പാർട്ട് 16 

നാൻസി നേരെ ജാനിയെ കാണാൻ വേണ്ടി ഭദ്രന്റെ വീട്ടിലേക്കാണ് പോയത് ... ഒരുപാടുതവണ അവന്റെ വീടിന്റെ മുന്നിൽകൂടിപോയിട്ടും ഇതുവരെയും വീടിന്റെ ഉള്ളിൽ കയറിയിട്ടില്ലായിരുന്നു ..... തന്റെ വീട്ടിൽ ആരുംകയറുന്നത്ത് ഭദ്രന് ഇഷ്ടമല്ല എന്നതായിരുന്നു കാരണം 

നാൻസി റോഡിന്റെ സൈഡിലേക്ക് വണ്ടി ഒതുക്കിയശേഷം സിറ്റവിട്ടിലേക്ക് ചെന്ന് കാളിങ് ബെൽ അടിച്ചു ... അല്പസമയത്തിനുള്ളിൽത്തന്നെ ജാനിവന്ന് കതക്‌തുറന്നു ... നാൻസിയെക്കണ്ടു മനസിലാകാതെ ജാനി അവളുടെ മുഖത്തേക്കുനോക്കി .... നാൻസിയും ജാനിയെ നോക്കികാണുകയായിരുന്നു 

ഒരുപാട് മെലിഞ്ഞിട്ടല്ലാത്ത അൽപ്പം തടിയുള്ള ശരീരം ഒരുപാട് വെളുപ്പാല്ലാത്ത എന്നാൽ ഇരുനിറത്തേക്കാൾ കുറച്ചുംകൂടി നിറമുണ്ട് പക്ഷെ നല്ല ഐശ്വര്യമുള്ള മുഖം ... ആരുകണ്ടാലും മോശം പറയില്ല .... എന്തായാലും ഇവളെക്കാളും സുന്ദരി ഞാൻ തന്നെ .... 

\"ആരാ മനസിലായില്ല \"... നാൻസി ഒന്നും മിണ്ടാതെനിൽക്കുന്നതുകണ്ട്‌ ജാനി ചോദിച്ചു 

\"ഹായ് എന്റെ പേര് നാൻസി ഞാൻ ഡാനിച്ചായന്റെ വൈഫ് റീത്താമ്മയുടെ ചേച്ചിയുടെ മോളാ \".... 

\"ആണോ എനിക്കാളെ മനസിലായില്ലാ അകത്തേക്കുവരൂ \" ... ജാനിയുടെ ക്ഷണം കിട്ടിയതും നാൻസി അകത്തേക്കുകയറി 

\"ഏട്ടനെ കാണാൻ വന്നതാണോ ?\" 

\"ഇച്ചായനെയാണോ ജാനകി ഏട്ടാ എന്ന് വിളിച്ചത് \"? ... നാൻസി ഇച്ചായനെന്ന് പറഞ്ഞതും മനസിലാക്കയത്തെ ജാനി അവളുടെ മുഖത്തേക്കുനോക്കി

\"മനസിലായില്ലേ ഞാൻ  ഇച്ചായനെന്നുപറഞ്ഞത്  ഈ വീടിന്റെ ഉടമസ്ഥനെയാണേ\"....( ജാനകിയുടെ ഹസ്ബൻഡ് എന്നുപറയാൻ നാൻസി തീരെ ഇഷ്ടപ്പെട്ടില്ല ) 

\" ആണോ എനിക്കുമനസിലായില്ല ചേച്ചി .... ഏട്ടൻ മില്ലിൽ പോയേക്കുവാ വരാൻ ഉച്ചയാകുമെന്നുപറഞ്ഞു\"

\"ഹേയ് അതുസാരമില്ല ഞാൻ ഇച്ചായൻ വരുന്നതുവരെ ഇവിടെയിരുന്നോളാം അതുവരെ നമുക്ക് ഓരോന്നുസംസാരിച്ചു പരിചയപ്പെടാമല്ലോ \".... അതുകേട്ടതും ജാനകിക്കു ഒരുപാട് സന്തോഷമായി 

\" ഞാൻ ചായഇടാം ചേച്ചി ദേ ഇവിടയിരുന്നോളു \" അടുത്തുകിടന്ന സെറ്റിചൂണ്ടിക്കാട്ടി ജാനിപറഞ്ഞു 

\"ചായയൊന്നും വേണ്ട ജാനകി ... ഞാൻ തന്നെയൊന്നു കാണാൻവന്നതാ\"...

\"എന്നാലുംചേച്ചി  ആദ്യമായി വീട്ടിൽ വന്നതല്ലേ ഒന്നും തരാതെയെങ്ങനാ .... ഞാൻ ഇപ്പൊ വരാം \" അതുംപറഞ്ഞ് ജാനി അടുക്കളയിലേക്കുനടന്നു...നാൻസിക്കാണെങ്കിൽ വന്നകാര്യം ജാനിയോട് എങ്ങനെ പറയണമെന്ന ടെൻഷനിലാണ് .... ചേച്ചിയെന്നും വിളിച്ചു തന്നോട് സംസാരിക്കുന്ന ജാനിയുടെ മുഖത്തുനോക്കിപറയാൻ നാൻസിക്കൊരു മടിതോന്നി 

::::::::::::::::::::::::::::::::::::::::::::::::::::::::::

ഇതേസമയം മില്ലിൽ ലോഡ് കയറ്റുന്നവരുടെ അടുത്തുനിന്നും അവർക്കുവേണ്ട ഓരോ നിർദ്ദേശങ്ങൾ കൊടുക്കുകയാണ് ഭദ്രൻ 

\"ഭദ്രേണ്ണാ  \" ... ശബ്ദം കേട്ടതും ഭദ്രൻ തിരിഞ്ഞുനോക്കി 

\"എന്താ ബിജു ... നിന്റെ ജോലിയൊക്കെ തീർന്നോ \"തനിക്കുമുന്നിൽ എന്തോ പറയാനെന്നപോലെ പരുങ്ങിനിൽക്കുന്നവനെ നോക്കി ഭദ്രൻ ചോദിച്ചു 

\"കുറച്ചുകൂടിയുണ്ട് അണ്ണാ ... പിന്നെ എനിക്കൊരു കാര്യം പറയാനുണ്ടാരുന്നു \"

\"എങ്കിൽപ്പിന്നെ അതാദ്യം പറഞ്ഞിട്ടുപോയി ജോലിചെയ്യാൻ നോക്കടാ\"ഭദ്രൻ കണ്ണുരുട്ടിയതും അയാളൊന്ന്‌പേടിച്ചു 

\"അതുപിന്നെ അണ്ണാ എന്റെ ഭാര്യ ഗർഭിണിയാ അപ്പൊ അവളെയൊന്ന് ഹോസ്പിറ്റലിൽ കാണിക്കണം.... പിന്നെ .... പിന്നെ കുറച്ചു കാര്യങ്ങളൊക്കെ വേണമെന്ന് എന്നോട് ആഗ്രഹം പറഞ്ഞു ... എല്ലാത്തിനും കൂടി ഇപ്പൊ എന്റകയ്യിൽ അധികം പൈസയില്ല അണ്ണാ ... അതുകൊണ്ട് കു ...കുറച്ചുപൈസ കടമായിട്ടു കിട്ടിയിരുന്നെങ്കിൽ .... ഞാൻ അടുത്തമാസം എങ്ങനെയെങ്കിലും താരാമണ്ണാ...\"...  വിറച്ചു വിറച്ചാണ് അയാൾ അത്രയും അവന്റെ മുഖത്തുനോക്കി പറഞ്ഞത് ... ഒന്നാമതേ ആ നാട്ടിൽ അവനെ എല്ലാവർക്കും പേടിയാണ് ... അതിന്റെ കൂടെ എപ്പഴും ദേഷ്യത്തോടെയുള്ള നോട്ടവും ഗൗരവം കലർന്ന മുഖവും 

\"മ്മ്മ്മ് ... നിനക്ക് എത്രരൂപയാണ് വേണ്ടത് .... \"

\"അത് അണ്ണാ ഒരു 5000 കിട്ടിയാ ...\"

\"മ്മ്മ് .....\" മറുത്തൊന്നും പറയാതെ അവൻ അപ്പോൾത്തന്നെ ഓഫീസ് റൂമിലേക്കുചെന്ന് അയാൾ ചോദിച്ച അത്രയും പൈസയെടുത്ത് അയാൾക്കുകൊടുത്തു .... എന്നാൽ തന്നോട് വേറെയൊന്നും പറയാതെ ചോദിച്ച പൈസമുഴുവനും തന്ന് തിരിഞ്ഞുപോലുംനോക്കാതെ പോകുന്നവനെ അയാൾ അത്ഭുതത്തോടെ നോക്കി .... കാരണം അയാൾ കേട്ടറിഞ്ഞിട്ടുള്ള ഭദ്രൻ കണ്ണിൽ ചോരയില്ലാത്തവനാണ്...  ആരെയും ഒരു ദാക്ഷണ്യവും കൂടാതെ മൃഗീയമായി കൊല്ലുന്നവനാണ്  

പക്ഷെ അയാൾ തന്റെ ഭാര്യക്കുവേണ്ടി പൈസചോദിക്കുന്നസമയം ഭദ്രന്റെ മനസ്സുമുഴുവൻ ജാനിയായിരുന്നു ... 

\"ജാനിയുടെ വയറ്റിൽ തന്റെ കുഞ്ഞ് .... തന്റെ രക്തത്തിന്റെ അവകാശി \".... ആ ഓർമ്മപോലും അവനെ കുളിരണിയിച്ചു .... 

\"ഇനിയെന്നായിരിക്കും തനിക്ക് അങ്ങനൊരു വാർത്താകേൾക്കാൻപറ്റുക \"..... ആ ഓർമയിൽ അവന്റെ നെഞ്ച് തുടികൊട്ടാൻ തുടങ്ങി ... ആ നിമിഷം തന്നെ തന്റെ പെണ്ണിന്റെ ശബ്ദമെങ്കിലും കേൾക്കണമെന്നുതോന്നി അവന് ... എന്നാൽ അപ്പോഴാണ് അവൾക്ക് ഫോൺ ഇല്ലല്ലോ എന്നകാര്യം അവന് ഓർമ്മവന്നതുപോലും 

\"ശേ .... ഇത്രേം ദിവസമായിട്ടും ഞാൻ ആ കാര്യം മാത്രം ഓർമിച്ചില്ലല്ലോ ... പെണ്ണ് പറഞ്ഞതും ഇല്ല .... \"

ജാനിയെ ഇപ്പോക്കണ്ടേ പറ്റൂഎന്നുംപറഞ്ഞു മില്ലിലെ കാര്യം അവിടെയുള്ളവരെ ഏൽപ്പിച്ചു ഇപ്പൊ വരാമെന്നുംപറഞ്ഞു അവൻ ജീപ്പുമെടുത്ത് നേരെ വീട്ടിലേക്ക് വിട്ടു 

::::::::::::::::::::::::::::::::::::::::::::::::::::::::::::::

ജീപ്പിന്റെ ശബ്ദം കേട്ടപ്പോഴേ അത് ഭദ്രനാണെന്ന് ജാനിക്കുമനസിലായി ... പോയിട്ട് ഒരുമണിക്കൂറായിട്ടേയുള്ളു ... ഇതെന്താ ഇത്ര നേരുത്തേ.... അതും ചിന്തിച്ച്‌ അവൾ ഓടിച്ചെന്നു വാതിൽ തുറന്നു... മുന്നിൽ നിൽക്കുന്ന ഭദ്രനെക്കണ്ടതും ജാനിയുടെ മുഖം വിടർന്നു...

\"എന്താ ഏട്ടാ നേരുത്തേ വന്നേ \".....

എന്നാൽ അവളത് ചോദിച്ചുതീരും മുന്നേ ഭദ്രൻ ജാനിയെയും കൊണ്ട് അകത്തുകയറി വാതിൽ അടിച്ചിരുന്നു...

\"എന്താ ഏട്ടാ എന്ത് പ.....\" അവളത് ചോദിച്ചുതീരുമുന്നേ ഭദ്രൻ ജാനിയെ ചുവരോട്ചേർത്തുനിർത്തി അവളുടെ ചുണ്ടുകൾ കടിച്ചുനുണഞ്ഞെടുത്തിരുന്നു ... ജാനിയാകെ അന്തിച്ചുപോയി... ഒരുനിമിഷം അവളാ ചുംബനത്തിൽ ലയിച്ചുപോയെങ്കിലും പെട്ടെന്നെന്തോ ഓർത്തപോലെ അവനെ തള്ളിമാറ്റാൻ നോക്കി... എന്നാൽ ഭദ്രൻ ഒന്നനങിയതുപോലുമില്ല... അവൻ ജാനിയുടെ ചുണ്ടുകളുടെ മർദ്ദവത്തിൽ ലയിച്ചുപോയിരുന്നു... ഭദ്രന്റെ ഇടതുകൈ അവളുടെ തലക്കുപുറകിലായി സ്ഥാനം പിടിച്ചപ്പോൾ വലതുകൈ ചുരിദാറിന്റെ വിടവിലൂടെ ജാനിയുടെ വയറിലേക്ക് ഈഴഞ്ഞുകയറി ആ പൊക്കിൾ ചുഴിയുടെ ആഴം അളന്നിരുന്നു... അവളൊന്ന് ഉയർന്നുപോയി... കൈകൾ അറിയാതെത്തന്നെ ഭദ്രന്റെ മുടിക്കുള്ളിലേക്ക് ഈഴഞ്ഞുകയറി കൊരുത്തുവലിച്ചിരുന്നു... അതോടെ അവനാവേശം കൂടി... പൊക്കിൾചുഴിയിൽനിന്നും ഭദ്രന്റെ കൈകൾ വീണ്ടും മുകളിലേക്ക് അരിച്ചുകയറി അവളുടെ നിറമാരിൽ അമർന്നതും...

ചിലും 💥💥.....

പെട്ടെന്നാണ് എന്തോ പൊട്ടുന്ന ശബ്ദം കേട്ട് ഭദ്രനും ജാനിയും ഞെട്ടികൊണ്ട് അകന്നുമാറിയത്......

തിരിഞ്ഞുനോക്കിയ ഭദ്രൻ കാണുന്നത് തങ്ങളെനോക്കി കണ്ണുംമിഴുച്ചുനിൽക്കുന്ന നാൻസിയെയാണ് ... അവളുടെയടുത്ത് നിലത്തായി പൊട്ടിയ ചായഗ്ലാസും കിടപ്പിണ്ടായിരുന്നു .... 

ജാനികൊടുത്ത ചായ കുടിച്ചശേഷം വാഷ്‌റൂമിൽ പോയതായിരുന്നു അവൾ .... തിരികെ വന്നപ്പോൾ കണ്ട കാഴച ഇതും .... പിന്നെ കൊച്ചിന് സഹിക്കുമോ ... ആ ദേഷ്യത്തിന് ടേബിളിൽഇരുന്ന ഗ്ലാസ് എടുത്തു നിലത്തേക്കിട്ടതാണവൾ 

നാൻസിയെക്കണ്ടതും ആദ്യത്തെ പകപ്പുമാറിയ ഭദ്രന്റെമുഖത്തേക്ക് ദേഷ്യം ഇരച്ചുവരാൻ തുടങ്ങി ...

\"നീയെന്താ ഇവിടെ\".... സമാധാനത്തിലാണ് ചോദ്യമെങ്കിലും അതിൽ തന്നോടുള്ള ദേഷ്യം കലർന്നിട്ടുണ്ടെന്ന് നാൻസിക്ക് മനസ്സിലായി 

\"അത് ഇച്ചായ ഞാൻ ഇന്ന് രാവിലെവന്നതേ ഉളളൂ അപ്പോഴാ ഇച്ചായന്റെ മാര്യേജ് കഴിഞ്ഞകാര്യം അറിയുന്നത് .... എങ്കിൽ പിന്നെ ജാനകിയെ ഒന്ന് പരിചയപ്പെടാല്ലോ എന്നുകരുതിവന്നതാ ...\" തന്റെ പതർച്ചമറച്ചുവച്ചുകൊണ്ട് നാൻസി പറഞ്ഞൊപ്പിച്ചു ...

\"എന്നിട്ട് പരിചയപ്പെട്ടോ \"... ഗൗരവത്തിലുള്ള അവന്റെ ചോദ്യം കേട്ടതും ഭദ്രന്റെ മുഖത്തേക്കുനോക്കാൻ നാൻസിക്ക് നല്ലപേടിതോന്നുന്നുണ്ടാരുന്നു 

\"ഹാ ..ഹാ പരിചയപ്പെട്ടു .... ഞാൻ ...ഞാനെന്നാ പോട്ടെ എനിക്ക് അത്യാവശ്യമായി ഒരെടുത്തുപോകണമായിരുന്നു \"... അതും പറഞ്ഞ് ഭദ്രന്റെ മുഖത്തേക്ക്പോലും നോക്കാതെ നാൻസി ഒരറ്റ ഓട്ടമായിരുന്നു ... അവളുടെ ഓട്ടംകണ്ട് ജാനിപോലും അന്തിച്ചുപോയി .....നാൻസിപോയതും ഭദ്രൻ ജാനിയുടെ നേരെ തിരിഞ്ഞു ...

\"നീയെന്തിനാ ജാനി പരിചയമില്ലാത്തവരെ അകത്തേക്ക് കയറ്റുന്നത് \"... കുറച്ച് കടുപ്പിച്ചായിരുന്നു ഭദ്രന്റെ ചോദ്യം 

\"അത് റീത്താമ്മച്ചിയുടെ ചേച്ചിയുടെ മോളാന്ന് പറഞ്ഞോണ്ടാ ... ഏട്ടന് റീത്താമ്മച്ചിയെ വലിയകാര്യമല്ലേ ... പിന്നെ ചേച്ചിയെയും ഏട്ടന് പരിചയമുണ്ടല്ലോ അതാ ഞാൻ \"... അൽപ്പം വിഷമത്തോടെയാണ് ജാനിയത് പറഞ്ഞത് ... 

ഭദ്രന് തന്റെ വീട്ടിൽ അങ്ങനെ ആരും വരുന്നത് ഇഷ്ടമല്ലെന്നറിയാം .... അതുകൊണ്ട് അവന് തന്നോട് ദേഷ്യമായി കാണുമോയെന്നാണ് അവളുടെ പേടി ... അതുമനസ്സിലാക്കിയെന്നോണം ഭദ്രൻ ചെന്ന് ജാനിയെ ചേർത്തുപിടിച്ചു 

\"ആ വീട്ടിൽ റീത്താമ്മച്ചിയോടും ഡാനിച്ചായനോടും മാത്രാമേ എനിക്കൊരു ബന്ധമുള്ളു .... ഈ പെണ്ണിനെ ഞാൻ കണ്ടിട്ടുണ്ടെന്നല്ലാതെ  ഇതുവരെ അതിനോട് മിണ്ടിയിട്ടുകൂടിയില്ല... ആരെയും വിശ്വസിക്കാൻ പറ്റാത്ത കാലമാ ... ഇതിന്റെയൊക്കെ മനസ്സിലിരുപ്പ് എന്താണെന്ന് ആർക്കറിയാം \" ... അതുപറയുമ്പോൾ ഭദ്രന്റെ മുഖത്ത് എന്തോ ഓർത്തുള്ള വെറുപ്പ് നിറഞ്ഞു  

\"ഏട്ടന് ആ ചേച്ചിയോട് എന്തെങ്കിലും ദേഷ്യം ഉണ്ടോ \"... ഭദ്രന്റെ മുഖത്തെ മാറ്റം ശ്രദ്ധിച്ചുകൊണ്ട് അവൾ ചോദിച്ചു 

\"എനിക്കെന്തു ദേഷ്യം ഞാൻ പൊതുവെ പറഞ്ഞതാ പെണ്ണെ \".... എന്തുകൊണ്ടോ തന്നെ കാണുമ്പൊളൊക്കെ  നാൻസിയുടെ കണ്ണിലുള്ള തിളക്കം ഭദ്രൻ ശ്രദ്ധിക്കുന്നുണ്ടാരുന്നു .... അതെന്തുകൊണ്ടാണെന്നും ഭദ്രനറിയാം ... പക്ഷെ അതൊന്നും ജാനിയോട് പറയാൻ അവന് തോന്നിയില്ല 

\"എന്നാലും പെണ്ണെ നിനക്കൊരു വാക്കുപറഞ്ഞൂടാരുന്നോ ആ പെണ്ണ്ഇവിടെയുണ്ടെന്ന് ... ഒന്നാസ്വദിച്ചുവരുവായിരുന്നു \".....പെട്ടെന്ന് വിഷയം മാറ്റാൻ വേണ്ടിയാണ് ഭദ്രൻ അങ്ങനെ പറഞ്ഞത് .... അതുകേട്ടതും ജാനി അവനെ കൂർപ്പിച്ചുനോക്കി 

\"കഷ്ടമുണ്ട് കേട്ടോ ....എനിക്കൊന്ന് പറയാൻ കൂടി സമയം തന്നില്ലല്ലോ ...അതിനുമുന്നെ ....\" അത്രയും പറഞ്ഞ് അവൾ ഭദ്രന്റെ മുഖത്തേക്കുനോക്കി .... അവൻ അവളെത്തന്നെ കണ്ണിമതെറ്റാതെ നോക്കിക്കൊണ്ടു നിൽക്കുവാണ് ... അവന്റെയാ നോട്ടം കണ്ടതും ജാനി ബാക്കി പറയാതെ വിഴുങ്ങി 

\"അതിനുമുന്നെ .... ബാക്കി പറ പെണ്ണേ\".... അതുംപറഞ്ഞ് ഭദ്രൻ അവളെ തന്റെ നെഞ്ചിലേക്ക് ചേർത്തുപിടിച്ചു ... അപ്പോഴേക്കും അവന്റെ ഫോൺ റിങ് ചെയ്തു ... ജാനിയെ ഒന്നുനോക്കികൊണ്ട് അവൻ ഫോൺ എടുത്തുനോക്കി 

\"സമയം ഇല്ലടാ ഞാൻ മില്ലിലേക്കുപോകുവാ .... ഇനിയിപ്പോ വൈകിട്ടേ വരാൻ പറ്റൂ ...ഇതിന്റെ ബാക്കി ഞാൻ അപ്പോൾ തരാം \"... മീശപിരിച്ചു ജാനിയെനോക്കി അത്രയും പറഞ്ഞു അവൾക്ക് നെറ്റിയിലായി ഒരു ചുമ്പനവും കൊടുത്തു ഭദ്രൻ പോയി ... ഭദ്രൻ പറഞ്ഞതൊക്കെ ഓർക്കുംതോറും നാണം വന്ന് അവളാകെ പൂത്തുലഞ്ഞുപോയിരുന്നു 

:::::::::::::::::::::::::::::::::::::::::::::::::::::

വീട്ടിൽ എത്തിയതുമുതൽ മുറയിൽകയറി ഇരിക്കുകയാണ് നാൻസി ... ജാനിയെ എങ്ങനെയെങ്കിലും പറഞ്ഞു മനസിലാക്കാമെന്നും കരുതിയാണ് അങ്ങോട്ടേക്ക് പോയത് ... പക്ഷെ കണ്ട കാഴച .... ജാനിയെ ചേർത്തുനിർത്തി ചുംബിക്കുന്ന തന്റെ ഇച്ചായനെ .... അവരുടെ ആ ചുംബനത്തിൽതന്നെ നൻസിക്ക് മനസ്സിലായി  എത്രത്തോളം അവർ പ്രണയിക്കുന്നുണ്ടെന്ന്

\"ഇല്ല തന്റെ ഇച്ചായൻ ഒരിക്കലും ഇനി തന്നെ സ്നേഹിക്കില്ല .... ജാനകിയും ഇച്ചായനും പരസ്പരം പ്രണയിക്കുന്നു ... എനിക്കിന്ന് അതുമനസ്സിലായി \".... ആ സത്യം മനസ്സിലായതും തന്റെ ഭദ്രനോടുള്ള പ്രണയം കുഴിച്ചുമൂടാൻ തന്നെ നാൻസി തീരുമാനിച്ചു

\"അവർ പ്രണയിക്കട്ടെ ... ജാനകി എനിക്കിനി എന്റെ അനിയത്തിയെപ്പോലായിരിക്കും\"

ഇനിയൊരിക്കലും ഭദ്രന്റെയും ജാനിയുടെയും ജീവിതത്തിൽ ഒരു വില്ലത്തിയാവില്ലെന്ന് അവൾ തീരുമാനിച്ചു 

തുടരും 

::::::::::::::::::::::::::::::::::::::::::::::::::::::::