*Green eyed butterfly💚~3*
      ~ഫർഹാന



*****

യാൻ വീട്ടിലേക്കെത്തുമ്പോഴേക്കും ഏകദേശം ഇരുട്ടി തുടങ്ങിയിരുന്നു.
വാങ്ങിയ സാധനങ്ങളെല്ലാം അതിന്റെതായ സ്ഥലങ്ങളിൽ വെച്ചു കൊണ്ടവൾ റൂമിലേക്ക് പോയി.


ബാഗ് തുറന്നു കൊണ്ട് ഒരു കുഞ്ഞു പെട്ടിയെടുത്തു.അത് പതിയെ തുറന്നപ്പോഴേക്കും രണ്ട് ചിത്രശലഭങ്ങൾ അതിൽ നിന്ന് പറന്നുയർന്നിരുന്നു.


\"യാൻ,ഒടുവിൽ നീ എത്തിയല്ലേ!\"

അവയിലെ *ഷിൻ* ശലഭം അതും പറഞ്ഞു കൊണ്ട് അവൾക്ക് ചുറ്റിനും പറന്നു.

\"യാൻ,പറ ഞങ്ങളെന്താണ് ചെയ്യേണ്ടത്\"

\"എനിക്കെന്റെ ജിഹമാമയെയാണ് ആദ്യം കണ്ടെത്തേണ്ടത്\"

\"അതൊരിക്കലും നടക്കില്ല യാൻ, കാരണം ലിൻന്റെ ജീവനാണ് നിന്റുമ്മയായ ജിഹയിലുള്ളത്.ലിൻ ഭാഗികമായും മരണത്തിലേക്ക് എത്തിയിട്ടുണ്ട്\"

ഷിൻ ക്ഷീണിതയായി അവിടെയുള്ളൊരു പൂവിൽ പറ്റിയിരിക്കുന്ന ലിൻനെ നോക്കികൊണ്ട് പറഞ്ഞു.

\"പക്ഷെ എനിക്ക് കണ്ടെത്തിയേ തീരു. എന്റെ മാമയേ പിടിച്ചു വെച്ചിരിക്കുന്ന ആ മനുഷ്യനിൽ നിന്നെനിക്കെന്റെ മാമയെ രക്ഷിക്കണം.ഈ ഇരുപത് വർഷവും ഞാൻ കാത്തിരുന്നത് അതിന് വേണ്ടി മാത്രമാണ്.ഒരമ്മയുടെ സ്നേഹം എനിക്കന്യമാക്കിയ ആ ക്രൂര മനുഷ്യനെ എനിക്ക് ഇല്ലാതാക്കണം. അവരേം അവരുടെ തലമുറയേം എല്ലാം.\"

ഒരു തരം ദേഷ്യത്തോടെ യാനത് പറയുമ്പോഴും അമ്മയുടെ സ്നേഹം ലഭിക്കാത്തതിന്റെ വേദനയും ആ വാക്കുകളിൽ നിറഞ്ഞിരുന്നു.

\"പക്ഷെ യാൻ.നീയെന്തായാലും നിനക്ക് ഏർപ്പാടക്കിയ ജോലിക്ക് കയറു. ¹തിത്തലീകിതാബിൽ വായിച്ചത് വെച്ചു നോക്കുമ്പോൾ അവിടെയാണ് ജിഹയിലേക്കെത്താനുള്ള ഏക വഴി.നിനക്കെനി കുറഞ്ഞ ദിവസങ്ങൾ മാത്രമേ ഉള്ളു യാൻ.കാരണം ലിൻ ന്റെ അവസ്ഥ മോശമായി കൊണ്ടിരിക്കുകയാണ്.അതിനർത്ഥം ജിഹയും അതെ അവസ്ഥയിൽ ആണെന്നാണ്.പിന്നെ ജിനയുടെ കൈകളിലെ മറുക് മാഞ്ഞു തുടങ്ങി. അത് പൂർണ്ണമായും മാഞ്ഞു പോയാൽ പിന്നെ എന്താണ് സംഭവിക്കുന്നതെന്ന് നിനക്കറിയാമല്ലോ.\"


\"അറിയാം.ഞാൻ നാളെത്തന്നെ അവിടേക്ക് ജോലിക്ക് പോകും. അതെന്റെ എല്ലാത്തിന്റെയും തുടക്കവും അവസാനവും ആവാൻ ഞാനാഗ്രഹിക്കുന്നുണ്ട്. ആവുമെന്ന പ്രതീക്ഷയുമുണ്ട്.\"

                       💚


\"ജിഹ,നീ അവശയായിട്ടുണ്ട്.ഇനിയെങ്കിലും ആ പൂന്തോട്ടട്ടത്തിൽ നിന്നൊന്ന് വാ\"


\"ഷാൻ എനിക്കിനി അധികം ആയുസ്സില്ല.എനിക്ക് ഈ പൂക്കൾക്കിടയിൽ വെച്ചു മരിക്കണം.\"


അവളത് പറഞ്ഞു തീർക്കുമ്പോൾ അവിടെയുണ്ടായിരുന്ന കുഞ്ഞു വയലറ്റ് പൂവിലേക്ക് അവളുടെ കണ്ണുനീർ ഇറ്റി വീണിരുന്നു. അവ അതിന്റെ ഇതളുകളെ സ്പർശിച്ചു കൊണ്ട് ചെറു തിളക്കമുള്ള ചിത്രശലഭമായി ദൂരേക്ക് പറന്നു.

\"എന്തൊക്കെയാ നീ പറയുന്നേ.ഇതെല്ലാം മാറും ജിഹ. ചെറിയ തളർച്ചയല്ലേ.നീയിങ്ങ് വന്നേ\"

എന്ന് പറഞ്ഞു കൊണ്ട് ഷാൻ അവളെ അവിടെ നിന്നും എഴുന്നേൽപ്പിച്ചു. പിന്നെ പതിയെ അവളുടെ തോളിലൂടെ പിടിച്ചു കൊണ്ട് വീടിന്റെ ഉള്ളിലേക്ക് കയറ്റി.

\"കിടന്നോ ട്ടോ.എനിക്ക് കുറച്ചു പണിയുണ്ട്\"

അവളെയവിടെ കിടത്തിക്കൊണ്ടയാൾ മുകളിലെ നിലയിലേക്ക് പതിയെ കയറി.അവിടെ അടച്ചിട്ടിരുന്ന വയനാമുറി തുറന്നു കൊണ്ട് ചുറ്റിനും ഒന്ന് കണ്ണോടിച്ചു.

ചുമരുകളിൽ മുഴുവൻ ആ പെൺകുട്ടിയായിരുന്നു.പച്ചക്കണ്ണുള്ള ചുരുണ്ട കാപ്പി നിറമുള്ള മുടിയുള്ള കുഞ്ഞു ശലഭപെണ്ണ്.

അവയിലോരോ ചിത്രങ്ങളിലും അയാളുടെ കൈകൾ തലോടി.ജിഹയുടെ കണ്ണുനീർ ശലഭമായി പറന്നു പോകുന്നതയാളുടെ മനസ്സിലേക്ക് പാഞ്ഞു വന്നു.

അതെ നിമിഷം വെപ്രാളപ്പെട്ടു കൊണ്ട് അവിടെയുണ്ടായിരുന്ന ഒരു പെട്ടി തുറന്നു കൊണ്ട് അതിലെ പുസ്തകത്തിലേക്ക് കണ്ണുകൾ പറയിച്ചു.

*തിത്തലീ കിതാബ്* എന്നെഴുതിയ പുറം ചട്ടയിൽ നിന്ന് അവസാന പേജിലേക്ക് അയാൾ മറിച്ചു.

\"ജിഹ, നിന്റെ കണ്ണുനീരൊരു ശലഭമായി മാറും.അതിനർത്ഥം നിന്റെ യാൻ നിനക്കായി എത്തിയിട്ടുണ്ടെന്നാണ്\"

ആ വരികൾ അയാളെ ഭീതിയിലാക്കിയിരുന്നു.ജിഹയുടെ മകൾ യാഹാന ദനീൻ.പച്ചക്കണ്ണുള്ള ശലഭപെണ്ണ്.

അയാളുടെ കൈകൾ വിറക്കുന്നുണ്ടായിരുന്നു. അതെ പെട്ടിയിലുള്ള ശലഭത്തിന്റെ പെൻഡന്റ് ഉള്ള മാല അയാൾ കയ്യിലെടുത്തു.അതോടൊപ്പം തന്നെ ജിഹയെ ആദ്യമായി കണ്ടതും, തിത്തലീ കിതാബ് കയ്യിൽ കിട്ടിയതും എല്ലാമയാളിലേക്ക് ഓടിയെത്തി.


പൂക്കളോട് ഏറെ പ്രിയമുള്ള ഷാനിന് അവയുടെ അടുത്തിരിക്കുന്നത് ഒരാശ്വാസമായിരുന്നു.പതിയെ പതിയെ ആ പ്രിയം ശലഭങ്ങളോടുള്ള പ്രണയമായി മാറി.

²ദാദി പറഞ്ഞു കേട്ടിട്ടുള്ള ശലഭലോകമായിരുന്നു പിന്നീട് മനം നിറയെ.
അവ പതിയെ സ്വപ്നങ്ങളിലേക്കും എത്തിയിരുന്നു. ആ ചുമരുകളിൽ ഉള്ളത് പോലൊരു ശലഭപെണ്ണ് അവന്റെ സ്വപ്നത്തേയും കീഴടക്കി.
അന്ന് വരച്ചു വെച്ചതായിരുന്നു ചുമരിൽ ആ പെണ്ണിനെ.


പിന്നീടെപ്പോഴോ അതെ രൂപമുള്ളൊരു മനുഷ്യപ്പെണ്ണിനെ കണ്ടു. അന്ന് മുതൽ അവളായിരുന്നു മനസ്സിൽ.
പിന്നീടെങ്ങനൊക്കെയോ അവളെ തന്റെതാക്കിയിരുന്നു. സ്വാർത്ഥതയിലൂടെ തന്നെ.

\"ഷാൻ\"

ജിഹയുടെ വിളിയാണ് അവനെ ഓർമ്മയിൽ നിന്നുണർത്തിയത്.


                         

1- തിത്തലീ കിതാബ്:പൂമ്പാറ്റയുടെ പുസ്തകം.(ഉറുദു)

2-ദാദി: ഉമ്മുമ്മ(ഉറുദു)


[തുടരും]

കുഞ്ഞു പാർട്ടാണ്, നാളെ ഡബിൾ വലുപ്പത്തിൽ തരാം😌

അക്ഷരത്തെറ്റ് ഉണ്ടാവും,
തിരുത്തിയിട്ടില്ല.