ആറ് മാസങ്ങൾക്കു ശേഷം.........


എക്സാം കഴിഞ്ഞ അടുത്ത ദിവസം തന്നെ നേരത്തെ പ്ലാൻ ചെയ്തത് പോലെ രജിസ്റ്റർ മാര്യേജ് ചെയ്യാൻ റിച്ചുവും, ദിയയും തീരുമാനിക്കുന്നു.  

എന്തെങ്കിലും ഉടക്കുമായി പപ്പ വന്നാൽ ഒരു സേഫ്റ്റിയ്ക്ക് വേണ്ടിയായിരുന്നു അവർ രജിസ്റ്റർ മാര്യേജ് പ്ലാൻ
ചെയ്തത്.  റിച്ചുവിന്റെ ഫ്രൻസും, ദിയയുടെ ഫ്രൻ‌സിനും , മാത്രമേ ഇക്കാര്യം അറിയാമായിരുന്നുള്ളു.
 

മാര്യേജിന് തലേ ദിവസം രാത്രി  വീട്ടിലേക്ക് വരുന്ന റിച്ചു നേരെ ആനിന്റെ വീട്ടിലേക്ക് പോകുന്നു .

തന്റെ എല്ലാ കാര്യങ്ങളും ഷെയർ ചെയ്തിരുന്ന തന്റെ കളി കൂട്ടുകാരിയിൽ നിന്നും  ഈ കാര്യം മറച്ചു വെയ്ക്കാൻ റിച്ചുവിന് മനസ്സുവന്നില്ല.


വീട്ടിലേക്ക് വരുമ്പോൾ  ആനിന്റെ അപ്പൻ ജോസഫ് പുറത്ത് നിൽപ്പുണ്ടായിരുന്നു. അദ്ദേഹം റിച്ചുവിനെ കാണുന്നു. .

\"അല്ല ഇതാരാ..,
എന്താടാ രാത്രി \"

\"ഞാൻ ആനിനെ കാണാനായിട്ട്, ഒരു കാര്യം പറയാനുണ്ടായിരുന്നു \"

\"അവള് റൂമിലുണ്ട്,
വിളിക്കണോ\"

\"വേണ്ട, ഞാൻ അങ്ങോട്ട്‌ പോയി കണ്ടോളാം.\"

\"ആ ശെരി.... \"

റിച്ചു റൂമിലേക്ക് ചെല്ലുമ്പോൾ ആൻ ബെഡ്ഷീറ്റ് മാറ്റി
വിരിക്കുകയായിരുന്നു 

\"ആൻ..\"

വിളിക്കേട്ട് ആൻ തിരിഞ്ഞു നോക്കുന്നു. 

\"നീയോ,
എന്താടാ..., ഈ സമയത്ത് \"

\"എടി....,
ഞാനൊരു കാര്യം പറയാനായി
വന്നതാ \"

\"എന്താ...\"

\"നാളെ എന്റെയും, ദിയയുടേയും രജിസ്റ്റർ മാര്യേജാണ്\"

അത് കേൾക്കുമ്പോൾ ആനിന്റെ മുഖം പെട്ടെന്ന് മാറുന്നു. അവളുടെ മുഖത്ത് കാർമേഘങ്ങൾ ഇരുണ്ടു കൂടുന്നു.  
എന്നാൽ അത് പുറമെ കാട്ടാതെ അവൾ പിടിച്ചു നിന്നു. 

\"നന്നായി...,
അപ്പൊ ആ കുട്ടിയുടെ പപ്പ പ്രശ്നമുണ്ടക്കില്ലേ \"

\"പിന്നെ.....,
അങ്ങേര് അറിഞ്ഞാൽ ഒന്നും നടക്കില്ല. അതുകൊണ്ട് തന്നെ ഞങ്ങൾ ഫ്രൻസ് മാത്രമേ  ഈ കാര്യം അറിഞ്ഞിട്ടുള്ളു. പിന്നെ നീയായിട്ട് ഇത് ആരോടും പറയാൻ നിൽക്കണ്ട.\"

\"ഏയ്, ഞാൻ ആരോട്
പറയാനാണ്, നീ സന്തോഷമായി ഇരിക്കുന്നതല്ലേ എന്റെയും സന്തോഷം \"

ആ സമയം  അങ്ങോട്ടേക്ക്  ആനിന്റെ അപ്പൻ വരുന്നു. ജോസഫിനെ കാണുന്നതും റിച്ചു യാത്ര പറഞ്ഞു ഇറങ്ങാൻ തുടങ്ങുന്നു. 

\"എന്നാ ഞാൻ ഇറങ്ങട്ടെ...\"

\"ശെരി\"

\"എന്താടാ, ഒരു രഹസ്യം...\"

\"ഏയ്....,
ഒരു അത്യാവശ്യകാര്യം ഉണ്ടായിരുന്നു .
അത് പറയാനായിട്ട്....\"

\"അല്ല....,
ഞാൻ ചോദിക്കാൻ വിട്ടു, നിന്റെ ജോലിക്കാര്യം എന്തായി,\"

\"അതൊക്കെ ഉടനെ സെറ്റാകും
അങ്കിൾ......,
എന്നാ ഞാൻ ഇറങ്ങട്ടെ ..\"

\"മം...\"

റിച്ചു പോയിക്കഴിഞ്ഞു ആൻ റൂമിലേക്ക്   കയറി വാതിലടക്കുന്നു. അതിനുശേഷം കണ്ണാടിക്ക് മുന്നിൽ ചെന്നു നിന്ന് പൊട്ടി കരയുന്നു.

! നിന്നെ എനിക്ക് എന്നന്നേക്കുമായി,  നഷ്ടപ്പെടാൻ പോകുവാണ്. ഇനി നിനക്ക് വേണ്ടി ഞാൻ കാത്തിരിക്കുന്നതിൽ അർത്ഥമില്ല. നാളെ നീ മറ്റൊരാൾക്ക്‌ സ്വന്തമാകാൻ പോകുന്നു. !


ആൻ റിച്ചുവിന്റ ഓർമകളായി  കരുതി വെച്ചിരുന്നതൊക്കെ എടുത്തു നോക്കുന്നു. 

! നഷ്ടപ്പെടുമെന്ന് അറിഞ്ഞിട്ടും കിട്ടുമെന്ന് പ്രതീക്ഷിച്ചു കാത്തിരുന്ന ഞാനെന്ത് മണ്ടിയാ...!

അവൾ അതൊക്കെ  വലിച്ചെറിയുകയും,  അവനും അവളുമായിട്ടുള്ള ഫോട്ടോസുകൾ കീറി എറിയുകയും ചെയ്യുന്നു .

ഒച്ച കേട്ട്, കുറച്ചു  സമയം കഴിഞ്ഞു ആനിന്റെ റൂമിലേക്ക്  അവളുടെ അപ്പൻ വരുന്നു.

ആകെ അലങ്കോലമായി കിടക്കുന്ന റൂം കണ്ട് അദ്ദേഹം അകത്തേക്ക് കയറുന്നു.
അവിടെ നിലത്തുനിന്നും കിട്ടുന്ന പേപ്പർ കഷ്ണങ്ങൾ എടുത്തു നോക്കിയ ജോസഫിന്  അതിലൂടെ  റിച്ചുവിനെയാണ് തന്റെ മകൾ ആൻ സ്നേഹിച്ചിരുന്നതെന്നു 
മനസ്സിലാകുന്നു. 

കരഞ്ഞു തളർന്നു കട്ടിലിന്റെ ഒരു മൂലക്കിരുന്ന ആനിനെ കണ്ട് അവളുടെ അപ്പൻ വിളിക്കുന്നു.

\"മോളെ...\"

ആ വിളികേട്ട് അവൾ തലയുയർത്തി നോക്കുന്നു. ആ സമയം അപ്പനെ കാണുന്നതും അവൾ അവിടെ നിന്നും പെട്ടന്ന് എഴുന്നേറ്റ്  അതൊക്കെ മറച്ചു പിടിക്കാൻ ശ്രമിക്കുന്നു. 


\"നീ....,
റിച്ചുവിനെ ആയിരുന്നോ മോളെ  സ്നേഹിച്ചിരുന്നത്, \"

അപ്പന്റെ ആ ചോദ്യം കേട്ട് ആൻ മറുപടി ഇല്ലാതെ ഞെട്ടി നിൽക്കുന്നു. 

\"അത് അപ്പാ....\"

\"നിനക്കൊരു വാക്ക് എന്നോട് പറയാമായിരുന്നില്ലേ മോളെ  , ഞാൻ നടത്തി തരുമായിരുന്നല്ലോ...\"

അത് കേൾക്കുന്നതും ആണ് അപ്പനെ കെട്ടിപിടിച്ചു കരയുന്നു. 

\"അതിന് അവന് എന്നെ ഇഷ്ടമവേണ്ട അപ്പാ.....,
അവന് എന്നോട് ഉണ്ടായിരുന്നത് ഒരു സുഹൃത് ബന്ധം മാത്രമായിരുന്നു.
എന്റെ ഭാഗത്താണ് തെറ്റ് .\"

\"മോള് വിഷമിക്കണ്ട, ഞാൻ അവനോട് സംസാരിക്കാം.\' 

\"വേണ്ട അപ്പാ....,
ഒരിക്കലും ഞാൻ സ്നേഹിച്ചിരുന്നത് അവനെ ആയിരുന്നുവെന്ന് അവൻ അറിയരുത്.

അവനിപ്പോൾ മറ്റൊരു കുട്ടിയുമായി ഇഷ്ടത്തിലാണ്, നാളെ അവരുടെ രജിസ്റ്റർ മാര്യേജാ. 
അയ്യോ, അവനിതു ആരോടും പറയുരുതെന്നാണ് പറഞ്ഞത്, അപ്പൻ 
അങ്കിളിനോട് പറയാൻ നിൽക്കണ്ട.\"

\"മോളെ... \"

\"അപ്പ അത് വിട്ടേക്ക്.\"


ജോസഫ്  സങ്കടപ്പെട്ടു പേടിച്ചു നിൽക്കുമ്പോൾ ആൻ പറയുന്നു.

\"അപ്പ പേടിക്കണ്ട, ഞാൻ ഒന്നും ചെയ്യില്ല, എന്റെ അപ്പനെ തനിച്ചാക്കി ഞാൻ പോകോ.....,\"


അത് കേൾക്കുമ്പോൾ ജോസഫ് സമാധാനമാകുന്നു. എന്നാലും അദ്ദേഹതിന്റെ മനസ്സിൽ വല്ലാത്ത സങ്കടം ഉണ്ടായിരുന്നു.
റൂമിൽ നിന്നും പുറത്തേക്കിറങ്ങിയ ജോസഫ് മനസ്സിൽ എന്തൊക്കെയോ ചിന്തിക്കുന്നു.

തന്റെ  മകൾ ആഗ്രഹിച്ചത് നേടിക്കൊടുക്കാനായി ആ അച്ഛൻ സ്വാർത്നാകുന്നു.

രാവിലെ തന്നെ ജോസഫ് റിച്ചുവിനെ കാണാനായി റിച്ചുവിന്റ വീട്ടിലേക്ക് വരുന്നു.

റിച്ചു രജിസ്റ്റർ ഓഫീസിലേക്ക് പോകാനായി ഒരുങ്ങി ഇറങ്ങി വരുന്നത് കണ്ട് ജോസഫ് അവനോട് ചോദിക്കുന്നു.

\" ആഹാ, നീ രാവിലെ തന്നെ എങ്ങോട്ടേക്കാ\"

\" അത് ഒരു ഫ്രണ്ടിന്റെ മാര്യേജ് ഉണ്ടായിരുന്നു.അതിനു പോകാനായി ........ \"

അത് കേട്ട്, ജോസഫ്  പതിഞ്ഞ സ്വരത്തിൽ അവനോട് ചോദിക്കുന്നു.

\"ഫ്രണ്ടിന്റെ മാര്യേജിനോ,അതോ നിന്റെ മാര്യേജിനോ \"

ജോസഫ് പറഞ്ഞത് കേട്ട് റിച്ചു ഞെട്ടി നിൽക്കുന്നു.

\"നീ പേടിക്കണ്ട ഞാൻ ആരോടും പറയില്ല,\"

ജോസഫ് റിച്ചുവിനോട് കാര്യങ്ങൾ ചോദിച്ചറിയുന്നു.   റിച്ചു എല്ലാ കാര്യങ്ങളെല്ലാം ജോസഫിനോട് പറയുന്നു.

\"  നീ പേടിക്കേണ്ട ഞങ്ങളൊക്കെ ഇല്ലേ, എന്നാ പിന്നെ നിന്റെ കാര്യം
നടക്കട്ടെ , \"

\"ശെരി അങ്കിൾ..\"

ജോസഫിന്റെ വാക്കുകൾ കേട്ടപ്പോൾ റിച്ചുവിന് സന്തോഷമാകുന്നു. 

റിച്ചു പോയി കഴിഞ്ഞ് ജോസഫ്,   ആരെയൊക്കെയോ വിളിച്ചു  ദിയയുടെ പപ്പയുടെ കോൺടാക്ട് നമ്പർ സങ്കടിപ്പിക്കുകയും,
വറീതിന്റെ ഫോണിലേക്ക് വിളിച്ചു   തന്റെ മകൾ രജിസ്റ്റർ മാര്യേജ് ചെയ്യാൻ പോകുന്ന വിവരം അറിയിക്കുകയും ചെയ്യുന്നു.


ഇത് കേട്ടുകൊണ്ട് അവിടേക്ക് വന്ന ആൻ ജോസഫിനോട് ചോദിക്കുന്നു.  ,

\"അപ്പൻ  ഇപ്പോൾ ആരാടാ
സംസാരിച്ചത് \"

\"അത് എന്റെ ഒരു കൂട്ടുകാരനോട്,\"

\"അപ്പ എന്ത് പണിയാ കാണിച്ചേ,
അവൻ എന്നോട് വിശ്വസിച്ചു പറഞ്ഞ കാര്യമാണ് അത്..\"

\"നീ പേടിക്കണ്ട , അവൻ ആരോടും പറയത്തില്ല. \"

ജോസഫ് വറീതിനെയാണ് വിളിച്ചതെന്ന് ആനിനു മനസ്സിലാകുന്നില്ല. 
ആൻ കുറച്ചു നേരം എന്തോ ആലോചിച്ചു നിൽക്കുന്നു.


സത്യം അറിയുന്ന വറിതിന്റ  മനസ്സിൽ തന്റെ മോളോട് ദേഷ്യവും, അതേ സമയം 
തന്റെ മകൾ തന്നെ ചതിക്കാൻ പോകുന്നതിൽ സങ്കടവും തോന്നുന്നു. 

\"മമ്മി ഞാൻ ഇറങ്ങുവാ..
പപ്പാ ഞാൻ ഇറങ്ങുവാ\"

\"ശെരി മോളെ\"

ദിയ പോകുന്നത് നോക്കി വറിത് നിൽക്കുന്നു അതേ സമയം മനസ്സിൽ ചിന്തിക്കുന്നു. 

!നിന്റെ ഈ ആഗ്രഹം നടക്കില്ല മോളെ, ഞാൻ നടത്തില്ല!

  ഈ കാര്യം  അപ്പൻ അറിഞ്ഞെന്നും, അപ്പൻ ആരോടോ  ഇതേ പറ്റി സംസാരിച്ചെന്നുമുള്ള കാര്യങ്ങൾ റിച്ചുവിനോട്  പറയാനായി ആൻ റിച്ചുവിന്റ ഫോണിലേക്ക് വിളിക്കുന്നു.  

റിച്ചുവിന്റെ  ഫോൺ റിങ് ചെയ്യുന്നുണ്ടായിരുന്നുവെങ്കിലും എടുക്കുന്നില്ലായിരുന്നു.
അവൾ ഒന്ന് രണ്ട് പ്രാവശ്യം അവൾ വീണ്ടും ട്രൈ ചെയ്യുന്നു.

റിച്ചു പുറത്തേക്ക് പോയപ്പോൾ ഫോൺ എടുക്കാനായി മറന്നിരുന്നു.
വീട്ടിൽ വെച്ചേക്കുവായിരുന്ന ഫോൺ ഒരുപാട് പ്രാവശ്യം ബെൽ അടിക്കുന്നത് കേട്ട് റിച്ചുവിന്റെ അമ്മ വന്നു  എടുക്കുന്നു.

\"ആൻ ആണല്ലോ 
എന്താ മോളെ..\"

\"അമ്മ എവിടെയാ
ഞാൻ വീട്ടിൽ, അവൻ ഫോൺ എടുക്കാതെയാ പോയത് മോളെ .

! ഫോൺ എടുത്തില്ലേ....!

\"ശെരി അമ്മാ \"

ആനിന്റെ മനസ്സിൽ എന്തോ ഒരു ആപത്തു വരാൻ പോകുന്നത് പോലെ ഒരു തോന്നൽ ഉണ്ടായിരുന്നു. 
ആൻ  ഫോൺ കട്ട്‌ ചെയ്തതിനു ശേഷം എന്ത് ചെയ്യണമെന്ന് ആലോചിച്ചിട്ട് . അവൾ മുന്നയുടെ ഫോണിലേക്ക് വിളിക്കുന്നു.

\"എടാ മുന്ന...,
റിച്ചു അവിടെ എത്തിയായിരുന്നോ \"

\"എവിടെ എത്തിയൊന്ന്.\"

\"നീ വെറുതെ കള്ളം പറയാനായി  ബുദ്ധിമുട്ടേണ്ട അവൻ എന്നോടെല്ലാം പറഞ്ഞിരുന്നു. നീ അവന് ഫോൺ കൊടുത്തേ\"


\"അവൻ ഇതുവരെ എത്തിയിട്ടില്ലെടി,
നീ അവന്റ ഫോണിലേക്ക് വിളിച്ചില്ലേ \"

\"അവൻ ഫോൺ വീട്ടിൽ മറന്നു വെച്ചിട്ടാണ് പോയത്.
എത്തിയാൽ ഉടനെ എന്നെ വിളിക്കാൻ നീ അവനോട് പറയണേ \"

\"ശെരിയടി... \"

അതേ സമയം റിച്ചു പള്ളിയിൽ കയറി പ്രാർത്ഥിച്ചിട്ട് ഇറങ്ങുന്നു.
രജിസ്റ്റർ ഓഫീസിലേക്ക് ദിയയും കൂട്ടുകാരും എത്തുന്നു.

\'ആ അവന്റ ഫ്രൻസൊക്കെ എത്തിട്ടുണ്ടല്ലോ.\"

അവരെ കണ്ട് ജോജോയും മറ്റുള്ളവരും അവരുടെ അടുത്തേക്ക് വരുന്നു. 

\"റിച്ചു വന്നില്ലേ,\"

\"അവനിപ്പോൾ വരും.  \"

അവർ വന്ന കാറിൽ തന്നെ
ഇരിക്കുന്നു.
കുറച്ചു സമയത്തിന് ശേഷം
രജിസ്റ്റർ ഓഫീസിൽ  സംസാരിച്ചു കൊണ്ടിരുന്ന മുന്നയും, ഫ്രൻസും റോഡിൽ നിന്നും  എന്തോ വലിയ ഒച്ച കേട്ട് അവിടെ  നിന്നും  അങ്ങോട്ടേക്ക് പോകുന്നു. 


                                     തുടരും.........