അടുത്ത ദിവസം രാവിലെ തന്നെ ബോണി പത്തനംതിട്ടക്ക് തിരിച്ചിരുന്നു.. അന്നായിരുന്നു സീതത്തോട് മരിച്ച സ്ത്രീയുടെ പോസ്റ്റ്‌മാർട്ടം റിപ്പോർട്ട്‌ കിട്ടുന്നത്.. ബോണി അത് കളക്ട് ചെയ്തു അക്ബറിന്റെ കൈയ്യിൽ ഏല്പിച്ചു. അക്ബർ പോസ്റ്റ്‌മാർട്ടം റിപ്പോർട്ട്‌ പരിശോദിച്ചു.. മരിച്ചത് ഒരു സ്ത്രീ തന്നെ.. സ്കിൻ സെൽസിന്റെ ഘടനയും മറ്റും വെച്ച് നോക്കുമ്പോൾ 30 വയസിനു താഴെ പ്രായം.. പല്ലുകൾ പരിശോധന നടത്തിയപ്പോൾ രണ്ടോളം പല്ലുകൾ റൂട്ട് കനാൽ ചെയ്തതാണ്. 

ശ്രീകുമാർ സിഫ്റ്റ് കാർ ഓണറിന്റെ ഡീറ്റെയിൽസ് അന്വേഷിച്ചു പോയിരുന്നു.. ആ ഡീറ്റെയിൽസുമായി കൃത്യ സമയത്തു തന്നെ ശ്രീകുമാറും എത്തി… റീന എന്ന പേരിലുള്ള ആളു തന്നെയാണ് കാർ ഓണർ.. മാരീഡ് ആണ്.. കുട്ടികൾ ഇല്ല.. ഹസ്ബൻഡ് UK യിൽ ആണ്. വയസ്സ് 28.. ഒരു യൂട്യൂബർ കൂടിയാണ് റീന.. റീനയുടെ വീട്ടിൽ അന്വേഷിച്ചപ്പോൾ യൂട്യൂബ് വീഡിയോ എടുക്കുന്നതിനായി പോയതാണ്. 4 ദിവസമായി റീന പോയിട്ട്.. രണ്ടുദിവസമായി റീനയെ വിളിച്ചിട്ട് കിട്ടാത്തത് കൊണ്ട് കോന്നി പോലീസ് സ്റ്റേഷനിൽ റീനയുടെ ഫാദർ ഒരു കംപ്ലൈന്റ് കൊടുത്തിട്ടുണ്ട്..

അക്ബർ : “ഈ രണ്ട് ഡീറ്റെയിൽസും വെച്ച് നോക്കുമ്പോൾ രണ്ടും ഒരാൾ തന്നെ എന്ന് അനുമാനിക്കാം.. ഒരു DNA അനാലിസിസ് കൂടി നടത്തിയാൽ അത് നമ്മൾക്കുറപ്പിക്കാം…അതിനുള്ള അറേഞ്ച്മെന്റ് ഇന്ന് തന്നെ ചെയ്യണം…റീനയുടെ വാഹനം കണ്ടെത്തിയാൽ ബാബുവിലേക്കു വിരൽ ചൂണ്ടുന്ന എന്തെങ്കിലും ഒരു തെളിവ് കിട്ടാതിരിക്കില്ല..” 

ശ്രീകുമാർ : “ഓക്കേ സാർ”

പെട്ടന്ന് ബോണിയുടെ മൊബൈൽ റിങ് ചെയ്തു.. ട്രാഫിക് കണ്ട്രോളിൽ നിന്നായിരുന്നു കാൾ… ബാബുവിനെ പത്തനംതിട്ട ടൗണിലുള്ള ഒരു ട്രാഫിക് ക്യാമറയിൽ കണ്ടെത്താൻ കഴിഞ്ഞിട്ടുണ്ട്… ബോണി ഉടനെ തന്നെ കണ്ട്രോൾ റൂമിൽ വിളിച്ചു വേണ്ട അറേജ്മെന്റസ് നടത്തി.. 

അക്ബർ : “ഉടനെ തന്നെ നമുക്ക് പത്തനംതിട്ടക്കു പോകണം.. ഇന്നവനെ നമുക്ക് പൂട്ടണം…”

എല്ലാവരും ഉടനെ റെഡിയായി പത്തനംതിട്ടക്ക് തിരിച്ചു.. 

അധികം വൈകാതെ അവർ പത്തനംതിട്ടയെത്തി. ബാബു ആ ട്രാഫിക് ക്യാമറ ഇരുന്നതിന് എതിരെയുള്ള ഒരു കുഴി മന്തിക്കടക്കകത്തായിരുന്നു ഉണ്ടായിരുന്നത്.. 
അക്ബറും ടീമും എത്തുമ്പോൾ ടൗൺ പെട്രോളിംഗിൽ ഉണ്ടായിരുന്ന ടീം അവനെ ലോക്ക് ചെയ്തിരുന്നു.. അവൻ പുറത്തേക്ക് ഇറങ്ങുന്നത് വരെ അവർ വെയിറ്റ് ചെയ്തു. 

കുറച്ചു സമയം കഴിഞ്ഞപ്പോൾ അവൻ വെളിയിലേക്ക് ഇറങ്ങി. ആ തക്കം നോക്കി അക്ബറും ടീമും അവനെ പിടികൂടി. അവൻ അധികം ബഹളം ഒന്നും ഉണ്ടാക്കാതെ വണ്ടിയിലേക്ക് കയറി. അവിടുന്ന് നേരെ പോയത് പോലീസ് ക്ലബ്ബിലേക്ക് ആയിരുന്നു… അക്ബർ ഉടനെ CCIA ചീഫ് മുകേഷ് മേത്തയെയും DIG യെയും പത്തനംതിട്ട SP യെയും വിളിച്ചു ബാബുവിനെ അറസ്റ്റ് ചെയ്ത കാര്യം പറഞ്ഞു. ബാബുവിന്റെ മാനസിക നില പരിഗണിച്ചു ഒരു സൈക്കാട്രി ഡോക്ടറിന്റെ സാനിദ്ധ്യത്തിൽ മാത്രം ബാബുവിനെ ചോദ്യം ചെയ്താൽ മതിയെന്ന് CCIA ചീഫ് പറഞ്ഞു.. ഉടനെ അവന്റെ അറെസ്റ്റ്‌ രേഖപ്പെടുത്തി മജിസ്‌ട്രേറ്റിന്റെ മുന്നിൽ ഹാജരാക്കിയ ശേഷം കൂടുതൽ ചോദ്യം ചെയ്യുന്നതിനായി പോലീസ് കസ്റ്റടിയിൽ അവനെ വിട്ടുകിട്ടുന്നതിനുള്ള നടപടിക്രമങ്ങൾ ചെയ്തു കൊള്ളാൻ DIG യും അക്ബറിനോട് ആവിശ്യപ്പെട്ടു.. 

അക്ബറും ടീമും അവനെ പിടികൂടിയ സന്തോഷത്തിലായിരുന്നു.. DIG യും, ചീഫും പറഞ്ഞപോലെ കാര്യങ്ങളെല്ലാം ചെയ്ത ശേഷം അന്നവർ പോലീസ് ഗസ്റ്റ് ഹൗസിൽ കൂടാൻ തീരുമാനിച്ചു.. അവരുടെ സാധങ്ങളും മറ്റും ചിറ്റാർ ഗസ്റ്റ് ഹൗസിൽ നിന്നും അവിടേക്കു എടുപ്പിച്ചു.. ആ രാത്രി സമാധാനമായി അവസാനിച്ചു…

അടുത്ത ദിവസം പ്രഭാതം.. ഒരു സൈക്കാർട്ടിക് ഡോക്ടർ എത്തി രാവിലെ തന്നെ ബാബുവിനെ ചോദ്യം ചെയ്യാനുള്ള നടപടിക്രമങ്ങൾ ആരംഭിച്ചു.. 

അവനോട് സച്ചിനെ പറ്റിയും റീനയെ പറ്റിയും തിരക്കി.. 

പക്ഷെ ബാബുവിന് അങ്ങനെ രണ്ടുപേരെ അറിയുകപോലും ഇല്ലായിരുന്നു…!
.
.
.
.
തുടരും…… @സുധീഷ്