\"ആരാ...,\"

ആ വാക്കുകേട്ട്  റിച്ചു തിരിഞ്ഞു നോക്കുന്നു .

\"ഞാൻ.....\"

റിച്ചുവിനെ കണ്ടതും മുൻപ് പരിചയമുള്ളത് പോലെ അയ്യാള് സംസാരിക്കുന്നു.

\"ഇയ്യാള്......
ഇയാളല്ലേ കുറച്ചുനാൾ മുൻപ് ഇവിടെ പത്രമിട്ടിരുന്നത്.\"

\" ആ...., അതേ...,\"

\" എന്നെ മനസ്സിലായില്ലേ ഞാൻ ദേ ആ വീട്ടിലുള്ളതാ..... \"

\"ആ....,
അറിയാം.\"

\"എന്താ ഇവിടെ...\"

\" അത്,
ഇവിടെ താമസിച്ചിരുന്നവർ...\"

\"ആര് വറീതോ,  അവരൊക്കെ ഇവിടെന്ന്   പോയല്ലോ.\"

\"എവിടെക്കാ പോയതെന്ന്...,
അതിനെ കുറിച്ച് എന്തെങ്കിലും
അറിയോ....\"

\"അതില്ല , മിക്കവാറും 
അവരുടെ നാട്ടിലേക്ക് ആകാനാണ് സാധ്യത. മോളുടെ മരണത്തോടെ ഇവിടെന്നൊക്കെ പോയതാണ്, പിന്നെ ഇങ്ങോട്ടേക്കൊന്നും  വന്നിട്ടില്ല. \"

അത് കേട്ടു റിച്ചു മനസ്സിൽ ചിന്തിക്കുന്നു 

! മോളുടെ മരണമോ, ഇദ്ദേഹം ഇത് ആരുടെ കാര്യമാ പറയുന്നേ!

\"  ചേട്ടൻ അവരുടെ ഏത് മോളുടെ കാര്യമാ  ഉദ്ദേശിച്ചത്...\"

\"അയ്യാൾക്ക് ഒരു മോളല്ലേ ഉണ്ടായിരുന്നുള്ളു ,  മെഡിസിന് പഠിക്കുന്ന കുട്ടി, പേര്.....,
ഞാൻ മറന്നു \"

\"ദിയ.......\"

\"ആ...., 
അത് തന്നെ...,
ആക്‌സിഡന്റന്നും, സൂയിസൈഡെന്നുമൊക്കെ ആളുകൾ പലതും പറയുന്നുണ്ടായിരുന്നു.

ഒരു ഒന്നൊന്നര മാസം ഹോസ്പിറ്റലിൽ കിടന്നു.  പിന്നെ കേട്ടു മരിച്ചെന്നു. 
ബോഡി ഇവിടെക്കൊന്നും കൊണ്ടുവന്നില്ല,\"

അദ്ദേഹത്തിന്റെ വാക്കുകൾ കേട്ട് ഒരു ശില പോലെ റിച്ചു അവിടെ നിന്നു.

\" എന്താ പെട്ടെന്ന് അയ്യാളെ അന്നെഷിക്കാൻ, എന്തെങ്കിലും അത്യാവശ്യമുണ്ടോ, \"

റിച്ചു ഒന്നും മിണ്ടാതെ അവിടെ
നിന്നും നടന്നു. മനസ്സിലൂടെ പല കാര്യങ്ങളും അലയടിച്ചു കൊണ്ടിരുന്നു.

ദിയയെ ആദ്യം കണ്ടതും, അവൻ പിന്നാലെ നടന്നതും, ദിയ ഇഷ്ടമാണെന്ന് പറഞ്ഞതും, അങ്ങനെ ആ നല്ല, നല്ല നിമിഷങ്ങൾ അവന്റ മനസ്സിലൂടെ കടന്ന് പോയിക്കൊണ്ടിരുന്നു. 
 
ആകെ തളർന്ന അവസ്ഥയിൽ  വീട്ടിലേക്ക് വരുന്ന റിച്ചുവിനെ കണ്ട് അവന്റ അമ്മ അവനോട് ചോദിക്കുന്നു .

\" ഇപ്പോൾ വരാമെന്ന് പറഞ്ഞു പോയിട്ട് ഇത് എത്ര നേരമായെടാ....,
നിന്റെ മുഖമെന്താടാ മോനെ
വല്ലാതിരിക്കുന്നെ \"

അമ്മയുടെ ചോദ്യത്തിന്  ഒരു മറുപടി നൽകാതെ അവൻ റൂമിലേക്ക് ചെന്ന് വാതിലടച്ചു.

\"ടാ....., റിച്ചു.....,
മോനെ......,
ഇവനിത് എന്തുപറ്റി \"

അമ്മ വീണ്ടും റൂമിലെ വാതിലിൽ ചെന്ന് മുട്ടി അവനെ വിളിച്ചുകൊണ്ടേയിരുന്നു.

\"മോനെ റിച്ചു, വാതില് തുറക്കേടാ....\"

\"അമ്മാ പ്ലീസ്, എനിക്ക് കുറച്ചു നേരം സമാധാനം താ...\"

റിച്ചുവിന്റെ വാക്കുകൾ കേട്ട് അവന്റെ അമ്മ അവനെ ശല്യപ്പെടുത്താതെ പോകുന്നു.  കുറച്ചു സമയം കഴിഞ്ഞ്   റിച്ചുവിന്റ വീട്ടിലേക്ക് ആൻ വരുന്നു.

\"അമ്മേ, അമ്മേ,
റിച്ചു എവിടെ.... \"

\" എന്ത് പറയനാണ് മോളെ, വീട്ടിൽ ഇരുന്നിട്ട് ബോർ അടിക്കുവാണെന്ന് പറഞ്ഞു പുറത്തേക്ക് പോകുന്നത് കണ്ടു, തിരികെ വന്നതോ   ഒരു കോലത്തിൽ , വന്നതിൽ പിന്നെ  ജലപാനമില്ല റൂം അടച്ചു ഒറ്റ
ഇരിപ്പാണ്. \"

\'എങ്ങോട്ടേക്കാണ് പോയതെന്ന് അമ്മ അവനോട് ചോദിച്ചില്ലേ...\"

\" ഞാൻ ചോദിച്ചു മോളെ,
ഒന്നും പറയാതെ, 
റൂം അടച്ചു . \"

\" ഞാനൊന്ന് നോക്കട്ടെ \"

ആൻ  റിച്ചുവിന്റ റൂമിലേക്ക് ചെല്ലുന്നു. വാതിൽ അകത്തു നിന്നും ലോക്ക് ചെയ്തേക്കുവായായിരുന്നു. ആൻ വാതലിൽ മുട്ടി വിളിച്ചു  .

\"റിച്ചു..., റിച്ചു... , റിച്ചു.....,  റിച്ചു\"

ഒരുപാട് പ്രാവശ്യം വിളിച്ചപ്പോഴാണ് 
റിച്ചു വാതിൽ തുറക്കുന്നത് .

\"എന്താടാ എത്ര നേരമായി
വിളിക്കുന്നു. \"

കരഞ്ഞു തളർന്നിരിക്കുന്ന റിച്ചുവിനെ കണ്ട്  ആൻ ചോദിക്കുന്നു .

\"റിച്ചു....
എന്താടാ...., 
നിനക്ക് എന്താ പറ്റിയെ..\" 

\" ദിയെക്കേന്താ പറ്റിയത്\"

ആ ചോദ്യം കേട്ട് ആൻ ഒന്ന് ഞെട്ടി നിൽക്കുന്നു. 

\"ചോദിച്ചത് കേട്ടില്ലേ ആൻ ദിയക്കെന്താ പറ്റിയതെന്ന്...\"

ഒച്ചത്തിലുള്ള അവന്റ സംസാരം  കേട്ട് റിച്ചുവിന്റെ അമ്മയും അങ്ങോട്ടേക്ക് വരുന്നു. 

\" എടാ അത് അവര്..... \"

\"പറഞ്ഞ കള്ളം തന്നെ വീണ്ടും പറയാൻ നിൽക്കണ്ട ആൻ, എനിക്കറിയേണ്ടത് അവൾ ഇപ്പോൾ ജീവിച്ചിരിപ്പുണ്ടോ ഇല്ലയോ, എന്നാണ്.\" 

ആൻ മൗനം പാലിച്ചു.
അവളുടെ ആ മൗനത്തിൽ എല്ലാമുണ്ടായിരുന്നു. 

\"ജീവിച്ചിരിപ്പില്ല അല്ലേ,
പിന്നെ എന്തിനാ...., എന്തിനാ നിങ്ങളൊക്കെ കൂടി എന്നോട്  ഈ കാര്യം  മറച്ചത്.

അവളെ ഒന്ന് കാണാനായി  എത്ര നാളായി ഞാൻ കൊതിച്ചിരിക്കുകയായിരുന്നു. 
ആ എന്നോട്  തന്നെ ഇത് വേണായിരുന്നോ ആൻ,
പറ എന്തിനാ, എന്തിനാ എന്നോട് കള്ളം പറഞ്ഞേ.... \"

എടാ...,
നിന്നോട് അത് പറയാൻ പറ്റിയ സാഹചര്യം അല്ലായിരുന്നു. 
ഒന്ന് റിക്കവറായി വരുന്ന നിന്നോട് ഇതേ പറ്റി പറയാതിരിക്കുന്നതാണ് നല്ലതെന്ന് എല്ലാവരും പറഞ്ഞപ്പോൾ.....,
എനിക്ക് അനുസരിക്കേണ്ടി വന്നു.

അന്ന് രെജിസ്റ്റർ ഓഫീസിലേക്ക് വന്ന നിന്റെ ബൈക് ആക്‌സിഡന്റ്  ആയതിനു പിന്നിൽ അവളുടെ പപ്പ പറഞ്ഞുവിട്ട ആളാണെന്ന് അറിഞ്ഞിട്ടാവണം
അവള്............\"

ആൻ അന്ന് നടന്ന കാര്യങ്ങളൊക്കെ റിച്ചുവിനോട് പറയുന്നു.

\" ദിയ അങ്ങനൊരു ബുദ്ധി മോശം കാണിക്കുമെന്ന് ആരും  കരുതിയിരുന്നില്ല.

നീ അവളെക്കുറിച്ച് ചോദിക്കുമ്പോൾ അവൾ ഇന്ന് ഈ ഭൂമിയിൽ ഇല്ലെന്ന് നിന്നോട് ഞങ്ങൾ എങ്ങനെ പറയാനാടാ......\"

മതി, ഇനി ഒന്നും പറയണ്ട, എനിക്കൊന്നും കേൾക്കണ്ട...

ആൻ പറഞ്ഞു മുഴുവപ്പിക്കും മുൻപേ റിച്ചു അവളെ തടഞ്ഞു.

റിച്ചു തലയിൽ കൈയ് വെച്ച് നിലവിളിച്ചു. 

\"ആ..., ആ....\"

\"എന്താടാ എന്താ പറ്റിയെ..\"

ഒരു ഭ്രാന്തനെപ്പോലെ അവൻ  എന്തൊക്കെയോ കാട്ടി കൂട്ടുകയായിരുന്നു.

ദേഷ്യപ്പെട്ട് റിച്ചു ആനിനെ റൂമിൽ നിന്നും പുറത്താക്കി വാതിലടക്കുന്നു.

\" എനിക്ക് കുറച്ചു നേരം ഒറ്റക്കിരിക്കണം,\"

\"എടാ ഞാൻ പറയുന്നത് നീയൊന്ന് കേൾക്ക്‌ , റിച്ചു പ്ലീസ്...
റിച്ചു.....\"

\"മോനെ വാതിൽ തുറക്കേടാ..... \"


റിച്ചു എന്തെങ്കിലും കടുംകൈ കാണിക്കുമെന്നായിരുന്നു അവരുടെ പേടി, . ഓരോരുത്തരായി അവന്റ വാതിലിൽ മുട്ടി വിളിച്ചുകൊണ്ടേയിരുന്നു.    

ഒന്നുരണ്ടു മണിക്കൂറുകൾക്ക് ശേഷം റിച്ചു വാതിൽ തുറന്നു പുറത്തേക്ക് വരുന്നു  .


ആനും, മറ്റുള്ളവരും റൂമിന് പുറത്തുതന്നെ ഉണ്ടായിരുന്നു. അവനെ കാണുന്നതും അവർക്ക് ആശ്വാസമാകുന്നു.

\"റിച്ചു....,  മോനെ...\"

എന്നാൽ അവരോട് ആരോടും മിണ്ടാതെ അവൻ  പുറത്തേക് ചെല്ലുന്നു  . ആൻ റിച്ചുവിന് പിന്നാലെ പോകുന്നു.

റിച്ചു പുറത്ത് മരത്തിനു ചുവട്ടിൽ ചെന്നിരിക്കുന്നു. പിന്നാലെ ചെന്ന ആനും അവന്റ അടുത്തേക്ക്  ചെന്നിരിക്കുന്നു. 

\"എടാ...
നീ എന്നോട് ഷെമിക് എല്ലാവരും അങ്ങനെ പറയുമ്പോൾ ഞാൻ എങ്ങനെയാണ് അവരെ
എതിർക്കുന്നത്. \"

ആനിനോടുള്ള  ദേഷ്യം മാറിയത് പോലെ 
റിച്ചു ആനിന്റെ തോളിലേക്ക് ചായുന്നു .

\"സത്യം അറിയുമ്പോൾ നിന്റെ അവസ്ഥ എന്തായിരിക്കുമെന്ന് ഓർത്തായിരുന്നു ഞങ്ങളുടെ ടെൻഷൻ... \"

\" ദിയ....,
അവളൊരു പാവമായിരുന്നു.
അന്നേ എന്നോട് അവള് പറഞ്ഞതാണ് അവളുടെ പിന്നാലെ നടന്നു ശല്യം ചെയ്യരുതെന്ന്,

അത് കേൾക്കാതെ  വീണ്ടും വീണ്ടും, പിറകെ ചെന്നത് ഞാനാണ്.   ഒരു
പക്ഷേ അവളെന്നെ  തിരിച്ചു സ്നേഹിച്ചില്ലായിരുന്നുയെങ്കിൽ  ഇന്നും അവൾ ജീവനോടെ ഉണ്ടായേനെ അല്ലേടി.....

ഞാൻ..,
ഞാൻ അവളെ അവസാനമായി ഒന്ന് കണ്ണുനിറയെ കണ്ടത് പോലുമില്ല ആൻ. 

ഞങ്ങളുടെ കല്യാണ ദിവസം അവൾ നല്ല സുന്ദരി ആയിരുന്നിരിക്കും, ഒന്ന് കാണാൻ പോലും എനിക്ക് കഴിഞ്ഞില്ല. ഇനി അതിന് സാധിക്കുകയുമില്ല. \"

\" എടാ...,
വിധിയെ തടയാൻ നമുക്കാർക്കും കഴിയില്ലല്ലോ. \"

\" വിധി....,
അവസാനം 
ആ രണ്ടക്ഷരം ഞങ്ങളുടെ ജീവിതത്തിലും വില്ലനായി...,\"

അവർ സംസാരിച്ച് ഇരിക്കുമ്പോൾ അവിടേക്ക് റിച്ചുവിന്റ കുട്ടുകാർ
വരുന്നു. 

\"റിച്ചു.......\"

\"എല്ലാവരും കൂടി എന്നെ പറ്റിച്ചല്ലോ, \"

\"എടാ...,
നിന്റെ ജീവൻ തിരിച്ചു പിടിക്കുന്നതിനിടയിൽ ഞങ്ങൾ കുറച്ചു സ്വാർത്ഥരായി...\"

\" അല്ലെങ്കിലും സ്നേഹിക്കുന്നവരുടെ കാര്യം വരുമ്പോൾ   എല്ലാവരും സ്വാർത്താരാ... \"

\" എടാ ....,
എനിക് , എനിക്ക് അവളുടെ , നാട്ടിലേക്ക് പോകണം, 
അവസാനമായി അവളുടെ നെറുകയിൽ ഒന്ന് ചുമ്പിക്കാൻ പോലും എനിക്ക് ഭാഗ്യം കിട്ടിയില്ല. അവളുടെ കല്ലറയെങ്കിലും  എനിക്ക് ഒന്ന് കാണണം. \"

\"നീ വിഷമിക്കേണ്ട നമുക്ക് പോകാം...\"

\"നാളെ തന്നെ എനിക്ക് പോണം,\"

\"നാളെയോ, അത്... 
എടാ...,  \"

\" നിങ്ങൾ വന്നില്ലെങ്കിലും  ഞാൻ ഒറ്റക്ക് പോകും....,
എനിക് പോയെ പറ്റു.\"

\"ഞങ്ങൾ വരാം, നാളെ തന്നെ
പോകാം. \"


അങ്ങനെ റിച്ചുവും, കൂട്ടുകാരും അടുത്തദിവസം തന്നെ ദിയയുടെ നാട്ടിലേക്ക് ചെല്ലുന്നു. അവർക്കൊപ്പം ആനും ഉണ്ടായിരുന്നു .
                               

                                            തുടരും.......