്ക് പോയി...

ഹോസ്റ്റൽ ഫുഡ്‌ ശോകപൂർണമാണെങ്കിലും, എന്നും ക്യാന്റീനിൽ നിന്നും വാങ്ങി കഴിക്കാനുള്ള ബഡ്ജറ്റ് കയ്യിൽ ഇല്ലാത്തതും,  ഭക്ഷണം സ്കിപ് ചെയ്‌താൽ പിന്നെ ഉച്ചക്ക് വേറെ ഫുഡ്‌ കിട്ടില്ല എന്നത് കൊണ്ടും മാത്രം അന്നുവും ചിപ്പുവും അവരുടെ ചോറ്റു പാത്രവുമായി ക്ലാസ്സിലെ ഒരു മൂലക്കിലിരുന്ന് കഴിച്ചുകൊണ്ടിരിക്കുമ്പോഴാണ് മനോജ്‌ അവർക്കിടയിലേക്ക് ഓടി വന്നത്..

\" എടി.. നിങ്ങളറിഞ്ഞ.. \"

\" എന്ത്... \"

അടുത്ത വന്ന് അണച്ചുകൊണ്ടിരിക്കുന്നവനെ നോക്കി രണ്ടുപേരും ഒരുപോലെ ചോദിച്ചു..

\" ഫ്രഷേസ് ഡേ.. \"

\" എന്തോന്നു... എന്നതാണ് വെച്ചാ തെളിച്ചു പറയെടാ.. \"

മുക്കിയും മൂളിയും പറയുന്നവനെ നേരെ ചിപ്പു ചീറി.. 

\" അടുത്ത ആഴ്ച ആണ് നമ്മുടെ ഫ്രഷേസ് ഡേ.. \"

\" നിന്നോടാര് പറഞ്ഞു.. \" ( അന്നു )

\" ഞാൻ അവിടുന്ന് പറയുന്നത് കേട്ടതാ.. ഒഫീഷ്യൽ ആയിട്ട് അനൗൺസ് ചെയ്യും.. \"

\" ഈശോ.. പെടുവോ.. \" ( ചിപ്പു )

\" പിന്നല്ല എട്ടിന്റെ പണി കിട്ടും..

ഡാ.. സരസു... \"

പറയുന്നതിനോടൊപ്പം ബാഗും കയ്യിലിട്ടു കറക്കി ക്ലാസ്സിലേക്ക് കയറി വരുന്ന സരസിനെ മനോജ്‌ നീട്ടി വിളിച്ചു..

\" സരസു നിന്റെ കുഞ്ഞമ്മ.. \" ( സരസ് )

\" എടാ മാക്രി നീ അറിഞ്ഞാ വല്ലതും... \"

\" എന്ത്.. \"

സരസ് മനോജിനടുത് വന്നിരുന്നു..

\" അടുത്ത ആഴ്ച ആണ് മോനെ ഫ്രഷേസ് ഡേ.. \" (മനോജ്‌ )

\" അത്രേ ഒള്ളോ.. അതൊക്കെ ഞാൻ പണ്ടേ അറിഞ്ഞു.. \"

\" നീ അറിഞ്ഞാ.. എന്നിട്ടെന്തേ ഇതുവരെ പറയാതിട്ടുന്നെ.. \"

കൂർപ്പിച്ചുള്ള അന്നുവിന്റെ ചോദ്യത്തിന് അവനൊന്നു ഇളിച്ചു കൊടുത്തു..

\" അടുത്ത വെള്ളിയാഴ്ച ലഞ്ച് ബ്രേക്കിനു ശേഷം ഫ്രഷ്‌സ് ഡേ പ്രോഗ്രാം തുടങ്ങും... നമുക്ക് ക്ലാസ്സ്‌ തുടങ്ങിയിട്ട് കുറച്ചായില്ലേ, പിന്നെ ശനിയും ഞായറും അവധിയും. അതുകൊണ്ടാണ് അന്നുതന്നെ വെച്ചത്... ഡിപ്പാർട്മെന്റ് വൈസ് ആയിരിക്കും.. സീനിയര്സ് നല്ല യമണ്ടൻ പണിയും തരും.. ഇനി അറിഞ്ഞില്ല ഞാനൊന്നും പറഞ്ഞില്ല എന്നാ പരാതി വേണ്ട.. എല്ലാം എല്ലാരും കൃത്യമായിട്ട് കേട്ടില്ലേ.. \"

\" ഡാ... നിന്റെ മഹിയേട്ടൻ ഇല്ലേ, മൂപ്പര് വിചാരിച്ചാൽ എന്തെങ്കിലും ഹെല്പിനു പറ്റോ.. \'\" (ചിപ്പു )

\" സോറി മൈ ഡിയർ ചീരകുട്ടി. അവര് പിജി കാരാണ്. അവർക്കു നമ്മൾ യു ജി കാരുടെ പരിപാടിയിൽ പങ്കെടുക്കാൻ കഴിയില്ല.. \'\"

ചിപ്പുവിന്റെ പാത്രത്തിലെ ക്യാബേജ് തോരൻ നുള്ളിയെടുത്ത് വായിലേക്കിടും വഴി സരസ് പറഞ്ഞു.

\"\' ചീര നിന്റെ മറ്റവൾ, പോടാ.. \"\"

അവനെ ചീത്തപറഞ്ഞു രണ്ടുപേരും പരസ്പരം നോക്കി നെടുവീർപ്പിട്ടു.

\"\' നമ്മൾ പെടുവോ ചിപ്പു.. \"\" (അന്നു )

\"\" എന്തായാലും എല്ലാരും പെടും, അവരുടെ ദിവസം അല്ലെ.. സീനിയർസ് നല്ല പണിയും തരും. പിന്നെ എന്തിനു നമ്മൾ ഇപ്പോഴേ ടെൻഷൻ അടിക്കണം.. \"\' ( സരസ് )

സരസിന്റെ പ്രസംഗത്തിൽ മൂന്നുപേരും ഒരുപോലെ തലയാട്ടി.

( തുടരും )