*Green eyed butterfly💚~10*
          ~ഫർഹാന

****

\"റൂഹി,ഇന്ന് നീ എന്തായാലും ആ പൂ പഠിക്കണം.ഇല്ലെങ്കിൽ എല്ലാം നമ്മുടെ കൈ വിട്ട്പോകും\"

\"ഞാൻ ശ്രമിക്കാം സിഹമ്മാ,പക്ഷെ യാൻ..അവളെ വേദനിപ്പിച്ചു കൊണ്ട് ഒന്നും എനിക്ക് കഴിയില്ല.\"

\"റൂഹി,ഒരുപക്ഷെ നിനക്കവളെ വേദനിപ്പിക്കേണ്ടി വന്നേക്കാം..സഹിച്ചേ പറ്റു,കാരണം ലക്ഷ്യം തന്നെയാണ് പ്രധാനം.\"

മനസ്സില്ല മനസ്സോടെ അതിന് മൂളിക്കൊണ്ടവൾ ബദിയുടെ വീടിന് നേർക്ക് പറന്നു.കഴിഞ്ഞ പ്രാവിശ്യം പോലെ ആവാതിരിക്കാൻ അവൾ ചുറ്റിനും സുസൂക്ഷ്മം ശ്രമിച്ചിരുന്നു.
പതിയെ പറന്നു കൊണ്ട് വീടിന്റെ മുറ്റത്തുള്ള മരത്തിലെ പൂ പറിച്ചെടുക്കാനായി കൈകൾ നീട്ടിയപ്പോഴേക്കും അവൾ തെറിച്ചു വീണിരുന്നു.

\"നിന്നോട് ഞാൻ പറഞ്ഞതല്ലേ റൂഹി വേണ്ട വേണ്ടാ എന്ന്.നിനക്കെന്താ മനസ്സിലാവില്ലേ\"

അത്യധികം ദേഷ്യത്തിൽ അവളിലേക്ക് പാഞ്ഞടുത്തു കൊണ്ട് ദിനു പറഞ്ഞു. പറയുന്നതോടൊപ്പം കൈകൾ മുകളിലേക്കുയർത്തിയിരുന്നു.അവളുടെ വിരലിൽ നിന്നും ഒരു നീല പ്രകാശം ആകാശത്തിലേക്ക് കുത്തിക്കയറി. അതിന്റെ ശബ്ദം അവിടമാകെ ഭയാനകമായ രീതിയിൽ തുളഞ്ഞു കയറിയിരുന്നു.
കയ്യിലെ വാൾ അവൾക്ക് നേരെ നീട്ടികൊണ്ടവൾ അവളുടെ അടുത്തേക്കിരുന്നു.

\"റൂഹി നിനക്ക് പോവുന്നതാണ് നല്ലത്.\"

\"പോകാനല്ല ദിനൂ ഞാൻ വന്നത്.എനിക്ക് ചെയ്യേണ്ടത് ഞാൻ ചെയ്തിട്ടേ പോവൂ\"

ദിനുവിനെ നോക്കി പുച്ഛിച്ചു കൊണ്ട് റൂഹി നിലത്തു നിന്നും എഴുന്നേറ്റു.
ശരവേഗത്തിൽ പറന്നുയർന്നു കൊണ്ടവൾ മരത്തിന്റെ അടുത്തേക്ക് കുതിച്ചു.പക്ഷെ അപ്പോഴേക്കും അവളുടെ മുന്നിൽ ജ്വലിക്കുന്ന കണ്ണുമായി യാൻ പ്രത്യക്ഷപ്പെട്ടിരുന്നു.


\"റൂഹി,നിന്നോട് പറഞ്ഞു പോകാൻ. തുടങ്ങി വെച്ചാൽ അത് നല്ലതിനാവില്ല\"

\"ഇല്ല യാൻ, ഞാനെന്റെ ലക്ഷ്യം നിറവേറ്റിയിരിക്കും\"

\"നിന്റെ ലക്ഷ്യം നിന്റെ ലക്ഷ്യം എന്നിങ്ങനെ നൂറു തവണ പറയുമ്പോൾ നീ ചിന്തിച്ചിട്ടുണ്ടോ അത് നിന്റെ ലക്ഷ്യം തന്നെ ആണോന്ന്, അല്ലെങ്കിൽ യഥാർത്ഥ ലക്ഷ്യമാണോന്ന്?\'\"

\"എനിക്കുറപ്പാണ് അതെന്റെ ലക്ഷ്യം തന്നെയാണ് യാൻ,എന്റെ ചെയ്തികളാണ് എന്റെ ശരി.മറ്റാര് പറഞ്ഞാലും അതിൽ നിന്ന് ഞാൻ പിന്മാറില്ല\"

\"നീ പറയുന്നതിന് ഒരർത്ഥവുമില്ല റൂഹി. സ്വന്തം അമ്മയെ നേടിയെടുക്കാനുള്ള യുദ്ധമാണ് എന്റേത് എന്നാൽ നിന്റേതോ? എന്നിൽ നിന്നത് തട്ടിപ്പറിക്കാനല്ലേ നീ ശ്രമിക്കുന്നത്. അതും ഒരു മനുഷ്യന് വേണ്ടി.\"

പുച്ഛം തോന്നിയിരുന്നു യാനിന് റൂഹിയോട് അവരുടെ സംസാരങ്ങൾ ശ്രവിച്ചു കൊണ്ട് ദിനു ഓരോരത്തായി ഇരുന്നു.

\"വെറും മനുഷ്യന് വേണ്ടിയല്ല യാൻ, സ്നേഹിക്കുന്ന പ്രണയിക്കുന്ന ഹൃദയങ്ങൾക്ക് വേണ്ടിയാണ്.അവരുടെ പ്രണയത്തിന്റെ നില നിൽപ്പിന് വേണ്ടിയിട്ടാണ്.\"

\"റൂഹി..നീ..നിനക്കറിയില്ലേ വിലക്കപ്പെട്ടതാണെന്ന്.നടക്കില്ല റൂഹി. നീയെന്തൊക്കെ ചെയ്താലും ഈ യഹാനയിൽ നിന്നും എന്റെ ജിഹമ്മയെ നീയൊക്കെ പറയുന്ന ആ ക്രൂര മനുഷ്യന് വിട്ടു കൊടുക്കില്ല ഞാൻ.ഞാൻ ഇരുപത് വർഷം കാത്തിരുന്നിട്ടുണ്ടേൽ ഇരുപത് ദിവസങ്ങൾ കൊണ്ട് നേടിയെടുക്കാനും ഈ യാനിനറിയാം.\"

അവൾക്ക് നേരെ കയ്യുയർത്തി കൊണ്ട് കുത്തുന്നപ്രകാശം അവളിലേക്ക് തൊടുത്തു വിട്ടു കൊണ്ട യാൻ പറഞ്ഞു നിർത്തി.

വിറക്കുന്നുണ്ടായിരുന്നു അവൾ.
അവളുടെ കണ്ണുകൾ നിറയെ പകയും കോപവും മാത്രമായിരുന്നു.സ്വന്തം അമ്മയെ തട്ടിയെടുത്ത മനുഷ്യനോടുള്ള പക മാത്രമായിരുന്നു.
എങ്ങനെ ഒരു ഹൃദയത്തിന് ഇത്രമാത്രം സ്വാർത്ഥയാകാൻ കഴിയുമെന്ന് ആലോചിക്കുവായിരുന്നു യാൻ.
അവളിലെ ദേഷ്യം പോലെ അവിടം മുഴുവൻ പച്ചനിറത്തിലുള്ള പ്രകാശം പരന്നു.

\"നീ വിചാരിക്കുന്നതൊന്നും നടക്കില്ല യാൻ,എനിക്ക് ഒരേയൊരു ഘട്ടം മാത്രമേ ഉള്ളു. പക്ഷെ നിനക്കങ്ങനെയല്ല,ജിഹമ്മയെ നീ ഇരുപത് ദിവസമല്ല ഇരുപത് നൂറ്റാണ്ട് തേടിയാലും നീ കാണില്ല.\"

\"എല്ലാം നിന്റെ തോന്നൽ മാത്രമാണ് റൂഹിയാ..അവളെ ജിഹമ്മ ഓർക്കുന്ന കാലത്തോളം അവളുടെ നേട്ടം വിദൂരമല്ല.\"

അത് വരെ മൗനം പാലിച്ചിരുന്ന ദിനു പറന്നുയർന്നു കൊണ്ട് റൂഹിയുടെ മുന്നിലേക്ക് വന്നു നിന്ന് പറഞ്ഞു.മറുപടിയൊന്നും പറയാതെ ഉദ്ദേശിച്ചത് നടക്കാത്ത ദേഷ്യത്തിൽ റൂഹി അവിടെ നിന്നും അപ്രത്യക്ഷമായി.

\"യാൻ നീ പോയി റെസ്റ്റെടുക്ക്..നാളെ ഭൂമിയിലേക്ക് പോവേണ്ടതാണ്.\"

യാനിനെ മുറിലേക്ക് പറഞ്ഞയച്ചുകൊണ്ട് ദിനു മരത്തിന് കീഴിലായി തന്നെ ഇരുന്നു.

സ്വന്തം മുറിയിലേക്ക് പോകാതെ യാൻ പോയത് ബദിയുടെ റൂമിലേക്കാണ്.
അവർ സുഖമായ നിദ്രയിലായിരുന്നു.
വെള്ളയും ചുവപ്പും നിറത്തിലുള്ള വസ്ത്രമായിരുന്നു അവരുടേത്.മുറ്റത്തുള്ള മരത്തിലെ പൂക്കളുടെ ചിത്രങ്ങൾ അവിടെയും ഇവിടെയുമായി അതിലുണ്ട്.
അത് പോലെ മുകൾ ഭാഗം ചുവപ്പും താഴ്ഭാഗം വെളുപ്പും നിരത്തിലാണവളുടെ മുടി.

അവരെ നോക്കി കൊണ്ട് യാൻ ശബ്ദമുണ്ടാക്കാതെ അവരുടെ അടുത്തേക്ക് ചുരുണ്ടു കൂടി കിടന്നു.
ആ മുറി അവൾക്കെന്നുമൊരു ആശ്വാസമാണ്.പ്രിയപ്പെട്ടതിന്റെ ഓർമ്മകൾ തങ്ങി നിൽക്കുന്നയിടം.


(തുടരും)

കുഞ്ഞിയത് ആണ് ട്ടോ🪻👩🏼‍🦯