🌺തുളസിക്കതിർ🌺 അവസാന ഭാഗം


എന്തെല്ലാമോ ആലോചിച്ച് നിന്ന് സമയം പോയി.... അവൾ വേഗം മുറിയിലേക്ക് വന്ന് ഒരു കോട്ടൺ സാരിയുമുടുത്ത് കവലയിലേക്ക് നടന്നു........


 ലൈബ്രറിയിലെ കണക്കു നോക്കിക്കൊണ്ടിരിക്കുകയായിരുന്നു രാഘവേട്ടൻ... ധൃതിയിൽ കയറി വരുന്ന തുളസിയെ കണ്ടതും അയാൾ അവൾക്കായി ഒരു പുഞ്ചിരി സമ്മാനിച്ചു..


ആഹാ ഇന്ന് നേരത്തെ ആണല്ലോ.. ഇന്നലെ ചെന്നപ്പോൾ വഴക്ക് കിട്ടിയിരുന്നോ കുട്ടിക്ക്..?

 ഇല്ല രാഘവേട്ടാ.... തുളസി മുഖത്ത് ഒരു ചിരി വരുത്താൻ ശ്രമിച്ചു കൊണ്ട് പറഞ്ഞു....

 എന്തിനാ കുട്ടി നീ കള്ളം പറയണേ ?നിന്റെ മുഖം കണ്ട അറിയാലോ...... തല്ല് കിട്ടി അല്ലേ..? മുഖത്ത് പാടുണ്ട്....

 തുളസി ഒന്നും മിണ്ടാതെ തലകുനിച്ചു നിന്നു... എന്തിനാ കുട്ടി നീ ഇതെല്ലാം ഇങ്ങനെ വാങ്ങി കൂട്ടണെ ...തിരിച്ച് രണ്ട് വർത്താനം പറഞ്ഞാൽ തീരാവുന്നതല്ലേ ഉള്ളൂ.....

 അതൊന്നു സാരമില്ല രാഘവേട്ടാ... പിന്നെ ഇന്നലെ കൊണ്ടുപോയ പുസ്തകം... നാളെ തരാട്ടോ.... വായിച്ചു കഴിഞ്ഞില്ല...

 മതി മതി.... രാവിലെ കൂടി ഒരു കുട്ടി വന്നു ചോദിച്ചിരുന്നു... രണ്ടുദിവസം കഴിഞ്ഞ് തരാമെന്ന് ഞാൻ പറഞ്ഞു...

 നാളെ എന്തായാലും കൊണ്ട് തരാ രാഘവേട്ടാ .. അത്രയും പറഞ്ഞ് തുളസി ലൈബ്രറിയിലെ ഓരോ പുസ്തകങ്ങൾ തുടയ്ക്കാൻ തുടങ്ങി... അവളുടെ നിസ്സഹായത ഓർത്ത് രാഘവന് സങ്കടം തോന്നി......

 ഇന്നെന്തായാലും വീട്ടിലേക്ക് പതിവിലും നേരത്തെ മടങ്ങി ചെല്ലാൻ കഴിഞ്ഞു... അപ്പോഴും അമ്മായി പറഞ്ഞു 

ഇന്നത്തെ അഴിഞ്ഞാട്ടം നേരത്തെ കഴിഞ്ഞോ.?

  ഒന്നും മിണ്ടാതെ അടുക്കളയിലേക്ക് നടന്നു.... പണികൾ ഓരോന്ന് ഒതുക്കി മുറിയിലേക്ക് ചെന്നപ്പോൾ മുത്തശ്ശി മയങ്ങിയിരുന്നു.... ടേബിൾ ലാമ്പും കത്തിച്ചുവച്ച് ഞാനിരുന്നു കഥയുടെ ബാക്കി അറിയാൻ.....


🌺 🌺 🌺 🌺 🌺 🌺 


...........🌺 അവൾ ഒരു പാവമായിരുന്നു.. എന്നെ അവൾക്ക് ഒരുപാട് ഇഷ്ടമായിരുന്നു... പക്ഷേ ആട്ടി അകറ്റിയതാണ് ഞാൻ.. മനപ്പൂർവും... നല്ലൊരു ജീവിതം കിട്ടട്ടെ എന്ന് ആഗ്രഹിച്ചു... ഈ രണ്ട് ചക്രവും ഉന്തി ജീവിതം തീർക്കേണ്ടവളല്ല അവൾ എന്ന് തോന്നി....🌺🌺


 ശ്രീയുടെ ഓരോ വാക്കുകളും തുളസിയിൽ ആഴ്ന്നിറങ്ങി....

 അപ്പോ എന്നോട് കാണിച്ച ദേഷ്യമൊക്കെ മനപ്പൂർവമായിരുന്നോ....? പറഞ്ഞതല്ലേ ഞാൻ അവിടെ നിന്നോളാം എന്ന്.... ആമുഖം കണ്ടോണ്ടിരുന്നാൽ മാത്രം മതിയായിരുന്നല്ലോ എനിക്ക്.... എന്നിട്ടിപ്പോ...

 ആ പുസ്തകത്തിലെ അവസാന വരിയും വായിച്ച് മടക്കി വെക്കുമ്പോൾ... ഒരിക്കൽ കൂടി ശ്രീയെ ഒന്ന് കാണണം എന്ന് മാത്രമായിരുന്നു മനസ്സിൽ......


 ഇങ്ങോട്ടേക്ക് വന്ന രണ്ടാഴ്ച കഴിഞ്ഞപ്പോൾ ശ്രീയേട്ടന്റെ വിവാഹമായി എന്ന് ഞാൻ അറിഞ്ഞിരുന്നു... അന്ന് ഞാൻ ഉറപ്പിച്ചു ശ്രീയേട്ടൻ എന്നെ ശരിക്കും ഇഷ്ടമല്ല എന്ന്... ഇല്ലെങ്കിൽ മറ്റൊരു വിവാഹത്തിന് സമ്മതിക്കില്ലല്ലോ....

 ശ്രീയേട്ടന്റെ വിവാഹമൊക്കെ കഴിഞ്ഞ് ഇപ്പൊ സുഖമായിട്ട് ജീവിക്കുകയായിരിക്കും... അതിനിടയിലേക്ക് താൻ കയറിച്ചെന്നാൽ ഇനി അതൊരു ബുദ്ധിമുട്ട് ആകുമോ.... എങ്കിലും കുഴപ്പമില്ല ഒന്ന് കാണണം... കുറച്ചുനേരം സംസാരിച്ചിട്ട് തിരിച്ചു പോരാല്ലോ.... നാളെത്തന്നെ പോകാൻ അവൾ തീരുമാനിച്ചു...

 പുസ്തകം മടക്കിവെച്ച് ടേബിള് ലാമ്പ് ഓഫ് ചെയ്തു മുത്തശ്ശിക്കാരികിൽ വന്നു കിടന്നു... അപ്പോഴേക്കും ആ ചുളുങ്ങിയ കൈകൾ എന്നെ വലയം ചെയ്തു....

 പതിവുപോലെ ലൈബ്രറിയിലേക്ക് എന്നും പറഞ്ഞു ഇറങ്ങി... പക്ഷേ പോയത് എന്റെ നാട്ടിലേക്ക് ആയിരുന്നു... രാവിലെ കവലയിൽ നിന്നും ബസ്സ് പിടിച്ചു... ഏതാണ്ട് നാല് മണിക്കൂർ യാത്രയുണ്ട്..... ഉച്ചയോടെ അടുത്തപ്പോൾ നാട്ടിലെത്തി....

 അച്ഛന്റെ സ്ഥിരം കവല....പക്ഷെ ഇപ്പോൾ എല്ലാം ഒരുപാട് മാറിയിരിക്കുന്നു.... അന്നത്തെ ആ കുഞ്ഞു ചായപീടിക ഇന്നില്ല.... പകരം അതൊരു ഹോട്ടൽ ആയി മാറി.... കവലയിൽ നിന്നും പതിയെ ഇറങ്ങി നടന്നു..... നേരെ പോയത് തറവാട്ട് വീട്ടിലേക്കാണ്... അവിടെ ഇപ്പോൾ വാടകയ്ക്ക് ആളുകൾ ഉണ്ട്.... അതുകൊണ്ട് മുറ്റത്ത് നിന്നൊന്നു നോക്കി കണ്ടു... പിന്നെ പതിയെ ശ്രീയേട്ടന്റെ വീട്ടിലേക്ക് പോയി....

 ഇന്നും ആ പഴയ ഐശ്വര്യം അതേപോലെതന്നെ നിലനിൽക്കുന്നുണ്ട് ആ വീട്ടുമുറ്റത്ത്. ഓപ്പോള് പണ്ടുമുതലെ ഇങ്ങനെയാണ്... ഐശ്വര്യം തുളുമ്പുന്ന മുഖം...ആ ഐശ്വര്യം വീടിനും തൊടിയിലും കാണാൻ കഴിയും...

 കുറച്ചുനേരം ശങ്കിച്ചു നോക്കി നിന്നു..... അകത്തേക്ക് നീട്ടി വിളിക്കാൻ ഒരുങ്ങിയതും രണ്ടു വയസ്സ് പ്രായം തോന്നിക്കുന്ന ഒരു കുഞ്ഞ് ഉമ്മറത്തേക്ക് വന്നു........

 ആ കുഞ്ഞിന് പിന്നാലെ ഓടിവരുന്ന ആളെ കണ്ടതും തുളസി ഒരു നിമിഷത്തേക്ക് എന്ത് ചെയ്യണമെന്ന് അറിയാതെ നിന്നു.....


 ഉമ്മറത്ത് നിൽക്കുന്ന തുളസിയെ കണ്ട് ശാരദ ഒരു നിമിഷത്തേക്ക് ശങ്കിച്ചു.....

 തുളസി മോളെ.... ശാരദ ഓടിവന്ന് അവളെ കെട്ടിപ്പിടിച്ചു..... എത്ര നാളായി കുട്ടി നിന്നെ ഒന്ന് കണ്ടിട്ട്.... എവിടെയായിരുന്നു എന്റെ കുട്ടി നീ... ശാരദ അവളുടെ മുടിയിഴകളിൽ തഴുകികൊണ്ട് ചോദിച്ചു.....

 തുളസി ഒന്നും മിണ്ടിയില്ല അവളുടെ ശ്രദ്ധ മുഴുവൻ ആ കുഞ്ഞിലായിരുന്നു... അതു മനസ്സിലാക്കിയപോലെ ശാരദ പറഞ്ഞു....ശ്രീയുടെ കുട്ടിയാ...

 ആ വാക്കുകൾ ഒരിടത്തി പോലെ അവളിൽ പ്രവഹിച്ചു.... നീ വാ കയറിയിരിക്ക്...

 ശാരദ തുളസിയെ കൊണ്ട് അകത്തേക്ക് കയറുന്നതിനോടൊപ്പം ആ കുഞ്ഞിനെ എടുത്തു പിടിച്ചു.....

 മോൾക്ക് കാണണ്ടേ ശ്രീ മോനെ.... ശാരദ അത് പറഞ്ഞതും തുളസി ഞെട്ടി അവരെ നോക്കി... പിന്നെ വേണമെന്ന് അർത്ഥത്തിൽ തലയാട്ടി....

 മുകളിലത്തെ മുറിയിൽ ഉണ്ട്.. ചെല്ല്.... ശാരദ അത് പറഞ്ഞതും തുളസി പാതിയെ എഴുന്നേറ്റു മുകളിലേക്ക് നടന്നു......


 പത്തുവർഷങ്ങൾക്ക് ശേഷം ശ്രീയേട്ടനെ വീണ്ടും കാണുകയാണ്..... അവൾ പതിയെ മുറിയിലേക്ക് ചെന്നു.... വീൽചെയറിൽ ഇരുന്ന് ജനാലയിലൂടെ എന്തോ നോക്കി കാണുകയാണ് ശ്രീ..... അവൾ പതിയെ അവന്റെ അരികിലേക്ക് ചെന്നു നിന്നു....


 ശ്രീയേട്ടാ .... തുളസി ആർദ്രമായി വിളിച്ചതും ശ്രീ തല ചരിച്ചു നോക്കി..... തുളസി അപ്പോഴേക്കും അവന്റെ മുന്നിലായി മുട്ടുകുത്തിയിരുന്നു....

 അവൾ അവനെ നോക്കി കാണുകയായിരുന്നു... ആ പഴയ ഇടതൂർന്ന മുടികൾ എല്ലാം പോയിരിക്കുന്നു.... ഇടയിൽ വെളുത്ത മുടികൾ സ്ഥാനം പിടിച്ചിട്ടുണ്ട്.... നെറ്റിയിലും കയ്യിലും ഞരമ്പുകൾ വലിഞ്ഞുമുറുകിടക്കുന്നത് വ്യക്തമായി കാണാം.....

 നീ നോക്കുന്നതിന്റെ അർത്ഥം എനിക്ക് മനസ്സിലായി. ഞാൻ ഒരുപാട് മാറിയല്ലേ?? പ്രായമായി.. അതാ... നീയും ഒരുപാട് മാറിപ്പോയല്ലോ... ദാവണി ഒക്കെ മാറ്റി സാരിയൊക്കെ ആയല്ലോ....


 ആദ്യമായാണ് വളരെ സൗമ്യതയോടെ ശ്രീ തുളസിയോട് സംസാരിക്കുന്നത്... അവൾ ഒന്നും മിണ്ടാതെ എല്ലാം കേട്ടുനിന്നു.....


 ഞാൻ കരുതി എന്നെ മറന്നു എന്ന്.... വർഷം പത്തായില്ലേ...? അതിനവൻ നിറഞ്ഞ ഒരു പുഞ്ചിരി നൽകി അവൾക്ക്.... 

ശ്രീയേട്ടന്റെ കുഞ്ഞിനെ ഞാൻ കണ്ടിരുന്നു... ഭാര്യ.... അവൾ സംശയത്തോടെ ചോദിച്ചു നിർത്തി.....

 ഏട്ടൻ വിവാഹം കഴിച്ചിട്ടില്ല തുളസി ചേച്ചി......

 മുറിയുടെ വെളിയിൽ നിന്ന് ശബ്ദം ഉയർന്നതും തുളസി അങ്ങോട്ടേക്ക് നോക്കി.... ശ്രീലക്ഷ്മി കുഞ്ഞിനെയും എടുത്ത് അകത്തേക്ക് കയറി വരുന്നു.... അവൾക്കും ഒരുപാട് മാറ്റങ്ങൾ സംഭവിച്ചിട്ടുണ്ട്.....

 ഇതാണോ ചേച്ചി പറഞ്ഞ കുട്ടി.... ഇതെന്റെ മോളാ.... എന്റെ വിവാഹത്തിന്റെ സമയത്ത് ചേച്ചിയെ ഒരുപാട് അന്വേഷിച്ചിരുന്നു... പക്ഷേ എവിടെയാ,എന്താ ,ഒന്നും അറിയില്ലായിരുന്നു... അപ്പോഴേക്കും ശാരദ കൂടി അങ്ങോട്ടേക്ക് കയറി വന്നു....

 മോള് പറഞ്ഞത് ശരിയാണ്... നീ എവിടെയായിരുന്നു കുട്ടി ഇത്രയും കാലം.... നിന്നെ കൊണ്ടുപോയ ആ ജാനകിയമ്മയുടെ വീട്ടിൽ ഇടയ്ക്ക് ഞങ്ങൾ ഒന്നു വന്നിരുന്നു.. പക്ഷേ അപ്പോഴേക്കും നിങ്ങളെല്ലാം അവിടുന്ന് പോയി എന്നറിഞ്ഞു... എവിടേക്കാ പോയതെന്ന് ആർക്കും അറിയില്ലായിരുന്നു...

 എന്നെ ഇവിടുന്ന് കൊണ്ടുപോയി രണ്ടുവർഷം കഴിഞ്ഞപ്പോൾ ചന്ദ്രമാമ മരിച്ചു..... അതിനുശേഷം അമ്മായിയുടെ വീടിനടുത്തേക്ക് ഞങ്ങളെല്ലാം പോയി.... തുളസി അതിനു മറുപടി നൽകി...

 തുളസിയുടെ നോട്ടം ശ്രീയിലേക്ക് പാറി വീണു.... അവൻ തലകുനിച്ചിരിക്കുകയാണ്....

 ചേച്ചി വാ ഒരുപാട് പറയാനുണ്ട്... ശ്രീലക്ഷ്മി അവളെയും കൊണ്ട് അവന്റെ റൂമിന് പുറത്തേക്ക് വന്നു..... ഉമ്മറത്തെ കസേരകളിൽ ഇരുവരും സ്ഥാനം പിടിച്ചു....

 ശ്രീയേട്ടന്റെ കല്യാണം ഉറപ്പിച്ചു എന്ന് ഞാൻ അറിഞ്ഞിരുന്നു... ഞാൻ കരുതി ശ്രീയേട്ടന്റെ വിവാഹം കഴിഞ്ഞ്....


 .കുട്ടികളൊക്കെ ആയിക്കാണും എന്ന് അല്ലേ...? ചേച്ചി അറിഞ്ഞത് ശരിയാ ശ്രീയേട്ടന്റെ വിവാഹം ഉറപ്പിച്ചിരുന്നു... അമ്മായിയും അമ്മാവനും മരിച്ച സമയമായതുകൊണ്ട് വിവാഹം ഒരു വർഷം കഴിഞ്ഞു മതിയെന്ന് തീരുമാനിച്ചിരുന്നത്....


 പിന്നെന്താ പറ്റിയെ ആ വിവാഹം എന്താ നടക്കാതിരുന്നത്.?

 ശ്രീയേട്ടൻ വിവാഹത്തിന് സമ്മതിച്ചത് തന്നെ മരിക്കാൻ വേണ്ടിയായിരുന്നു...

 മരിക്കാനോ.... നീയെന്താ ശ്രീലക്ഷ്മി പറയുന്നത്...?

 ആ കുട്ടിക്ക് ജാതകദോഷം ആയിരുന്നു... ആ കുട്ടി വിവാഹം കഴിക്കുന്ന ആദ്യ ഭർത്താവ് രണ്ടുമാസത്തിനുള്ളിൽ മരിക്കും പോലും..... ഇക്കാര്യം ഞങ്ങൾക്കറിയില്ലായിരുന്നു... പക്ഷേ ശ്രീയേട്ടനോട് ആ കുട്ടി പറഞ്ഞിരുന്നു... അതറിഞ്ഞതും പൂർണ്ണ മനസ്സോടെ ശ്രീയേട്ടൻ വിവാഹത്തിന് സമ്മതിച്ചു....

 എന്നിട്ട്... തുളസി എന്തോ അറിയാനുള്ള ആഗ്രഹം പോലെ ചോദിച്ചു....

 ഇടയ്ക്ക് കാര്യം ആ കുട്ടി വഴി തന്നെ ഞങ്ങളും അറിഞ്ഞു.... അതോടെ കളി മാറി... അമ്മ ഇവിടെ കിടന്നു വലിയ ബഹളം വെച്ചു.... അങ്ങനെ മരിക്കാൻ പറഞ്ഞു വിടുമോ ഞങ്ങൾ ശ്രീയേട്ടനെ.... അതോടെ ആ വിവാഹം മുടങ്ങി....

മം.. തുളസി ഒന്ന് മൂളകം മാത്രം ചെയ്തു...

 തുളസി ചേച്ചിക്ക് ഒരു കാര്യം അറിയോ.. ചേച്ചിയെ വലിയ ഇഷ്ടായിരുന്നു ഏട്ടന്... ഏട്ടൻ തുളസി ചേച്ചിക്ക് വേണ്ടി എഴുതിയ പുസ്തകം ഏട്ടൻ അറിയാതെ ഞാൻ പ്രസിദ്ധീകരണത്തിന് അയച്ചത്.... എനിക്കുറപ്പായിരുന്നു ലോകത്ത് എവിടെയാണെങ്കിലും തുളസി ചേച്ചി അത് വായിക്കുന്നും ഇവിടെ വരുമെന്നും. എന്റെ ഊഹം തെറ്റിയില്ല...തുളസി പകപോടെ ശ്രീലക്ഷ്മിയെ നോക്കി.....


 സത്യാ ഞാൻ പറഞ്ഞത്.... പിന്നീടാ അത് ഞങ്ങൾ അറിയണ പോലും.... ചേച്ചിയോടുള്ള ഇഷ്ടം കൂടുതൽ കൊണ്ട് തന്നെയാ അകറ്റിയത്.... വീൽചെയറിൽ ഇരിക്കുന്ന ഏട്ടൻ ചേച്ചിക്ക് ഒരു ഭാരം ആകും എന്ന് തോന്നി..... ഇപ്പോഴും ആ ഇഷ്ടത്തിന് ഒരു മാറ്റം സംഭവിച്ചിട്ടില്ല...


 ശ്രീലക്ഷ്മിയുടെ വായിൽ നിന്ന് അത് കേട്ടതും തുളസി ഓടുകയായിരുന്നു ശ്രീയുടെ മുറിയിലേക്ക്.....

 ശ്രീയേട്ടാ.... ഇടറിയ ശബ്ദത്തിൽ തുളസി വിളിച്ചതും ശ്രീയുടെ കണ്ണിൽ നിന്നും രണ്ടു തുള്ളി കണ്ണുനീർ താഴേക്ക് പതിച്ചു....

 ഞാൻ കേട്ടതൊക്കെ സത്യമാണോ.... മനപ്പൂർവ്വം അകറ്റിയതാണോ എന്നെ... ഒരു വാക്ക് പറയത്തില്ലായിരുന്നോ ശ്രീയേട്ടാ നിങ്ങൾക്ക് എന്നോട്.... ഇവിടെ വന്ന് കാലുപിടിച്ച് ഞാൻ പറഞ്ഞതല്ലേ ഞാനിവിടെ നിന്നോളാം എന്ന്.... ഒന്നും വേണ്ടായിരുന്നു എനിക്ക് ഈ മുഖം ജീവിതകാലം മുഴുവൻ കണ്ടുകൊണ്ടിരുന്നാൽ മതിയായിരുന്നു എനിക്ക്....

 തുളസി.... ഞാൻ.....

 വേണ്ട ഒന്നും പറയണ്ട.... ഒക്കെ എനിക്ക് മനസ്സിലായി....... എന്റെയാ.... എന്റെ മാത്രമാ... തുളസി അവനെ മുറുകെപ്പുണർന്നു.... ശ്രീയുടെ ചുണ്ടുകൾ പതിയെ അവളുടെ നെറ്റിയിൽ അമർന്നു.......
 പതിയെ അവൾ അവളിൽ നിന്നും അകന്നുനിന്നു...

 ഇന്ന് ഞാൻ തിരിച്ചു പോവാ.... പക്ഷേ അധികം വൈകാതെ തിരിച്ച് വരും... അന്ന് ശ്രീയേട്ടൻ ഈ കൈകൊണ്ട് നമ്മുടെ അമ്പലമുറ്റത്ത് വച്ച് ഒരു താലി ചാർത്തണം എന്റെ കഴുത്തിൽ......


 അതിന് സമ്മതം എന്നവണ്ണം ശ്രീ അവൾക്ക് നിറഞ്ഞ ഒരു പുഞ്ചിരി നൽകി.....

 ഉച്ചഭക്ഷണവും കഴിച്ച് എല്ലാവരോടും യാത്ര പറഞ്ഞിറങ്ങിയപ്പോൾ സമയം ഒരുപാട് വൈകിയിരുന്നു...... ഇന്ന് ആദ്യമായി അമ്മായി വഴക്കു പറയുമോ എന്ന് അവൾ ഭയന്നില്ല.. കവലയിൽ ഇറങ്ങി സന്തോഷത്തോടെ വീട്ടിലേക്ക് നടന്നു....

 പതിവുപോലെ ഉമ്മർത്തു തന്നെ നിൽപ്പുണ്ടായിരുന്നു അമ്മായി.....

 എവിടെയായിരുന്നടി ഇത്രയും നേരം...... രാധിക കൈ ഉയർത്തി തുളസിയെ തല്ലാൻ ഒരുങ്ങിയതും അവളാ കയ്യിൽ കയറി പിടിച്ചു....


 എനിക്കിഷ്ടമുള്ളവന്റെ കൂടെയായിരുന്നു ഞാൻ..... ഇനിയും പോകും... തടയാൻ കഴിയും എങ്ങിൽ നിങ്ങൾ ഒന്ന് തടഞ്ഞു കാണിക്ക്..

 ധൈര്യത്തോടെ തുളസി അത് പറഞ്ഞതും രാധിക അവളെ ശങ്കിച്ചു നോക്കി നിന്നു.... തുളസിയുടെ മാറ്റത്തെ അത്ഭുതത്തോടെ നോക്കി നിന്നു ജാനകി....

 എന്താടി നീ പറഞ്ഞത്..... രാധിക വീണ്ടും അവൾക്ക് അരികിലേക്ക് ചീറി കൊണ്ടുവന്നു....

 തൊട്ടുപോകരുത് എന്നെ..\'\' ഇത്രയും കാലം ഈ വീട്ടിലെ ഉപ്പും ചോറും തിന്നു ജീവിച്ചത് കൊണ്ടാ ഒരക്ഷരം പോലും ഞാൻ മിണ്ടാതിരുന്നത്..... ഇറക്കിവിട്ടാൽ ട ഈ തുളസിക്ക് പോകാൻ ഒരു ഇടവില്ലായിരുന്നു.... പിന്നെ ആരും ഇല്ലാത്ത സമയത്ത് എന്നെ ഇങ്ങോട്ടേക്ക് കൊണ്ടുവന്ന ഈ മുത്തശ്ശിയെ ഓർത്തിട്ട് .... ഇതൊക്കെ കൊണ്ടാ ഞാൻ ഒന്നും മിണ്ടാതിരുന്നത്.... പക്ഷേ അമ്മായി അതെല്ലാം മുതലെടുത്തു....


 ഇറങ്ങടീ എന്റെ വീട്ടിൽ നിന്ന്.... എന്നോട് മത്സരിച്ചിട്ട് ഇവിടെ നിൽക്കാം എന്ന് നീ കരുതേണ്ട....

 അലറണ്ട.... പോകാൻ തന്നെയാ വന്നത്.... അതിനു മുൻപ് മുത്തശ്ശിയെ കാണണമായിരുന്നു എനിക്ക്.... അവൾ പതിയെ ജാനകിക്ക് അരിക്കിലേക്ക് നീങ്ങി നിന്നു....


 മുത്തശ്ശി ഞാൻ പോകുവാ... എന്റെ അച്ഛനും അമ്മയും അനിയത്തി ഉറങ്ങുന്ന മണ്ണിലേക്ക്...... ഒരു കാര്യം ചോദിക്കാനാ ഞാനിപ്പോ തിരിച്ചുവന്നത്.... മുത്തശ്ശി വരുന്നോ എന്റെ കൂടെ....


 തുളസി അത് പറഞ്ഞതും ജാനകി പൊട്ടി കരഞ്ഞുകൊണ്ട് അവളുടെ മാറത്തേക്ക് വീണു.....

 കരയാതെ മുത്തശ്ശി..... മുത്തശ്ശിക്ക് ഇവിടെ ആരാ ഉള്ളത്..... മകന്റെ ഭാര്യയുടെയും രണ്ടാം ഭർത്താവിന്റെയും അടികൊണ്ട് തീരേണ്ടതല്ല മുത്തശ്ശിയുടെ ജീവിതം.... അതുകൊണ്ട് എന്റെ കൂടെ വന്നൂടെ....? എന്റെ അമ്മയുടെ ആത്മാവിനും അതായിരിക്കും സന്തോഷം.....


 ജാനകി ഒന്നും മിണ്ടിയില്ല മൗനം സമ്മതമായി തുളസി കണ്ടു.... എടുക്കാനുള്ളതല്ലാം എടുത്ത് തുളസിയും ജാനകിയും സൂര്യൻ ഒളിക്കുന്ന നേരം ആ വീട്ടിൽ നിന്ന് ഇറങ്ങി.....


 രണ്ടു വർഷത്തിനുശേഷം.....

 രാവിലെ അമ്പലത്തിൽ പോയി തിരിച്ചുവന്ന തുളസി കാണുന്നത് ശാരദയും ജാനകിയും എന്തൊക്കെയോ പറഞ്ഞു ചിരിച്ച് ഉമ്മറത്ത് ഇരിക്കുന്നതാണ്......

 ആഹാ കൊള്ളാലോ രണ്ടുപേരും നല്ല സന്തോഷത്തിൽ ആണല്ലോ.... ശ്രീയേട്ടൻ എന്തിയേ അമ്മേ...?

 മുറിയിലുണ്ട് നിന്നെ കണ്ടില്ലല്ലോ എന്ന് പറഞ്ഞ് കയർ പൊട്ടിക്കുന്നുണ്ടായിരുന്നു....

മം... ഞാൻ അങ്ങോട്ടേക്ക് ചെല്ലട്ടെ.... തുളസി ചെന്നപ്പോൾ ശ്രീ വീൽചെയറിൽ ഇരുന്ന് എന്തോ കുത്തിക്കുറിക്കുകയാണ്....


 അവൾ പുറകിലൂടെ ചെന്ന് അവന്റെ കയ്യിൽ നിന്നും ആ പുസ്തകം തട്ടിപ്പറിച്ചു ഓടാൻ തുടങ്ങിയതും വീൽചെയറിൽ ഇരുന്നുകൊണ്ട് തന്നെ തുളസിയുടെ കയ്യിൽ അവൻ പിടുത്തം ഇട്ടു.... അവൾ ബാലൻസ് തെറ്റി അവന്റെ മുകളിലേക്ക് വീണു... പെട്ടെന്ന് അവൾ അവന്റെ മുകളിൽ നിന്നും കുതറി എഴുന്നേറ്റു അവനു മുന്നിൽ മുട്ടുകുത്തിയിരുന്നു....

 ഇതെന്താ ഇത്.... കയ്യിൽ ഉണ്ടായിരുന്ന പുസ്തകം ചൂണ്ടി കാണിച്ചു തുളസി ചോദിച്ചു...

 നിന്നെ എനിക്ക് തിരിച്ചു കിട്ടിയ കഥ.... കുസൃതിയോടെ അവനത് പറഞ്ഞപ്പോൾ അവളുടെ കണ്ണുകൾ നിറഞ്ഞിരുന്നു...


 എന്റെ പെണ്ണ് കരയാ എന്തിനാ കരയണെ.... അവൻ അവളെ തനിലേക്ക് ചേർത്തിരുത്തി.... അവന്റെ മടിയിൽ അവൾ തല ചായ്ച്ചു കിടന്നു...


അവസാനിച്ചു...

 🌺തുളസിക്കതിർ🌺ഇവിടെ അവസാനിക്കുന്നു.... ഈ കഥ ഏറ്റെടുത്ത എല്ലാവർക്കും ഒരുപാട് സ്നേഹം....🌺