പാർട്ട് 13 

ഭദ്രൻ‌ മുണ്ടും മടക്കിയുടുത്ത് നേരെ അകത്തേക്ക്ആണ് പോയത് അപ്പോഴും അവന്റെ മുഖം ദേഷ്യത്താൽ വലിഞ്ഞുമുറുകിയിരിക്കുവാണ് ..... ഹാളിൽ കയറിയപ്പഴേ കേട്ടു  അടുക്കളയിൽ നിന്നുള്ള കളിചിരികൾ ........ അതുകേട്ട് അവൻ അങ്ങോട്ടേക്കുതന്നെ പോയി ..... ഭദ്രൻ ചെന്നപ്പോ കാണുന്ന കാഴ്ച സ്ലാബിന്റെ പുറത്തുകയറിയിരുന്നു റീത്താമ്മയോട് വാതോരാതെ സംസാരിക്കുന്ന ജാനിയെയാണ് ..... ആ കാഴ്ച കണ്ടതും അതുവരെ ഉണ്ടായിരുന്ന ദ്ദേശ്യമൊക്കെ അലിഞ്ഞില്ലാതാകുന്നത് അവനറിഞ്ഞു ..... അവന്റെ പെണ്ണിനുമാത്രമായി ഒരു പുഞ്ചിരി അവന്റെ ചുണ്ടുകളിൽ മൊട്ടിട്ടു ...... 

"ജാനി "....... ഭദ്രന്റെ വിളികേട്ടതും അതുവരെ കളിചിരിയിൽ മുഴുകിയിരുന്ന ജാനി പെട്ടെന്ന് വാതിലിലേക്ക് നോക്കി ..... അപ്പോകണ്ടു വാതിലിൽ ചാരി തന്നെത്തന്നെ ഇമചിമ്മാതെ നോക്കിനിൽക്കുന്നവനെ .............. അവനെ കണ്ടതും ചമ്മലോടുകൂടി അവൾ ചാടിതാഴെഇറങ്ങി അവന്റെ അടുത്തേക്ക് വന്നു 

"എന്താ ഏട്ടാ "

"നമുക്ക് ഇറങ്ങിയാലോടാ "........ അതും കേട്ടുകൊണ്ടാണ് അച്ചായൻ അങ്ങോട്ട് വന്നത് 

"ഹ അതെന്നാ പോക്കടാഉവ്വേ  നിങ്ങളിപ്പോ ഇങ്ങോട്ട് വന്നതല്ലേഉളളൂ "

"ഓ വേണ്ട ചിലരൊക്കെ ഇപ്പൊ പഴയതുപോലൊന്നും അല്ല ........ ഞാൻ ഇല്ലെങ്കിലും അച്ചായന് വേറെ ആൾക്കാരൊക്കെ ഉണ്ടല്ലോ അവരെവിളിച്ചു സൽക്കരിക്ക് ഞാനും എന്റെപെണ്ണും പോകുവാ "...... 

"ഹ അതെന്നാ വർത്തമാനമാടാ ചെറുക്കാ നിങ്ങളുതമ്മിൽ എന്തെങ്കിലും പ്രശ്നം ഉണ്ടെങ്കിലേ അത് നിങ്ങളുതന്നങ്ങുപരിഹരിച്ചാമതി വെറുതേ ഞങ്ങളെക്കൂടെ അതില് വലിച്ചിഴക്കണ്ടാ ..... മോളുവാ ഇതൊന്നും കാര്യമാക്കണ്ട " ...... റീത്താമ്മയതുപറഞ്ഞതും ജാനി ദയനീയമായി ഭദ്രനെ നോക്കി ..... എന്നാൽ അവനാണെങ്കിൽ വേറെയെങ്ങോനോക്കിനിൽക്കുവാണ് 

"എന്താ മോളെ അവിടത്തന്നെ നിൽക്കുന്നെ ഇങ്ങുവാ "റീത്താമ്മ വിളിച്ചിട്ടും ജാനിക്ക് പോകാനൊരുമടി 

"ഞാൻ ഏട്ടനോട് ചോദിച്ചിട്ടുവരാം റീത്താമ്മ "........ ജാനിയത് പറഞ്ഞതും ഭദ്രന്റെ ചുണ്ടിൽ ഒരു പുഞ്ചിരിവിരിഞ്ഞു 

"ഏട്ടാ ഞാൻ.... ഞാൻ റീത്താമ്മയോടൊപ്പം പൊയ്ക്കോട്ടേ " ....... ജാനിയുടെ ദയനീയമായുള്ള ചോദ്യം കേട്ട് അവൻ അവളെ തിരിഞ്ഞുനോക്കി .... എന്തോ അവളുടെ മുഖത്തുനോക്കി വേണ്ടായെന്നുപറയാൻ അവനുമനസ്സുവന്നില്ല 

'മ്മ്മ്മ്മ് "...... അനുവാദമെന്നോണം അവനൊന്നു മൂളുകമാത്രം ചെയ്തു....അവന്റെ അനുവാദം കിട്ടിയതും സന്തോഷത്തോടെ അവൾ വീണ്ടു റീത്താമ്മയോടൊപ്പം കിച്ചണിലേക്കുതന്നെ പോയി 

ഭദ്രന്റെ ഈ പുതിയ ഭാവങ്ങളൊക്കെ അച്ചായൻ നോക്കികാണുന്നുണ്ടാരുന്നു ..... അയാൾക്ക്‌ വലിയസന്തോഷം തോന്നി ...... അവനെ കാണാൻ തുടങ്ങിയിട്ട് വർഷങ്ങൾ ഇത്രേം ആയെങ്കിലും ദേഷ്യവും ഗൗവരവവും അല്ലാതെ വേറെ ഒരുവികാരങ്ങളും അയാൾ അവനിൽ കണ്ടിട്ടില്ല ......ജാനിയെന്നപെണ്ണിനെ അവൻ അത്രേം സ്‌നേഹിക്കുന്നുണ്ടെന്ന് അയാൾക്ക്‌ മനസിലായി ....... അവന്റെ ഈ സ്നേഹം കിട്ടാനും ഒരു ഭാഗ്യം വേണമെന്ന് അയാൾക്കുതോന്നി ........ 

ഭദ്രൻ നോക്കുമ്പോൾ അച്ചായൻ അവനെത്തന്നെനോക്കിനിന്ന് എന്തോ ആലോചിക്കുവാരുന്നു

"എന്താ എത്ര ആലോചന. അടുത്ത് എന്തുകള്ളം പറയുമെന്നാണോ "

അവന്റെ ചോദ്യമാണ് അയാളെ ബോധത്തിലേക്ക് കൊണ്ടുവന്നത്

"നീ എന്താടാ ഭദ്ര ഇതുവരെ അതുവിട്ടില്ലേ ........ എന്തുകൊണ്ടാണ് നിന്നോടത് പറയാഞ്ഞതെന്ന് ഞാൻ പറഞ്ഞതല്ലേ.... ഷമിക്കടാ ഇനി അങ്ങനുണ്ടാവില്ല ഉറപ്പ് ...."

"മ്മ്മ്മ്മ് " അവനൊന്നുമൂളുകമാത്രം ചെയ്തു അവിടുന്ന് പുറത്തേയ്ക്കുപോയി ...... അവനെയൊന്നുനോക്കി ഒരു നെടുവീർപ്പോടെ അയാളും

അങ്ങനെ അവരുടെ സൽക്കരമെല്ലാം സ്വീകരിച്ചു ജാനിയും ഭദ്രനും 4 മണിയോടെയാണ് അവിടുന്നിറങ്ങിയത് .... അന്നേരവും അവന് അച്ചായനോടുള്ള നീരസംമാറിയിരുന്നില്ല അതുകൊണ്ടുതന്നെ അവിടെയുള്ളസമയതൊന്നും അവൻ അധികം അച്ചായനോട് മിണ്ടാനും പോയില്ല ....... ജാനിക്കാണെങ്കിൽ ഇതൊക്കെ പുതിയ അനുഭവങ്ങളാരുന്നുഅവളുടെ അച്ഛനും അമ്മയും അനാഥരായതുകൊണ്ടുതന്നെ ബന്ധുക്കളായിട്ട് ആരുംതന്നെയില്ല അതുകൊണ്ടുതന്നെ ഇതുപോലുള്ള സൽക്കാരങ്ങളും സ്നേഹപ്രകടനങ്ങളുമൊക്കെ അവൾക്ക് പുതുമയുള്ളതായിരുന്നു

അവിടുന്ന് അവർ നേരെ പോയത് ബീച്ചിലേക്കാണ് ..... കണ്ണെത്താദൂരം പടർന്നുകിടക്കുന്ന ആ നീലസാഗരം കണ്ടതും അവളുടെ കണ്ണുകൾ അത്ഭുതംകൊണ്ട് വിടർന്നുവന്നു  ...... കുഞ്ഞുന്നാളിൽ ഒന്നോരണ്ടോ തവണ അച്ഛനും അമ്മയോടൊപ്പം വന്നിട്ടേ ഉള്ളൂ... പന്നീട് ഇപ്പോഴാണ് വരുന്നത് ...... അതിന്റേതായഎല്ലാ അത്ഭുതവും അവൾക്കുണ്ടാരുന്നു 

ഭദ്രൻ അവിടെയുണ്ടായിരുന്ന ഒരു മണൽ തിട്ടയിലേക്കഇരുന്നശേഷം ജാനിയെയും അടുത്തുപിടിച്ചിരുത്തി .....

അത്ഭുതത്തോടെ കടലിക്കേക്കുനോക്കിയിരിക്കുന്ന തന്റെ  പെണ്ണിലായിരുന്നു  അവന്റെകണ്ണ്  

"ജാനി ഇതിനുമുന്നേകടല് കണ്ടിട്ടില്ലേ"....

"ഉണ്ട് ഏട്ടാ കുഞ്ഞിലേ രണ്ടുതവണ വന്നിട്ടുണ്ട് പിന്നെ ഇപ്പഴാ "..... കണ്ണുകൾ വിടർത്തി സന്തോഷത്തോടെയുള്ള അവളുടെആ സംസാരം നോക്കിയിരുന്നുപോയി അവൻ .... ശേഷം തന്റെ കയ്യെടുത്തു അവളുടെ കയ്യിലായി കൊരുത്തുപിടിച്ചു ..... ജാനി ഞെട്ടിക്കൊണ്ടു അവന്റെ നോക്കി ..പക്ഷെ അവന്റെ നോട്ടം കടലിലേക്കാരുന്നു .... എന്നാൽ ചുണ്ടിൽ ചെറിയ പുഞ്ചിരിയുണ്ട് ... അതെ പുഞ്ചിരിയോടെ അവളും ആ കടലിലേക്ക്‌കണ്ണുനട്ടു ..

പുറത്തുനിന്നും ആഹാരമോക്കെ കഴിച്ചു രാത്രി ഒരു 8 മണിയോടെയാണവർ തിരികെ വീട്ടിലെക്കെത്തിയത് 

കതക്‌തുറന്ന് ആദ്യം കയറിയത് ജാനിയാണ് പുറകെ ഭദ്രൻകയറാൻ നിന്നപ്പോഴാണ് അവനൊരു കാൾ വന്നത് 

നമ്പർ കണ്ടതും അവൻ പെട്ടെന്നുതന്നെ അതുമായി പുറത്തേക്കുപോയി . അപ്പോഴേക്കും ജാനി റൂമിൽച്ചെന്ന് ഡ്രെസ്സൊക്കെമാറി ഒരു പാവാടയും ടോപ്പും എടുത്തിട്ടു . പുറത്തേക്കിറങ്ങിയപ്പോഴേക്കും ഭദ്രനും വന്നിരുന്നു ... എന്നാൽ വല്ലാത്തൊരു ദേഷ്യത്തോടെവരുന്നവനെക്കണ്ട് ജാനിക്ക് കാര്യം മാനസിലായില്ല ...

"ജാനി എനിക്കൊന്ന് അത്യാവശ്യമായി പുറത്തേക്കുപോണം, ഉടനെ തിരിച്ചുവരാം അതുവരെ താൻ അപ്പുവിന്റെ വീട്ടിൽ നിന്നോ "

"ഏട്ടൻ എവിടെപോകുവാ ,.. വേണ്ട രാവിലെപോയാമതി "

" ഞാൻ പറഞ്ഞില്ലേ ജാനി അത്യാവശ്യമാണെന്ന് .. ഉടനെ വരാം .. താൻ വാ പോകുന്നവഴി ഞാൻ അപ്പുവിന്റെ വീട്ടിലേക്കാകാം " നല്ല ഗൗരവത്തോടെയായിരുന്നു അവൻ പറഞ്ഞത് അതുകൊണ്ടുതന്നെ അവൾ പിന്നെ മറുത്തൊന്നും പറഞ്ഞില്ല . പക്ഷെ ഉള്ളിൽ വല്ലാത്തവിങ്ങൽ തോന്നി അവൾക്ക് ...

" വേണ്ട ഏട്ടാ ഞാൻ ഇവിടെ ഇരുന്നോളാം പെട്ടെന്ന് വന്നാൽ മതി " പറയുന്നതിനോടൊപ്പം അവളുടെ കണ്ണുകളും ചെറുതായി നിറഞ്ഞിരുന്നു ... അതവൻ കാണുകയും ചെയ്തു ... അവൻ പെട്ടെന്നുതന്നെ അവളെ വലിച്ചുതന്റെ നെഞ്ചിലേക്കുചേർത്തു ശേഷം നെറുകയിലായി പ്രണയതോടെ  ഒരു ചുംബനം കൂടിനൽകി .... 

ഉള്ളിൽതോന്നിയ തന്റെ സങ്കടംമുഴുവൻമാറാൻ അവന്റെ ഒര് ചേർത്തുപിടിക്കൽമതിയായിരുന്നു ആ പെണ്ണിന്

"പെട്ടെന്ന് വരാം അത്യാവശ്യമായതുകൊണ്ടാ ... പിന്നെ ഞാൻ വരുന്നതുവരെ കാത്തിരിക്കുകയൊന്നും വേണ്ട ഉറങ്ങിക്കോ ... എന്റെകയ്യിൽ സ്പെയർ കീ ഉണ്ട് ... അതുകൊണ്ട് വരുമ്പോൾ ഞാൻ തന്നെ തുറന്നുകയറിക്കോളാം ....മ്മ്മ് " അതുംപറഞ്ഞു അവളുടെ മറുപടിക്കുപോലും കാക്കാതെ അവൻ പെട്ടെന്ന് തന്നെ തന്റെ ജീപ്പും എടുത്തു പുറത്തേയ്ക്കുപോയി  ... അവന്റെ ജീപ്പ് കണ്ണിൽനിന്നും മായുന്നതുവരെ ആ പെണ്ണ് നോക്കിനിൽപ്പുണ്ടാരുന്നു ... ജീപ്പിന്റെ മിററിൽ കൂടി അവനും കാണുന്നുണ്ടാരുന്നു തന്റെ പെണ്ണിനെ .....

:::::::::::::::::::::::::::::::::::::::::::::::::::::::::::

നിറയെ റബ്ബർ മരങ്ങൾ തിങ്ങിനിറഞ്ഞുനിൽക്കുന്ന സ്ഥലം അതിനുനടുക്കായി ഒരു രണ്ടുനില വീട് .. ആ വീടിനും അൽപ്പം മാറി ഒഴിഞ്ഞൊരിടത്താണ്  ഭദ്രൻ ജീപ്പ് നിർത്തിയത് .. അവിടെ അവനേയും കാത്ത് മഹിയും വിപിനും ഉണ്ടാരുന്നു.....

"അവനെന്തിയെടാ മഹി "

"ഇതുവരെ പുറത്തേക്കിറങ്ങിയില്ല അണ്ണാ... മിക്കവാറും അവളുമായിട്ടുള്ള കുത്തിമറി കഴിഞ്ഞുകാണില്ല "

"മ്മ്മ്മ് "

"അവൻ മാത്രമല്ല അണ്ണാ അവന്റെകൂടെ വേറെയും രണ്ടുപേരുംകൂടി ഉണ്ട്.. പക്ഷേ ഇവിടെങ്ങും കണ്ടിട്ടില്ല പുതിയതാണെന്നുതോന്നുന്നു "

"മ്മ്മ്മ് മതിയാവോളം അർമാദിച്ചിട്ടുവരട്ടെ ഇനിയിങ്ങനെ അർമാധിക്കാൻ പറ്റിയില്ലെങ്കിലോ " പറയുന്നതിനോടൊപ്പം ഭദ്രന്റെ കണ്ണുകൾ ക്രൂരമായൊന്നുതിളങ്ങി

:::::::::::::::::::::::::::::::::::::::::::::::::::::

"എന്റെ കൃഷ്ണാ സമയം ഇത്രയുമായിട്ടും ഏട്ടനെന്താ വാരാത്തെ " 

സമയം 12 :30 കഴിഞ്ഞു .. ഇതുവരെയും ഭദ്രനെ കാണാത്തതുകാരണം അങ്ങോട്ടുമിങ്ങോട്ടും ടെൻഷൻഅടിച്ചുനടക്കുകയാണ് ജാനി 

"അപ്പുവിനോട് വരാൻ പറഞ്ഞാ മതിയായിരുന്നു .. പക്ഷെ ഇത്രയും താമസിക്കുമെന്ന് ഞാൻ അറിഞ്ഞില്ലല്ലോ .. അതുകൊണ്ടല്ലേ ഏട്ടൻ ചോദിച്ചപ്പോ വേണ്ടെന്നുപറഞ്ഞത് .... ഈശ്വരാ ഒരാപത്തും വരുത്തരുതേ .."

സമയം പോകുംതോറും അവൾക്കു നല്ല പേടിവരാൻ തുടങ്ങി .. ആരെയെങ്കിലും വിളിക്കാമെന്നുവച്ചാ ഫോൺ പോലും ഇല്ലല്ലോ .. ജാനിയുടെ ചിന്തകൾ കാടുകയറാൻ തുടങ്ങിയതും ഭദ്രന്റെ ജീപ്പ് വന്നതും ഒരുമിച്ചായിരുന്നു ... ജീപ്പിന്റെ ശബ്ദം കേട്ടതും ജാനി ഓടിച്ചെന്ന് വാതില്തുറന്നു ....എന്നാൽ തന്റെ മുന്നിൽ നിൽക്കുന്ന ഭദ്രന്റെ രൂപം കണ്ടതും അവൾ ഞെട്ടിപ്പോയി ...പ്രതീക്ഷിക്കാതെ ജാനി വാതിൽ തുറന്നതും ഭദ്രനും അകെപകച്ചുപോയി

തുടരും ........

::::::::::::::::::::::::::::::::::::::::::::::::::::::::::::