🍁ഡെലിവറി പ്രണയം🍁
🍁Delivary prayanam🍁

 ഞാൻ പറഞ്ഞതാ ഈ വർക്ക് നിന്നെ ഏൽപ്പിക്കേണ്ടന്ന് നീ ഓർക്കുന്നുണ്ടോ എന്റെ കൊച്ചച്ചന്റെ മോളുടെ കല്യാണത്തിന് ഒരു ഡ്രോയിങ് നിന്റെ കയ്യിന്ന് വരച്ചെടുപ്പിക്കാൻ നാല് ആഴ്ചയാ നിന്റെ പുറകെ ഞാൻ നടന്നത്. കഴിവുള്ളവർക്ക് ഇത്രയും അഹങ്കാരം പാടില്ല മോളെ.. പിന്നെ അവൾക്ക് നീ തന്നെ വരച്ചാലേ പറ്റൂ എന്ന് നിർബന്ധം അതുകൊണ്ടാ അല്ലാതെ നിന്നോടുള്ള സ്നേഹക്കൂടുതൽ കൊണ്ടല്ല. 

 മിഴി ഗൗരിക്ക് പറയാൻ ഒരു അവസരം കൊടുക്കാതെ സംസാരിച്ചുകൊണ്ടിരുന്നു.

 പിന്നെ ഇതിനുള്ള കമ്മീഷൻ ഞാൻ മേടിക്കുന്നുണ്ട് . നിന്റെ ഡ്രോയിങ് എല്ലാം ഞാൻ സ്റ്റാറ്റസും സ്റ്റോറിയും ഇടുന്നത് കണ്ടിട്ടാണ് അവൾ ഈ ഓർഡർ നിനക്ക് തരുന്നത്. ദൈവത്തെ ഓർത്ത് പറഞ്ഞ സാധനം പറഞ്ഞ സമയത്ത് ഒന്ന് കൊണ്ട് തരണം .

 ഗൗരി നീ കേൾക്കുന്നുണ്ടോ ഞാൻ പറയുന്നത് .?

  മറു തലയ്ക്കൽ നിന്നും ഗൗരിയുടെ ശബ്ദം ഉയരാത്തത് കണ്ട് മിഴി ഒന്നുകൂടി എടുത്തു ചോദിച്ചു.. ബാൽക്കണിയിലെ ഡോർ അല്പം തുറന്നിട്ട് തന്റെ ഇൻഡോർ ചെടികൾക്ക് വാട്ടർ സ്പ്രേ ചെയ്യുകയായിരുന്നു ഗൗരി.. മുന്നോട്ടുവീഴുന്ന മുടികൾ ഇടയ്ക്കിടെ ഒതുക്കി വെക്കുന്നുണ്ട്. മിഴിയുടെ ശബ്ദവും അവളുടെ പരിഭവം കലർന്ന സംസാരവും കേൾക്കെ ഗൗരിയുടെ ചുണ്ടുകളിൽ ഒരു പുഞ്ചിരി വിരിഞ്ഞു..
 കോളേജിൽ പഠിക്കുന്ന കാലം തൊട്ട് കൂടെയുള്ളതാണ് മിഴി . വുമൺസ് ഹോസ്റ്റലിൽ ഒരുമിച്ചു താമസിച്ചു തുടങ്ങിയ പരിചയമാണ്. രണ്ടാം വർഷത്തിൽ ഫ്ലാറ്റ് എടുത്ത് മാറിയപ്പോൾ കൂടെ മിഴിയും പോന്നു. രണ്ടുപേരും രണ്ട് കോളേജിൽ ആണെങ്കിലും അവളോളം ആത്മബന്ധം വേറെ ആരോടും എനിക്ക് തോന്നിയിട്ടില്ല.

 ഗൗരി നിന്നോടാ ഞാൻ ചോദിക്കുന്നത് നീ വല്ലതും കേൾക്കുന്നുണ്ടോ എന്ന് .

 മിഴി നീ റഫറൻസ് പിക് അയക്ക് രണ്ടുദിവസത്തിനുള്ളിൽ വരച്ചു തരാം പോരേ. ഡാ അമ്മ വിളിക്കുന്നുണ്ട് ഐ വിൽ കാൾ യു ബാക്ക് . മിഴിയോട് അത്രയും പറഞ്ഞ് ഫോൺ കട്ട് ചെയ്ത് അമ്മയുടെ കോൾ അറ്റൻഡ് ചെയ്തു.

,ഇദ്വാർഡ് ഹോപ്പറിന്റെ മുടിഞ്ഞ ആരാധകയായ ഗൗരി കൊച്ചിയിലെ കമർഷ്യൽ ആർട്ട്‌ ഗാല്ലറിയിലെ ഒരു മികച്ച സെല്ലർ കൂടിയാണ്. നാട്ടിലെ ശാന്തമായ അന്തരീക്ഷത്തിൽ നിന്നും കൊച്ചി നഗരത്തിലേക്ക് മാറിയ ഗൗരി ആദ്യമെല്ലാം
 ആ ജീവിതത്തോട് പൊരുത്തപ്പെടാൻ നനെ പാടുപെട്ടിരുന്നു. കുട്ടിക്കാലം മുതൽ വരകളോട് പ്രിയമുണ്ടായിരുന്ന ഗൗരിയെ തന്റെ ഇഷ്ടത്തിന് പറത്തി വിട്ട അച്ഛനോടും അമ്മയോടും എന്നും അവൾക്ക് ബഹുമാനമായിരുന്നു.. പ്ലസ് ടു കഴിഞ്ഞ് കൊച്ചിയിലെ ഏകാന്തവാസത്തിന് മകളെ പറഞ്ഞു വിടുമ്പോൾ ഒരു നാട്ടിൻപുറത്തുകാരിക്ക് ഉണ്ടാകുന്ന എല്ലാ ആശങ്കകളും ഗൗരിയുടെ അമ്മയിലും പ്രകടമായിരുന്നു. വർഷം എട്ടു കഴിഞ്ഞിട്ടും ആ പരിഭവങ്ങൾക്കും വേവലാതിക്കും ഒരിറ്റു പോലും മാറ്റം ഇതുവരെ സംഭവിച്ചിട്ടില്ല..
 കൊച്ചിൻ ആർട്സ് ആൻഡ് സയൻസ് കോളേജിലെ മൂന്നുവർഷ പഠനത്തിനുശേഷം തന്റെ കരിയർ ഡെവലപ്പ് ചെയ്യാൻ വേണ്ടി കൊച്ചിയിൽ ഒരു ഫ്ലാറ്റ് വാടകയ്ക്ക് എടുത്ത് ഏകാന്തവാസത്തിൽ ആണ് ഗൗരി... മിഴിയാണെങ്കിൽ തിരിച്ച് നാട്ടിലേക്ക് ചേക്കേറി .ഇൻഡോർ ചെടികളോടും . ഇംഗ്ലീഷ് പുസ്തകങ്ങളോടും ഒരു പ്രത്യേക ഇഷ്ടമാണ് ഗൗരിക്ക്. അവളുടെ ആ ഇഷ്ടം ഫ്ലാറ്റിൽ പ്രവേശിക്കുന്ന ആർക്കും മനസ്സിലാകും.

 അമ്മയോടുള്ള സംസാരം കഴിഞ്ഞ് ഹോളിലെ സോഫയിൽ സ്ഥാനം പിടിച്ചുകൊണ്ട് വാട്സാപ്പിൽ മിഴി അയച്ച 
 ഫോട്ടോസിലേക്ക് കണ്ണുകൾ ഓടിക്കവേ ഗൗരി ഒരു നിമിഷം ഞെട്ടി.

 ചിത്രയിച്ചി. കണ്ണുകൾ മിഴിഞ്ഞ് വരുന്നതിനൊപ്പം നാവിൽ നിന്നും ശബ്ദവും പുറത്തുവന്നു.

  ഉടൻതന്നെ മിഴിയുടെ നമ്പർ ഡയൽ ചെയ്ത് കാതുകളിലേക്ക് ഫോൺ അടുപ്പിച്ചു. രണ്ട് ബെല്ലുകൾ പോയതും മറു തലയ്ക്കൽ നിന്നും കോൾ അറ്റൻഡ് ആയി .

 മിഴി ഇത് നിന്റെ ആരാന്നാ പറഞ്ഞേ.?

 എടുത്തുള്ള ഗൗരിയുടെ സംസാരത്തിൽ എന്തോ അറിയാനുള്ള ആകാംക്ഷ തളംകെട്ട് കിടക്കുന്നതായി മിഴിക്ക് തോന്നി. ഗൗരിയുടെ ഇടറിയ ശബ്ദത്തിലും തെളിഞ്ഞു നിൽക്കുന്ന സന്തോഷത്തിന്റെ ആഴം മിഴി തിരിച്ചറിയുന്നുണ്ടായിരുന്നു.

 അതെന്റെ ഒരു അകന്ന ബന്ധുവിന്റെ ഫ്രണ്ടിന്റെ ഏട്ടന്റെ കൊച്ചിന്റെ ഒന്നാം പിറന്നാൾ.. അവൾക്ക് ഗിഫ്റ്റ് കൊടുക്കാൻ വേണ്ടിയാ.. എന്താടി എന്താ കാര്യം.

 ഏയ് ഒന്നുമില്ല ഡ്രോയിങ് എന്നാ വേണ്ടത് എന്നാ പറഞ്ഞത്.

 രണ്ടുദിവസത്തിനുള്ളിൽ, പിന്നെ റേറ്റിംഗിന്റെ കാര്യം നിന്നോട് ചോദിക്കാൻ അവൾ പറഞ്ഞിരുന്നു..

 ഈ ഡ്രോയിങ്ങിന് എനിക്ക് പൈസ വേണ്ട.. ഇതെന്റെ കൂടെ ഒരു ഗിഫ്റ്റ് ആയിട്ട് ഇരുന്നോട്ടെ.

 നിനക്കെന്താടി ഭ്രാന്ത് ഉണ്ടോ ? ഇതുതന്നെയാണ് ഞാൻ മുമ്പേ പറഞ്ഞത് . അല്ലെങ്കിലും എറിയാൻ അറിയുന്നവന്റെ കയ്യിൽ ദൈവം വടി കൊണ്ട് കൊടുക്കത്തില്ല.

 നീ വെച്ചിട്ട് പോക്കെ പെണ്ണെ ഞാൻ വരയ്ക്കാൻ ഇരിക്കട്ടെ .

 ഒരുപാട് ഡ്രോയിങ് ചെയ്തിട്ടുണ്ടെങ്കിലും ഇത് തനിക്ക് ഏറ്റവും പ്രിയപ്പെട്ട ഒന്നാണ് .അണഞ്ഞുപോയ പ്രതീക്ഷയുടെ തിരി ഒരിക്കൽ കൂടി തെളിയുമെന്ന് മനസ്സിന്റെ ഉള്ളിൽ ഒരു തോന്നൽ. പതിവുപോലെ സ്വിഗ്ഗി വഴി ഫുഡ് ഓർഡർ ചെയ്തിട്ട് വരയ്ക്കാനായി ഗൗരി ഇരുന്നു..

🍁 നാലു മാസങ്ങൾക്ക് ശേഷം .🍁

 ഗ്യാലറിയിലേക്ക് കൊടുക്കാനുള്ള 3 ചിത്രങ്ങളുടെ ഡ്രോയിങ് കഴിഞ്ഞതും സമയം ഏതാണ്ട് വൈകുന്നേരം ആറു മണി കഴിഞ്ഞിരുന്നു.. മഴയാണെങ്കിൽ ആരോടോ ഉള്ള ദേഷ്യത്തിന്റെ ഭാഷയിൽ ശക്തിക്ക് പെയ്യുന്നുണ്ട്. ഇനിയിപ്പോ കിച്ചനിൽ കയറാൻ മടിയാണ്.. കുളി കഴിഞ്ഞ് ഷെൽഫിൽ നിന്നും അലി ഹസൽവുഡിന്റെ 🍁ദി ലവ് ഹൈപോത്തെസിസ്🍁 എന്ന ഇംഗ്ലീഷ് പുസ്തകം കയ്യിലെടുത്തു. സോഫയിലേക്ക് വീഴുന്നതിനു മുൻപ് എന്നത്തേയും പോലെ സ്വിഗ്ഗിയിൽ ഫുഡ് ഓർഡർ ചെയ്തു. മഴയായതുകൊണ്ട് ഫുഡ് വരാൻ 30 മിനിറ്റ് ലേറ്റ് ആകുമെന്ന് ഫോണിൽ കാണിച്ചത് കൊണ്ട് അവൾ ആ പുസ്തകം തുറന്ന് വായിക്കാൻ തുടങ്ങി... മഴ വീണ്ടും വീണ്ടും ശക്തിയിൽ പെയ്തുകൊണ്ടിരുന്നു.

 മുക്കാ മണിക്കൂറുകൾക്കുശേഷം കോളിംഗ് ബെൽ ശബ്ദം കേട്ട് ഫുഡ് വന്ന സന്തോഷത്തിൽ ഗൗരി വേഗം ഫ്ലാറ്റിന്റെ ഡോർ തുറന്നു . മഴയിൽ ആകെ നനഞ്ഞു കുളിച്ചു വന്ന ഡെലിവറി ബോയ് തലയിലെ ക്യാപ്പ് ഊരി തലമുടിയിലെ നനവ് കൈകൊണ്ട് തട്ടിമാറ്റി കൊണ്ടിരിക്കുകയായിരുന്നു.. ഡോർ തുറന്ന് മുന്നിലേക്ക് നോക്കിയ ഗൗരി ഒരു നിമിഷം അവനെത്തന്നെ നോക്കി നിന്നു. 

ഗൗരി രാമ ശേഖർ .
 കയ്യിലെ പൊതിയിലേക്ക് മാത്രം ശ്രദ്ധ കേന്ദ്രീകരിച്ച് ഗൗരിയുടെ പേര് വിളിച്ച് ഡെലിവറി ബോയ് ആ കവർ ഗൗരിക്ക് നേരെ നീട്ടി. ഒപ്പം 230 റുപ്പീസ് എന്നും പറഞ്ഞു

 കയ്യിലെടുത്തു പിടിച്ചിരുന്ന 500ന്റെ നോട്ട് അവൾ അവനെ നേരെ നീട്ടി. 

അയ്യോ മാഡം ചെയ്ഞ്ച് ഉണ്ടാകുമോ എന്റെ കയ്യിൽ ചെയ്ഞ്ച് ഇല്ല ..

 ഓ സോറി എന്റെ കയ്യിൽ ഇല്ല .
 എന്നാൽ ഞാനൊരു കാര്യം ചെയ്യാം മേടത്തിന് ബാക്കി ഗൂഗിൾ പേ ചെയ്യാം.. എന്റെ സ്കാനർ വർക്കല്ല മാം നമ്പർ ഒന്ന് പറയുമോ?.

 അവളുടെ നമ്പർ വാങ്ങി ബാക്കി ക്യാഷ് അവൻ പെയ്മെന്റ് ചെയ്തുവെങ്കിലും റേഞ്ച് ഇല്ലാത്തതുകൊണ്ട് . എന്തോ ഇറർ സംഭവിച്ചു. അവന്റെ അക്കൗണ്ടിൽ നിന്ന് ക്യാഷ് പോകുകയും ചെയ്തു എന്നാൽ അവളുടെ അക്കൗണ്ടിൽ ക്യാഷ് വന്നു കയറിയതുമില്ല. പരിഭ്രമത്തോടെ നിൽക്കുന്ന അവനെ കണ്ടതും അവൾക്ക് പാവം തോന്നി...

 അത് സാരമില്ലെടോ രണ്ടുദിവസം കഴിയുമ്പോൾ ശരിയായിക്കോളും ഇങ്ങനെ ഇടയ്ക്ക് സംഭവിക്കാറുള്ളതാ.. താൻ പൊക്കോ

 എന്നാലും...

 ഞാനല്ലേ പറഞ്ഞത് കുഴപ്പമില്ല എന്ന് .

 ഗൗരിയ ഒന്ന് നോക്കിയിട്ട് മനസ്സിലാ മനസ്സോടെ അവൻ അവിടെ നിന്നും പോയി. മഴ ഇപ്പോഴും തകർത്തു പെയ്യുകയാണ്. അവൻ തന്ന കയ്യിലെ കവറും അവനെയും മാറിമാറി നോക്കി അവൻ അകന്നു പോകുന്നത് ഗൗരി നോക്കി നിന്നു..

 അവസാനത്തെ ഡെലിവറി ആയിരുന്നു അത്. ആ കൊച്ച് എന്ത് വിചാരിച്ച് കാണുമോ എന്തോ . ആദ്യമായിട്ടാണ് ഇങ്ങനെ സംഭവിക്കുന്നത്. മനസ്സിനെന്തോ വല്ലാത്ത അസ്വസ്ഥത.. വീട്ടിലെത്തി കുളിയും കഴിഞ്ഞ് കട്ടിലിൽ കിടന്ന് തിരിഞ്ഞും മറിഞ്ഞു ആലോചിക്കുകയാണ് അവൻ . അന്യന്റെ മുതൽ ആഗ്രഹിക്കരുത് എന്നാണ് അമ്മ കുഞ്ഞുനാൾ മുതൽ പഠിപ്പിച്ചിട്ടുള്ളത്. ആ കൊച്ചിന് ക്യാഷ് ക്രെഡിറ്റ് ആകാത്തിടത്തോളം കാലം അന്യന്റെ മുതൽ തന്നെയാണ് തന്റെ കയ്യിലിരിക്കുന്നത്. എത്ര ഉറങ്ങാൻ ശ്രമിച്ചിട്ടും അവൻ ഉറങ്ങാൻ കഴിയുന്നുണ്ടായിരുന്നില്ല.

 ക്യാഷ് ക്രെഡിറ്റ് ആയോന്ന് എങ്ങനെ അറിയാ...🤔. മനസ്സിലതും ഓർത്തോണ്ടിരുന്നപ്പോഴാണ് ഗൂഗിൾ പേയിൽ അവളുടെ നമ്പർ വാങ്ങിച്ച കാര്യം അവൻ ഓർത്തത്.. അത് കമ്പനി തന്ന ഫോൺ ആയതുകൊണ്ട് അതിൽ നിന്നും നമ്പർ തന്റെ ഫോണിലേക്ക് മാറ്റി വാട്സാപ്പിൽ അവൾക്ക് ഒരു മെസ്സേജ് അയച്ചു..

Hi... ഞാനാ ഇന്ന് ഫുഡ് കൊണ്ട് വന്നത്. സ്വിഗ്ഗിയിൽ നിന്നും . ക്യാഷ് ക്രെഡിറ്റ് ആയിരുന്നോ .?

 ഒറ്റ മെസ്സേജു കൊണ്ട് തന്നെ ചോദിക്കാനുള്ളതെല്ലാം അവൻ ചോദിച്ചു...

കട്ടിലിൽ കിടന്ന് തനിക്ക് ഏറ്റവും പ്രിയപ്പെട്ടവന്റെ ചിത്രം താൻ ചേർത്തു പിടിച്ചിട്ടുള്ള പുസ്തകത്തിൽ പകർത്തുകയായിരുന്നു ഗൗരി..

ഇല്ല അതുസാരമില്ല സിദ്ധുവേട്ടാ...😊

അപ്രതീക്ഷമായി അവന്റെ പേര് അവളുടെ ചാറ്റിൽ കണ്ടതും അവൻ ഒരു പകപോടെ ആ മെസ്സേജ് ഒന്നുകൂടെ നോക്കി...

എന്റെ പേര് എങ്ങനെ അറിയാം.. മറ്റെന്നും ചോദിക്കാതെ ആ ഉള്ളിലെ ആശങ്ക അവൻ പുറത്തുകാട്ടി...

അത് എല്ലാം അറിയാം.\'\' എന്നെ അറിയാൻ വഴിയില്ല.ഞാൻ സിദ്ധുവേട്ടന്റെ ജൂനിയർ ആയിരുന്നു കോളേജിൽ... അന്നത്തെ വലിയ പാട്ടുകാരനെ ഇന്നിങ്ങനെ കണ്ടപ്പോൾ ഞാൻ ശരിക്കും ഞെട്ടി.
പിന്നിട് മൗനമായിരുന്നു അവന്റെ മറുപടി... മറുതലക്കൽ നിന്നും മെസ്സേജ് വരാതെ വന്നപ്പോൾ ഗൗരിയും ഒന്ന് ശങ്കിച്ചു..

അവന്റെ ഓർമ്മകൾ അഞ്ച് വർഷം പിന്നിലേക്ക് സഞ്ചരിച്ചു. കലോത്സവ വേദികളിലെ മിന്നും പ്രകടനം കാഴ്ചവെച്ചിരുന്ന സിദ്ധാർത്ഥ് കോളേജിൽ എല്ലാവരുടെയും പ്രിയപ്പെട്ടവൻ ആയിരുന്നു.. മധുരമായ ശബ്ദം കൊണ്ട് കോളേജ് പെൺകുട്ടികളുടെ ആരാധനപാത്രമായവൻ.. ടീച്ചർമാരുടെ എല്ലാം പ്രതീക്ഷ. പിന്നണി ഗായകനാകുമെന്ന് ഉറപ്പ് പറഞ്ഞ കൂട്ടുകാർ.. കലാലയജീവിതം ഒരു സുന്ദര കാലഘട്ടമായിരുന്നു അവന്. അതിന് മധരം കൂട്ടാൻ കൂടെ കൂടിയതാണ് ചിത്ര.. സ്നോഹവും പ്രണയവും സൗഹൃദവും ഒരാളിൽ മാത്രം ഒതുക്കി വെച്ചപ്പോൾ മറ്റു പെൺകുട്ടികൾ ശ്രദ്ധയിൽ പോലും പെട്ടില്ല. കലയെ ഒരുപാട് സ്നേഹിച്ചവന്റെ പ്രതീക്ഷകളെ തിരുത്തി എഴുതിയത് പക്ഷെ ജീവതമായിരുന്നു... ഫൈനലിയർ പഠിക്കുമ്പോൾ അപ്രതീക്ഷിതമായുള്ള അച്ഛന്റെ മരണത്തിൽ കലയെക്കൾ വലുതാണ് കൂടെപ്പിറപ്പിന്റെയും പെറ്റവയറിന്റെയും വിശപ്പ് എന്ത് തിരിച്ചറിഞ്ഞപ്പോൾ ആഗ്രഹങ്ങളും സ്വപ്നങ്ങളും വഴിയിൽ ഉപേക്ഷിക്കേണ്ടി വന്നു.

 പെട്ടെന്ന് എന്തോ ഓർത്ത പോലെ ഫോണിലേക്ക് നോക്കിയപ്പോൾ അതിൽ മൂന്ന് മെസ്സേജ് വന്നു കിടപ്പുണ്ട്..

സിദ്ധുവേട്ടാ?..
Hello:.
പോയോ  

ഇല്ല ഞാൻ ഇവിടെ ഉണ്ട്...

ശരി ഗൗരി ക്യാഷ് ക്രെഡിറ്റ് ആയെങ്കിൽ പറ . ഇല്ലെങ്കിൽ നാളെ ഒന്നൂടെ ഞാൻ സെന്റ് ചെയ്തു തരാം..അത്രയും പറഞ്ഞ് ആ സംഭാഷണം അവനവിടെ അവസാനിപ്പിച്ചു..

ചിത്ര.. ഒന്നര വർഷത്തിനുശേഷം അവളും ഓർമ്മകളിൽ എത്തി.. പ്രാരാബ്ദങ്ങൾ തലയ്ക്കു മുകളിൽ എത്തിയപ്പോൾ അതിൽ കൂട്ടാകണ്ടവൾ പക്ഷേ ഉപേക്ഷിച്ചു പോയി. ഒരു നല്ല ജീവിതം ചിത്ര ആഗ്രഹിച്ചതിൽ തെറ്റ് പറയാൻ കഴിയില്ല.. മൂന്ന് വർഷ പ്രണയവും രണ്ട് വർഷ വിരഹവും.. കാൽ ചുവട്ടിൽ നിന്നും മണലുകൾ ഒലിച്ചു പോകുന്നത് നോക്കി നിന്ന് നിമിഷങ്ങൾ.. ഓർമ്മകൾ എപ്പോഴോ ഉറക്കത്തിന് വഴിമാറി.


🦋🦋🦋🦋

 ജീവിതത്തിൽ അപ്രതീക്ഷിതമായ ചിലരുടെ കടന്നു വരവ് ജീവിതത്തെ കൂടുതൽ മനോഹരമാക്കുമെന്ന് പറഞ്ഞു കേട്ടിട്ടുണ്ട്. അതുപോലെ ഒരാൾ ആയിരുന്നു തനിക് ഗൗരി..
ഒരു 270 രൂപ തന്റെ ജീവിതം മാറ്റി മറിക്കും എന്നവൻ കരുതിയില്ല.. അത് ഒരു തുടക്കമായിരുന്നു പിന്നിട്ട് തിരക്കേറിയ ജീവിതത്തിൽ ഗൗരി അവന് നല്ല സുഹൃത്തായി.

 നാളെ എനിക്ക് ഒന്ന് കാണാൻ പറ്റുമോ....?

  എട്ടു മണിയോടെ ഡെലിവറി എല്ലാം കഴിഞ്ഞ് പതിവ് പോലെ വന്ന് ബെഡിലേക്ക് ചായുന്നതിനിടയിലാണ് ഗൗരിയുടെ മെസ്സേജ് കണ്ടത്..

 അതിനെന്താ കാണാലോ .. അവന്റെ മറുപടിയിൽ നിറഞ്ഞ ഒരു പുഞ്ചിരി ഗൗരിയുടെ ചുണ്ടുകളിൽ വിരിഞ്ഞു.

  ആദ്യ കാഴ്ചയ്ക്കുള്ള തയ്യാറെടുപ്പിലായിരുന്നു ഗൗരി രാവിലെ തന്ന.... അവൾ അയച്ച ലൊക്കേഷനിലേക്ക് അവൾക്ക് മുൻപേ അവൻ എത്തിയിരുന്നു...

 ഒത്തിരി നേരായോ സിദ്ധുവേട്ടൻ വന്നിട്ട്..😊
 ഫുൾ സ്ലീവ് ബ്ലൂ കളർ അനാർക്കലി മോഡൽ ചുരിദാർ ആയിരുന്നു അവളുടെ വേഷം. ഒഴുകിയ നീളൻ മുടി ഒരു വശത്തേക്ക് പിന്നിട്ടിരിക്കുന്നു. രാജസ്ഥാൻ മോഡൽ ഹാൻഡ് ബാഗ് കയ്യിലെ ഡയറിയും അവൾ ഒരു ആർട്ടിസ്റ്റ് ആണെന്ന് വിളിച്ചു പറയുന്നതുപോലെ സിന്ധുവിന് തോന്നി... അവന്റെ ഓപ്പോസിറ്റ് വന്നിരുന്ന് ബാഗും ഡയറിയും മേശപ്പുറത്ത് വയ്ക്കുന്നതിനിടയിൽ അവൾ ചോദിച്ചു..

ഇല്ല... കുറച്ച് സമയം ആയുള്ളു....

എന്നാ രണ്ട് കോഫി പറയാം...
 അവനോട് അത്രയും പറഞ്ഞ് തൊട്ടടുത്തു നിൽക്കുന്ന വെയിറ്ററോട് ചേട്ടാ രണ്ടു കോഫി ഒന്ന് ഷുഗർ കൂട്ടി എന്ന് പറഞ്ഞപ്പോൾ അക്ഷരാർത്ഥത്തിൽ ഞെട്ടിയത് സിന്ധു ആയിരുന്നു. തന്റെ ഇഷ്ടങ്ങളും ഇഷ്ടക്കുറവും അവൾക്കെങ്ങനെ അറിയാം എന്നതായിരുന്നു അവന്റെ ഉള്ളിലെ ചോദ്യം.

 തനിക്ക് എങ്ങനെ അറിയാം എനിക്ക് മധുരമുള്ള കാപ്പി ഇഷ്ടമാണെന്ന് .

 അതൊക്കെ അറിയാം. നിറഞ്ഞ പുഞ്ചിരിയോടെ ഗൗരി പറഞ്ഞു.

 ശരി തനിക്കെന്താ പറയാനുണ്ടെന്ന് പറഞ്ഞത്..

 നിറഞ്ഞ ആകാംക്ഷയിൽ തന്നെ അവൻ ചോദിച്ചു...

 പറയാം ഞാൻ പറയാൻ പോകുന്ന കാര്യം സിദ്ധുവേട്ടൻ എങ്ങനെ എടുക്കും എന്ന് എനിക്കറിയില്ല. നാലു മാസങ്ങൾക്കു മുൻപ് എന്റെ ഫ്രണ്ട് വഴി എനിക്കൊരു ഡ്രോയിങ് കിട്ടിയിരുന്നു. അത് ചിത്രേച്ചിയുടെയും ഭർത്താവിന്റെയും കൊച്ചന്റെയും പടമായിരുന്നു..

 ഗൗരി നിനക്ക് ചിത്രയെ അറിയോ?
 പിന്നെ നിങ്ങളെ അറിയാതിരിക്കാൻ വഴിയുണ്ടോ ?കോളേജിലെ ഇണക്കുരുവികൾ അല്ലായിരുന്നോ . പക്ഷേ ചിത്രയുടെ കല്യാണം കഴിഞ്ഞ വിവരം ഞാൻ അന്നാ അറിയുന്നത്.. ഇത് പറയാൻ അല്ല ഞാൻ വന്നത്. വന്ന കാര്യം പറയാൻ വന്നതും ഗൗരിയുടെ ഫോൺ അടിച്ചു മിഴിയായിരുന്നു അത്...

 ഞാനിപ്പോ വരാം എന്നും പറഞ്ഞ് ഗൗരി മാറി നിന്നപ്പോളാണ് അവൾ കൊണ്ടു വന്ന ഡയറി അവന്റെ ശ്രദ്ധയിൽ പെട്ടത്.🍁 To my പാട്ടുകാരൻ . 🍁എന്ന് പുറം ചട്ടയിൽ എഴുതിയിരിക്കുന്നത് കണ്ടതും അവനത് തുറന്നു നോക്കി. അതിൽ അവൾ വരച്ച അവന്റെ ചിത്രങ്ങൾ മാത്രമായിരുന്നു .ഒപ്പം അവൾ പറയാതെ ഒളിപ്പിച്ച പ്രണയവും.. ഓരോ താളുകൾ മറിക്കുമ്പോഴും . കോളേജിൽ പലയിടങ്ങളിലായി അവനെ കണ്ട സന്ദർഭം വരകളിലൂടെ അവൾ എഴുതി ചേർത്തിരുന്നു.. ഓരോന്നിലൂടെ കടന്ന് പോകുമ്പോൾ അവന്റെ കണ്ണു നിറഞ്ഞു... അവസാനമായി , ഡെലിവറി ബോയുടെ വേഷത്തിലുള്ള ചിത്രം കൂടി കണ്ടപ്പോൾ അവൻ മനസിലാക്കി താൻ അറിയാതെ പോയ പ്രണയം..

🍁🍁🍁🍁🍁

അവൻ വലിയ പാട്ടുക്കാരനാണ് . ഭാവിയിൽ വല്ല സിനിമയിലൊക്കെ പാടി ലോകം അറിയുന്നവൻ ആകും .നിന്റെ ഈ കുത്തി വര കൊണ്ട് അങ്ങോട്ട് ചെന്നിട്ട് വലിയ കാര്യമുണ്ടാകില്ല.. ആദ്യമായി സിദ്ധാർത്ഥിനെ ഇഷ്ടമാണെന്ന് മിഴിയോട് പറഞ്ഞപ്പോൾ അവളുടെ മറുപടിയായിരുന്നു.. കോളേജിലെ എല്ലാ പിള്ളേരുടെയും ആരാധന മൂർത്തിയോട് തനിക്കും ഒരു ആരാധന ,അത്രമാത്രമായിരുന്നു ആദ്യം കരുതിയത്. പിന്നെയാണ് മനസ്സിലായത് ആരാധനയുടെ പേര് പ്രണയം എന്നാണെന്ന് ..തന്റെ പ്രണയത്തെ കടത്തി വെട്ടിയാവളായിരുന്നു ചിത്രയിച്ചി... പക്ഷെ സിന്ധുവേട്ടനെ പ്രേമിക്കാൻ എനിക്ക് ആരുടെയും അവകാശം വേണ്ടായിരുന്നു. ഒരു നോട്ടം പോലും തനിക്ക് തരാത്തവന്റെ ചിത്രങ്ങളോരോന്നും മനസ്സിൽ നിന്നും പേപ്പറിലേക്ക് ഞാൻ പകർത്തി... അതിൽ അവസാന ചിത്രം പതിഞ്ഞത് മഴയത്ത് നന്നഞ്ഞു നിനക്കുന്ന ഡെലിവറി ബോയുടെയായിരുന്നു... തന്റെ സിന്ധുഏട്ടന്റെ ..

 മിഴിയോട് സംസാരിച്ച് തിരികെ വന്ന ഗൗരി കണ്ടത് ഡെസ്ക്കിൽ കൈവെച്ച് തലകുനിച്ചിരിക്കുന്ന സിദ്ധുവിനെയാണ്.

 സിദ്ധുവേട്ടാ സോറി ഒരു ഇംപോർട്ടൻസ് കാര്യമായി പോയി.. എനിക്ക് പെട്ടെന്ന് ഒരിടം വരെ പോകണം .അവൾ അത് പറഞ്ഞിട്ടും ഒന്നും പ്രതികരിക്കാതെ ഇരിക്കുന്നവനെ കണ്ടപ്പോൾ ഗൗരി നെറ്റി ചുളിച്ചു.

 സിദ്ധുവേട്ടാ..

 ഒരിക്കൽ കൂടെ ഗൗരി വിളിച്ചപ്പോൾ മടിയിൽ വച്ചിരുന്ന അവളുടെ ഡയറി അവള്‍ക്ക് നേരെ അവൻ നീട്ടി... അവന്റെ പ്രവർത്തിയിൽ അവൾ ഒന്നു പതറിയെങ്കിലും പ്രതീക്ഷിച്ചതായിരുന്നതിനാൽ മുഖത്ത് വലിയ മാറ്റം ഒന്നും പ്രകടമായില്ല...

 താൻ ഇനി പറയാൻ വന്ന കാര്യം പറയണമെന്നില്ല തനിക്ക് എവിടെയോ പോകാൻ ഉണ്ടെന്നല്ലേ പറഞ്ഞത് ഞാൻ കൊണ്ട് വിടാം..

അതും പറഞ്ഞ് പോകാൻ ഒരുങ്ങിയ അവന്റെ കൈയ്യിൽ അവൾ പിടിത്തമിട്ടു. അവളുടെ ആ പ്രവർത്തിയിൽ നിറഞ്ഞ പുഞ്ചിരിയായിരുന്നു അവന്റെ മറുപടി. ബൈയ്ക്കിൽ അവനോട് ചേർന്നിരുന്നപ്പോൾ തന്റെ ഉള്ളിലെ ഇത്രയും വർഷത്തെ കാത്തിരിപ്പ് അവസാനിച്ച് പ്രണയം തുടങ്ങിയതായി അവൾക്ക് തോന്നി.. ഒരിക്കൽ മനസു നിറച്ച് സ്നേഹിച്ചവൾ പോയപ്പോൾ ഇനി ഒരുവൾ തന്നെ മനസ്സിലാക്കി തന്റെ കഷ്ട്ടപാടുകൾ മനസിലാക്കി ജീവിതത്തിലേക്ക് കടന്നു വരുമെന്ന് ഒരിക്കലും പ്രതീക്ഷിച്ചില്ല.. സൈഡ് മിററിലൂടെ ഗൗരിയുടെ മുഖം കണ്ടപ്പോൾ അവന്റെ ചുണ്ടിലും ഒരു പുഞ്ചിരി വിരിഞ്ഞു.

അവസാനിച്ചു....