\"ആരേ കെട്ടിക്കാൻ ആണെടി കോപ്പേ വണ്ടിക്ക് മുന്നിൽ ചാടിയെ നിനക്ക് ഒന്നും ചാവാൻ വേറെ വണ്ടി കിട്ടിയില്ലേ....\"

\"എന്നെ... എന്നെ.. അയാൾ.. പ്ലീസ് രെ.. രക്ഷിക്ക..ണം \"

ഭയം കൊണ്ടും കിതപ്പ് കൊണ്ടും മുറിഞ്ഞു പോയ ശബ്ദമാണ് അവനെ സ്വാബോധത്തിൽ എത്തിച്ചത്.. 

വണ്ടിയുടെ മുന്നിൽ പെട്ടന്ന് ആരോ കയറി നിന്നത് കൊണ്ട് വണ്ടി ഒന്ന് പാളി അതിന്റെ ദേഷ്യത്തിൽ മുന്നിൽ നിൽക്കുന്നത് ആരെന്നോ എന്തെന്നോ അവൻ നോക്കിയില്ല..

\"ഏഹ്..? ആര്??\"

ചോദിച്ചു കൊണ്ടാണ് മുന്നിൽ നിൽക്കുന്നയാളെ അവൻ ശെരിക്ക് നോക്കുന്നത്..

ഒറ്റനോട്ടത്തിൽ തന്നെ ഒരു കല്യാണ പെണ്ണ് ആണെന്ന് തന്നെ തോന്നും.. 

പാട്ടുസാരിയും തലയിൽ വാടിയ മുല്ലപ്പൂക്കളും..

വണ്ടിയിൽ നിന്നും ഇറങ്ങി അവൾ തിരിഞ്ഞു നോക്കുന്നിടത്തേക്ക് ഫോൺ ഇന്റെ ഫ്ലാഷ് അടിച്ചു നോക്കി രണ്ടുപേർ തിരിഞ്ഞു ഓടുന്നത് അവൻ കണ്ടു...

അവൻ അവളെ നോക്കി അവളുടെ കണ്ണുകളിൽ തന്നെ ഭയം വിളിച്ചോതുന്നതായി അവനു തോന്നി...

\"ആരാ അവർ..?\"

മൗനമായി തേങ്ങിയതല്ലാതെ അവനു മറുപടി ഒന്നും അവൾ കൊടുത്തില്ല..

\"നിന്റെ വീട് എവിടെ..?\"

\"വ.. വയലിന്റെ അപ്പുറം..\"

\"ഏത്.. ആ ജീവന്റെ വീടോ...?\"

\"മം.. \"

അവളുടെ കണ്ണുകളിലെ ഭയം അവൻ കണ്ടു എങ്കിലും കൂടുതൽ ഒന്നും ചോദിക്കാൻ തോന്നിയില്ല..

\"നിന്റെ കല്യാണം അല്ലെ ഇന്നലെ....?\"
\"മം..\"
\"ഒളിച്ചോ..\"
അവളുടെ വിതുമ്പിയ ചുണ്ടുകളും നിറഞ്ഞു ഒഴുകുന്ന കണ്ണുകളും കണ്ടപ്പോ പറയാൻ വന്നത് അവൻ പകുതിയിൽ നിർത്തി..

\"വാ.. ഈ രാത്രി ഇവിടെ ഇങ്ങനെ നിക്കണ്ട ഞാൻ കൊണ്ട് വിടാം..\"

മറുപടി ഒന്നും അവൾ പറഞ്ഞില്ല
\"കേറാൻ നോക്ക് എനിക്ക് പോയിട്ട് വേറെ പണി ഉള്ളതാ..\"

അവൻ വണ്ടിയിൽ കേറി വീണ്ടും അവളോട് പറഞ്ഞു ഈ പ്രാവിശ്യം കുറച്ചു ശബ്ദം കടുപ്പിച്ചാണ് പറഞ്ഞത്

\'ഇന്നലെ ആരാവും തന്നെ.. അറിയില്ല.. അറിഞ്ഞു കൊണ്ട് ഇതുവരെ ആരെയും നോവിച്ചിട്ടില്ല..

വീണ്ടും ആ നരകത്തിലേക്ക് ഇനി ചെറിയമ്മയോട് എന്തു പറയും താൻ പറയുന്നതൊക്കെ ആരെങ്കിലും വിശ്വസിക്കുമോ..

അല്ലങ്കിലും കുറച്ചു നാളായി തനിക്കു പോലും വിശ്വാസം ആവാത്ത കാര്യങ്ങൾ അല്ലെ ചുറ്റും നടക്കുന്നത്... 

പിന്നെ ഒന്ന് ഓർക്കുമ്പോ എന്റെ ജീവിതത്തിൽ നടക്കുന്നത് എന്താണ് എനിക്ക് ഇതുവരെ സന്തോഷം തന്നിരുന്നത്.. പേടിയോടെ ഉറങ്ങാത്ത ഒരു ദിവസം പോലുമില്ല..\'

\"ഇറങ്ങ്..\"

അവന്റെ വാക്കുകളാണ് അവളെ ചിന്തകളിൽ നിന്നും ഉണർത്തിയത്..
അവനെ നോക്കി ഒന്ന് പുഞ്ചിരിക്കാൻ ശ്രെമിച്ചു കൊണ്ട് അവൾ മുന്നോട്ട് നടന്നു..

\"കൊച്ചേ..നിന്റെ പേര് എന്താ..?\"

\"ഗീതാമൃത\"

അവളെ ഒന്ന് നോക്കി പിന്നെ അവൻ വണ്ടി മുന്നോട്ട് എടുത്തു പക്ഷെ..

 ഇപ്പോൾ സമയം ഒൻപതു മണി ഈ സമയം ആ കുട്ടിയെ തനിച് വിടേണ്ടിരുന്നില്ല കൂടെ ചെന്നാൽ മതി ആയിരുന്നു..

അതും ഇന്നലെ ആ കുട്ടീടെ കല്യാണം ആയിരുന്നു അതും മുടങ്ങി.. ആരോ പറയുന്നത് കേട്ടു 

ഒളിച്ചോടി പോയതാണെന്ന്.. രക്ഷപെട്ടു പോയതാണ് എന്നും ഒക്കെ ഉള്ള മുറു മുറുപ്പുകളൊക്കെ..
അവൻ പെട്ടന് തന്നെ വണ്ടി വളച്ചു..
വളവ് എത്തും മുന്നേ ഒച്ചയും ബഹളവും കേട്ടു....

\"ആരുടെ കൂടെ ആണെടി അഴിഞ്ഞാടാൻ പോയെ.. എന്നിട്ട് എന്തിനാ ഇങ്ങോട് തിരിച്ചു പോന്നെ അവനു ഇത്ര വേഗം മടുത്തോ..
ഇറങ്ങടി വെളിയിൽ..\"

അവർ അവളെ മുറ്റത്തേക്ക് തള്ളി..
നെറ്റി പൊട്ടീ രക്തം ഒലിച്ച് ഇറങ്ങി..

അവൻ വരുമ്പോ എന്തോ വടി കൊണ്ട് നിലത്തു കിടക്കുന്ന അവളെ അടിക്കുന്നതാണ്.. കരയുന്നതല്ലാതെ അവൾ ഒന്നും പറയുന്നില്ല.. 

അയൽക്കാർ എല്ലാം നോക്കി നിൽക്കുന്നത് അല്ലാതെ പിടിച്ചു മാറ്റുന്നില്ല.. ചുറ്റും കൂടി നിന്നവരുടെ കണ്ണുകളിൽ ദുഃഖമല്ലാതെ മറ്റൊരു ഭാവം അവനു കാണാൻ സാധിച്ചില്ല..

\"നിർത്ത്...\"

 
അലർച്ച ആയിരുന്നു അത്..

\"നിങ്ങൾ എന്ത് അറിഞ്ഞിട്ടാ.. ഈ പെണ്ണിനെ ഇങ്ങനെ ഇട്ട് തല്ലുന്നത്.. ഇവളെ ഞാൻ ആണ് കൊണ്ട് വന്നു വിട്ടേ.. ആരോ കുറച്ചു പേര് ഇവളുടെ പുറകിൽ ഉണ്ടായിരുന്നു ഞാൻ കണ്ടതാണ്..\"
ആദ്യത്തെ പകപ്പ് വിട്ട് മാറി അവർ അവനു നേരെ ചീറി..
\"ഓഹോ.. അപ്പോ ഇവൻ ആണ് നിന്റെ കാമുകൻ അല്ലേ.. എന്തെടാ ചെക്കാ ഇത്ര വേഗം നിനക്ക് അവളെ മടുത്തോ..?

\"ചെറിയമ്മേ..\"

അമൃത ആദ്യം ആയി ദേഷ്യത്താൽ വിളിച്ചു..

\"ഓ.. അവളുടെ മറ്റവനെ പറഞ്ഞപ്പോ പിടിച്ചില്ല.. പിന്നെ എന്തിനാടി ഇങ്ങോട് പോന്നേ.. അവന്റെ കൂടെ അങ്ങ് പൊറുത്താൽ പോരായിരുന്നോ.. അതെങ്ങനെ തള്ളയെ പോലെ അല്ലെ ആവു നിന്റെ തള്ളക്കും ഒരാളെ പോരായിരുന്നലോ..\"

പുച്ഛത്തോടെ അവർ പറഞ്ഞു അവസാനിപ്പിച്ചതും അമൃതയുടെ കൈകൾ അവരുടെ കവിളിൽ പതിച്ചിരുന്നു..

 
\"എന്റെ അമ്മയെ പറഞ്ഞാൽ ഉണ്ടല്ലോ..\"

\"ച്ച്ചി.. എന്റെ മുറ്റത് വന്നു എന്നെ തല്ലുന്നോടി.. 

\" അവളുടെ മുടിക്കുത്തിനു കുത്തി പിടിച്ചു അവളുടെ കവിളിൽ തല്ലാൻ ആഞ്ഞതും അവൻ അവരുടെ കൈ പിടിച്ചു തിരിച്ചു.

\"നിങ്ങൾ എന്തിനാ ഇവളെ ഇങ്ങനെ തല്ലുന്നത്.. അവൾ ഒരു തെറ്റും ചെയ്തിട്ട് ഇല്ലാ..ഈ കുട്ടിയെ ആരോ ഓടിച്ചിടുന്നത് ഞാൻ കണ്ടതാണ്..\"

ഉള്ളിൽ തിളച്ചു മറിയുന്ന ദേഷ്യത്തെ നേരിച്ചു കൊണ്ട് അവൻ വീണ്ടും സംസാരിച്ചു..

\"നീ ആരാടാ ഞങ്ങളുടെ കുടുംബ കാര്യത്തിൽ ഇടപെടാൻ നിനക്ക് ഇവളെ മടുത്തില്ലേ.. \"

\"സൂക്ഷിച്ചു സംസാരിക്കണം \"
അവൻ അവർക്ക് നേരെ കൈ ഉയർത്തി.

\"നീ അങ്ങനെ അങ്ങ് പൊങ്ങണ്ട ഇവളെ നീ കെട്ടിയെ തീരൂ..അല്ലാതെ എനിക്ക് വയ്യ ഇനിയും ഈ പിഴച്ചവളെ ഇവിടെ നിർത്താൻ എനിക്ക് പറ്റില്ലാ..\"

അവർ പറഞ്ഞ വാക്കുകൾ അവളിലും അവനിലും നടുക്കം സൃഷ്ടിച്ചു..

 
ചുറ്റും കൂടി നിന്നവരും അത് പിന്തുണച്ചത്തോടെ
ഒടുവിൽ വേറെ വഴി ഇല്ലത്തെ അവൻ അവളുടെ കഴുത്തിൽ താലി കെട്ടി..

\"അ..അനന്തൻ
നിങ്ങൾ എല്ലാരും കൂടെ എന്തു പണിയ കാണിച്ചേ..??\"

\"കടന്നു പോയി എന്ന് അറിയാം കേശവേട്ട.. അല്ലങ്ങി അവർ ആ കൊച്ചിനെ കൊന്നേനെ..\"
കേശാവേട്ടൻ അമൃതയുടെ വീടിനു അടുത്തുള്ളതാണ് ദൂരെ പണി ഉള്ളത് കൊണ്ട് ആഴ്ചയിൽ രണ്ടു ദിവസം മാത്രമേ നാട്ടിൽ വരു.. ഇന്ന് വാരാൻ നേരം ആണ് ആരോ അമൃതയുടെ കഴുത്തിൽ താലി കെട്ടുന്നത് കണ്ടത്
തിരിഞ്ഞു നടന്നപ്പോൾ ആണ് അത് അനന്തൻ ആണെന്ന് കണ്ടത്..

\"അത് വേണ്ടീയിരുന്നില്ല.. അവൻ ആരാണെന്ന് നിങ്ങൾക്ക് അറിയുവോ.??
അവൻ അനന്തൻ..
ആ നാട്ടിൽ ആനന്ദനെ കണ്ടാൽ ഭയക്കാത്തത് ആയി ആരും കാണില്ല.. ആ കുട്ടിയുടെ വിധി..ഇതിനേക്കാൾ നല്ലത് അതിനെ ആരെങ്കിലും കൊല്ലുന്നത് ആയിരുന്നു\"

നിർവികാരത്തോടെ നടന്നിരുന്ന അമൃതയുടെ കാതിൽ അവസാനമായി കേട്ടത് അതായിരുന്നു..
ഇനി തന്റെ ജീവിതം എങ്ങനെ എന്ന് അറിയാതെ അവൾ അനന്തൻ പോയതിനു പിന്നാലെ നടന്നു..

(തുടരും..)

തുമ്പി 

          *************

എത്രെത്തോളം നന്നായി എന്ന് അറിയില്ല ഒരുപാട് സംശയങ്ങൾ ഉണ്ടെന്ന് അറിയാം എല്ലാം വരും part കളിൽ വ്യക്തമാക്കാം..  അഭിപ്രായങ്ങൾ പറയണേ 😁