*Green eyed butterfly💚~2*
      ~ഫർഹാന



  ***

\"റമാ,നീയെപ്പഴാ ജോലിക്ക് കയറുന്നെ\"

\"നാളെ പോണം.\"

അമ്മായിയുടെയാണ് ചോദ്യം.കസിൻസിന്റെ കൂടെ കളിചിരിയിൽ ഏർപ്പെട്ടിരുന്ന റമ അമ്മായിയെ ഒന്ന് തിരിഞ്ഞു നോക്കികൊണ്ട് പറഞ്ഞു.

\"അല്ല റമ,നിന്റെ കൂടെ ഉള്ള ഫറയോ\"

\"അവളും ഉണ്ട്,എന്തോ ഭാഗ്യത്തിന് അവിടെ തന്നെ കിട്ടി രണ്ടാൾക്കും.\"

\"അആഹ് മതി മതി നിങ്ങടെ കഥ പറച്ചിൽ, പോയി കിടന്ന\"


റമയുടെ ഉമ്മ വന്ന് എല്ലാരേയും റൂമിലേക്ക് ഓട്ടിച്ചു.റമയും കസിൻസായ നജയും നൈനയും ഒരുമിച്ചാണ് കിടക്കുന്നത്. അത് പിന്നെ അവരുടെ പണ്ടേ ഉള്ള ശീലാണ്.


\"റമ, നിന്റെ സ്വപ്നം എന്തായി\"

റമയുടെ ഡയറി എടുത്തു കൊണ്ടായിരുന്നു നജയുടെ ചോദ്യം. ആ ഡയറി നിറയെ ഓരോ ദിവസവും കാണുന്ന സ്വപ്നത്തിന്റെ ഒരു രൂപം അവൾ വരച്ചു വെക്കാറുണ്ട്.അതോരോന്നും നോക്കി കൊണ്ട് അവളുടെ മുഖത്തേക്കായി നോക്കി.


\"എന്താവാൻ മോളെ. എന്നും കാണും.. ആരും വിശ്വസിക്കില്ല. ഇത് തന്നെ അവസ്ഥ\"

അൽപ്പം നിരാശയോടെയായിരുന്നു റമയുടെ സംസാരം.

\"നീ പറയുന്നത് അത് ശെരിക്കും നടക്കുന്നുണ്ട് എന്നല്ലേ. എനിക്കീ വക കാര്യങ്ങളോട് അൽപ്പം താൽപ്പര്യം കൂടുതൽ ആയോണ്ട് നമുക്ക് ഒരു പരീക്ഷണം നടത്തിയാലോ\"

അത് പറഞ്ഞത് നൈനയായിരുന്നു.

\"എന്ത് പരീക്ഷണം.. ശെരിക്കും നടക്കുന്നു എന്നല്ല എങ്കിലും അങ്ങനെ ഒരു സംശയം\"


\"ആഹ് എന്തായാലും നമുക്കൊന്ന് നോക്കാം.. നീ പറയുന്നേ വെച്ച് നോക്കുമ്പോ മിക്കവാറും ഒരു മണി ഒക്കെ ആവുമ്പോഴല്ലേ അങ്ങനെ സ്വപ്നം കാണാർ. അത് വരെ ഞങ്ങൾ ഉറങ്ങാതിരിക്കും. നീയെവിടെക്കെങ്കിലും പോവുന്നുണ്ടോ എന്ന് നോക്കും, ലെ നജ\"


നജയെ നോക്കി നൈന അത് പറയുമ്പോൾ നജ അൽപ്പം ഭയത്തോടെ തലയാട്ടി.

\"ഇനി വല്ല പ്രേതവും ആയിരിക്കോ അത്.\"

ഭയം പുറത്ത് കാണിക്കാതിരിക്കാൻ അവൾക്ക് കഴിയുന്നുണ്ടായിരുന്നില്ല.

\"പ്രേതവും ഭൂതവും ഒന്നുമല്ല. ഞാനൊരു കഥ വായിച്ചിട്ടുണ്ട്. കുറേ പൂമ്പാറ്റകളുടെ കഥ. അത് പോലെയൊക്കെയാ എനിക്ക് ഇവളെ തോന്നുന്നേ.എന്തായാലും ഇത് നല്ല എന്തോ ഒന്നാണ്\"


നൈന അൽപ്പം കാര്യമായി തന്നെ അത് പറഞ്ഞു. ഫാന്റസിയോട് വല്ലാത്ത പ്രിയമുള്ളയാളാണ് നൈന.


\"പോയെടി. എനിക്ക് പേടിയാ..അത് സ്വപ്നം തന്നെയായിരിക്കും.അത്രേം ഒറിജിനാലിറ്റി ഉള്ളോണ്ടാണ് ശെരിക്കും ഉള്ളെ പോലെ തോന്നുന്നേ\"

എന്നും പറഞ്ഞോണ്ട് അവരുടെ മറുപടിക്ക് കാക്കാതെ റമ തലവഴി പുതപ്പിട്ട് കിടന്നു.
നൈനയുടെ മുഖത്ത് നിരാശയാണെങ്കിൽ നജയുടെ മുഖത്ത് ആശ്വാസമായിരുന്നു.

\"എന്താടി പേടിത്തൊണ്ടി ചിരിക്കൂന്നേ..\"

നജയെ നോക്കി പേടിപ്പിച്ചോണ്ട് നൈനയും ബെഡിലേക്ക് കിടന്നു, അവളുടെ പിറകെ നജയും.



                            💚


ഞെട്ടിയുണർന്ന റമയുടെ കണ്ണുകൾ മഞ്ഞ നിറമായിട്ടുണ്ടായിരുന്നു.ഇരുട്ട് നിറഞ്ഞ ആ മുറിയിൽ ആ കണ്ണുകളുടെ പ്രകാശത്താൽ വെളിച്ചം പകർന്നു.
അവളുടെ കയ്യിലെ ചിത്രശലഭത്തിന്റെ മറുക് പെട്ടെന്നൊരു ചിത്രശലഭമായി പറന്നുയർന്നു.ഉടനെ തന്നെ അവൾക്ക് ചിറകുകളും വന്നു.
തിളങ്ങുന്ന മഞ്ഞ ചിറകുകൾ.


ആ ചിത്രശലഭം പോകുന്ന വഴിയേ അതിനെ പിന്തുടർന്നു കൊണ്ട് അവളും പറന്നുയർന്നു.


\"റൂഹി..നിന്റെ ലക്ഷ്യങ്ങൾക്കുള്ള തുടക്കം അടുത്തിട്ടുണ്ട്,അവൾ വരും. നിനക്കൊരിക്കലും തിരിച്ചറിയാൻ കഴിയാത്ത രൂപത്തിൽ\"

നീണ്ട മുടികളും വെള്ളചിറകുകളും ഉള്ള ഒരാളായിരുന്നു അത്. അവർ അവളുടെ അടുക്കൽ വന്ന് കൊണ്ട് അവളുടെ വിരലിൽ ഒന്ന് തൊട്ടു.അതെ നിമിഷം ആ ശലഭം മറുകായി മാറി.
ഉടനെ തന്നെ അവൾ മനുഷ്യരൂപത്തിലേക്ക് മാറിയിരുന്നു.


\"ഞാൻ..ഞാനെവിടെയാ\"


അവരെ കണ്ട് അത്ഭുധത്തോടെ ചോദിക്കുന്നവളുടെ തലയിലൊന്നവർ തലോടി. അവളുടെയൊർമ്മകൾ അവളുടെ ജന്മം മുതൽ ഇന്ന് വരെ എത്തി നിന്നു.

\"ഇതിൽ കൂടുതൽ എന്താണ് നിനക്ക് വ്യക്തമാക്കി തരേണ്ടത്!\"

അതിനവൾ ഒന്നും മിണ്ടാതിരിക്കുക മാത്രമേ ചെയ്തുള്ളു.

\"റൂഹി,നീ ഞങ്ങളുടെ ശലഭങ്ങളിലെ പ്രധാനിയാണ്. നിന്റെ ലക്ഷ്യം നിനക്ക് നിന്റെയോർമ്മകൾ മനസ്സിലാക്കി തന്നിട്ടുണ്ടാവുമല്ലോ.\"


അതിനവളൊന്ന് തലയാട്ടി കൊണ്ട് അവരെ നോക്കി.അവരുടെ മുഖം ഒരു തരം പ്രകാശമുള്ളതായിരുന്നു. *സിഹ* അവളുടെ കൈകളിൽ ഒന്നുകൂടെ തൊട്ടു. ഉടനെ തന്നെ അവളവളുടെ യഥാർത്ഥ രൂപത്തിലേക്ക് മാറിയിരുന്നു. 

ഇനി താൻ മനുഷ്യനല്ല, അല്ലാ താൻ മുമ്പും മനുഷ്യനല്ല എന്നത് അവൾ മനസ്സിനെ ഓർമിപ്പിച്ചു.കയ്യിലുണ്ടായിരുന്ന മറുകായ ശലഭം കാണിച്ചു കൊടുത്ത വഴിയനുസരിച്ച് അവൾ വീട്ടിലെത്തി.ജനൽ വഴി റൂമിലേക്ക് പ്രവേശിച്ചതും ആദ്യം നോട്ടം പോയത് നൈനായിലേക്കാണ്. അവളുടെ എല്ലാത്തിനോടുമുള്ള താൽപ്പര്യം കാരണം ചിലപ്പോൾ ഉറങ്ങാതെയും ഇരിക്കും.

ഇനി മുതൽ ലക്ഷ്യങ്ങൾ മുൻനിർത്തിയായിരിക്കും ഓരോ നീക്കങ്ങളും.ഒരു നിമിഷം കൊണ്ട് താനെത്രമാത്രം മാറിയെന്നവൾ ചിന്തിക്കുകയായിരുന്നു. പതിയെ ഉറക്കിലേക്കവൾ വഴുതി വീണു.

    
                             💚

\"യാൻ.. എന്തുണ്ടെങ്കിലും പറയണം. ഞാൻ വരും\"

\"നീയിവിടെ ബദിമ്മയുടെ അടുത്തിരുന്നാൽ മതി, ഞാൻ പോയി വേഗം വരാം\"

ദിനുവിനെ നോക്കി കൊണ്ട് യാൻ പറഞ്ഞു. അപ്പോഴേക്കും ആ കുഞ്ഞു ലോകത്തെ എല്ലാവരും ആ കൊട്ടാരം പോലുള്ള വീടിന്റെ മുമ്പിലേക്കെത്തിയിരുന്നു.

വെള്ള നിറത്തിലുള്ള ചിറകും,കയ്യിന്റെ പുറം ഭാഗത്ത് കുഞ്ഞു ശലഭത്തിന്റെ മറുകും ഉള്ളവരാണ് അവരെല്ലാവരും.


\"ഞാൻ പോകുവാണ്\"

എന്ന് പറഞ്ഞ് അവരോട് കൈവീശി കാണിച്ചു കൊണ്ടവൾ ചിറകുകൾ വിടർത്തി പറക്കാനൊരുങ്ങി.

\"യാൻ, ഞാൻ പറഞ്ഞോതോർമ്മയിലിരിക്കട്ടെ. ഒരിക്കൽ പോലും ഒരു മനുഷ്യനോടും പ്രണയം തോന്നരുത്\"

ഒരിക്കൽ കൂടെ ഓർമിപ്പിച്ചു കൊണ്ട് ബദിമ്മ അവളെ യാത്രയാക്കി.
ചിറകുകൾ വിരിച്ച് ആ രാത്രിയിൽ അവൾ അവൾക്കായി ഒരുക്കിയ ഭൂമിയിലെ ആ കുഞ്ഞു വീട്ടിലേക്ക് പ്രവേശിച്ചു.


ബദിമ്മ കയ്യിൽ ഏൽപ്പിച്ചിരുന്ന പച്ച നിറത്തിലുള്ള ലായനി മുഖത്തേക്ക് കുടഞ്ഞതും അവൾ പൂർണ്ണമായി മനുഷ്യനിലേക്ക് മാറിയിരുന്നു. മുഖത്തെ ചിത്രശലഭത്തിന്റെ രൂപങ്ങൾ മാറി പച്ചകണ്ണ് മാത്രം അവശേഷിച്ചു.

അവിടെയുണ്ടായിരുന്ന കണ്ണാടിയിലേക്ക് അൽപ്പം ആഹ്ലാദഹത്തോടെ തന്നെയവൾ സ്വയം നോക്കി നിന്നു.


                              💚

\"ഉമ്മാ,ഞാൻ പോയി\"


ഇറങ്ങുന്നതിനിടെ ഉമ്മാനെ വിളിച്ചു പറഞ്ഞു കൊണ്ട് റമ റോഡിൽ അവളെ കാത്ത് നിൽക്കുന്ന ഫറയുടെ സ്കൂട്ടിയിലേക്ക് ഓടി കയറി.

\"എന്തേ, ഇന്ന് സ്വപ്നത്തെ കുറിച്ച് പറയാനൊന്നുല്ലേ\"

\"നീ പറഞ്ഞപോലെ അത് വെറും സ്വപ്നം അല്ലെ..അത് വിട്\"

\"ഉവ്വ്,നിനക്കെന്തൊ ഒരു മാറ്റം പോലെ\"

\"അത് ഞാനിന്ന് കുളിച്ചോണ്ട് ആയിരിക്കും\"


ഇളിച്ചോണ്ട് പറഞ്ഞു കൊണ്ട് അവൾ സ്കൂട്ടിയിൽ നിന്നിറങ്ങി.


\"നിങ്ങൾ ന്യൂ ആണല്ലേ, സെക്കന്റ്‌ ഫ്ലോറിൽ ആണ് നിങ്ങടെ ക്യാബിൻ\"


ഒരു പെൺകുട്ടി വന്ന് അവരോട് പറഞ്ഞു കൊണ്ട് അവരുടെ കയ്യിലേക്ക് അവർക്കുള്ള ഫയലും നൽകി.

                              💚

\"യാൻ,നീ ഓക്കേ അല്ലെ\"

ഉണരുമ്പോൾ തന്നെ ദിനുവിന്റെ ശബ്ദമാണ് കേൾക്കുന്നത്. ഒരു ചെറു പ്രകാശത്തിൽ അവളുടെ മുഖം വ്യക്തമായി വായുവിൽ കാണുന്നുണ്ടായിരുന്നു.

\"എന്റെ ദിനു, എനിക്ക് കുഴപ്പല്ല.ഞാനൊന്ന് പുറത്തേക്കൊക്കെ പോയി ഷോപ്പിംഗ് ഒക്കെ ചെയ്യട്ടെ\"

അതിന് ദിനു ഒരു ടാറ്റയും പറഞ്ഞു കൊണ്ട് അപ്രത്യക്ഷമായി.റൂമിന്റെ കർട്ടൻ ഒന്ന് നീക്കികൊണ്ട് സൂര്യപ്രകാശം അകത്തേക്ക് കയറുമ്പോൾ എല്ലാം യാനിന് പുതിയ അനുഭൂതിയായിരുന്നു.

തോളോട് ചേർന്ന് നിൽക്കുന്ന മുടിയെ കൂട്ടി കെട്ടി കൊണ്ട് കൊണ്ട് വന്ന തേനും ബ്രെഡും കഴിക്കുമ്പോൾ എന്നത്തേയും പോലെ രുചിയവൾക്ക് തോന്നിയില്ല.രൂപം മാത്രമല്ല എല്ലാം താൻ മനുഷ്യനിലേക്ക് മാറിയിരുന്നു എന്നതവൾ മനസ്സിലാക്കി.

കയ്യിലുണ്ടായിരുന്ന ഡ്രെസ്സെടുത്തു ഫ്രഷായി മാറ്റി കൊണ്ട് പുറത്തേക്കിറങ്ങി.ഓരോ മനുഷ്യരെയും അവൾ ഉറ്റു നോക്കുന്നുണ്ടായിരുന്നു.


അപ്പോഴാണ് ഒരു കടയവളുടെ കണ്ണിൽ പെട്ടത്. ചിത്രശലഭത്തിന്റെ പെൻഡന്റ് ഉള്ള ഒരുപാട് മാലകളും മറ്റു ആഭരണങ്ങളും അവിടെയുണ്ടായിരുന്നു.അവയിൽ പച്ച നിറത്തിൽ തിളങ്ങുന്ന ഒന്നിലേക്ക് തന്നെയായിരുന്നു അവളുടെ കണ്ണുകൾ.


\"എന്താ മോളെ ഇത് വേണോ\"


ആ കടയിലെ ആൾ അവളെ നോക്കി ചോദിച്ചപ്പോഴാണ് അവൾക്ക് ബോധം വന്നത്.. ഉടനെ തന്നെ തലയാട്ടി കൊണ്ട് കീശയിൽ നിന്ന് അതിനുള്ള പൈസ എടുത്തു കൊടുത്തു.


\"മോളിവിടെ പുതിയതാണോ\"

അതേയെന്ന് തലയാട്ടി കൊണ്ടവൾ അയാളുടെ മുഖത്തേക്ക് ഉറ്റു നോക്കി.
അതെ സമയം കാണാത്തതെന്തോ കണ്ട പോലെയായിരുന്നു അയാളുടെ ഭാവം. അവളുടെ പച്ചക്കണ്ണുകൾ അയാളിൽ ചെറുതായി ഭീതി നിറക്കുന്നുണ്ടായിരുന്നു.


\"മോളെവിടെന്ന\"

പതർച്ച മാറ്റി കൊണ്ടയാൾ ഒപ്പിച്ചു ചോദിച്ചു.

\"ഞാൻ..കുറച്ചു ദൂരെന്ന\"

അത്രമാത്രം പറഞ്ഞു കൊണ്ടവൾ അയാൾക്കൊരു പുഞ്ചിരിയും നൽകി മറ്റു സാധനങ്ങൾ വാങ്ങുന്നതിലേക്ക് മുഴുകി.


                               💚

\"സാറാ,ഞാനൊരു പച്ചക്കണ്ണുള്ള കുഞ്ഞിനെ കണ്ടു. ആ പുസ്തകത്തിലുള്ളത് പോലെ കാപ്പി നിറമുള്ള ചുരുണ്ട മുടിയും ഒക്കെയായിട്ട്.\"


\"ഒന്ന് പോ മനുഷ്യ,ഇതിപ്പോ പച്ചകണ്ണ് ഉള്ളോർക്ക് ജീവിക്കാൻ പറ്റാത്ത അവസ്ഥ ആയല്ലോ.അതവൾ ഒന്നും ആയിരിക്കില്ല.നിങ്ങളാ കുട്ടിയുടെ കയ്യിൽ മറുക് നോക്കിയോ\"


\"മറുക്..ഇല്ല കണ്ടില്ല\"

\"കയ്യിലില്ലെന്ന് ഉറപ്പാണോ.\"

\"അതേ ഉറപ്പാണ്.അവളെനിക്ക് പൈസ തന്നപ്പോൾ കണ്ടിട്ടില്ല\"

\"എങ്കിൽ പിന്നെന്തിനാ പേടി. അല്ലെങ്കിലും നിങ്ങളെന്തിനാ പേടിക്കുന്നെ.തെറ്റ് ചെയ്തിട്ടൊന്നുമില്ലല്ലോ.തെറ്റ് ചെയ്തവർ ആണെങ്കിൽ ശിക്ഷ ലഭിക്കുകയും വേണം\"


അവർ പറയുന്നതൊന്നും അയാളുടെ മനസ്സിലില്ലായിരുന്നു. മുഴുവനും ആ പച്ചക്കണ്ണുകൾ മാത്രമായിരുന്നു.താൻ സ്വപ്നത്തിൽ കണ്ട അതേ കണ്ണുകൾ. പക്ഷെ ആ മറുക് കാണാത്തത് കൊണ്ട് തന്നെ അയാളിൽ ചെറിയൊരു ആശ്വാസവും നിറഞ്ഞു.


\"നിങ്ങൾ ആലോചിച്ചിരിക്കാതെ ഈ ഭക്ഷണം കഴിച്ചേ..എന്നിട്ട് കടയിലേക്ക് പൊക്കോളു.\"

ഭക്ഷണം അവിടെ വെച്ച അവർ അവരുടെ പണിയിലേക്ക് മുഴുകിയപ്പോഴും അയാളുടെ ആലോചന തീർന്നിട്ടില്ലായിരുന്നു.


\"അതേയ്, അത് ചൂടാറിയാൽ ഇനി ചൂടാക്കാൻ അടുപ്പിലൂതാൻ എനിക്കാവില്ല കേട്ടോ..ശ്വാസം എടുക്കാൻ ബുദ്ധിമുട്ടാവുന്നുണ്ട്\"


അയാളെ ഒരിക്കൽ കൂടെ ഓർമിപ്പിച്ചു കൊണ്ടവർ പണിയിലേക്ക് മുഴുകി.



[തുടരും]


തുടക്കം ചടക്കാൻ ചാൻസ് ഉണ്ട്👩🏼‍🦯
രണ്ട് വരി എഴുതണേ!
തെറ്റുകളും, ഇനി വരുത്തേണ്ട മാറ്റങ്ങളും എല്ലാം.


~ottachirakulla malakha