പാർട്ട് 15 

ജനാലവഴി നേരിയവെട്ടം മുഖത്തേക്കടിച്ചപ്പോ ജാനി പതിയെ കണ്ണുകൾ തുറന്നു ... ഭദ്രന്റെ മാറോടുചേർന്നുകിടക്കുകയാണവൾ ... ഇന്നലെ രാത്രിയിൽ നടന്നതൊക്കെ ഓർമ്മവന്നതും അവൾക്കാകെ നാണം വന്നുമൂടി ... കൂടെത്തന്നെ ഭദ്രനോട് വല്ലാത്ത സ്നേഹവും ... അവൾ അവന്റെ മുഖത്തേക്കുനോക്കി ... നല്ല ഉറക്കമാണ് ... അവൾക്കവനെ ഒരുപാടുചുംബനങ്ങൾകൊണ്ട് മൂടാൻ തോന്നി ... അവൾഒന്നുയർന്നുവന്ന് അവന്റെ ചുണ്ടിൽ വളരെ നേർമയായൊന്നുമുതി ... പിന്നീട് നെറ്റിയിലെ ആ മുറിവിലും ... അവന്റെ മുറിവുകാണുംതോറും അവൾക്കുനല്ല സങ്കടമാകുന്നുണ്ടാരുന്നു ... 

\"തെമ്മാടി ഇനി ഇതുപോലെ മുറിച്ചോണ്ടുവാ അപ്പോ കാണിച്ചുതരാം ഈ ജാനി ആരാണെന്ന് \" ...

അതുംപറഞ്ഞു അവൻ തന്നെ ചുറ്റിപിടിച്ചിരിക്കുന്ന കൈപതിയെ എടുത്തുമാറ്റി ... പിന്നീട് എഴുനേറ്റ് നേരെ ഫ്രഷാകാൻവേണ്ടി ബാത്റൂമിലേക്കുപോയി 

:::::::::::::::::::::::::::::::::::::::::::::::::::::::::::::::::

രാവിലെതന്നെ റീത്താമ്മ അടുക്കളയിൽ തിരക്കുപിടിച്ചുള്ള പണിയിലാണ്... അവരെ സഹായിക്കാനായി ഒരു സ്ത്രീയും കൂടിയുണ്ട് ... അച്ചായൻ പുറത്തിരുന്ന് പത്രം വായിക്കുന്നു ... ഈ സമയത്താണ് ഗേറ്റ്കടന്ന് ഒരുടാക്സി അകത്തേക്കുവരുന്നതായാൾ കണ്ടത് 

\"ഇതാരാ ഇത്രരാവിലെ \" ... അതുംചിന്തിച്ച്‌ അയാൾ കാറിലേക്കുനോക്കിയതും കാറിന്റെ ഡോർതുറന്ന് പുറത്തേയ്ക്കുവരുന്ന ആളെക്കണ്ടതും അച്ചായന്റെ മുഖം വിടർന്നു 

\"ആരിത് നാൻസി മോളോ എന്താ ഒരുമുന്നറിയിപ്പുമില്ലാതെ \"

\"അതെന്താ ഇച്ചായ മുൻകൂട്ടി പറഞ്ഞിട്ടേ ഇങ്ങോട്ട് വരവോളോ \"

\" അങ്ങനെയല്ലടീ നീ പോയിട്ട് ഒരു  മാസമായില്ലല്ലോ അതാ ചോദിച്ചേ \"

\"എനിക്കെന്റെ അച്ചായനെയും റീത്താമ്മയെയും കാണാൻ തോന്നി അതാ ഓടിവന്നത് \"

ഇത് നാൻസി കുര്യൻ ... അച്ചായന്റെ വൈഫ് റീത്താമ്മയുടെ ചേച്ചിയുടെ മകൾ ... നാൻസിയുടെ \'അമ്മ മാത്രമേ ജീവിച്ചിരിപ്പുള്ളൂ അച്ഛൻ കുര്യൻ മരിച്ചിട്ട് 5 വർഷം ... അതിനുശേഷം അവളെ പഠിപ്പിച്ചതെല്ലാം അച്ചായനാണ് ... 2 വർഷമായി ഇപ്പൊ ഇവിടെയാണ് താമസം ... പഠിക്കുന്നതൊക്കെ ബാംഗ്ലൂർ ... പക്ഷെ അവധികിട്ടുന്ന ഗ്യാപ്പിലെല്ലാം ഓടിവരും ... പക്ഷെ അത് വീട്ടിലുള്ള ആൾക്കാരെ കാണാനൊന്നും അല്ല ... വേറൊരാളെ കാണാനാ ... അതാരാണെന്ന് വഴിയേ പറയാം 

\"നാൻസിമോളെ നീ വല്ലതും കഴിച്ചോ \"

\"അതെന്താ റീത്താമ്മച്ചി എന്നെകണ്ടിട്ടൊരു ഞെട്ടൽ  ഇല്ലത്തെ \"

\"പിന്നെ വർഷത്തിൽ പത്തിരുപതുത്തവണഞെട്ടാൻ എനിക്ക് വട്ടല്ലേ ... നീ വല്ലതും കഴിച്ചാരുന്നോ \"

\"എവിടുന്ന് എന്റെ റീത്താമ്മച്ചിയുടെ സ്പെഷ്യൽ കഴിക്കാനല്ലേ ഞാൻ ബാംഗ്ലൂരുന്നു ഇങ്ങോട്ടിടക്കിടക്കുഓടിവരുന്നത് \"

\"അതെനിക്കങ് സുഗിച്ചടീ കൊച്ചേ \"

\" എങ്കിൽ വാ എന്റെ റീത്താമ്മച്ചി \" അതുംപറഞ്ഞ് അവൾ  റീത്താമ്മയെ ഉന്തിത്തള്ളി അടുക്കളയിലേക്കുകൊണ്ടുപോയി ... അതുവരെ അവരുടെ സംസാരം കേട്ട് ചിരിയോടെനിന്ന അച്ചായന്റെ മുഖത്തെ പുഞ്ചിരിമാഞ്ഞു ... എന്തോ ഓർത്തു അയാളുടെ കണ്ണുകൾ ചെറുതായി നിറഞ്ഞു 

::::::::::::::::::::::::::::::::::::::::::::::::::::::::::::::::::

\"ഇന്ന് പുട്ടും കടലക്കറിയുമാണ് ... ഏട്ടന് ഇഷ്ടമാണോ എന്തോ \"... ഓരോ ആലോചനയോടെ വെന്തപുട്ട് കുത്തിവയ്ക്കുമ്പോഴാണ് രണ്ടുകൈകൾ വന്ന് ഇടുപ്പിലൂടെ ചുറ്റിവരിഞ്ഞ്‌ തോളിലേക്ക് തലചേർത്തത് ... 

അവൾ തലചരിച്ച് അവന്റെ മുഖത്തേക്കുനോക്കി ... ഉറക്കത്തീന്ന് എഴുനേറ്റുള്ള വരവാണ് ... മുടിമുഴുവനും അലസമായി നെറ്റിയിൽ വീണുകിടപ്പുണ്ട് ... നിറയേ പീലിയുള്ള കുഞ്ഞികണ്ണാണ് ... കട്ടിയുള്ള മീശയും താടിയും ... അതിനുള്ളിൽ ഒളിഞ്ഞിരിക്കുന്ന ഇളം ചുവന്ന ചുണ്ടുകൾ ... അവന്റെ മുഖത്തേക്ക്‌കണ്ണെടുക്കാതെ നോക്കിനിൽക്കുകയാണ് ജാനി 

\"സ്വന്തം ഭർത്താവിനെ ഇങ്ങനെ ഊറ്റാതെ ജാനിപെണ്ണേ\" അവനത് പറഞ്ഞതും അവൾ ചമ്മിക്കൊണ്ട് നോട്ടം മാറ്റി 

\"എന്താണ് എന്റെ പെണ്ണ് വലിയ പാചകത്തിലാണല്ലോ \"

\"മ്മ്മ്.... പുട്ടും കടലക്കറിയുമാ ഏട്ടന് ഇഷ്ട്ടമാണോ \"

\"എന്റെ പെണ്ണ് എന്തുണ്ടാക്കിയാലും എനിക്കിഷ്ടമാ \" അവനങ്ങനെ പറഞ്ഞതും ജാനിയുടെ കണ്ണുകൾ വിടർന്നു

\" ആണോ ഏട്ടന് വിശക്കുന്നുണ്ടോ എന്നാ വേഗം ഫ്രഷായി വാ ഞാൻ കഴിക്കാനെടുക്കാം \"

സന്തോഷത്തോടെയുള്ള ജാനിയുടെ പറച്ചിൽ കേട്ടതും ഭദ്രന്റെയുള്ളിൽ തന്റെ പെണ്ണിനോടുള്ള പ്രണയം നിറഞ്ഞു

\"നല്ല വിശപ്പുണ്ട് പക്ഷേ ആ വിശപ്പ്‌മാറ്റാൻ എന്റെ ജാനിപ്പെണ്ണിന് മാത്രമേ പറ്റൂ \" ജനിയുടെ ചുണ്ടിൽ തഴുകി അവനത് പറഞ്ഞതും അവളുടെ ശരീരമൊന്ന് വിറച്ചു .... അതേ വിറയാലോടെ അവളവന്റെ കയ്യിൽ പിടിച്ചു.....

\"ഏട്ടാ... വേ... വേണ്ട \"

\"എന്റെ പെണ്ണെ നീ ഇങ്ങനെ വിറക്കാതെ ഞാൻ നിന്നെ ഇപ്പോ ഒന്നും ചെയ്യില്ല...പക്ഷേ....\" അതും പറഞ്ഞ് അവൻ അവളെ ഇടുപ്പിൽ പിടിച്ച് തന്റെ ദേഹത്തേക്കടുപ്പിച്ചു... അവളുടെ മാറുകൾ അവന്റെ നെഞ്ചിലായി അമർന്നതും രണ്ടുപേരുടെയും ദേഹമൊന്ന് കുളിർത്തു.....

\"പക്ഷേ.... അധികം താമസിക്കാതെ എന്റെ പൊന്നിന്റെ ഈ ഉടലുമുഴുവനും എന്റെ ചുണ്ടുകൾ കൊണ്ടും നാവുകൾ കൊണ്ടും നുണഞ്ഞെടുത്ത്.... കൈകൾകൊണ്ട് തഴുകിയുണർത്തി... ഒടുക്കം എന്റെ പ്രണയവും കാമവും നിന്റെയുള്ളിൽ നിറച്ച് ഞാൻ നിന്നെ സ്വന്തമാക്കും.... കാത്തിരുന്നോ എന്റെ പെണ്ണ് \"...

കാറ്റുപോലെ രഹസ്യമായി ജാനിയുടെ ചെവിയിൽ അതും പറഞ്ഞ് ഞെട്ടിത്തറഞ്ഞു കണ്ണുംമിഴിച്ചുനിൽക്കുന്ന അവളുടെ ചുണ്ടിൽ അമർത്തിയൊന്ന് മുത്തിയശേഷം അവൻ ഒരു തോർത്തുമെടുത്ത് കുളിക്കാനായി പോയി

അവൻ പറഞ്ഞ വാക്കുകൾ ഓർക്കുംതോറും അവളുടെ ദേഹം കിടുകിടുത്തു.... ചുണ്ടിൽ നാണത്തോടെ ഒരു പുഞ്ചിരി തെളിഞ്ഞു.... കവിളുകൾ രക്തവർണമായി....

\"ശോ... ഈ ഏട്ടൻ.... എന്റെ കൃഷ്ണാ ഞാൻ ഇനി എങ്ങനെ ആ മുഖത്തുനോക്കും... അയ്യേ....\"

അതോർക്കുംതോറും അവൾക്ക് ചമ്മലും നാണവും അടക്കാനായില്ല

കുളികഴിഞ്ഞ് ഭദ്രൻ വരുന്നസമയം ജാനി അവനുമുന്നിൽ പെടാതെ ഒളിച്ചുകളിക്കുവാണ് ..... അതിന്റെ കാരണമെന്താണെന്ന് അവന് മനസ്സിലായിരുന്നു ..... കഴിക്കാൻ വന്നിരുന്ന സമയത്തും അവനുള്ള ഫുഡ് ടേബിളിൽ വച്ചശേഷം അവൻ അടുക്കളയിൽ നിന്നതേ ഉളളൂ .... പക്ഷെ ചെക്കൻ ചെന്ന് കയ്യോടെപിടിച്ച് അടുത്തുകൊണ്ടുവന്നിരുത്തി അവൾക്കും വിളമ്പി കൊടുത്തു .... 

കഴിക്കുന്നസമയത് അവൾ അടുത്തുവേണമെന്നുള്ളത് അവന് നിർബന്ധമാണ് .... ഇല്ലെങ്കിൽ അവന്റെ സ്വഭാവം മാറും 

കഴിക്കാൻ മടിച്ചിരുന്നവളെ കണ്ണുരുട്ടി പേടിപ്പിച്ചതും അവൾ വെപ്രാളത്തോടെ കഴിക്കാൻ തുടങ്ങി .... പേടിച്ചുള്ള ജാനിയുടെ കഴിപ്പുകണ്ടതും അവന് ചിരിവരുന്നുണ്ടാരുന്നു ..... 

അടുക്കളയിൽ വച്ച് ഭദ്രൻ പറഞ്ഞതൊക്കെ ഓർക്കുമ്പോൾ ചമ്മൽ കാരണം അവന്റെ മുഖത്തേയ്ക്കു നോക്കുന്നില്ല അവൾ .... എന്നാൽ അവനാണെങ്കിൽ അങ്ങനൊരു സംഭവമേ നടന്നിട്ടില്ല എന്നരീതിയിലാണ് കഴിക്കുന്നത് ..... അതൊരുതരത്തിൽ അവൾക്കു വലിയ ആശ്വാസമായിരുന്നു 

ഫുഡ് എല്ലാം കഴിഞ്ഞ് മില്ലിലേക്ക് പോകാനിറങ്ങിയതാണ് ഭദ്രൻ 

\"ജാനിപെണ്ണേ ഉച്ചക്ക് ഞാൻ വരും കേട്ടോ ഇന്ന് ലോഡ് പോകും .... അതുകഴിഞ്ഞ് അപ്പൊത്തന്നെ വരാം \".... അടുക്കളയിൽ കഴിച്ച പത്രം കഴുകികൊണ്ടുനിൽക്കുന്ന ജാനിയുടെ അടുത്തുചെന്നുനിന്നാണ് സംസാരം 

\"ഇന്ന് പോണോ ഏട്ടാ മുറിവ് നന്നായിട്ട് ഉണങ്ങികാണില്ലല്ലോ ....\" അവന്റെ നെറ്റിയിലെ മുറിവിലേക്കുനോക്കി സങ്കടത്തോടെയുള്ള അവളുടെ പറച്ചിലുകെട്ടതും അവൻ അവളെ തന്റെ നെഞ്ചിലേക്ക് ചേർത്തുപിടിച്ചു 

\"എന്റെ ജാനിപെണ്ണേ എനിക്കെ ഈ ചെറിയമുറിവൊക്കെ തൂവലുപോലെ നിസാരമാ ..... എന്റെ ശരീരം മുഴുവനും തുന്നിക്കെട്ടേണ്ടിവന്നാലും ഭദ്രന് ഒരുതുള്ളി നോവില്ല \"... അവൻ തമാശപോലെ അങ്ങനെ പറഞ്ഞതും അവൾ പെട്ടെന്നവന്റെ വായ്പൊത്തി 

\"ഏട്ടന് നോവില്ലായിരിക്കും .... പക്ഷെ .... ഈ ജാനിയുടെ നെഞ്ചിൽനിന്നാ ചോരപൊടിയുന്നെ.... വേദന... വേദന മുഴുവൻ എനിക്കാ ഏട്ടാ ....\" കണ്ണുനിറച്ചുകൊണ്ട് അവളതുപറഞ്ഞതും ഭദ്രൻ അവളെ വാരിപ്പുണർന്നു അവളുടെ മുഖം മുഴുവൻ ചുംബനം കൊണ്ട് മൂടി ..... താൻ കാരണം തന്റെ പെണ്ണ് വേദനിക്കുന്നത് അവന് സഹിക്കാനായില്ല 

\"കരയല്ലേ പൊന്നാ.....അങ്ങനൊന്നും ഇനി ഉണ്ടാവില്ല പെണ്ണേ... നീ കരയുമ്പോൾ എന്റെ ചങ്കാടീ  കത്തുന്നെ\" അപേക്ഷ പോലുള്ള അവന്റെ സ്വരം കേട്ടതും ജാനി അവന്റെ മുഖത്തേക്കുനോക്കി ..... കുറച്ചുമുന്നേ തന്നെ നോക്കിപ്പേടിപ്പിച്ച ആളാ ഇപ്പോ ദേ ഇങ്ങനെ നിൽക്കുന്നെ.... 

പാവം സ്നേഹം എന്താണെന്ന് അറിയാതെ വളർന്ന മനുഷ്യനാ ..... ഇപ്പൊ ഞാനാ ഈ തെമ്മാടിയുടെ ലോകം .... സ്നേഹിക്കണം ഒരുപാട് ഒരുപാട് സ്നേഹിക്കണം എനിക്ക് ...... അവൾക്ക് അവനോട് ഒരുപാട് ഇഷ്ടം തോന്നി .... പ്രണയം തോന്നി .... വാത്സല്യം തോന്നി .... 

\"ഇനി കുടിക്കുമോ \"... പെട്ടന്നുള്ള ജാനിയുടെ ചോദ്യം കേട്ടതും അവൻ കണ്ണുമിഴിച്ച് അവളുടെ മുഖത്തേക്ക് നോക്കി 

\" എന്താ \" അവൾ പറഞ്ഞത് അനസിലാവാതെ അവൻ ഒന്നുംകൂടി അവളോട്‌ ചോദിച്ചു 

\" ഇനി കുടിക്കുമോന്ന് ..... ഇന്നലെ ഏട്ടൻ കുടിച്ചിട്ടല്ലേ വന്നത് ..... ഇനി കുടിച്ചിട്ടുവന്നാ എന്നെ ഉമ്മവെക്കാൻ ഞാൻ സമ്മതിക്കില്ല  നോക്കിക്കോ \"......ഒരുപേടിയും കൂടാതെ അൽപ്പം കുസൃതിയോടെ ജാനി ആദ്യമായിട്ടായിരുന്നു അവനോട്  സംസാരിക്കുന്നത് ..... കുറുമ്പൊടുകൂടിട്ടുള്ള അവളുടെ വർത്തമാനം കേട്ടതും ഭദ്രന്റെ ചുണ്ടിലൊരു പുഞ്ചിരിവിരിഞ്ഞു

\"അപ്പൊ കുടിക്കാതെയിരുന്നാൽ ഉമ്മവയ്ക്കാൻ സമ്മതിക്കുമല്ലേ .... അങ്ങനെയാണെങ്കിൽ ഞാൻ ഇപ്പൊ ഒരുതുള്ളികഴിച്ചിട്ടില്ല ... ഉമ്മവയ്ക്കട്ടെ \".... അവളെ നെഞ്ഞോടുചേർത്ത് ചുണ്ടിൽ തഴുകി അവൻ ചോദിച്ചതും അവളുടെ ഹൃദയം പടാപടാന്ന്ഇടിക്കാൻതുടങ്ങി .... തന്റെ നെഞ്ചോട് ചേർന്നിരിക്കുന്നതുകൊണ്ടുതന്നെ ഭദ്രനത് അറിയാൻ പറ്റുന്നുണ്ടാരുന്നു..... അതറിഞ്ഞതും അവൻ വലതുകൈയെടുത്ത് അവളുടെ ഹൃദയത്തിലേക്ക് ചേർത്തുവച്ചു 

\"എന്റെ പെണ്ണേ ഇതിങ്ങനെ ഇടിച്ചുപൊട്ടിക്കല്ലേ .... എനിക്കുവേണുന്നതാ .... ഇതില്ലെങ്കിൽ ഇനി എന്റെ ജാനിപ്പെണ്ണിന്റെ തെമ്മാടിയും കാണില്ല \"..... അതുകേട്ടതും അവളൊന്നുഞെട്ടി അവന്റെ മുഖത്തേക്കുനോക്കി 

\"ഞെട്ടണ്ട രാവിലെ പറഞ്ഞതൊക്കെ ഞാൻ കേട്ടു .... ഞാൻ തെമ്മാടിയാണെന്നോ .... എന്നെ ശരിയാക്കുമെന്നോ .... \".... അവനതുപറഞ്ഞതും ചമ്മലുകാരണം അവൾ പെട്ടെന്ന് മുഖം അവന്റെ ഞെഞ്ചിലേക്കൊളുപ്പിച്ചു 

\"ചമ്മണ്ട .... ജാനിപ്പെണ്ണിന് എന്നെ എന്തുംപറയാം ... നീ എന്റെ പൊന്നല്ലേടീ .... ഇനിയിപ്പോ ഞാൻ വല്ല തെമ്മാടിത്തരം കാണിച്ചാലും നീ എന്നെ എന്തുവേണമെങ്കിലും ചെയ്തോ .... നിനക്കുമാത്രമല്ലേ അതിനുള്ള അവകാശമുള്ളൂ \"..... അവനത്രയും പറഞ്ഞതും അവൾ അവന്റെ നെഞ്ചിലായൊരു ചുംബനം നൽകി .... തന്റെ കണ്ണുകളടച്ചു ഒരു നിർവൃതിയോടെ ഭദ്രൻഅത് സ്വീകരിച്ചു .... അല്പസമയം കഴിഞ്ഞു ഒര് കാൾ വന്നപ്പോഴാണ് അവൾ പിന്നെ അടർന്നുമാറിയത് .... ജാനിയുടെ നെറ്റിയിലൊരു ചുംബനവും കൊടുത്ത് അവളോട്‌ യാത്രയും പറഞ്ഞ് അവൻ മില്ലിലേക്ക്പോയി 

:::::::::::::::::::::::::::::::::::::::::::::::::::::

രാവിലത്തെ ഫുഡ്‌ കഴിച്ചശേഷം തന്റെ സ്കൂട്ടിയുടെ ചാവിയുമെടുത്ത് പുറത്തേക്കുപോകാൻ നേരമാണ് നാൻസിയെ അച്ചായൻ കാണുന്നത്

\"നീയിത് എങ്ങോട്ടാടീ കൊച്ചേ രാവിലെ \"

\"എനിക്കെ അത്യാവശ്യമായിട്ടൊരു ആളെകാണാനുണ്ട് ...... അല്ല ഇന്ന് അച്ചായന്റെ ബോഡിഗാർഡിനെ കണ്ടില്ലല്ലോ .... ആളിന് ലീവാ \"

\"നീ ആരെയാ ഉദ്ദേശിച്ചത് ഭദ്രനെ ആണോ \"

\"പിന്നല്ലാതെ വേറെ ആരെയാ ..... 24 മണിക്കൂറും ബോഡിഗാർഡിനെപ്പോലെ കൂടെകാണുന്നതല്ലേ അതാ ഞാൻ ചോദിച്ചത് \"........ അതും കേട്ടുകൊണ്ടാണ് റീത്താമ്മ അങ്ങോട്ടേക്ക് വന്നത് 

\"അതൊക്കെ പണ്ടത്തെ ഭദ്രൻ ഇപ്പോഴേ അവനൊരു കുടുംബമായി പൊന്നുമോള് അതറിഞ്ഞില്ലായിരുന്നു അല്ലെ \" റീത്താമ്മ പറഞ്ഞത് മനസിലാകാതെ അവളൊരു സംശയത്തോടെ അവരുടെ മുഖത്തേക്കുനോക്കി 

\"കുടുംബമോ തെളിയിച്ചുപറ റീത്താമ്മേ \"..... പിന്നീട്‌റീത്താമ്മ ഭദ്രൻ ജാനിയെ കണ്ടതും ... കല്യാണം കഴിഞ്ഞതും ... അങ്ങനെ അവർക്കറിയാവുന്ന കാര്യങ്ങളെല്ലാം പറഞ്ഞു ..... പക്ഷെ മാർക്കോസിനെപറ്റിയുള്ള കാര്യങ്ങളൊന്നും റീത്താമ്മക്കോ അച്ചായനോ അറിയില്ല .... ഭദ്രനും മഹിക്കും വിപിനും പിന്നെ അപ്പുവിനും മാത്രമേ ആ കാര്യങ്ങൾ അറിയൂ ..... ഒരു പ്രതേക സാഹചര്യത്തിൽ അവളെ വിവാഹം കഴിക്കേണ്ടിവന്നു എന്നുമാത്രമാണ് അവൻ അവരോടൊക്കെ പറഞ്ഞിരിക്കുന്നത് 

കാര്യങ്ങളെല്ലാം അറിഞ്ഞതും നാൻസി വേഗം തിരിഞ്ഞു തന്റെ റൂമിലേക്കുപോയി ....

\"അല്ല നിനക്കാരെയോ കാണാനുണ്ടെന്ന് പറഞ്ഞിട്ട് \"

\"എനിക്കെന്തോ ഒരുതലവേദനപോലെ കുറച്ചുകഴിഞ്ഞുപോകാം \"..... അത്രയും പറഞ്ഞു റൂമിൽ കയറി വാതിലടച്ചതും അവൾ ബെഡിലേക്കൊരു വീഴച്ചയായിരുന്നു .... കേട്ടകാര്യങ്ങളൊന്നും അവൾക്ക് സഹിക്കാനായില്ല 

\"ഇച്ചായൻ വേറെ ഒരുപെണ്ണിനെ മിന്നുകെട്ടിയെന്നോ ... അതെങ്ങനെ ശരിയാകും .... ഇച്ചായൻ എന്റെയല്ലേ .... രണ്ടുവർഷമായി ഞാൻ മനസ്സിൽ കൊണ്ടുനടക്കുന്നതാ ..... പെട്ടെന്നൊരുത്തിവന്നുകയറിയാ ഞാൻഅങ്ങ് സമ്മതിച്ചുകൊടുക്കുമെന്നുകരുതിയോ \" ..... പരസ്പരബന്ധമില്ലാതെ അവൾ എന്തൊക്കെയോ പുലമ്പിക്കൊണ്ടിരുന്നു ...... അപ്പോഴാണ് ഭദ്രന് ജാനിയെ ഒരു പ്രതേകസാഹചര്യത്തിലാണ് കല്യാണം കഴിക്കേണ്ടിവന്നതെന്ന് റീത്താമ്മ പറഞ്ഞത് അവൾക്ക് ഓർമവന്നത് 

\"അപ്പൊ പ്രണയവിവാഹമൊന്നുമല്ല .... സാഹചര്യം കൊണ്ട് കെട്ടേണ്ടിവന്നതാ ... അപ്പൊ പിന്നെ പ്രശ്നമില്ല അവരുതമ്മിൽ വലിയ ബന്ധമൊന്നും കാണില്ല...  ഇച്ചായന്‌ അങ്ങനെ പെട്ടന്നൊരുപെണ്ണിനെയൊന്നും സ്നേഹിക്കാനും പറ്റില്ല ... ഇതിപ്പോ 10 ദിവസമല്ലേ ആയിട്ടുള്ളു കല്യാണം കഴിഞ്ഞിട്ട് ..... ആദ്യം ആ ജാനകിയെ ഒന്ന് കാണണം .... എന്റെ ഇച്ചായന്റെ ജീവിതത്തിൽനിന്ന് ഒഴിഞ്ഞുപോകാൻ പറയണം ....  എന്തൊക്കെയോ തീരുമാനിച്ചുറപ്പിച്ചിരുന്നു നാൻസി 

തുടരും 

:::::::::::::::::::::::::::::::::::::::::::::::::::::::::::