🍁അനന്തഭദ്രം🍁 ഭാഗം 14

ആ ബലിഷ്ഠമായ കൈകൾക്കുള്ളിൽ കിടന്ന് ശ്വാസം കിട്ടാതെ ലീന പിടഞ്ഞു... അവളുടെ മൂക്കിൽ നിന്നും രക്തം അയാളുടെ വീരലീലുടെ ഒലിച്ചിറങ്ങി...

 എന്തോ നനവ് തട്ടിയതും അയാൾ പെട്ടെന്ന് ലീനയിൽ മേൽ ഉണ്ടായിരുന്ന പിടി അയച്ചു.... ഒരു മറച്ചിലോടെ ലീന അയാൾക്ക് എതിർവശമായി നിന്നു.... മുന്നിൽ നിൽക്കുന്നവനെ കണ്ടതും പറഞ്ഞറിയിക്കാൻ കഴിയാത്ത ഒരു വികാരം ലീനയിൽ ഉടലെടുത്തു....

\"കാർത്തി.... \"ലീന അമ്പരപ്പോടെ വിളിച്ചു....

 പക്ഷേ കാർത്തിയുടെ ശ്രദ്ധ ഇപ്പോഴും ലീനയുടെ മൂക്കിൻ തുമ്പിൽ പൊടിഞ്ഞ രക്തത്തുള്ളികളിൽ ആയിരുന്നു..... അവൻ അവളെ ചേർത്ത് നിർത്തി മൂക്കിൽ തുമ്പിൽ പൊടിഞ്ഞ രക്തത്തുള്ളികൾ കൈകൊണ്ട് തുടച്ചു.... പേടി കൊണ്ട് അവന്റെ കൈകാലുകൾ വിറയ്ക്കുന്നുണ്ടായിരുന്നു അപ്പോൾ

 \"എന്തായിത്.... മൂക്കിന്ന് ബ്ലഡ് വരുന്നുണ്ടല്ലോ....?\"\"

\"\"ഓ... അതാണോ വലിയ കാര്യം.... എന്നതാ ഇച്ചായാ ഇങ്ങനെ പേടിക്കാതെ.... ഒന്നുമില്ലെങ്കിൽ ഒരു കോട്ടയംകാരൻ നസ്രാണി ഇങ്ങനെ പേടിക്കുന്നു എന്ന് പറഞ്ഞാൽ അത് നാണക്കേടാട്ടോ നമ്മൾ കോട്ടയംകാർക്ക്.... \"\"ലീന കുറുമ്പോടെ അവന്റെ തോളിലായി പിടിച്ചു കൊണ്ട് പറഞ്ഞു......

\"\" ദേ പെണ്ണെ കളിക്കേണ്ട സമയമല്ലേ ഇത്... എന്താ നിനക്ക് പറ്റിയേ...? \"\"അവൻ അവളുടെ തലമുടിയിൽ തഴുകി കൊണ്ട് ചോദിച്ചു...

\"\" അതൊന്നുമില്ല കാർത്തി.... ഇത് ഇടയ്ക്കിടയ്ക്ക് ഉണ്ടാക്കുന്നതാ... തണുത്ത സ്ഥലത്ത് നിൽക്കുമ്പോൾ മൂക്കിലെ ഞരമ്പ് പൊട്ടുന്നതാ.. ഇപ്പോ നീ ചുറ്റിപ്പിടിച്ച് മൂക്ക് പോത്തിയപ്പോൾ മൂക്കിനുള്ളിലെ പ്രഷർ കൂടിയതാ... അപ്പോ ഏതെങ്കിലും കുഞ്ഞു ഞരമ്പ് പൊട്ടിക്കാണും.... അതാ ബ്ലഡ് വന്നത്. അല്ലാതെ കാർത്തി ഇങ്ങനെ പേടിക്കാൻ മാത്രം ഒന്നുമില്ല ......\"\"

\"\" ഓ അതാണോ... മനുഷ്യന്റെ നല്ല ജീവൻ അങ്ങ് പോയി.... \"\"കാർത്തി നെടുവീർപ്പിട്ടു......

\"\" അല്ല അതവിടെ നിൽക്കട്ടെ എങ്ങനെയാ ഇവിടെ വന്നേ... ഇന്നലെ വിളിച്ചിട്ടും ഒരു സൂചന പോലും തന്നില്ലല്ലോ....\"\"

\" നിനക്കൊരു സർപ്രൈസ് ആയിക്കോട്ടെ എന്ന് വിചാരിച്ചു... ബാംഗ്ലൂരിൽ നിന്ന് നേരെ ഇങ്ങോട്ടേക്ക് വണ്ടി കയറി... ഇനി വേണം നാട്ടിൽ ചെന്ന് അപ്പച്ചനെയും അമ്മച്ചിയെയും ഒക്കെ ഒന്ന് കാണാൻ....\"

\" സത്യം ആണോ ഇങ്ങോട്ടാ ആദ്യം വരുന്നത്...?... \"കാർത്തിക്ക് അരികിലേക്ക് ചേർന്നു നിന്നുകൊണ്ട് ലീന ചോദിച്ചു..

\" പിന്നെ അല്ലാതെ... എത്ര നാളായി നിന്നെ ഒന്ന് കണ്ടിട്ട്.... കഴിഞ്ഞ രണ്ടുവർഷം നിന്നെ ഒന്ന് നേരിൽ കാണാൻ കഴിയാതെ ഞാൻ എത്ര വിയർപ്പ് മുട്ടി എന്ന് അറിയോ നിനക്ക്.... ലീവ് കിട്ടിയപ്പോൾ അപ്പോ തന്നെ തീരുമാനിച്ചു... എന്റെ പെണ്ണിനെ വന്ന് കണ്ടിട്ടേ ഉള്ളൂ കാര്യം എന്ന്.... നിന്നെ കാണാതെ എനിക്ക് പറ്റുന്നില്ലടി....\"\'

 തന്റെ കൈയ്ക്ക് ഉള്ളിലേക്ക് അവളെ ചേർത്ത് പിടിച്ചു കൊണ്ട് അവൻ അവളുടെ നെറുകയിൽ ചുംബിച്ചു.... പെണ്ണ് നാണത്തോടെ തലതാഴ്ത്തി....

 🔸കാർത്തി സാമുവൽ...🔸 സാമുവൽ ജോസഫിന്റെയും എമിലി റോസിന്റെയും ഒരേ ഒരു പുത്രനാണ് കാർത്തി സാമുവൽ...

 കുട്ടിക്കാലം മുതൽക്കേ ലീനയും കാർത്തിയും നല്ല സൗഹൃദത്തിലായിരുന്നു .ഇടയ്ക്ക് എപ്പോഴോ അത് പ്രണയമായി വളരുകയും ചെയ്തു....

ലീനയുടെ അപ്പൻ റോയിയും കാർത്തിയുടെ അപ്പൻ സാമുവലും കുട്ടിക്കാലം മുതലേ സുഹൃത്തുക്കളാണ്.... അവരുടെ സൗഹൃദം ഒന്നുകൂടി ഉറപ്പിക്കാൻ എന്നവണ്ണം കാർത്തിയെ ലീനയ്ക്ക് പറഞ്ഞുവെച്ചു.... ലീനേക്കാളും നാലു വയസ്സു മൂത്തതാണ് കാർത്തി... ബാംഗ്ലൂരിൽ ഒരു പ്രമുഖ ഡിസൈനർ കമ്പനിയിൽ മാനേജർ ആയി കാർത്തി ജോലിക്ക് കയറിയിട്ട് രണ്ടുവർഷം തികയുന്നതേയുള്ളൂ....

 ജോലിത്തിരക്കിനിടയിൽ നാട്ടിലേക്ക് വരാൻ അവന് കഴിഞ്ഞില്ല..... കാർത്തി ബാംഗ്ലൂർക്ക് പോയി കുറച്ച് നാളുകൾ കഴിഞ്ഞപ്പോൾ തന്നെ ലീന എം ബി ബി എസിന് ചേർന്നു...... അതോടെ അടുത്തുണ്ടായിരുന്ന അവരുടെ പ്രണയം ഒരുപാട് അകലങ്ങളിലേക്ക് പോയി....


 പ്രണയം എന്തെന്നും പ്രണയത്തിന്റെ സൗന്ദര്യം എന്തെന്നും ഇരുവരും തിരിച്ചറിഞ്ഞത് അകലെ നിന്നു പ്രണയിച്ച ഈ രണ്ടുവർഷം കൊണ്ടായിരുന്നു......


 ഒരുപാട് നേരമായി ലീനയെ കാണാത്തതുകൊണ്ട് വാഷ് റൂമിലേക്ക് അവളെ അന്വേഷിച്ച് വന്നതായിരുന്നു പൂജ... അവിടെ കണ്ട കാഴ്ച പൂജയെ അക്ഷരാർത്ഥത്തിൽ ഞെട്ടിച്ചു.... പരസ്പരം പുണർന്നു നിൽക്കുന്ന കാർത്തിയും ലീനയും...

\"ലീനേ....\"\"\'\'\'\'

 പൂജ ഉറക്കെ വിളിച്ചതും ഇരുവരും ഞെട്ടലോടെ അകന്നു മാറി.... പൂജ ഈ കാഴ്ച കണ്ടത്തിന്റെ ചമ്മല് മറക്കാൻ ലീന നല്ല രീതിയിൽ പാടുപെടുന്നുണ്ട്.....

 \"\"നീ നോക്കണ്ട കാർത്തിയാ..\"\".

 സംശയത്തോടെ കാർത്തിയെ നോക്കി നിൽക്കുന്ന പൂജയെ കണ്ട് ലീന പറഞ്ഞു...

കാർത്തിയാണ് മുന്നിൽ നിൽക്കുന്നത് എന്ന് മനസ്സിലാക്കിയതും പൂജ ചമ്മിയ മുഖത്തോടെ അവരെ നോക്കി... 

\"എനിക്കൊരു സംശയം തോന്നി.... ലീന ഫോട്ടോ കാണിച്ചിട്ടുണ്ട്... നമ്മള് നേരിട്ട് ആദ്യായിട്ടല്ലേ കാണുന്നത് അതാ എനിക്ക് മനസ്സിലാകാതെ പോയത്... അല്ല ഇതെപ്പോ ബാംഗ്ലൂരിൽ നിന്ന് ലാൻഡ് ചെയ്തു....?\"\"

\"\" നീ എന്താടി കാർത്തിച്ചായൻ വരുന്ന കാര്യം പറയാതിരുന്നത്...? \"പൂജ ലീനയെ നോക്കി പേടിപ്പിച്ചു....

 ആ നോട്ടം കണ്ടതും കാർത്തിപൂജയ്ക്ക് അരികിലേക്ക് വന്ന് കൈ നീട്ടി...

\"\" ഹായ് പൂജ... \"\"അവളും അവന് കൈ കൊടുത്തു...

\"\" അവൾക്കറിയില്ല പൂജ... ഞാനൊരു സർപ്രൈസ് കൊടുക്കാൻ വന്നതാ... ടൗണിൽ ഇറങ്ങി നിങ്ങടെ വീട്ടിലേക്ക് പോകാൻ നിന്നപ്പോളാ നിങ്ങളെല്ലാവരും കൂടി ഈ റസ്റ്റോറന്റിലേക്ക് കയറുന്നത് കണ്ടത്.... അപ്പോ പിന്നെ ഞാനും പുറകെ കൂടി...\"\".

\"\" അതു കൊള്ളാം...... ഒരുപാട് നേരായിട്ട് ഇവളെ കാണാത്തതുകൊണ്ട് തിരക്കി വന്നതാ ഞാൻ വാ.. അങ്ങോട്ട് പോകാം എല്ലാവരും അവിടെയുണ്ട്.....\"\"

 പൂജയും ലീനയും കാർത്തിയും കൂടി അവർക്ക് അരികിലേക്ക് ചെന്നു.... ലീന എല്ലാവരെയും കാർത്തിക്ക് പരിചയപ്പെടുത്തി... കാർത്തിയെ തിരിച്ചും.... അപ്പോഴേക്കും ഓർഡർ ചെയ്ത ഫുഡ് വന്നിരുന്നു ...അവരെല്ലാവരും കൂടിയിരുന്ന് ഫുഡ് കഴിച്ച ശേഷമാണ് പിരിഞ്ഞത്.... കാർത്തി നേരെ കോട്ടയത്തേക്ക് പോയി... പിരിയാൻ നേരം അവനെ കെട്ടിപ്പിടിച്ച് കുറെ നേരം ലീന പരിസരം മറന്നു നിന്നു....

 ലീനക്ക് കാർത്തിയോടുള്ള അടുപ്പം കണ്ടതും ഭദ്രയുടെ കണ്ണുകൾ സന്തോഷത്താൽ നിറഞ്ഞു......

തനിക്ക് ചുറ്റും ജോഡികളാണ്... ഭദ്ര ഒരുവേള എല്ലാവരെയും നോക്കി...

🔸ഷഹനയും ജോയിയും.... മതത്തെ മറന്നു പ്രണയിച്ചവർ... ഓരോ നിമിഷവും ജോയ് ഷഹനയെ ചേർത്ത് പിടിക്കുമ്പോൾ ഒരു മതം കൊണ്ടും അവരെ പിരിക്കാൻ കഴിയില്ല ഇന്നവർ ഓരോ തവണയും തെളിയിച്ചു...

 🔸പൂജയും ഋഷിയും..... പ്രണയത്തിന്റെ ആദ്യ നാമ്പ് പൊട്ടി തുടങ്ങിട്ടെ ഉള്ളൂ എങ്കിലും ജന്മങ്ങൾ നീണ്ടുനിന്ന പരിചയം ഉള്ളതുപോലെയാണ് ഇരുവരും.... സ്നേഹിക്കാൻ പ്രണയിച്ചു തീർക്കാൻ ഒരു ജന്മം അവരുടെ മുന്നിൽ ബാക്കിയാണ്....

🔸 കാർത്തിയും ലീനയും.... അരികിൽ നിന്ന് അകലങ്ങളിലേക്ക് കൂടു മാറിയെങ്കിലും സ്നേഹത്തിന്റെ ആഴം ഇന്നും അവർക്കിടയിൽ ഒരുപോലെ നിൽക്കുന്നു......

 ഭദ്ര ഒരുവേള തന്നെ കുറിച്ച് ആലോചിച്ചു.... പ്രണയം കൊണ്ട് മുറിവേറ്റവൾ... സ്നേഹിച്ചവന്റെ കൂടെ ഒരു ജീവിതം മാത്രമേ ആഗ്രഹിച്ചിരുന്നുള്ളൂ.... വിധി ആ ആഗ്രഹത്തെ തട്ടിത്തെറിപ്പിച്ച് മുന്നോട്ട് നീങ്ങി.... വീണ്ടും വീണ്ടും പഴയതെല്ലാം ഉള്ളിലേക്ക് ഇറങ്ങുമ്പോൾ ഒരു നീറ്റൽ ഉടലെടുക്കുന്നത് അവൾ അറിഞ്ഞു....

 ഒരുവേള അരുണിനെ ഒന്നു നോക്കി... കാർത്തിയുടെയും ലീനയുടെയും പ്രകടനം കണ്ട് കണ്ണ് നിറച്ചു നിൽക്കുകയാണ് അരുൺ.. അവന്റെ നിൽപ്പ് കണ്ടതും ഭദ്രക്ക് ചിരി വന്നു... ചെറുക്കന്റെ മനസ്സ് മുഴുവൻ ഇപ്പോൾ വേദികയാണ്....

 ആദ്യം അവന് അതൊരു തമാശയാണ് എന്നായിരുന്നു എല്ലാവരും കരുതിയത്...... പക്ഷേ പിന്നീട് മനസ്സിലായി ചെക്കൻ സീരിയസാണ്.... ആ പട്ടാളക്കാരന്റെ അടിയും കൊണ്ട് സീരിയസ് ആയി ആശുപത്രിയിൽ കിടക്കാനുള്ള പരിപാടി ആണെങ്കിൽ അത് നടക്കട്ടെ എന്ന് ബാക്കി എല്ലാവരും വച്ചു... വിധിയെ തടുക്കാൻ കഴിയില്ലല്ലോ....

 ജോയിയുടെയും ഷഹനയുടെയും പ്രണയവിവരം ഷഹനയുടെ വീട്ടിൽ അറിയുമ്പോൾ ഒരു ബെഡ് എന്തായാലും ജോയിക്ക് ആശുപത്രിയിലെ ഐ സി യുവിൽ ബുക്ക് ചെയ്യണം... എന്നാപ്പിന്നെ തൊട്ടടുത്ത് ഒരെണ്ണം അരുണിനും ഇരിക്കട്ടെ എന്ന് എല്ലാവരും കരുതി...... അതേതു വഴി പോകുമെന്ന് കണ്ടറിയാം....


 അരുണും ജോയി ബോയ്സ് ഹോസ്റ്റലിലേക്ക് തിരിച്ചു പോയി.... കാർത്തിക്കിനെ കോട്ടയത്തേക്കുള്ള ബസ്സ് കയറ്റി വിട്ടശേഷം മൂന്നു പേരെയും സുരക്ഷിതമായി ഋഷി വീട്ടിലെത്തിച്ചു...... അപ്പോഴേക്കും സമയം ഏതാണ്ട് 7 മണി കഴിഞ്ഞിരുന്നു....

 ഭദ്ര ആദ്യം പോയത് രോഹിണിയുടെ മുറിയിലേക്കാണ്.... ദേവൂട്ടൻ നല്ല ഉറക്കമാണ്... രോഹിണിയോട് പറഞ്ഞ് അവൾ കുഞ്ഞിനെയും കൊണ്ട് തന്റെ മുറിയിലേക്ക് വന്നു......

 ദേവൂട്ടനെ കട്ടിലിന്റെ ഓരത്തായി കിടത്തി തലയണ കൊണ്ട് അവന് തടസ്സം സൃഷ്ടിച്ചു... അപ്പോഴേക്കും ലീനയും പൂജയും ഭദ്രയുടെ മുറിയിലേക്ക് എത്തിയിരുന്നു....

 അവരെ കണ്ടതും ഭദ്ര ഒന്ന് പുഞ്ചിരിച്ചു....

 ഋഷി വീട്ടിലെത്തിയപ്പോൾ അനന്തൻ ബാൽക്കണിയിലെ കസേരയിൽ സ്ഥാനം പിടിച്ചിരിക്കുകയായിരുന്നു...

\" ഡാ അനന്താ നീ തിരിച്ചു പോരണ്ടായിരുന്നു... അവരെല്ലാം ഒരുപാട് ചോദിച്ചു നിനക്ക് എന്ത് പറ്റിയെന്ന്... ഞാൻ ഓരോ കള്ളത്തരം പറഞ്ഞു ഒഴിഞ്ഞു... നീ തന്നെയല്ലേ പറഞ്ഞത് ഭദ്രയോട് മിണ്ടാൻ ഒരു അവസരം വേണമെന്ന്... ഇന്നത് നല്ലതുപോലെ കിട്ടിയതല്ലേ...?\"\"

\"\" നീ എന്താ കരുതിയേ ഞാനത് പ്രയോജനപ്പെടുത്തിയില്ല എന്നോ? ഞാൻ ഒരുപാട് നോക്കിയേടാ അവളോട് തുറന്നു ഒന്ന് സംസാരിക്കാൻ.... പക്ഷേ അവൾ ഒഴിഞ്ഞു മാറി.... പിന്നെ എന്തോ അവിടെ നിൽക്കാൻ തോന്നിയില്ല....\"\"

\"മം... ഭദ്ര എന്നോട് ഒന്ന് സംസാരിക്കുക പോലും ചെയ്യാത്തത് എന്താണെന്ന് അറിയോ നിനക്ക്....?\"

 ഋഷി സംശയത്തോടെ അനന്തനെ നോക്കി...

\"\" ദേവൂട്ടൻ....ആ കുഞ്ഞു കാരണമാ ഭദ്ര എന്നിൽ നിന്നും ഇങ്ങനെ അകന്നു മാറുന്നത്.... അവൻ ഞങ്ങൾക്കിടയിലേക്ക് വന്നില്ലായിരുന്നെങ്കിൽ ഇന്ന് ഒരുപക്ഷേ ഭദ്ര എന്റേതാകുമായിരുന്നു.... ഞാൻ ഭദ്രക്ക് വേണ്ടി മാത്രം വന്നത് അല്ല....അവൻ എന്റെ കുഞ്ഞാടാ... എനിക്ക് ഭദ്രേയും കുഞ്ഞിനെയും ഒരുമിച്ച് വേണം...\"\"

 അനന്തന്റെ കണ്ണുകൾ അപ്പോഴേക്കും നിറഞ്ഞിരുന്നു....

\"\" അനന്താ എനിക്ക് മനസ്സിലാകും..... എല്ലാത്തിനും ഒരു വഴി തെളിയുമെടാ.... ഋഷി അനന്തനെ ആശ്വസിപ്പിച്ചു.....\"\"

🔸🔸🔸

 ഭദ്രയുടെ മുറിയോട് ചേർന്നാണ് ബാൽക്കണി ഉള്ളത്.. അവൾ പതിയെ അവിടേക്ക് നടന്നു... പിന്നാലെ പൂജയും ലീനയും.... ബാൽക്കണിയിൽ നിന്ന് നേരെ നോക്കിയാൽ അനന്തന്റെ വീട് കാണാം... അവൾ ഒരു നിമിഷം അങ്ങോട്ടേക്ക് നോക്കി നിന്നു......

 പിന്നെ പതിയെ ബാൽക്കണിയിൽ ഇട്ടിരുന്ന ചെയറിൽ സ്ഥാനം പിടിച്ചു... ലീനിയും പൂജയും അവൾക്ക് അരികിലിരുന്നു....

\"\" നിങ്ങൾക്ക് എന്താ അറിയണ്ടേ ? ദേവൂട്ടന്റെ അച്ഛൻ ആരാണെന്ന രഹസ്യം അല്ലേ...? അത് അറിയുന്നതിന് മുൻപ് നിങ്ങൾ എന്നെ കുറിച്ച് അറിയണം.... ഈ ഭദ്രാവാസുദേവൻ എന്ന എന്നെക്കുറിച്ച്........\"\"


\"\" നിങ്ങളെല്ലാവരും കരുതിവച്ചിരിക്കുന്നതുപോലെ രോഹിണിയമ്മ എന്റെ അമ്മയല്ല... വാസുദേവൻ എന്റെ അച്ഛനുമല്ല...\"\"

\"\"പിന്നെ... \"\"?പൂജ അമ്പരപ്പോടെയും അതിലേറെ ആശ്ചര്യത്തോടെയും ചോദിച്ചു.... ലീനയുടെ അവസ്ഥയും മറച്ച് അല്ലായിരുന്നു... ഭദ്ര പറയാൻ പോകുന്നത് എന്തെന്ന് അറിയാൻ ഇരുവരും കാതോർത്തു...

\"\" അറിയില്ല.... അവരെന്റെ ആരാണെന്ന് ഇന്നും എനിക്കറിയില്ല.... ഒരു രാത്രി ജീവനും കൊണ്ട് ഓടി കയറിയവൾക്ക് അഭയം തന്ന വീട്... ഒരു പരിചയവും ഇല്ലായിരുന്നിട്ടും സ്വന്തം മോളെ പോലെ കണ്ടു കഴിഞ്ഞ മൂന്ന് വർഷം എന്നെ സംരക്ഷിച്ചവർ.... എന്റെ നാട് ഇതല്ല.. വീട് ഇതല്ല എനിക്കിവിടെ ആരുമില്ല....\"\'

പൂജയും ലീനവും പരസ്പരം നോക്കി. ഭദ്ര വീണ്ടും പറഞ്ഞു തുടങ്ങി...

 \"\"പാലക്കാട്... ലക്ഷ്മിപുരം എന്നൊരു നാടുണ്ട്... കേട്ടിട്ടുണ്ടോ നിങ്ങൾ:....? അവിടെയാ എന്റെയും അനന്തേട്ടന്റെയും നാട്....\'\"

🔸ദക്ഷിണമൂർത്തി... ലക്ഷ്മിപുരം എന്ന നാട്ടിൽ തലയെടുത്ത് നിൽക്കുന്ന ശ്രീരാമ വിലാസം തറവാട്ടിലെ കാർന്നവർ.... മുത്തശ്ശന് കൃഷ്ണമൂർത്തി എന്ന ഒരു മകനും... സുഭദ്ര എന്ന ഒരു മകളും...

 കൃഷ്ണമൂർത്തിയുടെ ഭാര്യ ഗായത്രി... അവരുടെ ഒരേ ഒരു മകനാണ് അനന്തേട്ടൻ.... നിങ്ങളുടെ അനന്തൻ സാർ...

 എന്റെ അമ്മ സുഭദ്ര... ചെമ്പകത്തിന്റെ നിറവും.. മുട്ടറ്റം ഇടതൂർന്ന മുടിയും.... വാലിട്ട് എഴുതിയില്ലെങ്കിൽ കൂടി ആ വിടർന്ന കണ്ണുകളും.... ദേവിയുടെ ചൈതന്യവും...അത്രയ്ക്ക് സുന്ദരിയായിരുന്നു എന്റെ അമ്മ...


അങ്ങനെ എന്റെ അമ്മ വാസുദേവൻ എന്നയാളുമായി പ്രണയത്തിലായി... മുത്തശ്ശൻ ഈ വിവരം അറിഞ്ഞപ്പോൾ സന്തോഷത്തോടെ ആ വിവാഹം നടത്തി കൊടുക്കാൻ തീരുമാനിച്ചു. ... പക്ഷേ കൃഷ്ണമൂർത്തി എന്ന എന്റെ അമ്മാവന് അതിനോട് എതിർപ്പ് ആയിരുന്നു.... അമ്മാവന്റെ ഉറ്റ കൂട്ടുകാരനായ മഹേശ്വരന് എന്റെ അമ്മയെ ഒരു നോട്ടം ഉണ്ടായിരുന്നു........


 മുത്തശ്ശൻ അമ്മയുടെ സന്തോഷത്തിന് വില കൽപ്പിച്ചപ്പോൾ അമ്മാവന് പിന്നെ എതിർക്കാൻ കഴിഞ്ഞില്ല.... അങ്ങനെ സുഭദ്രയുടെയും വാസുദേവന്റെയും വിവാഹം കഴിഞ്ഞു.... സന്തോഷപരമായി ജീവിച്ചു തീർക്കാൻ കുറച്ചു നാളുകൾ മാത്രമേ ഞങ്ങൾക്കിടയിൽ ഉണ്ടായിരുന്നുള്ളൂ...... അധികം വൈകാതെ തന്നെ അവർക്കിടയിലേക്ക് ഞാൻ കടന്നുവന്നു.... പക്ഷേ നിഴൽ പോലെ എന്റെ അമ്മയുടെ പിന്നാലെ മഹേശ്വരൻ ഉണ്ട് എന്ന സത്യം ആരും അറിഞ്ഞില്ല....

 സുഭദ്രയ്ക്ക് ഒരു മകൾ ജനിച്ചു എന്ന വാർത്ത അയാളിൽ കൂടുതൽ വാശി ഉടാക്കി... ആ വാർത്ത പരമേശ്വരന് സഹിക്കാവുന്നതിലും അപ്പുറമായിരുന്നു...

 കൂട്ടിവെച്ച അയാളുടെ പക ഒറ്റ ദിവസം കൊണ്ട് അയാൾ തീർത്തു....തികച്ചും യാദൃശ്ചികമായി മറ്റാർക്കും ഒരു സംശയവും തോന്നാത്ത രീതിയിൽ ഒരു വാഹനാപകടം.... ഒരു വൈകുന്നേരം അമ്പലത്തിലേക്ക് ഇറങ്ങിയ അച്ഛൻ പിന്നീട് തിരിച്ചു വന്നില്ല.... കവലയിലേക്ക് തിരിയുന്ന വളവിൽ വച്ച് ഒരു ലോറി ഇടിച്ചു.. അവിടെവച്ച് തന്നെ ആള് പോയിരുന്നു... ഇന്ന് പലരും പറഞ്ഞറിഞ്ഞു... വെള്ളത്തുണിയിൽ പൊതിഞ്ഞ അച്ഛന്റെ ശരീരം കെട്ടിപ്പിടിച്ച് അന്ന് അമ്മ ഒരുപാട് കരഞ്ഞു.........

 അതിനുശേഷം മറ്റൊരു വിവാഹം കഴിക്കാൻ അമ്മാവൻ നിരന്തരമായി അമ്മയെ നിർബന്ധിച്ചു... ഒടുവിൽ അമ്മയ്ക്ക് സമ്മതിക്കേണ്ടി വന്നു.... അമ്മയുടെ രണ്ടാം വിവാഹം മഹേശ്വരനും ആയിട്ട് നടന്നു...... 

ആരെയും മയക്കുന്ന അമ്മയുടെ സൗന്ദര്യം... കോടിക്കണക്കിന് തറവാട്സ്വത്തുക്കളുടെ അവകാശം ,അതുമാത്രമായിരുന്നു അയാളുടെ ലക്ഷ്യം....

 മറ്റാർക്കും അറിയില്ലെങ്കിലും എന്റെ അച്ഛന്റെ മരണം ഒരു കൊലപാതകം ആണെന്ന് എനിക്ക് അറിയാം. കൊന്നത് പരമേശ്വരൻ ആണെന്നും... അയാളുടെ നാവിൽ നിന്ന് തന്നെയാ ഒരിക്കൽ ഞാൻ അത് അറിഞ്ഞത്....

 മഹേശ്വരന്റെ ഈ ഗൂഢലക്ഷ്യം അമ്മാവൻ അറിഞ്ഞിരുന്നില്ല... പിന്നീടാണ് അമ്മാവൻ ചതി പറ്റിയതാണെന്ന് തിരിച്ചറിയുന്നത്.... പക്ഷേ അപ്പോഴേക്കും ഒരുപാട് വൈകിയിരുന്നു. മഹേശ്വരനിൽ അമ്മയ്ക്ക് മറ്റൊരു പെൺ കുഞ്ഞു കൂടി പിറന്നു.... ഭാമ... അച്ഛൻ രണ്ടാണെങ്കിലും ഒരു അമ്മയിൽ ജനിച്ച എന്റെ അനിയത്തി....

 പതുക്കെ പതുക്കെ മഹേശ്വരൻ ശ്രീരാമ വിലാസം തറവാട് അടക്കിവാഴാൻ ആരംഭിച്ചു... അമ്മാവന്റെ വാക്കുകൾക്ക് മഹേശ്വരൻ ചെവി കൊടുത്തില്ല.... മുത്തശ്ശൻ ഉൾപ്പെടെയുള്ള എല്ലാവരും അയാളുടെ അടിമയായി.... അയാളുടെ ലക്ഷം ഈ തറവാടും തറവാട് സ്വത്തുക്കളും ആണെന്ന് മനസ്സിലാക്കിയ മുത്തശ്ശൻ സ്വത്തുക്കൾ എല്ലാം എന്റെ അമ്മയുടെയും എന്റെയും പേരിലേക്ക് മാറ്റി.... എനിക്ക് 18 വയസ്സായതിനുശേഷം മാത്രമേ സ്വത്തുക്കളുടെ അവകാശം ഇനി മറ്റൊരാളിലേക്ക് കടന്നു ചെല്ലാൻ സാധിക്കുകയുള്ളൂ എന്ന് അയാൾ തിരിച്ചറിഞ്ഞു.... 

അധികം വൈകാതെയുള്ള മുത്തശ്ശന്റെ മരണശേഷം സർവ്വരാജ്യം അയാളുടെ കാലടിയിലായി.... അമ്മാവനെയും അമ്മായിയെയും അനന്തേട്ടനെയും അയാൾ തറവാട്ടിൽ നിന്ന് ഇറക്കി വിട്ടു....

 സ്വത്തുക്കൾ എല്ലാം എന്റെയും അമ്മയുടെയും പേരിൽ ആയതുകൊണ്ട് മാത്രം അയാൾ ഞങ്ങളെ കൊല്ലാതെ വിട്ടു....

 ഭദ്രയുടെ കണ്ണുകൾ നിറയാൻ തുടങ്ങി.... അവളുടെ തൊണ്ട കുഴിയിൽ നിന്നും ശബ്ദം പുറത്തേക്ക് വന്നില്ല.... ഇത് കണ്ടതും ലീനയും പൂജയും അവൾക്ക് അരികിലേക്ക് നീങ്ങിയിരുന്നു....

 ഭദ്ര... മോളെ ഡി കരയാതെ ടി.... ലീന ഭദ്രയെ ആശ്വസിപ്പിച്ചു...... അവരെ ഒന്ന് നോക്കിയശേഷം ഭദ്ര കണ്ണുകൾ തുടച്ചു...


 ഭദ്രയുടെ ഓർമ്മകൾ വർഷങ്ങൾ പിന്നിലേക്ക് സഞ്ചരിച്ചു.... അവളുടെ ഓരോ വാക്കുകൾക്കായി ലീനയും പൂജയും കാതോർത്തു...

തുടരും..